▫️او گئدرکن منیمله ساغوللاشمادی... و من بوتون عؤمرومو هئچ واخت گلمه‌یه‌جک بیرینی گؤزله‌یه‌رک کئچیردیم... او، منیم حیاتیمین پارانتز ایچریسینده قالان حیصّه‌سی‌ ایدی: اؤزل، آمّا حئکایه‌دن کناردا توتولان...

📚 اوینادیغیمیز سون اویون
#مسعوده_جاببار
#شعر_اوجاغی
@SheirOcagi

▫️کاش ائله بو واخت دونسا زامان، بوندان سونرا نه‌لرسه یاشانماسا، یا دا یاشانانلار خاطیرلانماسا...!

📚 عاجیز قالان اولدوزلار
#مسعوده_جاببار
#شعر_اوجاغی
@SheirOcagi

▫️- سن چوخ گؤزل قادینسان. هم ده سئوگی دولو بیریسن.
+ بونو هاردان بیلیرسن؟
- آغلایا بیلمه‌ییندن.
+ آغلاماقدان زهلم گئدیر! بالاجا اوشاق کیمی ائله هئی زیریلداییرام.
- بئله دوشونمه‌مه‌لیسن... آغلاماق ایچینده‌کی بولانیقلیق یارادان بوتون توز-تورپاغی یاتیشدیریر. گؤزل گوللر آچا بیلمک اوچون بیتکینین کؤکو هر زامان نملی اولمالی‌دیر.
+ سن لاپ شاعیر کیمی دانیشیرسان!
- آنجاق شعره دیَن قادینلار اوچون...

📚 اوینادیغیمیز سون اویون
#مسعوده_جاببار
#شعر_اوجاغی
@SheirOcagi

▫️هارا گئدیرسن گئت... نه قدر قاچیرسان قاچ! هئچ بیر شهر سنی چییین‌لرینده داشیدیغین یوک‌لردن گیزله‌ده‌جک قدر بؤیوک دئییل...

📚 گؤی قورشاغینین بیتدییی یئر
#مسعوده_جاببار
#شعر_اوجاغی
@SheirOcagi

▫️او بیلیردی کی، قادینلار هله کیچیک یاشلاریندان اعتباراً حیسّ ائتدیکلری آغریلاری گیزلَتمک اوچون تربیه ائدیلیر. سسینی چیخارماق یئرینه سوسماق، قارشی گلمک یئرینه بویون اَیمک... مزارا گیرینجه‌یه قدر آتالارینین، قارداشلارینین، ارلرینین سیرّلرینی ایچلرینده توتمالی‌دیرلار. ان چوخ دا اؤز سیرّلرینی...
چونکی بیر چوخ توپلوم اوچون، قادینلارین سهو ائتمه ایختیاری یوخدور، عفو ائدیلمزدیر، ناموسسوزلوقدور، اؤلومدور.
بو گون، بیر چوخ قیز اوشاغی، آغلادیغی زامان بئله، بونون سهو آنلاشیلاجاغینی بیلدیریب اونا هیرسلنن آنالار طرفیندن بؤیودولور...

📚 اوینادیغیمیز سون اویون
#مسعوده_جاببار
#شعر_اوجاغی
@SheirOcagi

▫️- هه، اونوتمادان، آرادا بیر، بئینینین توزونو آل! او قدر چیرکلنیب کی، اینسانلیغین گؤرونمور...

📚 ان
#مسعوده_جاببار
#شعر_اوجاغی
@SheirOcagi

▫️قلبینی نه قدر قالین و دؤزوملو قیفیل‌لارلا باغلاییرسان باغلا، هر بیری کیچیک بیر آچارا یئنیله‌جک قدر ضعیف‌دیر...

📚گؤی قورشاغینین بیتدیگی یئر
#مسعوده_جاببار
#شعر_اوجاغی
@SheirOcagi

▫️اینسان آز ساییلی حرف و ایشاره‌لری بیرلشدیره‌رک، فرقلی معنالارا صاحیب، سونسوز ساییدا سؤز، جومله قورا بیلن، تک جانلی‌دیر. آمّا بعضاً ائله اولور کی، دونیا اوزرینده‌کی بوتون حرفلر و بو گونه قدر اونلاردان عمله گلن بوتون او سونسوز ساییداکی جومله‌لر، بیردن-بیره یوخا چیخیر. دئیه‌جک تک کلمه تاپمیرسان. آغزینی آچیب بیر شئیلر دئمک ایسته‌سن، سانکی سنی نه ایسه بیر شئی توتوب ساخلاییر... بعضاً گئجیکیریک دئمک ایسته‌دیگیمیز سؤزلری دوداقلاریمیزین آراسیندان چیخارماغا... بعضاً ده هئچ دئمیریک...

📚 دینله منی!
#مسعوده_جاببار
#شعر_اوجاغی
@SheirOcagi

▫️- حیات بئله‌دیر؛ صاحیب اولمادیغینیز شئی‌لرین سایی آز اولسا بئله، کؤلگه‌سی بؤیوک اولور. اینسانلار گونشه احتیاج دویسا دا، هر زامان کؤلگه آختاریر. چونکی کؤلگه قارانلیقدان گلیر، قارانلیق‌سا بیلینمزلیک‌دیر.
+ بیلینمزلیگین نه‌یی یاخشی‌دیر؟ بو، اینسانی محو ائدیر.
- بیلینمزلیک اینسانی یاشادان شئی‌دیر. هر شئیین جاوابینی بیلسن، یاشاماغا دؤزومون قالماز. باشینا هاوا گلر. دلی اولارسان...

📚خوشبختلیگه چاتاندا الده قالانلار
#مسعوده_جاببار
#شعر_اوجاغی
@SheirOcagi

▫️هئچ بئله حیسّ ائتمیسن‌می؟:
بوتون دونیا سنه قارشی اولسا دا، ساده‌جه یانیندا اولان بیرجه اینسان‌لا هر چتین‌لیگه غالیب گلمه‌یه گوجون چاتار...

📚 خوشبختلیگه چاتاندا الده قالانلار
#مسعوده_جاببار
#شعر_اوجاغی
@SheirOcagi

▫️قلبیم ایچَریده بیر یئرده پارچالانیر، آمّا گولومسه‌مه‌ییم هله ده یئرینده‌دیر.

📚 دینله منی!
#مسعوده_جاببار
#شعر_اوجاغی
@SheirOcagi

▫️اینسانلار اؤز حیاتلارینی بیر دست پالتار کیمی اَیینلرینه گئیینیرلر.
درزی‌لری ایسه آنالاری، قوهوملاری، یاشادیقلاری موحیط، داواملی اولاراق اونلارا پالتاری نئجه گئیینه‌جه‌یی ایله باغلی تعلیماتلار وئریر.
بیر مودّت سونرا آرتیق اونلارین، ایچلرینده نئجه حیسّ ائتدیکلرینین اؤنمی قالمیر، تک اؤنملی شئی پالتارین گؤزل و سلیقه‌لی گؤرونمه‌سی‌دیر.

📚 اوینادیغیمیز سون اویون
#مسعوده_جاببار
#شعر_اوجاغی
@SheirOcagi

▫️کاش ائله بو واخت دونسا زامان! بوندان سونرا نه‌لرسه یاشانماسا، یا دا یاشانانلار خاطیرلانماسا!

📚 عاجیز قالان اولدوزلار
#مسعوده_جاببار
#شعر_اوجاغی
@SheirOcagi

▫️بعضاً حیسلریمیز بیزی ایداره ائتمه‌یه باشلاییر. بو، هر کسین باشینا ان آز بیر دفعه گلیر. هردن سئوگی، هردن ده نیفرت ایپلریمیزی الینه آلیر.

📚 گؤی قورشاغینین بیتدیگی یئر
#مسعوده_جاببار
#شعر_اوجاغی
@SheirOcagi

▫️بؤیودوکجه، بوتون افسانه‌لر، ناغیل‌لار، سئحرلی کلمه‌لر یئرینی بیر سورو معناسیز دونیا گئرچک‌لری ایله دَییشمیشدی. آمّا ایندی سوروشسانیز، همین یالانلاری گونوموزده‌کی بیر چوخ گئرچک‌لره دَییشمزدیم.

📚 گؤی قورشاغینین بیتدیگی یئر
#مسعوده_جاببار
#شعر_اوجاغی
@SheirOcagi

▫️- سن بوتون گون هارالاردا ایدین؟ زنگ یوخ، مئساژ یوخ...
+ بیر آز اوّل، منیم اوچون داریخدیغینی دئدین؟
- من ائله سؤز دئمه‌دیم.
+ دئدین، دئدین.

📚 عاجیز قالان اولدوزلار
#مسعوده_جاببار
#شعر_اوجاغی
@SheirOcagi

▫️بعضی توخونوشلار وار، روحونوزلا علاقه قوروب دانیشا بیلیر.

📚 ان
#مسعوده_جاببار
#شعر_اوجاغی
@SheirOcagi

▫️بؤیودوکجه، بوتون افسانه‌لر، ناغیللار، سئحرلی کلمه‌لر یئرینی بیر سورو آنلامسیز دونیا گئرچک‌لری ایله دَییشمیشدی. آمّا ایندی سوروشسانیز، همین یالانلاری گونوموزده‌کی بیر چوخ گئرچکلره دَییشمزدیم.

📚 گؤی‌قورشاغینین بیتدیگی یئر
#مسعوده_جاببار
#شعر_اوجاغی
@SheirOcagi

▫️- سن چوخ گؤزل قادینسان. هم ده سئوگی دولو بیریسن.
+ بونو هاردان بیلیرسن؟
- آغلایا بیلمه‌ییندن.
+ آغلاماقدان زهلم گئدیر! بالاجا اوشاق کیمی ائله هئی زیریلداییرام.
- بئله دوشونمه‌مه‌لیسن... آغلاماق ایچینده‌کی بولانیقلیق یارادان بوتون توز-تورپاغی یاتیشدیریر. گؤزل گوللر آچا بیلمک اوچون بیتکینین کؤکو هر زامان نملی اولمالی‌دیر.
+ سن لاپ شاعیر کیمی دانیشیرسان!
- آنجاق شعره دیَن قادینلار اوچون...

📚 اوینادیغیمیز سون اویون
#مسعوده_جاببار
#شعر_اوجاغی
@SheirOcagi

▫️هئچ ائله حیسّ ائتمیسن‌می کی، بوتون دونیا سنه قارشی اولسا دا، ساده‌جه یانیندا اولان بیرجه اینسان‌لا هر چتینلیگه غالیب گلمه‌یه گوجون چاتار؟

📚 خوشبختلیگه چاتاندا الده قالانلار
#مسعوده_جاببار
#شعر_اوجاغی
@SheirOcagi