▫️گلیشین‌له بیرلیکده گئدیشینی ده،
آیاقدا دوراراق آلقیشلامیشدیم.
نه‌دنسه بیلمیرم من بیر اینسانا،
سهو ائدیب عؤمرومو باغیشلامیشدیم.
منیم یارالاریم داها دریندی
بیر لوقمان تاپمیرام ساغالدا منی
ساختا محبتینی ساتیرسان یئنه؛
سئوگی بازاریندا گؤروبلر سنی.
قویاراق قیمتی یالاندان باها،
سئوگی بازاریندا ساتانمادین‌می؟
یالانچی سئوگینی ایکی قاتینا،
باهایا ساتاندا اوتانمادین‌می؟
گؤیلردن یاغیش تک سوزولوب یئره،
توپراغین اوستونه یاییلاجاغام.
سنین سویوقلوقدان ایندی دئ گؤروم،
اؤزومو من نئجه قورویاجاغام؟!
بیلمیرم نه‌دن‌دی بئله ائدیرسن
آرتیق باشلاییبسان یورماغا منی
مجبور ائدیرسن کی منی، قلبیمده-
سئوگی‌یله تاپشیرام توپراغا سنی.
کؤوره‌لیرم، گئجه ساکیت اولاندا
یادیما سالیرام خوش گونلریمیزی.
سن ائله اوشاقکن، کیچیک داش‌ایله،
قیرمیشدین خوشبختلیک پنجره‌میزی.
بو نئجه اولوبدور، نئجه ایستی‌دی!
بو اود ایستیسینه نییه یانمیرام؟
بلکه ده خوشبختلیک گؤزله‌ییر منی
اون‌اوچون اؤلمه‌یی باجارانمیرام.
من اوجا داغلاردا تک قالمیش چینار
من تنها قالمیشام، یالقیز قالمیشام.
سئوگی خنجری‌یله کورَکدن دئییل،
ایچدن بالتالانیب پیچاقلانمیشام.
بیر دفعه یادینا دوشمه‌میشم من
من سنی یادیما نییه سالیرام؟
سنی گؤرمک اوچون گئجه دوشَنده،
صوبحه‌تک یاتمیرام، اویاق قالیرام.
سون گؤروشده دئدین: «چیخیب گئدیرم»
بیر آنلیق کیریخدیم بیر آنلیق چاشدیم
سن گئتدین همن گون ائله آغلادیم،
عؤمرومده اوقدر آغلامامیشدیم.
بس کیم ساغالداجاق منی گؤره‌سن؟
ائله‌بیل جانیمی آلیب‌دیر آزار.
منیم نبیضیمی اؤلچمه آی حکیم!
منیم اوره‌ییمده آغریلاریم وار...
#ساحیل_ریضایئو
@SheirOcagi
▫️گلیشین‌له بیرلیکده گئدیشینی ده،
آیاقدا دوراراق آلقیشلامیشدیم.
نه‌دنسه بیلمیرم من بیر اینسانا،
سهو ائدیب عؤمرومو باغیشلامیشدیم.
منیم یارالاریم داها دریندی
بیر لوقمان تاپمیرام ساغالدا منی
ساختا محبتینی ساتیرسان یئنه؛
سئوگی بازاریندا گؤروبلر سنی.
قویاراق قیمتی یالاندان باها،
سئوگی بازاریندا ساتانمادین‌می؟
یالانچی سئوگینی ایکی قاتینا،
باهایا ساتاندا اوتانمادین‌می؟
گؤیلردن یاغیش تک سوزولوب یئره،
توپراغین اوستونه یاییلاجاغام.
سنین سویوقلوقدان ایندی دئ گؤروم،
اؤزومو من نئجه قورویاجاغام؟!
بیلمیرم نه‌دن‌دی بئله ائدیرسن
آرتیق باشلاییبسان یورماغا منی
مجبور ائدیرسن کی منی، قلبیمده-
سئوگی‌یله تاپشیرام توپراغا سنی.
کؤوره‌لیرم، گئجه ساکیت اولاندا
یادیما سالیرام خوش گونلریمیزی.
سن ائله اوشاقکن، کیچیک داش‌ایله،
قیرمیشدین خوشبختلیک پنجره‌میزی.
بو نئجه اولوبدور، نئجه ایستی‌دی!
بو اود ایستیسینه نییه یانمیرام؟
بلکه ده خوشبختلیک گؤزله‌ییر منی
اون‌اوچون اؤلمه‌یی باجارانمیرام.
من اوجا داغلاردا تک قالمیش چینار
من تنها قالمیشام، یالقیز قالمیشام.
سئوگی خنجری‌یله کورَکدن دئییل،
ایچدن بالتالانیب پیچاقلانمیشام.
بیر دفعه یادینا دوشمه‌میشم من
من سنی یادیما نییه سالیرام؟
سنی گؤرمک اوچون گئجه دوشَنده،
صوبحه‌تک یاتمیرام، اویاق قالیرام.
سون گؤروشده دئدین: «چیخیب گئدیرم»
بیر آنلیق کیریخدیم بیر آنلیق چاشدیم
سن گئتدین همن گون ائله آغلادیم،
عؤمرومده اوقدر آغلامامیشدیم.
بس کیم ساغالداجاق منی گؤره‌سن؟
ائله‌بیل جانیمی آلیب‌دیر آزار.
منیم نبیضیمی اؤلچمه آی حکیم!
منیم اوره‌ییمده آغریلاریم وار...
#ساحیل_ریضایئو
@SheirOcagi