آراز آراز
به یاد #صمد_بهرنگی

با صدای #محمدعلی_پرخواه

این سروده، بعد از غرق شدن صمد بهرنگی در رود آراز (ارس) ، بر مبنای یک افسانه ی محلی توسط #بهمن_زمانی ساخته شد .


آراز آراز خان آراز!
سولطان آراز خان آراز!
سنی گوروم یاناسان
ائل دردینی قان آراز!
آراز سندن کیم کئچدی؟
کیم غرق اولدو کیم کئچدی؟
فلک گل ثابیت ائیله:
هانسی گونوم خوش گئچدی؟
عزیزیم آی هارایلار!
هر اولدوزلار هر آیلار
چیمنده بیر گول بیتیب،
سوسوزوندان هارایلار
صمد گلیر گوله گوله
دؤشونده باخ قیزیل گوله
هر الینده دورد کیتاب
دؤنده ریب تورکو دیله...

@SheirOcagi

▫️منیم دردیم گؤلمه چه چپَری دئییل.
منیم دردیم، کؤنلوندن «دنیز» دوشونجه سی کئچمه ین بالیقلارلا بیرلیکده یاشاماق دیر...

#صمد_بهرنگی
چئویردی: #شعر_اوجاغی
@SheirOcagi

▫️اون بیر مین دوققوز یوز دوخسان دوققوز بالاجا بالیق، «خئیرلی گئجه لر» دئییب یاتدیلار‌؛ بؤیوک آنانی دا یوخو آپاردی؛ آنجاق بیر بالاجا قیرمیزی بالیق هر نه ائتدی یوخوسو گلمه دی، گئجه صوبحه قدر فقط دنیزین فیکرینده ایدی...

📚 بالاجا قارا بالیق
#صمد_بهرنگی
@SheirOcagi

▫️بوگون زومار آیینین دوققوزو‌ #صمد_بهرنگی نین اؤلوم ایل دؤنومودور

#صمد_بهرنگی کیمی دَیرلی و غنیمت بیر وجود الدن گئدنده، ساده جه ایپدن بیر ساپ کسیلمیر، ساده جه زنجیردن بیر حالقا قیریلمیر، ساده جه بیر دؤیوشچو تورپاغا دوشمور؛
بلکه، اونون ایتیمی بیزه اؤده نیلمز بیر بوشلوق یارادیر و توپلوموموزا بؤیوک بیر زیان دیر.
بئله دیر...
ائله بونا گؤره آرتیرمالییق کی:
”صمد»ین یئرینی بیر آیری «صمد»له دولدورماغی باشارماماق و هله ده بیزیم توپلوم اولدوغونو ایددیعا ائتمک، توپلوما، روسوایچیلیغین سون نوقطاسی دیر.
بو بیر آیری قونودور...
آنجاق گئرچه یه سایغی گؤستریریک سه، گئرچک بودورکی «صمد» بیزدن دئییل
گئرچک بودورکی اونو، اؤلومسوز و قورتولموش اینسانلاردان سایاق.
گنجلییین لاپ ایستی واختیندا «آراز»ین سویوق سویونا گیرمه ییب نوح عؤمورو ائله ییب نورمال اؤلومله اؤلسه یدی بئله...

#احمد_شاملو
#صمد_بهرنگی نین حاققیندا
چئویردی:
#شعر_اوجاغی
@SheirOcagi

▫️گؤبلک کیمی آتاسیز-آناسیز دوغولمادیم...
گؤبلک کیمی بؤیودوم. آنجاق گؤبلک کیمی تئز ییخیلمادیم. هر یئرده بیر شئه وار ایدی اؤزومه چکدیم. منی سووارماغا کیمسه اولمادی...
بؤیودوم... اییده آغاجی کیمی اَیری-اویرو و آز سویا راضی،
و اولدوم آزربایجان کندلرینین اؤیرتمنی. آتام دئییر: ایرانی، ایرانلی‌لار آراسیندا بؤلسه‌نیز، سنین پایینا بوندان آرتیق دوشمز....

#صمد_بهرنگی
چئویری
#شعر_اوجاغی
@SheirOcagi

▫️اؤلوم، چوخ قولای سوراغیما گله بیلر؛ آنجاق من باجاردیغیم قدر یاشایاجاغام. اؤلومو قارشیلامامالی‌یام؛ البتّه بیر زامان ناچارلیقدان اؤلوم‌له اوز به اوز اولسام -کی اولاجاغام- اؤنملی دئییل. اؤنملی اولان، منیم حیاتیم یوخسا اؤلومومون، باشقالارین حیاتیندا بوراخدیغی ائتکی دیر....

📚 بالاجا قارا بالیق
#صمد_بهرنگی
#شعر_اوجاغی
@SheirOcagi

▫️آتش بؤجه‌یی دئدی: دووشان یولداش! من همشه باشقالارین قارانلیق دونیاسینی آیدینلاشدیرماغا، مئشه‌نی ایشیقلاندیرماغا چالیشیرام، باخمایاراق کی بعضی حئیوانلار منی لاغا قویوب «بیر گول ایله باهار اولماز، سن بوشونا، دیَرسیز ایشیغینلا قارانلیق مئشه‌نی ایشیقلاندیرماغا چالیشیرسان‌» دئییر.
دووشان دئدی: بو سؤز اسکی‌لرین سؤزودور، بیز ده دئییریک: «هر ایشیق، نه قدر ده آز اولسا، سونوندا ایشیق‌دیر...»

📚اولدوز و دانیشان قولچاق
#صمد_بهرنگی
#شعر_اوجاغی
@SheirOcagi

▫️منجه آداملارین اؤزلریندن بیر-بیرینه یادیگار قویدوغو ذهنیّت هر شئیدن داها اؤنملی‌دیر.
یوخسا هامی گلیب بیر گون گئده‌جک...

#صمد_بهرنگی
#شعر_اوجاغی
@SheirOcagi

▫️داها آراز اوسته گمی گلمه‌دی،
آی اوشاقلار! صمد عمی گلمه‌دی...

#زومارآیینین_دوققوزونجو_گونو
#آراز
#صمد_بهرنگی

#شعر_اوجاغی
@SheirOcagi

▫️اوشاغا آد قویولان گون، آتام اوچ کاغیذ تیکه‌سینین اوستونده اوچ آد یازدی. کاغیذی قاتلاییب یئره قویدو. بؤیوک باجیم زری، کاغیذین بیرینی گؤتوروب آتاما وئردی‌. آتام کاغیذی آچیب اوجا سسله اوخودو «صمد»
بئله‌لیکله عائیله‌نین ایکینجی اوغلونون آدی «صمد» اولدو.
۱۳۱۸-جی ایلین قورا بیشیرن آیی، «صمد»ین اؤلوموندن سونرا آنام دئییردی «کاش اونون آدینی صمد قویمایایدیق، هر ناماز قیلاندا خاطیره‌سی تزه‌له‌نیر، اوره‌ییم یانیر، چاشیرام».
آمّا داها بیر ایش گؤره بیلمزدیک؛ او «صمد» اولاراق گلیب، «صمد» اولاراق گئتمیشدی...

📚 قارداشیم «صمد بهرنگی»
#اسد_بهرنگی
#شعر_اوجاغی

بوگون #صمد_بهرنگی-نین دوغوم گونودور
@SheirOcagi

▫️آتا-آناسیز دوغولمادیم گؤبه‌لک کیمی.
گؤبه‌لک کیمی بؤیودوم، آما گؤبه‌لک کیمی تئز ییخیلمادیم. هر یئرده بیر شئه وار ایدی، ایچیمه چکدیم؛ منی سوواران کیمسه اولمادی.
بؤیودوم... اییده آغاجی کیمی اَیری-بویرو، آز سویا راضی و آزربایجان کندلرینین اؤیرتمنی اولدوم.
آتام دئییر: ایرانی ایرانلی‌لار آراسیندا بؤلسه‌‌یدیلر، سنین پایینا بوندان آرتیق دوشمزدی.

#صمد_بهرنگی
#شعر_اوجاغی
@SheirOcagi