▫️ویرگول‌لرله بؤلونموش صحیفه‌لر دولو سؤزلرله باش-باشایام و آنلاییرام کی، نؤقطه قویولمایاجاق بیر چوخ شئی وار بو حیاتدا....

📚 گونش و اونون چیچکلری
#روپی_کائور (هیندوستانلی شاعیر و یازار)
#شعر_اوجاغی
@SheirOcagi

▫️حیاتیم، پالچیقدان و درینلیکدن عیبارت ایدی، آما من او قارانلیق سولارین بیر پارچاسی دئییلدیم. او سولارین ایچینده بیر وارلیق ایدیم...

📚 سیرسه
#مادلین_میلر
#شعر_اوجاغی
@SheirOcagi

▫️ایفاده ائدیلمه‌میش دویغولار اصلا اؤلمز. جانلی‌-جانلی باسدیریلیب سونرادان چیرکین شکیل‌لرده اورتایا چیخیر...

#زیگموند_فروید
#شعر_اوجاغی
@SheirOcagi

سئودییی شهید اولان، خانیملارا

▫️یاغیشلار یاغمادان دا ایسلانیر شهید قبیرلری...
و قیزلار شهید شکیللرینی سئویر‌...
ایندی... قیزلار اوغلانلارا چیچک آلیر-
اونلارین آد گونونده،
ایلک گؤروش گونونده،
یا ان عادی گونده.
لچک‌لرینده گؤز یاشلاریندان شئه‌لر،
شهید قبیرلرینین اوستونو اؤرتور چیچک‌لر.
ایندی حسرتین بیتمه‌دییی یئرلرده،
بنؤوشه قیزلار
هر گئجه شهیدلره مکتوب یازیر،
و...
هر شهید اؤز سئودییینین یازدیغینی
گؤیلردن اوخویور.
گؤیلر «سئویرم» سؤزو قوخویور،
گؤیلر یئرلره شهیدلرین نورونو سپیر،
قیزلار قیرمیزی لئنتلی باش داشلارینا ساریلاندا
شهیدلر کولک‌لرین گتیردییی
قیز ساچلارینین قوخوسوندان اؤپور...

#اسمیرا_مئهی‌قیزی
#شعر_اوجاغی
@SheirOcagi

▫️اینسان اؤزو ایله صمیمی دئییل. اونا گؤره ده اؤزونو باشا دوشمه‌مه‌سیندن شیکایت‌لنمه‌مه‌لیدیر...

📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi

▫️ ایللر سونرا اؤیرندیم کی، قیشقیریب-باغیرماغا احتیاج یوخدور. سسینی ائشیتمک ایسته‌ینه بیر فیسیلتی‌ن یئتر...

#فرید_فرجاد
#شعر_اوجاغی
@SheirOcagi

▫️اوشاقلیقدا من اؤزومو بیر آری پته‌یی کیمی خیال ائدیردیم: چئشیدلی ساده و عادی آداملار بال آریلاری کیمی حیات حاقّینداکی اؤز بیلیک و فیکیرلرینین بالینی بورایا گتیریر، هر کس سخاوتله منیم روحومو بیر شئی‌له زنگین‌لشدیریردی. چوخ زامان بو بال چیرکلی و آجی اولوردو، لاکین هر جور بیلیک هر حالدا یئنه ده بال‌دیر...

📚 اوشاقلیق
#ماکسیم_گورکی
#شعر_اوجاغی
@SheirOcagi

▫️ بیز ائله بؤیوموشوک، ائله تربیت اولموشوق کی، حتّی سئوگی بئیینه عایید ائدیلیر.
سئوگی اساساً اوره‌یه مخصوصدور، آما بیزیم توپلوم اورکدن یان کئچیر، چونکی اورک منطیقلی دئییل، اورک راسیونال دئییل.
بئینه ائله تربیت وئریلیب کی، منطیقلی اولمایانی سهو حساب ائدیر، ایرراسیونال اولان هر شئیی یانلیش بیلیر. بئینه گؤره منطیقلی اولان دوزگوندور‌.
بیزیم تربیت پروقرامیمیزدا اوره‌یه یئر یوخدور، هر شئی بئیین اوچوندور. اورک همیشه آز قالا وارلیغیمیزدان اوزاقلاشدیریلیب، سوسدورولوب. اوره‌یه، بؤیومک اوچون ایمکان وئریلمیر، اونا اؤز پوتانسییئلینی فعّال‌لاشدیرماق اوچون شراییط یارادیلمیر...

📚 قیزیل کولچه‌لر
#اوشو
#شعر_اوجاغی
@SheirOcagi

اوشاق شعری

▫️توملار*

بیر استکان توم
اکدیم تورپاغا.
سونرا باشلادیم
من داریخماغا.

کئچدی آیلاریم
کئچدی ایللریم،
نه واخت چیخاجاق،
توملاریم منیم؟

ائشدیم تورپاغی
گؤردوم توملارین
یاریسی یوخدو.
یاریسینین دا
الی چیخیبدی.

گؤردوم یاریسی
آیاق آچیبلار.
او بیرلری ده،
یقین قاچیبلار...

#قشم_نجف‌زاده

* توخوم (Tum)
#شعر_اوجاغی
@SheirOcagi

▫️... سؤزون اخلاقلا ایلگیسی یوخدور.
اخلاقا چوخ باغلی اولان، آنجاق یاخشی داورانیشلاری اولمایان آداملارلا قارشیلاشمیشام من.
و هر گون داها دا چوخ آنلاییرام: «دوغرولوغون قانونا احتیاجی یوخدور...»

📚 سیزیف افسانه‌سی
#آلبر_کامو
#شعر_اوجاغی
@SheirOcagi

▫️اینسانین قلبینده یالنیز بللی درجه‌ده کدر و اومیدسیزلیک اولا بیلر. سۆنگَره سو هوپدوقدان سونرا اونو دنیزه آتسان دا، بیر دامجی سو چکمه‌یه‌جک.

📚 پاریس نوتردام کیلسه‌سی
#ویکتور_هوگو
#شعر_اوجاغی
@SheirOcagi

▫️چوخ یورولدوم، سئوگیلی!
داها چوخ یورما منی!
من آرتیغی‌یلا اؤده‌دیم ذاتاً،
اوغروندا ایتیردیکلریمین بدلینی.

#جمال_ثریا
#شعر_اوجاغی
@SheirOcagi

دیالوق

▫️- سونوندا اؤله‌جه‌یم‌سه، نییه اؤزومو قایغیدان اؤلدوروم؟!

🎬 Bicycle Thieves
1948 ایتالیا
#ویتوریو_دسیکا
#شعر_اوجاغی
@SheirOcagi

▫️سانکی

سانکی کدر منیم یوخ،
من کدرینکی ایدیم.
نئچه گوندوز ائدیردی،
باغریمی دیدیم-دیدیم.

اوره‌ییم سؤیله‌دی کی:
«صاحیبی اول بونون سن!
آخی بیرجه سنه یوخ،
دوستلارا دا توخونور.
اونلارین شاد گونونو،
بیردن یاسا دؤندریر.
گؤزلره یاغیش سپیر،
بوغازلارا تیخانیر.»

گله‌جه‌یی، کئچمیشی،
ایراده‌نی، اومیدی،
دوشمنین نیفرتینی،
ییغدیم بیر قوشون ائتدیم.
من اونو قلپه-قلپه،
هر گون چاپدیم، آزالتدیم.
من اونو نفَسیمله،
گیله-گیله اریتدیم.

او تسلیم اولماییردی،
سون ذرّه‌سینه قدر.
سون ذرّه‌سی ده قلبه،
سانجیلدی ایینه کیمی.

آلدیم اونون الیندن
حیاتیمی، دوستلاری،
بیر ده بو گون یازدیغیم
همین یئنی شعریمی.

#علی_کریم
#شعر_اوجاغی
@SheirOcagi

▫️ایبتدایی ایناملارین، خورافه‌لرین، اویدورمالارین سون قالیق‌لاری قاراباسما کیمی یوخا چیخسین دئیه، آللاهین وئردیگی عاغیل هله اطرافا مین ایل ده ایشیق ساچمالی‌دیر.

📚 پارفوم
#پاتریک_زوسکیند
#شعر_اوجاغی
@SheirOcagi

▫️واختینی هر شئیی آچیقلاماق‌لا کورلاما! اینسانلار یالنیز ائشیتمک ایسته‌دیکلرینی ائشیدیرلر.

#پائولو_کوئیلو
#شعر_اوجاغی
@SheirOcagi

▫️ائلدن اوزاقدا، ائودن اوزاقدا

هاردا یئله وئریم بو یالقیزلیغی؟
کیم یاخین گله‌جک، اوزه گوله‌جک؟
باغریما یوک اولان بو آلیزلیغی¹،
کیم آلیب الیمدن یاری بؤله‌جک؟

هارا اوز چئویرمک، کیمه کۆسونمک؟
آدام ایسته‌میر کی منّت گؤتوره.
قورخورام اؤزگه‌دن آلینان کؤمک،
سونرا قار یاغدیرا، قاخینج گتیره.

اورک گول آچیبدی قان اودا-اودا،
بعضاً یاخینلیق دا آرانی اَییر.
دردینی دم ائدن یازیق دوستو دا،
واختسیز اویاتماغا اۆزۆم گلمه‌ییر.

بس هاردا بۇلونوم بو آخشام-آخشام،
دویغومون کؤکونو کیم گؤره‌جکدی؟
جیرتدان‌اورک‌لی‌یه کؤنلومو آچسام،
غمین سۏلانی دا گؤیَره‌جکدی.

...دئییرم اؤزونده بیر قۏروناسان،
آچیلا باشیندان بو جین ییغینی.
او حالال اوجاغا تمیز قۏناسان،
قایتارا بیله‌سن ایلک صافلیغینی.

اۇمسونوب اوچاسان او دوغما یوردا،
نغمه‌یه توتاسان تویو-ماغاری².
او قۏیما-هارایدا، او وورهاووردا،
سن ده قایناداسان چیغیر-باغیری.

کؤچونو یایلاغا تؤکه‌سن یئنه،
سوفره بزه‌یه‌سن سۇلوق-مۇلوق‌لا³.
اوردا دیرسَک‌لنیب خالؽ چمنه،
دوز-چؤرک داداسان چوبان-چۏلۇق‌لا.

یا دا بخت چیچگین چیرتلایا سنین،
شن‌لنیب ییرتاسان غملی کفنی.
چؤمه‌لیب کؤشکونده چکمه‌سیلَنین،
توستویه قاتاسان توند لطیفه‌نی.

اورگین ساز تئلی تاریم کؤک‌لنیب،
واللاه بو آرزویلا بیر عؤمور آزدی.
ایندی یورغالادیب⁴ کۆرن⁵ کؤهلَنی⁶،
یالدا یئل‌لنمک ده یامان اولمازدی.

حسرتین گؤینَمی قاندا، ایلیکده،
یالقیزام... آلنیما یازیلیب دردیم.
بو غریب گئجه‌ده، بو دینمزلیکده،
دوغما سؤیوشو ده نغمه بیلردیم.

#آغا_لاچینلی
¹- سایریلیق- خسته‌لیک
²- توی بوساطی
³- قۏیونون ایلک سودوندن حاضیرلانان پئندیره اوخشار آغارتی
⁴- بیر تهر آت یئریشی
⁵- ساچی، توکو پاریلتیلی ساری-قیرمیزی رنگده اولان
⁶- یاخشی بسلنمیش آت
#شعر_اوجاغی
@SheirOcagi

▫️بشر تاریخینین بوتون دؤوران‌لاریندا، یالنیزلیق حیسّیندن داها قورخونج بیر شئی اولماییبدیر.

#فردریش_نیچه
#شعر_اوجاغی
@SheirOcagi