‍ ‍ "اؤز کئفیمین پاشاسیام"

یوخلوغوندا اوشومورم
اؤز کئفیمین پاشاسیام
درد یوکونو داشیمیرام
اؤز کئفیمین پاشاسیام
..
نه گؤزلریم دنیز اولور
نه اوره‌ییم بیرآن سولور
بوشالیر کول‌قابیم، دولور
اؤز کئفیمین پاشاسیام
..
غم چکمیرم بیر آن له‌له
جاوان‌دی بیل، بو جان هله
اوره‌ک سؤزوم جوشور بئله
اؤز کئفیمین پاشاسیام
..
اؤنمسیزدیر منه ساهات
یاشاییرام ‌دردسیز راحات
جهنم اولسون بو حیات
اؤز کئفیمین پاشاسیام
..
دوشونمه کی داغیلمیشام
داغلارینلا، داغ اولموشام
شاعیر فصلی دوغولموشام
اؤز کئفیمین پاشاسیام
..
یاشامیرام بیرآن سورگون
کی ایشلریم دوشه دوگون
دونیا بئش‌گون، اودا خوش گون
اؤز کئفیمین پاشاسیام

#پاشا_موغانلی

“Öz Kefimin Paşasıyam”

Yoxluğunda üşümürəm
Öz Kefimin Paşasıyam
Dərd Yükünü Daşımıram
Öz Kefimin Paşasıyam

Nə Gözlərim Dəniz Olur
Nə Ürəyim Bir An Solur
Boşalır Kül Qabım , Dolur
Öz Kefimin Paşasıyam

Qəm Çəkmirəm Bir An LəLə
Cavandır Bir , Bu Can Hələ
Ürək Sözüm Coşur Belə
Öz Kefimin Paşasıyam

Onəmsizdir Mənə Sahat
Yaşayıram Dərdsiz Rahat
Cəhənnəm Olsun Bu Həyat
Öz Kefimin Paşasıyam

Düşünmə Ki Dağılmışam
Dağlarınla , Dağ olmuşam
Şair Fəsli Doğulmuşam
Öz Kefimin Paşasıyam

Yaşamıram Bir An Sürgün
Ki İşlərim Düşə Dügüm
Dünya Beş Gün , O Da xoş Gün
Öz Kefimin Paşasıyam

#Paşa_Muğanlı
səs:
#camal_kayhan
@SheirOcagi

‍ ▫️‍ تیراختور


گونش‌لی ماوی گؤیون
آلتیندا گئی قیرمیزی
یاشیل مئیدان‌دا اویون-
باشلا اوجالت سن بیزی
بیز اون‌ایکینجی یاریق
اؤلونجه سن‌له واریق

بیل کی ظفر سنین‌دیر
اوجال بوی آتماغین‌لا
سن بیزلری سئویندیر
یاریشلار اوتماغین‌لا
بیز اون‌ایکینجی یاریق
اؤلونجه سن‌له واریق

حاققی‌نی یئسه‌لر ده
ایاغینین اوسته ‌دور
بایراغین زیروه‌لرده
اسسین هر آن تیراختور
بیز اون‌ایکینجی یاریق
اؤلونجه سن‌له واریق

#پاشا_موغانلی




▫️Tiraxtur


Günəşli mavi göyün
Altında gey qırmızı
Yaşıl meydanda oyun-
Başla ucalt sən bizi
Biz onikinci yarıq
Ölüncə sənlə varıq

Bil ki zəfər sənindir
Ucal boy atmağınla
Sən bizləri sevindir
Yarışlar utmağınla
Biz onikinci yarıq
Ölüncə sənlə varıq

Haqqını yesələr də
Əyağının ustə dur
Bayrağın zirvələrdə
Əssin hər an tiraxtur
Biz onikinci yarıq
Ölüncə sənlə varıq

#paşa_muğanlı
@SheirOcagi