▫️هئچ باشا دوشه بیلمیرم اینسانلاری دا، اؤزومو ده. بیرجه اونو بیلیرم کی، بو دونیادا سوال چوخدور، جاواب آز...

📚 تهمینه و زائور
#آنار_رضایئو
#شعر_اوجاغی
@SheirOcagi

▫️هئچ بیر طیّاره، هئچ بیر گمی، هئچ بیر نقلیّات واسیطه‌سی، اینسانین اؤزونو اؤزوندن اوزاقلاشدیرا بیلمیر، کئچمیشیندن آییرا بیلمیر...

📚 تهمینه و زائور
#آنار_رضایئو
#شعر_اوجاغی
@SheirOcagi

▫️«سعادت آختارماق» ایفاده‌سی او دئمک دئییل کی، سعادتی آختاریب تاپماق اوچون دوزه، دونیایا دوشمه‌لیسن...
خوشبختلیک، یا بدبختلیک اینسانین اؤز ایچینده‌دیر، اونو یوک کیمی اؤزونله داشیییرسان؛ هارا گئدیرسن گئت، لاپ دونیانین او باشینا؛ بو اعتیبارلی یوکدور؛ نه ایته‌جک، نه باتاجاق، نه آزالاجاق، نه آرتاجاق....

📚 تهمینه و زائور
#آنار_رضایئو
#شعر_اوجاغی
@SheirOcagi

▫️اونلارین سئوگیسی ایمکانسیز گؤرونوردو. لاکین ایمکانسیز اولان اونلارین سئوگی حئکایه‌سی یوخ، توپلومون دَییشمه‌ین مانعلری، «اولماز»لاری‌دیر...

📚 تهمینه و زائور
#آنار_رضایئو
#شعر_اوجاغی
@SheirOcagi

▫️اؤلن، یالنیز، آداملار اولمور کی... تلفن نؤمره‌لری ده اؤلور.
عؤمور بویو چوخ رقم‌لری اونوداجاقسان...

📚 من، سن، او و تلفن
#آنار_رضایئو
#شعر_اوجاغی
@SheirOcagi

▫️اونلارین سئوگیسی ایمکانسیز گؤرونوردو. لاکین ایمکانسیز اولان اونلارین سئوگی حئکایه‌سی یوخ، توپلومون دَییشمه‌ین انگل‌لری، «اولماز»لاری‌دیر.

📚 تهمینه و زائور
#آنار_رضایئو
#شعر_اوجاغی
@SheirOcagi

▫️دونن سنین تئلفونون اؤلدو.
اؤلن یالنیز آداملار اولمور کی... تئلفون نؤمره‌لری ده اؤلور.

📚 من، سن، او و تئلفون
#آنار_رضایئو
#شعر_اوجاغی
@SheirOcagi

▫️دوشورسن یادیما.

- «اونوت منی سحرلر،
گوندوزلر اونوت! دئدی.
اولدوزلو گئجه‌لرده،
اونوت منی ابدی!
آخشاملار یادا سالما،
خاطیره‌لره دالما!»

+ یاخشی، یاخشی! اونوتدوم.
آما دوشورسن یادیما،
یاغاندا یاغیشلار.
باغیشلا، گؤزل یار!
باغیشلا، باغیشلا!

- «اونوت منی پاییزدا،
باهاردا اونوت! دئدی
کؤنلوندن اوزاق ائیله،
دردی، غمی، کدری!
کئچن گونلری آنما،
حسرت اودونا یانما!»

+ یاخشی، یاخشی! اونوتدوم.
آما دوشورسن یادیما،
یاغاندا یاغیشلار.
باغیشلا، گؤزل یار!
باغیشلا، باغیشلا!

#آنار_رضایئو
#شعر_اوجاغی
@SheirOcagi

🎬 گون کئچدی(1971)

اوشاقلیقدا بیر-بیرینه اولان صمیمی حیسّ‌لرینی خاطیرلایان قادین و کیشی همین موناسیبت‌لری یئنیدن قایتارماق اقتداریندا دئییللر.
موعيّن مقصد نامینه حیاتدا اؤز-اؤزونو آلدادان اسمر ایلک باخیشدا خوشبخت گؤرونور: اونون اری، قیزی، گؤزل ائو-ائشییی، یاخشی دوستلاری وار. اوّل‌لر بوتون بونلار اونو اَیلَندیرسه ده،  سونرالار تدریجاً بئزدیریر. بلکه ده اونا گؤره کی، اسمر هله ده اؤز یئرینی تاپا بیلمیر. اونا ائله گلیر کی، بیر گونلوک باکی‌یا گلمک‌له مالیک اولدوغو صونعی حیات طرزینی ديَیشدیره بیله‌جک. آمّا اینسان یالنیز کئچمیشله، اوشاقلیق خاطیره‌لری ایله یاشایا بیلمز، هر آدامین اؤز گله‌جه‌یی اولمالیدیر.

▫️فیلم ایچری شهَرده، پروسپئکتلرده، طيّاره‌ مئیدانیندا، یوللاردا چکیلیب.

رئژیسسور: #عاریف_بابایئو
سسئناری مولّیفی: #آنار_رضایئو
اوپئراتور: #راسیم_ایسماییلوو
رسام: #ائل‌بی_رضاقولییئو
بسته‌کار: #ائمین_ثابت‌اوغلو

رول‌لاردا: لئیلا شیخلینسکایا(اسمر)، حسن مممداوو(اوقتای)، حسن آغا توراب‌اوو(اوقتای‌ین ایش یولداشی)، چینگیز علی‌اوغلو(جامال)، موختار آوشاروو(پوچتالیون)، صدایه مصطفی‌یئوا(اسمرین آناسی)
#شعر_اوجاغی
@SheirOcagi

▫️اؤلن یالنیز آداملار اولمور کی، تلفون نؤمره‌لری ده اؤلور.
عؤمور بویو چوخ رقملری اونوداجاقسان.

📚 من، سن، او و تلفون
#آنار_رضایئو
#شعر_اوجاغی
@SheirOcagi

▫️الویداع!

گؤروشدوک نه چتین، آیریلدیق نه آسان!
هارداسان، حیاتیم؟
وارمیسان؟ یوخموسان؟
من سنی ایزله‌دیم، گوناه تک گیزله‌دیم.
هر سحر، هر آخشام، هر گوندوز، هر گئجه گؤزله‌دیم.

هارداسان اولدوزلو گئجه‌لر؟
الویداع، هارداسان؟!
منی نییه آنلاییب-
منی دۇیمۇرسان نییه؟

سنین خیالین منی،
گؤیلره قالدیریر؛
دوشوردور، چیرپیر بو یئرلره.
بیز یاراشمیریق بو دونیایا
بیز یاراشمیریق یئرلره و گؤیلره.

الویداع او گونلر، اولدوزلو گئجه‌لر،
الویداع!

#آنار_رضایئو
#شعر_اوجاغی
@SheirOcagi

▫️حسد چکمه‌دیم هئچ واخت،
هئچ بیر زامان، هئچ کسه.
قیسقانمادیم کیمینسه
شؤهرتینه، دؤولتینه، آدینا،
گوجلو استعدادینا.
عؤمرون سون مودّتینده،
ایللر اؤتدویو زامان،
قیسقانیرام من یامان!
اؤزوم بیلمیرم هاچان
گله‌جک گله‌جه‌یه،
منسیز کئچن ایللرچون،
غریبسه‌ییرم هر آن.

بیر گون من اولمایاندا،
نئجه یاد ائده‌جکلر،
نه‌لر سؤیله‌یه‌جکلر؟
ایچینده درد چکن کیم؟
گویا کی درد چکن کیم؟
شوخ، شن ظارافات‌لاری،
یادا سالیب گولن کیم؟
آیریلیغا دؤزمه‌ییب
حسرتیندن اؤلن کیم؟

بلکه ده حاقلی‌دیرلار،
هیندیستان مودریک‌لری:
«اؤلن اینسان دا بیر گون
دؤنوب قاییدیر گئری،
قوش کیمی، بالیق کیمی
آغاج‌تک، گول-چیچک‌تک.»

قوشلاری اوولاییرلار،
بالیقلاری توتورلار،
آغاجلاری کسیرلر،
گول-چیچه‌یی دریرلر،
یئنه محو اولور دؤنن.
من هانسی‌یمیشام گؤرن؟

توتالیم، لاپ بئله‌دیر؛
دونیامی دَییشرکن،
بیر ده دؤنه‌جم گئری،
کیم تانییاجاق منی؟!
دونیا بیر پنجره‌دیر،
قاپاتما پنجره‌نی!

#آنار_رضایئو
#شعر_اوجاغی
@SheirOcagi

▫️ایتیردیگیم دوستلارلا،
یوخودا گؤروشورم.
ماسکا فیلان تاخمادان،
گؤروشوب-اؤپوشورم.

گوندوز اؤلن دوستلاریم،
گئجه یوخوما گلیر.
من بوردان دانیشیرام،
سورورام: اوردا نه وار؟
جاواب وئرمیر هئچ بیری،
ملول-ملول باخیرلار.

اورانین اونسیّتی،
بلکه سوسوب باخماق‌میش.
گؤره‌سن او دونیادا
یوخولار بئله وارمیش؟
اورداکی دوستلاریم دا
هردن گؤرورمو منی،
اورداکی یوخولاردا؟

اصلینده کیم بیلیر کیم،
کیمدی یوخولو، آییق؟
بلکه اونلاردی اویاق،
بیز بوردا یوخوداییق.

#آنار_رضایئو
#شعر_اوجاغی
@SheirOcagi

▫️عاصی‌لریم ائله هئی منی دفن ائله‌ییرلر،
«توکَنیب‌دیر» دئییرلر.
آما من ده بئله‌یم:
«باسدیریلاندان» سونرا
«توکَنَندن» سونرا دا،
اون جیلد کیتاب یازمیشام.
بیر گون اگر دوغرودان
اجل قاپیمی دؤیسه،
اؤلومه ده حاضیرام.
آمّا هله کی، ساغام
یازماقچون یاشاییرام،
یاشاماقچون یازیرام.

#آنار_رضایئو
#شعر_اوجاغی
@SheiOcagi