▫️هئچ بیر یئرده، هئچ بیر زاماندا،
حیاتین هارایی جاوابسیز قالماییبدیر.
سنین گؤزل اوره‌یین، منیم هاراییمین جاوابی‌دیر.

#احمد_شاملو
#شعر_اوجاغی
@SheirOcagi

📕 خییوو شهری‌نین بلدیه‌سی‌نین تشبوثو ایله بؤیوک یاریشما دوزه‌نله‌نیر:

🔹حیکایه،
🔹شعر،
🔹عکس
🔹و فیلم یاریشماسی.

📗 آذربایجانین بوتون یازارلار، شاعیرلر، عکاس و رئژیسورلارینی بو یاریشمایا قاتیلماغا دعوت ائدیریک.




🔺نخستین جشنواره ملی یاشیل شهر

@yashilshahar1402

▫️دؤورلر

هئچ بیر دؤورده،
اینسان راحات اولماییب.
کئچیب گئدیب قیزیل دؤورو،
داش دؤورو، تونج دؤورو.

دنیز کیمی قاباریب، چکیلیب،
تورپاق کیمی شوملانیب، اکیلیب.
اولماییب اینسانلیغین دینج دؤورو.

بوتون عصرلر، قرینه‌‌لر،*
بشرین فاجیعه‌لی،
اینسانین قورخونج دؤورو.

#زلیمخان_یعقوب
* اصلینده ۳۳ ایللیک بیر دؤور، «عصر» معناسیندا ایشله‌نیر.
#شعر_اوجاغی
@SheirOcagi

▫️بیر ظارافات، بیر یالان، بیر اَیلنجه کیمی باشلانان بو سئودا، گیزلی بیر زهَر کیمی دوداقلاریمدان قلبیمه ائندی.

📚 دوداقدان قلبه
#رشاد_نوری_گون‌تکین
#شعر_اوجاغی
@SheirOcagi

▫️گله‌سن...

ساغلیغیمدا بیزه گلمه‌ین قوهوم!
گؤزله‌ییرسن اؤلم، اوندا گله‌سن؟
داروازام هاردادی، بیلمه‌ین قوهوم
سوراق ایله گرک یاندا گله‌سن؟

وضعیّتین نئجه‌دیرسه، بیلمیشم،
آغلاسان پیس اولوب، گولسن گولموشم.
اؤز واختیندا هر ایشینه گلمیشم،
سنه یاراشماییر سوندا گله‌سن.

هر زامان آختاریب سیزی گزمیشم،
یایدا، قیشدا هر عذابا دؤزموشم،
تا آیاغیم گئتمیر، جاندان بئزمیشم،
یاخشی اولار بیزه، کنده گله‌سن.

چوخ اذیت چکدیم قوهوما، دوستا،
قدریم بیلینمه‌دی، جان دوشدو خسته.
«نیظامی سنسیز»م، مزاریم اوسته-
روحوما خوش گلمز گونده گله‌سن.

#نیظامی_سنسیز
#شعر_اوجاغی
@SheirOcagi

▫️سئومک،
بوتون عونوان‌لاریمیزدان سویونماق‌دیر.

#اوکتاویو_پاز
#شعر_اوجاغی
@SheirOcagi

▫️اصیل اولماق اوچون، یالان دانیشماماغین یئتر.
دوزگون اصالتین باشلانغیجی بودور.

#لودویگ_ویتگنشتاین
#شعر_اوجاغی
@SheirOcagi

▫️سندن اؤنجه هئچ بیر قادینا باغیشلانمایان،
سندن سونرا دا هئچ بیر قادینا باغیشلانمایاجاق کلمه‌لردن،
بیر خزینه سونماق ایسته‌ییرم سنه.
ائی اوندان اؤنجه بیر «اؤنجه» اولمایان،
اوندان سونرا بیر «سونرا» اولمایاجاق قادین!

#نزار_قبانی
#شعر_اوجاغی
@SheirOcagi

▫️اؤلدو.

گؤز یاشیم سؤز یاشیدی،
ایشیغیندا شام اؤلدو.
اؤلن حالال یاشادی،
یاشایان حارام اؤلدو.

نه سیرلی بو سؤز یوکوم!
حئیرتینه دیز بوکوم.
اؤلدو سلام‌علیکوم،
علیکوم‌سلام اؤلدو.

اورک کسدیم، آریتدیم،
سؤز-سؤز سریب قوروتدوم.
بیر میصراعنی اونوتدوم،
ایچیمده بالام اؤلدو.

#رامیز_قوسارچایلی
#شعر_اوجاغی
@SheirOcagi

🔹تحکییه ادبی درنه‌یی(438-جی جلسه)
🔹حئکایه: کیچیک دؤولت– دزيونيیتیرو تانیدزاکی
🔹ژاپون نثری
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه- 30 آبانماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه_سی #داستان #مودئرن_نثر #تحکییه #اورمو # دزيونيیتیرو_ تانیدزاکی #ژاپون_نثری #حئکایه

▫️ماسکانی آنجاق لازیم اولدوغو زامان، لازیم اولان یئرلرده، مثلا کارناوال، ماسکاراد کیمی اَیلنجه‌لره گئدرکن تاخیرام. یعنی ماسکانی تام یئرینده قوللانیرام. بعضی آداملار کیمی هر گون اوزومه ماسکا تاخاراق گزمیرم.

📚 اوخشار
#فئودور_داستایئوسکی
* قاتیلانلاری اؤزل ماسکالار تاخمیش، جوربه‌جور، غریبه پالتارلارینی گئیمیش حالدا کئچیریلن شنلیک
#شعر_اوجاغی
@SheirOcagi

▫️گلین

ائی سوزگون گؤزلری سحر اولدوزو،
پریشان تئللری یاسمن گلین!
گوزل‌لر سجده‌سی، گتیردیگین دین،
گیردیم سیزین دینه بیر ده من، گلین!

هر یئتن ناز ائتدی، قاتلاندیم نازا،
کؤنول وئردیم هر بوش صؤحبته، سازا.
ساللان کی، جان قوشو چیخسین پروازا،
پریشان اولسون قوی هر گؤرن، گلین!

سنسیزلیک‌دیر منیم بیتمه‌ین دردیم،
بیتمه‌ین دردیم‌له من سنه گلدیم.
گولن دوداقلاردان من بیر گول دردیم.
ساخلانمیش قلبیمده ایسترسن، گلین!

سیغماز ایکن روحوم گئنیش تورپاغا،
گلمیش حوضورونا بیر غول اولماغا.
گؤزللیک بیر چیچک، محکوم سولماغا؛
سولدورما بوش یئره اونو سن، گلین!

#احمد_جاواد
#شعر_اوجاغی
@SheirOcagi

▫️سئویرم سنی،
یارالاری همیشه‌لیک دوزا محکوم اولان بیر دنیز کیمی.

#سعید_معلف
#شعر_اوجاغی
@SheirOcagi

▫️دوست منه یار اولسون...
(کول قروپ)

#ائلیا_دنیز #توحید_نوروزی
سؤز: #نباتی
موسیقی: #توحید_نوروزی
#شعر_اوجاغی
@SheirOcagi

▫️بیزدن نه قالاجاق؟

بولبوللر اینساندان قاباغا دوشوب،
بوتون نغمه‌لری اوخویوب گئدیب.
آللاهین الی‌یله یاشیل چمنلر،
بوتون خالیلاری توخویوب گئدیب.

قارا قاریشقالار قارا تورپاغی،
بیزدن قاباق اکیب، دن گؤتوروبلر.
بیزدن اوّل اوچوب اوجا گؤیلره،
قارتاللار مئیدانی گئن گؤتوروبلر.

چیچک دسته-دسته، گول طاباق-طاباق،
هر آری اؤزونه بیر شان باغلاییب.
آدمدن ایره‌لی، حوّادان قاباق،
آری بال عشقینه داستان باغلاییب.

باخیرام صحرانین گئنیش‌لیگینه،
نه‌لری گؤرورم قومدا، نه‌لری!
صحرا داستانینی نه گؤزل یازیب،
بو قوم ذرّه‌لری، قوم دنه‌لری!

دونیانین بو قدر زنگین‌لیگینه،
«نیظامی» مات قالیب، «هومر» مات قالیب.
اینسان نه یارادیب اوچوب داغیلیب،
آللاه نه یارادیب سالامات قالیب.

اوغولسان هاوا چال تزه گؤرونسون،
بوتون هاوالاری چالیب گئدیبلر.
اؤلمزدی، ایتمزدی اوزان دده‌لر،
تاریخین یادیندا قالیب گئدیبلر.

عاغیل‌لا، ایدراک‌لا اینسان اوغلونو،
دویدوروب گئدیبلر، دویوب گئدیبلر.
بوتون خزینه‌لر داهی‌لریندی،
بیزلری الی‌بوش قویوب گئدیبلر.

بیزیم گئتدیگیمیز جیغیرین، یولون،
هاردا قورتاراجاق سونو، بیلمیرم.
تانری تؤحفه‌سی‌دی بیزه قالانلار،
بیزدن نه قالاجاق، اونو بیلمیرم.

#زلیمخان_یعقوب
#شعر_اوجاغی
@SheirOcagi

▫️زئیتون یاغیندا قیزارمیش قیرمیزی بیبرین قوخوسونو، دان اوزو ساکیت دنیزه یاغان یاغیشلاری، آچیق پنجره‌نین آغزیندا بیر آنلیغا قادینین گؤرونمه‌سینی، سسسیزلیکلری، دوشونمه‌یی و صبری سئویرم، اؤزومه اینانیرام و چوخ واخت حاقّیمدا دئییلن‌لری وئجیمه آلمیرام.

📚 منیم آدیم قیرمیزی
#اورهان_پاموک
#شعر_اوجاغی
@SheirOcagi

دیالوق

▫️- بیز خاریجده اولاندا من هر گون موسکووا رادیوسونا قولاق آسیردیم: «گؤره‌سن باکیدا هاوا نئجه‌دیر؟»
بیلنده‌کی باکیدا یاغیش یاغیر، سویوقدور، من ده اوشویوردوم.

🎬 Gün keçdi
1971 آزربایجان
#عاریف_بابایئو
#شعر_اوجاغی
@SheirOcagi

▫️اؤتوشور غم بولودلاری،
گؤزومه اولدوز ییغیلیر.
درد اورک-اورک دریلیر،
بنؤوشه قیز-قیز ییغیلیر.

عؤمور الده باغ کیمی‌دی،
یوللار یاشیل تاغ کیمی‌دی،
ویجدان دا پاپاق کیمی‌دی،
آتدین، اوسته توز ییغیلیر.

تندیر دولو کوت آداملار،
آیاق یویور «بوت» آداملار‌.
ائله آرتیر شیت آداملار،
بدنیمه دوز ییغیلیر.

#رامیز_قوسارچایلی
#شعر_اوجاغی
@SheirOcagi

▫️بیلمک ماراقلی‌دیر!
ادبيیات حاققیندا سؤیلنمیش آفوریزم‌لر:

• کلاسیک اوخوجو صنعتکارین یازدیغینی اونون اؤزوندن داها یاخشی باشا دوشه بیلن‌دیر. (ابو تورخان)

• تنقیدچی فلسفی حاضیرلیق سويیه‌سینه گؤره یازیچیدان یوکسکده دورماسا، اثرین حقیقی قیمتینی وئره بیلمز. (ابو تورخان)

• شعر خوش بیر تبسسومدن، یا دا گؤز یاشلاریندان یارانیر. (رسول حمزتوو)

• شاعیرلر و قهرمانلار بیر طایفادیر. اونلارین آراسینداکی فرق ایدئیا و عمل آراسینداکی فرق کیمی‌دیر. قهرمانلار شاعیرلرین سئیر ائتدیکلرینی حیاتا کئچیریرلر. (آلفونس دئ لامارتین)

• شاعیر حقیقتی ثبوت ائتمیر. او اونو گؤستریر. (ویسساریون بئلینسکی)

• رسامین اوریژیناللیغی خیالیندا یاراتدیغی ایدئیادا، صنعتکارلیغی ایسه بو ایدئیانی کتانا کؤچورمک مهارتینده اوزه چیخیر. (ابو تورخان)

• قیلینجلا اؤلکه توتماق آسان‌دیر، قلم‌سیز اونو الده ساخلاماق چتین‌دیر. (بالاساقونلو یوسیف)

• نثر اوزاغا، پوئزییا ایسه زیروه‌لره اوچور. (رسول حمزتوو)

• نثرده پوئزییا خؤره‌یین دوزو کیمی‌دیر. (رسول حمزتوو)

• اؤنملی او دئییل نه حاقیندا و یا کیمین حاقیندا یازیلیب، اؤنملی اودور کی، کیم یازیب! (ابو تورخان)

• اؤلو دوغان موللیف نه واختسا دونیایا دیری اؤولاد گتیره بیلسه، اوّل اؤلن‌لر ده دیریلر. (ابو تورخان)

• موسیقی جان وئریر روحا ازلدن،
موسیقی قلب آلیر مین بیر گؤزلدن. (صمد وورغون)

• موسیقی فیکره قاناد وئریر. (فریدریخ نیتسشئ)

• موسیقی روحون قیداسی‌دیر. (ابو تورخان)

• اثرلر زهرلی، اخلاقسیز، کئفشک بیر مؤوضوع تعقیب ائدرسه، گئج- تئز بوتون اوخوجولارینی دا زهرله‌میش اولار. (حسین جاوید)

• دینسیزلیک ایله کسب اولونان بیر مدنيیت...
وحشيیتین ان قورخولو صحراسی دئییلمی؟! (میرزه علی اکبر صابیر)

#شعر_اوجاغی
@SheirOcagi

▫️آنتیگونه: سن ایندی‌یه‌جن عاشق اولوبسان‌؟
تیرسیاس: عشق تهلوکه‌لی‌دیر، خانیم!
آنتیگونه: نییه؟
تیرسیاس: چونکی قویمور تهلوکه‌لی شئی‌لردن قورخاسان.

📚 آنتیگونه
#سوفوکل
#شعر_اوجاغی
@SheirOcagi