▫️حیات ایش‌دیر، دؤیوش‌دور،
سعادت‌دیر، امک‌دیر.
بیله-بیله بونلاری،
دایانماق نه دئمک‌دیر؟!...

📚 «موشفیق‌»لی گونلر
#دیلبر_آخوندزاده
#شعر_اوجاغی
@SheirOcagi

▫️قوربان اولدوغوم

گؤزلریم یولونا حسرتله باخار.
حسرتین قلبیمی یاندیرار، یاخار.
اوف! بیلسن اوره‌ییم نئجه داریخار،
آی شیرین دیلینه قوربان اولدوغوم!

«موشفیق»ین اوره‌یی یارپاقدان اینجه،
تیترَردی خفیفجه روزگار اسینجه.
حئیراندی حوسنونه او گؤزل «گنجه»،
خومار «گؤی گؤلو»نه قوربان اولدوغوم.

«دیلبر»اَم، ایلک عشقیم گونش‌دیر، سؤنمز،
عؤمرومون باهاری گئری‌یه دؤنمز.
مین یول یالواریرام، شکلینده دینمز-
اؤزونه، شکلینه قوربان اولدوغوم.

#دیلبر_آخوندزاده
#شعر_اوجاغی
@SheirOcagi