▫️اونو هئچ نه گتیرمیر،
آپاریر فیکری منی.
«عیسی» یاشلی سئوگیلیم،
چارمیخا چکیر منی.
اللریم میسمارلانیب-
گؤیه، دوعادان اؤترو.
گؤزلریم ایکی «مریم»،
آغلار «عیسی»دان اؤترو.
اوندان بیر ده دوغولماز،
اونو گزمک گوناهدی.
اونو گؤرمه‌یین یولو-
گؤزونو قاپاماقدی.
او، هر یاشدا عئینی‌دی،
دَییشمز گؤزل‌لییی.
اونون چوخ عاغیللیدی-
ترس‌لییی، دجل‌لییی.
او، ایندی بوردا یوخدو،
آمّا بوردادی ایندی.
او، اونو آلانین یوخ،
او، اونو سئوَنین‌دی.
منیمدی، تکجه منیم،
عالمین خبری یوخ.
اونو اؤزوم دوغموشام،
«مریم»ین خبری یوخ...
#ائلوین_باکیراوغلو
کؤچوردو
#شعر_اوجاغی
@SheirOcagi
آپاریر فیکری منی.
«عیسی» یاشلی سئوگیلیم،
چارمیخا چکیر منی.
اللریم میسمارلانیب-
گؤیه، دوعادان اؤترو.
گؤزلریم ایکی «مریم»،
آغلار «عیسی»دان اؤترو.
اوندان بیر ده دوغولماز،
اونو گزمک گوناهدی.
اونو گؤرمه‌یین یولو-
گؤزونو قاپاماقدی.
او، هر یاشدا عئینی‌دی،
دَییشمز گؤزل‌لییی.
اونون چوخ عاغیللیدی-
ترس‌لییی، دجل‌لییی.
او، ایندی بوردا یوخدو،
آمّا بوردادی ایندی.
او، اونو آلانین یوخ،
او، اونو سئوَنین‌دی.
منیمدی، تکجه منیم،
عالمین خبری یوخ.
اونو اؤزوم دوغموشام،
«مریم»ین خبری یوخ...
#ائلوین_باکیراوغلو
کؤچوردو
#شعر_اوجاغی
@SheirOcagi
▫️سوپورگه‌چی قیز
کوچه‌سینه کیم سو سپر،
کوچه‌نی سوپورن قیزین؟
اوزوندن توز-تورپاق اؤپر،
بختینه توپورن قیزین.
اونودوب بوتون عالمی،
ائله اؤز ایشینی گؤرور.
اوتوروب دینجلن کیمی،
قاشلاری دا یئر سوپورور.
سوپورگه‌نین اوستونده‌کی،
ساچاقلاری یولور بیربیر.
اؤیرنمک ایسته‌ییر سانکی:
سئویر...سئومیر...سئویر...سئومیر...
#ائلوین_باکیراوغلو
کؤچوردو
#شعر_اوجاغی
@SheirOcagi
کوچه‌سینه کیم سو سپر،
کوچه‌نی سوپورن قیزین؟
اوزوندن توز-تورپاق اؤپر،
بختینه توپورن قیزین.
اونودوب بوتون عالمی،
ائله اؤز ایشینی گؤرور.
اوتوروب دینجلن کیمی،
قاشلاری دا یئر سوپورور.
سوپورگه‌نین اوستونده‌کی،
ساچاقلاری یولور بیربیر.
اؤیرنمک ایسته‌ییر سانکی:
سئویر...سئومیر...سئویر...سئومیر...
#ائلوین_باکیراوغلو
کؤچوردو
#شعر_اوجاغی
@SheirOcagi
▫️زیبیل قوتوسو
او، سئوگی‌یه ایناندیغی گوندن زیبیله دوشدو،
زیبیله دوشدویو گون سئوگی‌یه ایناندی.
ایناندی کی سئوگی زیبیل کیمی بیر شئی‌دی
ایناندی کی آدام جیلدینده سئوگی اولمور.
دئدی کی زیبیله قالسین بو سئوگی‌ن!
او گوندن سونرا زیبیل قوتوسونو سئومه‌یه باشلادی
یازدیغی مکتوبلارین هامیسینی اورا گؤندردی...
#ائلوین_باکیراوغلو
کؤچوردو
#شعر_اوجاغی
@SheirOcagi
او، سئوگی‌یه ایناندیغی گوندن زیبیله دوشدو،
زیبیله دوشدویو گون سئوگی‌یه ایناندی.
ایناندی کی سئوگی زیبیل کیمی بیر شئی‌دی
ایناندی کی آدام جیلدینده سئوگی اولمور.
دئدی کی زیبیله قالسین بو سئوگی‌ن!
او گوندن سونرا زیبیل قوتوسونو سئومه‌یه باشلادی
یازدیغی مکتوبلارین هامیسینی اورا گؤندردی...
#ائلوین_باکیراوغلو
کؤچوردو
#شعر_اوجاغی
@SheirOcagi
▫️بو آریقلیق پهریزدن دئییل.
بو یئکه‌پر آریقلیق، بو کؤک آریقلیق،
داریخماغین «کؤک‌آلتی»¹دی،
تکلیگین «کوب»²ودو،
آیریلیغین «کوادرات»³ی‌دی.
کئچمیشین یانیندا الیمیز آشاغی‌دی
گونو-گوندن قیمتی قالخیر خاطیره‌لرین.
یاددان چؤله چیخمیر خاطیره‌لر،
ماما اوشاغی‌دی.
آلزایمر خسته‌سی چیخدی سئودیکلریمیزین چوخو.
هانسی «مؤعتریضه»⁴نی آچساق،
اونلار اوردادی.
هانسی «مؤعتریضه»نی باغلاسالار،
بیز اوردا یوخوق.
بارماق سایی قدر گولدوک،
حئسابلایا بیلمه‌دیک یاناغیمیزدان آخان نئچه‌نجی گؤز یاشی‌دی.
مین آداملیق اوره‌ییمیز وار ایدی،
بیر سئودالیق یئریمیز،
بیر خیانتلیک جانیمیز وار ایدی.
اؤلدوک...
بیز اؤلمه‌میشدن اوّل،
بیر باخیش بس ایدی سویوغون ایسینمه‌یینه،
قیشین کئچمه‌یینه.
بیر اؤپوش بس ایدی بوتون اورقانلارین بوتون اورقانلارا کؤچمه‌یینه.
هر شئی بسیمیز ایدی.
نه قدر کی سئوگی بیزیم هر شئییمیز ایدی،
نه قدر کی بیز سئوگینین هئچ نه‌یی دئییلدیک،
اینانمیردیق آمئریکان فیلملرینه،
آلدانیردیق هیند کینولارینا.
چونکی ضعیفین غالیب اولاجاغینا امین ایدیک،
چونکی سیچان همیشه پیشیگین باشینا ایتین اویونونو آچیردی،
چونکی «جئری»نین الیندن بئزمیشدی «تام».
اوسته‌لیک ائویمیزین دامی دا اوچمامیشدی باشیمیزا.
قازانچالاری دوزمه‌میشدیک یاغیشین آلتینا،
ایسلانماماق اوچون ائودن قاچمامیشدیق.
کاسیبلیغی هر شئییندن تانیییردیق:
جورابیمیزین ییرتیغیندان،
آیاق‌قابیلاریمیزی دئشیگیندن تانیییردیق.
کیشی کیمی‌یدی آنامیز.
آنامیز اولماسایدی آتاسیز بؤیویردیک.
باجیمیز اولماسایدی، قارداشیمیز اولمازدی.
قونشوموز اولماسایدی، قوهوم نه‌دی، بیلمزدیک.
سئوگیلیمیز اولماسایدی هامیدان خوشبخت یاشایاردیق،
بیر خیانتلیک جانیمیز وار ایدی چونکی.
ایندی بو آریقلیق بیر آز دا اوزاقلاشماق‌دی خاطیره‌لردن و سئودیکلریمیزدن،
و بو اوزاقلیق بیر آز دا یاخینلاشماق‌دی
خاطیره‌لره و سئودیکلریمیزه.
چونکی بیز آریقلادیقجا جانیمیز بیر آز دا هوپور ایچیمیزه.
ایندی بو آریقلیق پهریزدن دئییل،
آیریلیغین «کوادرات»ی‌دی بو، تکلیگین «کوب»و...
#ائلوین_باکیراوغلو
¹- جذر
²- اوچ دفعه اؤزونه چیرپیلان عددین حاصیلی- مکعب
³- بیر عددین اؤزونه وورولماسیندان حاصیل اولان عدد- مربّع
⁴- پارانتئز
#شعر_اوجاغی
@SheirOcagi
بو یئکه‌پر آریقلیق، بو کؤک آریقلیق،
داریخماغین «کؤک‌آلتی»¹دی،
تکلیگین «کوب»²ودو،
آیریلیغین «کوادرات»³ی‌دی.
کئچمیشین یانیندا الیمیز آشاغی‌دی
گونو-گوندن قیمتی قالخیر خاطیره‌لرین.
یاددان چؤله چیخمیر خاطیره‌لر،
ماما اوشاغی‌دی.
آلزایمر خسته‌سی چیخدی سئودیکلریمیزین چوخو.
هانسی «مؤعتریضه»⁴نی آچساق،
اونلار اوردادی.
هانسی «مؤعتریضه»نی باغلاسالار،
بیز اوردا یوخوق.
بارماق سایی قدر گولدوک،
حئسابلایا بیلمه‌دیک یاناغیمیزدان آخان نئچه‌نجی گؤز یاشی‌دی.
مین آداملیق اوره‌ییمیز وار ایدی،
بیر سئودالیق یئریمیز،
بیر خیانتلیک جانیمیز وار ایدی.
اؤلدوک...
بیز اؤلمه‌میشدن اوّل،
بیر باخیش بس ایدی سویوغون ایسینمه‌یینه،
قیشین کئچمه‌یینه.
بیر اؤپوش بس ایدی بوتون اورقانلارین بوتون اورقانلارا کؤچمه‌یینه.
هر شئی بسیمیز ایدی.
نه قدر کی سئوگی بیزیم هر شئییمیز ایدی،
نه قدر کی بیز سئوگینین هئچ نه‌یی دئییلدیک،
اینانمیردیق آمئریکان فیلملرینه،
آلدانیردیق هیند کینولارینا.
چونکی ضعیفین غالیب اولاجاغینا امین ایدیک،
چونکی سیچان همیشه پیشیگین باشینا ایتین اویونونو آچیردی،
چونکی «جئری»نین الیندن بئزمیشدی «تام».
اوسته‌لیک ائویمیزین دامی دا اوچمامیشدی باشیمیزا.
قازانچالاری دوزمه‌میشدیک یاغیشین آلتینا،
ایسلانماماق اوچون ائودن قاچمامیشدیق.
کاسیبلیغی هر شئییندن تانیییردیق:
جورابیمیزین ییرتیغیندان،
آیاق‌قابیلاریمیزی دئشیگیندن تانیییردیق.
کیشی کیمی‌یدی آنامیز.
آنامیز اولماسایدی آتاسیز بؤیویردیک.
باجیمیز اولماسایدی، قارداشیمیز اولمازدی.
قونشوموز اولماسایدی، قوهوم نه‌دی، بیلمزدیک.
سئوگیلیمیز اولماسایدی هامیدان خوشبخت یاشایاردیق،
بیر خیانتلیک جانیمیز وار ایدی چونکی.
ایندی بو آریقلیق بیر آز دا اوزاقلاشماق‌دی خاطیره‌لردن و سئودیکلریمیزدن،
و بو اوزاقلیق بیر آز دا یاخینلاشماق‌دی
خاطیره‌لره و سئودیکلریمیزه.
چونکی بیز آریقلادیقجا جانیمیز بیر آز دا هوپور ایچیمیزه.
ایندی بو آریقلیق پهریزدن دئییل،
آیریلیغین «کوادرات»ی‌دی بو، تکلیگین «کوب»و...
#ائلوین_باکیراوغلو
¹- جذر
²- اوچ دفعه اؤزونه چیرپیلان عددین حاصیلی- مکعب
³- بیر عددین اؤزونه وورولماسیندان حاصیل اولان عدد- مربّع
⁴- پارانتئز
#شعر_اوجاغی
@SheirOcagi