▫️«پیرایه» اوچون یازیلمیش شعرلر 23

ایلک گؤز-گؤزه گلدیگیمیز گونکی البیسه‌نی چیخارت صاندیقدان،
گئیین، کچئین!
بنزه باهار آغاجلارینا!
حبسدن، مکتوبون ایچینده یوللادیغیم قرنفیلی تاخ ساچلارینا!
قالخیز اؤپمه‌لی، چیزگی‌لرله قیریشیق، بیاض، گئنیش آلنینی!
بؤیله بیر گونده چؤکموش و کدرلی دئییل...
-نه موناسیبت؟!-
بؤیله بیر گونده بیر عوصیان بایراغی کیمی گؤزل اولمالی،
ناظیم حیکمتین قادینی!

#ناظیم_حیکمت
#شعر_اوجاغی
@SheirOcagi

▫️نئچون یابانجی‌یام من بو وارلیغا؟
فیکریمده، حیسّیمده بو نه سوکوت‌دور؟
ایچَریم بنزه‌ییر بیر مزارلیغا،
گئجه‌لر آیازدیر، گوندوز بولوددور.

نئچون هر سئوینجدن، هر اختلاطدان،
اوزاغام قارانلیق بیر بوجاق کیمی؟
اوزولموش کیمی‌یم من بو حیاتدان،
قیریلان، یارالی بیر بوداق کیمی.

منیم یولداشلاریم بیرَر کوماندان،
هپسی قاباق‌دادیر، هپسی اؤنده‌دیر.
بو درین حیاتی دویوب قاناندان،
منیم‌سه حیاتیم یامان گونده‌دیر.

#میکاییل_موشفیق
#شعر_اوجاغی
@SheirOcagi

▫️وئردیگین هر قرار، اؤزونو تانیماغا، باشا دوشمه‌یه یاردیم ائده‌جک.
دونیانی حرکته گتیر، اؤز دونیانی!

📚 بلکه ده بو حقیقت‌دیر.
#مارک_لئوی
#شعر_اوجاغی
@SheirOcagi

▫️قوتسال «پتروس»، هر کسدن جنّته گیرَرکن سوروشور: «سنده هئچ بیر یارا ایزی یوخ‌مو؟»
آداملارین چوخو فخرله «یوخ! دوزون ایسته‌سن، یوخدور.» دئیه جاواب وئریر.
پتروس «نییه یوخدور؟ حیاتیندا ساواشماغا دیَن هئچ بیر شئی اولمادی‌می؟» دئیه سوروشور...

📚 فرندز
#متیو_پری
#شعر_اوجاغی
@SheirOcagi

▫️قاچماق فلكدن ايندی نه مومكون؟! كمان چكير.
دونيا خارابلاشير، هامی اوندان «امان!» چكير.

اولما فلک‌له دوست! دئييل خوش طبيعتی،
ترک ائت جهانی! بوردا قالان «الامان!» چكير.

دونيا بزَكلی بیر ايلانا اوخشايير كی او،
اوزدن گؤزل‌دير، عالم ايچيندن زيان چكير.

اهريمن اولدو جمله ملک‌لر زمانه‌ده،
اؤز دردينه قال! اؤزگه آياقدان يامان چكير!

يئددی فلک‌له آلتی جهت هئچ دَیيشمه‌ميش،
عالم بيزی دَيیشديره‌رک امتحان چكير.

زنجيرله‌ميش فلک يئری؛ اولدوزلاری اونون-
اولموش مينیک آتی، گئجه-گوندوز عنان چكير.

«خاقانی»، آغلاما! كی سنين آه و شيوَنين،
دهرين سازيندا نغمه يئرينه فغان چكير.

#خاقانی_شیروانی
#شعر_اوجاغی
@SheirOcagi

دیالوق

▫️- بیلیرسن گئرچکدن قوجالماغا باشلادیغین زامانی، نه تهر آنلاماق اولار؟
+ نه تهر؟
- کیمسه سنین یانیندا «اؤلوم» کلمه‌سینی ایشلتمیر داها.

🎬 Kalvary
2014 ایرلند
#جان_مایکل_مک‌دونا
#شعر_اوجاغی
@SheirOcagi

▫️آما گؤزلرین گؤزل‌دیر،
دلی‌دیر، وحشی‌دیر،
اود توتموش بیر مئشه‌دن فیرلایان
بیر حئیوان کیمی.

#چارلز_بوکوفسکی
#شعر_اوجاغی
@SheirOcagi

▫️قوشلارا

یاواش اوچون، نازلی قوشلار!
سیزه منیم بیر سؤزوم وار:
دویدونوزسا بو یئرلردن،
کیمه قالدی بو یووالار؟

سیز ده بلکه اینسان کیمی
بوراخدینیز یووالاردا،
او گول‌اوزلو بالانیزی.
یوخسا نه وار هاوالاردا؟

آمان، قوشلار! من یانیلدیم،
سیزده اورک نور پارچاسی،
بیزده موردار ییغینیر، او
محبّتین کربلاسی.

سیزده هئچ بیر بابا یاپماز
بئله مودهیش جینایتی.
بیزیم‌ کیمی سیزده یوخدور
آنالارین خیانتی.

گئدین قوشلار، گئدین! آللاه-
یاخشی یوللار وئرسین، گئدین!
سیز کیمسه‌دن اینجیمه‌یین
کیمسه سیزدن اینجیمه‌سین!

آمان، قوشلار! بیلمم نه وار
بو مزارلیق عالمینده؟
روحوم آیدین بیر ایز آرار،
بو قارانلیق چؤل ایچینده.

وارسا سیزده آرتیق قاناد،
آللاه اوچون وئرین منه!
من ده سیزسیز غریب‌سه‌دیم،
اوچماق ایستر روحوم داها.

هئچ اولماسا، اونو آلین-
-چوخ یازیق‌دیر- یانینیزا!
نازلی قوشلار! سیغینمیشام
آدینیزا، شانینیزا.

#احمد_جاواد
#شعر_اوجاغی
@SheirOcagi

▫️بیر ایل کئچیر،
باشقا بیر ایل گلیر؛
و هر شئی سنده
داها دا بترلشیر، وطنیم!

#محمود_درویش
#شعر_اوجاغی
@SheirOcagi

▫️دینجَلمیشم،
پاییزدا
بوتون یارپاقلارینی کولک آپاران
بیر آغاج کیمی.

#رضا_کاظمی
#شعر_اوجاغی
@SheirOcagi

▫️من اؤزوم اؤلمه‌دیم، تانریم!
منی آبیرلا آغلاما!
قورد-قوشا یازیغین گلسین،
منی قبیرله آغلاما!

نه‌ییم وار کی او دا یانسین؟!
بولودوندا سو دایانسین.
ائله آغلا سو دا یانسین،
منی صبیرله آغلاما!

یئر دئمیرم، ایز دئمیرم،
وئردیگینه پیس دئمیرم،
سندن چؤپ ده ایسته‌میرم،
منی چادیرلا آغلاما!

#رامیز_قوسارچایلی
#شعر_اوجاغی
@SheirOcagi

دیالوق

▫️- آداملار اؤزونو سئوینجلی‌یمیش کیمی گؤستره بیلر. آما سسلری گئرچه‌یی اوزه چیخارار.

🎬 Happy Together
1997 هنگ‌کنگ
#وونگ_کار_وای
#شعر_اوجاغی
@SheirOcagi

▫️قبریستانلار، بیر زامان «اونلارسیز دونیانین چارخی دولانماز» دئیه دوشونن، اینسانلارلا دولودور.

#وینستون_چرچیل
#شعر_اوجاغی
@SheirOcagi

▫️بيلديم كی بو نازيندان بير لحظه دايانمازسان،
كؤنلومده اولان درده هرگز سن اينانمازسان.

معناسی نه‌دير دوشسم تورپاغينا ذلّت‌له؟
اؤپسم ده آياغيندان، بير حاليما يانمازسان.

سوز وئرميش ایدين كامه، امّا نه بو تئزليكله؛
بير عؤمر کئچيب گئتدی، اؤز وعده‌نی آنمازسان.

بیر بوسه وئریب، چکدین اوندان دا پشیمانلیق،
بیر ده بئله بیر سهوین آردینجا دولانمازسان.

من اؤلمه‌لی اولسام دا، باری سن اؤزون اؤلدور!
لاكين، بيليرم، لطفاً قانيما بولانمازسان.

خاقانی'نين هردن بير دؤيدون قاپیسين، گؤردون:
قان منزلينی باسميش؛ قاچدين دا، دایانمازسان.

«خاقانی!» اؤز عشقينده ثابيت قدم اول، جان قوی!
باش گئتمه‌سه بو يولدا، وصلينی قازانمازسان.

#خاقانی_شیروانی
ترجومه: #علی‌آقا_واحید
@SheirOcagi

▫️سالام، قارانلیقدا راستلاشدیغیم،
ادالاریندان چاشدیغیم قادین!
ایری، ذؤوقسوز ساعاتین، گوندوزلر کؤلگه سالدیغی یئرده دایانمیشدیم.
کؤلگه قادین،
کؤلگه اینسان!
یادیندامی؟
یادیندامی الینی سیخدیغیم او گئجه‌نین آدی،
ساریلما هوَسی،
تاکسی،
کونیاک قوخویان اینسان نفسی؟

#واقیف_صمداوغلو
#شعر_اوجاغی
@SheirOcagi

▫️سیزین ساده‌لیگینیز، باشقالارین ایچینده‌کی جاناواری اویاندیریر.

#رابرت_دنیرو
#شعر_اوجاغی
@SheirOcagi

▫️ياريم دوشونمه‌دی منی، ظولمون كم ائتمه‌دی،
جان ياندی، گؤزلرين منه نسبت نم ائتمه‌دی.

ائل قارشیسيندا دوشمنی دوشمن قبول ائدر،
يار اويمادی، منی اؤزونه همدم ائتمه‌دی.

«ائتمه!» دئمكدن اولدو ديل آغزيمدا توک كيمين،
ظلمون يئريتدی جانيما ياريم، غم ائتمه‌دی.

عشقی بو غملی جانيما صاحب‌لنن زمان،
غم وئردی بهره، يارا منی محرم ائتمه‌دی.

بير گون بيزه جمالينی گؤسترمه‌ييب ده يار،
بير لحظه خسته جانيميزی خرّم اتئمه‌دی.

«خاقانی»نين يولوندا تؤكوب غم تيكانلاری،
يولدان اونو گؤتورمه‌يه قدّين خم ائتمه‌دی.

#خاقانی_شیروانی
#شعر_اوجاغی
@SheirOcagi

▫️ساواد، اوخوماقلا اله گلمز، اوخودوغوموزو دوشونمک‌له اله گلر.

#کارل_هیلتی
#شعر_اوجاغی
@SheirOcagi

دیالوق

▫️- بیر سس سورَکلی قولاغیمدا «یئمه!» دئییر. «بو ساندویچ یئرینه، گئت هئیت‌ده قیمه یئ! آغانین احسانی شفا‌دیر» دئییر.
حارامدی، حارامدی، واللاه حارامدی! امام حاقّی حارامدی!

+ باخ! او سسلره دئ: «حارام، دنه‌سی ۲۲۰‌مین تومن اولان و سن آیدا اوچونو وورماق زوروندا اولدوغون بو ایینه‌لردی.
حارام، ۳۳ یاشیندایکن هله ده ساده بیر تویون پولونو جورلایا بیلمه‌ییب حسرتینده قالان بو بدبختین حیاتی‌دی.»
حسن آقا! بو سس بیر ده سوراغینا گلسه، اونا دئ: «حارام، او‌ قورومساق نوزول‌خوردو کی، آیین باشیندا ۱۰ میلیونونو آلماسا، ۳۰ ایل بو مملکتین آموزش-پرورشینده ایشله‌‌میش اولان ۷۰ یاشلی آتا-آنامین آوادانلیغی کوچه‌ده‌دیر.
حارام، یان آیناسی بیزیم اوچوموزون قانی قیمتینه اولان او ماشیندی.»

🎬 گشت ارشاد ۱۳۹۰
#سعید_سهیلی
#شعر_اوجاغی
@SheirOcagi

▫️شعریم

شعریم، او بیر سینیق کؤنول انقاضی‌*دیر منیم،
شعریم دئییل‌می‌دیر منیم ان زورلو دوشمنیم؟
من نشه ایسته‌رم، او فغان دینله‌دیر مانا،
اؤز سؤزلریم حیاتیما ماتم‌گاه اولمادا.

#احمد_جاواد
* اوچولموش بینانین قالیقلاری، آوار
#شعر_اوجاغی
@SheirOcagi