ለውብ ቀን ....
☮️ሒሳብ አዋቂው ፈረስ ›

✍አሌክስ አብርሃም

☯️የሆነ ጊዜ አንድ የስነልቦና ሊቅ ፈረሱን እየጎተተ ወደአንድ ዩኒቨርስቲ ሄደና ‹‹ ፈረሴ አራቱን የሒሳብ ስሌት ከማወቅ አልፎ ውስብስብ የሂሳብ ስሌቶችን ውጤት እስከማወቅ ደርሷል ካላመናችሁ ፈትኑት›› አለ …በነገሩ የተገረሙ ሙሁራን ዳኛ ሰይመው ፈተና አዘጋጁ …እንግዲህ አፈታተኑ እንዲህ ነው ለምሳሌ 2 ሲደመር 2 ተብሎ ፈረሱ ይጠየቃል ….ከዛም የተለያዩ ሰዎች ቁጥር የተፃፈበት ሰሌዳ ይዘው ይቆማሉ ፈረሱ ቀጥ ብሎ 4 ቁጥር ወደያዘው ሰው ይሄድና በአፍንጫው ይጠቁማል(ምርጫ እንደማለት ነው) ….በቃ ማባዛት ነሽ ማካፈል መደመር ነሽ መቀነስ ውጤቱን በሰከንዶች ውስጥ ቁጭ ያደርገዋል ፈረሱ ….እናም ‹‹እውነትም ፈረሶች ከተማሩ ከሰው ልጆች እኩል ሂሳብ ማወቅ ይችላሉ›› ብለው ደመደሙ ምሁራኑ !!

☯️ባለፈረሱ ግን እንዲህ አለ ‹‹ እናተ የማትረቡ ….ፈረስ መቸም ቢሆን ሒሳብ አይችልም …. ፈረሱ መልሱን የሚያውቀው በልብ ትርታችሁ ነው … ቁጥር ይዘው ከተደረደሩት ሰዎች መካከል ትክክለኛውን መልስ የያዘው ሰው የልብ ትርታ የተሳሳተ መልስ ይዘው ከቆሙት ሰዎች ጋር ሲነፃፀር የተረጋጋ ነው ...እንስሳት ደግሞ የሰውን ስሜት ጠረን በማሽተት ከፍተኛ በሆነ የማድመጥ ችሎታና የእንቅስቃን ፍጥነት በመመልከት የመረዳት ፈጣን ተሰጥኦ አላቸው።

☮በዚች ምድር እውነት ይዛችሁ በቆማችሁ ቁጥር እንኳን አእምሯቸውን የሚጠቀሙ ሰብአዊ ፍጥረቶች እንስሳት በደመነፍስ ይለዩዋችኋል … ፈረሱ የመረጠው የእናተን ዝባዝንኬ ቁጥር አይደለም … እውነት ያረጋጋው ልባችሁን እንጅ !! ወደመልሱም የመራው እውነት ያረጋጋው ልባችሁ ነው !!
ልባችሁ !!❤️

ሰናይ ቅዳሜ መልካም ውሎ ከሙሉ ጤና ጋር ተመኘንላችሁ

#Stay_Home
#Stay_Safe

ለውብ ቀን

ከ Fikre Z Bihere Ethiopia የFb ገፅ የተወሰደ
እቤት መዋል ከሰጠኝ እድሎች አንዱ ከአበራሽ ( የቤት
ሰራቸኛችን ) ጋር የነበረኝን ተግባቦት ማዳበር ነው።
አልተሳካምንጂ!
የምትናገረው በእርግጥ አማርኛ ነው። ግን አስተርጓሚ
ያስፈልገኛል።
" ወንዲይም! "
" አቤት አበራሽ "
" ኸባጧ ላይ ያለይ ብረት ለገመይ "
" ምን? "
" ሽቅብ! "
" ሽቅብ የሰፈረይ!? አንተና አንዲ ብላቴና ያበጃጃችኋት? "
ማታ ነው የገባኝ፡ ሳተላይት ዲሹ አይሰራም ማለቷ ነበር።
ያው ኸባጧ ማለት ከባጧ ነው፤ ባጥ ማለት ጣራ መሰለኝ።
ብረት ያለችው ደግሞ ዲሹን ነበር።
ለገመይ ለገመች ለማለት ነው። ወይ ፈጣሪ!
*
በቀደም ሲያንቀለቅለኝ፡
" አበሩ! እስኪ ከአገርሽ ለምን እንደወጣሽ አጫውቺኝ? " ብዬ
ጠየኳት። በረጅሙ ተነፈሰችና..." ኧህህ!!!!.........
" ሙጫ ሳለሁ..አበበይ እንዲየው ቁርጮ ዴሃ ነበር። መቼስ ወፈ
ግዝት መሆን አይጣል አንተው! አያቴንኳ የቂጥ ማረፊያ
ቢያኖሩለት በምን እዲል እቴ! ከነልዦቹ ይ'ፋሱ ብለው ሞቱ'ዪ። "
......ትርጉም?.....የደላችሁ! ( ወፍ የለም ).....
" ኋላማልህ...መኮርደዴን ያየ አበበይ ለአንድ እሪያ ጥርስ
ሊያቆናጥጠኝ ቲል እብስ ወዴ ኸተማ...."
መሳቅ ብፈልግም በምኑ ልሳቅ?
" እንዲያውኮ ከቀየው እንዴኔ ዴሟ የፈለቀም አትገኝ! መቼስ
ድረገብ ከመሆን አንዲያፉን ኸተማ ይሻል ብየ ነዉይ "
" ማለት? " አልኩ አምልጦኝ
" ዴፈነብህ? "
" ምን? "
" አይ የኸተማ ሰው!...ዴፈነብህ ወይ? "
.....እርፍ!
" በል እንግዲያው ዴመናው በሯል፡ ኸገበያው ልሂድ "
አሁን እኔ አማርኛን ችየዋለሁ?
ምንድነው ያለችው ግን?

#Stay_Home
#Stay_Safe

በነገራችሁ ምን እንዳለች ሚነግረን ካለ
በ @Simetin_Begitimbot Or በ @Haile_melekot ይላኩልን መልሰን ወደ እናንተው እናደርሳለን

Join us and invite Your friends to our channel

@Simetin_Begitim

ቶሎ ስርአት የሚይዝ ህዝብ ያሸንፋል፤ ይሻገራል!

#Ethiopia : ኢትዮጵያ ያላት አማራጭ የኮሮና ወረርሽኝ ሳይሰራጭ በቶሎ መከላከል ነው። ለዚህ ሁሉም ዜጋ የሚጠበቅበትን ማድረግ አለበት። መጪውን በዓል ቀጣይ ፋሲካ ቀጣይ የረመዳን አለ ቢቻል ሁሉም በየቤቱ ቢያከብር የተሻለ ይሆናል የሚል ሀሳብ አለኝ። አለበለዚያ ከገጠር ወደ ከተማ ለበአሉ የሚመጡ በሽታው በየቤቱ እንዲሰራጭ እድል ስለሚሰጡት ሁሉም በያለበት የማንወጣው አዘቅት ሊከተን ይችላል። ሁላችንም ጥንቃቄ ልናደርግ እና በጋራ ወረርሽኙን ልንከላከል ይገባል።"

አቶ የሺዋስ አሰፋ (የኢዜማ ሊቀመንበር)

እውነት ነው ሁሉም በያለበት ሁኖ እራሱን ቤተሰቡን ብሎም የሚወዳትን ሀገሩን መጠበቅ አለበት ፡፡

#Stay_Home
#Stay_Safe

ተንከባካቢዎቻችን ለመንከባከብ ምን ያህል ዝግጁ ነን?

ዕውቁ የአጭር ልቦለድ ደራሲ፤ ሩሲያዊው አንቷን ቼክኾቭ አንድ አይረሴ ሀኪም ገፀባህርይ ፈጥሮ በጭንቅላቴ ተቀርጾ ቀርቷል። ሐኪሙ ጊዜውን በምርምርና ሕፃናትን በማከም ራሱን ሙሉ ለሙሉ ከማስገዜቱ የተነሳ እምትወሰልት ሚስቱን መግራት እንኳን አልሆነለትም ነበር። ስለ ሕመምተኞቹ የታመመ ነበር።

ከእለታት አንድ ቀን ግን ከአንድ ታማሚ ሕፃን ተላላፊ በሽታ ተላለፈበት። ቃተተ፤ተሰቃየ ፣ ሞተም።

በዐፄ ቴዎድሮስ ዘመን ተስቦ ገባ። ወረርሽኙ የዐፄውን የቅርብ አጃቢዎቹን ሳይቀር ገደለ። ቁጥራቸው ተመናመነ። በዚህ የተነሳ በሰፈሩበት ደብረታቦርና በአካባቢው ሁከትና ጭንቅ ሆነ።

ወረርሽኙን ለመግታት ከባህል ሕክምና አዋቂዎች ሌላ በዶክተር ሄንሪ ብላንክ ትከሻ ላይ ወድቆ ነበር። ras-ODORE መፅሐፍ ውስጥ ፣ ሄንሪ ብላክ ተላላፊው እንዳይተላለፍበት እንዴት ይጠነቀቅ እንደነበር ጽፏል።

ከላይ እንደተጠቀሱት ዓይነቶች በጎ አድራጊዎች በየዘመኑና አገሩ አሉ። ሌላውን አድናለሁ ሲሉ ራሳቸው በተላለፊው ታድነው መስዋዕትነት የከፈሉ ጥቂቶች አይደሉም። የሕክምና ባለሙያዎች፣ፍቃደኛ በጎ አድራጊዎች ፣ ከጉዳዩ ጋር በቅርበት የሚሰሩ የመንግሥት ሹማምንትና ሌሎችም....

ተንከባካቢዎቻችንን መንከባከብ ማለት ለራሳቸው ጊዜ እንዲሰጡ፣ራሳቸውንም እንዲጠብቁ ማገዝ ማለት ነው። ተንከባካቢዎቻችንን መንከባከብ ማለት ራስን መንከባከብ ማለት ነው።

ተንከባካቢዎቻችንን መንከባከብ ማለት ሌሎች ታማሚዎችንና ገመምተኞችን እንዲከባከቡልን ማድረግ ማለት ነው። አገር የምታደርገውም የምትታደገውም በተንካባካቢዎቿ እጅ ነው!

ይህ የሚሆነውን ደግሞ ራሳችንን ስንጠብቅና እርስ በርስ ስንጠባበቅ ነው። እናስ? ተንከባካቢዎቻችን ራሳቸውን በጥንቃቄ ተንከባክበው፣ሌላውንም አክመው በሕይወት ለመቆየት ምን ያህል ተዘጋጅተዋል? እኛስ ተንከባካቢዎቻችን ለመንከባከብ ምን ያህል ዝግጁ ሆነናል..?

#ምንጭ:- እንዳለጌታ ከበደ (ታዛ ወርሃዊ መፅሔት ) ላይ ተቆንጥሮ የወጣ!

©ስብእናችን Humanity

# አውነት እና # እምነት
እውነትን ፍለጋ
ወዳሰብነው ስንዘል ~ የያዝነውን ለቀን
እምነት መሐል ላይ ነው
ስተን እንዳንወድቅ ~ ፀንቶ ሚጠብቀን
===||===
ከሙሉቀን ሰ•

#የኮሮናቫይረስ (ኮቪድ-19) ምልክት የታየባቸው ግለሰቦች #በነጻ የስልክ መስመር ወይም አቅራቢያቸው ወደሚገኙት ጤና ተቋማት ብቻ ጥቆማ መስጠት ይገባቸዋል❗️

⚡️አንዳንድ ግለሰቦች በስህተት አዲስ ወደ ተከፈቱ የኮሮናቫይረስ መመርመሪያ ማዕከል ለምርመራ እያቀኑ መሆኑ ታውቋል። ይህም ደግሞ ፈጽሞ ስህተትና ተቋሞቹ ናሙና በመቀበል ምርመራ የሚያደርጉ ማዕከላት እንጂ ቀጥታ የቫይረሱ ምልክት የታየባቸውን ሰዎች በአካል ተቀብሎ የሚመረምሩ ስላልሆኑ የኮሮናቫይረስ (ኮቪድ-19) ምልክት የታየባቸው ግለሰቦች በነጻ የስልክ መስመር ወይም አቅራቢያቸው ወደሚገኙት ጤና ተቋማት ብቻ ጥቆማ መስጠት ይገባቸዋል፡፡

⚡️በመሆኑም ማንኛውም ግለሰብ የቫይረሱ ምልክት ከታየበት(ባት) በሃላፊነት ስሜት ራሱ(ሷ)ን ለይቶ(ታ) በማቆየት በነጻ ስልክ ቁጥሮች በመደወል አልያም ደግሞ ወደ አቅራቢያቸው ወደሚገኙ ጤና ተቋማት ሪፖርት ማድረግ ያስፈልጋል።

⚡️ይህንንም ተከትሎ በአቅራቢያቸው የሚገኙ ጤና ተቋማትም ኮሮናቫይረስን ለመከላከል ከተቋቋመው ኮሚቴ ጋር በመወያየት በግለሰቦቹ ሁኔታ ላይ ውሳኔ የሚሰጡ ናቸው።

⚡️ህብረተሰቡ በአዲስ አበባ 8335 ወይም 952፣ በትግራይ 6244፣ በአፋር 6220፣ በአማራ 6981፣ በኦሮሚያ 6955፣ በሶማሌ 6599፣ በቤንሻንጉል ጉሙዝ 6016፣ በደቡብ 6929፣ በሐረሪ 6864፣ በጋምቤላ በ6184ና በድሬዳዋ 6407 ነጻ የስልክ መስመር በመጠቀም ጥቆማ መስጠት ይችላሉ።

©Ministry of Health

እ-ን-ድ-ረ-ሳ-ሽ
(ልዑል ሀይሌ)
.
እ-ን-ድ-ረ-ሳ-ሽ
መንገድ ጥረጊልኝ
ይህቺን ብቻ አርጊልኝ!
.
ስምሽን እያነሱ
እንዳያስታውሱኝ
በሞተው ትዝታ
እንዳይቀሰቅሱኝ
ያንቺ አለመሆኔን
ዛሬ እንዳሳያቸው
ጨረቃን ፀሐይን
ምድር አውርጂያቸው
ውቅያኖስ ባህሩን
ሰማይ ስቀያቸው
.
እ-ን-ድ-ረ-ሳ-ሽ
የረገጥነው አስፋልት
የሄድንበት መንገድ
ያ ያለፈው ፍቅር
ያ ያለፈው መውደድ
ፍፁም ውሸት ብዬ
እንድሸመጥጠው
ተፈጥሮን አዛቢ
መውደዴን እንድተው
.
እ-ን-ድ-ረ-ሳ-ሽ
ገደሉን ሙዪና
ተራራውን ናጂው
ደመናን አውርደሽ
አፈሩን ውሰጂው
የረገጥሽው መሬት
አምሮ እንድታይበት
በአበባው ፋንታ
ሳማ ትከይበት
.
እ-ን-ድ-ረ-ሳ-ሽ
ያ ሁላ ቃል ኪዳን
ተበትኖ እንዲቀር
አይጥ ሀይቅ ትዋኝ
ዓሳ ሰማይ ይብረር
በህይወት ባሉት ምትክ
ሙታኖች ይነሱ
ነገስታት ይውረዱ
ባርያዎች ይንገሱ
.
ይሄን ካረግሽልኝ
መውደዴን ይቅርና
መኖር አቆማለሁ
በመኖር ብረሳሽ
ባለመኖርም ውስጥ
አስታውስሻለሁ

#Stay_Home
#Stay_Safe

አብዝተን መጠንቀቃችን ለጤናችን!

ከሰሞኑን የበዓል መቃረብን ተከትሎ በአንዳንድ አካባቢዎች የኮሮና ቫይረስ ወረርሽኝ ጉዳይ የተረሳ ይመስላል።

ንግዱ ተጧጡፏል ፣ የትራንስፖርት ሁኔታውም እያደረ ቀድሞ ወደነበረበት ሁኔታ እየተመለሰ ነው፣ በየመንገዱ ያለ መጨናነቅ፣ በየሬስቶራንቱና ካፌው ያለው የሰው ብዛት ፣ ጥንቃቄ የጎደለው እንቅስቃሴ ዋጋ እንዳያስከፍለን።

በመጪዎቹ ዓመታት ብዙ በዓላትን አብረን ተሰብስበን በደስታ እንድናሳለፍ ዛሬ በገበያ ቦታው፣ በትራንስፖርቱ፣ በሁሉም ቦታ የመጨረሻውን አቅማችንን ተጠቅመምን ጥንቃቄ ልናደርግ ይገባል።

በዚህ ወቅት ፣ የተለያዩ በርካታ ሰዎች የሚሰበሰቡባቸው ዝግጅቶች አያስፈልጉም፣ ወጣቶች አብሮ መጠጣቱ፣ አብሮ መብላቱ ሌላ ጊዜ ይደርሳል። ሁሉንም ጤና ስንሆን ማድረግ እንችላለን። ነገ ለማየት ዛሬን መጠንቀቅ አለብን።

ከሰሞኑን በአሜሪካ 'ኒውዮርክ ሆስፒታል' የድንገተኛ ክፍል ሃኪም፣የሕብረተሰብ ጤና ባለሞያ፣በኮሎምቢያ ዩኒቨርስቲ ረዳት ፕሮፌሰር እና የኢትዮጵያ ጤና ሚኒስተር አማካሪ የሆኑት ዶክተር ጽዮን ፍሬው በይፋዊ የትዊተር ገፃቸው ላይ ያጋሩትን መልዕክት የማንቂያ ደውል ከሆንነን በድጋሚ እናንብበው፦

"ኢትዮጵያ እዚ በቺካጎ ከተፈጠረው እንማር። አንድ በሽታው እንዳላበት ያለወቀ ሰው ለቅሶ እና ከዛም ልደት ግብዣ በመሄዱ 16 ሰው ታሞ 3 ሰው ሞቷል። እባካችሁ ግብዣው እና ድግሱን ለሌላ ቀን እናርገው። አለበዚያ ለቅሶው ይበዛል።"

በተደጋጋሚ ስጋታችንን የምንገልፀው ፣ ዋጋ እንዳያስከፍለን ብለን የምንጮኸው በሌሎች ሀገራት እየሆነ ያለውን እያየን ስለሆነ ነው። እንዴት ሳምንታት እየተቆጠሩ ሲሄዱ ዋጋ እንደሚያስከፍልምስለተገነዘብን ነው። ድምፃችን እስኪዘጋ እንጮሃለን፣እጃችን እስኪዝል ድረስ እንፅፋለን።

©TIKVAH-ETH

✍Fikre Z Bhere Ethiopia©ፈገግ ብላችሁ ዋሉ
የፋሲካ ትዝታ!
°°°°°°°°°°°°°
የሰፈራችን አባቶች የገዙት በሬ አንድ አይን አልነበረውም!
የት ዘምቶ እንደሆነ እንጃ!
እንደ ጭቃ ሹም ታጅቦ መጣ።
አረማመዱ መቼም የጤና አልነበረም። ልክ የሰፈራችን የቆሻሻ
ገንዳ አጠገብ ሲደርስ ደነበረ!
ተፈነጣጠረ!
አባቶቻችን እንደ ዝምብ መንጋ ዝዝዝዝ..ብለው ተበተኑ!
" ያዘው! ያዘው! "
ከወኔ ውጪ ሰውነት የሌላቸው ጋሽ ብሩ ቁልቁል የሚንደረደረውን
በሬ በሩጫ ተከተሉት
...ግን ተሳሳቱ--- ፈጠኑ....በጣም!
በሬው ቀጥ ብሎ ሲቆም ጋሽ ብሩ ፍሬናቸውን በጥሰው እግሩ ስር
እንደ ሊስትሮ.....
መቼም ያ በሬ ሳር ቢያገኝንኳ እንደዛ አይጎመጅም!
በቀንዱ ዘገናቸው! ( የምሬን ነው )
እንደ ጀላቲ ቀንዱ ጫፍ ላይ ሰክቷቸው ሲታይ የፈረንጅ አጋዘን
ይመስል ነበር።
" በህግ አምላክ! "....አሉ አየር ላይ ( ማንን ይሆን? )
በሬው ጋሽ ብሩን አንጠልጥሎ ወደገንዳው ተመለሰና ገንዳው
ውስጥ ጨመራቸው!( እንደታዘዘ )
ተረኛ የሚዘገን ሲፈልግ፡ ሰዉ ተተራመሰ!
ዞሮ ዘሎ ሲመጣ ጋሽ ብሩ ከገንዳው ብቅ አሉ!
አልጋ ስር የተረሳ ጫማ መስለው..
" ኮፍያዬን አላያችሁም? "
" አላየንም "
" ያችኋትናኮ አቀብሉኝማ "
" ሌላ ቀን ይውሰዷት "....በዚያ ላይ
" ቢወጋንስ? "
" እኔ አባታችሁ እንዴት ልውጣ ታዲያ? "
እንዳይወጡ ቆሟል ፊት ለፊት
" ኧረ ጠነባሁ ጎበዝ "
መቼስ ብዙ ስቀናል ያኔ። በስንት መከራ ተሸነፈ!
ታርዶም ጣጠኛ ነበር
የታረደ ቀን ጠዋት ቅርጫው ላይ ጫጫታ ይሰማል
ጨጓራው ተሰረቀ!
ያው ከሮቤል ውጪ መቼም ማንም አይሆንም!
የነሮቢ በር በሃይል ተንኳኳ!...ሮቢ ከፈተ
" ጨጓራውን መልስ! "
" ኧረ ጋሼ! የምን ጨጓራ? "
" ዛሬ ፊኛህን ተሰናበት! ልቆምበት ነው "
" እኔ አላየሁምኮ "
" ምንድነው በመዘፍዘፊያው ያስቀመጥከው "
" የባቢ ሽንት ጨርቅ ነው "
" በፈርስ ነው የምታለቀልቀው? "

#Stay_Home
#Stay_Safe

#DrTsionFirew

በአሜሪካ 'ኒውዮርክ ሆስፒታል' የድንገተኛ ክፍል ሃኪም፣ የሕብረተሰብ ጤና ባለሞያ ፣በኮሎምቢያ ዩኒቨርስቲ ረዳት ፕሮፌሰርና ጤና ሚኒስተር አማካሪ የሆኑት ዶክተር ጽዮን ፍሬው ከሰሞኑን የኮሮና ቫይረስ ይዟቸው እንዳገገሙ በትዊተር ገጻቸው ላይ አስታውቀዋል።

ቢቢሲ የአማርኛው አገልግሎት ከሰሞኑን ዶክተር ፅዮን ፍሬውን በተለያዩ ጉዳዮች አነጋግሮ ነበር። ዶክተር ፅዮን ከቢቢሲ ጋር በነበራቸው ቆይታ ተከታዩን መልዕክት ለኢትዮጵያ ህዝብ አስተላልፈዋል ፦

በሽታው ስር ሳይሰድ በፊት መንግሥት እና የሚመለከታቸው ተቋሞች (ጤና ሚንስቴር እና የኢትዮጵያ ኅብረተሰብ ጤና ኢንስቲትዩት) የሚያወጧቸውን የጥንቃቄ እርምጃዎች መከተል ይገባል።

ሰው አላግባብ መደንገጥ ሳይሆን የሚነገረውን ማድረግ አለበት፤ በማኅበራዊም ይሁን በማንኛውም ጉዳይ አትሰብሰቡ እየተባለ ሰው መሰብሰብ ካላቆመ በሽታው ይስፋፋል።

በተለይም በአሁን ወቅት “መዘናጋት ትክክል አይደለም። የምናውቀው ሰው እስኪሞት መጠበቅ የለብንም፤ ቁጥሩ 40 ሺህ ወይም 60 ሺህ እስኪደርስ መጠበቅ የለብንም። በጣም የምወደው ሰው ከዚህ በሽታ ሊሞት ይችላል ብለን እናስብ።

መዘናጋት በበሽታው የሚሞቱ ሰዎችን ቁጥር ከፍ ከማድረጉም ባሻገር፤ ቫይረሱ ስጋት የሚሆንበትን ጊዜም እንደሚያራዝመው ያስረዳሉ።

በተጨማሪም ቤት መቀመጥና እጅ መታጠብን የመሰሉ ተግባሮች ቀላል ቢመስሉም የበርካቶችን ሕይወት ይታደጋሉ።

#Stay_Home
#Stay_Safe

#ቅንዋተ_መስቀል
(!)
ሳዶር አላዶር : ሮዳስና : ዳናት አዴራ
ስንቱን አዳኑ : ከሲኦል እንጀራ።
( ✍ @Tekuzhan )
2011

#DrTsionFirew

ይሄም ያልፋል!

'በኒውዮርክ ሆስፒታል' የድንገተኛ ክፍል ሃኪም፣ የሕብረተሰብ ጤና ባለሞያ ፣በኮሎምቢያ ዩኒቨርስቲ ረዳት ፕሮፌሰር የሆኑት ዶክተር ጽዮን ፍሬው ያስተላለፉት መልዕክት ፦

ኢትዮጵያ-ፋሲካን ዳግማዊ ትንሳኤን እና መጪ ሰርጎችን እንደ በፊት ተሰባስቦ በአንድነት መታደም ባለመቻላችን አንዳንዶቻችን በጣም እንዳዘንን እረዳለሁ።

ዛሬም ሆነ ነገ የመጣብን ክፉ ጠንቅ እስኪያልፍ ራሳችሁን ከአካላዊ መቀራረብ ስላራቃችሁም እናመሰግናለን።

አንዳንድ ወገኖች 'እረ ለፋሲካማ ተራርቀን አይሆንም!' ብላችሁ ለጠየቃችሁኝ መልሴ ቅልጥ ባለ ጦርነት ውስጥ ጥይት አየር ላይ ከወዲህ ወዲያ እየበረረ ቦምብ እዚህም እዚያ እየፈነዳ እንሰባሰብ አትሉም አይደል?

የጦርነት አውድማው ሆስፒታል ሆነ እንጂ ይሄንንም እንደዛ አስቡት ጦርነት ላይ ነን። እኛ የጤና ባለሙያዎቹ እየተፋለምን ነው። ስለዚህ በቤቶቻችሁ ሆናችሁ በዓሉን በሐሴት አክብሩ። ገበያውም ላይ እንጠንቀቅ አይዞን ይሄም ያልፋል!

©TIKVAH-ETH

ጁመዓ ሙባረክ

መልካም ስግደት🙏

የሁላችንንም ልመና ፈጣሪ ይስማን ፡፡

መልካም ቀን

#Stay_Home
#Stay_Safe

#የጅራፍ_ንቅሳት
( ገጣሚ ኤፍሬም ስዩም )
@getem
@getem
@getem

ስቀልልን ኢሄን የኛ ሰው ይፈታ
ምንም አይጠቅመንም ውሰደው ጎልጎታ
ጎልጎታ ቀራንዮ ይገበዋል ለሱ
አይሆንም እያሉ አሉ ግን ሚያለቅሱ

ሀጢያት የለበትም ኢሄ ሰው ሲላቸው
አይሆንም በጭራሽ በሸንጎ አቅርበው
ጺላጦስ ከ ሄሮድስ ፀብ የነበራቸው
በዚህ ስቃይ ጊዜ ጌታ አስታረቃቸው


አሁን አስደስተን ለቃልህም ታመን
በዚህ በፋሲካ በመጨረሻው ቀን
ቃል ገብተህልን ነበር በርባንን ልትሰጠን

መስቀል ተሸክሞ ቀራኒዮ ወረደ
ልብሱም ተቀደደ ሆነም እንዳበደ
ሰቀሉት ጌታዬን በ ወንበዴዎች መሀል
አንዳንዶቹ ሲስቁ ግማሹ ያነባል

በዛ በቀራኒዮ በዛ በጎልጎታ
ለኛ ሃጢያት ብለህ ተሰቅለሀል ጌታ
ባልሰራኸው ወንጀል ስቅለት ተፈርዶብህ
እስቲ ራስህን አድን ብለው ሲስቁብህ

ብሎ እንደጨረሰ ቀን ነበር ጨለመ
ከዋክብት ወደቁ ህዝቡም ተደመመ
የቤተመቅደሱ የእምነት ቤታቸው
መጋረጃው ለሁለት ተቀደደባቸው

በድንጋይ መቃብር ጌታዬን ቀበሩት
በሁለትም ወታደር በጥብቅ አስጠበቁት
በምድር እያለ የነገራቸው ቃል
መቃብር ፈንቅሎ ጌታዬ ይነሳል

እንዳለው ተነስቿል መቃብር ፈንቅሎ
ያንን ትልቅ ድንጋይ በሀይል አንከባሎ

ነፃነትን ሰጠን በኛ ሞት እሱ ሞቶ
ማንንም አልፈራም ከሱ ሌላ ከቶ

✍Kiyuu

©የግጥም ማዕበል

ለቅዳሚታችን!
❤

መንታ መልክ

ሊዮናርዶ ዳቪንቺ የመጨረሻው ዕራት የሚለውን ሥዕሉን በሚሰራበት ወቅት አንድ ችግር ገጠመው። ከአሥር ዓመታት በላይ በፈጀው በዚህ የስዕል ሥራ ላይ ሁለት ሞዴል መሆን የሚችሉ ሰዎች ጠፉ። ኢየሱስን እና የአስቆሮቱ ይሁዳን...

ዳቪንቺ የካቶሊክ ቤተ-ክርስቲያን ኃላፊዎችን ጭቅጭቅ መታገስ ከአቅሙ በላይ ሆነበት። ስዕሉን እንዲጨርስ የተሰጠው ጊዜ እየተገባደደ ነው። ...የትም ፍጭው...አይነት መርህ።

ከእለታት በአንዱ ዳቪንቺ ሞዴል ፍለጋ ወደከተማ ወጣ። በአራት ማእዘን መተላለፊያዎች ጥግ ቆሞ ክርስቶስንም ይሁዳንም ወክሎ መሣል የሚችል ሞዴል አጣ። ከብዙ ፍለጋ በኋላ ድንገት አንድ ሰው ብቅ አለ ከገበያ መሃል...

የአጥንት አወራረዱ፣ የዓይኖቹ ውበት እና ጥልቀት፣ ቁመናው፣ የአፍንጫው አወራረድ፣ ፂሙ፣ ርጋታውና አትኩሮቱ ቁጭ ኢየሱስን። ወደ ስቱዲዮው ይዞት ገባ... ቀለሙን በጠበጠ፣ ሽርጡን ታጠቀ፣ ሰውየውን ከፊቱ አስቀመጠና ስሎ ጨረሰ።

አሁን የመንፈስ መረጋጋት እየተሰማው ነው። ነገር ግን አንድ ሰው መገኘት አለበት፤ ይሁዳን የሚመስል ። የአስቆሮቱ ይሁዳን ሰብዕና መወከል የሚችል ሰው በሀገሩ ጠፋ። አሥራ ሁለቱም ተስለዋል፤ የይሁዳ ቦታ ግን ባዶ ነው። የመጨረሻው እራት ከይሁዳ ውጪ ባዶ ነው። ኢየሱስን ወደ ደረቱ ቀርቦ የሚያነጋግረው ዮሐንስ አለ። ሌሎቹም እንዲሁ። ነገር ግን እጁን ወደ ወጪቱ ከመሲህ እጅ ጋር የሚያጠልቀው ይሁዳ ግን የለም፤ እርሱን የሚመስል ሞዴል አላገኘም ነበርና...እነሆ ሶስት ዓመት አለፈ። ይሁዳን ፍለጋ...

ከሶስት ዓመት በኋላ ከቀናት በአንደኛው ዳቪንቺ ወጪና ወራጁ በሚመላለስበት መንገድ መሃል አንድ ሰው አስተዋለ። ፊቱ በመጠጥ ብዛት የተመጠጠ፣ ዓይኖቹ ከጉድጓዳቸው ወጥተው ሊወድቁ የደረሱና ሁሉንም የሚመለከቱ መረጋጋት የተሳናቸው የሚመስሉ፣ ያለ ዕረፍት የሚንቀጠቀጡ ቅንድቦች ያሉት፤ መልከ-መልካም የነበረ የሚመስል የአካሉ ጉስቁልና የመንፈሱን መታወክ የሚሰብክ አንድ ሰውን ተመለከተ፤ ቀርቦም...

"እኔ ሰዓሊ ነኝ ለምስለው ስዕል ያንተ ገዕታ ያስፈልገኛልና ብስልህ ምን ይመስልሀል?" ሲል ጠየቀው ዳቪንቺ ሰውዬው በስላቅ እየሳቀና በጥርጣሬ እየተመለከተው "መልካም እኔ ምን ቸገረኝ ሳለኝ ነገር ግን ትከፍላለህ" አለው
ተስማምተው መንገዳቸውን ቀጠሉ....

እንዴት መቀመጥ እንዳለበት ለይሁዳ ስሜት በሚቀርብ ሁኔታ ሰውዬውን ካሰናዳ በኋላ ስዕሉን ጀመረ... ከሰዓታት በኋላም ስዕሉን ጨረሰ። የእፎይታ ስሜት የሰዓሊውን መላ አካል ወረረው። አሁን የሚጨቀጭቀው፣ የሚነዘንዘው አይኖርም።
የተሳለው ሰው ገንዘቡን ተቀብሎ ሊወጣ ካለ በኋላ ተመልሶ ስዕሉን ማየት እንደሚችል ጠየቀ።

ስዕሉን ወደሰውዬው አይኖች አዞረለት። እጁን አገጩ ላይ አስደግፎ ለበርካታ ሰዓታት ምስሉን ያስተውለው ገባ። እናም በጥርጣሬ አይነት አነጋገር "ይህን ስዕልከዚህ በፊት ሳላየው አልቀርም" አለ "በፍፁም አይተኸው አታውቅም ይህ ስዕል ገና አደባባይ ያልወጣ ያልታየ የራሴ ብቸኛ ስራ ነው" ሰውዬው አቋረጠው "ቢሆንም ይህንን ስራ ከዚህ በፊት በእርግጠኝነት አውቀዋለሁ"
"የት?" ዳቪንቺ ጠየቀ
"እዚሁ ከተማ ከዚህ በፊት አንድ ሰዓሊ ይመስለኛል ከሶስት ዓመት በፊት ክርስቶስን ትመስላለህ ብሎኝ ያውቃል ዛሬ ደሞ አንተ ይሁዳን ትመስላለህ አልከኝ" ብሎ "ወይ የሰው ልጅ" እያለ በመገረም በተሰጠው ዲናር ወይኑን ለመጎንጨት መንገዱን ጀመረ...


ምንጭ 📖 የይሁዳ ድልድይ እና ሌሎችም ወጎች
ደራሲ ✍ ኤፍሬም ስዩም

ምንጭ:-Mula Dj B
@endenaendena
@endenaendena

ለመከራ የፈጠረኝ!
«ዘውድአለም ታደሠ»
ኮንዶሚኒየም መኖር ችግር ነው! ሁሉም ዶሮና በጉን በሩ ላይ አስሮ ብሎካችንን ኤልፎራ አስመስሏታል። እኔም ትናንት ሚስቴ በግ ካልገዛህ እያለች ስትነተርከኝ ጥቂት ብር ይዤ በግ ልገዛ ብወጣ አንድ ቀውላላ በግ ነጋዴ ሁለት ፊታቸው ላይ ከባድ ድብርት የሚታይባቸውን ከሲታ በጎች ይዞ ቆሞ አገኘሁና ጠጋ ብዬ
«ልትሸጣቸው ነው?» አልኩት
«እና ሐገር ላስጎበኛቸው ነው ካገሬ ይዣቸው የወጣሁት?» አለኝ
«እንደው ኩነኔ አይሆንም እነዚህን መግደል?» ስለው ፈጠን ብሎ
«አንቀህ ነው እንዴ ምትገድላቸው?» አለኝ
«አይ ያው በቢላም ቢሆን ...» ብዬ ሳልጨርስ
«ወንድሜ ካሳዘኑህ ውሰድና በጉዲፈቻ አሳድጋቸው» አለኝ
«እሺ ስንት ነች እቺ?» አልኩት ወደአንዷ እየጠቆምኩ
«በግ ታውቃለህ ማለት ነው። በጣም አስተዋይ በግ ነች እሷ» ብሎ ጀርባዋን መታ መታ ሲያደርጋት ወደጎን ፍንግል አለችና አቧራዋን አራግፋ ተነሳች።
«እኔ አስተውሎቷ ምን ይሰራልኛል ላስተምራት አይደለም እኮ ምወስዳት» ስለው
«አራት ሺ ብር ክፈል» አለኝ
«አራት ሺ ብርማ አታወጣም»
«በርግጥ ላታወጣ ትችላለች ነገር ግን እኔ አራት ሺ ብር ነው የሚያስፈልገኝ»
«ቀንስና ልውሰድልህ» አልኩት
«አይ ወዳጄ በጓን ግን አይተሃታል? ውስጠ ወይራ እኮ ነች። መፍዘዟን አትይ። በዚያ ላይ በእንክብካቤ ነው ያደለብኳት»
«ጭራሽ ደልባ ነው እንዲህ የከሳችው?»
«አዎና! በርግጥ እኔ ስብእናዋ ላይ ነው የሰራሁት። በጥሩ ስነምግባር ነው ያሳደግኋት» አለኝ ቆፍጠን ብሎ። ሳቄን ለመቆጣጠር እየሞከርኩ
«አንድ ሺ ብር ትሸጥልኛለ ...?» ብዬ ሳልጨርስ
«ውሰዳት!» አለኝ በደስታ ተሞልቶ።
ምነው ዝም ባልኩ ብዬ በይሉኝታ አንድ ሺ ብር ሰጥቼው በጓን ይዤ ልሄድ ስል መራመድ አቅቷት በቀስታ ስታዘግም
«ቃሬዛ ቢኖርኮ ደግ ነበር» አለኝ ሰውዬው በጉን በሃዘን እየሸኘ።
ተበሳጭቼ ዝም ብዬው ስሄድ
«ወንድሜ እንደው ለነፍስ ትሆንሃለች መጀመሪያ የህክምና እርዳታ አርግላት» አለኝ
መንገድ ላይ በጓን ያየ ሁሉ ከንፈሩን እየመጠጠ ያልፋል። አንዳንዱ እኔን እያየ አንገቱን በሃዘን ይነቀንቃል። በግ ላርድ ሳይሆን እንደአብርሃም ልጄን ልሰዋ ይዤ እየሄድኩ ነው ያስመሰሉት። ሽምቅቅ እንዳልኩ ቤት ደረስኩ። ሚስቴ በጓን እንዳየቻት
«ምንድነው ይዘህብኝ የመጣኸው?» ብላ ጮኸች። በጩኸቷ ከኔ ይልቅ የደነገጠችው በጓ ነች። አይኗን አስለምልማ መሬት ወደቀች! የመጀመሪያ ደረጃ እርዳታ ላደርግላት ሞከርኩ። አልነቃ ስትለኝ በአፌ ትንፋሽ ልሰጣት ሳጎነብስ ሚስቴ
«በዚህ አፍህ እኔ ከንፈር ጋር ድርሽ እንደማትል እወቀው!» ስትለኝ ቀና ብዬ መጨረሻዋን ማየት ጀመርኩ ..
ውይይ! አረፈች! በጣም የሚያሳዝን ሁኔታ ነው የገጠመኝ ጎበዝ።
ለሚስቴ «ያ ሙታን አስነሳለሁ ሚለው ነብይ ጋር ይዘናት እንሂድ ይሆን?» ስላት
«እሱ አክስቱ ሞታ ክፍለሐገር ሄዷል» አለችኝ። እሺ ምን ተሻለኝ ጓዶቼ?
«ቆይ ግን ...የግድ ስጋዋን ለመብላት እኛ ልንገድላት ይገባል እንዴ? ያው ሞት ሞት ነው። በቢላም ሞተች በድንጋጤ ያው መሞቷ አይቀርም!» ስል ሚስቴ ሶስት ግዜ አማትባ «በል አውጥተህ ጣል» አለች።
እኔ ግን ተስፋ አልቆረጥኩም! እቺን በግ እኮ ስጋዋን ፈልጌ ሳይሆን እንደበግ እንድትተውን ነው የገዛኋት። አክተር ደሞ አይሞትም
ኦህህህህህ! ተመስገን!
ነቅታለች ጎዶች «እልልልል ...» (አሉ እትዬ ዘርፌ የቤት እቃ (ማማሰያ ሳይቀር) እየሰረቀ ያሰለቻቸው ልጃቸው ሲታሰር)
እንዲህ ነው እንጂ በግ! ዝም ብሎ መሞት አለንዴ? እኛ ሳንፈቅድላትማ አትሞታትም! አልኩ ለሚስቴ (አንዳንዴኮ እንደ አፍሪካ መሪዎች ሚያደርገኝ ነገር አለ)
ሚስቴ መንቃቷን ስታይ «በል ቶሎ እረድልኝ» ብላ የአሉላ አባነጋን ሻሞላ የሚያህል ቢላ ይዛ መጣች።
«አሁን ለዚች በግ ይሄን የሚያህል ቢላ መጠቀም ተመጣጣኝ እርምጃ ነው ብለሽ ታስቢያለሽ?» አልኳት
«ወሬውን ተወውና ሳትሞት እረዳት» የሚል ቀጭን ትዛዝ ሰጠችኝ! ሻሞላውን ተቀብዬ ወደበጓ ስጠጋ አይኗን ከፈት አርጋ ቢላውን አየት አረገችና እንደሰው እንባዋ ባይኗ ሞልቶ ፀጥ አለችላችሁ! በቃ ሞተች!
ብቻ በጣም የሚያሳዝን ጉዳይ ነው የገጠመን ወገን! ከሚስቴ ጋር ያደርኩትን አዳር አዳር አትበሉት። ለሊት ላይ ጠጋ ብዬ እያቀፍኩ
«አይዞን እኛ ጤና የሚቀጥለው ፋሲካ ምን የመሰለ ሙክት ነው ምናርደው» ስላት እንደአለቃ ገብርሃና ገፍትራ ከግድግዳ ጋር አጋጨችኝ!
ኤጭ አሁንስ መረረኝ! ጌታ ሆይ ትመጣለህ ወይስ እኔ ልምጣ?
ምንጭ:-Dj Mule B:
@endenaendena
@endenaendena

#ተነስቷል

ሕያውን ከሙታን መካከል ስለምን ትፈልጉታላችሁ? ተነሥቶአል
እንጂ በዚህ የለም። ሉቃ 24፥5

የኃያላኑ ኃያል የጌቶቹ ጌታ የሆነው እየሱስ ክርስቶስ የሞት እዳችንን ከፍሎ በትንሳኤው ሞታችንን እርሱ ሙቶ ሽሮልናል ፡፡ መልካም የትንሳዔ በዓል ይሁንልን፡፡ ትንሳኤው የምህረት የድህነት እንዲሁም የይቅርታ ይሁንልን አሜን!

#Stay_Home
#Stay_Safe
#Happy_Easter

በግ ገዢ ለበዓል ~ ወደ ገበያ ወቶ
ወደ አንድ ሻጭ ሄደ ~ ቆንጆ በግ አይቶ
እንዴት ነህ ወዳጄ ~ ይሄበግ ስንት ነው
የደብርሃንነው ~ ሳይቀድሙ ውሰደው ገዢም ዠቅ ብሎ ~ እጁን ሲዘረጋ
በጉ ኮስተር ብሎ ~ ባክህ ተረጋጋ
ለሻጩ እንዲ አለ ~ ሳንታይዘር ስጠው
እጁን ያሻሻው ~ ዘሬን አይጨርስው
ከጎኑ ያለው በግ ~ ድምፅ ባይሰማም
ርቀት ጠብቁ ~ ባታጠልቁ ጓንትም
አንዱ ቀበል አርጎ ~ ሰዉ ብሶበታል
በዓል ነው ሲባል ~ ኮሮናን እረስቷል
ብለው እያወጉ ~ አንዱ ተጎትቶ ከመሃል ጎደለ
በጉ እንዲህ አለ ~ ከሰው ያመለጠ ምንኛ ተደለ


#ዳዳcoffee
09/08/12

✍Fikre Z Bhere Ethiopia©
ይህቺን ነገር የሚሻማን ልጅ ነበር። ብሬ! በየቤቱ እየዞረ ስልቅጥ
ነው!
ለነገሩ ያኔ በግ የቤት እንስሳ ነበር! ቢያንስ በሰፈራችን አብዛኛው
ሰው ስለሚያርድ።
የበጎች ድምጽ ከጠፋ ታርደዋል ማለት ነው....
ያንኳኳል.......
" ምነው በደህና ነው ልጅ ብርሃኑ? "
" ጋሼ! እንኳን አደረሳችሁ! " ይላል ወደግቢው እያጮለቀ።
በሰፈሩ ሁሉም ስለሚያውቀው ያዘጋጅለታል። ገና አብስለው
ሲሰጡት እንደ ድመት አይኑን ጨፍኖ ያነክተዋል....
" ፍቅርሻ! "
" አቤት "
" ተዘጋጀልኝ?"...( እንዳስቀመጠ )
" ያውልህ! "
የሰፈሩ አባቶች ልጆቻቸውን ( በተለይ ወንዶቹን ) ለማብላት
ይሞክራሉ
" ልጅ ብርሃኑኮ ጀግና ነው! "
" እንዴት? "
" የበግ ቆ** ይበላል ቢያንስ!..አንተ እሳት ዳር ቁጭ ብለህ ጉበት
ጥበስ ረኸጥ! "
"...ወንድ ልጅ የበግ ቆ** ሲበላነውንጂ!!!....." ይባላል።
ጥቅሙን ሲያስረዱ.....
" በተለይ አንተ ( እኔን ነው ) ይሄ ውሻና ሸረሪት ስታይ
የምትበረግገው ነገር ይለቀሃል ".....እርፍ!
አንድ ቀን እትዬ ሻሼ ቤት ሄደ ብሬ....
.....በጉኮ አልታረደም! ድምጹ ስለጠፋ ብርሻ ከች!...
" ሳይታረድ እንደ ቲማቲም ከላዩ ላይ ልትቀነጥስበት ነውንዴ? "
አሉ እትዬ ሻሼ
" ሲታረድ ልምጣ? "
" ሳር አብላውማ! ጎሽ..."
በጉ አመጸኛ ነገር ነበር። ብሬ ጠጋ ሲለው ሊወጋው
ተንደረደረ!.....ብሬ እንደዛ ተፈናጥራ አታውቅም!
እማማ ሻሼ.....
" ያን ኩሉ የበግ ቆ** ሰልቅጠህ እንደ ፌንጣ መዝለል?
ሆ!ሆ!ሆ...እኛው እንበላዋለን ከዛሬ ጀምሮ "
" ለሴት አይሆንምኮ እትዬ ሻሼ "
" ለምን ሲባል!? ምን እንዳይቀንስብኝ ነው? "
...እውነታቸውን ነው..
ብሬ ታዲያ ከፍ እንዳለ ቀበሌያችንን ወክሎ ቦክሰኛ ሆኖ ነበር።
የሁላችንም ውጤት አይደል?
የሚያሳዝነው ሁሌም ይሸነፋል!
እሱ በዝረራ በተፈነደሰ ቁጥር ቤቱ ሄዶ መጠየቁ ታከተን!
አንድ ቀን እትዬ ሻሼ ሊጠይቁት ሄዱ
" ተረፍክ ልጄ? "
" ደህና ነኝ እትዬ "
" አቤት.. አቤት.. አቤት! ጭካኔ! አንተ ለነገሩ ለምደኸው ነውንጂ
ሌላ ሰውማ ይሞታል! "
እያዘኑ ቆዩና...ጠጋ ብለው
" ያኔ እየዞርሽ ሃሞት ጠጥተሽ ቢሆን....."

#መልካም_ትንሳዔ
#Stay_Home
#Stay_Safe