▫️بعضی شئی‌لری:
مثلا یارانی،
گوللـه‌نی،
پنجره‌نی،
آنانی،
و سنی،
گؤتوروب گئتمه‌لی‌یم.
بعضی‌لری،
اوزاقلاشدیرین مندن!
تمیزه چیخاردیرام اؤزومو،
بعضی آدلاری سئومکدن.
من‌لیییمه توخونورلار.
قایتارین!
چیرپین دوزلدَن‌لرینین صیفتینه!
مثلا آتوم،
بالیستیک،
توپولوف،
قیرخ‌بئش مینلیک یارانه،
«هوشی‌مینه»نین ییرتیق جوراب‌لاری،
گؤزلری قادین‌لارین جیب‌لرینین آلا-کؤلگه‌لییینه قدر اوزانان، کیشی.
بعضی شئی‌لری سئویرم،
ائله بو گؤده‌نی مثلا.
اوزون بیر خیرقه‌ده گیزله‌دین
گؤیون الینه چاتماسین!
سول جیبیم، صفورانین اوتاغی اوچون،
قلمیمی دیکینه تبریزین انگینه قویون،
جیغاتو (زرّینه‌رود)نون بوغازینی جیرماسین!
ساغ الیم،
کوردوستان ایچکی ایچن‌لرینین قدح‌باشی زکاتی.
سیریقلانمیش دوداق‌لاریم،
«جام‌جم»ی اله کئچیرمک اوچون
یئتیشسین تهرانین الینه!
قالانیمی شاعیرلره وئرین!
یازماق و آغلاماق اوچون،
ایچکی و سیقارایا مؤحتاج اولماسینلار...
#سیاوش_اکبری
چئویری:
#شعر_اوجاغی
@SheirOcagi
مثلا یارانی،
گوللـه‌نی،
پنجره‌نی،
آنانی،
و سنی،
گؤتوروب گئتمه‌لی‌یم.
بعضی‌لری،
اوزاقلاشدیرین مندن!
تمیزه چیخاردیرام اؤزومو،
بعضی آدلاری سئومکدن.
من‌لیییمه توخونورلار.
قایتارین!
چیرپین دوزلدَن‌لرینین صیفتینه!
مثلا آتوم،
بالیستیک،
توپولوف،
قیرخ‌بئش مینلیک یارانه،
«هوشی‌مینه»نین ییرتیق جوراب‌لاری،
گؤزلری قادین‌لارین جیب‌لرینین آلا-کؤلگه‌لییینه قدر اوزانان، کیشی.
بعضی شئی‌لری سئویرم،
ائله بو گؤده‌نی مثلا.
اوزون بیر خیرقه‌ده گیزله‌دین
گؤیون الینه چاتماسین!
سول جیبیم، صفورانین اوتاغی اوچون،
قلمیمی دیکینه تبریزین انگینه قویون،
جیغاتو (زرّینه‌رود)نون بوغازینی جیرماسین!
ساغ الیم،
کوردوستان ایچکی ایچن‌لرینین قدح‌باشی زکاتی.
سیریقلانمیش دوداق‌لاریم،
«جام‌جم»ی اله کئچیرمک اوچون
یئتیشسین تهرانین الینه!
قالانیمی شاعیرلره وئرین!
یازماق و آغلاماق اوچون،
ایچکی و سیقارایا مؤحتاج اولماسینلار...
#سیاوش_اکبری
چئویری:
#شعر_اوجاغی
@SheirOcagi
▫️تانرینین قانلی یاتاغیندان قالخ، «مریم!»
دونیانین کئفی یاخشی دئییل.
اورتادوغونون تورپاق قالاق‌لارینین آرخاسیندان،
هئی «مسیح» کلّه‌سی گؤیه سیچراییر.
دوداغینی چک تانرینین دوداقلاریندان، ماریا!
گؤی آداسیندان «جلجتا» یاغیر،
و کیمسه‌نین الی تانرییا چاتمیر.
#سیاوش_اکبری
چئویری
#شعر_اوجاغی
@SheirOcagi
دونیانین کئفی یاخشی دئییل.
اورتادوغونون تورپاق قالاق‌لارینین آرخاسیندان،
هئی «مسیح» کلّه‌سی گؤیه سیچراییر.
دوداغینی چک تانرینین دوداقلاریندان، ماریا!
گؤی آداسیندان «جلجتا» یاغیر،
و کیمسه‌نین الی تانرییا چاتمیر.
#سیاوش_اکبری
چئویری
#شعر_اوجاغی
@SheirOcagi
▫️کوماندیر!
باخیشین بالتا،
اَلین دهره،
ایشین جهنّم جیرتدان‌لارینا جاسوسلوق.
گودوکچودور بئینین،
امَکدارسان ساللاخلارا.
آدام‌ساتانلارین ساققیزینی اوغورلایارکن،
اورگین اعدام قوخوسو وئریر.
نئولیبرالیسم جایناغی‌دیر دیلین،
کمونیست اؤلدورن‌دیر یولون،
تئرورچودور قانین،
یعنی اله سالیبسان آزادلیغی.
هه، کوماندیر، هه!
چاپ آتینی، چاپ!
یازیق آزادلیغا دا آللاه کریمدیر.
آه، آزادلیق!
آه، برابرلیک!
نه چتین اولدون بیزه!
یوخلوغون یارالادی گولوشوموزو،
تامارزی قالدیق دادینا.
آما یول یولا دا مینسه،
یئتیشه‌جه‌ییک،
اؤپوشه‌جه‌ییک،
گؤروشه‌جه‌ییک...
#سیاوش_اکبری
@SheirOcagi
باخیشین بالتا،
اَلین دهره،
ایشین جهنّم جیرتدان‌لارینا جاسوسلوق.
گودوکچودور بئینین،
امَکدارسان ساللاخلارا.
آدام‌ساتانلارین ساققیزینی اوغورلایارکن،
اورگین اعدام قوخوسو وئریر.
نئولیبرالیسم جایناغی‌دیر دیلین،
کمونیست اؤلدورن‌دیر یولون،
تئرورچودور قانین،
یعنی اله سالیبسان آزادلیغی.
هه، کوماندیر، هه!
چاپ آتینی، چاپ!
یازیق آزادلیغا دا آللاه کریمدیر.
آه، آزادلیق!
آه، برابرلیک!
نه چتین اولدون بیزه!
یوخلوغون یارالادی گولوشوموزو،
تامارزی قالدیق دادینا.
آما یول یولا دا مینسه،
یئتیشه‌جه‌ییک،
اؤپوشه‌جه‌ییک،
گؤروشه‌جه‌ییک...
#سیاوش_اکبری
@SheirOcagi
▫️بیر تیکه آدام دوشوب اورگیمین باشینا؛
قرام-قرام،
اوووج-اوووج،
دنیز-دنیز سانجیلادیر منی.
#سیاوش_اکبری
@deltaie_khon
@SheirOcagi
قرام-قرام،
اوووج-اوووج،
دنیز-دنیز سانجیلادیر منی.
#سیاوش_اکبری
@deltaie_khon
@SheirOcagi
▫️گؤزلرین آددیم-آددیم
بومبالارا قوناق گئدیر، کابُل!
قوجاغین تالانا قالیب،
اینتحار سپه‌له‌نیر آدینا،
آدینلا زنجیرله‌نیر اورتادوغو،
آدینا داش یاغیر،
باشینا داش یاغیر،
آه، گوللـه‌لر یوردو!
آه، یارامین ائکیز تای باجیسی!
تانرییا باخ!
گوزگو دالیندا،
قان دنیزینده شپه‌له‌نیر،
و شیطانلار اؤلوم سمفونیاسی چالماقدادیر.
لای‌لای، ائی دوستاغا تاپشیریلمیش باجیم!
سیلاحلارین قیرجانان زاغاسیندا قورتولان!
#سیاوش_اکبری
@deltaie_khon
@SheirOcagi
بومبالارا قوناق گئدیر، کابُل!
قوجاغین تالانا قالیب،
اینتحار سپه‌له‌نیر آدینا،
آدینلا زنجیرله‌نیر اورتادوغو،
آدینا داش یاغیر،
باشینا داش یاغیر،
آه، گوللـه‌لر یوردو!
آه، یارامین ائکیز تای باجیسی!
تانرییا باخ!
گوزگو دالیندا،
قان دنیزینده شپه‌له‌نیر،
و شیطانلار اؤلوم سمفونیاسی چالماقدادیر.
لای‌لای، ائی دوستاغا تاپشیریلمیش باجیم!
سیلاحلارین قیرجانان زاغاسیندا قورتولان!
#سیاوش_اکبری
@deltaie_khon
@SheirOcagi
▫️دوستاق شعری
بیر قارا شعره باخیرام،
هجالاری گونشه تامارزیدی.
بیر شاعیره باخیرام،
بوغدانین پاخیللیغینا چیمخیریر.
باخیرام آناما،
ناماز قیلماسی، دان اولدوزون باغرینی سؤکور.
و تانرینی گولومسه‌‌دیر.
باخیرام سنه،
قیشین قیروووندا جوجه‌لرین یالنیزلیغینا آند ایچیرسن.
باخیرام اؤزومه،
دوستاقدا اؤزگورم.
و دونیادا، تولکونون قوناقلیغیندان آجیغیم گلیر.
#سیاوش_اکبری
۸۲/۳/۱
@deltaie_khon
@SheirOcagi
بیر قارا شعره باخیرام،
هجالاری گونشه تامارزیدی.
بیر شاعیره باخیرام،
بوغدانین پاخیللیغینا چیمخیریر.
باخیرام آناما،
ناماز قیلماسی، دان اولدوزون باغرینی سؤکور.
و تانرینی گولومسه‌‌دیر.
باخیرام سنه،
قیشین قیروووندا جوجه‌لرین یالنیزلیغینا آند ایچیرسن.
باخیرام اؤزومه،
دوستاقدا اؤزگورم.
و دونیادا، تولکونون قوناقلیغیندان آجیغیم گلیر.
#سیاوش_اکبری
۸۲/۳/۱
@deltaie_khon
@SheirOcagi
▫️یازدا اکیرم،
فهله‌لیک‌دیر ایشیم.
تومورجوقلا بوغدالیق بئجَریرم.
یایدا سولوق وورور دوداغیم،
دابانیم،
الیم.
پاییزدا دا،
یاپراق کیمی اسیم-اسیم اسیر اینامیم،
ایسرائیل‌لنیر وطنیم.
هه، بالام، هه!
بو گلن قیش یامان سویوق اولاجاق!
#سیاوش_اکبری
@deltaie_khon
@SheirOcagi
فهله‌لیک‌دیر ایشیم.
تومورجوقلا بوغدالیق بئجَریرم.
یایدا سولوق وورور دوداغیم،
دابانیم،
الیم.
پاییزدا دا،
یاپراق کیمی اسیم-اسیم اسیر اینامیم،
ایسرائیل‌لنیر وطنیم.
هه، بالام، هه!
بو گلن قیش یامان سویوق اولاجاق!
#سیاوش_اکبری
@deltaie_khon
@SheirOcagi
▫️بوراسی دار برَهوتودور،
ظولوم سارایی.
بوراسی قاندال یوردودور،
بورادا زنجیردن ساچ قونداریرلار دار آغاجلارینا.
بوراسی کربلادیر،
دوغرانیر دویغو.
و جاناوارلار جاناماز سویا چکیرلر.
بوراسی دوستاقدیر،
و کندیرلر شهید توپورور.
#سیاوش_اکبری
@deltaie_khon
@SheirOcagi
ظولوم سارایی.
بوراسی قاندال یوردودور،
بورادا زنجیردن ساچ قونداریرلار دار آغاجلارینا.
بوراسی کربلادیر،
دوغرانیر دویغو.
و جاناوارلار جاناماز سویا چکیرلر.
بوراسی دوستاقدیر،
و کندیرلر شهید توپورور.
#سیاوش_اکبری
@deltaie_khon
@SheirOcagi
▫️- «گؤی اوزونده، لیمان حامبال‌لارینی، پئیغمبر کازینولارینا یول وئرَرلرمی گؤره‌سن؟»
بو سورغویا، بیر تک آتام جاواب وئره بیلر.
- «دوز-دوز یئریییب «پنجره اولماغا گلمیشم، سیاوش!» دئین،
او اؤزوندن‌کئچمیش آغاجا، نه دئییم من؟»
بو سورغویا بلا اودوندا بارماغی اولان، سیز جاواب وئرین!
- «نییه همیشه اوچ نفرم من؟
(بیریسی ایشیغین گؤزونو اؤپمه‌یه گئدیر،
بیریسینین، دونیا بوینوزلاری‌یلا سیلاحلی ووروشماسی وار،
بیریسی یولدان، ایلغیمدان یورولوب.)»
بو سورغویا تانری جاواب وئرمه‌لی‌دیر!
- «او، دیشینه بیر شعر آلیب دؤرد نالا چاپان،
منیم قانا باتمیش جنازه‌م‌می‌دیر؟»
بو سورغویا اؤزوم جاواب وئرمه‌لی‌یم.
#سیاوش_اکبری
#شعر_اوجاغی
ترجمه
@SheirOcagi
بو سورغویا، بیر تک آتام جاواب وئره بیلر.
- «دوز-دوز یئریییب «پنجره اولماغا گلمیشم، سیاوش!» دئین،
او اؤزوندن‌کئچمیش آغاجا، نه دئییم من؟»
بو سورغویا بلا اودوندا بارماغی اولان، سیز جاواب وئرین!
- «نییه همیشه اوچ نفرم من؟
(بیریسی ایشیغین گؤزونو اؤپمه‌یه گئدیر،
بیریسینین، دونیا بوینوزلاری‌یلا سیلاحلی ووروشماسی وار،
بیریسی یولدان، ایلغیمدان یورولوب.)»
بو سورغویا تانری جاواب وئرمه‌لی‌دیر!
- «او، دیشینه بیر شعر آلیب دؤرد نالا چاپان،
منیم قانا باتمیش جنازه‌م‌می‌دیر؟»
بو سورغویا اؤزوم جاواب وئرمه‌لی‌یم.
#سیاوش_اکبری
#شعر_اوجاغی
ترجمه
@SheirOcagi
▫️ایشیمیزه باخ!
دار آغاجی یاشام ناغیلی دئییر،
قادام دوشسون بئله یاشاماغین گؤزونه!
آچ ساچینی، نازلیم،
اینقلاب‌سیزلامیشام!
#سیاوش_اکبری
@SheirOcagi
دار آغاجی یاشام ناغیلی دئییر،
قادام دوشسون بئله یاشاماغین گؤزونه!
آچ ساچینی، نازلیم،
اینقلاب‌سیزلامیشام!
#سیاوش_اکبری
@SheirOcagi
▫️آدینی قویدو «دلی»
سونرا قاداسینی آلدی دلیلیگین.
«عیسا»نی دوشونرکن،
تورکجه باخدی کوردوستانا،
یارالی «فلسطین»ی پای آپاردی تانرییا.
«قوشاچای»دا «لندن»ه قاچاقلانمیش اؤلکه‌سینه یاس توتدو.
یامان یارالی‌یدی!
یاراسی سنه بنزه‌ییردی،
یاراسی جوجوق دادی وئریردی،
آمبولانس آژیر چکیردی بئینینده،
یعنی اؤز جنازه‌سینه «سلام‌علیک» سؤیله‌ییردی.
سسینی کمونیست‌لر،
دامازلیق توتوردو اینقلاب‌لارا.
اینتحارچی‌لار دستاماز آلیردی گولوشوندن،
کئفلی‌لر شراب چکیردی دوداقلاریندان،
لیبرال‌لار دیسکینیردی آدیندان.
و دونیا یئنیدن باشلانیردی ائله بیل!
#سیاوش_اکبری
@deltaie_khon
@SheirOcagi
سونرا قاداسینی آلدی دلیلیگین.
«عیسا»نی دوشونرکن،
تورکجه باخدی کوردوستانا،
یارالی «فلسطین»ی پای آپاردی تانرییا.
«قوشاچای»دا «لندن»ه قاچاقلانمیش اؤلکه‌سینه یاس توتدو.
یامان یارالی‌یدی!
یاراسی سنه بنزه‌ییردی،
یاراسی جوجوق دادی وئریردی،
آمبولانس آژیر چکیردی بئینینده،
یعنی اؤز جنازه‌سینه «سلام‌علیک» سؤیله‌ییردی.
سسینی کمونیست‌لر،
دامازلیق توتوردو اینقلاب‌لارا.
اینتحارچی‌لار دستاماز آلیردی گولوشوندن،
کئفلی‌لر شراب چکیردی دوداقلاریندان،
لیبرال‌لار دیسکینیردی آدیندان.
و دونیا یئنیدن باشلانیردی ائله بیل!
#سیاوش_اکبری
@deltaie_khon
@SheirOcagi
▫️و من شاعیرم،
کئفسیزلرین کئفلیسی.
بوغازیما دونیانین دویونو دوشوب.
دیلیم-دیلیم،
قیرام-قیرام بؤلونورم مئیدان‌لاردا.
دیلیمی پای چیخمیشام،
دیلیمه پای چیخیب.
تانری سوسوزلارا ساققا قوشو سئچیب منی،
یعنی یوخوسوز کوچه‌لرین سیّار کئفلیسی‌یم.
سۏلچویام، قارداشلار!
گؤنوم قالینلاشیب یانقا* گؤنو کیمی.
قانادی سینیق و یانغین قوشلارا وورغونام.
-گؤزومه ایت دیرسه‌یی چیخدی، گلمه‌دیلر-
صاباح یاسلی قرنفیل‌لرین هاوادارلیغینا
اینتحار ائده‌جه‌یم.
ائهئئئئی، بیرلشین، دونیانین اوزوملری!
بوردا دار آغاجیندان انجیر دریرَم
و «منصور» داملاییر مندن.
#سیاوش_اکبری
* کرگدن
@deltaie_khon
@SheirOcagi
کئفسیزلرین کئفلیسی.
بوغازیما دونیانین دویونو دوشوب.
دیلیم-دیلیم،
قیرام-قیرام بؤلونورم مئیدان‌لاردا.
دیلیمی پای چیخمیشام،
دیلیمه پای چیخیب.
تانری سوسوزلارا ساققا قوشو سئچیب منی،
یعنی یوخوسوز کوچه‌لرین سیّار کئفلیسی‌یم.
سۏلچویام، قارداشلار!
گؤنوم قالینلاشیب یانقا* گؤنو کیمی.
قانادی سینیق و یانغین قوشلارا وورغونام.
-گؤزومه ایت دیرسه‌یی چیخدی، گلمه‌دیلر-
صاباح یاسلی قرنفیل‌لرین هاوادارلیغینا
اینتحار ائده‌جه‌یم.
ائهئئئئی، بیرلشین، دونیانین اوزوملری!
بوردا دار آغاجیندان انجیر دریرَم
و «منصور» داملاییر مندن.
#سیاوش_اکبری
* کرگدن
@deltaie_khon
@SheirOcagi