▫️قاپینی آچ!
قاپینی یویرَک آچ من قاییداندا،
آی قدیر بیلَنیم، اوزه گولَنیم!
باری اؤز قاپیما گلیب قوناندا،
آچار قاباغیما یۆیۆرسۆن منیم.
قاپیلار اؤنونده اوره‌ییم یانیب،
یولسوزلار داش اولوب یولو هؤرَنده.
اوزومه او قدر قاپی قاپانیب،
قورخورام قاپینی باغلی گؤرنده.
منیم خوشوم گلمیر سؤز بؤیوتمَکدن،
سؤزون ده یالانی اؤلوب-ایتیبدی.
قاپی قاباغیندا بۏیون بوکمَکدن،
آز قالا بوینوم دا اَیری بیتیبدی.
کۆرلۆک گؤره-گؤره کۆرکۆم اود آلیر،
آریلیق اؤیره‌دیر آد-سانی کیرلی.
کسیب قاپیلاری های-هارای سالیر،
بوللورا بۆرۆنن قیزیل زنجیرلی.
قاپی قاباغیندا قارالدی قانیم،
اؤیره‌شه بیلمه‌دیم دوزو دانماغا.
اؤیرشدی وارلیغیم، گونوم، گومانیم،
قانماز قاپیسیندا دۏنوب-دورماغا.
یۏرولدو، دیرَندی دیری‌باش دیلک،
دونیادان ایری‌یمیش کئچیلمز قۏروق.
اؤلوم کیلیدلری اؤنه سریلجک،
آسیلی قالیریق، آدسیز اولوروق.
باغلیجا قاپیلار باغری چاتلادیر،
بعضاً ده اؤلومدن قاچیرام بیرباش.
ارکیم بیر ائویمه، بیر سنه چاتیر،
قاپینی یویرَک آچ، ایستَکلی سیرداش!
#آغا_لاچینلی
#شعر_اوجاغی
@SheirOcagi
قاپینی یویرَک آچ من قاییداندا،
آی قدیر بیلَنیم، اوزه گولَنیم!
باری اؤز قاپیما گلیب قوناندا،
آچار قاباغیما یۆیۆرسۆن منیم.
قاپیلار اؤنونده اوره‌ییم یانیب،
یولسوزلار داش اولوب یولو هؤرَنده.
اوزومه او قدر قاپی قاپانیب،
قورخورام قاپینی باغلی گؤرنده.
منیم خوشوم گلمیر سؤز بؤیوتمَکدن،
سؤزون ده یالانی اؤلوب-ایتیبدی.
قاپی قاباغیندا بۏیون بوکمَکدن،
آز قالا بوینوم دا اَیری بیتیبدی.
کۆرلۆک گؤره-گؤره کۆرکۆم اود آلیر،
آریلیق اؤیره‌دیر آد-سانی کیرلی.
کسیب قاپیلاری های-هارای سالیر،
بوللورا بۆرۆنن قیزیل زنجیرلی.
قاپی قاباغیندا قارالدی قانیم،
اؤیره‌شه بیلمه‌دیم دوزو دانماغا.
اؤیرشدی وارلیغیم، گونوم، گومانیم،
قانماز قاپیسیندا دۏنوب-دورماغا.
یۏرولدو، دیرَندی دیری‌باش دیلک،
دونیادان ایری‌یمیش کئچیلمز قۏروق.
اؤلوم کیلیدلری اؤنه سریلجک،
آسیلی قالیریق، آدسیز اولوروق.
باغلیجا قاپیلار باغری چاتلادیر،
بعضاً ده اؤلومدن قاچیرام بیرباش.
ارکیم بیر ائویمه، بیر سنه چاتیر،
قاپینی یویرَک آچ، ایستَکلی سیرداش!
#آغا_لاچینلی
#شعر_اوجاغی
@SheirOcagi
▫️ماما¹م، «ککلیک»ه
اۆزونه باخماغا گلمیشم، آنجاق،
گلمیشم ائوینده دوغمالیق دۇیؤم.
تئز سوفره بزه‌مه، بیر سؤزومه باخ،
دیزینی یاستیق ائت- باشیمی قویوم!
تا مؤحتاج دئییلم یاغلی تیکه‌نه،
بیر گؤروش آجی‌یام، ایستکلی ماما!
اون تاختا تومانی یئل‌لدیب یئنه،
اویوموش اوجاغی چوخ قوردالاما!
بو دؤنه یانیمدان اوزاغا گئتمه،
گل، آی آغ‌بیرچگیم، بیر ائشیت منی!
بو دؤنه اوشاغا قوزو ملَتمه،
بو دؤنه چیغیرتما تویوق-جوجه‌نی!
اوتوراق دیز-دیزه، اوووناق بیر آز،
دایاناق اوز-اوزه، کؤزرسین یارام.
قورخما، بو آغریدان عاغلیم آزیخماز!
قورخما، بو سئوینجدن دلی اولمارام!
گل یئنه باش چکک او قبیرلیگه!
داریخمیش داشلارا سیغیناق اوردا.
دوزو، گومانلی‌یام سونکی بیرلیگه،
آزیمیز بوردادی، چوخوموز گوردا.
پئریکن قوشلاریق، پرن-پرَنیک،
آی ماما! دیللَندی یارالی یادداش.
باخیشی یول اکَن یورولماز للیک!²
بیر سنسن، بیر یورددو، بیر اولو دام-داش.
او سولغون گؤزونده گؤزلری گزدیم،
ننه‌نین-بابانین ایشیغی سنده.
آدینی بیر بئله عزیز بیلمزدیم،
نسلین قوخوسو وار گول نفسینده.
ائه، منیم طالئعدن نه اوماجاغیم؟!
دئمیرم سۆد دولو آرخیم اولایدی.
درده توستو وئرن اودوم-اوجاغیم،
دردی دهره‌له‌ین آرخام اولایدی.
دئمیرم قایناشسین باللی آریلار،
دویغوم دا اؤزومله چوخ دؤیوشمه‌سین!
ایشیغا ییغیشان قوناق-قارالار،
بیزیم قاپیمیزا دوشمور- دوشمه‌سین!
قوردلار آرخاجی³ دا قورودوب آخی،
گؤزومه گؤرونمور او ائرکک تکه.
بیر ده قیزیل ناخیر، گؤی‌‌دمیر ایلخی⁴،
کیمی یاریتمیشدی- منی ده چکه؟!
کؤزریب کؤنلومون اؤرتولو یاسی،
قاریشماق ایسته‌رم اومو-کوسونه.
گل اوتور یانیمدا، آتام باجیسی!
گل اوتور، سیغینیم باجی کؤکسونه!
#آغا_لاچینلی
¹- آتانین باجیسی- بیبی
²- یورغون- الدن دوشموش
³- قویون-مال یاتاغی
⁴- آت سوروسو
#شعر_اوجاغی
@SheirOcagi
اۆزونه باخماغا گلمیشم، آنجاق،
گلمیشم ائوینده دوغمالیق دۇیؤم.
تئز سوفره بزه‌مه، بیر سؤزومه باخ،
دیزینی یاستیق ائت- باشیمی قویوم!
تا مؤحتاج دئییلم یاغلی تیکه‌نه،
بیر گؤروش آجی‌یام، ایستکلی ماما!
اون تاختا تومانی یئل‌لدیب یئنه،
اویوموش اوجاغی چوخ قوردالاما!
بو دؤنه یانیمدان اوزاغا گئتمه،
گل، آی آغ‌بیرچگیم، بیر ائشیت منی!
بو دؤنه اوشاغا قوزو ملَتمه،
بو دؤنه چیغیرتما تویوق-جوجه‌نی!
اوتوراق دیز-دیزه، اوووناق بیر آز،
دایاناق اوز-اوزه، کؤزرسین یارام.
قورخما، بو آغریدان عاغلیم آزیخماز!
قورخما، بو سئوینجدن دلی اولمارام!
گل یئنه باش چکک او قبیرلیگه!
داریخمیش داشلارا سیغیناق اوردا.
دوزو، گومانلی‌یام سونکی بیرلیگه،
آزیمیز بوردادی، چوخوموز گوردا.
پئریکن قوشلاریق، پرن-پرَنیک،
آی ماما! دیللَندی یارالی یادداش.
باخیشی یول اکَن یورولماز للیک!²
بیر سنسن، بیر یورددو، بیر اولو دام-داش.
او سولغون گؤزونده گؤزلری گزدیم،
ننه‌نین-بابانین ایشیغی سنده.
آدینی بیر بئله عزیز بیلمزدیم،
نسلین قوخوسو وار گول نفسینده.
ائه، منیم طالئعدن نه اوماجاغیم؟!
دئمیرم سۆد دولو آرخیم اولایدی.
درده توستو وئرن اودوم-اوجاغیم،
دردی دهره‌له‌ین آرخام اولایدی.
دئمیرم قایناشسین باللی آریلار،
دویغوم دا اؤزومله چوخ دؤیوشمه‌سین!
ایشیغا ییغیشان قوناق-قارالار،
بیزیم قاپیمیزا دوشمور- دوشمه‌سین!
قوردلار آرخاجی³ دا قورودوب آخی،
گؤزومه گؤرونمور او ائرکک تکه.
بیر ده قیزیل ناخیر، گؤی‌‌دمیر ایلخی⁴،
کیمی یاریتمیشدی- منی ده چکه؟!
کؤزریب کؤنلومون اؤرتولو یاسی،
قاریشماق ایسته‌رم اومو-کوسونه.
گل اوتور یانیمدا، آتام باجیسی!
گل اوتور، سیغینیم باجی کؤکسونه!
#آغا_لاچینلی
¹- آتانین باجیسی- بیبی
²- یورغون- الدن دوشموش
³- قویون-مال یاتاغی
⁴- آت سوروسو
#شعر_اوجاغی
@SheirOcagi
▫️دردیمه داغ چکدین، آ دوغما داغیم!
یادیما دوشمه‌دی قایغیمین آدی.
چینقیلی چیغیردان یالین آیاغیم،
یۏنۇلا-یۏنۇلا هئچ آغریمادی.
بره‌ده بسلَنمیش نزیک نرگیزیم،
اۇزۇن آیریلیق‌می سارالتدی سنی؟
آلین‌یازیمیز دا اوخشاردی بیزیم،
آ یول بنؤوشه‌سی، سئلاب سۆسَنی!
غوروب بویالیسان، آ نووروزگولو!
قوخونا قاریشدی قارین آغ بۇغو.
کؤکون داش اوستونده، جانین اۆزگۆ¹لۆ،
سیخدی وارلیغینی داش گۏبودلوغو.
آ تپه! چنیندن چال پاپاق قویام،
طاماهیم یئریمز دونیا مالینا.
بوداغی بودانمیش آلچا کۏلویام،
گونش جان سارییا، جالاق آلینا.
دؤشه قورخو سرَن سیوری² سیلدیریم،
یولومون آغزیندا آز دور، آز شینی!
دانیب قلبیمده‌کی چارپاز شؽریمؽ³،
یئنیدن باشلارام قورد یئریشینی.
هاوادا اوینایان هاوالی اۆرگه⁴،
گمینی گمیرمه، عاغیللی گزین!
بویونو سئوَندن چوخ اۆرکه-اۆرکه،
الینه کئچرسن قدیربیلمزین.
آ گؤزل تالادا اوتلایان جۆیۆر،
تانی یول گودَنی، بره کسَنی!
اووچون اویانمامیش اوستومه یۆیۆر!
اؤلومون گؤزوندن گیزله‌دیم سنی.
باتان گون، عؤمورون بئله گؤدک‌می؟!
سۆرۆیۆب آپاردین خوش چاغلاریمی.
آ بولاق صافلیغی، آ ذیروه زهمی!
سیزه تاپشیریرام اوشاقلاریمی.
آ شئهلی چمنه اؤرتولن گئجه،
منی بله‌میسن یاز قوخوسونا.
اۆزۆمو اۆزۆنه قویوب بئله‌جه،
گئده‌رم ایللرین دئو یوخوسونا.
آ مئشه، نه یاخشی ائو-ائشیگین وار!
قولاغیم دینجَلیر سیزه گلنده.
سیزه بیر بالاجا ایلیشیگیم وار،
او دا اولمایاجاق ساپ اۆزۆلنده.
سن آغری یوغورما، یوردوم-سیرداشیم!
بویروغا باخارام سؤز اویدورونجا.
فاراغات دایانان عسگر، باش‌داشیم،
چکر کئشیگینی دونیا دورونجا.
#آغا_لاچینلی
¹- اذیّتلی
²- ایتی
³- زولاق- شیار
⁴- آت بالاسی
#شعر_اوجاغی
@SheirOcagi
یادیما دوشمه‌دی قایغیمین آدی.
چینقیلی چیغیردان یالین آیاغیم،
یۏنۇلا-یۏنۇلا هئچ آغریمادی.
بره‌ده بسلَنمیش نزیک نرگیزیم،
اۇزۇن آیریلیق‌می سارالتدی سنی؟
آلین‌یازیمیز دا اوخشاردی بیزیم،
آ یول بنؤوشه‌سی، سئلاب سۆسَنی!
غوروب بویالیسان، آ نووروزگولو!
قوخونا قاریشدی قارین آغ بۇغو.
کؤکون داش اوستونده، جانین اۆزگۆ¹لۆ،
سیخدی وارلیغینی داش گۏبودلوغو.
آ تپه! چنیندن چال پاپاق قویام،
طاماهیم یئریمز دونیا مالینا.
بوداغی بودانمیش آلچا کۏلویام،
گونش جان سارییا، جالاق آلینا.
دؤشه قورخو سرَن سیوری² سیلدیریم،
یولومون آغزیندا آز دور، آز شینی!
دانیب قلبیمده‌کی چارپاز شؽریمؽ³،
یئنیدن باشلارام قورد یئریشینی.
هاوادا اوینایان هاوالی اۆرگه⁴،
گمینی گمیرمه، عاغیللی گزین!
بویونو سئوَندن چوخ اۆرکه-اۆرکه،
الینه کئچرسن قدیربیلمزین.
آ گؤزل تالادا اوتلایان جۆیۆر،
تانی یول گودَنی، بره کسَنی!
اووچون اویانمامیش اوستومه یۆیۆر!
اؤلومون گؤزوندن گیزله‌دیم سنی.
باتان گون، عؤمورون بئله گؤدک‌می؟!
سۆرۆیۆب آپاردین خوش چاغلاریمی.
آ بولاق صافلیغی، آ ذیروه زهمی!
سیزه تاپشیریرام اوشاقلاریمی.
آ شئهلی چمنه اؤرتولن گئجه،
منی بله‌میسن یاز قوخوسونا.
اۆزۆمو اۆزۆنه قویوب بئله‌جه،
گئده‌رم ایللرین دئو یوخوسونا.
آ مئشه، نه یاخشی ائو-ائشیگین وار!
قولاغیم دینجَلیر سیزه گلنده.
سیزه بیر بالاجا ایلیشیگیم وار،
او دا اولمایاجاق ساپ اۆزۆلنده.
سن آغری یوغورما، یوردوم-سیرداشیم!
بویروغا باخارام سؤز اویدورونجا.
فاراغات دایانان عسگر، باش‌داشیم،
چکر کئشیگینی دونیا دورونجا.
#آغا_لاچینلی
¹- اذیّتلی
²- ایتی
³- زولاق- شیار
⁴- آت بالاسی
#شعر_اوجاغی
@SheirOcagi
▫️قار'ی چیچک بیلمیشیک.
چؤلچویدوک،
اودونچویدوق،
کاروانچی‌یدیق، کیم ایدیک...
گئدیردیک گونئی-گونئی،
آشیردیق گدیک-گدیک.
بیز اورک‌له گئدیردیک-
اورک گومانا باغلی.
یاییمیز خوش‌اوزلویدو،
قیشیمیز قاش-قاباقلی.
قیشیمیز تیتره‌دنده،
بوکولوب-بوزوشوردوک.
بوران قوپان قوزئیده،
قالین قارا دوشوردوک.
هئچ دۇیمۇردۇق گؤزوموز
نئجه آلاجالاندی،
بیزه ائله گلیردی،
دونیا بیردن دولاندی،
بو قیش یازا جالاندی.
بیز اۆشۆنۆب، دۆشۆنۆب،
آغاریردیق آغ‌آپپاق.
قاردا چیچک گؤروردوک،
تار اوستونده گؤی یارپاق.
یولداشین بیر توختاغی،
سۆزۆب توفانلی داغی،
سۆزۆب دونان اوشاغی،
های سالیردی چاپاراق.
بیز شئنلیگه* چاتیردیق،
قورو قار یاغا-یاغا.
اؤزوموزو وئریردیک
کؤز سوفره‌لی اوجاغا.
گؤردویوموز او قیشلار،
شوکورلویموش، اؤتَنمیش،
دردین پولاد گوجلوسو،
دمیر جاندا بیتَنمیش.
آیلار، ایللر دولانیب،
آیری قارا دوشموشوک.
سویوقلوغون ایچینده،
یانغیلارا دوشموشوک.
بلَنمیشیک گونلرین،
قایغیسیزلیق قارینا.
چاپاریمیز اولماییب،
وارلیغیمیز قۏرونا.
آنجاق دیلک بویوروب،
بیز یئنه ده گئتمیشیک.
قارچیچگی اولموشوق،
قار آلتیندا بیتمیشیک.
بلکه اووسونلانمیشیق؟
یا بیر آنلام وار بوندا،
دونیانین قار دوزونه،
کؤنوللو سریلمیشیک.
حیاتین آدام اۇدان-
باش قاتان، باش اووودان-
قاسیرغالی قوینوندا،
قار'ی چیچک بیلمیشیک.
#آغا_لاچینلی
* آباد، مسکون یئر
#شعر_اوجاغی
@SheirOcagi
چؤلچویدوک،
اودونچویدوق،
کاروانچی‌یدیق، کیم ایدیک...
گئدیردیک گونئی-گونئی،
آشیردیق گدیک-گدیک.
بیز اورک‌له گئدیردیک-
اورک گومانا باغلی.
یاییمیز خوش‌اوزلویدو،
قیشیمیز قاش-قاباقلی.
قیشیمیز تیتره‌دنده،
بوکولوب-بوزوشوردوک.
بوران قوپان قوزئیده،
قالین قارا دوشوردوک.
هئچ دۇیمۇردۇق گؤزوموز
نئجه آلاجالاندی،
بیزه ائله گلیردی،
دونیا بیردن دولاندی،
بو قیش یازا جالاندی.
بیز اۆشۆنۆب، دۆشۆنۆب،
آغاریردیق آغ‌آپپاق.
قاردا چیچک گؤروردوک،
تار اوستونده گؤی یارپاق.
یولداشین بیر توختاغی،
سۆزۆب توفانلی داغی،
سۆزۆب دونان اوشاغی،
های سالیردی چاپاراق.
بیز شئنلیگه* چاتیردیق،
قورو قار یاغا-یاغا.
اؤزوموزو وئریردیک
کؤز سوفره‌لی اوجاغا.
گؤردویوموز او قیشلار،
شوکورلویموش، اؤتَنمیش،
دردین پولاد گوجلوسو،
دمیر جاندا بیتَنمیش.
آیلار، ایللر دولانیب،
آیری قارا دوشموشوک.
سویوقلوغون ایچینده،
یانغیلارا دوشموشوک.
بلَنمیشیک گونلرین،
قایغیسیزلیق قارینا.
چاپاریمیز اولماییب،
وارلیغیمیز قۏرونا.
آنجاق دیلک بویوروب،
بیز یئنه ده گئتمیشیک.
قارچیچگی اولموشوق،
قار آلتیندا بیتمیشیک.
بلکه اووسونلانمیشیق؟
یا بیر آنلام وار بوندا،
دونیانین قار دوزونه،
کؤنوللو سریلمیشیک.
حیاتین آدام اۇدان-
باش قاتان، باش اووودان-
قاسیرغالی قوینوندا،
قار'ی چیچک بیلمیشیک.
#آغا_لاچینلی
* آباد، مسکون یئر
#شعر_اوجاغی
@SheirOcagi
▫️اوجاق داشی
بورونمور قازانین، ساجین عطرینه،
قالیب یورد یئرینده، قهَرلنیب او.
تنها قبیر کیمی آللاه خطٛرینه
وحشی گول-چیچک‌له چپَرلنیب او.
آز قالیب اوستونو قار قلبی‌له‌یه،
هۏپور برک‌لیگینه نمیشلی کولک.
تسکینلیک گتیریب لال غریب‌لیگه،
صحرادا گؤرونن اینسان ایزی تک.
سوسوب آشاغی‌لار، دونوب قلبی‌لر،
قورخور طالعینین بۏز پاییزیندان.
ائله یۇخالیب کی، اووولا بیلر
قیروو داریسیندان، دومان توزوندان.
سینه‌سی چؤر-چؤپ‌له چارپاز اکیلیب،
یامانجا قارالیب او هیس کؤینگی.
اوستوندن بیر سیغال، بیر ال چکیلیب،
کیریمیر ایسته‌یی، کسمیر گؤینه‌یی.
تنها اوجاق داشی- نه دئییم اوندان؟
طالعی کؤموردن قسمت آلیبدی.
کیم بیلیر، بلکه ده چوخ یاندیغیندان
بئله یاددان چیخیب، یورددا قالیبدی.
#آغا_لاچینلی
#شعر_اوجاغی
@SheirOcagi
بورونمور قازانین، ساجین عطرینه،
قالیب یورد یئرینده، قهَرلنیب او.
تنها قبیر کیمی آللاه خطٛرینه
وحشی گول-چیچک‌له چپَرلنیب او.
آز قالیب اوستونو قار قلبی‌له‌یه،
هۏپور برک‌لیگینه نمیشلی کولک.
تسکینلیک گتیریب لال غریب‌لیگه،
صحرادا گؤرونن اینسان ایزی تک.
سوسوب آشاغی‌لار، دونوب قلبی‌لر،
قورخور طالعینین بۏز پاییزیندان.
ائله یۇخالیب کی، اووولا بیلر
قیروو داریسیندان، دومان توزوندان.
سینه‌سی چؤر-چؤپ‌له چارپاز اکیلیب،
یامانجا قارالیب او هیس کؤینگی.
اوستوندن بیر سیغال، بیر ال چکیلیب،
کیریمیر ایسته‌یی، کسمیر گؤینه‌یی.
تنها اوجاق داشی- نه دئییم اوندان؟
طالعی کؤموردن قسمت آلیبدی.
کیم بیلیر، بلکه ده چوخ یاندیغیندان
بئله یاددان چیخیب، یورددا قالیبدی.
#آغا_لاچینلی
#شعر_اوجاغی
@SheirOcagi
▫️سیخین بیزی!
داغ باسدیقجا بئلیندن،
سو چالیشدی، اللشدی.
سو بیردن سۆنگۆلَشیب-
داشی دا دئشدی کئچدی.
سو داغا گوج گؤستریب-
قایا دئوله گولَشدی.
سو چیخیب قارانلیقدان،
گوموشو بولاق اولدو.
یئرین آغیرلیغینی،
چیینیندن آتسین دئیه،
توخوم تورپاغی دلدی،
باش قالدیردی، دیکَلدی.
توخوم بویلانیب گؤیه،
کؤک آتدی، بوداق اولدو.
سیخین بیزی، برک سیخین،
بلکه بیز ده دیرچلَک!
بلکه بیر باشا دوشک،
سؤزلَشک، یولا گلک.
بلکه بیر تپرلنَک،
ترپنَک، قورجالاناق.
بلکه بیر آجیلاناق،
آجیقلاناق، جالاناق!
بیز قاپ‌قارا غوللاریق،
آجلاریق، یوخسوللاریق،
ییغیب اؤز واریمیزی،
یاغی‌لارا یوللاریق.
سیخین بیزی، برک سیخین!
دؤیون بیزی، برک دؤیون!
ییخین بیزی، برک ییخین!
یئیین بیزی، برک یئیین!
بلکه بیر منلیک‌لنَک،
قلبی‌لره دیک‌لنَک.
توپلایاق اؤزوموزو،
گؤسترک گوجوموزو!
#آغا_لاچینلی
#شعر_اوجاغی
@SheirOcagi
داغ باسدیقجا بئلیندن،
سو چالیشدی، اللشدی.
سو بیردن سۆنگۆلَشیب-
داشی دا دئشدی کئچدی.
سو داغا گوج گؤستریب-
قایا دئوله گولَشدی.
سو چیخیب قارانلیقدان،
گوموشو بولاق اولدو.
یئرین آغیرلیغینی،
چیینیندن آتسین دئیه،
توخوم تورپاغی دلدی،
باش قالدیردی، دیکَلدی.
توخوم بویلانیب گؤیه،
کؤک آتدی، بوداق اولدو.
سیخین بیزی، برک سیخین،
بلکه بیز ده دیرچلَک!
بلکه بیر باشا دوشک،
سؤزلَشک، یولا گلک.
بلکه بیر تپرلنَک،
ترپنَک، قورجالاناق.
بلکه بیر آجیلاناق،
آجیقلاناق، جالاناق!
بیز قاپ‌قارا غوللاریق،
آجلاریق، یوخسوللاریق،
ییغیب اؤز واریمیزی،
یاغی‌لارا یوللاریق.
سیخین بیزی، برک سیخین!
دؤیون بیزی، برک دؤیون!
ییخین بیزی، برک ییخین!
یئیین بیزی، برک یئیین!
بلکه بیر منلیک‌لنَک،
قلبی‌لره دیک‌لنَک.
توپلایاق اؤزوموزو،
گؤسترک گوجوموزو!
#آغا_لاچینلی
#شعر_اوجاغی
@SheirOcagi
▫️نه بؤیوک واخت ایمیش!
نه بؤیوک واخت ایمیش قیرخ ایل، قیرخ اوچ ایل،
نه تئز داغیلیشیب تای-توش ییغناغی!
دونَن-سؽراغا گون اولوب ائله بیل،
چؤپه اوخشارلارین چؤر-چؤپ ییغماغی.
مئشه... دهره‌سیز ال... دوۆیۆنلۆ چیرپی،
ایلان سیجیم‌له ده برک ساریشاردیق.
شله گؤتورمه‌میش آرمودو چیرپیب
اؤینه‌لیک ائدردیک، یالی آشاردیق.
یئلدن سؤز آلاردیق آلاتوراندا،
دونن دئییلدی‌می کل میندیگیمیز-
قیروولو اؤروشده مال اوتاراندا،
آلوولو اوجاقدا ایسیندیگیمیز؟
چپَکی سورونمک، چپری کئچمک،
دۇیۇلان هنیرتی، دوشن گوپ-گوروپ،
بوستان‌قورویان‌لا دیلده اؤجَشمک¹،
اورَکدن باریشماق چوخدان‌می اولوب؟
ائوجیک قونشولاری! اینجیگم، اینجیک،
سیزین هامینیزی یئر اودوب، نه‌دیر؟
او طاووس گؤرکَملی گؤزل گلینجیک،
بو اووسون غولونو اونودوب، نه‌دیر؟
بیز اووچو زامانین کار-سالا² اووو،
اووون کورَگینده چؤلچو هئیبه³سی.
دوزا بنزه‌ییرسه پاییز قیرووو،
بس نییه دادلانمیر مئشه مئیوه‌سی؟
باخمیریق تیمساح‌تک طیلسیملی چایا،
پئنجر⁴دن پای وئریر یوخسول چول-باییر.
قوردون گمیردیگی کؤرپه قوزویا،
قوزوچو یازیغین الی چاتماییر.
چووغون چپیک گلیر، قار بیرم-بیرم⁵،
جیغیری گیزله‌ییر گیروه⁶لی گئجه.
یالین آیاقلار دا ائله بیلیرم،
ایندیجه سۏیولور، ائله ایندیجه.
بو آزان گمینین آوار⁶ی کولک،
یارا باش قالدیریر جان قبیرینده.
او چوخدان چالینان، باغریشان توتک،
دیندیریر یادداشی قلبین دیبینده.
گؤره‌سن بس نییه آغلاییرام من،
بس نییه هر گئدن یوخوما دؤنور؟
بلکه او دوستلاری چوخ سئودیگیمدن،
او ایللر بیر بئله یاخین گؤرونور.
#آغا_لاچینلی
¹- چکیشمک- ساتاشماق
²- ذهنی کوتلشمیش، هوشسوز
³- کیچیک خورجون
⁴- چؤلده بیتن یئملی اوتلارینین گئنل آدی
⁵- بیرر-بیرر
⁶- قار ییغینی
⁷- قاییقچی کورَگی
#شعر_اوجاغی
@SheirOcagi
نه بؤیوک واخت ایمیش قیرخ ایل، قیرخ اوچ ایل،
نه تئز داغیلیشیب تای-توش ییغناغی!
دونَن-سؽراغا گون اولوب ائله بیل،
چؤپه اوخشارلارین چؤر-چؤپ ییغماغی.
مئشه... دهره‌سیز ال... دوۆیۆنلۆ چیرپی،
ایلان سیجیم‌له ده برک ساریشاردیق.
شله گؤتورمه‌میش آرمودو چیرپیب
اؤینه‌لیک ائدردیک، یالی آشاردیق.
یئلدن سؤز آلاردیق آلاتوراندا،
دونن دئییلدی‌می کل میندیگیمیز-
قیروولو اؤروشده مال اوتاراندا،
آلوولو اوجاقدا ایسیندیگیمیز؟
چپَکی سورونمک، چپری کئچمک،
دۇیۇلان هنیرتی، دوشن گوپ-گوروپ،
بوستان‌قورویان‌لا دیلده اؤجَشمک¹،
اورَکدن باریشماق چوخدان‌می اولوب؟
ائوجیک قونشولاری! اینجیگم، اینجیک،
سیزین هامینیزی یئر اودوب، نه‌دیر؟
او طاووس گؤرکَملی گؤزل گلینجیک،
بو اووسون غولونو اونودوب، نه‌دیر؟
بیز اووچو زامانین کار-سالا² اووو،
اووون کورَگینده چؤلچو هئیبه³سی.
دوزا بنزه‌ییرسه پاییز قیرووو،
بس نییه دادلانمیر مئشه مئیوه‌سی؟
باخمیریق تیمساح‌تک طیلسیملی چایا،
پئنجر⁴دن پای وئریر یوخسول چول-باییر.
قوردون گمیردیگی کؤرپه قوزویا،
قوزوچو یازیغین الی چاتماییر.
چووغون چپیک گلیر، قار بیرم-بیرم⁵،
جیغیری گیزله‌ییر گیروه⁶لی گئجه.
یالین آیاقلار دا ائله بیلیرم،
ایندیجه سۏیولور، ائله ایندیجه.
بو آزان گمینین آوار⁶ی کولک،
یارا باش قالدیریر جان قبیرینده.
او چوخدان چالینان، باغریشان توتک،
دیندیریر یادداشی قلبین دیبینده.
گؤره‌سن بس نییه آغلاییرام من،
بس نییه هر گئدن یوخوما دؤنور؟
بلکه او دوستلاری چوخ سئودیگیمدن،
او ایللر بیر بئله یاخین گؤرونور.
#آغا_لاچینلی
¹- چکیشمک- ساتاشماق
²- ذهنی کوتلشمیش، هوشسوز
³- کیچیک خورجون
⁴- چؤلده بیتن یئملی اوتلارینین گئنل آدی
⁵- بیرر-بیرر
⁶- قار ییغینی
⁷- قاییقچی کورَگی
#شعر_اوجاغی
@SheirOcagi
▫️یالواریرام، آ چاپار!
اوزاقدایام، یالواریرام، آ چاپار،
مندن بیزه سلام آپار، سؤز آپار!
سلام آپار قوزئیده‌کی اۇلاس*ا،
یازدان دانیش قار چیچگی دالاسا!
بالا-بالا باشا سال کی پالیدی،
حسرتلیسی هر غمیندن حالؽدؽ!
بنؤوشه‌نی آند وئریب اؤز جانینا،
ایناندیر کی، جان آتیرام یانینا!
زیللَنمه‌سه قارتالیمین قیی سسی،
ایناندیر کی، هله ساغ‌دیر یییه‌سی!
اوزاقدایام، یالواریرام، آ چاپار،
سلامیمی یئیین آپار، تئز آپار!
یالواریرام، بو قایغیما اورتاق اول،
گونوموزدن دانیشاندا توختاق اول!
یایلاق‌لاریم بیلمه‌سین کی یانیرام،
بولاق‌لاریم بیلمه‌سین کی دونورام!
دره‌لریم ائشیتمه‌سین دردیمی،
بره‌لریم برک دایانسین نر کیمی!
یارغان‌لاریم چوخدان کؤچوب باغریما،
لوقمان‌لاریم توتولماسین آغریما!
چیچک‌لریم سئزمه‌سین کی سولغونام،
گؤیچک‌لریم یۏزماسین کی یورغونام!
یالواریرام، شیرینلیک قات لهجه‌یه،
خال دوشمه‌سین گومان آدلی لچَگه!
داریخمیشام، یالواریرام آ چاپار،
مندن بیزه سلام آپار، سؤز آپار!
تلسسن ده یاواشجا گیر او کنده،
چوخ بۆدره‌مه آخشام کنده چؤکنده!
سوروش... آما سیزیلداما، یۇخالما،
دانیش... آما هارای سالما، اۆن سالما!
یوخسا دردیم بوتون ائلی اۆشۆدَر،
عزیزلریم قارا سوراق ائشیدر.
#آغا_لاچینلی
* داغلیق یئرلرده بیتن بیر آغاج
#شعر_اوجاغی
@SheirOcagi
اوزاقدایام، یالواریرام، آ چاپار،
مندن بیزه سلام آپار، سؤز آپار!
سلام آپار قوزئیده‌کی اۇلاس*ا،
یازدان دانیش قار چیچگی دالاسا!
بالا-بالا باشا سال کی پالیدی،
حسرتلیسی هر غمیندن حالؽدؽ!
بنؤوشه‌نی آند وئریب اؤز جانینا،
ایناندیر کی، جان آتیرام یانینا!
زیللَنمه‌سه قارتالیمین قیی سسی،
ایناندیر کی، هله ساغ‌دیر یییه‌سی!
اوزاقدایام، یالواریرام، آ چاپار،
سلامیمی یئیین آپار، تئز آپار!
یالواریرام، بو قایغیما اورتاق اول،
گونوموزدن دانیشاندا توختاق اول!
یایلاق‌لاریم بیلمه‌سین کی یانیرام،
بولاق‌لاریم بیلمه‌سین کی دونورام!
دره‌لریم ائشیتمه‌سین دردیمی،
بره‌لریم برک دایانسین نر کیمی!
یارغان‌لاریم چوخدان کؤچوب باغریما،
لوقمان‌لاریم توتولماسین آغریما!
چیچک‌لریم سئزمه‌سین کی سولغونام،
گؤیچک‌لریم یۏزماسین کی یورغونام!
یالواریرام، شیرینلیک قات لهجه‌یه،
خال دوشمه‌سین گومان آدلی لچَگه!
داریخمیشام، یالواریرام آ چاپار،
مندن بیزه سلام آپار، سؤز آپار!
تلسسن ده یاواشجا گیر او کنده،
چوخ بۆدره‌مه آخشام کنده چؤکنده!
سوروش... آما سیزیلداما، یۇخالما،
دانیش... آما هارای سالما، اۆن سالما!
یوخسا دردیم بوتون ائلی اۆشۆدَر،
عزیزلریم قارا سوراق ائشیدر.
#آغا_لاچینلی
* داغلیق یئرلرده بیتن بیر آغاج
#شعر_اوجاغی
@SheirOcagi
▫️قورخورام.
من هئچ اینانمیرام بو آغ گونلره،
اوجالیق بیلمیرم بو غلبه‌نی.
قورخورام کین اودو کوله دؤندره،
اینصافی قیطالان اینسان قلبینی.
قورخورام قارالا قیرمیزی گون ده،
قورخورام آغ گومان گؤزده سارالا.
قورخورام قوینوندا سیناق گئدنده،
گئجه آغیلانا، یوخودا قالا.
قورخورام... قورخومون یوخوسو درین،
آخی «ایلان‌چالان چاتیدان قورخار».
باشی قار-قاپازلی نازیک گوللرین،
بالاجا یئلدن ده اۆرپَنمه‌سی وار.
قورخاق اولماسام دا چوخ قورخورام من،
طالئعین سۆکانی یوز-یوز الده‌دیر.
کئفین کؤک چاغیندا بیر ده گؤرورسن،
توفان طوغیان ائدیر، آغاج تارپ گئدیر.
گؤرورسن گؤز تؤکور بیجلیک ساپاندی،
کیم ضامین دونیانین گله‌جه‌یینه؟
پاخیللیق تییه*سی آزمی ساپلاندی،
پهلوان اوغورون لای کورَگینه؟
توفان اوستونده‌دیر گمینین یولو،
قورخورام قورخویا قورخو اله‌نه.
قورخورام قیریلا او کورَک قۏلو،
کؤمک قاییغی دا قانا بله‌نه.
یامانلیق گؤرَنلر یاخشی بلددی،
قورخورام داش یاغا توی-دویون‌لره.
بو سئوینج اؤزو ده بیر هیمه بنددی،
من هئچ اینانمیرام بو آغ گونلره.
#آغا_لاچینلی
* کسیجی آلت‌لرین کسن طرفی
#شعر_اوجاغی
@SheirOcagi
من هئچ اینانمیرام بو آغ گونلره،
اوجالیق بیلمیرم بو غلبه‌نی.
قورخورام کین اودو کوله دؤندره،
اینصافی قیطالان اینسان قلبینی.
قورخورام قارالا قیرمیزی گون ده،
قورخورام آغ گومان گؤزده سارالا.
قورخورام قوینوندا سیناق گئدنده،
گئجه آغیلانا، یوخودا قالا.
قورخورام... قورخومون یوخوسو درین،
آخی «ایلان‌چالان چاتیدان قورخار».
باشی قار-قاپازلی نازیک گوللرین،
بالاجا یئلدن ده اۆرپَنمه‌سی وار.
قورخاق اولماسام دا چوخ قورخورام من،
طالئعین سۆکانی یوز-یوز الده‌دیر.
کئفین کؤک چاغیندا بیر ده گؤرورسن،
توفان طوغیان ائدیر، آغاج تارپ گئدیر.
گؤرورسن گؤز تؤکور بیجلیک ساپاندی،
کیم ضامین دونیانین گله‌جه‌یینه؟
پاخیللیق تییه*سی آزمی ساپلاندی،
پهلوان اوغورون لای کورَگینه؟
توفان اوستونده‌دیر گمینین یولو،
قورخورام قورخویا قورخو اله‌نه.
قورخورام قیریلا او کورَک قۏلو،
کؤمک قاییغی دا قانا بله‌نه.
یامانلیق گؤرَنلر یاخشی بلددی،
قورخورام داش یاغا توی-دویون‌لره.
بو سئوینج اؤزو ده بیر هیمه بنددی،
من هئچ اینانمیرام بو آغ گونلره.
#آغا_لاچینلی
* کسیجی آلت‌لرین کسن طرفی
#شعر_اوجاغی
@SheirOcagi
▫️آخشام غوروبو
گؤیدن آخیب گلدی آخشام غوروبو،
اوفوق‌لر داغلارین صحنه‌سی اولدو.
قالایلی گوندوزله آغاران قۏبۇ¹
قارانلیق گئجه‌نین تهنه²سی اولدو.
نه تئز دَییشیلدی او اۆزۆگۆلش!
آی دا گؤی دنیزده اۆزَن بالیقدی.
دونیانی قووزایان او بویدا گونش،
نه تئز قویولاندی، تئز یوخا چیخدی!
شاخییان ایلدیریم نه‌یی‌سه اَیدی،
بولودلار شیغیدی یانان شیل-کوته³
بیلدیرکی توفان دا ائله بئله‌یدی،
بئله‌یدی، بئله‌یدی اینیشیلکی ده.
هامیدان قلبی‌دیر هامان گور اوجاق،
بیر جانا یاخشی باخ، بیر ده آد-سانا!
نئجه اولوبدوسا ائله اولاجاق.
یوبادیب اؤزونو دیله توتسانا!
تاریخین قلبینده آز آدام قالار,
هله اؤیونمک ده هدردی، هدر.
سئللر داشا-داشا داش دا قیریلار،
گوللر آچا-آچا اؤلومه گئدر.
دونیا بیزیم کیمی، بیز دونیا کیمی،
هر قیسمت اوزاقدا، هر اینام درین.
سون پایی گوندوزمو، یوخسا گئجه‌می
اری گؤیلر اولان بو آنا یئرین؟
#آغا_لاچینلی
¹- چوخور- کیچیک دره
²- آغاجدان اولان بؤیوک قاب
³- سینیق-سالخاق
#شعر_اوجاغی
@SheirOcagi
گؤیدن آخیب گلدی آخشام غوروبو،
اوفوق‌لر داغلارین صحنه‌سی اولدو.
قالایلی گوندوزله آغاران قۏبۇ¹
قارانلیق گئجه‌نین تهنه²سی اولدو.
نه تئز دَییشیلدی او اۆزۆگۆلش!
آی دا گؤی دنیزده اۆزَن بالیقدی.
دونیانی قووزایان او بویدا گونش،
نه تئز قویولاندی، تئز یوخا چیخدی!
شاخییان ایلدیریم نه‌یی‌سه اَیدی،
بولودلار شیغیدی یانان شیل-کوته³
بیلدیرکی توفان دا ائله بئله‌یدی،
بئله‌یدی، بئله‌یدی اینیشیلکی ده.
هامیدان قلبی‌دیر هامان گور اوجاق،
بیر جانا یاخشی باخ، بیر ده آد-سانا!
نئجه اولوبدوسا ائله اولاجاق.
یوبادیب اؤزونو دیله توتسانا!
تاریخین قلبینده آز آدام قالار,
هله اؤیونمک ده هدردی، هدر.
سئللر داشا-داشا داش دا قیریلار،
گوللر آچا-آچا اؤلومه گئدر.
دونیا بیزیم کیمی، بیز دونیا کیمی،
هر قیسمت اوزاقدا، هر اینام درین.
سون پایی گوندوزمو، یوخسا گئجه‌می
اری گؤیلر اولان بو آنا یئرین؟
#آغا_لاچینلی
¹- چوخور- کیچیک دره
²- آغاجدان اولان بؤیوک قاب
³- سینیق-سالخاق
#شعر_اوجاغی
@SheirOcagi