▫️ایمکانسیزلاری یاشاماق‌ می‌دیر سئومک،
یوخسا سئوَرکن ایمکانسیز‌می‌دیر یاشایا بیلمک؟...

#اؤزدمیر_آصاف
#شعر_اوجاغی
@SheirOcagi

▫️اویسا نه چوخ آغلادیم من،
بیر دامجی یاش تؤکمه‌دن...

#اؤزدمیر_آصاف
#شعر_اوجاغی
@SheirOcagi

‍ ▫️خوشجا قال!

سیاه-بیاض دوگمه‌لرینده پیانومون،
سنی چالیرام ایندی.
چالدیقجا چوخالیرسان اوتاقدا.
سن آرتدیقجا من ایتیرم.

سنی دوغورورام گئجه‌یه،
آدینی قویورام آیا باخاراق.
هر شئی سن اولور، هر یئر سن.
من اؤلورم.

سسینی ائشیدیرم رؤیالاریمدا،
گؤزلریمی قاماشدیریر ایشیغین.
یئل، سن کیمی توخونور منه،
من یارانیرام.

ائشیتمک ایسته‌دیکلریمی سؤیله‌میرسن هئچ،
توخونمورسان منه،
سن کیمی بیر شیمشَک چاخیر،
تام قلبیمه دوشور ایلدیریمی.
من گئدیرم...

#اؤزدمیر_آصاف
#شعر_اوجاغی
@SheirOcagi

▫️عشق، ایکی اینسانین کوچه داعواسینا بنزر،
چونکی آییران همیشه بیر اؤزگه‌سی‌دیر...

#اؤزدمیر_آصاف
#شعر_اوجاغی
@SheirOcagi

▫️نه پارا ایسته‌ییرم،
نه ده پول.
تک بیر ایسته‌ییم وار،
او دا یالانسیز بیر غول...

#اؤزدمیر_آصاف
#شعر_اوجاغی
@SheirOcagi

▫️منیم سئودام اوجا شام آغاجی کیمی‌دیر.
نه پاییزدا یارپاق تؤکر،
نه ده قیشدا بویون بوکر...

#اؤزدمیر_آصاف
#شعر_اوجاغی
@SheirOcagi

▫️بوشونا یورولما کؤنول!
ساده‌جه سئومک، یئتمیر...

#اؤزدمیر_آصاف
#شعر_اوجاغی
@SheirOcagi

▫️سنده گؤردویومو گؤره‌جکلر دئیه اؤدوم قوپور...

#اؤزدمیر_آصاف
#شعر_اوجاغی
@SheirOcagi

▫️اؤیله‌سینه گؤزل سئویرم کی سنی،
اؤیله‌سینه صاف،
اؤیله‌سینه تمیز،
اؤیله‌سینه درین.
«اؤیله‌سینه» دئییل...

#اؤزدمیر_آصاف
#شعر_اوجاغی
@SheirOcagi

▫️آغزیندا یالان وارکن،
دانیشما!...

#اؤزدمیر_آصاف
@SheirOcagi

‍ ▫️بیر قادینین دوداقلاریندا دئییلدیر عشق،
بدنینده هئچ دئییلدیر.
عشق، قادینین گؤز قاپاق‌لاریندادیر.
قادین، گؤز قاپاق‌لاریندا ساخلار او آدامی.
نه قدر یانارسا یانسین جانی،
آغلایا بیلمز بعضاً.
سیم‌سیخی یومار گؤزلرینی،
آدام هپ اوردا قالار.
قادین، اصلا بوراخماز آدامی،
قادین، اصلا واز کئچمز اوندان...

#اؤزدمیر_آصاف
#شعر_اوجاغی
@SheirOcagi

▫️یالنیزلیق دیشاریدان گلمز،
اینسانین ایچینده دیر.

#اؤزدمیر_آصاف
@SheirOcagi

▫️بیر اینسان، قاطاری قاچیرتسا، باشقا بیر قاطار گلر اونو گؤتورر؛
بیر خالق قاطاری قاچیرتسا، باشقا بیر خالق گلر اونو گؤتورر...

#اؤزدمیر_آصاف
#شعر_اوجاغی
@SheirOcagi

‍ ▫️سنی گیزله‌ده‌جه‌یم.

سنی گیزله‌ده‌جه‌یم، اینان!
یازدیقلاریمدا، چیزدیکلریمده، ماهنیلاریمدا، سؤزلریمده.
سن قالاجاقسان، کیمسه بیلمه‌یه‌جک،
و کیمسه‌لر گؤرمه‌یه‌جک سنی،
یاشایاجاقسان گؤزلریمده.
سن گؤره‌جکسن، حیسّ ائده‌جکسن،
پاریلدایان بیر عشق ایستیلیگی.
یاتاجاقسان، اویاناجاقسان،
باخاجاقسان، بنزه‌میر گلن گونلر کئچن‌لره،
دالاجاقسان.
بیر عشقی آنلاماق،
بیر یاشام کورلاماق‌دیر؛
کورلایاجاقسان.

سنی یاشایاجاغام، آنلادیلماز.
یاشایاجاغام گوزلریمده.
گؤزلریمده گیزله‌ده‌جه‌یم،
بیر گون، تام آنلاتماغا...
باخاجاقسان،
گؤزلریمی یوماجاغام،
آنلایاجاقسان...

#اؤزدمیر_آصاف
#شعر_اوجاغی
@SheirOcagi

▫️منی یوخلوغون‌لا ساواشدیرما!
اودوزارام...

#اؤزدمیر_آصاف
@SheirOcagi

▫️نه یاخشی اولاردی،
هر کسین،
«من یالان سؤیله‌یه بیله‌رم،
آما -سنه- یوخ» بیر «سن»ی اولسایدی!
نه یاخشی!

ایندی هر کسین
یالان سؤیله‌دیگی
بیر «سن»ی وار.

#اؤزدمیر_آصاف
#شعر_اوجاغی
@SheirOcagi

▫️سن، گلیرکن آغلامیشدین اوراسی اوچون.
بیل! گئدیرکن ده، آغلایاجاقسان بوراسی اوچون.

#اؤزدمیر_آصاف
@SheirOcagi

▫️یالنیزلیق دیشاریدان گلمز،
اینسانین ایچینده‌دیر.

#اؤزدمیر_آصاف
@SheirOcagi

▫️قولای‌دیرمی بیر آندا هر شئیدن واز کئچیب گئتمک؟
یوخسا هر شئیه رغماً گئتمکدن واز کئچیب سئومک‌می گرک؟

#اؤزدمیر_آصاف
#شعر_اوجاغی
@SheirOcagi

▫️اؤزلَم

بیر گئجه،
گئجه‌ده بیر یوخو،
یوخونون ایچینده من.
یاتیرام،
یوخودایام،
یانیمدا سن...

یوخونون ایچینده بیر رؤیا،
رؤیامدا بیر گئجه،
گئجه‌ده من.
بیر یئره گئدیرم،
دلیجه؛
عاغلیمدا سن...

من سنی سئویرم،
گیزلیجه.
الیم سینه‌مده دورورام،
اوزونه باخیرام،
سؤیله‌مه‌دن،
تک هئجه...

سنی ایتیریرم،
چوخ قارانلیق بیر آندا.

بیردن اویانیرام،
باخیرام، آیدینلیق...
یاتیبسان یانیمدا
گؤزَلجه...

#اؤزدمیر_آصاف
#شعر_اوجاغی
@SheirOcagi