#دوغوم_گونون_قوتلو_شاعیر
(خزل آیی‌نین ۱۰-جو گونو)

#آتیلا_حاجیزاده
#شعر_اوجاغی
@SheirOcagi

▫️اؤزومون قارشی‌سیندا دورموشدوم

هله‌لیک بیلمیرم نه ائتملی‌یم
اوزریمده پاییز داریخماسی وار
یئل اسیب اوینادیر سوموک‌لریمی
بئینیمی دولدوروبدو بوشلوق‌لار

بو حیات یوخلوغون گؤرونتوسودو
من‌ ایسه بو یوخون وار حیصصه‌سی‌یم
اصلینه باخسانیز بو هئچ، بو هدر
منده بیتمیش من‌ ایله‌ده باشلار

هئچ تانیش گلمیرم اؤزوم، اؤزومه
چیخیرام یوللاری، قاچام شهری
قاچیرام دوشمه‌سین گؤزوم اؤزومه
آینالار چئوره‌مه چکنده حاصار

آینالار چئوره‌مه چکنده حاصار
قاچاجاق یول تاپانمادیم اوردان
یوللارین‌دا یالانلیغین بیلسم
بیلمه‌دیم آینا، آینادیر یا دیوار

آینالار چئوره‌مه چکنده حاصار
اؤزومون قارشیسیندا دورموشدوم
و باخیردیم او آن اؤزوم، اؤزومه
گؤزلریمده بولود، ساچیمدا دا قار

چیخمیشیدیم اؤزوم‌دن، آنجاق‌کی
اؤزومون قارشیسیندا دورموشدوم
یالواریردیم او آن، اؤزوم اؤزومه
منی اؤلدور یا بیر تهر قورتار

ال-آیاق ایله سیندیریب تؤکدوم
پنجره‌دن تولازدیم ائشییه
خیاوانلار من ایله دولدو بیرآن
سحر اولجاق، شهر بونو آنلار

سحر اولجاق، شهر بونو آنلار
بیریسی منلییین سپیبدی چؤله
و صاباح بیر شهر قاچار مندن
و صاباح بیر شهر منی دانلار

هله‌لیک بیلمیرک نه‌یم نه‌چی‌یم
کئفلی بیر ساوچی‌تک ساییقلاییرام
بو سحر کابوسون، بیریز بیتیرین
منی کیم گؤرسه، بیر جونونلو سانار

ییخیلیر عقربه چؤکور، گئجه‌نین،
خئیری بیتمیش‌ایکن قالیب شرری
اوتاغیمدان آذان چکیلدی بایاق
و بیراز سونرادا خوروز بانلار



صاباح اولموش، ایتیرمیشم اؤزومو
هله‌لیک بیلمیرم نه‌یم، نه‌چی‌یم
اوستومه گلمه‌یین آ یولداش‌لار!
هله‌لیک بیلمیرم نه ائتملی‌یم

ائوده قالمیش آیاقلاریم، آنجاق
گؤزلریم سومسونور کوچه-باجانی
اللریمی ایتیردیییم گوندن
قولاغیمدا بیری دئییر منی سار...

#آتیلا_حاجیزاده
@SheirOcagi

▫️توکنن گؤزلریمیزده یئنه وولکان دولاشار؟
سحرین تئللرینه دان چاغی آل قان دولاشار؟

گؤزوموز یولدا قالارکن کوچه‌نی آختاریریق
گؤره‌سن آخ بورالاردا یئنه عوصیان دولاشار؟

ال خمیر، قارنیمیز آج، گؤزده سحر حسرتی وار
گؤره‌سن بیتسه گئجه یوردوموزا دان دولاشار؟

نه سحر وار نه گونش، تانری کوسندن بو یانا
داغیلان شهریمیزه هر گئجه شیطان دولاشار

سحر آردینجا گزیردیک، گئجه‌یه راست گلدیک
بیلیرم آه... گئجه‌دن ائولره خورتان دولاشار

کوچه قورخو، خیاوان قورخو، شهر قورخولودور
هر ائویندن چیخانا، ییرتیجی حیوان دولاشار

بو نه طالعدی یازیلمیش قدرین دفترینه
آتدیغیم هر قدمه سادجه زیندان دولاشار

چئوریلیبدیر یوخوموز داشلارا سانکی، نه دئییم؟
برکیمیش اویغولارا هانسی قوچ اوغلان دولاشار؟

بنزه‌ده بیلسه «کوراوغلو» بورانی «چنلی بئل»ه
بو قورونموش سینیرا هانسی «حسن‌خان» دولاشار؟

بیتدی مشروطه، بیزه پاسلی سیلاح‌لاردی قالان
گؤره‌سن بیر ده بو یانلاردا «باقیرخان» دولاشار؟

اویانیب عوصیان ائدرمی یئنه‌ده «ستارخان»؟
قارالار لشکرینه دال خیاواندان دولاشار؟

اونودوب خاطیریمیز الده سیلاح توتماغینی
گؤره‌سن آخ بورالاردا یئنه عوصیان دولاشار؟

چیغیریردیم کوچه‌لرده اؤز-اؤزومله دئیه‌رک:
«بو داش آللاهلارینا هانسی موسلمان دولاشار»؟

#آتیلا_حاجیزاده
@SheirOcagi

▫️ال-اله دویمه‌لری قیر دوداغیندان، آرزو!
باخ یاخین‌دیر سحره، باخ آچیلیر دان، آرزو!

سنی تاپشیردی گؤیون باغرینا سس‌سیز-گیزلین
دان چیخاندا آسیلارکن نئچه اینسان، آرزو!

ال-اله سسلدی بیر گون گئدیریک آرزو گیله
گوللـه‌لر ییخدی اونو، تاپمادی ایمکان، آرزو!

ال-اله بو شهرین دؤش‌لرینه گول اکدیک
جان آتیر سولدورا آه گول‌لری زیندان، آرزو!

کور ائله شیرلری ائوده، بیر ایچیم ایچمه داها!
قاتیلیب بیر نئچه واخت‌دیر سولارا قان، آرزو!

سن کی قورخمازلارا قورآن سایاغی ازبرسن
سن ندن هر گئجه‌دن قورخولانیرسان، آرزو؟!

قویما 20-ینجی‌لرین دهشتی قالسین دیلده
ال-اله دویمه‌لری قیر دوداغیندان، آرزو...!

#آتیلا_حاجیزاده
@SheirOcagi

▫️گون باتارکن توپورور آغزی دولو قان خیاوان
باتیریبدیر شهره خنجری دالدان خیاوان

بیلیرم بیر گئجه سس‌سیزلییی داردان آساجاق
بیلیرم وئرمیه‌جک یاتماغا ایمکان خیاوان

بیلیرم تانریلیغی بورج آلاجاق بیر گئجه‌لیک
عزرائیل تک کوچه‌لردن آلاجاق جان خیاوان

داماریندان ووراجاق اولگوجو، یاغمور یاغاراق
اولاجاق گؤزلریمه قان دولو بیر وان خیاوان

بوراخیب باغلی قاپی آرخاسی باغلانتی‌لاری
اوتقونور خاطیره‌نی ال چکیر آسان خیاوان

ییغاجاق هرنه واریندان کؤچه‌جک شهریمیزی
آیاغیندان اؤپورم، دور، سنی قورآن، خیاوان!

دیلیم هردن بیرینه آندا وئریب یالواراجاق
تله‌سیک گئتمه‌سه، آه! گؤزله‌سه بیر آن خیاوان

نه‌قدر یول دؤیه‌جکدیر کوچه آرخانجا سنین
جانی قایتار، کوچه‌نی سالما آیاقدان خیاوان!

گون باتارکن توپورور آغزی دولو قان خیاوان
گون چیخارکن اولاجاق تام یئنی اینسان خیاوان...!

#آتیلا_حاجی‌زاده
@SheirOcagi

▫️آخشام بولاشیب دوغمالاشان گؤزلرینه یاد
آنجاق سحر اولموش قوخوسو وار اوتاغیندا

بوم بوزدو، سویوق‌دور هم الین، هم نفسین آه...!
بیر جانلی خیانت قوخوسو وار دوداغیندا

سن تاپشیر الین اللرینه، گز قوجا شهری
قوی من آراییم تینلری بیر «سن» سوراغیندا

باخ گؤزلرینه، سار سینه‌سین تئللرین ایله!
آغلات منی، هم ده گئجه‌نی گنج چاغیندا!

سنسیز گئجه‌لر آغلاماغیم داد وئریر آی قیز!
اوخشاتما یاغیر هر گئجه سنسیز اوتاغیمدا

سنسیز سنی سئومک نه دئمک‌میش نه بیلیرسن؟!
هر بیر گئجه باشقا بیریسی وار یاتاغیندا...

#آتیلا_حاجی‌زاده
@SheirOcagi

▫️گون باتارکن توپورور آغزی دولو قان خیاوان
باتیریبدیر شهره خنجری دالدان خیاوان

بیلیرم بیر گئجه سس‌سیزلییی داردان آساجاق
بیلیرم وئرمه‌یه‌جک یاتماغا ایمکان خیاوان

بیلیرم تانریلیغی بورج آلاجاق بیر گئجه‌لیک
عزرائیل تک کوچه‌لردن آلاجاق جان خیاوان

داماریندان ووراجاق اولکوجو، یاغمور یاغاراق
اولاجاق گؤزلریمه قان دولو بیر وان خیاوان

بوراخیب باغلی قاپی آرخاسی باغلانتی‌لاری
اوتقونور خاطیره‌نی، ال چکیر آسان خیاوان

ییغاجاق هرنه واریندان کؤچه‌جک شهریمیزی
آیاغیندان اؤپورم، دور سنی قورآن خیاوان!

دیلیم هردن بیرینه آندا وئریب یالواراجاق
تله‌سیک گئتمه‌سه، آه گؤزله‌سه بیر آن! خیاوان

نقدر یول دؤیه‌جکدیر کوچه آرخانجا سنین
جانی قایتار، کوچه‌نی سالما آیاقدان خیاوان!

گون باتارکن توپورور آغزی دولو قان خیاوان
گون چیخارکن اولاجاق تام یئنی اینسان خیاوان...

#آتیلا_حاجیزاده
@SheirOcagi

.
.
به خیابان دعوتید

#خیابان_چهل_و_چهارم

با اجرای:
#آتیلا_حاجیزاده

جمعه ۲۰ دی ۹۸ ⏰ ساعت ۱۶ الی ۱۸

مکان : استادان، نبش کوی ۱۵ آموزشگاه موسیقی بالابان

#نشست_مستقل_ادبی_خیابان
@Neshaste_Adabi_Khiaban

▫️تئزگل! اوره‌ییم کؤرپه اوشاق‌تک تله‌سیر.
چیلپاق آغاج اوستونده‌کی یارپاق‌تک اسیر...

#آتیلا_حاجیزاده
@SheirOcagi

▫️تلسمه گئتمه‌یه، بیر لحظه‌جه دایان قاداسی!
دالینجا جان وئریر هر آن بیر آغلایان، قاداسی!

دا آغلاماق گوجو ده یوخدو، گؤز یاشیم قورویوب
توتوبدو‌ گؤزلریمی لاختا-لاختا قان، قاداسی!

 باخیشلاریم قیزاریر، سئوگیلیم! یولا باخاراق
هر آددیمین دالیجا، وار قان آغلایان، قاداسی!

بو آیریلیق ساعاتی هئی منی ییخیر، داغیدیر
داغیتما، ییخما، تلسمه، بیرآز یوبان، قاداسی!

بیرآزجا گل یاخینا، سون دؤنه اؤپوب ساریلاق
تلسمه...! آیریلیغا واردی چوخ زامان، قاداسی!

ییخار منی گئدیشین، دوزدو اؤلدورر... آنجاق-
تلسمه آیریلیغا، یول دومان-بوران، قاداسی!
.
تلسمه گئتمه‌یه، بیر لحظه‌جه دایان، قاداسی!
تلسمه دور باشین اوسته توتوم قورآن، قاداسی...!


#آتیلا_حاجیزاده
@SheirOcagi

▫️...و صاباح سئوگیمیزی یئل سره‌جکدیر شهره
سن و مندن تزه اوز گؤستره‌جکدیر شهره...

#آتیلا_حاجی‌زاده
@SheirOcagi

علیرضا نابدل (اوختای)ین قیزیل رؤیالارینا سونولور:

▫️ال-اله، دویمه‌لری قیر دوداغیندان آرزو!
باخ، یاخین دیر سحره، باخ...آچیلیر دان، آرزو!

سنی تاپشیردی گؤیون باغرینا سس‌سیز، گیزلین
دان چیخاندا آسیلارکن نئچه اینسان، آرزو!

ال-اله سسله‌دی بیر گون گئدیریک آرزو گیله
گوللـه‌لر ییخدی اونو، تاپمادی ایمکان، آرزو!

ال-اله بو شهرین دؤشلرینه گول اکدیک
جان آتیر سولدورا آه...گوللری زیندان، آرزو!

کور ائله شیرلری ائوده، بیر ایچیم ایچمه داها!
قاتیلیب بیر نئچه واقت‌دیر سولارا قان، آرزو!

سن کی قورخمازلارا قورآن سایاغی ازبرسن،
سن نه‌دن هر گئجه‌دن قورخولانیرسان، آرزو؟!

قویما 20-ینجی‌لرین دهشتی قالسین دیلده!
ال-اله دویمه‌لری قیر دوداغیندان، آرزو...!

#آتیلا_حاجیزاده
@SheirOcagi

▫️آرزو...!

ال-اله دویمه‌لری قیر دوداغیندان، آرزو!
باخ، یاخین‌دیر سحره؛ باخ، آچیلیر دان آرزو!

سنی تاپشیردی گؤیون باغرینا سس‌سیز، گیزلین
دان چیخاندا آسیلارکن نئچه اینسان، آرزو!

ال-اله سسله‌دی بیرگون «گئدیریک آرزو گیله»
گوللـه‌لر ییخدی اونو، تاپمادی ایمکان، آرزو!

ال-اله بو شهرین دؤش‌لرینه گول اکدیک
جان آتیر سولدورا آه...گول‌لری زیندان، آرزو!

کور ائله شیرلری ائوده، بیر ایچیم ایچمه داها!
قاتیلیب بیر نئچه واخت‌دیر سولارا قان، آرزو!

سن کی قورخمازلارا قورآن سایاغی ازبرسن،
سن ندن هر گئجه‌دن قورخولانیرسان آرزو؟!

قویما 20-اینجی‌لرین دهشتی قالسین دیلده
ال-اله دویمه‌لری قیر دوداغیندان، آرزو...!

#آتیلا_حاجی‌زاده
@SheirOcagi

▫️گؤزلریم دوماندی باجی!

سحر چاغی، شهرین باغری سانکی قاندی، باجی!
قاریش-قاریش کوچه‌میز مینلر آغلایاندی، باجی!

بوغازلارا ساریلان ایستی مرمیلر قاتاری،
بوغازدان آیریلانان ایستی قاندی، جاندی، باجی!

دومان بوروندو بیزه، سنگری ییخیب یاخدی،
ائکیزلرین یئرده... یوخ... الیمده یاندی باجی!

ّ سحر چاغی اؤلومو گوللـه‌لر اویاندیردی،
دئشیک-دئشیک دئشیلن کؤکسوموز تالاندی، باجی!

اؤلوم آخیردی بیزی آلتینا چکیب ییخسین،
ییخیلدی دوستلاریمیز، صبریمیز جالاندی باجی!

الیمده سولمادی آه... وئردیین قیزیل گوللر،
آیاقلار آلتینا دوشدوکده تاپدالاندی، باجی!

نه قول قالار، نه آیاق، گؤوده‌میز ایتیب بیته‌جک،
گلن صاباحلارا، تک بیر پیلاک قالان‌دی، باجی!

اولوب-قالان دیکیلیبدیر، بیتن زامان‌دی، باجی!
الیم-قولوم قورویوب، گؤزلریم دومان‌دی، باجی...!

#آتیلا_حاجیزاده
@SheirOcagi

▫️جاناوارلار هورور، دوغوز اوخویور.

گئجه‌نین نه‌م‌ نه واختی‌دیر، قاداسی!
کوچه‌ده یئل اسیر، قارانلیق اسیر.
و قارانقوش‌لارین داریخماسینی،
شهره یایماغا یامان تله‌سیر.

گئجه‌نین نه‌م نه واختی‌دیر، قاداسی!
جاناوارلار هورور، دوغوز اوخویور.
بیلمیرم هاردا دورموشوق، آنجاق،
شهرین کؤینه‌یی پاییز قوخویور.

آددیم-آددیم واراقلانیر خیابان،
آددیم-آددیم یولا خزل تؤکولور.
گئجه‌لر بیتمه‌ییر، آی اوزلوم! آما،
شهرین گؤزلرینده دان سؤکولور.

پاییزین کؤینه‌یی دوشوب شهره،
شهرین کؤینه‌یی پاییز قوخویور.
قوجا بایقوش اووولداییر هردن،
تورآتان‌لار بیزه اؤلوم توخویور.

دیل آچیردیم داریخمامی باغیرام،
بیریسی سسله‌دی: «دا بسدیر، سوس!»
منی‌ده قورخویا سالیر هردن،
شهرین گؤزلرینده‌کی کابوس.

شهرین گؤزلرینده‌کی کابوس،
گئت-گئده گئرچه‌یه دؤنور دئیه‌سن.
گؤزلریم قارشیسیندا اولدوزلار،
بیر آن ایچره، اؤلور...سؤنور دئیه‌سن.

بوز ایشیق‌لار قاماشدیریر گؤزومو،
گئت-گئده هر یانی دومان گؤتورور.
بیر قوجا، گؤی اوزونده دوستاق‌دیر،
اؤسکورور، اؤسکورور سونرا توپورور.

گل گئدک ،سئویملی قارانقولوغوم!
هر کوچه، هر باجا اؤلوم قوخویور.
بیر قولاق وئر بو سس‌لره، باخ بیر،
جاناوارلار هورور، دوغوز اوخویور!

کیریخیب آتمیشام زیبیل قابینا،
توالت‌لرده قوسموشام شهری.
اوزریمدن سویونموشام اؤزومو،
اؤز-اؤزوم‌له کیریخمیشام شهری.

و قارانقوش‌لارین داریخماسینی،
دون گئجه قویلادیم قولاقلاریما.
شهره دون گئجه جسد یاغدی،
گئجه‌لر لئش دوشور یاناقلاریما.

جاناوارلار هورور، دوغوز اوخویور،
کوچه‌ده قورخو قان یئرینده آخیر.
گل اؤلک، سئوملی قارانقولوغوم!
لئش یئین‌لر بیزه تامارزی باخیر.

آددیم-آددیم واراقلانیر خیاوان،
آددیم-آددیم یولا جسد تؤکولور.
جاناوارلار بؤلوشدورور شهری،
پاییزین کؤکسو ییرتیلیر، سوکولور.

گؤزلریم هوردو، گؤزلریم هوردو،
اؤزومو داشلادیم، اؤزوم هوردو.
پاییزین کؤینه‌یی الیمده قالیب،
هامی گؤردو منی، هامی گؤردو.

شهرین اورتاسیندا اوزلشدیک،
بوغازین چئینه‌دیم دیدیشدیردیم.
قانین ایچدیم، جانین چکیب سونرا،
جسدین چارمیخا ایلیشدیردیم.

اؤزومو آتمیشام زیبیل قابینا،
لوت قالیب، اَینیمه دوغوز گئیدیم.
ال آتیب تانرینی یئره سالدیم،
اؤزوم ایله اونو دَییشدیردیم.

ایچیمی سپمیشم دونن شهره،
اؤلو یاغدیرمیشام یاغیش یئرینه.
تانرینی دوستاغا سالیب، سونرا،
اون گئجه، اون گونوز قان ایچدیردیم.

جاناوار دا منم، دوغوز دا منم،
گؤیه من سرمیشم قارانقولوغو.
بیلمه‌دن اولدو، بیلمه‌دن اولدو،
پاییزی چارمیخا ایلیشدیردیم.

بیلمه‌دن اولدو، بیلمه‌دن اولدو،
من اَیر قوشلاری دئییندیردیم.
پاییز اؤلموشدو، آمما کؤینه‌یینی،
شهرین اَینینه گئییندیردیم...

#آتیلا_حاجیزاده
@SheirOcagi

▫️بیر دلی شاختا دونداریر جانیمی،
دامیر آسفالتا کؤکسوموزدن قان.
اللریم، جئب‌لریمده دوستاق‌دیر،
آرخادان گؤز تیکیب منه خییاوان.

هده‌دی، قورخودو، سؤیوش‌دو، نه‌دی-
بئینیمی دولدوران غریب سسلر؟
بو قارانلیق سیغیشماییر ایچیمه،
سانکی یوز مین ساعات دوروبدو زامان.

کارا گلمزلره دولوب بئینیم،
داماریمدا قارا بولود دولانیر.
باخیرام؛ آمما گؤز، گؤزو گؤرمور
باخیرام؛ هئی دومان، دومان و دومان.

و سکوت ایچره سیچرایان فرکانس،
دولمایان بوشلوغا دامیر سانکی.
بیر پری سسله‌ییر منی دئیه‌سن،
ساچلاریندا گئجه، گؤزونده دان.

کوچه‌ده ایت بوغوشدورور بیریسی
گؤرورم...ایتله‌نیر یئنه روحوم.
یئنه‌ ده جینلریم چیخیر باشیما
قولاغیمدا پیچیلداییر شیطان.

کوچه‌ده ایلدیریم چاخیر هردن
منده‌کی قورخو قاپساییب کوچه‌نی.
بیر دلی بیر دووار دالیندا دئییر:
تانری یوخکن، کیمین الینده آمان؟

تانری! سانکی محبّتین ایتمیش،
تانری نیفرت سپیر یاغیش یئرینه.
تانری! باخما منه، چئویر اوزونو!
باخیشین‌ یاغدیریر زهرلی تیکان.

منی دیندیرمه‌یین بیرآزجا، نولور!
کیمی گؤرجک -دیدیشدیریم- دئییرم.
جاناوارلیق یؤنوم چیخیبدی اوزه،
جاناوار اوزلویم، ایَر باخسان.

اینتحار فیکری، اینقیلاب فیکری،
ایکی‌یه بؤلدولر منی آخشام.
گزیرم یوللاری نه کؤکده آما...
بیر الیمده کوفور، بیرینده قوران.

اینقیلاب فیکری، اینتحار فیکری،
بئینیمی ساغ-سولا چکیر یئنه‌ ده.
منده بیر پارتلاییش یاشانماقدا،
دالی چک، آی جانین سئون اینسان!

اینقیلاب، اینتحار گؤروندو بیزه،
اینتحار، اینقیلاب اولار ساندیق.
دون گئجه پنجره‌مدن آتلاندیم،
پارتلایارکن نه‌ ائیله‌مز اینسان...؟!

#آتیلا_حاجیزاده
@SheirOcagi

▫️گئجه‌نین نم‌نواختی‌دیر قاداسی!
کوچه‌ده یئل اسیر، قارانلیق اسیر.
و قارانقوش‌لارین داریخماسینی،
شهره یایماغا یامان تله‌سیر.

گئجه‌نین نم نواختی‌دیر قاداسی!
جاناوارلار هورور، دوغوز اوخویور.
بیلمیرم هاردا دورموشوق، آنجاق،
شهرین کؤینه‌یی پاییز قوخویور.

آددیم-آددیم واراقلانیر خیابان،
آددیم-آددیم یولا خزل تؤکولور.
گئجه‌لر بیتمه‌ییر آی اوزلوم! آما،
شهرین گؤزلرینده دان سؤکولور.

پاییزین کؤینه‌یی دوشوب شهره،
شهرین کؤینه‌یی پاییز قوخویور.
قوجا بایقوش اووولداییر هردن،
تورآتانلار بیزه اؤلوم توخویور.

دیل آچیردیم داریخمامی باغیرام،
بیریسی سسله‌دی: «دا بسدیر، سوس!
منی‌ده قورخویا سالیر هردن،
شهرین گؤزلرینده‌کی کابوس»

شهرین گؤزلرینده‌کی کابوس،
گئت-گئده گئرچه‌یه دؤنور دئیه‌سن.
گؤزلریم قارشیسیندا اؤلدوزلار
بیر آن ایچره، اؤلور...سؤنور دئیه‌سن.

بوز ایشیقلار قاماشدیریر گؤزومو،
گئت-گئده هریانی دومان گؤتورور.
بیر قوجا، گؤی اوزونده دوستاق‌دیر،
اوسکورور، اوسکورور سورا توپورور.

گل گئدک، سئوملی قارانقولوغوم!
هرکوچه، هر باجا اؤلوم قوخویور.
بیر قولاق وئر بو سس‌لره، باخ بیر!
جاناوارلار هورور، دوغوز اوخویور.

کیریخیب آتمیشام زیبیل قابینا،
توالت‌لرده قوسموشام شهری.
اوزریمدن سویونموشام اؤزومو،
اؤز-اؤزوم‌له کیریخمیشام شهری.

و قارانقوش‌لارین داریخماسینی،
دون گئجه قویلادیم قولاقلاریما.
شهره دون گئجه جسد یاغدی،
گئجه‌لر لئش دوشور یاناقلاریما.

جاناوارلار هورور، دوغوز اوخویور،
کوچه‌ده قورخو قان یئرین‌ده آخیر.
گل اؤلک، سئوملی قارانقولوغوم!
لئش یئین‌لر بیزه تامارزی باخیر.

آددیم-آددیم واراقلانیر خیاوان،
آددیم-آددیم یولا جسد تؤکولور.
جاناوارلار بؤلوشدورور شهری،
پاییزین کؤکسو ییرتیلیر، سوکولور.

گؤزلریم هوردو، گؤزلریم هوردو،
اؤزومو داشلادیم، اؤزوم هوردو.
پاییزین کؤینه‌یی الیمده قالیب،
هامی گؤردو منی، هامی گؤردو.

شهرین اورتاسیندا اوزلشدیک،
بوغازین چئینه‌دیم، دیدیشدیردیم.
قانین ایچیدیم جانین چکیب سونرا،
جسدین چارمیخا ایلیشدیردیم.

اؤزومو آتمیشام زیبیل قابینا،
لوت قالیب، اَینیمه دوغوز گئیدیم.
ال آتیب تانرینی یئره سالدیم،
اؤزوم ایله اونو دییشدیردیم.

ایچیمی سپمیشم دونن شهره،
اؤلو یاغدیرمیشام یاغیش یئرینه.
تانرینی دوستاغا سالیب، سونرا-
اون گئجه، اون گونوز قان ایچدیردیم.

جاناوار دا منم، دوغوز دا منم،
گؤیه من سرمیشم قارانقولوغو.
بیلمه‌دن اولدو، بیلمه‌دن اولدو،
پاییزی چارمیخا ایلیشدیردیم.

بیلمه‌دن اولدو، بیلمه‌دن اولدو،
من اَیر قوشلاری دئییندیردیم.
پاییز اؤلموشدو، آمما کؤینه‌یینی،
شهرین اَینینه گئییندیردیم...

#آتیلا_حاجیزاده
@SheirOcagi

▫️توکنن گؤزلریمیزده یئنه وولکان دولاشار؟
سحرین تئل‌لرینه دان چاغی آل قان دولاشار؟

گؤزوموز یولدا قالارکن کوچه‌نی آختاریریق،
گؤره‌سن آخ، بورالاردا یئنه عوصیان دولاشار؟

ال خمیر، قارنیمیز آج، گؤزده سحر حسرتی وار،
گؤره‌سن بیتسه گئجه، یوردوموزا دان دولاشار؟

نه سحر وار، نه گونش، تانری کوسندن بو یانا
داغیلان شهریمیزه هر گئجه شیطان دولاشار.

سحر آردینجا گزیردیک، گئجه‌یه راست گلدیک
بیلیرم آه گئجه‌دن ائولره خورتان دولاشار.

کوچه قورخو، خیاوان قورخو، شهر قورخولودور
هر ائویندن چیخانا ییرتیجی حیوان دولاشار.

بو نه طالعدی یازیلمیش قدرین دفترینه؟
آتدیغیم هر قدمه ساده‌جه زیندان دولاشار.

چئوریلیبدیر یوخوموز داشلارا سانکی، نه دئییم؟
برکیمیش اویغولارا هانسی قوچ اوغلان دولاشار؟

بنزه‌ده بیلسه کوراوغلو بورانی چنلی بئله،
بو قورونموش سینیرا هانسی حسن‌خان دولاشار؟

بیتدی مشروطه، بیزه پاسلی سیلاحلاردی قالان
گؤره‌سن بیر ده بو یانلاردا باقیرخان دولاشار؟

اویانیب عوصیان ائدرمی یئنه‌ده ستارخان؟
قارالار لشکرینه دال خیاواندان دولاشار؟

اونودوب خاطیریمیز الده سیلاح توتماغینی
گؤره‌سن آخ، بورالاردا یئنه عوصیان دولاشار؟

چیغیریردیم کوچه‌لرده اؤز-اؤزومله دئیه‌رک
بو داش آللاهلارینا هانسی موسلمان دولاشار؟

#آتیلا_حاجیزاده
@SheirOcagi

▫️سس‌سیزلیک

سن گئدرسن، قاپینی هئی چالاجاق سس‌سیزلیک،
سن گئدرسن، بو ائوه های سالاجاق سس‌سیزلیک.

بیر چیراقسیز شهرین قارلی، قارانلیق گئجه‌سین،
بیر عؤمور بلکه قوناق ساخلایاجاق سس‌سیزلیک.

سن گئدرسن سوساجاق، دینمه‌یه‌جک تار بیر ده،
کامانین پرده‌لرینده قالاجاق سس‌سیزلیک‌.

داها تاققیلداماییب داش دؤشه‌نکده باشماق،
شهرین دال بوجاغیندا دالاجاق سس‌سیزلیک..

سسلی-کویلو آلیشیبدیر نئجه دام-داش، ائویمیز،
ایللرین سانکی قیصاصین آلاجاق سس‌سیزلیک.

یالواریش-قورخو ساریبدیر ائوی؛ آه، بیر بیلسن!
سن گئدرسن بو ائوه های سالاجاق سس‌سیزلیک...

#آتیلا_حاجیزاده
@SheirOcagi