▫️حتماً فیکیر وئریبسن، گیلئی‌لنمکدن اصلا خوشوم گلمز، آما کیتابلار و اوخوماق حاقّیندا دردلشمک اوچون کیم سندن یاخشی؟!
بوتون سؤزوم بودور: سنین اوچون داریخیرام، گئرچکدن داریخیرام.
#سوزان_سانتاگ
«بورخس»ه یازدیغی مکتوبدان
#شعر_اوجاغی
@SheirOcagi
بوتون سؤزوم بودور: سنین اوچون داریخیرام، گئرچکدن داریخیرام.
#سوزان_سانتاگ
«بورخس»ه یازدیغی مکتوبدان
#شعر_اوجاغی
@SheirOcagi
▫️خبر وئریبلر:
بیر یاغیشلی پاییز گونونده، ساری و نارؽنجی یارپاقلارین تؤکولوشو آراسیندا، اونوداجاقسان منی؛ باریش اورتادوغونو اونودان کیمی.
اوزولمورم، چونکی بیلیرم، ماجرانین پاییزلیق اولان تک مسَله‌سی، اونلارین ساری خبرلری‌دیر.
و امینم سن منی قوجاغیندا ساخلایاجاقسان، بؤلگه هر زامان ساواشین قوجاغیندا اولدوغو کیمی.
#محمد_شهریاری_مقدم
#شعر_اوجاغی
ترجومه
@SheirOcagi
بیر یاغیشلی پاییز گونونده، ساری و نارؽنجی یارپاقلارین تؤکولوشو آراسیندا، اونوداجاقسان منی؛ باریش اورتادوغونو اونودان کیمی.
اوزولمورم، چونکی بیلیرم، ماجرانین پاییزلیق اولان تک مسَله‌سی، اونلارین ساری خبرلری‌دیر.
و امینم سن منی قوجاغیندا ساخلایاجاقسان، بؤلگه هر زامان ساواشین قوجاغیندا اولدوغو کیمی.
#محمد_شهریاری_مقدم
#شعر_اوجاغی
ترجومه
@SheirOcagi
▫️ساعاتلار، گونلر، ایللر سورعتله اوستوندن کئچسه ده، دَییشن دئییل عشق.
عشق، سونسوزادک دیری و اؤلومسوز قالیر. بو گئرچک اولماسایدی، نه هئچ واخت بیر شئی یازاردیم، نه هئچ کس هئچ زامان عاشیق اولاردی.
#ویلیام_شکسپیر
#شعر_اوجاغی
@SheirOcagi
عشق، سونسوزادک دیری و اؤلومسوز قالیر. بو گئرچک اولماسایدی، نه هئچ واخت بیر شئی یازاردیم، نه هئچ کس هئچ زامان عاشیق اولاردی.
#ویلیام_شکسپیر
#شعر_اوجاغی
@SheirOcagi
▫️ائللر کؤچوب.
ائللر کؤچوب، داغلار قالیب باشینا،
یورد یئرینین یوکسک داشی ییخیلیب.
یایلاق‌لاری قانا سالان آل خینا،
یارغان‌لارین دوداغینا یاخیلیب.
یاستی¹ بۏم‌بۏز- سینه ساری، قیرمیزی،
گور اوجاقدا کؤز سووولوب، گول سولوب.
تؤکولدوکجه کۏلون-کۏسون پؽرپؽزی،
گؤزللیک ده پئریک دوشوب²، سوورولوب.
قیروو سپیب گؤیون گئجه اله‌یی،
گۆزدک³ چیچک قورخا-قورخا چیرتلاییب.
نر گؤیروشون⁴ قیزیل‌یارپاق اوره‌یی،
خال بیتیریب، شیریملانیب⁵، پارتلاییب.
تک قاراغاج غملی-غملی دورمادا،
باتان گونش هیم ائله‌دی، گؤز قیرپدی.
اوزاق یئره اوچوب گئدن دورنا دا،
سویوقدان یوخ، غریب‌لیکلدن قاچیبدی.
اؤروشده‌جه دولو قالیب داش یالاق⁶،
کیم باجارار او کؤر-کؤچو اَیله‌سین؟⁷
گۆیوملو⁸نو گؤزَتله‌ین باش بولاق،
چاغلاماسین، چاغیرماسین، نئیله‌سین؟
نئیله‌سین بو آغلامسینان آخشاملار؟
نه سس-کوی وار، نه ایشیق وار، نه هارای.
گؤی اوزونده ال چاتمایان آغ شاملار،
یئر اوزونده بند توتمایان آخار چای.
یاسا باتدی یاستانادا⁹، یاماج دا،
دلی کولک چؤر-چؤپ ایله گولَشدی.
قویون-قوزو امیشدیگی آرخاجدا¹⁰
سئل سیم‌لری قوزو کیمی ملشدی.
هانی شئنلیک¹¹، هانی همن آلاچیق؟
درد اورکده شاخه‌لنیب زۏغ¹² کیمی.
تالا دؤشه پرچیم‌لنن طؤوله‌میخ،
اۏیور یئرین کوره‌یینی اوخ کیمی.
قویو سوکوت حؤکم ائله‌ییر داغ اۇدا،
یالچین قایا قاناد اومور قوش اولسون.
یالقیزلیقدان قورخوب-هورکن یولچو دا،
آز قالیر کی، قوردا-قوشا قوشولسون.
#آغا_لاچینلی
¹- سطحی دوز یئر- یاتیق
²- دیکسینمک
³- پاییزدا گؤیرن
⁴- ون آغاجی
⁵- چاتلاماق
⁶- ایته یال تؤکمک اوچون چوخور یئر و یا قاب
⁷- دایاندیرماق- دوردورماق
⁸- میس سهنگ
⁹- داغدا، تپه‌ده، قایالیقدا یاستی دوز یئر
¹⁰- مال، قویون یاتاغی
¹¹- مسکون یئر- آوادانلیق
¹²- پؤهره- یئنیجه گؤیَرن اینجه بوداق
#شعر_اوجاغی
@SheirOcagi
ائللر کؤچوب، داغلار قالیب باشینا،
یورد یئرینین یوکسک داشی ییخیلیب.
یایلاق‌لاری قانا سالان آل خینا،
یارغان‌لارین دوداغینا یاخیلیب.
یاستی¹ بۏم‌بۏز- سینه ساری، قیرمیزی،
گور اوجاقدا کؤز سووولوب، گول سولوب.
تؤکولدوکجه کۏلون-کۏسون پؽرپؽزی،
گؤزللیک ده پئریک دوشوب²، سوورولوب.
قیروو سپیب گؤیون گئجه اله‌یی،
گۆزدک³ چیچک قورخا-قورخا چیرتلاییب.
نر گؤیروشون⁴ قیزیل‌یارپاق اوره‌یی،
خال بیتیریب، شیریملانیب⁵، پارتلاییب.
تک قاراغاج غملی-غملی دورمادا،
باتان گونش هیم ائله‌دی، گؤز قیرپدی.
اوزاق یئره اوچوب گئدن دورنا دا،
سویوقدان یوخ، غریب‌لیکلدن قاچیبدی.
اؤروشده‌جه دولو قالیب داش یالاق⁶،
کیم باجارار او کؤر-کؤچو اَیله‌سین؟⁷
گۆیوملو⁸نو گؤزَتله‌ین باش بولاق،
چاغلاماسین، چاغیرماسین، نئیله‌سین؟
نئیله‌سین بو آغلامسینان آخشاملار؟
نه سس-کوی وار، نه ایشیق وار، نه هارای.
گؤی اوزونده ال چاتمایان آغ شاملار،
یئر اوزونده بند توتمایان آخار چای.
یاسا باتدی یاستانادا⁹، یاماج دا،
دلی کولک چؤر-چؤپ ایله گولَشدی.
قویون-قوزو امیشدیگی آرخاجدا¹⁰
سئل سیم‌لری قوزو کیمی ملشدی.
هانی شئنلیک¹¹، هانی همن آلاچیق؟
درد اورکده شاخه‌لنیب زۏغ¹² کیمی.
تالا دؤشه پرچیم‌لنن طؤوله‌میخ،
اۏیور یئرین کوره‌یینی اوخ کیمی.
قویو سوکوت حؤکم ائله‌ییر داغ اۇدا،
یالچین قایا قاناد اومور قوش اولسون.
یالقیزلیقدان قورخوب-هورکن یولچو دا،
آز قالیر کی، قوردا-قوشا قوشولسون.
#آغا_لاچینلی
¹- سطحی دوز یئر- یاتیق
²- دیکسینمک
³- پاییزدا گؤیرن
⁴- ون آغاجی
⁵- چاتلاماق
⁶- ایته یال تؤکمک اوچون چوخور یئر و یا قاب
⁷- دایاندیرماق- دوردورماق
⁸- میس سهنگ
⁹- داغدا، تپه‌ده، قایالیقدا یاستی دوز یئر
¹⁰- مال، قویون یاتاغی
¹¹- مسکون یئر- آوادانلیق
¹²- پؤهره- یئنیجه گؤیَرن اینجه بوداق
#شعر_اوجاغی
@SheirOcagi
▫️نه اوزوجو بیر منظره‌دیر، «تانری هر شئیی دوزلده‌جک» دئیه گؤزله‌ین اینسانلاری گؤرمک!
#گاندی
#شعر_اوجاغی
@SheirOcagi
#گاندی
#شعر_اوجاغی
@SheirOcagi
▫️روحومو بئله بیر آغیر دوشونجه سارمیشدی:
گؤره‌سن او بیر باشقاسینی سئویر، یوخسا بیر باشقاسی اونون سئوگیسیندن دلی-دیوانه‌دیر؟
📚 سئوگی مکتوبلاری
#زیگموند_فروید
#شعر_اوجاغی
@SheirOcagi
گؤره‌سن او بیر باشقاسینی سئویر، یوخسا بیر باشقاسی اونون سئوگیسیندن دلی-دیوانه‌دیر؟
📚 سئوگی مکتوبلاری
#زیگموند_فروید
#شعر_اوجاغی
@SheirOcagi
▫️اؤلوم، سئوینمه چوخ!
(صمد وورغونا)
اؤلوم، شؤهرتین‌می آزالاردی؟! دئ!
تانیشدی اونسوز دا جهانا آدین.
سنه نه اولاردی، نه اولاردی، دئ،
بئله بیر اینسانا ال وورماسایدین؟!
گئدیر، شاعیر گئدیر، صنعتکار گئدیر،
بو گئدن، هر گئدیب گلَندن دئییل.
اؤلوم، سئوینمه چوخ، بو سئوینج نه‌دیر؟!
بو اؤلن، سنه هر اؤلندن دئییل.
او یازدی، یاراتدی حیات نامینه،
اونون هر بیر شعری اؤلوم‌دور سنه.
#علی_کریم
#شعر_اوجاغی
@SheirOcagi
(صمد وورغونا)
اؤلوم، شؤهرتین‌می آزالاردی؟! دئ!
تانیشدی اونسوز دا جهانا آدین.
سنه نه اولاردی، نه اولاردی، دئ،
بئله بیر اینسانا ال وورماسایدین؟!
گئدیر، شاعیر گئدیر، صنعتکار گئدیر،
بو گئدن، هر گئدیب گلَندن دئییل.
اؤلوم، سئوینمه چوخ، بو سئوینج نه‌دیر؟!
بو اؤلن، سنه هر اؤلندن دئییل.
او یازدی، یاراتدی حیات نامینه،
اونون هر بیر شعری اؤلوم‌دور سنه.
#علی_کریم
#شعر_اوجاغی
@SheirOcagi
▫️«سنی سئویرم»دن داها اؤزل بیر جومله ده وار: «سنه گووَنیرم».
چونکی هر کس هر کسی سئوه بیلیر،
آما هر کسه گووَنمیر.
#جمال_ثریا
#شعر_اوجاغی
@SheirOcagi
چونکی هر کس هر کسی سئوه بیلیر،
آما هر کسه گووَنمیر.
#جمال_ثریا
#شعر_اوجاغی
@SheirOcagi
▫️سؽلدیریم¹لا یولچو قالخدی.
سرت سیلدیریم
شؽریم-شؽریم²،
تارؽم-تارؽم³،
گؤرکمینده اؤزگه قؽریم⁴.
سیلدیریم‌لا یولچو⁵ قالخدی،
داشلار اونو آز پئی‌له‌سین⁶!
گئتدیگی یول گئری آخدی،
او نئیله‌سین، بس نئیله‌سین؟
یول یولچونو یئره سردی،
ییخیب اونو داش دبَردی.
کؤتوک‌لر ده قوپوب دوشدو،
او دیرماشدی، یول سوروشدو.
یول یولچویلا دۆشونوشدو⁷.
چوخ دوشوندو جاوان اوغلان:
یول یولچونو ایَرمی هئچ؟
او قلبیده آختاریلان،
بو ایتکی‌یه دیَرمی هئچ؟
یوخاریدا قورخونج بره،
آشاغیدا درین دره.
یورغون یولچو یۏرتوب⁸ قالخدی،
او دونیانی گؤره-گؤره.
یولچو قالخدی، دؤنوب باخدی.
گئده-گئده داشلیق گؤردو.
ذیروه‌ده ده بوشلوق گؤردو.
#آغا_لاچینلی
¹- دیک قایا- یارغان
²- چاتلاق-چاتلاق
³- برک دارتیلیب چکیلمیش
⁴- گؤرکم- گؤرونوش
⁵- یولا، سفره چیخمیش
⁶- وورماق- یارالاماق
⁷- دوشمن اولماق- کین ساخلاماق
⁸- سورعتله
#شعر_اوجاغی
@SheirOcagi
سرت سیلدیریم
شؽریم-شؽریم²،
تارؽم-تارؽم³،
گؤرکمینده اؤزگه قؽریم⁴.
سیلدیریم‌لا یولچو⁵ قالخدی،
داشلار اونو آز پئی‌له‌سین⁶!
گئتدیگی یول گئری آخدی،
او نئیله‌سین، بس نئیله‌سین؟
یول یولچونو یئره سردی،
ییخیب اونو داش دبَردی.
کؤتوک‌لر ده قوپوب دوشدو،
او دیرماشدی، یول سوروشدو.
یول یولچویلا دۆشونوشدو⁷.
چوخ دوشوندو جاوان اوغلان:
یول یولچونو ایَرمی هئچ؟
او قلبیده آختاریلان،
بو ایتکی‌یه دیَرمی هئچ؟
یوخاریدا قورخونج بره،
آشاغیدا درین دره.
یورغون یولچو یۏرتوب⁸ قالخدی،
او دونیانی گؤره-گؤره.
یولچو قالخدی، دؤنوب باخدی.
گئده-گئده داشلیق گؤردو.
ذیروه‌ده ده بوشلوق گؤردو.
#آغا_لاچینلی
¹- دیک قایا- یارغان
²- چاتلاق-چاتلاق
³- برک دارتیلیب چکیلمیش
⁴- گؤرکم- گؤرونوش
⁵- یولا، سفره چیخمیش
⁶- وورماق- یارالاماق
⁷- دوشمن اولماق- کین ساخلاماق
⁸- سورعتله
#شعر_اوجاغی
@SheirOcagi
▫️هامی عئینی گونده کدرلنیب عئینی گونده سئوینسه‌یدی، اینسانلار بیر-بیرینی داها یاخشی آنلایاردی.
📚 قاتیل اوچون نئکرولوق
#موشفیق_خان
#شعر_اوجاغی
@SheirOcagi
📚 قاتیل اوچون نئکرولوق
#موشفیق_خان
#شعر_اوجاغی
@SheirOcagi
▫️هر گؤردویونه اینانما، سوفی! اینسانلار همیشه دئییرلر: «گؤزومله گؤرمه‌سم، اینانمارام». آما سن هئچ گؤردوکلرینه ده اینانما!
📚 سوفی‌نین دونیاسی
#یوستین_گوردر
#شعر_اوجاغی
@SheirOcagi
📚 سوفی‌نین دونیاسی
#یوستین_گوردر
#شعر_اوجاغی
@SheirOcagi
▫️سن، اوزونه سورگون اولدوغوم قادین،
قارداشیم اولان گؤزلرینی اونودا بیلمه‌دیم.
اوشاغیم اولان آلنینی،
سئوگیلیم اولان آغزینی،
دوستوم اولان اللرینی اونودا بیلمه‌دیم.
#جمال_ثریا
#شعر_اوجاغی
@SheirOcagi
قارداشیم اولان گؤزلرینی اونودا بیلمه‌دیم.
اوشاغیم اولان آلنینی،
سئوگیلیم اولان آغزینی،
دوستوم اولان اللرینی اونودا بیلمه‌دیم.
#جمال_ثریا
#شعر_اوجاغی
@SheirOcagi
▫️ایندی گل!
دؤزمز ایدین بیر آن دولا گؤزلریم،
گؤز یاشلاریم عومّان اولوب، ایندی گل!
قویماز ایدین یارپاغیما یئل دَيه،
كؤنلوم داغی دومان اولوب، ايندی گل!
یوخو اولوب گؤزلریمه دولاردین،
سئوگی اولوب اوره‌ییمه دالاردین،
گاه کۆسدوروب گاه کؤنلومو آلاردین،
یاخشی گونوم یامان اولوب، ایندی گل!
وارلیغیمی بوردان سیلیب گئدیرم،
«کؤنول» کیمی آجی گولوب گئدیرم،
هایانداسان؟ اجل گلیب، گئدیرم،
عؤمروم باغی خزان اولوب، ایندی گل!
#فاطمه_عبدی_کؤنول
#شعر_اوجاغی
@SheirOcagi
دؤزمز ایدین بیر آن دولا گؤزلریم،
گؤز یاشلاریم عومّان اولوب، ایندی گل!
قویماز ایدین یارپاغیما یئل دَيه،
كؤنلوم داغی دومان اولوب، ايندی گل!
یوخو اولوب گؤزلریمه دولاردین،
سئوگی اولوب اوره‌ییمه دالاردین،
گاه کۆسدوروب گاه کؤنلومو آلاردین،
یاخشی گونوم یامان اولوب، ایندی گل!
وارلیغیمی بوردان سیلیب گئدیرم،
«کؤنول» کیمی آجی گولوب گئدیرم،
هایانداسان؟ اجل گلیب، گئدیرم،
عؤمروم باغی خزان اولوب، ایندی گل!
#فاطمه_عبدی_کؤنول
#شعر_اوجاغی
@SheirOcagi
▫️ساغلیقلی بیر اینسان باشقا بیر اینسانی اصلا اینجیتمز، اینجیدن اینسان اؤزو اینجیییب دئیه اینجیدیر.
یارالی اینسانلار باشقالارا یارا وورماغی چوخ سئورلر. اؤزونه سایغیسی اولمایانلار باشقالارینی آشاغیلاماغا، اونلارین اؤز‌گووَنینی و منلیگینی اللریندن آلماغا چوخ ماراقلی‌دیرلار.
و سن اونلارین یانیندا هئچ واخت بؤیومزسن، آشاغیلانارسان.
#یونگ
#شعر_اوجاغی
@SheirOcagi
یارالی اینسانلار باشقالارا یارا وورماغی چوخ سئورلر. اؤزونه سایغیسی اولمایانلار باشقالارینی آشاغیلاماغا، اونلارین اؤز‌گووَنینی و منلیگینی اللریندن آلماغا چوخ ماراقلی‌دیرلار.
و سن اونلارین یانیندا هئچ واخت بؤیومزسن، آشاغیلانارسان.
#یونگ
#شعر_اوجاغی
@SheirOcagi
▫️عشق یاغیشی
ایلاهی، سونونجو سیناقدی‌می بو،
عؤمرون غوروبوندا نه‌یدی بو سئودا؟!
کؤنلومون مین ایلدی خارابا قالان،
سینیق قاپیسینی دؤیدو بو سئودا.
اوره‌ییم قوروموش بیر چای یاتاغی،
نئجه تاب گتیرسین بو سئله ایندی؟
گؤزومدن سوزولن ایکی داملا یاش،
دؤنه‌جک سینه‌مده بیر گؤله ایندی.
نه کولک، نه سازاق وئجیمه دئییل،
دورموشام بیر عشقین یاغیشی آلتدا.
کؤهنه یارالاریم تزه گول آچار،
ایسلانیب بیر ایلیق یاغیشین آلتدا.
هله بیتمه‌ییبمیش دئمک ناغیللار،
غفیل بیر آرزونون قانادی چیخار.
ائله اوخشایارام سینه‌مده آهی،
دیلیمدن مین غملی بایاتی چیخار.
ایلاهی! اومیدلر تومورجوقلاییب،
اوزانیب یوللاری قوجاقلایاجاق.
یارپاغی سارالان پاییز عؤمرومو،
باهارین قوللاری قوجاقلایاجاق.
گؤر هانسی فصیلده دوروب گلمیسن؟!
اوشویَن بوداقلار گون آختاراندا.
قوشلارین هامیسی کؤچوب گئدنده،
سرچه‌لر سویوقدا دن آختاراندا.
اوره‌ییم سونونجو یارپاق‌تک اسیر،
نه حسرت ایسته‌ییر، نه سئوگی گزیر.
ایللرله یولوندا دوردوم منتظر،
بس نییه گلمه‌دین من آختاراندا؟
#ثاقیف_قاراتورپاق
#شعر_اوجاغی
@SheirOcagi
ایلاهی، سونونجو سیناقدی‌می بو،
عؤمرون غوروبوندا نه‌یدی بو سئودا؟!
کؤنلومون مین ایلدی خارابا قالان،
سینیق قاپیسینی دؤیدو بو سئودا.
اوره‌ییم قوروموش بیر چای یاتاغی،
نئجه تاب گتیرسین بو سئله ایندی؟
گؤزومدن سوزولن ایکی داملا یاش،
دؤنه‌جک سینه‌مده بیر گؤله ایندی.
نه کولک، نه سازاق وئجیمه دئییل،
دورموشام بیر عشقین یاغیشی آلتدا.
کؤهنه یارالاریم تزه گول آچار،
ایسلانیب بیر ایلیق یاغیشین آلتدا.
هله بیتمه‌ییبمیش دئمک ناغیللار،
غفیل بیر آرزونون قانادی چیخار.
ائله اوخشایارام سینه‌مده آهی،
دیلیمدن مین غملی بایاتی چیخار.
ایلاهی! اومیدلر تومورجوقلاییب،
اوزانیب یوللاری قوجاقلایاجاق.
یارپاغی سارالان پاییز عؤمرومو،
باهارین قوللاری قوجاقلایاجاق.
گؤر هانسی فصیلده دوروب گلمیسن؟!
اوشویَن بوداقلار گون آختاراندا.
قوشلارین هامیسی کؤچوب گئدنده،
سرچه‌لر سویوقدا دن آختاراندا.
اوره‌ییم سونونجو یارپاق‌تک اسیر،
نه حسرت ایسته‌ییر، نه سئوگی گزیر.
ایللرله یولوندا دوردوم منتظر،
بس نییه گلمه‌دین من آختاراندا؟
#ثاقیف_قاراتورپاق
#شعر_اوجاغی
@SheirOcagi