▫️غریبه خیصلتی وار اینسانین. عؤمرو بویو آختاریشدا، سوراقدا اولور. خوشبختلیک، سعادت گزیر. آما هئچ بیلمیر ده او نهدیر، نه اؤلچوده، نه بیچیمدهدیر، رنگی نهدیر، دادی نئجهدیر.
بوگوندن، عادی قایغیلارلا یوکلنمیش رئال یاشانتیلاریندان قوپوب فیکراً، روحاً گلهجهیه، ایلغیملارا، خیاللارا کؤکلنیر.
و بیر گون ده حیات یولونون سون دؤنگهسینی دؤننده الیبوش حالدا، آختاردیغینی تاپمادیغینی حیسّ ائدهرک غفلت یوخوسوندان آییلیر. باشا دوشور کی، «خوشبختلیک» دئیه آختاردیغی شئی، ائله او عادی بیلیب دیَر وئرمهدیگی آغری-آجیسیز گونلری ایمیش.
بدبخت اولمایان نه وارسا، باخ، ائله اونلار ایمیش خوشبختلیک.
📚 قیرمیزی لچکلر
#واریث_یولچویئو
#شعر_اوجاغی
@SheirOcagi
بوگوندن، عادی قایغیلارلا یوکلنمیش رئال یاشانتیلاریندان قوپوب فیکراً، روحاً گلهجهیه، ایلغیملارا، خیاللارا کؤکلنیر.
و بیر گون ده حیات یولونون سون دؤنگهسینی دؤننده الیبوش حالدا، آختاردیغینی تاپمادیغینی حیسّ ائدهرک غفلت یوخوسوندان آییلیر. باشا دوشور کی، «خوشبختلیک» دئیه آختاردیغی شئی، ائله او عادی بیلیب دیَر وئرمهدیگی آغری-آجیسیز گونلری ایمیش.
بدبخت اولمایان نه وارسا، باخ، ائله اونلار ایمیش خوشبختلیک.
📚 قیرمیزی لچکلر
#واریث_یولچویئو
#شعر_اوجاغی
@SheirOcagi
▫️قیلدی زولفون تک پریشان حالیمی خالین سنین،
بیر گون ای بیدرد! سورمازسان: نهدیر حالین سنین؟
گئتدی باشیندان، کؤنول! اول سرو قدّین سایهسی،
آغلا! کیم، ادباره تبدیل اولدو اقبالین سنین.
زینت اوچون جسم دیواریندا ائتمزدیم یئرین،
چکمهسهیدی عشق، جان لوحوندا تمثالین سنین.
تیز چکمزسن جفا تیغین منی اؤلدورمهیه،
اؤلدورور آخر منی بیر گون بو اهمالین سنین.
غرقِ خونابِ جگر قیلمیش گؤزوم مردملرین،
آرزوی خالِ مشگین و رخِ آلین سنین.
دامگاهِ عشقدن توت بیر کنار، ای مرغِ دل!
سینمادان سنگِ ملامتدن پر و بالین سنین.
سایهوش چوخدان «فضولی!» خاکِ کویون یاسلانیر،
اول امید ایله کی بیر گون اولا پامالین سنین.
#حکیم_ملامحمد_فضولی
#شعر_اوجاغی
@SheirOcagi
بیر گون ای بیدرد! سورمازسان: نهدیر حالین سنین؟
گئتدی باشیندان، کؤنول! اول سرو قدّین سایهسی،
آغلا! کیم، ادباره تبدیل اولدو اقبالین سنین.
زینت اوچون جسم دیواریندا ائتمزدیم یئرین،
چکمهسهیدی عشق، جان لوحوندا تمثالین سنین.
تیز چکمزسن جفا تیغین منی اؤلدورمهیه،
اؤلدورور آخر منی بیر گون بو اهمالین سنین.
غرقِ خونابِ جگر قیلمیش گؤزوم مردملرین،
آرزوی خالِ مشگین و رخِ آلین سنین.
دامگاهِ عشقدن توت بیر کنار، ای مرغِ دل!
سینمادان سنگِ ملامتدن پر و بالین سنین.
سایهوش چوخدان «فضولی!» خاکِ کویون یاسلانیر،
اول امید ایله کی بیر گون اولا پامالین سنین.
#حکیم_ملامحمد_فضولی
#شعر_اوجاغی
@SheirOcagi
▫️اینسانلار کدرلرینی گیزلَتمک اوچون گولومسهمهیه چالیشارلار. اونلارا ائله گلیر کی گولومسهمک، اوزلرینده گؤرونن اوزونتونو رام ائدهجک قدر گوجلو و اونو گیزلهدهجک قدر یئنیلمزدیر.
لاکین، هئچ بیر گولومسهمه قلبین آیناسینی سیندیرماق قودرتینده دئییل.
📚 سونسوز
#علی_رضازاده
#شعر_اوجاغی
@SheirOcagi
لاکین، هئچ بیر گولومسهمه قلبین آیناسینی سیندیرماق قودرتینده دئییل.
📚 سونسوز
#علی_رضازاده
#شعر_اوجاغی
@SheirOcagi
▫️وطنداش نیکاحیندا یاشایانلار اوچون ایکی نفرلیک فلسفه
ایندی بیر جینایت حادیثهسییم من،
«ح.حاجییئو کوچهسی»نده تؤرهدیلمیش.
بیر آز قاچیب گیزلنمیش قاتیلم،
بیر آز اؤلوخاناداکی مرحوم.
بیر آز یاس یئرینده چرَنلهین* مؤعمینَم،
بیر آز روشوَتخور موستَنطیق،
بیر آز قورخموش شاهید.
بیر آز حادیثه یئریندن تاپیلمیش بیچاغام،
بیر آز کوچهیه آخمیش قانام،
بیر آز قان آخمیش کوچهیم.
بیر آز فوتوقرافام، سئوگیلیمین اوستوندن قالدیریب گتیریبلر:
جینایت ایشینه تیکیلهجک شکیللر چکیرم.
بیر آز حادیثه یئریندن گویا لاقئیدجه کئچن قورخاق ساکینم،
بیر آز دا موخبیرم، سیرتیق و یوخسول.
من اؤزومو ده باشقاسینی اؤلدورمک یانغیسییلا اؤلدورهجهیم.
من اؤزومه دوغما آدام دئییلم.
ماساداکی چاخیر شوشهسی،
چارپایی'نین اوستوندهکی قادین چانتاسی،
بوش کاندوم قوتوسو،
تئلئویزیونداکی تانینماز کیشی مئییتینین فوتوسو و ...
بونلار هامیسی بوش شئیلردیر.
اساس مسأله،
نفَسینی درمهدن یاشاماقدیر، اوشاقلار سایاق.
منجه اینسان بیر آز قوشدان عیبارتدیر،
بیر آز گولدن، بیر آز ایتدن،
بیر آز دا توتاق کی، تاختابیتی'دن.
اینسان سئونده قوشدور،
یاتاندا گول و...
«اینسان اؤلدورنده کیمدیر؟» سؤالینا،
تؤرَتدیگی جینایتی بوینونا آلمیش قاتیل جاواب وئرهجک:
«اینسان اوشاقلیغیندا داها چوخ باشقالارینی اؤلدورور، مؤحترم حاکیم!
اوشاقلیق بیزه اؤزوموزدن ضعیفلری اؤلدورمک اوچون وئریلمیش جاوازدیر.
میلچکلری، قوشلاری قیرماق،
بؤجَکلری تاپدالاماق-
بونلار اوشاقلیق جینایتلری دئییلمی؟
باشقاسینی اؤلدورمک اوشاقلیق احتیراصیدیر»
من اؤزومو ده اوشاقلیق احتیراصییلا اؤلدورهجهیم،
من اؤزومه دوغما آدام دئییلم.
#آقشین_یئنیسئی
* بوش-بوش دانیشان
#شعر_اوجاغی
@SheirOcagi
ایندی بیر جینایت حادیثهسییم من،
«ح.حاجییئو کوچهسی»نده تؤرهدیلمیش.
بیر آز قاچیب گیزلنمیش قاتیلم،
بیر آز اؤلوخاناداکی مرحوم.
بیر آز یاس یئرینده چرَنلهین* مؤعمینَم،
بیر آز روشوَتخور موستَنطیق،
بیر آز قورخموش شاهید.
بیر آز حادیثه یئریندن تاپیلمیش بیچاغام،
بیر آز کوچهیه آخمیش قانام،
بیر آز قان آخمیش کوچهیم.
بیر آز فوتوقرافام، سئوگیلیمین اوستوندن قالدیریب گتیریبلر:
جینایت ایشینه تیکیلهجک شکیللر چکیرم.
بیر آز حادیثه یئریندن گویا لاقئیدجه کئچن قورخاق ساکینم،
بیر آز دا موخبیرم، سیرتیق و یوخسول.
من اؤزومو ده باشقاسینی اؤلدورمک یانغیسییلا اؤلدورهجهیم.
من اؤزومه دوغما آدام دئییلم.
ماساداکی چاخیر شوشهسی،
چارپایی'نین اوستوندهکی قادین چانتاسی،
بوش کاندوم قوتوسو،
تئلئویزیونداکی تانینماز کیشی مئییتینین فوتوسو و ...
بونلار هامیسی بوش شئیلردیر.
اساس مسأله،
نفَسینی درمهدن یاشاماقدیر، اوشاقلار سایاق.
منجه اینسان بیر آز قوشدان عیبارتدیر،
بیر آز گولدن، بیر آز ایتدن،
بیر آز دا توتاق کی، تاختابیتی'دن.
اینسان سئونده قوشدور،
یاتاندا گول و...
«اینسان اؤلدورنده کیمدیر؟» سؤالینا،
تؤرَتدیگی جینایتی بوینونا آلمیش قاتیل جاواب وئرهجک:
«اینسان اوشاقلیغیندا داها چوخ باشقالارینی اؤلدورور، مؤحترم حاکیم!
اوشاقلیق بیزه اؤزوموزدن ضعیفلری اؤلدورمک اوچون وئریلمیش جاوازدیر.
میلچکلری، قوشلاری قیرماق،
بؤجَکلری تاپدالاماق-
بونلار اوشاقلیق جینایتلری دئییلمی؟
باشقاسینی اؤلدورمک اوشاقلیق احتیراصیدیر»
من اؤزومو ده اوشاقلیق احتیراصییلا اؤلدورهجهیم،
من اؤزومه دوغما آدام دئییلم.
#آقشین_یئنیسئی
* بوش-بوش دانیشان
#شعر_اوجاغی
@SheirOcagi
▫️یازماماغینیزدان گؤرونور، چوخ یاخشیسینیز.
بیزلر نورمالدا یاخشی اولدوغوموز زامان سوسوروق.
📚 میلئنایا مکتوبلار
#فرانتس_کافکا
#شعر_اوجاغی
@SheirOcagi
بیزلر نورمالدا یاخشی اولدوغوموز زامان سوسوروق.
📚 میلئنایا مکتوبلار
#فرانتس_کافکا
#شعر_اوجاغی
@SheirOcagi
دیالوق
▫️- بیر اینسانی ذئهنیندن سیله بیلرسن، آما اونو اورهییندن آتماق باشقا بیر قونودور.
🎬 Eternal Sunshine of the Spotless Mind
2004 آمریکا
#میشل_گوندری
#شعر_اوجاغی
@SheirOcagi
▫️- بیر اینسانی ذئهنیندن سیله بیلرسن، آما اونو اورهییندن آتماق باشقا بیر قونودور.
🎬 Eternal Sunshine of the Spotless Mind
2004 آمریکا
#میشل_گوندری
#شعر_اوجاغی
@SheirOcagi
▫️اؤیرندیکجه قوجالیرام.
شئیطانین غدّار حؤکمونه
داغیلمایان سدّ چکمهیی،
خوشبختلیکدن محروم اولوب
گئجه-گوندوز درد چکمهیی،
اؤیرندیکجه قوجالیرام.
اورهییمه قیفیللانمیش
محبّت عذابلارینی،
هر سطیری عومّان اولان
حقیقت کیتابلارینی،
اؤیرندیکجه قوجالیرام.
یئره چؤکدوکجه دیزلریم،
حاقّا اومید باغلاماغی،
اوشاقلیغین حسرتیندن
کؤرپه کیمی آغلاماغی،
اؤیرندیکجه قوجالیرام.
مودریکلشمیش درویش کیمی
آغ سوکوتدا کارلاشماغی،
نقش ووران نقّاش کیمی
اوستالاشیب کورلاشماغی،
اؤیرندیکجه قوجالیرام.
عئلمیم، عاغیلیم، ایدراکیملا
ذیروهلره اوجالماغی،
قارتلاشمیش تر یارپاق کیمی
جاوان ایکن قوجالماغی،
اؤیرندیکجه قوجالیرام.
مین دوندان مین دونا گیرن
ملَک جیلدلی شئیطانلاری،
دیلینده یالان بسلهین
ایکیاوزلو اینسانلاری،
اؤیرندیکجه قوجالیرام.
خیانته اوغرادیقجا
فیطراً، روحاً اؤلمهیی ده،
ساختاکارین فیتنهسینه
ریشخند ایله گولمهیی ده،
اؤیرندیکجه قوجالیرام.
بصیرت ببکلریمله
گلهجهیی گؤرمهیی ده،
اوستاد، داهی بنّالار تک
اوچلو معبد هؤرمهیی ده،
اؤیرندیکجه قوجالیرام.
چیرکه باتمیش موردارلارین
خیصلتیندن اییرنمهیی،
تانیدیغیم هر اینساندان
بیر کرامت اؤیرَنمهیی،
اؤیرندیکجه قوجالیرام.
#آقشین_ائورن
#شعر_اوجاغی
@SheirOcagi
شئیطانین غدّار حؤکمونه
داغیلمایان سدّ چکمهیی،
خوشبختلیکدن محروم اولوب
گئجه-گوندوز درد چکمهیی،
اؤیرندیکجه قوجالیرام.
اورهییمه قیفیللانمیش
محبّت عذابلارینی،
هر سطیری عومّان اولان
حقیقت کیتابلارینی،
اؤیرندیکجه قوجالیرام.
یئره چؤکدوکجه دیزلریم،
حاقّا اومید باغلاماغی،
اوشاقلیغین حسرتیندن
کؤرپه کیمی آغلاماغی،
اؤیرندیکجه قوجالیرام.
مودریکلشمیش درویش کیمی
آغ سوکوتدا کارلاشماغی،
نقش ووران نقّاش کیمی
اوستالاشیب کورلاشماغی،
اؤیرندیکجه قوجالیرام.
عئلمیم، عاغیلیم، ایدراکیملا
ذیروهلره اوجالماغی،
قارتلاشمیش تر یارپاق کیمی
جاوان ایکن قوجالماغی،
اؤیرندیکجه قوجالیرام.
مین دوندان مین دونا گیرن
ملَک جیلدلی شئیطانلاری،
دیلینده یالان بسلهین
ایکیاوزلو اینسانلاری،
اؤیرندیکجه قوجالیرام.
خیانته اوغرادیقجا
فیطراً، روحاً اؤلمهیی ده،
ساختاکارین فیتنهسینه
ریشخند ایله گولمهیی ده،
اؤیرندیکجه قوجالیرام.
بصیرت ببکلریمله
گلهجهیی گؤرمهیی ده،
اوستاد، داهی بنّالار تک
اوچلو معبد هؤرمهیی ده،
اؤیرندیکجه قوجالیرام.
چیرکه باتمیش موردارلارین
خیصلتیندن اییرنمهیی،
تانیدیغیم هر اینساندان
بیر کرامت اؤیرَنمهیی،
اؤیرندیکجه قوجالیرام.
#آقشین_ائورن
#شعر_اوجاغی
@SheirOcagi
▫️حیاتدا ایکی تراژئدی وار: بیرینجیسی ایستهدیگینه چاتماماق، ایکینجیسی ایستهدیگینه چاتماق.
#جورج_برنارد_شاو
#شعر_اوجاغی
@SheirOcagi
#جورج_برنارد_شاو
#شعر_اوجاغی
@SheirOcagi
▫️کؤنولاوغورلایان بیر آدی واردیر،
ملک دئییل، آما قانادی واردیر.
سیاه قاشلارینین کؤلگهلیگینده،
دائیما چیرپینیر ایکی گؤیرچین.
قوناراق کؤنلومون بوداقلارینا،
هر گون شعر اوخویور اونلار منیمچون.
ایندی اؤز-اؤزومه اینانمیشام من،
نه قدر بختیار اینسانمیشام من!
ساچلاری آندیریر زرّین سولاری،
تؤکولوب آخدیقجا اوموزلارینا.
اوخشاییر بدنی، بیاض اندامی،
کؤلگهده بسلَنمیش قوزئی قارینا.
آماندیر اسمهسین توفان یئللری!
سولار عشقیمیزین غؤنچه گوللری.
#میکائیل_موشفیق
#شعر_اوجاغی
@SheirOcagi
ملک دئییل، آما قانادی واردیر.
سیاه قاشلارینین کؤلگهلیگینده،
دائیما چیرپینیر ایکی گؤیرچین.
قوناراق کؤنلومون بوداقلارینا،
هر گون شعر اوخویور اونلار منیمچون.
ایندی اؤز-اؤزومه اینانمیشام من،
نه قدر بختیار اینسانمیشام من!
ساچلاری آندیریر زرّین سولاری،
تؤکولوب آخدیقجا اوموزلارینا.
اوخشاییر بدنی، بیاض اندامی،
کؤلگهده بسلَنمیش قوزئی قارینا.
آماندیر اسمهسین توفان یئللری!
سولار عشقیمیزین غؤنچه گوللری.
#میکائیل_موشفیق
#شعر_اوجاغی
@SheirOcagi
▫️دونیانی تحویل آلدیغیندان داها یاخشی تحویل وئرمهلیسن! ایستر یاخشی بیر اؤولادلا، ایستر یاشیل بیر باغچایلا، ایستر سوسیال دوروملاری بیرآز داها یاخشیلاشدیرماقلا...
و تک بیر نفر، سنین وارلیغینلا داها قولای نفس آلیرسا، دئمک سن باشاریقلی اولوبسان.
📚 وبا ایللرینین عشقی
#گابریل_گارسیا_مارکز
#شعر_اوجاغی
@SheirOcsgi
و تک بیر نفر، سنین وارلیغینلا داها قولای نفس آلیرسا، دئمک سن باشاریقلی اولوبسان.
📚 وبا ایللرینین عشقی
#گابریل_گارسیا_مارکز
#شعر_اوجاغی
@SheirOcsgi
▫️سورَکلی آرخایینلیقدا یاشاماق دا داریخدیریجیدیر. بعضاً فیرتینا لازیمدیر.
#فردریش_نیچه
#شعر_اوجاغی
@SheirOcagi
#فردریش_نیچه
#شعر_اوجاغی
@SheirOcagi
▫️نییه گلمهدین؟
مئی'دن کؤنول کوسدو، سنه ساریلدی،
«گلدیم» دئییب دوردون، نییه گلمهدین؟
آندیم سنی، منه گؤیلر دارالدی،
«بیلدیم» دئییب دوردون، نییه گلمهدین؟
آرتیق منیم یاریم دئییل خیالی،
هئچ بیر قاشا بنزتمهرم هیلالی.
بیر دلییم سنه مفتون اولالی،
«بیلدیم» دئییب دوردون، نییه گلمهدین؟
سیزلامارام هر بیر کیچک یارادان،
منیم غؤنچهم سولموش باهار اولمادان.
«بیرلشین!» سؤیلهدی بیزی یارادان،
«بیلدیم» دئییب دوردون، نییه گلمهدین؟
پریشاندیر کؤنول، پریشانام من،
گؤزل قیز! گلردین دردیمی بیلسن.
گل، بو یاد ائللرده شنلیگیم اول سن!
«گلدیم» دئییب دوردون، نییه گلمهدین؟
قلم صاغر دئمز، ائتمز استغفار،
سنینچون سرخوشدور، شعیرلر یازار.
من سنی سئومیشم، بونو کیم پوزار؟!
«بیلدیم» دئییب دوردون، نییه گلمهدین؟!
#احمد_جاواد
#شعر_اوجاغی
@SheirOcagi
مئی'دن کؤنول کوسدو، سنه ساریلدی،
«گلدیم» دئییب دوردون، نییه گلمهدین؟
آندیم سنی، منه گؤیلر دارالدی،
«بیلدیم» دئییب دوردون، نییه گلمهدین؟
آرتیق منیم یاریم دئییل خیالی،
هئچ بیر قاشا بنزتمهرم هیلالی.
بیر دلییم سنه مفتون اولالی،
«بیلدیم» دئییب دوردون، نییه گلمهدین؟
سیزلامارام هر بیر کیچک یارادان،
منیم غؤنچهم سولموش باهار اولمادان.
«بیرلشین!» سؤیلهدی بیزی یارادان،
«بیلدیم» دئییب دوردون، نییه گلمهدین؟
پریشاندیر کؤنول، پریشانام من،
گؤزل قیز! گلردین دردیمی بیلسن.
گل، بو یاد ائللرده شنلیگیم اول سن!
«گلدیم» دئییب دوردون، نییه گلمهدین؟
قلم صاغر دئمز، ائتمز استغفار،
سنینچون سرخوشدور، شعیرلر یازار.
من سنی سئومیشم، بونو کیم پوزار؟!
«بیلدیم» دئییب دوردون، نییه گلمهدین؟!
#احمد_جاواد
#شعر_اوجاغی
@SheirOcagi
▫️کیتاب اوخوماغا صرف اولان زامان، زامان ساییلماز.
من بیر صحیفهدن باشقا صحیفهیه کئچهرک، سینیرلاردان کئچیب افسانهوی کولبهلره گیریرم.
#کریستین_بوبن
#شعر_اوجاغی
@SheirOcagi
من بیر صحیفهدن باشقا صحیفهیه کئچهرک، سینیرلاردان کئچیب افسانهوی کولبهلره گیریرم.
#کریستین_بوبن
#شعر_اوجاغی
@SheirOcagi
▫️سسسیز اوچوروم
سسسیز اوچورومون اوجوندایام،
گئرییه باخدیغیمدا قانادی یولونموش قوشلاری گؤرورم
دمیرلری پاسلانمیش قفسلرین آچیق قاپیلارینی
چئوریلیرم، باخماق ایستهمیرم.
یاشیللیغا اینانمادیغیم اوچون، بوزاریر اؤنومدهکی منظره!
آغرییا سوروکلهییر منی قارانلیق دوشونجهلر
و اؤلومون سسسیزلییی لال-دینمز دایانیب یانیمدا.
گؤرورم، بیلیرم
بیلیرم، گؤره-گؤره چوخ شئیلری یئنه ده گؤرمورم.
بدنیم پارچا-پارچا، روحومو دلیب کئچن گوللـهلر سویومور
و سسسیز اوچورومون اوجوندا
بو سون نفسیم اولسون دئیه چالیشسام دا
ساییسی یادیمدان چیخیبدیر نفسلریمین.
هئچ بیر شئی قالمادی،
هئچ بیر شئی اوستومدن قاطار کیمی کئچمیر آرتیق
قوش اولوب اوچماق دویغولاریمی قارا دیوارلار پوزدولار اوتاغیمدا
دویغولانا بیلمیرم هئچ بیر شئیه...
من بیر شئیه اینانا بیلمیرم، بیر شئیه.
بلکه ده آسیلی قالدیغیم «بیر» سؤزونون اوستوندهیم
سؤزومون اوستوندهیم، آسیلی قالمیشام.
آسیلی بیر،
بیر آسیلی بیلیر
بیر سؤزومون اوستونده
«بیر» سؤزونون اوستونده...
دونیانین حبسخانا اولدوغونو بیلیرم
بیلیرم، آسیلدیغیمدان سونرا حبسخانانین قاپیسینین
ابدی آچیق بوراخیلاجاغینی دا بیلیرم.
بیلیرم دونیا موحاریبه مئیدانی اولسا دا بئله
آیاقلاریمی سئوگی مینالارینین اوستونده بوراخدیغیمدان سونرا
صلح بیاننامهسی امضالایاجاقلار حؤکمرانلار - دیکتاتورلار، بیلیرم.
سن ائوده اوتوروب قزئته اوخویارکن،
خبریمی ائشیدهجکسن... موغایات اول... چایین سویوماسین...
هر شئیین سونو قاپ-قارا قارانلیقدا یوخ اولور
یوخ اولور اوّلدن اولمایان «بیر» سؤزو، یوخ اولور.
یوخ اولور،
اولور،
یوخ اولور،
آسیلمیر،
آسیلیر...
بیر سؤزونون اوستونده آسیلی قالیرام
بیر سؤزونون...
سؤزونون بیر-بیر
بیر سؤزونون آسیلیرام اوستونده
اوستوندهیم بیر سؤزونون
سؤزومون اوستونده دایانیب آسیلیرام.
اومودلاریم بالیق اولماق آرزوسوندایکن
سیزین حَیَطینیزین ماوی حوووضوندا غرق اولدولار.
ایندی پاسلی قفسلرین آچیق بوراخیلمیش قاپیلاری،
مینالارین خنثی اولماقلاری
و سنین سطیر-سطیر قزئته اوخوماغین،
دامداکی پیشیکلرین بالیقلارا شورگؤزلوک ائتمهیینی گؤرمهمهیین
گؤیلرین ابدیلییینه دالیب آغلاماغین
فوتوقرافچیلارین ایشینه یارایار سادهجه، بیلیرم.
گلهجهیین اولمادیغی سون نقطهده
گئرییه باخا بیلمهدیییم سسسیز اوچورومون اوجوندا
بو سون نفسیم اولسون دئیه چالیشسام دا
سون سیقارئتیمی آلیشدیریرام...
یانیرام...
بونو سن گؤرمهیهجکسن...
#علی_چاغلا
@SheirOcagi
سسسیز اوچورومون اوجوندایام،
گئرییه باخدیغیمدا قانادی یولونموش قوشلاری گؤرورم
دمیرلری پاسلانمیش قفسلرین آچیق قاپیلارینی
چئوریلیرم، باخماق ایستهمیرم.
یاشیللیغا اینانمادیغیم اوچون، بوزاریر اؤنومدهکی منظره!
آغرییا سوروکلهییر منی قارانلیق دوشونجهلر
و اؤلومون سسسیزلییی لال-دینمز دایانیب یانیمدا.
گؤرورم، بیلیرم
بیلیرم، گؤره-گؤره چوخ شئیلری یئنه ده گؤرمورم.
بدنیم پارچا-پارچا، روحومو دلیب کئچن گوللـهلر سویومور
و سسسیز اوچورومون اوجوندا
بو سون نفسیم اولسون دئیه چالیشسام دا
ساییسی یادیمدان چیخیبدیر نفسلریمین.
هئچ بیر شئی قالمادی،
هئچ بیر شئی اوستومدن قاطار کیمی کئچمیر آرتیق
قوش اولوب اوچماق دویغولاریمی قارا دیوارلار پوزدولار اوتاغیمدا
دویغولانا بیلمیرم هئچ بیر شئیه...
من بیر شئیه اینانا بیلمیرم، بیر شئیه.
بلکه ده آسیلی قالدیغیم «بیر» سؤزونون اوستوندهیم
سؤزومون اوستوندهیم، آسیلی قالمیشام.
آسیلی بیر،
بیر آسیلی بیلیر
بیر سؤزومون اوستونده
«بیر» سؤزونون اوستونده...
دونیانین حبسخانا اولدوغونو بیلیرم
بیلیرم، آسیلدیغیمدان سونرا حبسخانانین قاپیسینین
ابدی آچیق بوراخیلاجاغینی دا بیلیرم.
بیلیرم دونیا موحاریبه مئیدانی اولسا دا بئله
آیاقلاریمی سئوگی مینالارینین اوستونده بوراخدیغیمدان سونرا
صلح بیاننامهسی امضالایاجاقلار حؤکمرانلار - دیکتاتورلار، بیلیرم.
سن ائوده اوتوروب قزئته اوخویارکن،
خبریمی ائشیدهجکسن... موغایات اول... چایین سویوماسین...
هر شئیین سونو قاپ-قارا قارانلیقدا یوخ اولور
یوخ اولور اوّلدن اولمایان «بیر» سؤزو، یوخ اولور.
یوخ اولور،
اولور،
یوخ اولور،
آسیلمیر،
آسیلیر...
بیر سؤزونون اوستونده آسیلی قالیرام
بیر سؤزونون...
سؤزونون بیر-بیر
بیر سؤزونون آسیلیرام اوستونده
اوستوندهیم بیر سؤزونون
سؤزومون اوستونده دایانیب آسیلیرام.
اومودلاریم بالیق اولماق آرزوسوندایکن
سیزین حَیَطینیزین ماوی حوووضوندا غرق اولدولار.
ایندی پاسلی قفسلرین آچیق بوراخیلمیش قاپیلاری،
مینالارین خنثی اولماقلاری
و سنین سطیر-سطیر قزئته اوخوماغین،
دامداکی پیشیکلرین بالیقلارا شورگؤزلوک ائتمهیینی گؤرمهمهیین
گؤیلرین ابدیلییینه دالیب آغلاماغین
فوتوقرافچیلارین ایشینه یارایار سادهجه، بیلیرم.
گلهجهیین اولمادیغی سون نقطهده
گئرییه باخا بیلمهدیییم سسسیز اوچورومون اوجوندا
بو سون نفسیم اولسون دئیه چالیشسام دا
سون سیقارئتیمی آلیشدیریرام...
یانیرام...
بونو سن گؤرمهیهجکسن...
#علی_چاغلا
@SheirOcagi
▫️بیزیم وطنده چوخو دوغرو-دوغرو آغلادیلار،
اورکده توز-توزاناق سالدی دویغو، آغلادیلار.
جنازهدیر دوز ایچینده یاتیب قورو یئرده،
ایگیدلر هئی دئدیلر «اورمو-اورمو»، آغلادیلار.
عطشدی کی بورویوب توپراغین درین یاراسین،
بالیقلار اووف، ائله سسلندیلر «سو!»، آغلادیلار.
دومان، سن آغلا، آماندیر! گؤزون آلیم قاداسین.
بیز آغلادیق، بیزه باخدیقجا قونشو آغلادیلار.
هجر، نبی، دلی دومرول، کَرم، آتام بابک،
و چنلیبئلده نیگارلا کوراوغلو آغلادیلار.
بو گؤزلریم هله آینا اؤنونده سورمه چکیر،
گلیب سس «اورمو یانیر»، گؤز له گوزگو آغلادیلار.
بالیقلارین جسدین دوزلاییب دنیز گئتدی،
گلیبدی شهره او گون جانلی قورخو، آغلادیلار.
بولودلارین یاخاسین توتموشام بوراخماییرام،
«گوناه کیمینکیدی؟» سوردوقجا سورغو، آغلادیلار.
وطندی، جاندی، آزربایجانیمدی اورمو منیم،
وطندن اؤترو چوخو دوغرو-دوغرو آغلادیلار.
#ميلاد_فطين_حور (دالغين)
@SheirOcagi
اورکده توز-توزاناق سالدی دویغو، آغلادیلار.
جنازهدیر دوز ایچینده یاتیب قورو یئرده،
ایگیدلر هئی دئدیلر «اورمو-اورمو»، آغلادیلار.
عطشدی کی بورویوب توپراغین درین یاراسین،
بالیقلار اووف، ائله سسلندیلر «سو!»، آغلادیلار.
دومان، سن آغلا، آماندیر! گؤزون آلیم قاداسین.
بیز آغلادیق، بیزه باخدیقجا قونشو آغلادیلار.
هجر، نبی، دلی دومرول، کَرم، آتام بابک،
و چنلیبئلده نیگارلا کوراوغلو آغلادیلار.
بو گؤزلریم هله آینا اؤنونده سورمه چکیر،
گلیب سس «اورمو یانیر»، گؤز له گوزگو آغلادیلار.
بالیقلارین جسدین دوزلاییب دنیز گئتدی،
گلیبدی شهره او گون جانلی قورخو، آغلادیلار.
بولودلارین یاخاسین توتموشام بوراخماییرام،
«گوناه کیمینکیدی؟» سوردوقجا سورغو، آغلادیلار.
وطندی، جاندی، آزربایجانیمدی اورمو منیم،
وطندن اؤترو چوخو دوغرو-دوغرو آغلادیلار.
#ميلاد_فطين_حور (دالغين)
@SheirOcagi
▫️هئچ واخت بو اینسانلار اوچون اؤزونو دَییشدیرمه!
چونکی بونلار هر گون سنی باشقا بیر شکیلده، -دونیانین تک گئرچهیی ساندیقلاری اؤز یانلیش دوشونجهلری شکلینده- ایستهییرلر.
#هرتا_مولر
#شعر_اوجاغی
@SheirOcagi
چونکی بونلار هر گون سنی باشقا بیر شکیلده، -دونیانین تک گئرچهیی ساندیقلاری اؤز یانلیش دوشونجهلری شکلینده- ایستهییرلر.
#هرتا_مولر
#شعر_اوجاغی
@SheirOcagi
▫️من دویغوسال بیر اینسان دئییلم. آنا-بابامین ائوینی ترک ائدنده آغلامادیم، پیشیگیم اؤلنده آغلامادیم، ناسادا ایش تاپاندا آغلامادیم، آی کورهسینه آیاق باساندا بئله، آغلامادیم.
آما آیدان یئره باخدیغیمدا بوغازیمی قهَر توتدو. او فاصلهدن هئچ بیر رنگ، سوی و میلّیّت یوخ ایدی؛ بیز ایدیک و یومرو، ماوی بیر ائو.
اؤز-اؤزومه دئدیم: اینسانلار نییه ساواشیرلار؟!
باش بارماغیمی یئر کورهسینه طرف توتدوم؛ یئر کورهسی او عظمتییله باش بارماغیمین آرخاسیندا گیزلندی و من بوتون ووجودوملا آغلادیم.
#نیل_آرمسترانگ
#شعر_اوجاغی
@SheirOcagi
آما آیدان یئره باخدیغیمدا بوغازیمی قهَر توتدو. او فاصلهدن هئچ بیر رنگ، سوی و میلّیّت یوخ ایدی؛ بیز ایدیک و یومرو، ماوی بیر ائو.
اؤز-اؤزومه دئدیم: اینسانلار نییه ساواشیرلار؟!
باش بارماغیمی یئر کورهسینه طرف توتدوم؛ یئر کورهسی او عظمتییله باش بارماغیمین آرخاسیندا گیزلندی و من بوتون ووجودوملا آغلادیم.
#نیل_آرمسترانگ
#شعر_اوجاغی
@SheirOcagi
▫️منیم بئشایللیگیم
هر کس اؤز ایشینی سونا یئتیردی،
کیمسه بو دونیادا آرزو قویمادی.
کیمی یئر آلتیندان خبر گتیردی،
کیمی اوچدو گؤیه، یئنه دویمادی.
ائللر مورادینی آلدی زاماندان،
بیزه کؤنول سؤزو قالدی زاماندان.
گؤزلدیر بیر اوجا امل بسلهییب،
بو امل اوغروندا قان تره باتماق.
گؤزلدیر گونشی، آیی سسلهییب،
اونلاری دا بیزیم دستهیه قاتماق.
دؤورانلا ال-اله وئرمک یاخشیدیر،
هر باغدان بیر چیچک درمک یاخشیدیر.
گؤرمَکچون اؤزونو هر کس ایلَرده،
بیر مقصد اوغروندا گؤستریر هونر.
چارپیشیب هاوادا، دنیزده، یئرده،
هر دؤیونن اورک بیر امل بسلر.
حئییف! عؤمور قیسا، آرزو گئنیشدیر،
کیم بو قایغی ایله تیترهمهمیشدیر؟!
بو وفاسیز عؤمور، بو جوشقون دره،
گرک بوش-بوشونا آخیب کئچمهسین!
بو گؤزل جهانی سانیب پنجره،
هر گلن سادهجه باخیب کئچمهسین!
گلین، آرزوموزا چاتالیم، دوستلار!
داغلاری داغلارا قاتالیم، دوستلار!
آیریلیب آرزومون کشمکشیندن،
گیزلنمه کؤنلومده سن ده، ائی ایلهام!
گاه باتان، گاه چیخان قیش گونشیندن،
درس آلیب دایانما گئنده، ائی ایلهام!
نییه من ایستهین اولماسین، نییه؟
منیم بئشایللیگیم دولماسین، نییه؟
#میکائیل_موشفیق
#شعر_اوجاغی
@SheirOcagi
هر کس اؤز ایشینی سونا یئتیردی،
کیمسه بو دونیادا آرزو قویمادی.
کیمی یئر آلتیندان خبر گتیردی،
کیمی اوچدو گؤیه، یئنه دویمادی.
ائللر مورادینی آلدی زاماندان،
بیزه کؤنول سؤزو قالدی زاماندان.
گؤزلدیر بیر اوجا امل بسلهییب،
بو امل اوغروندا قان تره باتماق.
گؤزلدیر گونشی، آیی سسلهییب،
اونلاری دا بیزیم دستهیه قاتماق.
دؤورانلا ال-اله وئرمک یاخشیدیر،
هر باغدان بیر چیچک درمک یاخشیدیر.
گؤرمَکچون اؤزونو هر کس ایلَرده،
بیر مقصد اوغروندا گؤستریر هونر.
چارپیشیب هاوادا، دنیزده، یئرده،
هر دؤیونن اورک بیر امل بسلر.
حئییف! عؤمور قیسا، آرزو گئنیشدیر،
کیم بو قایغی ایله تیترهمهمیشدیر؟!
بو وفاسیز عؤمور، بو جوشقون دره،
گرک بوش-بوشونا آخیب کئچمهسین!
بو گؤزل جهانی سانیب پنجره،
هر گلن سادهجه باخیب کئچمهسین!
گلین، آرزوموزا چاتالیم، دوستلار!
داغلاری داغلارا قاتالیم، دوستلار!
آیریلیب آرزومون کشمکشیندن،
گیزلنمه کؤنلومده سن ده، ائی ایلهام!
گاه باتان، گاه چیخان قیش گونشیندن،
درس آلیب دایانما گئنده، ائی ایلهام!
نییه من ایستهین اولماسین، نییه؟
منیم بئشایللیگیم دولماسین، نییه؟
#میکائیل_موشفیق
#شعر_اوجاغی
@SheirOcagi
▫️کومسومول پوئماسی 1
قیش گئجهسی
آیازلی، شاختالی بیر قیش آخشامی،
یئددی یولداش اولوب یولا دوزَلدیک،
قارلارلا اؤرتولو بیر دوزه گلدیک.
آیازلی، شاختالی او قیش آخشامی،
او «آی» دئدیگیمیز گؤیلرین شامی،
او قارلی دوزلره باخیب یانیردی،
یولجولار گئتدیکجه یول اوزانیردی...
«بختیار» قاباقدا قوش کیمی سکیر،
«موراد» بیر طرفده پاپیروس چکیر.
«جلال» دا زیل سسله دئییر بایاتی،
توتوب قیشقیریغی بوتون ائلاتی.
گئجهنین قوینوندا بیر زومزومه وار...
ان آرخادان گلن خسته شاهسووار،
تؤوشویه-تؤوشویه دوروب باغیریر،
«بیر دایانین!» دئییب بیزی چاغیریر.
قووّهسی قالمامیش آرتیق یئرییه،
تلهسیک فیرلانیب دؤندوک گئرییه.
آلدیق اورتالیغا شاهسوواری بیز،
ضعیف قوللاریندان توتوب ایکیمیز،
«اَیه، یورولموسان، گل اوتور!» دئدیک.
آنجاق او یئنه ده دایانمیش دیمدیک،
سانکی بیر تاختا.
ایشلهمیش قانینا بو قودوز شاختا.
قالین دوداقلاری گؤمگؤی کسیلیر،
جانیندان ایستیلیک اوچوب اسکیلیر.
طاقتی یوخدور کی، بیر سؤز سؤیلهسین،
طبیبسیز، داواسیز خسته نئیلهسین؟
بولودلار اوینادی، گئجه قارالدی،
گئجهنین گیزلی بیر حسرتی واردی.
گزدی قارانلیغی بارماقلاریمیز،
ساده بییانلاردان¹ دؤشوروب² دردیک.
قارلارین اوستونده تونقال قالاییب
خستهنی تونقالین یانینا سردیک.
جانینا کئچدیکجه اودون ایستیسی،
قوللاری ترپهنیر، قیمیلدانیردی.
بو ساده تونقالین یاشیل توستوسو،
گئجهنین قوینوندا دومانلانیردی.
اوزاقدان بیریسی، روزگار قانادلی،
گلیر باش گؤتوروب ایشیغا دوغرو.
دئدیک کیم اولمالی بو واختسیز آتلی؟
او بلکه قولدوردو، بلکه ده اوغرو.
«هر حالدا احتیاط گرکدیر» دئیه،
«بختیار» توفنگی دولدوروب قالخدی،
زیللهییب گؤزونو بیر آز دا باخدی.
او، ایلک گوللـهسینی بوشالتدی گؤیه،
«هر حالدا احتیاط گرکدیر» دئیه.
- «آی آللاه بندهسی، نه اولدو سانا؟
بیر کیم اولدوغونو خبر آلسانا!»
داغیلدی آتلینین بو قیشقیریغی،
او جان قورخوسونون جان هیچقیریغی.
بیزسه چاخناشاراق، دئدیک: بیر دایان!
بلکه بیزیمکیدیر او گلن اینسان.
قوی باعیث اولمایاق اونون قانینا!
«بختیار» توفنگی سالدی یانینا.
آتلی چاپاراق، یولدان ساپاراق،
گونباتان طرفه چاپدی آتینی،
اوفوقلر گیزلَتدی او قارالتینی.
#صمد_وورغون
¹- شیرین بیان
²- توپلاماق
#شعر_اوجاغی
@SheirOcagi
داوامی وار.
قیش گئجهسی
آیازلی، شاختالی بیر قیش آخشامی،
یئددی یولداش اولوب یولا دوزَلدیک،
قارلارلا اؤرتولو بیر دوزه گلدیک.
آیازلی، شاختالی او قیش آخشامی،
او «آی» دئدیگیمیز گؤیلرین شامی،
او قارلی دوزلره باخیب یانیردی،
یولجولار گئتدیکجه یول اوزانیردی...
«بختیار» قاباقدا قوش کیمی سکیر،
«موراد» بیر طرفده پاپیروس چکیر.
«جلال» دا زیل سسله دئییر بایاتی،
توتوب قیشقیریغی بوتون ائلاتی.
گئجهنین قوینوندا بیر زومزومه وار...
ان آرخادان گلن خسته شاهسووار،
تؤوشویه-تؤوشویه دوروب باغیریر،
«بیر دایانین!» دئییب بیزی چاغیریر.
قووّهسی قالمامیش آرتیق یئرییه،
تلهسیک فیرلانیب دؤندوک گئرییه.
آلدیق اورتالیغا شاهسوواری بیز،
ضعیف قوللاریندان توتوب ایکیمیز،
«اَیه، یورولموسان، گل اوتور!» دئدیک.
آنجاق او یئنه ده دایانمیش دیمدیک،
سانکی بیر تاختا.
ایشلهمیش قانینا بو قودوز شاختا.
قالین دوداقلاری گؤمگؤی کسیلیر،
جانیندان ایستیلیک اوچوب اسکیلیر.
طاقتی یوخدور کی، بیر سؤز سؤیلهسین،
طبیبسیز، داواسیز خسته نئیلهسین؟
بولودلار اوینادی، گئجه قارالدی،
گئجهنین گیزلی بیر حسرتی واردی.
گزدی قارانلیغی بارماقلاریمیز،
ساده بییانلاردان¹ دؤشوروب² دردیک.
قارلارین اوستونده تونقال قالاییب
خستهنی تونقالین یانینا سردیک.
جانینا کئچدیکجه اودون ایستیسی،
قوللاری ترپهنیر، قیمیلدانیردی.
بو ساده تونقالین یاشیل توستوسو،
گئجهنین قوینوندا دومانلانیردی.
اوزاقدان بیریسی، روزگار قانادلی،
گلیر باش گؤتوروب ایشیغا دوغرو.
دئدیک کیم اولمالی بو واختسیز آتلی؟
او بلکه قولدوردو، بلکه ده اوغرو.
«هر حالدا احتیاط گرکدیر» دئیه،
«بختیار» توفنگی دولدوروب قالخدی،
زیللهییب گؤزونو بیر آز دا باخدی.
او، ایلک گوللـهسینی بوشالتدی گؤیه،
«هر حالدا احتیاط گرکدیر» دئیه.
- «آی آللاه بندهسی، نه اولدو سانا؟
بیر کیم اولدوغونو خبر آلسانا!»
داغیلدی آتلینین بو قیشقیریغی،
او جان قورخوسونون جان هیچقیریغی.
بیزسه چاخناشاراق، دئدیک: بیر دایان!
بلکه بیزیمکیدیر او گلن اینسان.
قوی باعیث اولمایاق اونون قانینا!
«بختیار» توفنگی سالدی یانینا.
آتلی چاپاراق، یولدان ساپاراق،
گونباتان طرفه چاپدی آتینی،
اوفوقلر گیزلَتدی او قارالتینی.
#صمد_وورغون
¹- شیرین بیان
²- توپلاماق
#شعر_اوجاغی
@SheirOcagi
داوامی وار.