🔴 Ўзбекистон – Венгрия: Фармацевтика соҳасида халқаро ҳамкорлик

📌 Жорий йилнинг 20 май куни Венгрияга хизмат сафари доирасида Фармацевтика тармоғини ривожлантириш агентлиги директори Абдулла Азизов “Egis Pharmaceuticals” компанияси раҳбарияти билан учрашув ўтказди.

✅ Учрашув чоғида инвесторлар учун мамлакатимизда яратилган имкониятлар, қулай бизнес юритиш муҳити ҳамда эркин иқтисодий зоналари ҳақида маълумот берилди. Шунингдек, шартнома асосида ишлаб чиқариш ва технологик трансфер имкониятлари муҳокама қилинди. Ушбу йўналишларда маҳаллий компаниялар билан ҳамкорлик қилишнинг афзалликлари алоҳида таъкидланди.

✅ Шу билан бирга, компания вакиллари билан Тошкентда бўлиб ўтадиган "IV Тошкент халқаро инвестиция форуми" доирасида учрашиб, ҳамкорлик масалаларини муҳокама қилишга келишиб олинди.

#Ўзбекистон #Венгрия #инвестиция #фармацевтика #халқаро #ҳамкорлик

Website | Telegram | Instagram | Facebook | Youtube

🔴 Ўзбекистон – Венгрия: Фармацевтика соҳасида халқаро ҳамкорлик

📌 Жорий йилнинг 21 май куни Венгрияга хизмат сафари доирасида Фармацевтика тармоғини ривожлантириш агентлиги директори Абдулла Азизов “University of Szeged” вакиллари билан учрашув ўтказди.

✅ Учрашувда Ўзбекистонда илмий изланишлар соҳасида амалга оширилаётган ишлар, эришилган ютуқлар, Европа илмий-тадқиқот марказлари билан интеграцияни кучайтиришга қаратилган ҳамкорлик механизмлари ҳамда яқин келажакка мўлжалланган стратегик режалар муҳокама қилинди.

✅ Шунингдек, Ўзбекистоннинг фармацевтика йўналишдаги ОТМ лари ва илмий изланиш марказлари ҳамда Венгрия томони ўртасида талабаларнинг амалиёт ўташини ташкил этиш, Ўзбекистонлик талабаларни грант дастурларига жалб этиш каби йўналишларда ҳамкорликда иш олиб бориш бўйича келишувга эришилди.

#Ўзбекистон #Венгрия #инвестиция #фармацевтика #халқаро #ҳамкорлик

Website | Telegram | Instagram | Facebook | Youtube