▫️تانیییر...

موسیقی:
#توحید_نوروزی
شعر:
#رامیز_رؤوشن
@SheirOcagi

🔹تحکییه ادبی درنه‌یی(412-جی جلسه)
🔹حئکایه: جیرتدان – مارسئل ائمئ (Marcel Aymé)
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه-12 اردیبهشت ماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه‌سی #داستان #مودئرن_نثر #تحکییه #اورمو #مارسئل_ائمئ #فرانسیز_نثری #Marcel_Aymé #حئکایه #مارسل_امه

▫️بلکه کیمسه اولمایاجاق سنین کیمی، آما سن ده اولمایاجاقسان اوّلکی کیمی.

#جان_دوندار
#شعر_اوجاغی
@SheirOcagi

▫️گؤزوم اوره‌ییمله یولا گئتمه‌دی.

من اؤزوم اؤزومله قومار اوینادیم،
نه یاخشی اؤزومه اودوزدوم، آللاه!
گؤزوم اوره‌ییمله یولا گئتمه‌دی،
آخیردا گؤزومه اودوزدوم، آللاه!

سینسان، گؤره‌جکسن حلیم‌دی دونیا،
غورورو اولانا قنیم‌دی دونیا.
بیر آز دا دؤزسه‌یدیم، منیم‌دی دونیا،
دؤزمه‌دیم، دؤزومه اودوزدوم، آللاه!

آچیب عشق قوتوسون، نذیر گؤتوردوم،
بو شاه غم منی ده وزیر گؤتوردو.
دؤیوشدوک، سؤز منی اسیر گؤتوردو،
دؤیوشدوک، سؤزومه اودوزدوم، آللاه!

#علیزاده_نوری
#شعر_اوجاغی
@SheirOcagi

دیالوق

▫️اوشاقلیغیمدا منه «اوغرولار جهنّمه گئده‌جک» اؤیرتدیلر. بؤیودویومده گؤردوم اوغرولار لندن، توکیو و پاریسه گئدیر.

📽 Legend
2015 بریتانیا
#برایان_هالگلند
#شعر_اوجاغی
@SheirOcagi

▫️ایکی حؤکمدار 5

...خانین ائلچیلری مین‌بیر وعد ایله،
قوجا موعلّیمی توتدولار دیله،

قیزی گتیردیلر سارایا زورلا،
هر شئیی سارایدا آنلادی لئیلا.

یئتیردی اؤزوتو خواجه او ساعات،
باخدی تزه اووون اوزونه مات-مات:

«آللاه، بو حوری‌می، ملک‌می» دئیه،
خواجه حئیران قالدی بو گؤزل‌لیگه.

حرَم‌لر دَیدیلر بیری-بیرینه،
باخدیلار حسَدله رقیب‌لرینه.

گلدی مشّاطه‌لر، بیر آندا گلدی،
گلین اوتاغیندا مئیدان دوزَلدی.

اونو سالاملاییب خوش دیندیردیلر،
سارای اداسی‌یلا گئییندیردیلر.

اوزولدو هر یئردن لئیلانین الی،
ائلدن آیری دوشدو ائللر گؤزَلی.

آنجاق شیرین سؤزلر، شیرین وعده‌لر
تحقیرلر، تهدیدلر، مین جور هده‌لر،

اونون عینادینی قیرا بیلمه‌دی.
«من اؤز منلیگیمی ساتمارام!» دئدی.

خبر چاتدی خانا، غضب‌لندی خان،
قولاقلار توتولدو باغیرتیسیندان:

نئجه یولا گلمیر؟ چنگی‌یه بیر باخ!
منیم اراده‌مه تسلیم اولماماق؟!

یاخشی! بو آخشام،
من اؤزوم اونونلا حئسابلاشارام...

#بختیار_واهابزاده
#شعر_اوجاغی
@SheirOcagi
داوامی وار

▫️گئجه‌م

آخشام ایله ساغول‌لاشیب
گلیب چیخدی بایاق گئجه‌م.
ایچیمده‌کی اوچوق-سؤکوک،
خاطیره‌مه دایاق گئجه‌م.

گونده چیخیر، گونده باتیر،
اونو گؤرن گون ده باتیر.
سحرین ایچینده باتیر،
عؤمورده‌کی قاییق گئجه‌م.

سسسیزلیگین سسی ایله،
اولمایان کیمسه‌سی ایله،
خیالین نفسی ایله،
ایسینیر بو سویوق گئجه‌م.

گاه ایستیدن یانان یولدا،
گاه سویوقدان دونان یولدا،
او قیزا اوزانان یولدا،
هئی گئدیر تک‌آیاق گئجه‌م.

اؤز عؤمرونو آیا وئریب
حسرتینی چایا وئریب
هر شئیی یوخویا وئریب
قالیر منله اویاق گئجه‌م.

#والئه_قوجا
#شعر_اوجاغی
@SheirOcagi

▫️اؤزونو قوصورلو و ضعیف بیلن بیریسی، هئچ زامان بؤیوک ذیروه‌لری فتح ائتمک باره‌ده دوشونمه‌یه‌جک.

📚 قورخولار
#رؤوشن_عبدالله‌اوغلو
#شعر_اوجاغی
@SheirOcagi

▫️قلبیمده بیر سیزیلتی عمله گلیب.
نه ائدیرم‌سه، بو سیزیلتی کسیلمیر.

#رابیندرانات_تاگور
#شعر_اوجاغی
@SheirOcagi

دیالوق

▫️- بؤیوک آنام همیشه دئیَردی:
عشق زامانین کئچمه‌سینه سبب اولا بیلر، آما زامانین کئچمه‌سی اصلا عشقین یارانماسینا سبب اولا بیلمز!

📽 Stolen
2012 آمریکا
#سایمون_وست
#شعر_اوجاغی
@SheirOcagi

▫️گئدیر.

چای هئلله‌نیب بنددن چیخیب،
ایلان جیزدان، خطدن چیخیب،
انسان اطاعتدن چیخیب،
هره‌سی بیر یانا گئدیر.

اؤز ایچینده یانیر هره،
داغ سؤکولور، دولور دره.
ائله آلدانیب کی، فره
تولکویه درمانا گئدیر.

وار کئف یئری، خراج یئری،
شوم بیرینین علاج یئری.
مین اکینین قازانج یئری،
ییغیلیب خیرمانا گئدیر.

کسیلیب او گل-گئت‌لری،
یوخ وظیفه بیلئت‌لری.
یانیمدا قصّاب ایتلری،
یالمانا-یالمانا گئدیر.

فیتنه-فساد نه‌دیر؟ ناشی!
بوراخ گؤروم بو ساواشی!
محبّتین جاوان یاشی،
دؤورِ سُلیمانا گئدیر.

#موسی_یعقوب
#شعر_اوجاغی
@SheirOcagi

▫️قاریش-قاریش گز بو غمی!

عؤمور گولدن، تیکاندان‌دی-
نه‌دندی... تانری گؤندریب.
روحون تانری وئرن روح‌دو،
بدنی، تانری گؤندریب.

دؤرد طرفم، اوچوم سودو،
چؤلوم سودو، ایچیم سودو.
بو یاغیش بیر ایچیم سودو،
یا دن‌دی، تانری گؤندریب؟

کیم سئوه‌جک بس بو غمی؟
گؤتور لال-دینمز بو غمی!
قاریش-قاریش گز بو غمی!
وطن‌دی، تانری گؤندریب.

#علیزاده_نوری
#شعر_اوجاغی
@SheirOcagi

▫️اینسانلار چوخ گؤزل دانیشیرلار.
اینسانلاری دینله‌یرکن اونلارین نه قدر مؤحتشم اولدوغونو دوشونورم و عاغلیما بو سؤال گلیر: بس بو قدر پیسلیگی کیم ائدیر؟

📚 خوشبختلیگی ایتیردیگین یئرده گزمه!
#بئیحان_بوداق
#شعر_اوجاغی
@SheirOcagi

▫️اوخولدا اؤیرندیگیمیز ان اؤنملی شئی بودور:
«ان اؤنملی شئی‌لری اصلا اوخولدا اؤیرنمک اولماز.»

#هاروکی_موراکامی
#شعر_اوجاغی
@SheirOcagi

▫️ایکی حؤکمدار 6

...گؤر نه‌لر یارادیر حؤکمو دؤورانین:
لئیلا، حوضوروندا دایانمیش خانین.

خان، قیزی گؤرونجه بیر تهر اولدو،
چاتیلدی حئیرتدن اونون قاشلاری.
گؤزو دومانلاندی، نیطقی توتولدو،
گؤرونجه، سوزولن لال باخیشلاری.
یاندی اوره‌یینده احتیراص اودو،
غضَبی سویودو، حیرصی سویودو.

گؤزل‌لیک! کیم سنه «من کورام» دئدی؟
دئ، سنین اؤنونده کیم باش اَیمه‌دی؟!
اورک‌لر باشیندا وار یئرین سنین،
قیلینجدان ایتی‌دیر کسَرین سنین.
دئ، سنین گوجوندن بؤیوک گوج هانی؟!
آلان سن اولورسان اختیارینی،
اینسانین الیندن بیر آن ایچینده.
بعضاً عقیده ده، مسلک ده، دین ده،
سنین آتشینه یانیب کول اولور،
امل‌لر، آرزولار گؤیه سوورولور.

دینیندن ال چکیب او شئیخِ صنعان،
بوینونا بیر آندا خاچ سالمادی‌می؟
غایه‌سی یولوندا اوجالان اینسان،
گؤزل‌لیک اؤنونده آلچالمادی‌می؟

گؤزل‌لیک، داشی دا گتیرَر دیله،
حؤکمونه رام اولار وحشی‌لر بئله...

#بختیار_واهابزاده
#شعر_اوجاغی
@SheirOcagi
داوامی وار.

▫️پوئزیانی* سئویردیم. شعرلر بیر نؤوع دوعایا بنزه‌ییردی، آمّا داها گؤزل، داها آنلاشیقلی ایدیلر. دوعالاردان فرقلی اولاراق، شعرلر گوناهلارین باغیشلانماسی و یا ثاواب قازانماق اوچون دئییلدی. شعرین جیلالانمیش، اؤلچولو-بیچیلی سؤزلری، یاخشی یاغلانیب نیظاما سالینمیش دَییرمان چارخلاری کیمی بیر-بیرینی حرکته گتیریردی.

📚 بویالی قوش
#یرژی_کوشینسکی
* شعر، منظومه (Poeziya)
#شعر_اوجاغی
@SheirOcagi

▫️سوبایلیق‌لا بوشان، قیز!

گیر قلبیمه، سرینله،
آی کناردا بیشن قیز!
اؤزونه ده قاپی آچ،
اوره‌ییمی دئشن قیز!

دردلریمی دیدر اول،
کدریمه کدر اول،
یاییل، قلبیم قدر اول،
گؤزلریمدن داشان قیز!

گونش اول، صاباحا گیر،
ثاواب اول، گوناها گیر،
عشقیمله نیگاها گیر،
سوبایلیق‌لا بوشان، قیز!

#والئه_قوجا
#شعر_اوجاغی
@SheirOcagi

▫️بیلیرم قولای دئییل یاشاماق،
کؤنول وئریب ماهنی سؤیله‌مک یار اوستونه؛
گئجه‌لری اولدوز ایشیغیندا دولاشیب-
گوندوزلری گون ایشیغیندا ایسینمک؛
بئله بیر فورصت تاپیب یاریم گون،
یان گله بیلمک «چاملیجا تپه‌سی»نه...
مین طورلو ماوی آخان بوغازدان،
ماوی‌لر ایچینده هر شئیی اونودا بیلمک.

بیلیرم، قولای دئییل یاشاماق؛
اما ایشده،
بیر اؤلونون هله یاتاغی ایستی،
بیرینین ساعاتی ایشله‌ییر قولوندا.
یاشاماق قولای دئییل یا، قارداشلار!
اؤلمک ده دئییل.
قولای دئییل بو دونیادان آیریلماق.

#اورهان_ولی
#شعر_اوجاغی
@SheirOcagi

دیالوق

▫️بیر آدامین، یاخشی و دوز اولماق اوچون تک سببی، تانری طرفیندن اؤدول‌لندیریلمک اومیدی‌دیرسه، او آدام پیسلیکدن باشقا بیر شئی دئییل.

📺 True Detective
...-2014 آمریکا
#نیک_پیزولاتو
#شعر_اوجاغی
@SheirOcagi