Sayidul ayyom jum'a muborak bo'lsin!

https://t.me/Sobitqadam333

Aytganimizdek Andijon Muhammadali Usmonovni harid qildi. Yosh va iste'dodli futbolchi Ultras Burgutni erkatoyiga aylanadi. Ikkita qanotda ham birdek o'ynay olishini inobatga olsak yaxshi transfer.

© Sobitqadam

Julio Cezar borasida ko'pchilik so'rashmoqda. Hozirda futbolchi rasman "Navbahor" a'zosiga aylanmadi, lekin kelishuv allaqachon yakun topgan. Futbolchi tomon shartnomaga imzo chekib tasdiqlashi qolgan. Hozirda jamoa rahbariyati navbatdagi transfer ustida ish boshlashgan.

© Sobitqadam

#eshitdikda

"Bunyodkor" hamda "Navbahor" bitta futbolchi uchun kurashmoqda. U birinchi davrani "Neftchi"da o'tkazgan edi.

© Sobitqadam

Azizbek Turg'unboyev "Paxtakor"ga o'tishi mumkinligi haqidagi habarlar tasdig'ini topmaydiganga o'xshaydi. Bilishimizcha futbolchi horijdagi faoliyatini davom ettiradi.

© Sobitqadam

Eshitdikda deb aytgan habarimiz o'zini oqladi. Shahzod Toirov OKMK futbolchisiga aylandi.

© Sobitqadam

Xabaringiz bor, mahoratli mutaxassis Sherzod Joʻrayev murabbiylik qilayotgan “Navbahor-U-21” yoshlar jamoamiz U-21 Birinchiligining birinchi davra bahslarini 15 ta oʻyindan 32 ochko toʻplagan holda, peshqadam sifatida yakunladi.
Shu munosabat bilan klubimizning rasmiy – FCHNAVBAHOR rasmiy telegram kanali uchun Sherzod Joʻrayevdan intervyu oldik.
- Assalomu alaykum! Sherzodbek, avvalo Sizni U-21 jamoamizning birinchi davra yakunidagi peshqadamligi bilan tabriklaymiz...
– Vaalaykum assalom, tabrik uchun rahmat.
– Aytingchi, “Navbahor-U-21” jamoasiga oʻtishingiz qanday sodir boʻlgandi?
– Joriy mavsum avvalida oʻsha paytdagi “Navbahor” PFK vitse-prezidenti Otabek Samatov hamda jamoa bosh murabbiyi Sergey Lushanlar chaqirib, boʻlajak mavsumda “Navbahor – U-21” yoshlar jamoasi boshqaruviga oʻtishimni aytishdi. Mazkur taklif borasida koʻp ikkilanmadim va yangi chaqiriqqa labbay, deb javob berdim. Qaysi yoʻnalishda boʻlsa ham “Navbahor” muvaffaqiyatlariga hissa qoʻshish men uchun sharaf. Shuning uchun ushbu taklifga darrov rozi boʻldim.
– Yoshlar jamoamizning birinchi davradagi muvaffaqiyati siri nimada?
- Namangan azaldan isteʼdodli hamda iqtidorli futbolchilar maskani hisoblanadi. Oʻsha isteʼdodli bolalarni toʻgʻri yoʻlga yoʻnaltirsangiz, ular bilan koʻproq ishlab, kerakli tavsiyalarni berib, vaqtida yetarli oʻyin amaliyoti taqdim etib turilsa, yoshlarning oʻzlariga boʻlgan ishonchlari ortadi. Yigitlarning ayrimlari bilan oʻzaro suhbat orqali, baʼzilari bilan esa individual tarzda ish olib bordik.
- Bu yilgi U-21 musobaqasining oʻyinlari borasida fikringiz qanday?
- Soʻnggi yillarda yurtimizda oʻsmirlar va yoshlar futbolida katta oʻsishga erishdik. Turli yosh toifalaridagi terma jamoalarimiz qitʼa chempionligini qoʻlga kiritmoqda. Shu nuqtai nazardan olib qaraganda, U-21 turniri oʻyinlari tomoshabop hamda yuqori darajada oʻtmoqda. Ushbu turnirda yaxshigina oʻsish bor.
- Yoshlar jamoamizning birinchi davradagi eng yorqin va eng qiyin oʻyinlari haqida ham toʻxtalib oʻtsangiz...
- Men shogirdlarimga har doim yurtimizning bayroqdor jamoalariga qarshi yaxshi oʻyin namoyish etinglar, deya taʼkidlayman. “Paxtakor”, “Nasaf”, “Bunyodkor” jamoalari oʻz akademiyalariga ega hamda ushbu klublarning turli yosh toifalaridagi jamoalarida isteʼdodli yoshlar koʻpchilikni tashkil etadi. Ushbu klublarning yoshlar jamoalariga qarshi kechadigan bahslarda ijobiy natijaga erishsak, bu qolgan bellashuvlarga motivatsiya boʻladi.
Shundan kelib chiqib, aytishim mumkinki, “Bunyodkor-U-21” (10-tur, yoshlar jamoamiz 4:3 hisobida gʻalaba qozongan) va “Paxtakor-U-21” (15-tur, yoshlar jamoamiz 3:1 hisobida gʻalaba qozongan) jamoalari bilan boʻlgan uchrashuvlarni biroz qiyin, ammo yorqin oʻyinlarimiz boʻldi, deya olaman.
- Yoshlar jamoamiznig maqsadi, asosiy jamoaga futbolchilar yetkazib berishdan iborat. Shunday ekan. siz hozirda “Navbahor- U-21” yoshlar safidagi kimlarni asosiy jamoaga tavsiya qila olasiz?
- Toʻgʻri aytdingiz, bizning asosiy vazifamiz “Navbahor”ning asosiy tarkibiga mahoratli futbolchilarni yetkazib berish. Ayni paytda yoshlar jamoamiz tarkibida oʻynayotgan barcha oʻyinchilar yuqori potensialga ega yoshlar hisoblanishadi. Ular orasidan, shunday oʻyin namoyish etishda davom etishsa, vaqti kelib, Ozodbek Maʼrupov, Sherzodbek Abdulboriyev, Alisher Miraliyev, Isoxon Musoxonov va Habibullo Japaraliyevlar asosiy jamoada tarkibidan oʻrin olishadi, degan umiddaman.
- Bir paytlari “Navbahor”ning asosiy jamoasi murabbiylar shtabida faoliyat olib borgansiz.Bu yilgi Superliga musobaqasi borasidagi fikrlaringiz qanday?
- Superliga musobaqasi har doim qiziq kechadi. Bu yilgi "Navbahor" yangilanib, tubdan oʻzgardi, deya olaman. Jamoa oldingi mavsumlarga qaraganda, tomoshabop futbol namoyish etyapti hamda buni koʻpchilik eʼtirof etmoqda. “Lochinlar”ning oʻyini hammaga yoqyapti, mening nazarimda.

Joriy mavsumda “Nasaf”, “Navbahor”, “Paxtakor” va OKMK jamoalari ishtirokidagi oʻyinlarni tomosha qilish maroqli boʻlyapti. Mazkur jamoalar raqiblarning oʻyin taktikasidan kelib chiqqan holda, turli uslublarda oʻynamoqla. Ular qatoriga “Dinamo”ni ham qoʻshishimiz mumkin. Qolaversa, “Soʻgʻdiyona” jamoasi amalga oshirayotgan transferlardan kelib chiqib, ikkinchi davrada jizzaxliklar ham kuchlilar qatoridan oʻrin olish uchun harakat qilishsa, musobaqa yana ham qiziqarli tus oladi, deb oʻylayman.
- Joriy mavsum avvali siz va jamoangizga ogʻir keldi. Dastlabki turdagi texnik magʻlubiyat, 2-turdagi Jizzaxdagi alamli, yirik - 2:6 hisobidagi magʻlubiyatdan keyin yoshlar jamoamiz futbolchilarining ruhiy holatlari juda yomon holatga tushib qolgan edi. Ushbu vaziyatdan qanday chiqib ketdingiz? Shogirdlaringizga qanday soʻzlarni topib gapirdingiz?
- Juda toʻgʻri aytdingiz, mavsum starti juda ogʻir boʻldi, yaʼni, 2-turdan keyin jamoamizda ahvol juda tang edi. Oʻsha paytda ichimdan oʻtgan hissiyotlarni oʻzim juda yaxshi bilaman. Lekin mazkur vaziyatdan chiqib keta olishga ishonchim komil edi. Biz toʻgʻri yoʻlda ekanligimiz, hech narsani oʻzgartirish shart emasligini bilardim. Sababi, “Navbahor-U-21” jamoasini qabul qilib olganimdan soʻng, Fargʻonada boʻlib oʻtgan “Hokim kubogi-2025” musobaqasida ham start qiyin boʻlgan, turnirni erta tark etishimizga oz qolgan edi. Allohga tavakkal qilgn holda, shogirdlarim bilan gaplashib, ularga ruhiy dalda berib, yakunda kubokni qoʻlga kiritgandik. Bu safar ham tanlagan yoʻlimiz toʻgʻri ekanligini bilardim va oʻsha yoʻldan qaytmadik. Buni amalga oshirish uchun esa biroz koʻproq ishladik, futbolchilar bilan birga 3-4 soatlab oʻtirib, oʻyinlarni tahlil qilib, oʻyinchilarning xatolarini aytdik.
Yigitlarni ushbu vaziyatdan chiqib keta olishlariga ishontira oldik. Natijada ular buni uddalashdi. Buning uchun ularga minnatdorchilik bildiraman. Qolaversa, mazkur muvaffaqiyatga bir oʻzim erishdim, degan fikrga umuman qoʻshilmayman. Futbol jamoaviy oʻyin. Shunday ekan, ogʻir vaziyatdan chiqib ketishimizda yonimizda bizni qoʻllab-quvvatlab turgan turgan insonlarning ham munosib hissalari bor. Bu borada “Navbahor” PFK rahbariyati, jumladan, oʻsha paytdagi klub vitse-prezidenti Otabek Samatov, jamoa boshligʻi Farhod Umaraliyev, ustoz murabbiy, tajribali murabbiy Usmonjon Ahmedovich Asqaraliyev oʻz maslahatlarini berib turdilar, shuningdek, murabbiylar shtabidagi yordamchilarim - Aʼzam Rajabbayev, Alisher Mahmudov va Hasan Rizayevlar ham juda katta yordam berishdi, klub xodimlari, hamda muxlislar ham barchasi oldinda ekanligini taʼkidlagan holda, ruhiy jihatdan dalda berishdi.
Mazkur omillar oʻz mevasini berib, yoshlar jamoamiz davralar oraligʻidagi tanaffusga peshqadam sifatida chiqib ketdi va bundan juda xursandman.
- Siz koʻp yillar davomida “Navbahor”ning asosiy jamoasi murabbiylar shtabida faoliyat olib borgansiz. Aytingchi, mazkur jamoada olingan tajriba asqotyaptimi?
- Albatta, asosiy jamoada olingan tajribadan yoshlar jamoasidagi faoliyatimda foydanayapman. Men oʻziga xos uslubga ega murabbiylar bilan birga ishladim. Masalan, Andrey Kancheleskis futbolchilarning jismoniy holatlariga, Noʻmon Hasanov esa taktik holatlariga, Samvel Babayan esa tartib-intizomga qattiq eʼtibor qaratishardi va ularning barchalari f.utbolchilarning ruhiyatlarini koʻtarish borasida tengsiz edilar.
Marhum Viktor Jalilov esa yangi futbolchilarni kashf etadigan mutaxassis edi.
Ayni paytdagi “Navbahor” bosh murabbiyi Sergey Lushanning ham oʻziga xos uslubi bor, u yoshlarga ishonch bildirishdan qoʻrqmaydigan, hujumkor taktika qoʻllaydigan mutaxassis.
Yuqorida nomlari keltirilgan murabbiylardan oʻrgangan bilim hamda koʻnikmalarimni ayni paytda faoliyatimda qoʻllamoqdaman.