▫️منه یوز ایل عؤمور آرزولامایین!
خزان یارپاغی تک قووماسین کولک.
گؤزلریم گؤرسه ده، آیاغیم، الیم_
عصالی اولاندا، دایانسین اورک.
منه یوز ایل عؤمور آرزولامایین!
بو قدر یاشایان هانسی چیچکدیر؟
من یاشدا قالمیرسا تای_توشوم، تاییم،
قوردلا قیامته قالماق دئمکدیر.
منه یوز ایل عؤمور آرزولامایین!
یئریشیم، گولوشوم سسیم بیتمه سین.
مندن جاوان اولان، گمراه اولانلار،
چیینیمده دونیادان کؤچوب گئتمه سین.
منه ائله عؤمور آرزولایین کی،
اؤلونجه عوممان تک چاغلایا بیلیم
قاپی_پنجره نی اؤز ائویمده کی،
اؤزوم آچا بیلیم؛ باغلایا بیلیم
تانریدان بیر عؤمور دیله یین منه،
حیاتیم سئوگییله باخسین اوزومه؛
گؤرسون یاد پایینا شریک دئییلم.
گرک اولمایاندا اؤزوم_اؤزومه،
دئمه لی هئچ کسه گرک دئییلم.
"ساغلیقلار" دئینده شأنیمه دوستلار
نه اؤزوم کؤوره لیم؛ نه سیزه گولوم.
تانریدان بیر عؤمور دیله یین منه؛
هر واخت سئوه بیلیم؛ سئویله بیلیم.
منه یوز ایل عؤمور آرزولامایین!
یئریشیم، گولوشوم، سسیم بیتمه سین.
دونیایا قالاجاق مالی دونیانین؛
کاروانیم لعنته باتیب گئتمه سین.
#واحید_عزیز
@SheirOcagi
خزان یارپاغی تک قووماسین کولک.
گؤزلریم گؤرسه ده، آیاغیم، الیم_
عصالی اولاندا، دایانسین اورک.
منه یوز ایل عؤمور آرزولامایین!
بو قدر یاشایان هانسی چیچکدیر؟
من یاشدا قالمیرسا تای_توشوم، تاییم،
قوردلا قیامته قالماق دئمکدیر.
منه یوز ایل عؤمور آرزولامایین!
یئریشیم، گولوشوم سسیم بیتمه سین.
مندن جاوان اولان، گمراه اولانلار،
چیینیمده دونیادان کؤچوب گئتمه سین.
منه ائله عؤمور آرزولایین کی،
اؤلونجه عوممان تک چاغلایا بیلیم
قاپی_پنجره نی اؤز ائویمده کی،
اؤزوم آچا بیلیم؛ باغلایا بیلیم
تانریدان بیر عؤمور دیله یین منه،
حیاتیم سئوگییله باخسین اوزومه؛
گؤرسون یاد پایینا شریک دئییلم.
گرک اولمایاندا اؤزوم_اؤزومه،
دئمه لی هئچ کسه گرک دئییلم.
"ساغلیقلار" دئینده شأنیمه دوستلار
نه اؤزوم کؤوره لیم؛ نه سیزه گولوم.
تانریدان بیر عؤمور دیله یین منه؛
هر واخت سئوه بیلیم؛ سئویله بیلیم.
منه یوز ایل عؤمور آرزولامایین!
یئریشیم، گولوشوم، سسیم بیتمه سین.
دونیایا قالاجاق مالی دونیانین؛
کاروانیم لعنته باتیب گئتمه سین.
#واحید_عزیز
@SheirOcagi
▫️اینانمیرام.
یازیرسان کی: «دردیمدن-
اؤلورسن»- اینانمیرام.
تزه شکیللرینده
هؤنکوروب گؤزلرینی
سیلیرسن- اینانمیرام.
آخیدیب سئللرینی،
تؤکورسن دیللرینی.
هئی... اوزونه-دیزینه
چیرپیرسان اللرینی.
یادیما سالیب هر آن
آجی عمللرینی،
بیلیرسن- اینانمیرام.
ایناندیم هر سؤزونه،
آلیشدیم هر کؤزونه.
وئردیگین عذابلارین،
دؤزموشم هر اوزونه.
دویسام دا دلی اولوب
سنین اؤزون-اؤزونه
گولورسن- اینانمیرام.
آخشاملار ارکن دوشور،
ایستی مندن گئن دوشور.
حیَطدن سسین گلیر،
ائیوانا کؤلگهن دوشور.
بئزیب یالانلاریندان
حسرت منی اوشودور،
گلیرسن- اینانمیرام.
#واحید_عزیز
#شعر_اوجاغی
@SheirOcagi
یازیرسان کی: «دردیمدن-
اؤلورسن»- اینانمیرام.
تزه شکیللرینده
هؤنکوروب گؤزلرینی
سیلیرسن- اینانمیرام.
آخیدیب سئللرینی،
تؤکورسن دیللرینی.
هئی... اوزونه-دیزینه
چیرپیرسان اللرینی.
یادیما سالیب هر آن
آجی عمللرینی،
بیلیرسن- اینانمیرام.
ایناندیم هر سؤزونه،
آلیشدیم هر کؤزونه.
وئردیگین عذابلارین،
دؤزموشم هر اوزونه.
دویسام دا دلی اولوب
سنین اؤزون-اؤزونه
گولورسن- اینانمیرام.
آخشاملار ارکن دوشور،
ایستی مندن گئن دوشور.
حیَطدن سسین گلیر،
ائیوانا کؤلگهن دوشور.
بئزیب یالانلاریندان
حسرت منی اوشودور،
گلیرسن- اینانمیرام.
#واحید_عزیز
#شعر_اوجاغی
@SheirOcagi
▫️عزیزیم
داغ باشیندا قار اوستونه قار گلر،
گیلئیلنمک ذیروهلره عار گلر،
هر نه گئیسم ووجودوما دار گلر،
بو دارلیغا دؤزمک اولمور، عزیزیم!
ازل گوندن دونیا یالان دونیادی،
باها ساتان، اوجوز آلان دونیادی.
آرزولاری ناکام قالان دونیادی،
داغیلانی دوزمک اولمور، عزیزیم!
کاشکی دونیا ظالیملیگین آتایدی،
قلبیم بیر آن ایستهیینه چاتایدی!
یاشاماغیم گؤز یاشیدیر، هارایدی،
گؤز یاشیندا اوزمک اولمور، عزیزیم!
دالغالارا یالوارماقدان بئزمیشم،
هؤنکورمکدن، آغلاماقدان بئزمیشم،
سندن آیری یاشاماقدان بئزمیشم،
ائل-اوبادان بئزمک اولمور، عزیزیم!
هئچ بیلمزدیم داشیم بئله آغیردیر،
بختیم بئله بیچارهدیر، فاغیردیر.
گئدهجهیم؛ گؤیلر منی چاغیردی،
داها یئرده گزمک اولمور، عزیزیم!
#واحید_عزیز
#شعر_اوجاغی
@SheirOcagi
داغ باشیندا قار اوستونه قار گلر،
گیلئیلنمک ذیروهلره عار گلر،
هر نه گئیسم ووجودوما دار گلر،
بو دارلیغا دؤزمک اولمور، عزیزیم!
ازل گوندن دونیا یالان دونیادی،
باها ساتان، اوجوز آلان دونیادی.
آرزولاری ناکام قالان دونیادی،
داغیلانی دوزمک اولمور، عزیزیم!
کاشکی دونیا ظالیملیگین آتایدی،
قلبیم بیر آن ایستهیینه چاتایدی!
یاشاماغیم گؤز یاشیدیر، هارایدی،
گؤز یاشیندا اوزمک اولمور، عزیزیم!
دالغالارا یالوارماقدان بئزمیشم،
هؤنکورمکدن، آغلاماقدان بئزمیشم،
سندن آیری یاشاماقدان بئزمیشم،
ائل-اوبادان بئزمک اولمور، عزیزیم!
هئچ بیلمزدیم داشیم بئله آغیردیر،
بختیم بئله بیچارهدیر، فاغیردیر.
گئدهجهیم؛ گؤیلر منی چاغیردی،
داها یئرده گزمک اولمور، عزیزیم!
#واحید_عزیز
#شعر_اوجاغی
@SheirOcagi
▫️قبریمی اؤرتَنده اۆستو دۆز اولسون!
چیچهییم، سن منی هاچانسا آتسان،
گؤر، جانیم زارؽنجؽ¹ نئچه ایل یاتار!
ان چیلغین کامانین تئلینی توتسان،
بارماقلار آلتیندا بمه زیل یاتار.
آغلاتسان هاچانسا- آغلات، اورَکسیز!
سنسیز بیر سارایام دامسیز، دیرَکسیز.
گؤرسن سؤندوروبلر، سانما گرکسیز
بو دلی اوجاقدا هله کۆل یاتار!
بورج نهیمیش! ایلک دفعه کیم آلدی کیمدن؟
کیملرین نهلری گئتدی الیندن!
زیندان دا اؤزونو اونودار هردن،
ایچینده گاه بایقوش، گاه بولبول یاتار.
فرق ائتمز- یاش یارؽ، یا دا یوز اولسون،
تورپاقلیق اولماقچون گرک اۆز اولسون،
قبریمی اؤرتَنده اوستو دۆز اولسون!
ائله بیلرلر کی بیر قۏزبئل² یاتار.
هاواسی بئله کی، درد کیمی ییخماز،
طالعی گتیرن هارایا چیخماز!
نامرد بادالاغی مرد کیمی ییخماز،
اۆز-اۆزه آشاندا یئره بئل یاتار.
بمبیاض ایپکمیش یازین کؤینهیی،
تلاشلی بیر اؤپوش نازین کؤینهیی،
بختَوَر باشینا، سازین کؤینهیی-
کؤکسونده بیلمزسن نئچه تئل یاتار.
باخما قوجالمیشام! روحوم دنیزدیر،
منه دالغا-دالغا ساحیلی گزدیر!
سنه مؤحتاج اولان «واحید عزیز»دیر،
ایچینده سرگردان بیر سفیل یاتار.
#واحید_عزیز
¹-چوخ خستهلیک چکیب ضعیفلمیش آدام
²- دؤش و یا آرخا سوموکلرینین اَییلمهسی نتیجهسینده بئلی قۏز کیمی قالخیق، بوکولموش
#شعر_اوجاغی
@SheirOcagi
چیچهییم، سن منی هاچانسا آتسان،
گؤر، جانیم زارؽنجؽ¹ نئچه ایل یاتار!
ان چیلغین کامانین تئلینی توتسان،
بارماقلار آلتیندا بمه زیل یاتار.
آغلاتسان هاچانسا- آغلات، اورَکسیز!
سنسیز بیر سارایام دامسیز، دیرَکسیز.
گؤرسن سؤندوروبلر، سانما گرکسیز
بو دلی اوجاقدا هله کۆل یاتار!
بورج نهیمیش! ایلک دفعه کیم آلدی کیمدن؟
کیملرین نهلری گئتدی الیندن!
زیندان دا اؤزونو اونودار هردن،
ایچینده گاه بایقوش، گاه بولبول یاتار.
فرق ائتمز- یاش یارؽ، یا دا یوز اولسون،
تورپاقلیق اولماقچون گرک اۆز اولسون،
قبریمی اؤرتَنده اوستو دۆز اولسون!
ائله بیلرلر کی بیر قۏزبئل² یاتار.
هاواسی بئله کی، درد کیمی ییخماز،
طالعی گتیرن هارایا چیخماز!
نامرد بادالاغی مرد کیمی ییخماز،
اۆز-اۆزه آشاندا یئره بئل یاتار.
بمبیاض ایپکمیش یازین کؤینهیی،
تلاشلی بیر اؤپوش نازین کؤینهیی،
بختَوَر باشینا، سازین کؤینهیی-
کؤکسونده بیلمزسن نئچه تئل یاتار.
باخما قوجالمیشام! روحوم دنیزدیر،
منه دالغا-دالغا ساحیلی گزدیر!
سنه مؤحتاج اولان «واحید عزیز»دیر،
ایچینده سرگردان بیر سفیل یاتار.
#واحید_عزیز
¹-چوخ خستهلیک چکیب ضعیفلمیش آدام
²- دؤش و یا آرخا سوموکلرینین اَییلمهسی نتیجهسینده بئلی قۏز کیمی قالخیق، بوکولموش
#شعر_اوجاغی
@SheirOcagi
▫️تورپاغین اوستونده تئز کئچیر زامان.
بیر-ایکی سؽتقایان*، اوچ-دؤرد آغلایان،
هانسی کیمسهسیزین کؤچودو گؤرهن؟
کیرپیکلر اوجوندا یاشلار دوغرایان،
گؤزلر، یا اورهیین ایچیدی گؤرهن؟
آیلاری تلاشلا اؤتدو یانیمدان،
گونلری سکسَندی هیَجانیمدان.
تورپاغین اوستونده تئز کئچیر زامان،
تورپاغین آلتیندا نئجهدیر گؤرهن؟
گئدیب گۆدازینا مینبیر حیلهنین،
دیلینه داغ باسدیق «وطن» دئیَنین،
بورادا دیَری بیلینمهینین،
درگاهدا قیمتی نئچهدی گؤرن؟
عؤمور بیر ثروتدی- یاشانیب گئدن،
هاچانسا حیاتدان بوشانیب گئدن،
اینسانلار ایچینده فرعونلوق ائدن،
ملکلر یانیندا نهچیدی گؤرهن؟
بیر-ایکی سؽتقایان، اوچ-دؤرد آغلایان،
هانسی کیمسهسیزین کؤچودو گؤرهن؟
کیرپیکلر اوجوندا یاشلار باغلایان،
گؤزلر، یا اورهیین ایچیدی گؤرهن؟
#واحید_عزیز
* سیزیلدایا-سیزیلدایا آغلایان
#شعر_اوجاغی
@SheirOcagi
بیر-ایکی سؽتقایان*، اوچ-دؤرد آغلایان،
هانسی کیمسهسیزین کؤچودو گؤرهن؟
کیرپیکلر اوجوندا یاشلار دوغرایان،
گؤزلر، یا اورهیین ایچیدی گؤرهن؟
آیلاری تلاشلا اؤتدو یانیمدان،
گونلری سکسَندی هیَجانیمدان.
تورپاغین اوستونده تئز کئچیر زامان،
تورپاغین آلتیندا نئجهدیر گؤرهن؟
گئدیب گۆدازینا مینبیر حیلهنین،
دیلینه داغ باسدیق «وطن» دئیَنین،
بورادا دیَری بیلینمهینین،
درگاهدا قیمتی نئچهدی گؤرن؟
عؤمور بیر ثروتدی- یاشانیب گئدن،
هاچانسا حیاتدان بوشانیب گئدن،
اینسانلار ایچینده فرعونلوق ائدن،
ملکلر یانیندا نهچیدی گؤرهن؟
بیر-ایکی سؽتقایان، اوچ-دؤرد آغلایان،
هانسی کیمسهسیزین کؤچودو گؤرهن؟
کیرپیکلر اوجوندا یاشلار باغلایان،
گؤزلر، یا اورهیین ایچیدی گؤرهن؟
#واحید_عزیز
* سیزیلدایا-سیزیلدایا آغلایان
#شعر_اوجاغی
@SheirOcagi
▫️من بو مینارهده کؤهنه آذانچی
هردن غضَبیمدن ایچیم قوورولوب،
قلبیم زلزلهلی داغ کیمی اسیب.
آغزینین سؤزونو بیلمهین اولوب،
آغزیمدا سؤزومو یاریمچیق کسیب.
داراشما جهانا گؤرمهمیش کیمی!
هامیمیز تزهییک، دونیا کؤهنهدی.
یئرینده اولمایان ادب-ارکانی،
قانماز اؤرکَنینده، دوغاناق¹ نهدی؟
بازار منلیک دئییل، خیرداواتچیلار!²
حاق بیزی ایزلهییر قاراباقارا.
کیمینین گؤزونو باسیب-چیخارار،
کیمینین اؤزونو چیخاردار اورا.
محرم اولدوغومچون عفو ائلهسینلر،
حالینا آجیییب-یانمایانلاریم.
بونا اینامیم وار- یئنی نسیللر-
دوشمَنه اَییلیب-سینمایانلاریم!:
لعنت ده، رحمت ده اینسان قازانجی،
بارماق قاتا بیلمز شیطان نفسیمه.
من بو مینارهده کؤهنه آذانچی،
قورآن اوخوماغی اؤیرتمه منه!
#واحید_عزیز
¹- اؤرکن حالقاسی
²- خیریم-خیردا شئیلر ساتان آدام
#شعر_اوجاغی
@SheirOcagi
هردن غضَبیمدن ایچیم قوورولوب،
قلبیم زلزلهلی داغ کیمی اسیب.
آغزینین سؤزونو بیلمهین اولوب،
آغزیمدا سؤزومو یاریمچیق کسیب.
داراشما جهانا گؤرمهمیش کیمی!
هامیمیز تزهییک، دونیا کؤهنهدی.
یئرینده اولمایان ادب-ارکانی،
قانماز اؤرکَنینده، دوغاناق¹ نهدی؟
بازار منلیک دئییل، خیرداواتچیلار!²
حاق بیزی ایزلهییر قاراباقارا.
کیمینین گؤزونو باسیب-چیخارار،
کیمینین اؤزونو چیخاردار اورا.
محرم اولدوغومچون عفو ائلهسینلر،
حالینا آجیییب-یانمایانلاریم.
بونا اینامیم وار- یئنی نسیللر-
دوشمَنه اَییلیب-سینمایانلاریم!:
لعنت ده، رحمت ده اینسان قازانجی،
بارماق قاتا بیلمز شیطان نفسیمه.
من بو مینارهده کؤهنه آذانچی،
قورآن اوخوماغی اؤیرتمه منه!
#واحید_عزیز
¹- اؤرکن حالقاسی
²- خیریم-خیردا شئیلر ساتان آدام
#شعر_اوجاغی
@SheirOcagi
▫️اولمور
دردیمی چکیرم آرانا-داغا،
آرتلانیر، الهنیر... چؤزومو اولمور.
دومانین ایستییه، گولون سویوغا،
یارین آیریلیغا دؤزومو اولمور.
نئچه آرزوسونا کؤنلوم چاتمادی،
نیمداش بئیینلره سؤزوم باتمادی،
هر سئودا عاغلیمی دومانلاتمادی،
هر سئوگی باغینین اوزومو اولمور.
گیزلَتدیم، دوشوندوم خطرینه دیَر:
دردی فلک دئییل- اینسان گتیرر،
بلالار گؤزلرده لئیسان بیتیرر،
ترسین بیر دفعهلیک اسیمی اولمور.
تاپیلیب-ایتیرم قایغیلاریمدا،
بنؤوشه کیمییم سون باهاریمدا،
هله ده یار گزر رؤیالاریمدا،
دیوانه ائتدیگیم بسیمی اولمور؟
باش آلیب گئدنلر اهلِ حال ایمیش،
یا قلم اهلییمیش، یا هاوالییمیش،
بایاتیم ایچیمده اوخونمالییمیش،
باشیما آتیرام سسیمی، اولمور.
من گیدی* دونیانین هر اوزون گؤرن،
تاپینیب تانرییا پناه گتیرن،
یازما، «واحید عزیز!»، هر قابیق وئرن،
هر جانی دیدیلن «نسیمی» اولمور.
#واحید_عزیز
* پیس- آلچاق
#شعر_اوجاغی
@SheirOcagi
دردیمی چکیرم آرانا-داغا،
آرتلانیر، الهنیر... چؤزومو اولمور.
دومانین ایستییه، گولون سویوغا،
یارین آیریلیغا دؤزومو اولمور.
نئچه آرزوسونا کؤنلوم چاتمادی،
نیمداش بئیینلره سؤزوم باتمادی،
هر سئودا عاغلیمی دومانلاتمادی،
هر سئوگی باغینین اوزومو اولمور.
گیزلَتدیم، دوشوندوم خطرینه دیَر:
دردی فلک دئییل- اینسان گتیرر،
بلالار گؤزلرده لئیسان بیتیرر،
ترسین بیر دفعهلیک اسیمی اولمور.
تاپیلیب-ایتیرم قایغیلاریمدا،
بنؤوشه کیمییم سون باهاریمدا،
هله ده یار گزر رؤیالاریمدا،
دیوانه ائتدیگیم بسیمی اولمور؟
باش آلیب گئدنلر اهلِ حال ایمیش،
یا قلم اهلییمیش، یا هاوالییمیش،
بایاتیم ایچیمده اوخونمالییمیش،
باشیما آتیرام سسیمی، اولمور.
من گیدی* دونیانین هر اوزون گؤرن،
تاپینیب تانرییا پناه گتیرن،
یازما، «واحید عزیز!»، هر قابیق وئرن،
هر جانی دیدیلن «نسیمی» اولمور.
#واحید_عزیز
* پیس- آلچاق
#شعر_اوجاغی
@SheirOcagi
▫️سنینله کوسولو قالا بیلمیرم.
یالوارا-یالوارا آرخانجا گئدیب،
بیچاره قلبیمه گولوبدور عالم.
ائله دوشونمه کی، منلیگیم ایتیب!
سنینله کوسولو قالا بیلمیرم.
اومیددن دانیشما، اونو اوزموشم!
زاماندان سوروشما- تامام بئزمیشم!
طالعدن کوسموشم، بختدن کوسموشم،
سنینله کوسولو قالا بیلمیرم.
سؤندور بو شامی دا، چیراقسیز قالیم،
قلمسیز، کیتابسیز، واراقسیز قالیم،
لاپ بوتون دونیایا ماراقسیز قالیم،
سنینله کوسولو قالا بیلمیرم.
حاضیرام ساللانام دار آغاجیندان،
ال چکم زلیتک کۏر آغاجیندان.
قالارام یاشاماق احتیاجیندان،
سنینله کوسولو قالا بیلمیرم.
هارداسان، یولومو هارادان سالیم؟
هانسی دردین آغیر، هانسینی آلیم؟
داغیت، ویران ائله، خارابا قالیم!
سنینله کوسولو قالا بیلمیرم.
سینمادیم، قالسام دا هردن اومیدسیز،
دفن ائتدیم اؤزومو ثوبوت، شاهیدسیز.
سن ایلهام پریسی، من «واحید عزیز»،
سنینله کوسولو قالا بیلمیرم.
#واحید_عزیز
#شعر_اوجاغی
@SheirOcagi
یالوارا-یالوارا آرخانجا گئدیب،
بیچاره قلبیمه گولوبدور عالم.
ائله دوشونمه کی، منلیگیم ایتیب!
سنینله کوسولو قالا بیلمیرم.
اومیددن دانیشما، اونو اوزموشم!
زاماندان سوروشما- تامام بئزمیشم!
طالعدن کوسموشم، بختدن کوسموشم،
سنینله کوسولو قالا بیلمیرم.
سؤندور بو شامی دا، چیراقسیز قالیم،
قلمسیز، کیتابسیز، واراقسیز قالیم،
لاپ بوتون دونیایا ماراقسیز قالیم،
سنینله کوسولو قالا بیلمیرم.
حاضیرام ساللانام دار آغاجیندان،
ال چکم زلیتک کۏر آغاجیندان.
قالارام یاشاماق احتیاجیندان،
سنینله کوسولو قالا بیلمیرم.
هارداسان، یولومو هارادان سالیم؟
هانسی دردین آغیر، هانسینی آلیم؟
داغیت، ویران ائله، خارابا قالیم!
سنینله کوسولو قالا بیلمیرم.
سینمادیم، قالسام دا هردن اومیدسیز،
دفن ائتدیم اؤزومو ثوبوت، شاهیدسیز.
سن ایلهام پریسی، من «واحید عزیز»،
سنینله کوسولو قالا بیلمیرم.
#واحید_عزیز
#شعر_اوجاغی
@SheirOcagi
▫️آلتون دا ساریشین، درد ده ساریشین...
توتدوغو زؤکَمی¹ یایانلار کیمی،
کولکلر گزدیکجه باغلار سارالار.
خارالدا² سارالان آلمالار کیمی،
دومانلار ایچینده قارلار سارالار.
بو ظالیم دونیادا نهلر وار ایمیش!
نهلری گتیریب نه آپارارمیش!
هیجرانین بویاسی، گولوم! سارییمیش،
یارلار حسرتیندن یارلار سارالار.
یورولماز بختلرله اویناماغییلا،
قانلار قارالدانلار قایناماغییلا،
ایللرله یولجوسو اولمادیغیندان،
اوت باسان جیغیرلار، یوللار سارالار.
وار-دؤولت آجلاری، هله یاریشین!
هم اؤلچن، هم ده کی چیرپاندی آرشین³.
آلتون دا ساریشین، درد ده ساریشین،
کیمده چوخ اولورسا- اونلار سارالار.
کؤورَلدیب سارالدان خاطیرهلریم
خطرینه دَیمهسین ساری گوللریم!
کؤنوللر سیرداشی گوندهلیکلرین،
چوخونون ایچینده آنلار سارالار.
باشیما چوخ گلیب قلبیمه دامان،
قویمور ایلهام پریم چیخام اویوندان.
دئییر «واحید عزیز»، ایندی دۇیمایان-
بیر واخت دیَرینی قانار، سارالار»
#واحید_عزیز
¹- زُکام (Zökəm)
²- بؤیوک توربا (Xaral)
³- 0,71 مئتره برابر اوزونلوق اؤلچوسو
#شعر_اوجاغی
@SheirOcagi
توتدوغو زؤکَمی¹ یایانلار کیمی،
کولکلر گزدیکجه باغلار سارالار.
خارالدا² سارالان آلمالار کیمی،
دومانلار ایچینده قارلار سارالار.
بو ظالیم دونیادا نهلر وار ایمیش!
نهلری گتیریب نه آپارارمیش!
هیجرانین بویاسی، گولوم! سارییمیش،
یارلار حسرتیندن یارلار سارالار.
یورولماز بختلرله اویناماغییلا،
قانلار قارالدانلار قایناماغییلا،
ایللرله یولجوسو اولمادیغیندان،
اوت باسان جیغیرلار، یوللار سارالار.
وار-دؤولت آجلاری، هله یاریشین!
هم اؤلچن، هم ده کی چیرپاندی آرشین³.
آلتون دا ساریشین، درد ده ساریشین،
کیمده چوخ اولورسا- اونلار سارالار.
کؤورَلدیب سارالدان خاطیرهلریم
خطرینه دَیمهسین ساری گوللریم!
کؤنوللر سیرداشی گوندهلیکلرین،
چوخونون ایچینده آنلار سارالار.
باشیما چوخ گلیب قلبیمه دامان،
قویمور ایلهام پریم چیخام اویوندان.
دئییر «واحید عزیز»، ایندی دۇیمایان-
بیر واخت دیَرینی قانار، سارالار»
#واحید_عزیز
¹- زُکام (Zökəm)
²- بؤیوک توربا (Xaral)
³- 0,71 مئتره برابر اوزونلوق اؤلچوسو
#شعر_اوجاغی
@SheirOcagi