▫️- «گرکسیز اینسانلار، لازیمسیز سؤزلر، بو قدر آخماق سووال‌لارا جاواب وئرمک مجبوریّتی...،
دوکتور! بوتون بونلار منی یوردو، خسته ائتدی...»

📚 بؤیوک اویونلار
#آنتون_چئخوو
#شعر_اوجاغی
@SheirOcagi

▫️کؤنول ییخانا یوخو حارام اولمالی‌یدی،
کؤنلو ییخیلانا دئییل...

#تبریزلی_شمس
#شعر_اوجاغی
@SheirOcagi

▫️هر کس اینسانلیغی دَییشدیرمه‌یی دوشونور. آمّا هئچ کیم ایلک اؤنجه اؤزونو دییشدیرمه‌یی دوشونمز...

#لئو_تولستوی
#شعر_اوجاغی
@SheirOcagi

▫️یاواش-یاواش اؤیره‌نرسن شهَره.

کند گؤیلونو شهَر آلماز، بیلیرم.
بولودلار دا بئله دولماز، بیلیرم.
بئله اولماز، بئله قالماز بیلیرم،
یاواش-یاواش اؤیره‌نرسن شهَره.

قوشون اوچار، داشین قالار الینده،
گوجون اوچار، ایشین قالار الینده،
زامان کئچر، یاشین قالار الینده،
یاواش-یاواش اؤیره‌نرسن شهَره.

ساچلارینی ویترین‌لرده دارارسان،
نه‌ ایتیردین، ایندی نه‌لر آرارسان؟
سانکی هله اونودولموش قرارسان،
یاواش-یاواش اؤیره‌نرسن شهَره.

«یاخشیلاشسین بیر عؤمورون یامانی»
دئیه-دئیه بسله‌یَرسن گومانی.
آغ جییَرین ائگزوزلارین دومانی،
یاواش-یاواش اؤیره‌نرسن شهَره.

بیر ده دوشر یادینا کی، نه‌واخت‌دیر-
گؤی اۆزلری باخیشینا یاساق‌دیر.
ایشین-گوجون یالنیز یئره باخماق‌دیر،
یاواش-یاواش اؤیره‌نرسن شهَره.

گؤز اؤنونده اوردا آخار-باخارلار
بوردا دیوار، بوردا دیوار، دیوار وار
کیپرییینه سورتَر اۆزون دیوارلار،
یاواش-یاواش اؤیره‌نرسن شهَره.

«کندی تانری، شهَرلری اینسان‌لار-
یارادیبدیر»، بئله اولو بیر سؤز وار.
اؤز گولونه اوگئی اولارمی باهار؟
یاواش-یاواش اؤیره‌نرسن شهَره.

بیر ده آخی ایندی نه کند، نه شهَر؟
بیر عؤموردو هره یاشار بیر تَهَر.
گونش دوغار، سایا گلمز ذرّه‌لر.
یاواش-یاواش اؤیره‌نرسن شهره...

#علی_جوادپور
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️هانسی ماهین بیلمه‌زم مهری‌یله اولموش زار، صبح؟
هر گون ائیلر خلقه بیر داغِ نهان اظهار، صبح.

باتدی انجم، چیخدی گون، یا بیر اسیرِ عشق‌دیر،
تؤكدو دُرِّ اشک، چكدی آهِ آتش‌بار، صبح.

نولا گر امواته احیا وئرسه صبحون دملری؟
ذكرِ لعلین‌دیر كیم ائیلر دم به دم تكرار، صبح.

بیر مصوّردیر كی زرّین كِلک ایله هر دم چكر،
صفحه‌ی گردونا نقش عارض دلدار، صبح.

مژده بیر خورشیددن وئرمیش مگر باد صبا؟
كیم نثار ائیلر اونا یوز مین دُرِ شهوار، صبح.

عاشق صادق‌دیر، اظهار غم ائیلر هر سحر،
آه ایله خلقی یوخوسوندان قیلیر بیدار، صبح.

ائی «فضولی!» شام غم انجامینا یوخدور اومید،
بیر تسلّی‌دیر سنه اول سؤز كی دئرلر: «وار صبح.»

#حکیم_ملامحمد_فضولی
@SheirOcagi

دیوار یازیسی

▫️وطن سنین قوجاغین‌دیر؛ بیر عؤمور غریب یاشاماغیما راضی‌‌میسن؟

#شعر_اوجاغی
@SheirOcagi

▫️سنی سئودیییم زامان

سنی سئودیییم زامان،
یئر کوره‌سینین فیرلاق شکیلی تامامی‌یله دَییشیلیر.
بوتون یوللار،
اللرینین ایچینده بیر-بیرینه چاتیر.
فلک‌لرین توپلومو آلت-اوست اولور.
دنیز بالیقلاری ساییسیز اولور.
و من،
باشقا بیر هئیأته دؤنوشورم:
آغاج،
یاغیش.
قارالیرام بیر جئیرانین گؤزلرینده....

#نزار_قبانی
#شعر_اوجاغی
@SheirOcagi

▫️هئچ بیر سوقوط، اؤزونو اینکار ائتمک قدر پیس دئییل...

📚 بیر عاشیقانه تراژدی
#فرانسوا_موریاک
#شعر_اوجاغی
@SheirOcagi

▫️«ایاز» دئمیشکن، ایکی قوروپلا دارتیشماق اولماز؛ بیری ساوادلی‌لار، بیری ساوادسیزلار....

📚 اؤلولر سیمفونیاسی
#عباس_معروفی
#شعر_اوجاغی
@SheirOcagi

▫️الیمدن قوپان اللر،
بیر ده گلمز الیمه.
هاچان کئچدی بو عؤمور؟
نه قالدی کی اؤلومه؟!

من بو دونیا اوزونده،
بیر واختسیز قوناق ایدیم.
ایلاهی! اؤلورم‌سه،
دئمه‌لی من ساغ ایدیم.

بو صیفت من دئییلدیم.
بو بدن من دئییلدیم.
کیم ایدی؟ آللاه بیلیر.
بو آدام من دئییلدیم.

بو گوزگودن اوزومه،
نئچه جور اوزلر باخیب.
ایلاهی! او اوزلرین-
هانسی منیمدی آخی؟

مین آدام وار جانیمدا؛
هانسیدی ایندی اؤلن؟
باری بو سون آنیمدا،
خبر وئر، کیمدی اؤلن...؟!

#رامیز_رؤوشن
@SheirOcagi

▫️بیری‌یله آنلادیغی بیر دیل‌له دانیشسان، او سؤز اونون ذهنینه اوتورار. اؤز دیلی‌یله دانیشسان، او سؤز اوره‌یینه اوتورار...

#نلسون_ماندلا
#شعر_اوجاغی
@SheirOcagi

▫️آتام ایشچی‌یدی
اینانجلی بیر کیشی.
هر دفعه ناماز قیلاندا
آللاه
اونون اللریندن اوتانیردی...

#سابیر_هاکا
#شعر_اوجاغی
@SheirOcagi

▫️گرچی ائی دل، یار اوچون اوز وئردی یوز مؤحنت سانا
ذرّه‌جه قطعِ محبّت ائتمه‌دین؛ رحمت سانا!

ساخلاما نقدِ غمِ عشقینی ائی دل، ظاهر ائت!
کیم، وئره حبسِ بدندن چیخماغا، روخصت سانا.

چاره‌ی بهبودومو سوردوم موعالیجدن؛ دئدی:
«درد، دردِ عشقدیر، مومکون دگیل صحّت سانا.»

توتارام یارین قیامتده، حبیبیم! دامنین،
مستسن غفلت شرابیندان، بو گون مؤهلت سانا.

عشق اهلین آتشِ هجرانه ائیلرسن کباب
دؤنه-دؤنه امتحان ائتدیم، بودور عادت سانا.

اینجیدیر ناله‌م سنی، نولا اگر بیر تیغ ایله،
چشمِ جلّادین ائده احسان بانا، منّت سانا؟

سنده دون گؤردوم «فضولی!» مئیلِ محراب و نماز
ترکِ عشق ائتمک‌می ایسترسن؟ نه‌دیر نیّت سانا...؟

#حکیم_ملامحمد_فضولی
@SheirOcagi

▫️بیرلیکده ماهنی اوخویوب، بیرلیکده رقص ائدین! بیرلیکده اَیله‌نیب، بیرلیکده سئوینین!
آمّا بیر-بیرینیزین تک قالماغینا دا ایجازه وئرین...!

#جبران_خلیل_جبران
#شعر_اوجاغی
@SheirOcagi

▫️...لاکین «عاشیق اولماق»، «سئومک» دئمک دئییلدیر. اینسان نیفرت ائدرکن ده عاشیق اولور...

📚 کارامازوف قارداشلار
#فئودور_داستایئوسکی
#شعر_اوجاغی
@SheirOcagi

▫️رؤیاسینی گؤرموشدوم.

من رؤیادا نازلی یارین،
تئللرینی هؤرموشدوم.
بو سئوینجلی زامانلارین،
رؤیاسینی گؤرموشدوم.

ائلین دالغین اولدوغو گون،
خولیام منی گولدوردو.
اینانمایان ایمانسیزین،
دردی منی اؤلدوردو.

بیر زامانچون بیزیم گونش،
قارا توله¹ ساریلدی.
هر کس اوندان اومیدسیزکن،
منیم کؤنلوم داریلدی².

اونوداراق کور سئودانی
یاشیل سؤیود داللاریندا،
منیم گؤزوم ایلک آرادی،
اونو توران یوللاریندا.

بیر گون اولدو، بیزیمکی‌لر-
اولدو بیزی بَیَنمز.
من دئدیم کی، «میلّتیمین-
سرمایه‌سی توکنمز...»

#احمد_جاواد

¹ - یونگول و شفّاف پارچا چئشیدی- پرده‌لیک (Tül)
² - آجیغی توتماق- حؤوصله‌دن چیخماق (Darılmaq)

#شعر_اوجاغی
@SheirOcagi

▫️اینسان بیر دفعه بیرینه گئج قالار و بیر داها هئچ کیم اوچون عجله ائتمز...

#یاشار_کمال
#شعر_اوجاغی
@SheirOcagi

▫️- اینسان ان چوخ نه‌یه اینانماز؟
- یقین کی اؤز گوجونون نه قدر حدسیز اولدوغونا....

📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi

▫️منه «سنی سئویرم» دئمه‌یینی ایستردیم.
بو دیله‌ییم گئرچک‌لشمه‌یه‌جکسه، ایسته‌یه‌جک باشقا نه‌ییم اولا بیلر..‌؟!

📚 قومارباز
#فئودور_داستایئوسکی
#شعر_اوجاغی
@SheirOcagi