▫️نه پارا ایسته‌ییرم،
نه ده پول.
تک بیر ایسته‌ییم وار،
او دا یالانسیز بیر غول...

#اؤزدمیر_آصاف
#شعر_اوجاغی
@SheirOcagi

▫️اولمادی.

چیچک «جعفر» عؤمرودو،
چیچک «موشفیق» عؤمرودو،
چیچک «جاوید» عؤمرودو،
آچدی-آچدی، سولمادی.

«جعفر» کؤچوب گئدنده،
«موشفیق» گوللـه‌لننده،
«جاوید» سورگون اولاندا،
هانسی چیچک، هانسی گول،
ساچلارینی یولمادی؟

«موشفیق»ی ده یاشاتدی،
«جعفر»ی ده یاشاتدی،
«جاوید»ی ده یاشاتدی‌.
نغمه‌کارسیز، نغمه‌سیز،
بیزیم بیرجه گونوموز،
اولمادی کی، اولمادی...

#زلیمخان_یعقوب
#شعر_اوجاغی
@SheirOcagi

▫️همیشه، بیر ایشین ان قورخونج بؤلومو تام باشلانیشیندان نئچه لحظه اؤنجه‌سی‌دیر...

#استیون_کینگ
#شعر_اوجاغی
@SheirOcagi

دیالوق

▫️عشقه -اونو خیاوانلاردا آختارمایاجاق قدر- سایغیم وار...

📽 That Obscure Object of Desire
1977 آمریکا
#لوئیس_بونوئل
#شعر_اوجاغی
@SheirOcagi

▫️هر گئجه تدبیر گؤرور کؤنلوم سنین هجرانینا،
صوبح تئزدن بند اولور عشقین شیرین سولطانینا.

کؤنلومو وئردیم سنه من، سانکی بیر جان اولموشوق،
باشقا بیر جان وارمی، یئتسین باشقا بیر جانانینا؟!

گونلری بایرام کیمی شیرین کئچر باخسان، گولوم!
صوبح تئزدن سن نظر سالسان اگر قوربانینا.

وارمی جورأت، قالدیرام شمشیر سن تک آتلی‌یا،
باشیم اوسته توتموشام، وور ضربه‌نی قالخانینا!

مجلیسینده من کیمی مئهمان گرک دائیم سنین،
گؤوهری تؤکسون اوزه، قصد ائیله‌سین اؤز جانینا.

سن جیگر دیدمَکدن ال چک، ائی پری، ائت امتناع!
یوخسا غرق ائیلر سنی بیر گون جیگر اؤز قانینا.

گؤزلریمدن سئل کیمی تؤکدوم جیگر سویون بو گون،
تا «نظامی»نین غوباری قونماسین ائیوانینا...

#حکیم_نظامی_گنجوی
#شعر_اوجاغی
@SheirOcagi

▫️منیم سئودام اوجا شام آغاجی کیمی‌دیر.
نه پاییزدا یارپاق تؤکر،
نه ده قیشدا بویون بوکر...

#اؤزدمیر_آصاف
#شعر_اوجاغی
@SheirOcagi

▫️بلکه ده بو، اینسانین طبیعتینده‌دیر: هر واخت‌ بیری آلچاق کؤنوللولوک، گوجسوزلوک و یا لاقئیدلیک اوزوندن هر شئیه قاتلانیر، بیز هر شئیی اونا یوکله‌مه‌یه چالیشیریق...

📚 بابا گوریو
#اونوره_دو_بالزاک
#شعر_اوجاغی
@SheirOcagi

▫️آغلاییب سیله‌جه‌یم گؤزلریمدن،
سنلی بوتون صحنه‌نی بیر عؤمورلوک.
کولک‌لره قوشولوب گئده‌جه‌یم،
سن اولدوغون شهَردن بیر عؤمورلوک.

هر نه کئچمیشیم وارسا اونوداجام،
سنی هر ساعاتیمدان سیلمک اوچون.
بیر یوللوق دونَنیمدن خط چکه‌جم،
بیزیم اولان کئچمیشی پوزماق اوچون.

باخمایاجاغام ساغا، هئچ سولا دا.
عونوانی نفَسیندن چوخ-چوخ اوزاق،
شهََرین سس-کویونه قیزیناجام.
یئلکن‌سیز قاییقدا، لاپ چوخ اوزاقدا،
دنیزین دالغاسینا ایسلاناجام...

#ائلمیر_حسن
#شعر_اوجاغی
@SheirOcagi

▫️وطن

وطن! بیر دفعه ده گؤرسه‌یدیم سنی،
دونیانین حوسنونو سنده دویاردیم.
قیناماسایدیلار «علی توده‌»نی،
آدیمی دَییشیب «وطن» قویاردیم...

#علی_جوادزاده (توده)
#شعر_اوجاغی
@SheirOcagi

▫️۲۹ آپریل، #دونیا_رقص_گونودور
بو پُست‌دا آزربایجان بلکه ده دونیا میلّتینین ان‌اسکی رقص‌لریندن بیرینی تانیتدیریریق:

«یاللی رقص» آزربایجانین ان‌اسکی فولکلور رقص‌لریندن بیری‌دیر.

بو ویدیودا گؤردویونوز داش، اورژینالی آزربایجانین «قوبوستان» بؤلگه‌سینده یئرلشن «قاوال داشی»نین، ماکئتی دیر. بو مکاندا «توپلو یاللی رقص داش‌یازماسی» واردیر. بو داشین اسکی‌لییینی ۱۵مین ایل اؤنجه‌یه عایید بیلیرلر. آرخئولوق‌لار، «قاوال‌داشی، رقص ائدن‌لره سس یاراتماق اوچون قوللانیلیرمیش» دئیه اینانیرلار. بالاجا داش‌لارلا بو بؤیوک داشا ضربه وورولاندا گورولتولو و درین بیر سس یارانیر.

یاللی رقصینین ایلکین و ان ساده شکلی، ایشیق و ایستی قایناغی اولان اود شؤعله‌سینین اطرافیندا، شن‌لیک و مراسیم شکلینده اولارمیش. بئله بیر مراسیمده، تانریچایا دؤنوشن اودا تاپینارمیشلار. یاللی، آستا و آغیر باشلانیب قاچماغا بنزر یئگین آددیم‌لارلا، سورعتله سونا چاتیر.

یاللی رقص، قالارغی بیر گله‌نک اولاراق، آزربایجان میلّتی آدینا یونسکودا قئیده آلینمیشدیر.‌ یاللی رقص بیرلیک، مینّت‌دارلیق، سئوینج و گوجدن بیر سیمگه‌دیر...

#شعر_اوجاغی
@SheirOcagi

▫️ان بؤیوک خیالیم خوشبختلیک قازانماق اوچون پول قازانماق ایدی. پولون وارلیغی منی خوشبخت ائتمه‌یه‌جکدی، پولون گوجو ایله خوشبخت اولاجاقدیم؛ کاسیبلارا، علاجسیزلارا یاردیم ائده‌رک، آجلارین قارنینی دویوراراق، کیمسه‌سیزلره کیمسه اولاراق... ان آزیندان ائویمه بیر تیکه چؤرک آپاراراق...

📚 جنّت عطری
#ائلمار_شاهبازوو
#شعر_اوجاغی
@SheirOcagi

▫️مندن، «عشق نه‌دیر؟» سوروشسان،
«عشق، اوره‌ییمین مین دردینی توختادان سسین‌دیر.»
دئیه‌رم...

#نزار_قبانی
#شعر_اوجاغی
@SheirOcagi

▫️اوتاندیم، اوره‌ییم آغریماغا باشلادی؛ ائله آغریدی کی، ائله بیل منی آشاغیلامیشدیلار؛ گؤزلریم یاشاردی، گؤیه باخدیم و بوتون بو حاللارا سون قویاجاغیما آند ایچدیم...

📚 دوخسانینجی ایللرده
#آنتون_چئخوو
#شعر_اوجاغی
@SheirOcagi

‍ ▫️گؤزَلدی.

یاغیشین سسی‌دیر، قارین سسی‌دیر،
سئل‌لرین نغمه‌سی گؤزَلدی، قارداش!
ذیروه‌لر همیشه زیلدن اوخویور،
یئل‌لرین نغمه‌سی گؤزلدی، قارداش!

داشلار دا دیل آچیب گلیر هوَسه،
جان جانا توخونور، نفَس نفسه.
یاشیل‌باش سونالار وئریر سس-سسه،
گؤل‌لرین نغمه‌سی گؤزلدی، قارداش!

آلیشیب سؤنَنی یادینا سالیر،
یادداشا دؤننی یادینا سالیر،
کئچمیشی، دونَنی یادینا سالیر،
چؤللرین نغمه‌سی گؤزلدی، قارداش!

یورولمور اؤتمَکدن نه دوداق، نه دیل،
اَییل بو قودرتین اؤنونده، اییل!
مین ایل‌لر کئچسه‌ ده، توکَنن دئییل،
ائل‌لرین هاواسی گؤزلدی، قارداش!

#زلیمخان_یعقوب
#شعر_اوجاغی
@SheirOcagi

▫️بیر اینسانی سئوه‌جکسن‌سه، اوندا تاپدیغین «سن» اوچون سئوه‌جکسن؛ چونکی اونداکی «سن» باشقا هئچ کیمده اولا بیلمز. گؤزو یومولو سئومه‌یه‌جکسن، نه اوچون سئودیگینین بیر آچیقلاماسی اولاجاق سنده. «گؤزل ایدی، سئودیم» دئیه‌رک اؤتوب کئچمه‌یه‌جکسن. -گؤزل اولان نه ایدی؟- اونو سورغولایاجاقسان، چونکی گؤزلی سئومک قولای‌دیر. چتین اولان ایچینه «سن» قاریشدیغیندا گؤزل‌لشنی تاپماق‌دیر...

📚 صاباح یوخوم
#احمد_باتمان
#شعر_اوجاغی
@SheirOcagi

▫️من یاشیل آغاجام؛ دینله‌سین توفان!
سنسن یارپاغیم دا، مئیوه‌جیییم ده.
سئوگیلیم! حیاتدا سنی هر زامان-
سئومیشم، سئویرم، سئوه‌جه‌یم ده...

#علی_جوادزاده (توده)
@SheirOcagi

‍ ▫️قارانقوش

اسدی وعده یئلی یاز موژده‌سی‌یله،
قوندون ائیوانیما یئنه، قارانقوش!
من سنین عشقین‌له گلیرکن دیله،
اوچماغین درد اولدو منه، قارانقوش!

بیر زامان یووانی اوچورموشام من،
بلکه ده، بلکه ده او یادیندادیر.
دیلین یوخ، درد آچیب سؤز سؤیله‌یه‌سن،
دیلین ده، سؤزون ده قانادیندادیر.

بعضاً ألینده شیش، چیینینده یابا،
اوشاقلار یانیما ییغیلدی، آی قوش!
اون گونه، بیر آیا تیکدیگین یووا،
بیرجه آن ایچینده داغیلدی، آی قوش!

یئل‌له‌می، سئل‌له‌می کئچدی اؤتن گون؟
او بلکه اؤتری شیمشک سسی‌یدی.
سنین اؤز یوواندان آیری دوشمه‌یین،
منیمچون بیر اوشاق اَیلنجه‌سی‌یدی.

بلکه بو حالیندان اینجیدی داغ -داش،
بونو اوز واختبندا دویا بیله‌یدیم!
بیر گونلوک اوشاقلیق گوناهیمی کاش،
بوتون عؤمروم بویو یویا بیله‌یدیم.

بیلمه‌دیم او گونون آنی نشه‌سی،
منه درد اولاجاق عؤمروم اوزونو.
بلکه ائو قایغیسی، اؤولاد نفسی-
اولماسا، ایندی ده دویمازدیم بونو.

ائه... خیال نه‌لری گتیریر یادا!
یئنی موژده‌ن اولا منه، قارانقوش!
کؤرپه‌لیک گولوشوم قانادلاریندا،
بیرجه گون گئری‌یه دؤنه، قارانقوش!

واخت اولور جانسیزدان جان اومور اینسان،
عادی تسلّی‌دیر بونلار دا آنجاق.
اوچان کؤرپه‌لیگیم، اوچولان یووان،
اونسوز دا گئرییه قاییتمایاجاق.

گَـل یئنه یووا قور دوغما یئرینده!
کؤنلوم حسرتین‌له دیندی، قارانقوش!
تا اوچما، چکینمه منی گؤرنده،
من اوشاق دئییلم ایندی، قارانقوش!...

#ممد_آراز
#شعر_اوجاغی
@SheirOcagi

▫️و «داریخما»،
بیر شعری،
یوزلرجه دفعه باشدان یازان
اومیدسیز بیر شاعیردیر...

#محمود_درویش
#شعر_اوجاغی
@SheirOcagi

دیالوق

▫️خسرو: بوتون فیکریم-دوشونجه‌م سنسن.
حنا: اوچاجاق باشیندان...

📽 خشم و هیایو
۱۳۹۴ ایران
#هومن_سیدی
#شعر_اوجاغی
@SheirOcagi

▫️بیر اینسان،
ایچیندن گله‌نی یازیرسا،
ایچیندن گئدن بیری واردیر!...

#ایلهان_برک
@SheirOcagi