Søbîtqâðâm

- Oldinlari “Navbahor”da bitta kamchilik koʻzga tashlanardi, yaʼni, yosh futbolchilarning oʻtish davrida yoʻqolib qolishlarini kuzatardik. Soʻnggi yillarda yorqin oʻyinchilar yetishib chiqmayotgan edi. Nazarimda, siz ushbu muammoni bartaraf etishga erishayotgandeksiz. “Navbahor-U-21” jamoasi safida 18-19 yoshli yuqori darajada oʻyin koʻrsatayotgan futbolchilar koʻzga tashlanmoqda. Qolaversa, yoshlar jamoamizdagi oʻyinlari orqali asosiy jamoa tarkibidan oʻrin olatganlarni koʻrmoqdamiz. Shu haqda ham toʻxtalib oʻtsangiz...
- Bu haqda hozir bir narsa deyishga biroz erta. Toʻgʻri, hozirda isteʼdodli yoshlar juda koʻp, ammo ularni asosiy jamoaga jalb etib, Mirzohid Gʻofurov, Azimjon Ahmedov. Abbosjon Gʻulomov, Ruslanbek Jiyanov kabi futbolchilar qatorida asosiy jamoa havosidan nafas olib, ularga 5 yoki 10 daqiqa boʻladimi, qisqa boʻlsada, asosiy jamoada imkon berib turilsa, avlodlar almashinuvi davrida qiynalmaymiz, deb oʻylayman.
- Siz avvalgi mavsumlarda asosiy jamoada futbolchilarning jismoniy tayyorgarliklari boʻyicha faoliyat olib borgansiz. Oʻsha vaqtda asosiy jamoada jarohatlar nisbatan kamroq koʻzga tashlanardi. Endi shu holat “Navbahor-U-21”da ham koʻzga tashlanmoqda. Koʻz tegmasin, futbolchilarning jarohatlanishlari deyarli kuzatilmayapti. Bu borada qanday ishlarni amalga oshiryapsiz?
- Har doim oʻz ustimda ishlashga harakat qilaman. Koʻp yillik tajribamdan kelib chiqib, oʻz uslubim va mavsumiy rejalarim, dasturim mavjud. Shu dastur asosida ish tashkil qilaman. Xudoga shukr, hozircha jarohatlar kamroq kuzatilyapti. Sportchining birinchi raqamli dushmani - bu jarohat hisoblanadi. Shuning uchun shogirdlarimni jarohatdan uzoqroqda ushlashga harakat qilaman.
- Yoshlar jamoamizning asosiy raqiblari – “Bunyodkor U-21” (10-tur, 4:3), “Nasaf-U-21” (12-tur, 2:0) va “Paxtakor-U-21” (15-tur, 3:1) jamoalari safarda magʻlubiyatga uchratildi. Bunga qanday erishildi?
- Yuqorida taʼkidlaganimdek, siz sanab oʻtgan jamoalar kuchli akademiya va isteʼdodli futbolchilarga ega hisoblanadi. Biz barcha oʻyinlarga jiddiy qaraymiz hamda yaxshi tayyorgarlik koʻramiz. Ammo sanab oʻtilgan jamoalarga qarshi kechadigan uchrashuvlarga nisbatan boshqacharoq yondoshib, raqib oʻyinlarini oʻrganib, shunga yarasha tayyorgarlik koʻramiz.
- Raqibni oʻrganish ishlari qanday kechadi?
- Bu borada yordamchi murabbiy Aʼzam Rajabbayev bizga katta yordam beradi. U raqibning jamoamiz bilan boʻladigan bahslardan oldingi 2-3 ta oʻyinlari videoyozuvini olib keladi. Biz murabbiylar shtabi vakillari birga oʻtirib, raqibning kuchli va kuchsiz tomonlarini tahlil qilamiz hamda shundan kelib chiqqan holda, raqibga nisbatan taktika qoʻllaymiz.
- Sizning boshqaruvingizda yoshlar jamoamiz alohida futbolchi atrofida oʻyin qurmayapti. Oʻtgan mavsumda biz koʻproq Navroʻzbek Iminjanov atrofida oʻyin qurishga urinishlarni koʻrardik...
- Biz qaysidir futbolchiga bogʻlanib qolish uslubidan toʻliq voz kechdik. Bizda hamma futbol oʻynashi kerak. Zamonaviy futbolning talabi - 11 nafar oʻyinchi hujum qilishni ham, himoyalanishni ham bilishi kerak. Vaziyat taqozo etsa, darvozabon ham gol urishi mumkin yoki hujumchimiz darvozamizga toʻp kirishining oldini olishi mumkin. Men biror futbolchiga bogʻlanib qolishni toʻgʻri deb, hisoblamayman. Jamoamizda kimdir xato qilsa, jamoadoshlari uning xatosini toʻgʻrilash uchun oʻynaydi. Futbol bu - jamoaviy oʻyin. Masalan, Jiyanov va Odilovlar maydonda rang-barang futbol oʻynashadi, juda tez fikrlashadi. Men ham shogirdlarimga tezroq qaror qabul qilish hamda fikrlashni taʼkidlayman.
- Yaqin oʻtmish futbolchisi sifatida shogirdlaringiz yomon va zararli illatlardan nari boʻlishlari uchun qanday yoʻl tutasiz?

❤8

3.66K viewsŞøbîtqâðâm, 21:13