▫️بو بولودلاری،
گؤتوروم دئیه، پنجره‌نین چرچیوه‌سینه قویمامیشام من.

گونش شاخمیرسا،
منیم سوچوم دئییل.

بونلارا رغمن، اوتانیرام سندن.
ائویم،
یوخو و اویانیش سینیریندادیر؛
کابوس‌لارین کیپریگینین آلتیندا.

منی باغیشلا...
سنی سئویرم،
و‌ الیمدن بیر شئی گلمیرسه‌‌‌‌‌...!

#رسول_یونان
چئویری:
#شعر_اوجاغی
@SheirOcagi

▫️سنی دوشونمک

سنی دوشونمک،
حیاتی دوشونمک‌دیر.
تورپاق آلتیندا،
دار-دودوک بیر قبیرده،
گونشی دوشونمک‌دیر.
قارلی گئجه‌ده،
قیفیل‌لانمیش قاپی‌لاردان،
قاچماغی دوشونمک‌دیر حبس‌خانادا.
سنی دوشونمک‌ دَیرلی‌دیر؛
ان آزی،
آدامین قلبیندن،
بیر بولاق جوشار؛
بیر آت گلر اوردان سو ایچر؛
بیر قوش گلر اوردا اوخویار...

#رسول_یونان
@SheirOcagi

▫️- اؤلومدن سونرا حیاتا اینانارسان؟
- یوخ.
- آمما اینان!
سندن سونرا دیری قالدیم،
قار آلتیندان،
قورتاریلان داغچی کیمی...

#رسول_یونان
@SheirOcagi

▫️سنی دوشونمک

سنی دوشونمک،
حیاتی دوشونمک‌دیر.
تورپاق آلتیندا،
دار-دودوک بیر قبیرده،
گونشی دوشونمک‌دیر.
قارلی گئجه‌ده،
قیفیل‌لانمیش قاپی‌لاردان،
قاچماغی دوشونمک‌دیر حبس‌خانادا.
سنی دوشونمک‌ دَیرلی‌دیر؛
ان آزی،
آدامین قلبیندن،
بیر بولاق جوشار؛
بیر آت گلر اوردان سو ایچر؛
بیر قوش گلر اوردا اوخویار...

#رسول_یونان
@SheirOcagi

▫️حسرت

دومان بورولاری،
آنتن‌لر،
قارغالار.
کئچمیشیمدن،
سادجه بونلار یادیما گلیر.
پنجره‌دن،
ائشییه باخدیغیم گونلردن،
سیزین آپارتمانیز،
اوزاقدا ایدی؛
یئرله گؤی اوزو قوووشان یئرده...

#رسول_یونان
@SheirOcagi

▫️قارانلیق

منیم سئوگیلیم،
بیر فیلم اولدوزودو.
بوندان بئله ائویم قارانلیق‌دیر،
گؤز، گؤوزو گؤرمور.
گؤی اوزونون اولدوزلاری ایشیق وئرمز؛
یئر اوزونده چوخ آدلارین
معناسی یوخدو؛
و چوخ معنا وار کی، آدسیزدیر...

#رسول_یونان
@SheirOcagi

▫️رسمده گؤرونمه‌ین پاسلی پیانو

یالقیز آدامین رسمی،
اوزون بیر کوچه‌دیر؛
و اونون دیبینده اولان،
باغلی قاپی.

یالقیز آدامین رسمی،
رسم‌ده گؤرونمه‌ین،
پاسلی پیانودور.

یالقیز آدامین رسمی،
اسن یئل‌دیر؛
سولغون آی.

یالقیز آدامین رسمی،
بوتون کدرلرین رسمی‌دیر...

#رسول_یونان
@SheirOcagi

▫️غلبه‌لیک

منه ائله گلیر،
چین محلّه‌لرینده ایتمیشم.
هر یئر های-کویدو،
هر یئر غلبه‌لیک.
کئشکه،
ساری بیر اژدها قارشیما چیخیب،
منی اودسون،
سون قویسون بو ایتکین‌دوشمه‌ییمه.
نه چتین بیر ایشدیر،
غلبه‌لیکده یالقیز یاشاماق...!

#رسول_یونان
@SheirOcagi

▫️گؤی‌لرده

منه گلف آغاجی لازیمدیر.
اولدوزلاری بیر-بیر چوخورا سالماق اوچون.
سنین عشقین،
منی قانادلاندیریب،
گؤی‌لرده‌یم ایندی،
ایسته‌ییرم گلف اوینایام...

#رسول_یونان
@SheirOcagi

▫️قالستوک

یاواش-یاواش مودئرن‌لشیرم؛
ماسا آرخاسیندا،
یئمک یئییرم؛
قالستوک (کراوات) باغلاییرام؛
رپ موسیقی‌سینه
قولاق آسیرام؛
اینتئرنت‌ده،
سئودیییم شاعیرلری ایزله‌ییرم.
یاواش-یاواش،
اؤزومدن چیخیرام؛
تیسباغا بالاسی یومورتادان چیخان کیمی.

یئنیدن دوغولماق،
کومیک ده اولموش اولسا،
چوخ گؤزل و هیجانلی بیر شئی‌دیر...

#رسول_یونان
@SheirOcagi

▫️یالنیز من بیلیرم

یالنیز قارانلیق بیلیر:
آی نه قدر ایشیقلی‌دیر.
یالنیز تورپاق بیلیر:
سویون ال‌لری،
نه قدر حیات باغیشلایان‌دیر.
یالنیز آج آدام بیلیر:
چؤره‌یین ان دوغرو آنلامینی.
یالنیز من بیلیرم:
سن نه قدر گؤزلسن...!

#رسول_یونان
@SheirOcagi

▫️سئوگی،
ائوه قاییتماق اوچون،
بیر یول‌دور؛
ایشدن سونرا
ساواشدان سونرا
دوستاقدان سونرا
سفردن سونرا
...دن سونرا.

«تکجه سئوگی، سیخینتی‌لارین سونو اولا بیلر...»
من بئله دوشونورم...

#رسول_یونان
#شعر_اوجاغی
@SheirOcagi

▫️مندن بئزیبسن، بیلیرم.
آزجا دؤز!
هر شئی بیته‌جک،
بیته‌جک بو ایشیق،
اؤلوم گلیب لامپانی سؤندوره‌جک...

#رسول_یونان
@SheirOcagi

▫️پاییز

قیرمیزی‌یا باتیر گئتدیکجه ساری،
ایسلادیر گؤزل‌لیک گلیب-گئدنی.
هئیوانین چیراغی یانیر یاغیشدا،
یئنه دلی ائدیر بو پاییز منی...

#رسول_یونان
#شعر_اوجاغی
@SheirOcagi

▫️بئزیکدیریب حیات منی،
دای بوراخمیر راحات منی.
بو کابوسدان اویات منی!
بیر آت گلیر، باشی یوخدور.

دوشموشم اَلدن، آیاقدان،
یارپاق دوشن‌تک بوداقدان.
گئجه-گوندوز آغلاماقدان،
گؤزلریمین یاشی یوخدور.

سنسیز بیر گول‌تک سولموشام،
نه دانیشیب، نه گولموشم.
معلوم اولان: من اؤلموشم،
قبریمین باش داشی یوخدور.

یوخو قارا پالتار گئییر،
جاناوارتک، آدام یئییر.
هرکس دئییر، یالان دئییر،
اؤلومون قارداشی یوخدور...

#رسول_یونان
@SheirOcagi

▫️- اؤلومدن سونرا حیاتا اینانارسان؟
- یوخ!
- آمّا اینان!
سندن سونرا دیری قالدیم؛
قار آلتیندان قورتاریلان،
داغچی کیمی...

#رسول_یونان
@SheirOcagi

▫️سن، بیزیم بولودوموز ایدین،
آمّا باشقا بیر یئرده یاغدین...

#رسول_یونان
#شعر_اوجاغی
@SheirOcagi

▫️عشق،
ائوه دؤنمک اوچون بیر یولدور:
ایشدن سونرا،
ساواشدان سونرا،
حبسدن سونرا،
سفردن سونرا...

«بیر تک عشق، بوتون چتینلیک‌لرین سونو اولا‌ بیلر» دوشونورم.
ائله بو اوزدن،
همیشه عاشقانه ماهنیلار اوخویورام.

من همن،
ساواش مئیدانینین اورتاسیندا،
سئوگیلیسینی اونوتمایان
عسگرم...

#رسول_یونان
چئویرمه
#شعر_اوجاغی
@SheirOcagi

▫️دونیا سونا چاتاندا،
رؤیالار
باشقا بیر دونیا یاراداجاق.
و سنین گولوشون،
گونشین یئرینی آلاجاق.

#رسول_یونان
#شعر_اوجاغی
چئویرمه
@SheirOcagi

▫️دیبلرده یاشاماق، گووَنلی‌دیر،
آما گؤزل دئییل.
دیبلرده یاشایان بالیقلار اوولانمیر،
آما گونشین دوغوشونو دا گؤرمورلر،
گمی‌لری سئیر ائتمیرلر.
ایندی گؤزل بیر آت دنیزه آیاق باساجاق،
اونو دا گؤرمه‌یه‌جکلر.
هه، اۆزۆجۆدۆر دیبلرده یاشاماق.

#رسول_یونان
#شعر_اوجاغی
ترجومه
@SheirOcagi