G'olib va sovrindorlar aniqlandi.

🇺🇿Bugun Namangangandagi "Navbahor" jamoamiz uy o'yinlarini o'tkazadigan "Markaziy" o'yingohda futbol bo‘yicha DXX kubogi musobaqasining 2025 yilgi Namangan viloyati bosqichi hal qiluvchi 3-o‘rin uchun va final bahslari bo‘lib o‘tdi.
Bronza medallari uchun bo‘lgan bellashuvda Chust tumanining “Mashhad” hamda Uychi tumanining “Toshloq” jamoalari maydonga tushishdi. Ushbu uchrashuvda uychiliklar 2:1 hisobida zafar quchib musobaqaning bronza medallariga ega chiqishdi. Final bahsida esa Kosonsoy tumanining “Olmazor” va Yangiqo‘rg‘on tumanining “Yuqori Navkent” jamoalari bosh sovrin uchun kurashishdi. Unga ko'ra 3:1 hisobida ishonchli g'alabani qo'lga kiritgan "Yuqori navkent" jamoasi musobaqaning respublika bosqichiga yo'llanma beruvchi Namangan viloyat bosqichi g'olibiga aylandi.
Uchinchi o‘rin uchun hamda final bellashuvlari orasidagi tanaffus paytida yurtimiz estrada yulduzlari ishtirokida katta shou konserti bo‘lib o‘tdi.
Bundan tashqari, uchrashuvlar yakunlangach, g‘oliblarni taqdirlash marosimi bo‘lib o‘tdi. G'olib va sovrindorlar hamda turli naminatsiyalarda eng yaxshi deb topilganlar qimmatbaho sovg'alar bilan taqdirlandilar.

🔵 “Navbahor” PFK matbuot xizmati.