▫️قاداسین آلدیغیم
چؤل منیم‌دی، چیچک سنین
گول سنین‌دی، لچک منیم
ال منیم‌دی، اتک سنین
کسمه، قاداسین آلدیغیم!
سندن سونرا یوخدو یولوم
سن اولدون قانادیم-قولوم
اؤلدور منی، قوربان اولوم!
کوسمه، قاداسین آلدیغیم!
باتیر منی عومّان کیمی!
ایتیر منی دومان کیمی!
باشیمدا بیر توفان کیمی،
اسمه، قاداسین آلدیغیم!
یوللاری یوروب گله‌رم
طیلسیمی قیریب گله‌رم
قبیردن دوروب گله‌رم
سسله، قاداسین آلدیغیم!
بیر دریا اول، گمی‌م اوچون!
بیر علاج اول، غمیم اوچون!
سن اؤزونو منیم اوچون،
بسله، قاداسین آلدیغیم...!
#نوصرت_کسمنلی
کؤچورمه:
#شعر_اوجاغی
@SheirOcagi
چؤل منیم‌دی، چیچک سنین
گول سنین‌دی، لچک منیم
ال منیم‌دی، اتک سنین
کسمه، قاداسین آلدیغیم!
سندن سونرا یوخدو یولوم
سن اولدون قانادیم-قولوم
اؤلدور منی، قوربان اولوم!
کوسمه، قاداسین آلدیغیم!
باتیر منی عومّان کیمی!
ایتیر منی دومان کیمی!
باشیمدا بیر توفان کیمی،
اسمه، قاداسین آلدیغیم!
یوللاری یوروب گله‌رم
طیلسیمی قیریب گله‌رم
قبیردن دوروب گله‌رم
سسله، قاداسین آلدیغیم!
بیر دریا اول، گمی‌م اوچون!
بیر علاج اول، غمیم اوچون!
سن اؤزونو منیم اوچون،
بسله، قاداسین آلدیغیم...!
#نوصرت_کسمنلی
کؤچورمه:
#شعر_اوجاغی
@SheirOcagi
▫️دانیشماق ایسته‌میر، یازماق ایسته‌میر
سئوگی گؤزلریمدن آشیب داشیب‌دیر.
دای «سنی سئویرم» دئمه‌یه‌جه‌یم
سؤزوم ناغیل‌لار تک بایاتلاشیب‌دیر.
دای «سنی سئویرم» دئمه‌یه‌جه‌یم
دئینده خاطیرین گومانا دوشور.
سؤزوم یئره دوشور، سس گؤیه دوشور
گؤیدن نئچه آلما یان-یانا دوشور.
بیزیم بو سئوگینین یولو باغلی‌دیر
نه منده گوناه وار، نه هکئرلرده.
اینان یالوارماقدان جانا گلیب‌لر
سنه گؤندردیییم ائستیکرلر ده.
سسینی ائشیتمک ساریندان داها،
سیزین قاپینیزی دؤیمه‌یه‌جه‌یم.
بو گونلوک سئویرم، صاباحدان آما،
سنی سئوه- سئوه سئومه‌یه‌جه‌یم.
بو سؤز بینؤوره‌سیز بیر ائودیر، نه‌دیر؟
بو سؤز باش توتمایان سئوگیمه تایدی.
بو گون سئوه‌جه‌یم، اما نه اولسون،
دونیانین صاباحی کاش اولمایایدی!
من سنی سئوه‌جم بیر عؤمور بویو
سنی سئومه‌مکده مگر ایش اولور؟
یا صاباح گله‌جک، یاداکی بوشلا...!
منیم ائله بوگون عؤمروم قورتولور...
#آیدین_باخیش
@SheirOcagi
سئوگی گؤزلریمدن آشیب داشیب‌دیر.
دای «سنی سئویرم» دئمه‌یه‌جه‌یم
سؤزوم ناغیل‌لار تک بایاتلاشیب‌دیر.
دای «سنی سئویرم» دئمه‌یه‌جه‌یم
دئینده خاطیرین گومانا دوشور.
سؤزوم یئره دوشور، سس گؤیه دوشور
گؤیدن نئچه آلما یان-یانا دوشور.
بیزیم بو سئوگینین یولو باغلی‌دیر
نه منده گوناه وار، نه هکئرلرده.
اینان یالوارماقدان جانا گلیب‌لر
سنه گؤندردیییم ائستیکرلر ده.
سسینی ائشیتمک ساریندان داها،
سیزین قاپینیزی دؤیمه‌یه‌جه‌یم.
بو گونلوک سئویرم، صاباحدان آما،
سنی سئوه- سئوه سئومه‌یه‌جه‌یم.
بو سؤز بینؤوره‌سیز بیر ائودیر، نه‌دیر؟
بو سؤز باش توتمایان سئوگیمه تایدی.
بو گون سئوه‌جه‌یم، اما نه اولسون،
دونیانین صاباحی کاش اولمایایدی!
من سنی سئوه‌جم بیر عؤمور بویو
سنی سئومه‌مکده مگر ایش اولور؟
یا صاباح گله‌جک، یاداکی بوشلا...!
منیم ائله بوگون عؤمروم قورتولور...
#آیدین_باخیش
@SheirOcagi
▫️کؤنلومه بیر یئمک دوشنده بیلیرسن نه ائدیرم؟
زهله‌م گئده‌نه قدر و داها هئچ واخت اونو دوشونمه‌یه‌جک، دوشونسم ده قوسماق حالی منه اوز وئره‌جک قدر اوندان یئییرم.
اوشاقلیغیمدا گیلاس وورغونو ایدیم. چوخ دا پولوم یوخ‌ایدی بیر دفعه‌لیک چوخلو مقداردا یئیم. گئجه-گوندوز گیلاسدان باشقا دردیم یوخ‌ایدی و دوغرودان دا اونون یوخلوغو اوچون سیخینتی‌دایدیم.
بیر گئجه آتامین جیبیندن پول جیبیتدیم، سحر تئزدن بیر باخچاوانین سوراغینا گئدیب بیر سله گیلاس آلیب یئمه‌یه باشلادیم. قارینیم شیشه‌نه قدر یئدیم. سونرا معده‌م آغریدی، حالیم قاریشدی. او گوندن سونرا گیلاس ایسته‌‌یی منده اؤلدو؛ او قدر کی داها شکلینی گؤرمه‌یه تحمّولوم یوخ ایدی؛ قورتولموشدوم. اونلارا باخیب دئییردیم: «داها سیزه احتیاجیم یوخدو.»
سونرالار همن ایشی توتون‌له ده گؤردوم...
📚 یونانلی زوربا
#نیکوس_کازانتزاکیس (۱۸۸۳-۱۹۵۷)
یونانلی یازیچی
#شعر_اوجاغی
@SheirOcagi
زهله‌م گئده‌نه قدر و داها هئچ واخت اونو دوشونمه‌یه‌جک، دوشونسم ده قوسماق حالی منه اوز وئره‌جک قدر اوندان یئییرم.
اوشاقلیغیمدا گیلاس وورغونو ایدیم. چوخ دا پولوم یوخ‌ایدی بیر دفعه‌لیک چوخلو مقداردا یئیم. گئجه-گوندوز گیلاسدان باشقا دردیم یوخ‌ایدی و دوغرودان دا اونون یوخلوغو اوچون سیخینتی‌دایدیم.
بیر گئجه آتامین جیبیندن پول جیبیتدیم، سحر تئزدن بیر باخچاوانین سوراغینا گئدیب بیر سله گیلاس آلیب یئمه‌یه باشلادیم. قارینیم شیشه‌نه قدر یئدیم. سونرا معده‌م آغریدی، حالیم قاریشدی. او گوندن سونرا گیلاس ایسته‌‌یی منده اؤلدو؛ او قدر کی داها شکلینی گؤرمه‌یه تحمّولوم یوخ ایدی؛ قورتولموشدوم. اونلارا باخیب دئییردیم: «داها سیزه احتیاجیم یوخدو.»
سونرالار همن ایشی توتون‌له ده گؤردوم...
📚 یونانلی زوربا
#نیکوس_کازانتزاکیس (۱۸۸۳-۱۹۵۷)
یونانلی یازیچی
#شعر_اوجاغی
@SheirOcagi
▫️غلبه‌لیک
منه ائله گلیر،
چین محلّه‌لرینده ایتمیشم.
هر یئر های-کویدو،
هر یئر غلبه‌لیک.
کئشکه،
ساری بیر اژدها قارشیما چیخیب،
منی اودسون،
سون قویسون بو ایتکین‌دوشمه‌ییمه.
نه چتین بیر ایشدیر،
غلبه‌لیکده یالقیز یاشاماق...!
#رسول_یونان
@SheirOcagi
منه ائله گلیر،
چین محلّه‌لرینده ایتمیشم.
هر یئر های-کویدو،
هر یئر غلبه‌لیک.
کئشکه،
ساری بیر اژدها قارشیما چیخیب،
منی اودسون،
سون قویسون بو ایتکین‌دوشمه‌ییمه.
نه چتین بیر ایشدیر،
غلبه‌لیکده یالقیز یاشاماق...!
#رسول_یونان
@SheirOcagi
▫️سن همن‌می‌سن؟!
ساعات، گله‌جه‌یه بیر آددیم؛
بویلو بولودلارین اینیلتیسی‌له داغیلیر، دوشونجه‌لریمین دامازلیغی.
صاباح،
آکسییا کئچیره‌جک بو خیاوان، حاقسیزلیغا قارشی.
ساعات گله‌جه‌یه بیر آددیم؛
اؤکسوز اوشاق‌لارینین جیندیرینی سریر تئلئفون سیم‌لرینه،
سئودیگیم قادین...
آه...، خزر گؤزلوم!
سن همن می سن...
روما پالتاریندا یاپدیردی آمئریکا هئیکلینی؟!
دون
اورمو چؤلونده باسدیراندا دنیزینی،
کؤچری بیر دورنانین گؤزلرینده گئتدی، اوره‌یینین پؤسکورتوسو.
بوگون صاباح،
نم هانسی قیطعه‌نین محکمه‌سینده،
دنیز یانغینی اوچون سوچلاندیریب بؤله‌جکلر گؤوده‌نی...
ساعات، گله‌جه‌یه بیر آددیم؛
بویلو بولودلارین اینیلتیسینده گیزلنیر هیچقیریغیم
اؤکسوز اوشاق‌لارینین جیندیرینی سریر تئلئفون سیم‌لرینه سئودیگیم قادین.
بیر آزدان گونش دوغولاجاق خیاواندا...
#قاسم_پناهی
@SheirOcagi
ساعات، گله‌جه‌یه بیر آددیم؛
بویلو بولودلارین اینیلتیسی‌له داغیلیر، دوشونجه‌لریمین دامازلیغی.
صاباح،
آکسییا کئچیره‌جک بو خیاوان، حاقسیزلیغا قارشی.
ساعات گله‌جه‌یه بیر آددیم؛
اؤکسوز اوشاق‌لارینین جیندیرینی سریر تئلئفون سیم‌لرینه،
سئودیگیم قادین...
آه...، خزر گؤزلوم!
سن همن می سن...
روما پالتاریندا یاپدیردی آمئریکا هئیکلینی؟!
دون
اورمو چؤلونده باسدیراندا دنیزینی،
کؤچری بیر دورنانین گؤزلرینده گئتدی، اوره‌یینین پؤسکورتوسو.
بوگون صاباح،
نم هانسی قیطعه‌نین محکمه‌سینده،
دنیز یانغینی اوچون سوچلاندیریب بؤله‌جکلر گؤوده‌نی...
ساعات، گله‌جه‌یه بیر آددیم؛
بویلو بولودلارین اینیلتیسینده گیزلنیر هیچقیریغیم
اؤکسوز اوشاق‌لارینین جیندیرینی سریر تئلئفون سیم‌لرینه سئودیگیم قادین.
بیر آزدان گونش دوغولاجاق خیاواندا...
#قاسم_پناهی
@SheirOcagi
▫️بعضی آداملار گولوشونوزون داها اوجا، گولومسه‌مه‌نیزین داها ایشیلتیلی و یاشامینیزین داها یاخشی اولماغینا سبب اولورلار.
بو آداملاردان بیری اولماغا چالیشین...!
#گراهام_گرین (۱۹۰۴-۱۹۹۱)
اینگلیسلی یازیچی
#شعر_اوجاغی
@SheirOcagi
بو آداملاردان بیری اولماغا چالیشین...!
#گراهام_گرین (۱۹۰۴-۱۹۹۱)
اینگلیسلی یازیچی
#شعر_اوجاغی
@SheirOcagi
▫️دلی اولماغیما بیر آددیم قالیب
بیلمیرم هئچ نه‌یی، للـه! بیلمیرم.
من کیمم، نه‌چی‌یم، هله بیلمیرم.
گئتمیشم، اؤزومه گله بیلمیرم
دلی اولماغیما بیر آددیم قالیب.
عؤمرومون بو یاشدا ناغیلینا باخ!
ناغیلدی آی آللاه، ناغیل؛ اونا باخ!
عاغیل‌سیز عشقیمین عاغیلینا باخ!
دلی اولماغیما بیر آددیم قالیب.
ال آچار، سئوگیمین الی اوتانماز
خیرمانی ایش گؤرر، «ول»ی اوتانماز
یییه‌سی اوتانار، دلی اوتانماز
دلی اولماغیما بیر آددیم قالیب.
بیلمیرم، هئچ نئچه یاشیندایام من.
عشقین ایشتاهیندا، آشیندایام من
اوچورمون، یارغانین قاشیندایام من
دلی اولماغیما بیر آددیم قالیب
ایشاره ییخاجاخ، هیم آپاراجاق
الیمی ساز یئییب، سیم آپاراجاق
منی ائویمیزه کیم آپاراجاق؟
دلی اولماغیما بیر آددیم قالیب.
مجنون درس اوخویوب، کیتابی لئیلی
مجنون سرخوش اولوب، شرابی لئیلی
مجنون درده دوشوب، عذابی لئیلی
دلی اولماغیما بیر آددیم قالیب
گولمه‌سین بو حالدا منی گؤرنلر!
تر چیچک ندیرسه، بیلیر درن‌لر
آییلین آی منه عاغیل وئرن‌لر!
دلی اولماغیما بیر آددیم قالیب.
گؤروش سئوینجیندی، حسرت آهیندی
سئونلر سئوگیلی بیر درگاهیندی
"زلیم خان"! من کیمم، حؤکم آللاهیندی
دلی اولماغیما بیر آددیم قالیب...
#زلیمخان_یعقوب
@SheirOcagi
بیلمیرم هئچ نه‌یی، للـه! بیلمیرم.
من کیمم، نه‌چی‌یم، هله بیلمیرم.
گئتمیشم، اؤزومه گله بیلمیرم
دلی اولماغیما بیر آددیم قالیب.
عؤمرومون بو یاشدا ناغیلینا باخ!
ناغیلدی آی آللاه، ناغیل؛ اونا باخ!
عاغیل‌سیز عشقیمین عاغیلینا باخ!
دلی اولماغیما بیر آددیم قالیب.
ال آچار، سئوگیمین الی اوتانماز
خیرمانی ایش گؤرر، «ول»ی اوتانماز
یییه‌سی اوتانار، دلی اوتانماز
دلی اولماغیما بیر آددیم قالیب.
بیلمیرم، هئچ نئچه یاشیندایام من.
عشقین ایشتاهیندا، آشیندایام من
اوچورمون، یارغانین قاشیندایام من
دلی اولماغیما بیر آددیم قالیب
ایشاره ییخاجاخ، هیم آپاراجاق
الیمی ساز یئییب، سیم آپاراجاق
منی ائویمیزه کیم آپاراجاق؟
دلی اولماغیما بیر آددیم قالیب.
مجنون درس اوخویوب، کیتابی لئیلی
مجنون سرخوش اولوب، شرابی لئیلی
مجنون درده دوشوب، عذابی لئیلی
دلی اولماغیما بیر آددیم قالیب
گولمه‌سین بو حالدا منی گؤرنلر!
تر چیچک ندیرسه، بیلیر درن‌لر
آییلین آی منه عاغیل وئرن‌لر!
دلی اولماغیما بیر آددیم قالیب.
گؤروش سئوینجیندی، حسرت آهیندی
سئونلر سئوگیلی بیر درگاهیندی
"زلیم خان"! من کیمم، حؤکم آللاهیندی
دلی اولماغیما بیر آددیم قالیب...
#زلیمخان_یعقوب
@SheirOcagi
▫️اورک باغلاماق اوچون بیر لحظه یئتر؛ آنجاق گئرچک بیر عشقین یارانماغی اوچون، زامانین کئچمه‌یی گرکلی‌دیر...
#باربارا_دی_آنجلیس (۱۹۵۱ دوغوملو)
آمریکالی پیسیخولوق و یازیچی
#شعر_اوجاغی
@SheirOcagi
#باربارا_دی_آنجلیس (۱۹۵۱ دوغوملو)
آمریکالی پیسیخولوق و یازیچی
#شعر_اوجاغی
@SheirOcagi
▫️گاهن آدام، آدامین اؤزو، عشق دیر. وارلیغی عشق دیر. گئدیشی، باخیشی عشق دیر. الی، اوره‌یی عشق دیر. سنده عشق جوشور؛ ایزینی تانیمادان، هارادان سنده تاپیلدیغینی بیلمه‌دن...
📚 «سلوچ»ون بوش یئری
#محمود_دولت‌آبادی
#شعر_اوجاغی
@SheirOcagi
📚 «سلوچ»ون بوش یئری
#محمود_دولت‌آبادی
#شعر_اوجاغی
@SheirOcagi
▫️خبرسیز
انسان اوغلو! ائلین دردی بیزیمدی
کیمسه‌نین دردیندن قالما خبرسیز!
هرگون یوخلا آتا-آنا حالینی،
قونشونون حالیندان یاتما خبرسیز!
آتش واجب اولوب خسیس اینسانا.
سخاوت زینتدی سخی اولانا.
حلال مالدان حیصّه آییر احسانا!
حارامی حالالا قاتما خبرسیز!
یارادان وئریبدی هر طورلو نعمت.
آچیلار دار گونده یوز باب-ی رحمت.
باغلانان قاپیدا واردی بیر حیکمت.
حیکمتی عیصیانا ساتما خبرسیز!
«کاتب اوغلو» ائلین دردین بیل ایندی!
یئتیم گؤزدن آخان یاشی سیل ایندی!
سیلاحیم حق سؤزدو، شیرین دیل ایندی.
مظلومون آهینا باتما خبرسیز...!
#کاتب اوغلو
@SheirOcagi
انسان اوغلو! ائلین دردی بیزیمدی
کیمسه‌نین دردیندن قالما خبرسیز!
هرگون یوخلا آتا-آنا حالینی،
قونشونون حالیندان یاتما خبرسیز!
آتش واجب اولوب خسیس اینسانا.
سخاوت زینتدی سخی اولانا.
حلال مالدان حیصّه آییر احسانا!
حارامی حالالا قاتما خبرسیز!
یارادان وئریبدی هر طورلو نعمت.
آچیلار دار گونده یوز باب-ی رحمت.
باغلانان قاپیدا واردی بیر حیکمت.
حیکمتی عیصیانا ساتما خبرسیز!
«کاتب اوغلو» ائلین دردین بیل ایندی!
یئتیم گؤزدن آخان یاشی سیل ایندی!
سیلاحیم حق سؤزدو، شیرین دیل ایندی.
مظلومون آهینا باتما خبرسیز...!
#کاتب اوغلو
@SheirOcagi
▫️قورخا-قورخا،
گیزلین-گیزلین،
سنی،
مکتوب‌لارین اوره‌یینده یاراتدیم
تانری سئوگیسی کیمی..
هر گوندن بیر آز چوخ شئعره دؤندردیم
سطیر-سطیر...
غزل-غزل قان آغلادیم
سرحدلرده ...
خیاوان لاردا ..
یابانچی ساحیل لرده
آما....
ایتیردیم یئنه سکوتدا
دووارلاردا...
داریخان، داریخدیران زامانلارین قوینوندا
یاشام سایاق....
اوشویور بوردا وارلیغیم
سینیب بوردا اومود آینام
و من...
تیریبون دالیندا هله ده هارایلاییرام
آزادلیغی
آهئئئییی
چارمیخا چکیلن یالقیز آزادلیق...!
#رباب_امان‌پور
@SheirOcagi
گیزلین-گیزلین،
سنی،
مکتوب‌لارین اوره‌یینده یاراتدیم
تانری سئوگیسی کیمی..
هر گوندن بیر آز چوخ شئعره دؤندردیم
سطیر-سطیر...
غزل-غزل قان آغلادیم
سرحدلرده ...
خیاوان لاردا ..
یابانچی ساحیل لرده
آما....
ایتیردیم یئنه سکوتدا
دووارلاردا...
داریخان، داریخدیران زامانلارین قوینوندا
یاشام سایاق....
اوشویور بوردا وارلیغیم
سینیب بوردا اومود آینام
و من...
تیریبون دالیندا هله ده هارایلاییرام
آزادلیغی
آهئئئییی
چارمیخا چکیلن یالقیز آزادلیق...!
#رباب_امان‌پور
@SheirOcagi
▫️زیندان شعرلری
آدین آزادلیق‌دیر، گؤیلومه دوشور
آدینی تئرور ائدیرلر
آدینی گودورلر
آدینی گوللـه‌له‌ییرلر
آدین ایلقارا سئوگیناز
ناظیم حیکمته «مانا»
آدینی قویاق خانیم‌ناز،
علی‌کریم،
حسین جاوید،
میکاییل موشفیق،
آدین مالکوم ایکس
لورکا،
اوختای،
زهتابی
آدین، آشیق ماهنیسی اوخونور،
حسین جاوانین بوغازیندان؛
آدینلا دانیشیر فریدون ابراهیمی آزربایجاندان.
آدین حلّاج‌دیر، کسسگ آتیرام
آدین نسیمی‌دیر سویولور مئیدان‌لاردا
گؤیلومون حلَبینده سویوندوردوغوم گئجه‌تک.
آدین شریعتمداری‌دیر، فاناتلار بوغور
آدین من،
دوستاق،
ائوین...
آدین لوایی‌دیر، گؤزوندن دوغولور
آدین زیبا کرباسی‌دیر یوخوما گیریر
آدین هئچ زاددیر
قوجاغیمدا لوله‌له‌نیر
قان تر ایچینده چالینیر
کسمه شیکسته آدین
آدین قاراچای‌دیر سورگونده اؤلور
سن بانی‌چیچک،
شاه‌صنم
سن گولگزسن، شاه‌عابّاسا زورلانیرسان
آدین دمو...چیلاردیر زینداندا یاتیر
دمو...کرات
آدین سئوگی، سئوگیناز
آدین سولمازدیر خزره محکوم
و بیر موغانلی شاعیردیر داماندا قالیب
آدین نازدیر، آدین آز
آدین آزاد، آزادناز
آدین سیدجعفر دیر گؤیلومدن قاچیر
آدین آزادلیق‌دیر گؤیلومه دوشور
آدینی تئرور ائدیرلر
آدینی گودورلر
آدینی گوللـه‌له‌ییرلر
آدیندان موغایات اول جانیم...!
#سعید_موغانلی
@SheirOcagi
آدین آزادلیق‌دیر، گؤیلومه دوشور
آدینی تئرور ائدیرلر
آدینی گودورلر
آدینی گوللـه‌له‌ییرلر
آدین ایلقارا سئوگیناز
ناظیم حیکمته «مانا»
آدینی قویاق خانیم‌ناز،
علی‌کریم،
حسین جاوید،
میکاییل موشفیق،
آدین مالکوم ایکس
لورکا،
اوختای،
زهتابی
آدین، آشیق ماهنیسی اوخونور،
حسین جاوانین بوغازیندان؛
آدینلا دانیشیر فریدون ابراهیمی آزربایجاندان.
آدین حلّاج‌دیر، کسسگ آتیرام
آدین نسیمی‌دیر سویولور مئیدان‌لاردا
گؤیلومون حلَبینده سویوندوردوغوم گئجه‌تک.
آدین شریعتمداری‌دیر، فاناتلار بوغور
آدین من،
دوستاق،
ائوین...
آدین لوایی‌دیر، گؤزوندن دوغولور
آدین زیبا کرباسی‌دیر یوخوما گیریر
آدین هئچ زاددیر
قوجاغیمدا لوله‌له‌نیر
قان تر ایچینده چالینیر
کسمه شیکسته آدین
آدین قاراچای‌دیر سورگونده اؤلور
سن بانی‌چیچک،
شاه‌صنم
سن گولگزسن، شاه‌عابّاسا زورلانیرسان
آدین دمو...چیلاردیر زینداندا یاتیر
دمو...کرات
آدین سئوگی، سئوگیناز
آدین سولمازدیر خزره محکوم
و بیر موغانلی شاعیردیر داماندا قالیب
آدین نازدیر، آدین آز
آدین آزاد، آزادناز
آدین سیدجعفر دیر گؤیلومدن قاچیر
آدین آزادلیق‌دیر گؤیلومه دوشور
آدینی تئرور ائدیرلر
آدینی گودورلر
آدینی گوللـه‌له‌ییرلر
آدیندان موغایات اول جانیم...!
#سعید_موغانلی
@SheirOcagi
Forwarded from |شعر اوجاغی|
▪️ائی اؤز دوغما دیلینده،
دانیشماغی عار بیلن،
فاسونلو ادابازلار!
روحونوزو اوخشامیر،
قوشمالار، تئللی سازلار؟!
قوی بونلار منیم اولسون
آنجاق وطن چؤره یی،
سیزلره قنیم اولسون!
#بختیار_واهابزاده
@SheirOcagi
دانیشماغی عار بیلن،
فاسونلو ادابازلار!
روحونوزو اوخشامیر،
قوشمالار، تئللی سازلار؟!
قوی بونلار منیم اولسون
آنجاق وطن چؤره یی،
سیزلره قنیم اولسون!
#بختیار_واهابزاده
@SheirOcagi
▫️گؤی‌لرده
منه گلف آغاجی لازیمدیر.
اولدوزلاری بیر-بیر چوخورا سالماق اوچون.
سنین عشقین،
منی قانادلاندیریب،
گؤی‌لرده‌یم ایندی،
ایسته‌ییرم گلف اوینایام...
#رسول_یونان
@SheirOcagi
منه گلف آغاجی لازیمدیر.
اولدوزلاری بیر-بیر چوخورا سالماق اوچون.
سنین عشقین،
منی قانادلاندیریب،
گؤی‌لرده‌یم ایندی،
ایسته‌ییرم گلف اوینایام...
#رسول_یونان
@SheirOcagi
▫️عشق بیر ده ائویمه گلمه‌یه‌جک؛ شعر همشه‌لیک منی بوراخیب سانیردیم. سئوینج، دامیما قونمایاجاق بیر گؤیرچین‌دیر سانیردیم.
یالنیزلیق جانیمدان ال چکمه‌یه‌جک و یورغونلوق داها روحومو بوراخمایاجاق سانیردیم.
سن گونش کیمی چیخدین؛ عشق گئری گلدی؛ شعر چیچکلندی؛ سئوینج گؤیرچینی، اوچا-اوچا گلدی. یالنیزلیق و یورغونلوق تورپاغا تؤکولدو.
من سنینله‌یم، بوش گوزگولر، محبّت و اومید شکیل‌لر ایله دولور. سنین یانیندا اؤزومو یئنیدن تاپمیشام؛ حیاتا دؤنموشم؛ بؤیوک و رؤیا کیمی اومیدلر، سئوینجلی ماهنیلاری دوداقلاریما گئری گتیریب.
منیم چئوره‌مده هئچ واخت، هئچ بیر شئی سندن داها بؤیوک اولمامیش‌ایمیش...
📚 دامارلاریمدا قان کیمی
#احمد_شاملو
#شعر_اوجاغی
@SheirOcagi
یالنیزلیق جانیمدان ال چکمه‌یه‌جک و یورغونلوق داها روحومو بوراخمایاجاق سانیردیم.
سن گونش کیمی چیخدین؛ عشق گئری گلدی؛ شعر چیچکلندی؛ سئوینج گؤیرچینی، اوچا-اوچا گلدی. یالنیزلیق و یورغونلوق تورپاغا تؤکولدو.
من سنینله‌یم، بوش گوزگولر، محبّت و اومید شکیل‌لر ایله دولور. سنین یانیندا اؤزومو یئنیدن تاپمیشام؛ حیاتا دؤنموشم؛ بؤیوک و رؤیا کیمی اومیدلر، سئوینجلی ماهنیلاری دوداقلاریما گئری گتیریب.
منیم چئوره‌مده هئچ واخت، هئچ بیر شئی سندن داها بؤیوک اولمامیش‌ایمیش...
📚 دامارلاریمدا قان کیمی
#احمد_شاملو
#شعر_اوجاغی
@SheirOcagi
▫️قاییت
سن گئتدین عؤمرومدن ایلک باهار کیمی
چیچکلر چمنه چیخاندا قاییت!
حسرتین لئیسانی توکنمز داها
بولودلار گؤزونو سیخاندا قاییت!
بیر سئوگی گؤرمه‌دیم غم‌سیز، جفاسیز
هیجرانین آغیردی، دردین دواسیز
بیلمه‌دین قدریمی سن آی وفاسیز!
حسرتین سونوما چیخاندا قاییت!
بویلاندیم آرخانجا من سؤزلو-سؤزلو
گاه آشکار آغلادیم، گاه دا کی گیزلی
یئرینی بوش گؤروب بیر ملک اوزلو-
سئوگی‌له اوزومه باخاندا قاییت!
اویما هر نادانین سؤزونه، اویما!
آپار اوره‌ییمی کس قیما-قیما!
منی یوردسوز قویما، یوواسیز قویما!
آیریلیق ائویمی ییخاندا قاییت!
آدیم کی آدینلا قوشادیر سنین
بیلمزدیم اوره‌یین داشدان‌دیر سنین
هله کی اومیدلر یاشادیر منی،
تنهالیق قلبیمی سیخاندا قاییت...
#نوصرت_کسمنلی
کؤچوردو
#شعر_اوجاغی
@SheirOcagi
سن گئتدین عؤمرومدن ایلک باهار کیمی
چیچکلر چمنه چیخاندا قاییت!
حسرتین لئیسانی توکنمز داها
بولودلار گؤزونو سیخاندا قاییت!
بیر سئوگی گؤرمه‌دیم غم‌سیز، جفاسیز
هیجرانین آغیردی، دردین دواسیز
بیلمه‌دین قدریمی سن آی وفاسیز!
حسرتین سونوما چیخاندا قاییت!
بویلاندیم آرخانجا من سؤزلو-سؤزلو
گاه آشکار آغلادیم، گاه دا کی گیزلی
یئرینی بوش گؤروب بیر ملک اوزلو-
سئوگی‌له اوزومه باخاندا قاییت!
اویما هر نادانین سؤزونه، اویما!
آپار اوره‌ییمی کس قیما-قیما!
منی یوردسوز قویما، یوواسیز قویما!
آیریلیق ائویمی ییخاندا قاییت!
آدیم کی آدینلا قوشادیر سنین
بیلمزدیم اوره‌یین داشدان‌دیر سنین
هله کی اومیدلر یاشادیر منی،
تنهالیق قلبیمی سیخاندا قاییت...
#نوصرت_کسمنلی
کؤچوردو
#شعر_اوجاغی
@SheirOcagi
▫️ بیر یئر وار ائشیتمیشم
اوزاق بیر یئر
یوخولارین اونودولماسیندان اوره‌یین توتولاندا،
گولؤیشه قیزلارین بوتون ماهنیلارینی خاطیرلایا بیلرسن؛
بیر آدی گؤسترمه‌دن،
گئدیب یاغیشا،
«سنی سئویرم
«بیر پیالا سو ایسته‌ییرم،
یورغون زیارتچی‌لر اوچون ایسته‌ییرم»
دئیه‌بیلرسن.
داها یئتر، چؤره‌یین سحَرسیز اوزونتوسو و قایغینین زهری
داها یئتر منیم بو قدر آزغین گئتمه‌ییم و آدامین ندنسیز گلمه‌یی.
چامادانیمی گؤتورموشم
گئدیرم
بوتون سؤزجوک‌لری یئله بوراخمیشام
بوتون یاغیشلاری او سینیق پیالایا باغیشلامیشام
بو قدر ایلگینین توکنمز ثروتینی ده.
بیر یئر وار ائشیتمیشم
گئتمک هوسینی حدس وورماق قولای‌دیر
سن ده گل...!
#سيدعلى_صالحى
#شعر_اوجاغی
@SheirOcagi
اوزاق بیر یئر
یوخولارین اونودولماسیندان اوره‌یین توتولاندا،
گولؤیشه قیزلارین بوتون ماهنیلارینی خاطیرلایا بیلرسن؛
بیر آدی گؤسترمه‌دن،
گئدیب یاغیشا،
«سنی سئویرم
«بیر پیالا سو ایسته‌ییرم،
یورغون زیارتچی‌لر اوچون ایسته‌ییرم»
دئیه‌بیلرسن.
داها یئتر، چؤره‌یین سحَرسیز اوزونتوسو و قایغینین زهری
داها یئتر منیم بو قدر آزغین گئتمه‌ییم و آدامین ندنسیز گلمه‌یی.
چامادانیمی گؤتورموشم
گئدیرم
بوتون سؤزجوک‌لری یئله بوراخمیشام
بوتون یاغیشلاری او سینیق پیالایا باغیشلامیشام
بو قدر ایلگینین توکنمز ثروتینی ده.
بیر یئر وار ائشیتمیشم
گئتمک هوسینی حدس وورماق قولای‌دیر
سن ده گل...!
#سيدعلى_صالحى
#شعر_اوجاغی
@SheirOcagi
▫️نه داشان محبّت، نه واختسیز اجل،
نه ظاليم آیریلیق بیزه گله‌یدی.
چیخاندا سئیرینه قارلی داغلارین،
اونون دا قووّتی بیزه گله‌یدی.
نه عشقدن-سئوگیدن دویماق اولایدی
نه بئزیب گونلری سایماق اولایدی
هر گونون لذّتی قایماق اولایدی
گونوموز همیشه دوزه گله‌یدی
طعنه اوره‌ییمه اولمایایدی اوخ
حیات عشقی بیزه گؤرمه‌یه‌یدی چوخ
«زلیمخان»! جاوانلیق ییرمی بئشده یوخ،
یاشیمیز چاتاندا یوزه گله‌یدی...!
#زلیمخان_یعقوب
@SheirOcagi
نه ظاليم آیریلیق بیزه گله‌یدی.
چیخاندا سئیرینه قارلی داغلارین،
اونون دا قووّتی بیزه گله‌یدی.
نه عشقدن-سئوگیدن دویماق اولایدی
نه بئزیب گونلری سایماق اولایدی
هر گونون لذّتی قایماق اولایدی
گونوموز همیشه دوزه گله‌یدی
طعنه اوره‌ییمه اولمایایدی اوخ
حیات عشقی بیزه گؤرمه‌یه‌یدی چوخ
«زلیمخان»! جاوانلیق ییرمی بئشده یوخ،
یاشیمیز چاتاندا یوزه گله‌یدی...!
#زلیمخان_یعقوب
@SheirOcagi
▫️حالیمی سوروشسان،
قوطبدا،
پنجره قیراغیندا بوراخیلمیش بیر گولدانام...
گؤزومو آچینجا قیش‌دیر
گؤز ایشله‌دیکجه، قیش‌دیر...
#معین_معین‌زاده
چئویری
#شعر_اوجاغی
@SheirOcagi
قوطبدا،
پنجره قیراغیندا بوراخیلمیش بیر گولدانام...
گؤزومو آچینجا قیش‌دیر
گؤز ایشله‌دیکجه، قیش‌دیر...
#معین_معین‌زاده
چئویری
#شعر_اوجاغی
@SheirOcagi