▫️اگر یارسان، گل سارماشاق قول-بویون!
دوروب دالدالاردان باخماغین نه‌دیر؟!
یار دئییلسن، چک آیاغین، گئری دور!
جانیمی اودلارا یاخماغین نه‌دیر؟!
عشق سئوداسینا، هئچ کس «پیس» دئمز،
«محبّت یولوندان آیاق کس!» دئمز.
گؤز گؤرمه‌سه، دلی کؤنول ایسته‌مز،
بزه‌نیب قارشیما چیخماغین نه‌دیر؟!
«واقف»ین باغرینی قانا دؤندردین،
سگ رقیبی اوستوموزه اندردین.
منه گیزلین بیر نیشانه گؤندردین،
آشکارا باشیما قاخماغین نه‌دیر؟!
#موللاپناه_واقف
#شعر_اوجاغی
@SheirOcagi
دوروب دالدالاردان باخماغین نه‌دیر؟!
یار دئییلسن، چک آیاغین، گئری دور!
جانیمی اودلارا یاخماغین نه‌دیر؟!
عشق سئوداسینا، هئچ کس «پیس» دئمز،
«محبّت یولوندان آیاق کس!» دئمز.
گؤز گؤرمه‌سه، دلی کؤنول ایسته‌مز،
بزه‌نیب قارشیما چیخماغین نه‌دیر؟!
«واقف»ین باغرینی قانا دؤندردین،
سگ رقیبی اوستوموزه اندردین.
منه گیزلین بیر نیشانه گؤندردین،
آشکارا باشیما قاخماغین نه‌دیر؟!
#موللاپناه_واقف
#شعر_اوجاغی
@SheirOcagi
▫️هر گئدن گلمیش، منیم اول غمگساریم گلمه‌میش،
ای گؤزوم، قان آغلا کیم، چشمی خماریم گلمه‌میش!
گئتمیش ایدی اختیاریم بیله‌سینجه یاریمین،
چونکی یاریم گلمه‌میش، هم اختیاریم گلمه‌میش.
من بو درد ایله اگر اؤلسم، مزارا قویمایین،
اوستومه اول طوطی‌دیللی، شوخ نگاریم گلمه‌میش!
حسرتیندن زعفرانه دؤنسه رویوم، یوخ عجب،
قویموش هجراندا منی بیر گلعذاریم، گلمه‌میش.
دئمه‌سین «واقف!» اجل، کیم گلسه مندن جان آلار!
کیم‌دیر اونا جان وئرن، فرمانِ یاریم گلمه‌میش؟
#موللاپناه_واقف
#شعر_اوجاغی
@SheirOcagi
ای گؤزوم، قان آغلا کیم، چشمی خماریم گلمه‌میش!
گئتمیش ایدی اختیاریم بیله‌سینجه یاریمین،
چونکی یاریم گلمه‌میش، هم اختیاریم گلمه‌میش.
من بو درد ایله اگر اؤلسم، مزارا قویمایین،
اوستومه اول طوطی‌دیللی، شوخ نگاریم گلمه‌میش!
حسرتیندن زعفرانه دؤنسه رویوم، یوخ عجب،
قویموش هجراندا منی بیر گلعذاریم، گلمه‌میش.
دئمه‌سین «واقف!» اجل، کیم گلسه مندن جان آلار!
کیم‌دیر اونا جان وئرن، فرمانِ یاریم گلمه‌میش؟
#موللاپناه_واقف
#شعر_اوجاغی
@SheirOcagi