▫️-سنی هر دفعه باشقا بیری ائتمه‌یه چالیشان بیر دونیادا اؤزون اولماق- ان بؤیوک باشاری‌دیر...

#رالف_والدو_امرسون
#شعر_اوجاغی
@SheirOcagi

▫️منی يادا سالاجاقسان

سن اوره‌ييم مئشه‌سينده
دؤرد فصيلده
گؤم-گؤ‌ی قالان
بوی-بوخونلو
بير آغاجسان.

من بيليرم
سؤز دوشنده
كؤنول آدلی بير ملکدن،
منی يادا سالاجاقسان.

دردين
دالغین اوره‌ييمده
قالانديقجا،
قالاجاقسان.

اؤز الين‌له
ياراتديغين
آتشينه ياناجاقسان.
يانا-يانا
آناجاقسان...

#بهروز_صديق
@SheirOcagi

دیوار یازیسی

▫️بؤیره‌ییمی ساتیب گؤزلرینی آلیرام...

#شعر_اوجاغی
@SheirOcagi

▫️گئجه‌یاریسیندان سونرا
هر شئی ساکین‌لشیر
منیم اوره‌ییمدن باشقا...

#شهد_الشمری
#شعر_اوجاغی
@SheirOcagi

▫️حیات و توپلوم قانونلارینی دَییشه‌جک قدر گوجلو دئییلم،
آنجاق بو قانونلارا بویون اَیمه‌یه‌جک قدر گوجوم وار...

#ارنستو_چگوارا
#شعر_اوجاغی
@SheirOcagi

▫️بو گون تیر آیینین ۲ سی، رحمتلیک «صمد بهرنگی»نین دوغوم گونودور

Ölmәdi; ürәklәrdә yaşayır sәmәd әmi / doğum günün qutlu olsun!

@SheirOcagi

▫️عزیزیم!
اوزونتولر، سیخینتیلار همیشه وار ایمیش -بلکه بیر گون اولمادی- آنجاق اؤنجه‌دن ده اینسان اوچون همیشه غم-غوصّه اولوب.
باخ...! اینسان هر یاندان اوزونتولرله چئوره‌له‌نیب. تانری قورآنین هر یانیندا تانیتدیغی جهنّمی‌یله اینسانی قورخودور. دئپرم‌لر، وولقانلار، سو داشینتیلاری، ایلدیریملار،... هامیسی اینسانی قورخودوب حیاتی اونا آجی ائدیر. آنجاق بونلارین هئچ بیریسی اؤنملی دئییل، اینسان اؤز الی‌یله یاراتدیقلاری‌یلا، یاشاییشینی آجیلی و سیخینتیلی ائتدیکلری، بونلاردان داها دا اؤنملی‌دیر.
گؤزوموزو حیاتا آچاندان، یالان، آلداتما، حوققه‌بازلیق، ایکی اوزلولوک، ساتقینلیق، شرفسیزلیک، آلچاقلیق، وفاسیزلیق، یالتاقلیق، آرخادان وورمالار، نانکورلوق.... کلمه‌لری‌یله تانیشمیشیق. بونلاری هئچ بیر تانری بیزه گؤندرمه‌ییب. هئچ بیر دئپرم، هئچ بیر وولقان، یالانچی و خایین دئییل. بونلاری بیز اؤزوموز یارادیریق...

#صمد_بهرنگی‌نین, قارداشی «اسد»ه یازدیغی بیر مکتوبدان. ۱۳۴۲/۱۲/۲۶
#چئویردی: #دده‌مین_آندی_کانالی
@Dadaminandi
#نامه_های_صمد_بهرنگی
توپلایان: #اسد_بهرنگی
تهران_امیرکبیر_۱۳۵۷_ص۳۳
@SheirOcagi

▫️عشقیم منیم، روحوم منیم!

سنسيز توستو-دومان اولوب،
گؤيه قالخير آهيم منيم.
هئچ واخت منی ترک ائله‌مه،
عشقيم منيم، روحوم منيم!

داغا چيخسام، عيناديم اول،
قوشا دؤنسم، قاناديم اول،
سن عونوانيم، سن آديم اول،
عشقيم منيم، روحوم منيم!

سولار كيمی صاف اول، ياشا،
هر شئیده صرّاف اول، ياشا،
اوره‌كده اينصاف اول، ياشا،
عشقيم منيم، روحوم منيم!

گؤزده ايشيق، جاندا هئی‌سن،
سئحيرلی يئر، سيرلی گؤی‌سن،
دوداقلاردا يانان نئی‌سن،
عشقيم منيم، روحوم منيم!

باشيم اوسته يانان شام‌سان،
اليمده بير دولو جام‌سان،
«فضولی»م‌سن، «موولانا»م‌سان،
عشقيم منيم، روحوم منيم!

گله‌جه‌ييم، صاباحيم اول،
دؤيوشلرده سيلاحيم اول،
ايناميمدا آللاهيم اول،
عشقيم منيم، روحوم منيم!

فيكير وئرمه عاغيل‌كمه،
واختسيز باتما درده، غمه،
هئچ واخت منی ترک ائله‌مه،
عشقيم منيم، روحوم منيم...!

#زلیمخان_یعقوب
@SheirOcagi

#دانیشان_شکیل‌لر
#شعر_اوجاغی
@SheirOcagi

▫️دوغروسو نه‌دیر سئومک؟
بیر شام اوچون آتش اولماق می،
یوخسا آتشه توخونماق می...؟

#تبریزلی_شمس
@SheirOcagi

▫️بلکه ده اؤلوم،
ساده‌جه نبضین دایانماسی‌یلا حاصیل اولمور.
چونکی گؤزله‌مک اؤلوم‌دور،
بئزگینلیک اؤلوم‌دور،
اومیدسیزلیک اؤلوم‌دور،
بیلینمز گله‌جه‌یین قارانلیغی بئله، اؤلوم کیمی‌دیر...

#غسان_کنفانی
#شعر_اوجاغی
@SheirOcagi

▫️سئودییین اینسانلاری ایتیرمه‌یه باشلادیغین زامان، حیاتی اؤنمسه‌مه‌مه‌یه باشلاییرسان...

📚 اعترافلاریم
#لئو_تولستوی
#شعر_اوجاغی
@SheirOcagi

▫️بیز «یوخ» دئمه‌یی، «ایشیم وار» دئمه‌یی، «اولماز» دئمه‌یی باجارا بیلمه‌ین اینسانلاریق.
یورغونلوغوموز بیتمز بیزیم...

#رئشاد_نوری_گون‌تکین
#شعر_اوجاغی
@SheirOcagi

▫️اونلار گؤروشنده، آیلی گئجه‌ایدی
اوغلان پیچیلداشدی سئویرم سنی
عهدیندن دؤنه‌نین گؤزو اویولسون
آی‌ دا سئوگیمیزه قوی شاهید اولسون

اونلار آیریلاندا آیلی گئجه‌ایدی
اوغلان باشقاسینی سئویرم دئدی
آی گیردی بولودا اوزونده کدر
قورخدو بیر ده اونو شاهید چکلر

#نبی_خزری
@SheirOcagi

▫️بورادا همیشه جفنگیّات یاییرلار. بورا دئدی-قودولار شهری‌دیر؛ اینانین...!

📚 کارامازوو قارداشلاری
#فئودور_داستایئوسکی
#شعر_اوجاغی
@SheirOcagi

▫️گونون بیرینده هامیمیز سونسوزا قدر سوساجاغیق. اونا گؤره ده سئودیکلرینیزه ایندی «سنی سئویرم» دئمکدن چکینمه‌یین...!

#گابریل_گارسیا_مارکز
#شعر_اوجاغی
@SheirOcagi

▫️کئچمیشده

نه گؤزل اینسانلار وار ایدی کئچمیشده!
اوشاقلیغیمیزین هر یانینی توتموشدولار،
بیزه ناغیل دئییردیلر
جین‌لردن، پری‌لردن.
بؤیوک آنالار، بؤیوک بابالار وار ایدی.
او زامان هامیسی اوزاق ایدی اؤلومدن‌.
هم سئودیرر، هم قورخوداردیلار.
آجی حئکایه‌لری بئله، دادلی باشلاردی،
دئمک بونون اوچون گئتدیلر حئکایه‌لردن.
نه گؤزل اینسانلار وار ایدی کئچمیشده!

نه گؤزل شارقیلار وار ایدی کئچمیشده!
گنج‌لیییمیزی بزه‌ییردیلر.
همیشه یاخشی شئی‌لر خاطیرلادیردیلار
کئچیب-گئتمیش دؤورانلاردان.
سئوگی و اومید یارادیردیلار.
او زامان هر شئی اوزاق ایدی اؤلومدن.
یانیقلی شارقیلار بئله، نشه‌لی باشلاردی.
ایستر-ایستمز سعادت داشاردی
غمسیز گونلریمیزدن.
نه گؤزل زامانلار وار ایدی کئچمیشده!

نه گؤزل شارقیلار وار ایدی کئچمیشده،
خیال ایچینده یاشادیردیلار
گولدوروردولر، آغلادیردیلار
دویمادان بیز، دوشونمه‌دن.
هر آن بیر عصیر قدر ایدی.
او زامان هر کس اوزاق ایدی اؤلومدن.
جاندان سئودیکلریمیز وار ایدی،
هامیسی باشقا گؤزل ایدی،
بیزی تانیمازدیلار‌.
بوتون یوللاریمیز کئچردی گول باغچالاریندان.
نه گؤزل زامانلار وار ایدی کئچمیشده...!

#اؤزدمیر_آصاف
#شعر_اوجاغی
@SheirOcagi

▫️یالنیز بیر گئرچک «من» وار، او بورادادیر، هم ده محض ایندی. دونن من باشقاسی‌یدیم، صاباح دَییشیب آیری بیر آدام اولا بیلرم. هر کسین بئله بیر حوقوقو وار...

📚 آرت و خائوس
#قاراقان
#شعر_اوجاغی
@SheirOcagi

▫️سئویلن قادین بوتون قادینلارین ان گؤزلی دئییل‌می؟

#اونوره_دو_بالزاک
#شعر_اوجاغی
@SheirOcagi