The Con Artists (2014)

IMDB (6.5/10)

၂၀၁၄ ခုနှစ်ကိုရီးယားရုပ်ရှင်တွေထဲ အောင်မြင်မှုတော်တော်များများရခဲ့ပြီး မြောက်အမေရိက၊ ထိုင်၀မ်၊ တရုတ်၊ ဟောင်ကောင်၊ စင်ကာပူ၊ဗီယက်နမ်တို့မှာပါ ပြသခဲ့တဲ့ ရုပ်ရှင်ဇာတ်ကားပါ

မင်းသား ကင်ဝူဘင်ကို အများကြီးအောင်မြင်ခဲ့စေတဲ့ဇာတ်ကားဖြစ်ပြီး Professional ​ဖောက်ထွင်းရေးသမားတစ်ဦးနဲ့ အစီအစဉ်ချတဲ့ သူ့သူငယ်ချင်းတစ်ဦးတို့ လုပ်ငန်းတစ်ခုကို လူမိုက်ခေါင်းဆောင်တစ်ဦးက လာအပ်ရာက စတင်ခဲ့တဲ့ဇာတ်ကားဖြစ်ပါတယ်

ခက်ခဲလှတဲ့ လုပ်ငန်းကို အကောင်အထည်ဖော်ဖို့ ဟက်ကာတစ်ဦးကိုလည်း သူတို့ခေါ်ယူခဲ့ရပြီး လူမိုက်အဖွဲ့က ခိုင်းတဲ့အလုပ်ကိုလုပ်ပြီးရာမှာတော့ သူတို့ပါ အသက်ဘေးအန္တရာယ်နဲ့ကြုံလာရပါတော့တယ်

ဒီဇာတ်ကားကို Personal အရပြောရရင်တော့ ကိုရီးယားရုပ်ရှင်တွေထဲ အတော်သဘောကျမိတဲ့ဇာတ်ကားဖြစ်ပြီး ဇာတ်သိမ်းပိုင်းမှာလည်း ဟောလိဝုဒ်ကားတွေထက်မနိမ့်တဲ့ လှည့်ကွက် မြှုပ်ကွက်မျိုးနဲ့
ပရိသတ်ကိုဖမ်းစားသွားတဲ့ကားပါ

ဒရာမာလည်းမဟုတ် ဝုန်းဝုန်းဒိုင်းဒိုင်းလည်းမဟုတ်ပဲ တစ်ကားလုံး စိတ်၀င်စားစရာအပြည့်နဲ့ ဇာတ်အိမ်ဖွဲ့ထားတာမို့ သဘောကျကြမှာ သေချာပါတယ်

#Crd

The Hole in the Ground (2019)

ဆာရာဆိုတဲ့ အမျိုးသမီးတစ်ယောက်ဟာ ခင်ပွန်းသည်ရဲ့နှိပ်စက်မှုကြောင့် လူမမယ်သားငယ်ခရစ်ကို လက်ဆွဲပြီး တစ်နယ်တစ်ကျေးကိုထွက်ပြေးလာခဲ့တဲ့တယ်…ပြောင်းလာပြီးသိပ်မကြာခင်မှာပဲ သူမအတွက် အရမ်းထိတ်လန့်စရာ တစ်ခုထပ်ကြုံရပြန်တယ်…
အဲ့ဒါကတော့  အိမ်နီးချင်း စိတ်မနှံသူအဖွားကြီးရဲ့ ကြောက်ရွံဖွယ်နောက်ခံဇာတ်လမ်းတစ်ပုဒ်ကို သူမ.. သိလိုက်ရတယ်…သူမ အဲ့ဒီအဖွားကြီးနဲ့ ထိတ်တိုက်မတွေ့ချင်ပေမယ့်လည်း တွေ့ခဲ့ရသလို သားငယ်ကလည်း တနေ့တစ်ခြားအမူအကျင့်တွေထူးခြားလာတယ်…. ..အဖွားကြီးက ဘာကြောင့် အရမ်းကြောက်စရာကောင်းတာလဲ….သူ့သားလေးကလည်း ဘယ်လိုတွေပြောင်းလဲလာတာလဲ….Horror ကားကြိုက်သူတွေ ခံစားကြည့်လိုက်ပါဦး..

#Crd

Found [2012]

IMDB: 5.8/10

ဒီကား‌က‌တော့ဆု25ဆုရထားပြီး
စံကာတင်8ဆုအထိပါထားတဲ့ Horror ကားလေးဘဲဖြစ်ပါတယ်

Horror ကားတွေကြိုက်တဲ့ကောင်လေးတစ်ယောက် သူအကိုကွင်းဆက်လူသတ်သမားမှန်းမထင်မှတ်ပဲသိလိုက်တဲ့အခါ သူအကိုလှို့ဝှက်ချက်ကိုသူဖုံးကွယ်ထားနိုင်မှာလား သူ့လှို့ဝှက်ချက်ကိုသိသွားတဲ့ညီဖြစ်သူကိုကောအကိုဖြစ်သူကဘယ်လိုတုံ့ပြန်မှာလဲဆိုတာတွေကိုကြည့်ရှူရမှာဘဲဖြစ်ပါတယ်

သတ်ခန်းဖြတ်ခန်းတွေကြိုက်နှစ်သက်တဲ့သူတွေအတွက်ကြည့်သင့်တဲ့ဇာတ်ကားတစ်ကားဖြစ်ပါတယ်

#Crd

House of Darkness (2022)

ဘဝမှာ ကြောက်ဖို့ကောင်းတဲ့သရဲကား၊ Horror Thriller အမျိုးအစားရုပ်ရှင်ကားမျိုးတွေအများကြီး ကြည့်ဖူးကြပါလိမ့်မယ်။ သိပ်မကြာသေးခင်ကမှ ထွက်ရှိထားတဲ့ House of Darkness ဆိုတဲ့ ရုပ်ရှင်ကားလေးကတော့ တမူထူးခြားတဲ့ Horror/Mystery အမျိုးအစားရုပ်ရှင်ကားဖြစ်တယ်ဆိုတာ အာမခံပါရစေ။
ရုပ်ရှင်တစ်ကားလုံးမှာ အဓိကဇာတ်ဆောင် ၂ ယောက်နဲ့ အရန်မင်းသမီး ၂ ယောက်သာပါဝင်တဲ့ ဒီရုပ်ရှင်ကားဟာ ကြည့်ရှုသူတွေရဲ့ စိတ်ကိုမရိုးမရွဖြစ်အောင်ဖန်တီးပေးမှာသေချာပါတယ်။ အစပိုင်းမှာတော့ ပျင်းဖို့ကောင်းတယ်လို့ ထင်ရကောင်းထင်ရနိုင်ပေမယ့် အချိန်ကြာလာလေလေ သိချင်စိတ်ပိုများလာအောင် စွဲဆောင်သွားပါလိမ့်မယ်။

ဇာတ်လမ်းအကျဉ်းအနေနဲ့ကတော့ ဟက် ဆိုတဲ့အမျိုးသားတစ်ဦးဟာ မီနာ ဆိုတဲ့ အမျိုးသမီးငယ်လေးတစ်ဦးကို ဘားမှာတွေ့ပြီး အိမ်ပြန်ပို့ပေးရာကနေစတင်ထားပါတယ်။ အိမ်ဆိုတာကလည်း ရဲတိုက်ကြီးဖြစ်ပါတယ်။ ရဲတိုက်ကြီးဆီအရောက်မှာတော့ မောင် Hap ဟာ ယောင်္ကျားတို့ထုံး နှလုံးမူပြီး Mina ကိုအရကြံဖို့ သိုင်းကွက်ပေါင်းစုံခင်းပါတော့တယ်

#Crd

Oculus (2013)

IMDb 6.5/10
Horror Mystery

ကြည့်ရင်းကြည့်ရင်းနဲံ့ ကြောက်သထက်ကြောက်လာရမယ့်ဇာတ်လမ်းပါ။
ထင်ယောင်ထင်မှားဖြစ်တာလား? သရဲတကယ်ခြောက်တာလား?ဆိုတာကို ဇာတ်လမ်းကြည့်ရင်း အဖြေရှာရမယ့်ကားပါ။ကြောက်စိတ်ဆိုတာ…..ထင်ယောင်ထင်မှားဖြစ်တာကနေအစပြုတာများပါတယ်။မှန်ထဲမှာရှိတဲ့ ပုံရိပ်ဟာ ပုံရိပ်ယောင်ပါ။ပုံရိပ်ယောင်ကနေ မှန်ကြည့်နေတဲ့လူကိုပူးကပ်လာလေမလားလို့ စိတ်ကူးယဉ်ဖူးပါသလား?တကယ်ကို ပူးကပ်လာခဲ့တဲ့အခါဘာတွေဆက်ဖြစ်လာမှာလဲ?သရဲပူးကပ်နေတဲ့မှန်က လူကိုဘယ်လိုများခြောက်လှန့်မယ်လို့ ထင်ပါသလဲ?သရဲပူးကပ်နေတဲ့မှန်ကိုသိပ္ပံနည်းကျနဲ့ ဖြေရှင်နိုင်မယ်လို့ ထင်ပါသလား?

#Crd

Crater 2023 HD

၂၂၉၇ ခုနှစ်မှာတော့လူသားတွေဟာစွမ်းအင်အရင်းအမြစ်အတွက်လကမ္ဘာပေါ်မှာမိုင်းတူးခြင်းလုပ်ငန်းတွေကိုဆောင်ရွက်လာနိုင်ကြပါတယ်။
မိုင်းတွင်းလုပ်သားတွေဟာနှစ် ၂၀ တိတိမဖြစ်မနေလပေါ်မှာတာဝန်ထမ်းဆောင်ပြီးမှအိုမီဂါဆိုတဲ့ကိုလိုနီဂြိုဟ်တစ်ခုဆီရွှေ့ပြောင်းခွင့်ရပါတယ်။
အကယ်၍မိုင်းတွင်းလုပ်သားမိဘကတာဝန်ချိန်နှစ် ၂၀ မပြည့်ခင်သေဆုံးခဲ့ရင် သားသမီးက ၁၈ အောက်နှစ်ဆိုလက်ကျန်နှစ်နဲ့
၁၈ ကျော်ရင်ကိုယ်ပိုင်နှစ် ၂၀ ဆက်တာဝန်ထမ်းဆောင်ရပါတယ်။
အသက် ၁၈ မပြည့်ခင်မိဘတွေဆုံးသွားတဲ့ ကေလာ့ဘ်ဆိုတဲ့ကောင်လေးကတော့
မိဘတွေရဲ့နောက်ဆုံးဆန္ဒအရအိုမီဂါဂြိုလ်ဆီအပြီးတိုင်ပြောင်းရွှေ့ရပါတော့မယ်။
အဲ့ဒီလိုပြောင်းရွှေ့ဖို့ရက်အနည်းငယ်အလိုမှာပဲ အချစ်ဆုံးသူငယ်ချင်းတွေနဲ့အတူလကမ္ဘာပေါ်က
ဒဏ္ဍာရီဆန်ဆန်ချိုင့်ခွက်ကြီးတစ်ခုဆီစွန့်စားခန်းထွက်ကြပုံကို စိတ်လှုပ်ရှားဖွယ်တင်ဆက်ထားတဲ့
လူငယ်ဆန်ဆန်ဒီရုပ်ရှင်လေးကိုရှုစားအားပေးကြပါဦး#crd

My Oni Girl (2024)

Review
ခံစားချက်ကို မဖွင့်ပြောဘဲ မျိုသိပ်ထားတဲ့လူတွေက တစ်ချိန်ကျရင် Oni(ဘီလူး) ဖြစ်သွားတတ်တယ်တဲ့။ဒီကားလေးမှာတော့ ကိုယ်ဖြစ်ချင်တာတွေကို ရဲရဲ မဖွင့်ပြောနိုင်တဲ့ Hiiragi Yatsuse ဆိုတဲ့ကောင်လေးဟာ ကိုယ့်ခံစားချက်တွေ မျိုသိပ်ထားတတ်တော့ လူတစ်ကာရဲ့ အသုံးချတာတွေ စေခိုင်းမှုတွေကို ခံနေရတဲ့သူပေါ့။

အဲ့လိုကောင်လေးက တစ်နေ့ တက်တက်ကြွကြွနေတတ်ပြီး ဖြစ်ချင်တာကို ပွင့်ပွင့်လင်းလင်းပြောတတ်တဲ့ Oni မလေး Tsumugi နဲ့ အမှတ်မထင် တွေ့ဆုံခဲ့ကြလေရဲ့။ Tsumugi လူသားတွေ နေတဲ့နေရာကိုလာရတဲ့ အကြောင်းအရင်းက ငယ်ငယ်က သူ့ကိုထားခဲ့တဲ့ အမေဖြစ်သူကို ရှာဖို့ပါ။

Hiiragi တစ်ယောက် အမျိုးမျိုးသော အကြောင်းတွေကြောင့် Tsumugi ကို ကူညီဖို့ဆုံးဖြတ်ခဲ့ပါတယ်။ ခံစားချက်တွေကို ဖုံးကွယ်တတ်လွန်းလို့ Oni ဖြစ်ဖို့နီးနေတဲ့ Hiiragi တစ်ယောက် Tsumugi ဆိုတဲ့ဖြစ်တည်မှုလေးကြောင့် ပြောင်းလဲသွားမလား...နောက်ပြီး Tsumugi ရဲ့ အမေဖြစ်သူကို ရှာဖို့သွားတဲ့ ခရီးတစ်လျောက် ဘယ်လို အရာမျိုးလေးတွေနဲ့ ကြုံတွေ့ရမလဲဆိုတာကိုတော့....

#crd

Sweet Home (2024)S3
ပြီးဆုံးနိုင်သေးတဲ့ မကောင်းဆိုးဝါးကပ်ကြီးအတွင်းမှာ
မကောင်းဆိုးဝါးတွေရဲ့ ဝါးမြိုမှုကို ခံလိုက်ရတဲ့
ဟျွန်းဆူဟာ သူ့ရဲ့ လူသားပုံစံအစစ်အမှန်ကို ပြန်လည်ရရှိဖို့
ကြိုးစားလျက်ရှိပြီး ဖြောင်းဆန်းအုရဲ့ ခန္ဓာကိုယ်ထဲ ဝင်ရောက်နေတဲ့
နမ်ဆန်ဝန်းကတော့ သူရဲ့ရည်ရွယ်ချက်ပြည့်မြောက်ဖို့အတွက်
အသက်ရှင်ကျန်သူတွေနေထိုင်နေတဲ့ နေရာဆီကို သူရဲ့အဖွဲ့နဲ့အတူသွားခဲ့ပါတယ်။
ရှေ့တုန်းက စည်းမျဉ်းတွေနဲ့ မတူညီစွာဘဲ ရောဂါလက္ခဏာပြသူတွေ အဆင်ပြေစေဖို့
သမာရိုးကျမဟုတ်တဲ့ ကုသနည်းတစ်ခုကို တင်ပြလာကြတဲ့အပြင်
ယခုလက်ရှိနေထိုင်လျက်ရှိတဲ့နေရာတွေကလည်း မလုံခြုံတော့တဲ့အခါ
လူသားတွေနဲ့ မကောင်းဆိုးဝါးအကောင်တွေရဲ့ နယ်နိမိတ်မျဉ်းအကြား
ရွေးချယ်မှုတွေပြုလုပ်ရမဲ့ သူတို့…
ရင်ဆိုင်ကြုံတွေ့ရမဲ့ အခက်အခဲတွေပြဿနာတွေဟာ ဒီ season မှာ
ဘယ်လိုအဆုံးသတ်သွားမလဲ..။
ဟျွန်းဆူကရော သူ့နဂိုမူလ လူသားတစ်ယောက်အတိုင်း ပြန်ဖြစ်ဖို့
ဘယ်လို ကြိုးစားရုန်းကန်သွားကြမလဲဆိုတာကိုတော့#crd

(အညွှန်းကိုတော့ Theint မှ ရေးသားထားပါတယ်။)
 
Season 2 အညွှန်း 👇

https://t.me/UPDATE_review/546

Scouts Guide to the Zombie Apocalypse (2015)

ဒီကားလေးက Horror Comedy ကားလေးပါ။
ကင်းထောက်ကျောင်းသားလေးသုံးယောက်နဲ့ Club မှာစားပွဲထိုးလုပ်တဲ့ကောင်မလေးတစ်ယောက်ရယ်ကိုအဓိကထားပြီးဇာတ်အိမ်တည်ထားတာပဲဖြစ်ပါတယ်။
ဇာတ်လမ်းအစက..
အဲ့မြိုမှာရှိတဲ့ဓာတ်ခွဲခန်းတစ်ခုမှာရှိတဲ့လူနာတစ်ယောက်ကနေစပြီး Virus ကပြန့်တာပဲဖြစ်ပါတယ်။
တိုက်တိုက်ဆိုင်ဆိုင် အဲ့ကျောင်းသားသုံးယောက်တောထဲမှာ Camping ထွက်တဲ့နေ့မှာဖြစ်တာဖြစ်ပြီးကျောင်းက Senior အချိုကလည်းညမှာ Party ကျင်းပနေတဲ့အချိန်မှာစဖြစ်တာပဲဖြစ်ပါတယ်။
ဇာတ်ကားက Horror ဆိုတာထက် Comedy ပိုင်းပိုများပါတယ်။
*မှတ်ချက်* မိသားစုနဲ့ကြည့်ရတာအဆင်ပြေမဲ့ကားမဟုတ်ပါဘူး။
ဒီထဲကComedyအချိုက18+အရမ်းဆန်ပါတယ်။
ဒီကားကယောက်ျားလေးတွေအတွက်ပိုပြီးအဆင်ပြေပါတယ်။
မိန်းကလေးတွေအနေနဲ့ဆိုနည်းနည်းတော့ဒါကဟာသသက်သက်ပဲဆိုပြီးအတွေးထည့်ထားမှကြည့်ဖိုအဆင်ပြေပါမယ်။
Castတွေကတော့အဲ့တုန်းကမျက်နှာသစ်လေးတွေဖြစ်တဲ့ Men Apocalypse နဲ့Dark Phoenix မှာCyclops အနေနဲ့ပါဝင်ဖူးတဲ့Tye Sheridanရယ်၊Escape Roomထဲမှာပါဝင်ဖူးတဲ့Logan Millerရယ်၊Joey Morgansရယ်၊Sarah Dumontတိုကအဓိကသရုပ်ဆောင်ထားပါတယ်။

#Crd

Unwelcome 2022

သိပ်ချစ်ကြတဲ့လင်မယားနှစ်ယောက် ဂျေမီနဲ့မာယာတို့ဟာ သူတို့ရဲ့ပထမဆုံးကလေးကိုရဖို့မျှော်လင့်နေတဲ့အချိန် သူတို့မျှော်မှန်းထားတဲ့အတိုင်းပဲ မာယာ့မှာကိုယ်ဝန်ရှိလာပါတယ်။ ဒါပေမဲ့ ကိုယ်ဝန်ရှိတာကိုသိလိုက်ရတဲ့အဲဒီညမှာပဲ လူရမ်းကားတစ်အုပ်စုရဲ့ အသက်အန္တရာယ်ခြိမ်းခြောက်တာကို ခံလိုက်ရပါတယ်။ ကလေးလေးမွေးလာမဲ့အချိန် အဲဒီလိုခြိမ်းခြောက်မှုတွေထပ်မခံရအောင် သူတို့နှစ်ယောက် လန်ဒန်ကနေထွက်လာပြီး ဂျေမီရဲ့အဒေါ် အမွေချန်ထားခဲ့တဲ့အိမ်နဲ့ခြံမှာသွားနေဖို့ စီစဉ်လိုက်ပါတယ်။ အဲဒီအိမ်က မြို့ပြနဲ့ဝေးရာ ကျေးရွာတစ်ခုမှာရှိနေတာဖြစ်ပြီး ခြံအနောက်ဘက်မှာ သစ်တောကြီးတစ်ခုလည်းရှိပါတယ်။ ရွာသားတွေရဲ့သတိပေးချက်ကြောင့် အဲဒီတောထဲမှာ မှင်စာလိုထူးဆန်းတဲ့သတ္တဝါတွေနေထိုင်ပြီး သူတို့ကိုအကူအညီတောင်းတဲ့အခါ တန်ကြေးကြီးကြီးမားမားနဲ့ ပြန်ပေးဆပ်ရတယ်ဆိုတာကို သူတို့သိလိုက်ရပါတယ်။ ယုံတမ်းလိုဖြစ်နေတဲ့အဲဒီအကြောင်းကို သိပ်မယုံခဲ့ကြတဲ့ ဂျေမီနဲ့မာယာ မကြိုဆိုခဲ့ကြတဲ့ဘယ်လိုအန္တရာယ်တွေနဲ့ကြုံတွေ့ပြီး အဲဒီထူးဆန်းတဲ့သတ္တဝါတွေနဲ့ ရင်ဆိုင်သွားရမလဲဆိုတာကို Horror ဆန်ဆန်ရိုက်ကူးထားတာပါ

#Crd

Jade (2024)

ဂျိတ်နဲ့သူ့အကိုဘရန်တို့ဟာ ငယ်ငယ်ကတည်းမိဘတွေကွယ်လွန်ခဲ့ပြီး အဖွဲ့စည်းတစ်ခုတည်းဝင်ခဲ့တယ် မစ်ရှင်တွေလုပ်ရင် ဂျိတ်ဟာသူ့အကို ဘရန်ကိုမတော်တဆတိုက်ခိုက်မိခဲ့တယ် အဲ့ကတည်းကဂျိတ်ကအဖွဲ့ထဲထွက်ခဲ့ပြီး သေနတ်ဘယ်တော့မှမကိုင်တော့ပါဘူး
ဒါမဲ့တစ်နေ့မှာတော့သူ့သူငယ်ချင်းလိုဂန်ကသူ့ဆီ စတစ်ပြားပါတဲ့ အမဲရောင်ဘူးလေးတစ်ဘူးပေးခဲ့ပါတယ် အဲ့အချိန်ကစပြီး သူ့နောက်ကိုဂိုဏ်းတွေကလိုက်ခဲ့ကြပြီး သူထွက်ပြေးနေခဲ့ပါတယ် သူလွတ်မြောက်မလားဖမ်းရမလားဆိုတော့ ကြည်ှရှူခံစားကြည့်လိုက်ကြပါရှင်
 
#crd_org_owner

The Hole in the Ground (2019)

ဆာရာဆိုတဲ့ အမျိုးသမီးတစ်ယောက်ဟာ ခင်ပွန်းသည်ရဲ့နှိပ်စက်မှုကြောင့် လူမမယ်သားငယ်ခရစ်ကို လက်ဆွဲပြီး တစ်နယ်တစ်ကျေးကိုထွက်ပြေးလာခဲ့တဲ့တယ်…ပြောင်းလာပြီးသိပ်မကြာခင်မှာပဲ သူမအတွက် အရမ်းထိတ်လန့်စရာ တစ်ခုထပ်ကြုံရပြန်တယ်…
အဲ့ဒါကတော့  အိမ်နီးချင်း စိတ်မနှံသူအဖွားကြီးရဲ့ ကြောက်ရွံဖွယ်နောက်ခံဇာတ်လမ်းတစ်ပုဒ်ကို သူမ.. သိလိုက်ရတယ်…သူမ အဲ့ဒီအဖွားကြီးနဲ့ ထိတ်တိုက်မတွေ့ချင်ပေမယ့်လည်း တွေ့ခဲ့ရသလို သားငယ်ကလည်း တနေ့တစ်ခြားအမူအကျင့်တွေထူးခြားလာတယ်…. ..အဖွားကြီးက ဘာကြောင့် အရမ်းကြောက်စရာကောင်းတာလဲ….သူ့သားလေးကလည်း ဘယ်လိုတွေပြောင်းလဲလာတာလဲ….Horror ကားကြိုက်သူတွေ ခံစားကြည့်လိုက်ပါဦး..

#Crd

Occupation: Rainfall (2020)
=======================

IMDB (5.2/10)

အခုဇာတ်လမ်းလေးက ၂၀၁၈ လောက်က ထွက်ခဲ့တဲ့ Occupation ကားရဲ့အဆက်ဖြစ်ပြီး ဇာတ်လမ်းရဲ့ မူလအရသာမပျောက်သွားအောင် Home and Away နဲ့နာမည်ကျော်ခဲ့တဲ့ ဩစတြေးလျမင်းသား Dan Ewing ကပဲ အခုဒုတိယအတွဲမှာ ပြန်လည်သရုပ်ဆောင်ခဲ့ပါတယ်

ပထမပိုင်းဖြစ်တဲ့ Occupation မှာတော့ ကျူးကျော်လာသူ ဂြိုလ်သားတွေကို ပြန်လည်တိုက်ခိုက်ဖို့ လူသားမျိုးနွယ်တွေအချင်းချင်းမဟာမိတ်ဖွဲ့ပြီးပြင်ဆင်ခဲ့ပါတယ်

မဟာမိတ်အဖွဲ့တိုက်ခိုက်ပြီး လူသားမျိုးနွယ်ထဲကို ဂြိုလ်သားတွေရောနှောပေါင်းစပ်လာတော့မှ ရင်ခုန်စရာကောင်းအောင် အဆုံးသတ်သွားပြီးနောက် အခု ၂၀၂၁ မှာတော့ ဒုတိယအပိုင်းထွက်ရှိလာခဲ့ပါပြီ

ကမ္ဘာမြေပေါ်ကို ဂရေးလို့ခေါ်တဲ့ ဂြိုလ်သားအုပ်စုကြီး ဆင်းသက်လာတဲ့အချိန်ကစပြီး ကမ္ဘာကြီးမှာ သေဆုံးတဲ့သူတစ်ဖြေးဖြေးများပြားလာပါပြီ

အဲ့ဒီ ဂရေးတွေ ဘာလို့ ဒီလောက်သဲကြီးမဲကြီး ကမ္ဘာမြေပေါ်ကို ကျူးကျော်တိုက်ခိုက်ရန်လာလည်းဆိုတာ အဖြေရှာမရဖြစ်နေပါတယ်

ဒီလိုသွေးစွန်းနေတဲ့အဖြစ်အပျက်တွေကို ကြည့်မနေနိုင်တဲ့ စိတ်ထားကောင်းတဲ့ ဂရေးအုပ်စုကလည်း လူသားမျိုးနွယ်နဲ့ပူးပေါင်းသွားကြပါတယ်

   #Crd

မိဘတွေက စွန့်ပစ်လိုက်ချိန်
ချစ်ရသူက ထားသွားခဲ့ချိန်
ဘ၀ကြီးလည်း ဆက်ရန်မရှိတော့တဲ့အချိန်မှ
ကိုယ့်ရပ်၀န်းထဲကို ပိုင်စိုးပိုင်နင်း၀င်လာတဲ့ မင်း။

ဂေးဖြစ်တာကိုလက်ခံမပေးနိုင်တဲ့ မိသားစုရဲ့စွန့်ပစ်မှု
ညားခါစဘဲက ပစ်ပစ်ခါခါလုပ်သွားမှုတွေကြောင့်
အမှိုက်တစ်ခုလိုဘ၀ကိုရောက်သွားရတဲ့ "Chihiro"

အမှိုက်လိုဘ၀ဆိုတာ အပိုမပြောဘူးနော်။
တကယ်ကြီးလည်း မနက်နိုးလာတော့
လူကိုယ်တိုင်ပါ အမှိုက်ပုံပေါ်ရောက်နေသတဲ့လေ။

နေပါဦး!
မနေ့ညက ဘားမှာမူးရူးနေတုန်း
အသက်ငယ်ငယ်ကောင်လေးနဲ့ မျက်မှန်းတန်းမိခဲ့တယ်။
စကားတွေဖောင်ဖွဲ့ရင်းက
ဟိုတယ်ခန်းတစ်ခုဆီ ပါသွားခဲ့သေးတာ။

နောက်တော့ နောက်တော့ရော...
ကောင်းခန်းရောက်မှ အဲဒီကောင်လေးက
သူနဲ့လောကကြီးကို အဆက်ပြတ်အောင်လုပ်သွားတာပဲ !!!

#Crd

The Killer's Game (2024)

ထိပ်တန်းလုပ်ကြံရေးသမား ဂျိုးဟာ မကြာခဏခေါင်းကိုက်ဝေဒနာခံစားနေရလို့ ဆေးရုံစစ်ဆေးမှုခံယူလိုက်တဲ့အခါ ကုသနည်းမရှိတဲ့ဦးနှောက်ရောဂါတစ်ခုဖြစ်ကြောင်းသိလိုက်ရပါတယ်။ သက်တမ်းကလည်း ၃ လပဲကျန်တော့မယ်ဆိုတော့ လူကြမ်းကြီးရဲ့ဆုံးဖြတ်ချက်က လူမမာလိုနေပြီး သေဖို့အချိန်မစောင့်တော့ဘဲ လုပ်ကြံရေးသမားငှါးပြီး သူ့ကိုသတ်ခိုင်းဖို့စာချုပ်ချုပ်လိုက်ပါတယ်။
ဒါပေမဲ့ ကံကြမ္မာက ၃၆၀ ဒီဂရီလည်ပြီးပြောင်းလဲသွားချိန် သူ့မှာ ဘာရောဂါမှမရှိမှန်း သိလိုက်ရတော့ စာချုပ်ကိုပြန်ဖျက်ဖို့ပြောပေမဲ့ အရမ်းနောက်ကျသွားပြီ။ လုပ်ကြံရေးသမားတွေ အဖွဲ့လိုက်သူ့နောက်လိုက်လာကြတော့ လူကြမ်းကြီး တစ်ကိုယ်တော်ပွဲကြမ်းတော့မယ့် KILLER’S GAME .#crd

Transformers One (2024)

Transformers Universe ထဲက OPTIMUS PRIME နဲ့ MEGATRON ဇာတ်ကောင် ၂ ဦးတို့ရဲ့ ဇာတ်လမ်းအစကို သိရမယ့် Transformers One
စွန့်စားလိုစိတ်အမြဲအပြည့်နဲ့ အော်ရိုင်ရွန်ပက်စ်ဟာ သူတို့ဂြိုလ်မှာ ဟိုးတုန်းတည်းကပျောက်ကွယ်သွားတဲ့ ပရိုင်းမ်တွေနဲ့ အင်နာဂျွန်တွေကို အမြဲရှာဖွေနေသူပါ၊ သူနဲ့ကောင်းတူဆိုးဖက် အတူတွဲနေရသူကတော့ D-16 ပါ ။ သူတို့နေတဲ့ ဆိုက်ဘာထရွန်ဂြိုလ်ကို နောက်ဆုံးလက်ကျန်ပရိုင်းမ်ဖြစ်တဲ့ ဆန်တီနယ်ပရိုင်းမ်က အုပ်ချုပ်ထားပြီး ဂြိုလ်သူဂြိုလ်သားတွေရဲ့ ကယ်တင်ရှင်လို့သတ်မှတ်ခံထားရသူပေါ့။ စူးစမ်းလေ့ရှိတဲ့ ပက်စ်တစ်ယောက် စည်းဘောင်တွေကျော်ပြီး မသိသင့်တဲ့လျှို့ဝှက်ချက်တွေသိသွားတဲ့အခါ…. သူတို့သိထားတဲ့သမိုင်းက အမှားတွေဖြစ်နေတော့ နောက်ကွယ်ကကြိုးကိုင်သူကဘယ်သူလဲ၊ မှားနေတဲ့သမိုင်းကိုအမှန်ပြင်ပြီး လွတ်လပ်မှုကိုဘယ်လိုရယူမလဲဆိုတာ…. စလယ်ဆုံးဟာကွက်မရှိ ပြီးလို့ပြီးမှန်းတောင်မသိ ဆွဲခေါ်သွားနိုင်တဲ့ ဇာတ်ကားမို့ ကြည့်ရတန်ပါလိမ့်မယ်။#crd

Hounds of War (2024)

အမေရိကန်နိုင်ငံရဲ့ စစ်ရေးပိုင်းလူကြီးတွေဟာ နိုင်ငံရေးလံကျုပ်မှုတွေကိုလုပ်ဖို့လိုအပ်လာတဲ့အခါ ကြေးစားအဖွဲ့တွေကို တရားမဝင်တာဝန်ပေးအပ်ပြီး လံကျုပ်ခိုင်းတတ်ကြပါတယ်

ရိုင်ဒါနဲ့ သူ့ရဲ့ကြေးစားအဖွဲ့ဟာ အငြိမ်းစားမယူခင် နောက်ဆုံးအကြိမ်အနေနဲ့ လစ်ဗျားခေါင်းဆောင် ကာလစ်ကို လံကျုပ်ဖို့ တာဝန်လက်ခံခဲ့ကြပါတယ် ဒါပေမဲ့ စစ်ဆင်ရေးဟာ သူတို့ထင်ထားသလိုဖြစ်မလာခဲ့ပဲ အမေရိကန်နိုင်ငံရဲ့ နိုင်ငံရေးပရိယာယ်တွေကြားမှာ မြေစာပင်ဖြစ်ခဲ့တဲ့အခါမှာ ရိုင်ဒါအနေနဲ့ သမ္မတနဲ့ အုပ်ချုပ်သူတွေကို ဘယ်လိုတွေ လက်စားချေသွားမလဲဆိုတာ ကြည့်ရှူသွားရမှာဖြစ်ပါတယ်

#crd_org_owner

Ayla: The Daughter of War (2017)


IMDB (8.5/10)

ဖြစ်ရပ်မှန် စစ်နောက်ခံရုပ်ရှင်ကားတစ်ခုကို တင်ပေးလိုက်ပါတယ်

တောင်မြောက်ကိုရီးယား စစ်ပွဲမှာ ကူညီဖို့ရောက်လာတဲ့တူရကီတပ်ရဲ့ တပ်ကြပ်ကြီး ဆူလီမန်ဟာ တိုက်ပွဲထဲမှာ တစ်ယောက်ထဲကျန်နေခဲ့တဲ့ ကိုရီးယားကလေးမလေးတစ်ယောက်ကို ကယ်တင်လာခဲ့တယ်

ကလေးလေးက စကားလည်းမပြောနိုင်၊ နာမည်လည်း မသိတာမို့ အိုင်လာလို့ပဲ နာမည်ပေးခဲ့လိုက်ပါတယ်..အိုင်လာဆိုတာ လရောင်လို့ အဓိပ္ပါယ်ရတဲ့ တူရကီစကားလေးပါပဲ

စစ်ပွဲတစ်လျှောက်လုံး အသက်ဘေးကြားထဲကနေ ကလေးလေးကိုစောင့်ရှောက်ခဲ့တဲ့ တူရကီစစ်သားနဲ့ သူ့ကို အဖေလို့ပဲထင်နေတဲ့ အိုင်လာလေးရဲ့ ဘဝဇာတ်လမ်းပါပဲ

နည်းမျိုးစုံနဲ့ မခွဲရဖို့ ကြိုးစားခဲ့ပေမယ့် တူရကီကို ပြန်ရတော့မယ့် အချိန်ရောက်လာတဲ့အခါ ဆူလီမန်ဟာ အိုင်လာကို ပြန်လာတွေ့ပါ့မယ်လို့ ကတိပေးထားခဲ့တယ်

ဆူလီမန်က ပြောခဲ့တယ်..အဖေဆိုတာသားသမီးကို ပေးတဲ့ ကတိကို ဖြည့်ဆည်းပေးနိုင်ဖို့အတွက် အသက်ရှင်နေတာပါတဲ့..ကြည့်ရင်းနဲ့ ငိုခဲ့ရတဲ့ ကားလေးမို့ ကြည့်ဖြစ်အောင် ကြည့်စေချင်ပါတယ်

နောက်ဆုံးမှာ ဆူလီမန်နဲ့ အိုင်လာအစစ်တို့ရဲ့ ဗီဒီယိုဖိုင်နဲ့ အသံဖိုင်လေးတွေပါ ထဲ့ပေးထားပါတယ်

#Crd

Sarfira (2024) အိပ်မက်များနဲ့ကျွန်တော်

IMDb 7.9/10

မင်းသားကြီး Akshay Kumarနဲ့Paresh Rawalတို့ရဲ့
အသစ်ထွက်ဇာတ်ကားကောင်းလေးကို CMချစ်ပရိသတ်တို့အတွက် အခုပဲ တင်ဆက်ပေးလိုက်ပါပြီ။

အိပ်မက်တွေသိပ်ကြီးလွန်းရင် လူတွေက အရူးလို့ သတ်မှတ်ကြတယ်တဲ့။
ဒါဟာ စွန့်ဦးတီထွင်သူတိုင်းအတွက် ကြားနေကြစကားတစ်ခွန်းပေါ့။
အခုဒီကားလေးထဲမှာလည်း ကြီးမားတဲ့အိပ်မက်တစ်ခုနဲ့ လူငယ်လေးတစ်ယောက်က
သူ့ရဲ့အိပ်မက်ကို အကောင်အထည်ဖော်နိုင်ဖို့ ဘယ်လိုရုန်းကန်ခဲ့ရလဲဆိုတာ ရှုစားရမှာပါ။

ဗီရ်ဟာ ခေါင်ပါးတဲ့ရွာငယ်လေးက လေတပ်လေယာဉ်မှူးဟောင်းတစ်ယောက်၊
လျှပ်စစ်မီးရဖို့တောင် အနိုင်နိုင်ဖြစ်နေတဲ့ရွာငယ်လေးကပေမဲ့ ဗီရ်ရဲ့အိပ်မက်က
သာမန်လူတွေပါစီးနိုင်မယ့် တန်ဖိုးနည်းလေကြောင်းလိုင်းတစ်ခု တည်ထောင်ချင်တာပါ။
သူ့ရဲ့မြေဆီဩဇာမရှိတဲ့ မြေကွက်နဲ့ လည်ပင်းနစ်နေတဲ့အကြွေးတွေနဲ့
အလုပ်လက်မဲ့အခြေအနေနဲ့ သူ့ရဲ့အိပ်မက်က အများသူငှာအမြင်မှာတော့ ရယ်စရာကြီးပါ။
ဒါပေမဲ့သူ့ရဲ့အိပ်မက်ကို အသိအမှတ်ပြုတဲ့သူကတော့ ကြင်ဖက်လာတွေ့တဲ့ရာနီပါပဲ။

ရာနီကလည်း ကြင်ဖက်လာတွေ့တဲ့သူ အယောက် 20 ရဲ့အငြင်းခံထားရတဲ့သူ၊
သူ့ဘက်ကချို့တဲ့နေတာတော့မဟုတ်ပေမဲ့ ရဲတင်းလွန်းတဲ့ သူ့ရဲ့စရိုက်က
ဖိုဝါဒီကြီးစိုးတဲ့ပတ်ဝန်းကျင်နဲ့ မကိုက်ညီနေတဲ့သူ၊ ဒီလိုနဲ့ ထိုးဖောက်ချင်တဲ့စိတ်ရှိတဲ့
ရာနီနဲ့ဗီရ်တို့နှစ်ယောက် သူတို့ရဲ့အိပ်မက်တွေကို ဘယ်လိုအကောင်အထည်ဖော်ကြမလဲ ရှုစားရအောင်ပါ။

#crd_org_owner

Speak No Evil (2024)

ဒီရုပ်ရှင်ကတော့ ၂၀၂၂ တုန်းက ထွက်ခဲ့တဲ့ Speak No Evil ကို ပြန်လည်ဆန်းသစ်ရိုက်ကူးထားတာပါ။

မူရင်းကားတုန်းက အရမ်းနာမည်ကြီးခဲ့တဲ့ အခန်းတစ်ခန်းပါပါတယ်။

စိတ္တဇ စုံတွဲကို သားကောင်လင်မယားက မေးတဲ့အခန်းပေါ့။

"မင်းတို့ ဘာလို့ ဒီလိုရက်စက်ရတာလဲ"

"မင်းတို့ လုပ်ခွင့်ပေးနေလို့ပဲ"

ဒီရုပ်ရှင်မှာတော့ အဲဒီအခန်းမှာတင် အားမလိုအားမရနဲ့ ဇာတ်မသိမ်းဘဲ

သားကောင်မိသားစုက အသက်ရှင်ရေးအတွက်ပြန်တိုက်ခိုက်တဲ့ ဇာတ်ကွက်တွေ ထည့်ထားပြီး

ဆိုက်ကိုဟော်ရာ thriller အဖြစ် ပြောင်းလဲထားတာပါ။

ရုံတင်တုန်းကလည်း အားပေးမှုများခဲ့ပြီး IMDb မှာလည်း 7.1 အထိ ရထားတာမို့

ကောင်းကောင်းအရသာခံကြည့်လို့ရမဲ့ ဟော်ရာ ကားကောင်းတစ်ကားပါပဲ။

ဒါရိုက်တာက James Watkins ဖြစ်ပြီး အဓိက ဗီလိန်နေရာမှာ X-Men Charles မင်းသားကြီး

James McAvoy ပါဝင်သရုပ်ဆောင်ထားပါတယ်။

#crd_org_owner