Жорий йилнинг 24-25 июл кунлари Польша фармацевтика саноати ассоциацияси президенти Кшиштоф Копец бошчилигида, Польша фармацевтика саноатидаги энг йирик компаниялар "Polpharma Group" ва "Адамед" вакиллари билан бирга Ўзбекистонга ташриф буюрди

Делегация илк манзили “Tashkent Pharma Park” инновацион илмий ишлаб чиқариш фармацевтика кластери бўлди. Меҳмонлар кластернинг инфратузилмаси, мавжуд лойиҳалари ва ривожланиш тамойиллари билан яқиндан танишдилар. Шунингдек, хорижий вакиллар кластерда яратилган шароит, инновацион технологиялар, қўшма тадқиқотлар ва ишланмалар имкониятларига алоҳида эътибор қаратди.

Кейинги манзил Соғлиқни сақлаш вазирилигида, вазир ўринбосари Фарходжон Ташпўлатов билан бўлди. Учрашув давомида, Ўзбекистоннинг фармацевтика соҳасидаги инвестициявий имкониятлари ва салоҳиятлари муҳокама қилинди. Делегация аъзолари “Tashkent Pharma Park” кластерини Польша ва Ўзбекистон ўртасида ушбу йўналишда ҳамкорлик қилишнинг бошланғич нуқтаси сифатида таъкидлади. Ф. Ташпўлатов делегация аъзоларига ҳукуматнинг фармацевтика соҳасини қўллаб-қувватлаш ва ривожлантириш режалари, шунингдек, хорижий инвесторларни жалб қилиш чоралари ҳақида батафсил маълумот берди.

Куннинг иккинчи ярмида компания вакиллари Инвестициялар, саноат ва савдо вазирининг ўринбосари Акрам Алиев билан учрашув ўтказди. Унда, мамлакатнинг фармацевтика соҳасидаги товар айланмаси, қўшни давлатлар билан ҳамкорлик қилиш ва ўзаро манфаатли лойиҳаларни ривожлантириш имкониятлари кўриб чиқилди. Шунингдек, ушбу жараённинг шаффофлиги ва барқарорлигини таъминлаш масалалари муҳокама қилинди.

Навбатдаги учрашув «Фармацевтика маҳсулотлари хавфсизлиги маркази» ДМ директори билан бўлиб ўтди. Учрашувдан асосий мақсад, Польшада ишлаб чиқарилган дори воситаларини Ўзбекистонда рўйхатдан ўтказиш тартиблари ва талаблари ҳамда, бу жараённи Польша компаниялари учун осонлаштириш йўллари муҳокама қилинди. Муҳокамада, тезкорликни ва халқаро стандартларга мувофиқликни таъминлаш имкониятлари ва келгусида ахборот ва тажриба алмашиниш бўйича ҳамкорликни давом эттиришга келишиб олдилар.

Сўнги учрашув Фармацевтика тармоғини ривожлантириш агентлиги директори Абдулла Азизов ўртасида бўли ўтди. Унда, делегация вакиллари мавжуд муаммоларни ҳал қилиш бўйича амалий таклифларини билдирди. Икки томонлама ҳамкороликни яхшилаш бўйича қўшма ҳаракатлар тўғрисида қарор қабул қилинди. Ўзбекистонда фармацевтика саноатини ривожлантиришга қаратилган қўшма лойиҳалар ва ташаббусларни амалга ошириш бўйича аниқ қадамлар муҳокама қилинди. Агентлик директори ҳамкорликнинг муваффақиятли ривожланишига ишонч билдирди ва ҳар томонлама қўллаб-қувватлашга тайёр эканлигини таъкидлади.

Польша делегациясининг ташрифи якунида Ўзбекистондаги хорижий инвесторлар учун мавжуд имтиёзлар тўғрисида тўлиқ маълумот берилди. Делегация вакиллар инвестициявий имкониятларни ўрганиб чиқишларини ва яқин келажакда, Ўзбекистонда лойиҳаларни амалга оширишни режалаштирётганликларини маълум қилдилар, шунингдек, ўзбек мутахассисларини Европа мамлакатларида амалиёт ўташларига ёрдам беришга тайёрлигини билдирди.


📱 Website | 📱 Telegram |📱 Instagram | 📱 Facebook | 📱 Youtube

Фармацевтика тармоғини ривожлантириш агентлиги директори Абдулла Азизов Қорақалпоғистон Республикаси Нукус шаҳрида соҳада амалга оширилаётган қатор лойиҳалар билан танишди

26 июл куни "Nukus Medical Devices" корхонаси қурилиш объекти ҳамда, "Nukus Мed Tex" бир марталик шприцлар ишлаб чиқарувчи заводида бўлиб, олиб борилаётган иш жараёнларини ўрганиб чиқди.

"Nukus Мed Tex" корхонаси 2025 йилда, қиймати 3,5 миллион долларлик янги лойиҳани амалга ошириш натижасида кенгайтирилади.

Агентлик директори Нукус эркин иқтисодий зонаси ҳудудида 3 гектар ер майдонида қурилиши режалаштирилган “Ajiniyaz Qaraqalpaq” МЧЖ қаттиқ турдаги дори маҳсулотларини ишлаб чиқариш лойиҳаси билан танишди ва ўз ваколати доирасида амалий ёрдам беришга тайёр эканлигини билдирди.


📱 Website | 📱 Telegram |📱 Instagram | 📱 Facebook | 📱 Youtube

Бугун, “Tashkent Pharma Park” инновацион илмий ишлаб чиқариш фармацевтика кластерига Хитойнинг "Suzhou Yacoo Science Co., Ltd." копманияси президенти Yongkun Yuan ва бош директор ўринбосари доктор Juan Zhao ташриф буюрди

Учрашувда, Фармацевтика тармоғини ривожлантириш агентлиги директори Абдулла Азизов “Tashkent Pharma Park” ҳудудида амалга оширилаётган лойиҳалар ва уларнинг айни дамдаги бажарилиш ҳолати, ҳамда, кластер ва эркин иқтисодий зоналар бўйича маълумот берди.

Суҳбат сўнггида, компаниянинг мамлакатимизда фаол фармацевтик ингредиентлар ишлаб чиқариш учун инвестиция киритиш режалари борлиги маълум қилинди.


📱 Website | 📱 Telegram |📱 Instagram | 📱 Facebook | 📱 Youtube

Ҳудудларда ўрганишлар давом этмоқда


25 июл куни Фарғона вилояти Республика шошилинч тиббиёт илмий маркази Фарғона филиали биносида фармацевтика тармоғини ривожлантириш ва маҳаллий ишлаб чиқарувчиларни қўллаб-қувватлаш юзасидан йиғилиш бўлиб ўтди

Унда, вилоят Соғлиқни сақлаш бошқармаси бошлиғи, Фармацевтика тармоғини ривожлантириш агентлиги ва вилоят ҳокимлиги вакиллари, ҳамда, вилоятдаги даволаш-профилактика муассасалари, дори воситалари ишлаб чиқарувчи тадбиркорлик субъектлари вакиллари иштирок этди.

Вилоятда профилкатика муассасаларини фармацевтика маҳсулотлари билан таъминлаш, уларнинг талабларга мувофиқ шароитларда сақланиши ва беморларга етказиб берилиши юзасидан камчиликлар аниқланди. Жумладан, кўплаб муассасалар дориларни сақлаш учун кондиционер ва музлаткичлар ва бошқа ускуналар билан таъминланмаганлиги аниқланди.


📱 Website | 📱 Telegram |📱 Instagram | 📱 Facebook | 📱 Youtube

Ҳудудларда ўрганишлар давом этмоқда

Сурхондарё вилояти Соғлиқни сақлаш бошқармаси биносида, Фармацевтика кенгаши аъзолари, ҳокимлик вакиллилари, солиқ бошқармаси ходимлар ва туман тиббиёт бирлашмалари бош шифокорлари иштирокида йиғилиш бўлиб ўтди.

Йиғилишда, 23-25 июл кунлари Фармацевтика тармоғини ривожлантириш агентлиги ходимлари томонидан олиб борилган ўрганишларда аниқланган, ҳудуддаги ишлаб чиқарувчиларнинг муаммолари, дорихоналар фаолияти кузатилаётган камчиликлар, тиббиёт муассасалари дорихоналаридаги ҳолатлар тўғрисида кенгаш аъзоларига маълумотлар берилди, ҳамда, муаммоларни бартараф этиш бўйича масъул шахслар тайинланиб, уларга тегишли вазифа юклатилди.

Бундан ташқари, Сурхондарё вилоятидаги мавжуд тармоқли дорихоналарда GPP сертификатини жорий этиш масаласини тезроқ амалга ошириш учун ҳокимлик вакиллари ва солиқ бошқармаси вакиллари билан биргаликда ишлаш тўғрисида ҳам келишиб олинди.


📱 Website | 📱 Telegram |📱 Instagram | 📱 Facebook | 📱 Youtube