▫️یاریش

هر کس، هر کسی سئویر.
هامیسی دا باشقا نوع‌ده سئویر.
هر کس، هر کسی سئومه‌سین، گرک دئییل.
آدام آزالدی، سئوگی ده الدن گئدیر.

"منه سن حاقلیسان دئییرلر،
یوخ، یوخ، من چوخ حاقلییام."¹ بیلن بیلیر.
بو یاریشین ائشییینده قالانلار،
آدامی سئوگی، سئوگینی ده آدام ائدیر.

¹ فریدریش نیچه

#اؤزدمیر_آصاف
چئویرن:
#علی_چاغلا
@SheirOcahi

▫️ایندی کی یالان‌ ایمیش هر شئی،
بوراخسایدین اؤیله قالسایدی!
منه سون یالانین،
«من ده سئودیم» اولسایدی!...

#اؤزدمیر_آصاف
#شعر_اوجاغی
@SheirOcagi

▫️سنه «گئتمه!» دئمه‌یه‌جه‌یم،
آما گئتمه، لاوینیا!...

#اؤزدمیر_آصاف
#شعر_اوجاغی
@SheirOcagi

▫️ایمکانسیزلاری یاشاماق‌ می‌دیر سئومک،
یوخسا سئوَرکن ایمکانسیز‌می‌دیر یاشایا بیلمک؟...

#اؤزدمیر_آصاف
#شعر_اوجاغی
@SheirOcagi

▫️اویسا نه چوخ آغلادیم من،
بیر دامجی یاش تؤکمه‌دن...

#اؤزدمیر_آصاف
#شعر_اوجاغی
@SheirOcagi

‍ ▫️خوشجا قال!

سیاه-بیاض دوگمه‌لرینده پیانومون،
سنی چالیرام ایندی.
چالدیقجا چوخالیرسان اوتاقدا.
سن آرتدیقجا من ایتیرم.

سنی دوغورورام گئجه‌یه،
آدینی قویورام آیا باخاراق.
هر شئی سن اولور، هر یئر سن.
من اؤلورم.

سسینی ائشیدیرم رؤیالاریمدا،
گؤزلریمی قاماشدیریر ایشیغین.
یئل، سن کیمی توخونور منه،
من یارانیرام.

ائشیتمک ایسته‌دیکلریمی سؤیله‌میرسن هئچ،
توخونمورسان منه،
سن کیمی بیر شیمشَک چاخیر،
تام قلبیمه دوشور ایلدیریمی.
من گئدیرم...

#اؤزدمیر_آصاف
#شعر_اوجاغی
@SheirOcagi

▫️عشق، ایکی اینسانین کوچه داعواسینا بنزر،
چونکی آییران همیشه بیر اؤزگه‌سی‌دیر...

#اؤزدمیر_آصاف
#شعر_اوجاغی
@SheirOcagi

▫️نه پارا ایسته‌ییرم،
نه ده پول.
تک بیر ایسته‌ییم وار،
او دا یالانسیز بیر غول...

#اؤزدمیر_آصاف
#شعر_اوجاغی
@SheirOcagi

▫️منیم سئودام اوجا شام آغاجی کیمی‌دیر.
نه پاییزدا یارپاق تؤکر،
نه ده قیشدا بویون بوکر...

#اؤزدمیر_آصاف
#شعر_اوجاغی
@SheirOcagi

▫️بوشونا یورولما کؤنول!
ساده‌جه سئومک، یئتمیر...

#اؤزدمیر_آصاف
#شعر_اوجاغی
@SheirOcagi