▫️دومانلی داغلارین باشیندا دوردوم،
دوماندان اؤزومه بیر خیمه قوردوم.
کئچدی خیالیمدان اؤز گؤزل یوردوم،
دومانلار ایچینده دومان گؤرونور.
خزر دنیزی‌تک، عشقیمله جوشدوم،
خولیالار ایچینده سانکی بی‌هوشدوم.
وطن آرزوسویلا نغمه‌لر قوشدوم،
توفانلار گؤزومده داستان گؤرونور.
کؤنول‌لر جلب ائدن بو خوش منظره،
شؤوقومو آرتیردی شعره، غزله.
چاتدیقجا وطنیم، ائلیم نظره،
طبیعت ده منه حئیران گؤرونور.
دئییرلر: بولبوله چمن یاخشیدیر،
اینسانچون لاله‌زار وطن یاخشیدیر،
«واحید!» سورما: «وطن نه‌دن یاخشیدیر؟»!
آدی گلجک کؤنلوم خندان گؤرونور...
#علی‌آقا_واحید
#شعر_اوجاغی
@SheirOcagi
دوماندان اؤزومه بیر خیمه قوردوم.
کئچدی خیالیمدان اؤز گؤزل یوردوم،
دومانلار ایچینده دومان گؤرونور.
خزر دنیزی‌تک، عشقیمله جوشدوم،
خولیالار ایچینده سانکی بی‌هوشدوم.
وطن آرزوسویلا نغمه‌لر قوشدوم،
توفانلار گؤزومده داستان گؤرونور.
کؤنول‌لر جلب ائدن بو خوش منظره،
شؤوقومو آرتیردی شعره، غزله.
چاتدیقجا وطنیم، ائلیم نظره،
طبیعت ده منه حئیران گؤرونور.
دئییرلر: بولبوله چمن یاخشیدیر،
اینسانچون لاله‌زار وطن یاخشیدیر،
«واحید!» سورما: «وطن نه‌دن یاخشیدیر؟»!
آدی گلجک کؤنلوم خندان گؤرونور...
#علی‌آقا_واحید
#شعر_اوجاغی
@SheirOcagi
▫️سئوگیلیم! عشق اولماسا، وارلیق بوتون افسانه‌دیر
عشقدن محروم اولان، اینسانلیغا بیگانه‌دیر.
سئوگی‌دیر یالنیز، محبّت‌دیر حیاتین جـؤوهری،
بیر کؤنول کی، عشق ذؤوقون دویماسا، غمخانه‌دیر.
من اسیر عشقی‌یم اؤز خالقیمین، اؤز یوردومون،
سئومه‌ین اؤز خالقینی، اؤز یوردونو، دیوانه‌دیر.
قوی وطن دائیم ایشیقلانسین گؤزل بیر شمع‌تک!
کؤنلوم اول شمعین ضیاسین سئیر ائدن پروانه‌دیر.
نازنین، رعنا گؤزل‌لردیر باخیرسان هر یانا،
بس بو تورپاق ایندی بیر جنّت دئییل، آیا نه‌دیر؟
اؤلکه‌میزده گؤر نه‌لر وار! باشقا بیر عالمده‌ییک،
هر چیچک بیر نازنین، هر غؤنچه بیر جانانه‌دیر.
«واحید»ام من، سئوگیلیم! مندن خیانت گؤرمزسن،
شاعیرم، عشقیم ده اؤز قلبیم کیمی مردانه‌دیر...
#علی‌آقا_واحید
#شعر_اوجاغی
@SheirOcagi
عشقدن محروم اولان، اینسانلیغا بیگانه‌دیر.
سئوگی‌دیر یالنیز، محبّت‌دیر حیاتین جـؤوهری،
بیر کؤنول کی، عشق ذؤوقون دویماسا، غمخانه‌دیر.
من اسیر عشقی‌یم اؤز خالقیمین، اؤز یوردومون،
سئومه‌ین اؤز خالقینی، اؤز یوردونو، دیوانه‌دیر.
قوی وطن دائیم ایشیقلانسین گؤزل بیر شمع‌تک!
کؤنلوم اول شمعین ضیاسین سئیر ائدن پروانه‌دیر.
نازنین، رعنا گؤزل‌لردیر باخیرسان هر یانا،
بس بو تورپاق ایندی بیر جنّت دئییل، آیا نه‌دیر؟
اؤلکه‌میزده گؤر نه‌لر وار! باشقا بیر عالمده‌ییک،
هر چیچک بیر نازنین، هر غؤنچه بیر جانانه‌دیر.
«واحید»ام من، سئوگیلیم! مندن خیانت گؤرمزسن،
شاعیرم، عشقیم ده اؤز قلبیم کیمی مردانه‌دیر...
#علی‌آقا_واحید
#شعر_اوجاغی
@SheirOcagi
▫️سنسیز
عشقین منی دؤندردی، گولوم! بولبوله سنسیز،
کؤنلوم توتولار، باخسـام اگر بیر گوله سنسیز.
زولفون اوجو گؤستردی منه عشق کمندین،
دوشدوم یئنه مجنون کیمی دیلدن-دیله سنسیز.
بیر گون اوزونون هیجری، بیر آی اولدو گؤزومده،
زولفوندن اوزاق، دؤندو گئجه‌م بیر ایله سنسیز.
لئیلاسی اوچـون دؤزمه‌دی بیر مؤحنته مجنون،
حاقّ عاشیقی‌یم، دؤزموشم هر موشکوله سنسیز.
هر عاشیقین اؤز یارینه‌دیر مئیلی، منیم ده،
مئیلیم گوله یوخدور، هوسیم سونبوله سنسیز.
گؤز یاشی ایله بسله‌دیییم نخلِ اومیدیم،
گلمز گؤزلیم! -مین گول آچا- حاصیله سنسیز.
سن گؤرسن اگر «واحید»ی، رحمین گلر، ای گول!
بیچاره ائدیر آه و فغان بیر بئله سنسیز...
#علی‌آقا_واحید
@SheirOcagi
عشقین منی دؤندردی، گولوم! بولبوله سنسیز،
کؤنلوم توتولار، باخسـام اگر بیر گوله سنسیز.
زولفون اوجو گؤستردی منه عشق کمندین،
دوشدوم یئنه مجنون کیمی دیلدن-دیله سنسیز.
بیر گون اوزونون هیجری، بیر آی اولدو گؤزومده،
زولفوندن اوزاق، دؤندو گئجه‌م بیر ایله سنسیز.
لئیلاسی اوچـون دؤزمه‌دی بیر مؤحنته مجنون،
حاقّ عاشیقی‌یم، دؤزموشم هر موشکوله سنسیز.
هر عاشیقین اؤز یارینه‌دیر مئیلی، منیم ده،
مئیلیم گوله یوخدور، هوسیم سونبوله سنسیز.
گؤز یاشی ایله بسله‌دیییم نخلِ اومیدیم،
گلمز گؤزلیم! -مین گول آچا- حاصیله سنسیز.
سن گؤرسن اگر «واحید»ی، رحمین گلر، ای گول!
بیچاره ائدیر آه و فغان بیر بئله سنسیز...
#علی‌آقا_واحید
@SheirOcagi
▫️بيلمم بو نازنين کيمين ایستکلی ياری‌دير،
يا هانسی بختيارلارين بختياری‌دير.
آچديقجا گول جمالينی، ائللر فرح‌لنير،
گويا، گؤزللیک عالمينين نوباهاری‌دير.
دونيا بو نازنين مله‌يين حسرتين چکير،
خلقين سئویملی آفتی، هم شهرياری‌دیر.
يوز دفعه يانساق عشق اودونا، قورخو بيلمريک،
چونکی دياريميز بيزيم، اودلار دياری‌دیر.
بير واخت سجده‌گاه ايدی آتش‌پرستلره،
شهرِ صبا کی، مرکزی دريا کناری‌دير.
قان ائتمه ساقی باغريميزی، باده تئز گتير!
دولدور قدحلری، گئجه‌ميز کئچدی، ياری‌دير.
هر کيم دئييرسه: «سئومه بو رعنا گؤزللری!»
بيلمير کی، سئوگی عالمِ بی‌اختياری‌دير.
بير گون گلر کی، من گئده‌رم، خلق سؤيله‌ير:
بيچاره «واحيد»ين بو غزل يادگاری‌دير...
#علی‌آقا_واحید
@SheirOcagi
يا هانسی بختيارلارين بختياری‌دير.
آچديقجا گول جمالينی، ائللر فرح‌لنير،
گويا، گؤزللیک عالمينين نوباهاری‌دير.
دونيا بو نازنين مله‌يين حسرتين چکير،
خلقين سئویملی آفتی، هم شهرياری‌دیر.
يوز دفعه يانساق عشق اودونا، قورخو بيلمريک،
چونکی دياريميز بيزيم، اودلار دياری‌دیر.
بير واخت سجده‌گاه ايدی آتش‌پرستلره،
شهرِ صبا کی، مرکزی دريا کناری‌دير.
قان ائتمه ساقی باغريميزی، باده تئز گتير!
دولدور قدحلری، گئجه‌ميز کئچدی، ياری‌دير.
هر کيم دئييرسه: «سئومه بو رعنا گؤزللری!»
بيلمير کی، سئوگی عالمِ بی‌اختياری‌دير.
بير گون گلر کی، من گئده‌رم، خلق سؤيله‌ير:
بيچاره «واحيد»ين بو غزل يادگاری‌دير...
#علی‌آقا_واحید
@SheirOcagi
▫️ائوده قالیب.
دئدی اول یار منه: دفتریمیز ائوده قالیب،
عشقه داییر یازیلان سؤزلریمیز، ائوده قالیب.
ناز ایله، قاش-گؤز ایله، جان آلیریق عاشیقدن،
ائو ییخان، قان آخیدان خنجریمیز، ائوده قالیب.
بو گؤزللیک‌له کی، بیز ناز ایله مین جان آلیریق،
هله بیزدن ده گؤزل دلبریمیز، ائوده قالیب.
چشمِ جادوموزا حئیران اولان عاشیق چوخد‌ور،
فتنه‌لر یاغدیران آفت‌لریمیز ائوده قالیب.
بیز اسیر ائیله‌میشیک زولف ایله بیچاره‌لری،
نئچه مجنونِ وفاپروَریمیز ائوده قالیب.
شیخ صنعان کیمی عاشیقلری، یولدان چیخاران،
دین و دل غارت ائدن کافریمیز ائوده قالیب.
هله من «واحید»ی‌یم آذربایجانیمیزین،
آتشِ عشقـه یانان آذریمیز ائوده قالیب...
#علی‌آقا_واحید
#شعر_اوجاغی
@SheirOcagi
دئدی اول یار منه: دفتریمیز ائوده قالیب،
عشقه داییر یازیلان سؤزلریمیز، ائوده قالیب.
ناز ایله، قاش-گؤز ایله، جان آلیریق عاشیقدن،
ائو ییخان، قان آخیدان خنجریمیز، ائوده قالیب.
بو گؤزللیک‌له کی، بیز ناز ایله مین جان آلیریق،
هله بیزدن ده گؤزل دلبریمیز، ائوده قالیب.
چشمِ جادوموزا حئیران اولان عاشیق چوخد‌ور،
فتنه‌لر یاغدیران آفت‌لریمیز ائوده قالیب.
بیز اسیر ائیله‌میشیک زولف ایله بیچاره‌لری،
نئچه مجنونِ وفاپروَریمیز ائوده قالیب.
شیخ صنعان کیمی عاشیقلری، یولدان چیخاران،
دین و دل غارت ائدن کافریمیز ائوده قالیب.
هله من «واحید»ی‌یم آذربایجانیمیزین،
آتشِ عشقـه یانان آذریمیز ائوده قالیب...
#علی‌آقا_واحید
#شعر_اوجاغی
@SheirOcagi
▫️یالوارما!...
کونول، وفاسیز اولان نازلی یاره یالوارما!
نه اعتبار اونا؟ بی‌اعتباره یالوارما!
داریخما! یاخشی-یامان روزگاریمیز گئچه‌جک،
بو بئش گون عؤمره گؤره روزگاره یالوارما!
سنین ده بیر گون اولار نوبهارین، ائی بولبول!
خزان جفاسینا صبر ائیله، خاره یالوارما!
فقیره، عاجیزه، مظلومه احترام ائیله،
عدویه، قان ایچنه، ظولمکاره یالوارما!
وطن یولوندا اؤلوم مرد اوچون سعادت‌دیر،
حیات اوچون فلکِ کج‌مداره یالوارما!
مُخالف اهلینه باش اَیمه، سن ده «منصور» اول!
«اناالحق» اوسته چکیلسن ده داره، یالوارما!
نه اولدو دولتِ جمشید، مُلکِ اسکندر؟
نه تاجداره، نه بیر شهریاره یالوارما!
اگر حیاتینی «واحید!»، خوش ائتمک ایسترسن،
نه گول جفاسینی چک، نه ده خاره یالوارما!..
#علی‌آقا_واحید
@SheirOcagi
کونول، وفاسیز اولان نازلی یاره یالوارما!
نه اعتبار اونا؟ بی‌اعتباره یالوارما!
داریخما! یاخشی-یامان روزگاریمیز گئچه‌جک،
بو بئش گون عؤمره گؤره روزگاره یالوارما!
سنین ده بیر گون اولار نوبهارین، ائی بولبول!
خزان جفاسینا صبر ائیله، خاره یالوارما!
فقیره، عاجیزه، مظلومه احترام ائیله،
عدویه، قان ایچنه، ظولمکاره یالوارما!
وطن یولوندا اؤلوم مرد اوچون سعادت‌دیر،
حیات اوچون فلکِ کج‌مداره یالوارما!
مُخالف اهلینه باش اَیمه، سن ده «منصور» اول!
«اناالحق» اوسته چکیلسن ده داره، یالوارما!
نه اولدو دولتِ جمشید، مُلکِ اسکندر؟
نه تاجداره، نه بیر شهریاره یالوارما!
اگر حیاتینی «واحید!»، خوش ائتمک ایسترسن،
نه گول جفاسینی چک، نه ده خاره یالوارما!..
#علی‌آقا_واحید
@SheirOcagi
▫️ظولم ائیله‌مک عشق اهلینه، جانا، نه اوچون‌دور؟!
عاشق کی وئریر جانینی... جانانه اوچون‌دور.
سئومز او قارا زولفونو هئچ کیمسه منیم‌تک،
زنجیره هوس، عشقده، دیوانه اوچون‌دور.
خلق اولمامیسان عاشقی اینجیتمه‌یه، ظالم!
باخ، گؤر، بو گؤزللیک سنه، آیا نه اوچون‌دور!
هر عاشقین اؤز سئودیگی معشوقه‌سی واردیر،
گول بولبول اوچون، شمع ایسه پروانه اوچون‌دور.
زاهید بوراخیب مسجیدی، مئیخانه‌یه گلمز،
بایقوش یاراناندان بری ویرانه اوچون‌دور.
«واحید!» منی سردفترِ عشق ایچره یازیبلار،
«مجنون» سؤزو دیللرده بیر افسانه اوچون‌دور.
#علی‌آقا_واحید
#شعر_اوجاغی
@SheirOcagi
عاشق کی وئریر جانینی... جانانه اوچون‌دور.
سئومز او قارا زولفونو هئچ کیمسه منیم‌تک،
زنجیره هوس، عشقده، دیوانه اوچون‌دور.
خلق اولمامیسان عاشقی اینجیتمه‌یه، ظالم!
باخ، گؤر، بو گؤزللیک سنه، آیا نه اوچون‌دور!
هر عاشقین اؤز سئودیگی معشوقه‌سی واردیر،
گول بولبول اوچون، شمع ایسه پروانه اوچون‌دور.
زاهید بوراخیب مسجیدی، مئیخانه‌یه گلمز،
بایقوش یاراناندان بری ویرانه اوچون‌دور.
«واحید!» منی سردفترِ عشق ایچره یازیبلار،
«مجنون» سؤزو دیللرده بیر افسانه اوچون‌دور.
#علی‌آقا_واحید
#شعر_اوجاغی
@SheirOcagi
▫️مینلرجه گؤزل اولسا دا هر میلّت ایچینده،
اولماز سنه بنزر، گؤزلیم، خلقت ایچینده.
هجرینده نه‌لر چکدیگیمی، وصلینه یئتسم،
بیر-بیر سنه عرض ائیله‌یه‌رم صؤحبت ایچینده.
اول زلفِ پریشانه او گوندن کی اسیرم،
مجنون دئییلیر آدیما جمعیّت ایچینده.
کویوندا صفا چکمه‌یه یول وئرمه رقیبه!
یوخدور یئری خائین آدامین جنّت ایچینده.
بیگانه سؤزون آچما منه، غوصّه‌دن اؤللَم،
بیماره ایچیرتمه زهَری شربت ایچینده!
مین جاذبه واردیر، گؤزَلیم، مست گؤزونده،
اینسان سنه باخدیقجا قالیر حئیرت ایچینده.
«واحید!» منی هردم کی گؤروب دیندیریر اول شوخ،
کؤنلوم آچیلیر، روحوم اوچور لذّت ایچینده.
#علی‌آقا_واحید
#شعر_اوجاغی
@SheirOcagi
اولماز سنه بنزر، گؤزلیم، خلقت ایچینده.
هجرینده نه‌لر چکدیگیمی، وصلینه یئتسم،
بیر-بیر سنه عرض ائیله‌یه‌رم صؤحبت ایچینده.
اول زلفِ پریشانه او گوندن کی اسیرم،
مجنون دئییلیر آدیما جمعیّت ایچینده.
کویوندا صفا چکمه‌یه یول وئرمه رقیبه!
یوخدور یئری خائین آدامین جنّت ایچینده.
بیگانه سؤزون آچما منه، غوصّه‌دن اؤللَم،
بیماره ایچیرتمه زهَری شربت ایچینده!
مین جاذبه واردیر، گؤزَلیم، مست گؤزونده،
اینسان سنه باخدیقجا قالیر حئیرت ایچینده.
«واحید!» منی هردم کی گؤروب دیندیریر اول شوخ،
کؤنلوم آچیلیر، روحوم اوچور لذّت ایچینده.
#علی‌آقا_واحید
#شعر_اوجاغی
@SheirOcagi
▫️بيلديم كی بو نازيندان بير لحظه دايانمازسان،
كؤنلومده اولان درده هرگز سن اينانمازسان.
معناسی نه‌دير دوشسم تورپاغينا ذلّت‌له؟
اؤپسم ده آياغيندان، بير حاليما يانمازسان.
سوز وئرميش ایدين كامه، امّا نه بو تئزليكله؛
بير عؤمر کئچيب گئتدی، اؤز وعده‌نی آنمازسان.
بیر بوسه وئریب، چکدین اوندان دا پشیمانلیق،
بیر ده بئله بیر سهوین آردینجا دولانمازسان.
من اؤلمه‌لی اولسام دا، باری سن اؤزون اؤلدور!
لاكين، بيليرم، لطفاً قانيما بولانمازسان.
خاقانی'نين هردن بير دؤيدون قاپیسين، گؤردون:
قان منزلينی باسميش؛ قاچدين دا، دایانمازسان.
«خاقانی!» اؤز عشقينده ثابيت قدم اول، جان قوی!
باش گئتمه‌سه بو يولدا، وصلينی قازانمازسان.
#خاقانی_شیروانی
ترجومه: #علی‌آقا_واحید
@SheirOcagi
كؤنلومده اولان درده هرگز سن اينانمازسان.
معناسی نه‌دير دوشسم تورپاغينا ذلّت‌له؟
اؤپسم ده آياغيندان، بير حاليما يانمازسان.
سوز وئرميش ایدين كامه، امّا نه بو تئزليكله؛
بير عؤمر کئچيب گئتدی، اؤز وعده‌نی آنمازسان.
بیر بوسه وئریب، چکدین اوندان دا پشیمانلیق،
بیر ده بئله بیر سهوین آردینجا دولانمازسان.
من اؤلمه‌لی اولسام دا، باری سن اؤزون اؤلدور!
لاكين، بيليرم، لطفاً قانيما بولانمازسان.
خاقانی'نين هردن بير دؤيدون قاپیسين، گؤردون:
قان منزلينی باسميش؛ قاچدين دا، دایانمازسان.
«خاقانی!» اؤز عشقينده ثابيت قدم اول، جان قوی!
باش گئتمه‌سه بو يولدا، وصلينی قازانمازسان.
#خاقانی_شیروانی
ترجومه: #علی‌آقا_واحید
@SheirOcagi
▫️بیر زامان من ده اسیرِ رهِ میخانه ایدیم،
هوسِ باده ایله عاشق پیمانه ایدیم.
بیر دقیقه یئره دوشمزدی الیمدن باده،
گؤزلرین شؤوقو ایله اؤیله کی مستانه ایدیم.
بوتون عؤمروم کئچیب عالمده شراب ایچمک ایله،
باده‌دن خالی اولان یئرلره بیگانه ایدیم.
ایندی تکلیفِ شراب ائیله‌مک آرتیق‌دی منه،
من کی میخانه‌ده بیر خانه‌سی ویرانه ایدیم.
شمعه پروانه یانیردی گئجه‌لر صوبحه کیمی،
من ده اؤز سئوگیلیمین شمعینه پروانه ایدیم.
چالیشیردیم ساچینین فیکری باشیمدان چیخسین،
گؤرمه‌سه‌یدیم سنی بیر گون، دلی-دیوانه ایدیم.
منی «واحید!» بو پری‌چؤهره‌لر ائتمیشدی اسیر،
من ده مجنون کیمی دیللرده بیر افسانه ایدیم.
#علی‌آقا_واحید
#شعر_اوجاغی
@SheirOcagi
هوسِ باده ایله عاشق پیمانه ایدیم.
بیر دقیقه یئره دوشمزدی الیمدن باده،
گؤزلرین شؤوقو ایله اؤیله کی مستانه ایدیم.
بوتون عؤمروم کئچیب عالمده شراب ایچمک ایله،
باده‌دن خالی اولان یئرلره بیگانه ایدیم.
ایندی تکلیفِ شراب ائیله‌مک آرتیق‌دی منه،
من کی میخانه‌ده بیر خانه‌سی ویرانه ایدیم.
شمعه پروانه یانیردی گئجه‌لر صوبحه کیمی،
من ده اؤز سئوگیلیمین شمعینه پروانه ایدیم.
چالیشیردیم ساچینین فیکری باشیمدان چیخسین،
گؤرمه‌سه‌یدیم سنی بیر گون، دلی-دیوانه ایدیم.
منی «واحید!» بو پری‌چؤهره‌لر ائتمیشدی اسیر،
من ده مجنون کیمی دیللرده بیر افسانه ایدیم.
#علی‌آقا_واحید
#شعر_اوجاغی
@SheirOcagi
▫️اولسا ایدی اثری ناله و افغانیمیزین
یئنه بیر رحمی گلردی بیزه جانانیمیزین.
آغلادیق صبح آچیلینجا گئجه‌لر کویوندا،
اۆزۆ گولسون بیزه بلکه مهِ تابانیمیزین.
بیزه هجران گونو ظلمت گئجه، گوندوز کیمی‌دیر،
ائله روشن‌دی چراغی، دلِ سوزانیمیزین.
نازنین حوری‌لقالار بورویوب دونیانی،
بوندان آرتیق نه‌یی وار روضه‌ی رضوانیمیزین؟!
خمِ ابرولرین اوخشاتدیق هلاله او مهین،
عوذرو مقبول دئییل عالمده بو نقصانیمیزین.
چکدیک، افسوس، عبث زولفو سیَه‌لر فکرین،
سببی بیر ده بودور حالِ پریشانیمیزین.
بو تفاخر منه «واحید!»، یئتر اؤلسم ده اگر،
من ده بیر شاعری‌یم آزربایجانیمیزین.
#علی‌آقا_واحید
#شعر_اوجاغی
@SheirOcagi
یئنه بیر رحمی گلردی بیزه جانانیمیزین.
آغلادیق صبح آچیلینجا گئجه‌لر کویوندا،
اۆزۆ گولسون بیزه بلکه مهِ تابانیمیزین.
بیزه هجران گونو ظلمت گئجه، گوندوز کیمی‌دیر،
ائله روشن‌دی چراغی، دلِ سوزانیمیزین.
نازنین حوری‌لقالار بورویوب دونیانی،
بوندان آرتیق نه‌یی وار روضه‌ی رضوانیمیزین؟!
خمِ ابرولرین اوخشاتدیق هلاله او مهین،
عوذرو مقبول دئییل عالمده بو نقصانیمیزین.
چکدیک، افسوس، عبث زولفو سیَه‌لر فکرین،
سببی بیر ده بودور حالِ پریشانیمیزین.
بو تفاخر منه «واحید!»، یئتر اؤلسم ده اگر،
من ده بیر شاعری‌یم آزربایجانیمیزین.
#علی‌آقا_واحید
#شعر_اوجاغی
@SheirOcagi
▫️ائی گؤزل! سن گؤرن اول عاشقِ نالان دئییلم،
او خومار گؤزلره بوندان سونرا حئیران دئییلم.
ایندی گئت حسرتینی باشقا بیر عاشیق چکسین!
بیر ده سئوسم سنی، سؤز وئرمیشم اینسان دئییلم.
گز، دولان، سئیر ائله اؤز سئودیگین عاشیقلر ایله،
اوره‌ییندن نه کئچر، ائیله! پشیمان دئییلم.
سنده بیر آزجا گؤزللیک، ایکی قاش-گؤز واردیر،
بی‌وفاسان، دئمیشم عالمه، قورخان دئییلم.
گؤزله‌مکدن یولونو یاخشی قورتاردیم اؤزومو،
ایندی هئچ بیر گؤزل عشقینده نیگاران دئییلم.
کؤنلومو گوجله خیلاص ائیله‌میشم زولفوندن،
داها خاطیرجمعم، عشقینده پریشان دئییلم.
«واحید»ام، ایندی صداقتلی گؤزل‌لر سئویرم،
هر وفاسیز گؤزَلین حوسنونه قوربان دئییلم.
#علی‌آقا_واحید
#شعر_اوجاغی
@SheirOcagi
او خومار گؤزلره بوندان سونرا حئیران دئییلم.
ایندی گئت حسرتینی باشقا بیر عاشیق چکسین!
بیر ده سئوسم سنی، سؤز وئرمیشم اینسان دئییلم.
گز، دولان، سئیر ائله اؤز سئودیگین عاشیقلر ایله،
اوره‌ییندن نه کئچر، ائیله! پشیمان دئییلم.
سنده بیر آزجا گؤزللیک، ایکی قاش-گؤز واردیر،
بی‌وفاسان، دئمیشم عالمه، قورخان دئییلم.
گؤزله‌مکدن یولونو یاخشی قورتاردیم اؤزومو،
ایندی هئچ بیر گؤزل عشقینده نیگاران دئییلم.
کؤنلومو گوجله خیلاص ائیله‌میشم زولفوندن،
داها خاطیرجمعم، عشقینده پریشان دئییلم.
«واحید»ام، ایندی صداقتلی گؤزل‌لر سئویرم،
هر وفاسیز گؤزَلین حوسنونه قوربان دئییلم.
#علی‌آقا_واحید
#شعر_اوجاغی
@SheirOcagi
▫️غم چکمه کؤنول، مجلسه جانان یئنه گلدی!
بو قالبِ بی‌روحه وئرن جان یئنه گلدی.
بیر نئچه گون اولموشدو گونوم تیره غمیندن،
شاد ائتدی منی اول مهِ تابان، یئنه گلدی.
آهسته یاغیب باشینا اؤز لشکرِ زولفون،
کؤنلوم ائوینی ائتمه‌یه ویران، یئنه گلدی.
«سال بوینوما -جانانا دئدیم- حلقه‌ی زولفون»،
گولدو، دئدی «دیوانه‌ی دؤوران یئنه گلدی.»
«فرهاد»ا دئیین، ائیله‌مه‌سین داغدا فریاد!
بو مجلسه اول خسروِ خوبان یئنه گلدی.
قان آغلاما، بلبل، دخی گلزار هوَسینده!
ایّامِ خزان کئچدی، گلستان یئنه گلدی.
«واحید!» بیلیر عالم منی، اول زولفه اسیرم،
سن چوخ دئمه «مجنونِ بیابان یئنه گلدی»!
#علی‌آقا_واحید
#شعر_اوجاغی
@SheirOcagi
بو قالبِ بی‌روحه وئرن جان یئنه گلدی.
بیر نئچه گون اولموشدو گونوم تیره غمیندن،
شاد ائتدی منی اول مهِ تابان، یئنه گلدی.
آهسته یاغیب باشینا اؤز لشکرِ زولفون،
کؤنلوم ائوینی ائتمه‌یه ویران، یئنه گلدی.
«سال بوینوما -جانانا دئدیم- حلقه‌ی زولفون»،
گولدو، دئدی «دیوانه‌ی دؤوران یئنه گلدی.»
«فرهاد»ا دئیین، ائیله‌مه‌سین داغدا فریاد!
بو مجلسه اول خسروِ خوبان یئنه گلدی.
قان آغلاما، بلبل، دخی گلزار هوَسینده!
ایّامِ خزان کئچدی، گلستان یئنه گلدی.
«واحید!» بیلیر عالم منی، اول زولفه اسیرم،
سن چوخ دئمه «مجنونِ بیابان یئنه گلدی»!
#علی‌آقا_واحید
#شعر_اوجاغی
@SheirOcagi