▫️آیریلمیشام.
دمیر، بئتون قفسده‌یم،
آزجا سولان گول‌دسته‌یم.
ائله بیلمه جان اوسته‌یم!
گؤیدن، یئردن آیریلمیشام.
قوجاقلادیم یازی، قیشی،
حیاتیمین اوزوک قاشی،
بیر گؤوهردن آیریلمیشام.
اوزاقلاردان سسله‌دیگیم،
نفسیمله بسله‌دیگیم،
اوجا بویلو، یاشیل دونلو،
صنوبردن آیریلمیشام.
اونو گؤرمک سعادتیم،
اونسوز بوتون عالم یئتیم.
داش قفسی نئجه یاریم؟
گوندوزوم ده گئجه‌یاری.
اونا بیر ده نئجه یئتیم؟
خئییر، منی قورخوتمور هئچ،
بو دونیادا اؤلوم-ایتیم.
ائی قودرَتیم، محبّتیم!
اؤز-اؤزومدن آیریلمیشام.
دان یئریمدن، سحریمدن،
گوندوزومدن آیریلمیشام.
سنی گؤرسم، سانارام کی،
گؤی‌گؤلوم وار، خزَریم وار.
اوزانان آغ قوللاریندی-
بوینومداکی صاف دالغالار.
طبیعتین شاه‌اثری،
طبیعتسیز نئجه یاشار؟
صف-صف اوچان او دورنالار-
قاتاریندان آیریلمیشام.
صف اؤنونده قاناد گرن،
اوچاریمدان آیریلمیشام.
عؤمور هله یانار بیر شام،
هانی سحر، هانی آخشام؟
خیال‌دیرمی تورکان، باکی؟
نانه‌لرین اووجونداکی،
بیر داملایا سوسامیشام.
اوزوب منه گتیردیگین،
رئیحانیمدان آیریلمیشام.
گولوم، تکجه سندن‌دی‌می؟!
اؤز جانیمدان آیریلمیشام.
خیالیمدا یاخین کئچمیش،
سانکی یوز ایل گلیب کئچمیش،
ائی دیریلیک سویوم منیم!
اووجوم بیر آرخ بولاق ایمیش.
بلکه گؤیده زلزله وار،
میلیارد اولدوز بیردن ایتمیش.
عاغلیمی-هوشومو باشدان-
آپاراندان آیریلمیشام.
عکسی خزر دنیزینده،
آی‌پارامدان آیریلمیشام.
بار گتیرن باغ-باغچامسان،
بلکه شربت دولو جامسان.
یئر کوره‌سی تاختیم منیم،
حؤکومداریم، باش تاجیمسان.
بیر ده قیلینج چالا بیلسم،
قیلینجیمدا قیغیلجیمسان.
قینیمدان یوخ، غضَبیمین،
آلوووندان سییریلمیشام.
قانیملا لاله‌زار اولان،
سنگریمدن آیریلمیشام.
ایکی دونیا یاراشیغی-
دیلبریمدن آیریلمیشام.
#خلیل_رضا_اولوتورک
#شعر_اوجاغی
@SheirOcagi
دمیر، بئتون قفسده‌یم،
آزجا سولان گول‌دسته‌یم.
ائله بیلمه جان اوسته‌یم!
گؤیدن، یئردن آیریلمیشام.
قوجاقلادیم یازی، قیشی،
حیاتیمین اوزوک قاشی،
بیر گؤوهردن آیریلمیشام.
اوزاقلاردان سسله‌دیگیم،
نفسیمله بسله‌دیگیم،
اوجا بویلو، یاشیل دونلو،
صنوبردن آیریلمیشام.
اونو گؤرمک سعادتیم،
اونسوز بوتون عالم یئتیم.
داش قفسی نئجه یاریم؟
گوندوزوم ده گئجه‌یاری.
اونا بیر ده نئجه یئتیم؟
خئییر، منی قورخوتمور هئچ،
بو دونیادا اؤلوم-ایتیم.
ائی قودرَتیم، محبّتیم!
اؤز-اؤزومدن آیریلمیشام.
دان یئریمدن، سحریمدن،
گوندوزومدن آیریلمیشام.
سنی گؤرسم، سانارام کی،
گؤی‌گؤلوم وار، خزَریم وار.
اوزانان آغ قوللاریندی-
بوینومداکی صاف دالغالار.
طبیعتین شاه‌اثری،
طبیعتسیز نئجه یاشار؟
صف-صف اوچان او دورنالار-
قاتاریندان آیریلمیشام.
صف اؤنونده قاناد گرن،
اوچاریمدان آیریلمیشام.
عؤمور هله یانار بیر شام،
هانی سحر، هانی آخشام؟
خیال‌دیرمی تورکان، باکی؟
نانه‌لرین اووجونداکی،
بیر داملایا سوسامیشام.
اوزوب منه گتیردیگین،
رئیحانیمدان آیریلمیشام.
گولوم، تکجه سندن‌دی‌می؟!
اؤز جانیمدان آیریلمیشام.
خیالیمدا یاخین کئچمیش،
سانکی یوز ایل گلیب کئچمیش،
ائی دیریلیک سویوم منیم!
اووجوم بیر آرخ بولاق ایمیش.
بلکه گؤیده زلزله وار،
میلیارد اولدوز بیردن ایتمیش.
عاغلیمی-هوشومو باشدان-
آپاراندان آیریلمیشام.
عکسی خزر دنیزینده،
آی‌پارامدان آیریلمیشام.
بار گتیرن باغ-باغچامسان،
بلکه شربت دولو جامسان.
یئر کوره‌سی تاختیم منیم،
حؤکومداریم، باش تاجیمسان.
بیر ده قیلینج چالا بیلسم،
قیلینجیمدا قیغیلجیمسان.
قینیمدان یوخ، غضَبیمین،
آلوووندان سییریلمیشام.
قانیملا لاله‌زار اولان،
سنگریمدن آیریلمیشام.
ایکی دونیا یاراشیغی-
دیلبریمدن آیریلمیشام.
#خلیل_رضا_اولوتورک
#شعر_اوجاغی
@SheirOcagi
▫️هله، دونن
هله دونن یانیمدایدین.
هله دونن من بختوَر،
باشیم اوسته دوغان آی'دین،
یا آل گونش، قیزیل سحر.
نئچون بئله تئز آیریلدیق؟
سعادتیم بیرجه قیرپیم.
دیبسیز، سونسوز ظولمت‌لری،
سؤکوب تؤکن آغ ایلدیریم.
نئچون اؤپوب اوخشامادیم،
آخی نئچون اللرینی؟
سرت اووجومدا ساخلادیغیم،
آغ گؤیرچین اللرینی؟
بیر آز یورغون اللرینی،
بیر آز سولغون اللرینی،
کیچیک، یومرو اللرینی،
بولبول، قومرو اللرینی؟
قوجاقلاشدیق، سن هؤنکوردون،
گؤز یاشلارین آلماز-آلماز.
اولماز گولوم، بئله اولماز!
گؤز یاشلارین آلماز-آلماز.
آه، نه اوچون من ییغمادیم،
او موقدّس قطره‌لری؟
بیری گؤوهر، بیری یاقوت،
بیری لعل‌دی یا میرواری.
نئچون ییغیب ساخلامادیم
بیرجه-بیرجه او مرجانی؟
سنین ایسلاق کیپریگینده،
بیر شاعیرین یانیر جانی.
هیچ دویونجا باخدیم می من
او نیگاران گؤزلرینه؟
سئوینج یاشی، غم یاشی‌یلا،
ایشیقلانان گؤزلرینه؟
اوخشادیم‌می بیرجه-بیرجه
او ایسلانان کیپریک‌لری؟
یاش کیپریکده ووصال عطری،
سولغون اوزده بیر آی بدری.
آه، من دونن بختوَردیم!
بوگون تئزدن اویانمیشام.
من بوگون ده دونَنیمین،
ایشیغینا بویانمیشام.
#خلیل_رضا_اولوتورک
#شعر_اوجاغی
@SheirOcagi
هله دونن یانیمدایدین.
هله دونن من بختوَر،
باشیم اوسته دوغان آی'دین،
یا آل گونش، قیزیل سحر.
نئچون بئله تئز آیریلدیق؟
سعادتیم بیرجه قیرپیم.
دیبسیز، سونسوز ظولمت‌لری،
سؤکوب تؤکن آغ ایلدیریم.
نئچون اؤپوب اوخشامادیم،
آخی نئچون اللرینی؟
سرت اووجومدا ساخلادیغیم،
آغ گؤیرچین اللرینی؟
بیر آز یورغون اللرینی،
بیر آز سولغون اللرینی،
کیچیک، یومرو اللرینی،
بولبول، قومرو اللرینی؟
قوجاقلاشدیق، سن هؤنکوردون،
گؤز یاشلارین آلماز-آلماز.
اولماز گولوم، بئله اولماز!
گؤز یاشلارین آلماز-آلماز.
آه، نه اوچون من ییغمادیم،
او موقدّس قطره‌لری؟
بیری گؤوهر، بیری یاقوت،
بیری لعل‌دی یا میرواری.
نئچون ییغیب ساخلامادیم
بیرجه-بیرجه او مرجانی؟
سنین ایسلاق کیپریگینده،
بیر شاعیرین یانیر جانی.
هیچ دویونجا باخدیم می من
او نیگاران گؤزلرینه؟
سئوینج یاشی، غم یاشی‌یلا،
ایشیقلانان گؤزلرینه؟
اوخشادیم‌می بیرجه-بیرجه
او ایسلانان کیپریک‌لری؟
یاش کیپریکده ووصال عطری،
سولغون اوزده بیر آی بدری.
آه، من دونن بختوَردیم!
بوگون تئزدن اویانمیشام.
من بوگون ده دونَنیمین،
ایشیغینا بویانمیشام.
#خلیل_رضا_اولوتورک
#شعر_اوجاغی
@SheirOcagi
▫️گلدین. (غزل)
سن اینجه چیچکلرده‌کی ژاله‌م کیمی گلدین،
بیر قان باهاسی، باغچاما لاله‌م کیمی گلدین.
آلدین دا اوجالتدین منی افلاکه اؤزونله،
ائندیکده، موقدّس، یئنی عالم کیمی گلدین.
دولدوم نفسیندن ساچیلان راییحه‌لرده،
گئتدیکده آپاردین فرحی، غم کیمی گلدین.
شاهلار منه غبطه‌یله باخیر، ان اولو شاه من،
چون سن اولو گؤیدن اولو تؤحفه‌م کیمی گلدین.
بیر قانلی گول آغزیندا و مئی کاسه‌سی الده،
بیر جنّت ایکن، عؤمره جهنّم کیمی گلدین.
بیرجه تئلینه گؤزلریمین نورو دا قوربان،
عشقیم، فرحیم، آه ایله ناله‌م کیمی گلدین.
دونیا باغی قارلی، من اوزولموش قوجا باغبان،
روحوندا قرنفیل، منه همدم کیمی گلدین.
غوربت ده، محبّت ده، متانت ده اؤزونسن،
ییغدین داغینیق گوللری، بیر جمع کیمی گلدین.
وئردین، آلیب ایچدیم مئیی، کؤنلوم داغا دؤندو،
داغدان تؤکولن نورلو شلاله‌م کیمی گلدین.
عالم‌لره بیلدیر کی، «خلیل» هئچ زامان اؤلمز،
چون اووجوما افسونلو پیاله‌م کیمی گلدین.
#خلیل_رضا_اولوتورک
#شعر_اوجاغی
@SheirOcagi
سن اینجه چیچکلرده‌کی ژاله‌م کیمی گلدین،
بیر قان باهاسی، باغچاما لاله‌م کیمی گلدین.
آلدین دا اوجالتدین منی افلاکه اؤزونله،
ائندیکده، موقدّس، یئنی عالم کیمی گلدین.
دولدوم نفسیندن ساچیلان راییحه‌لرده،
گئتدیکده آپاردین فرحی، غم کیمی گلدین.
شاهلار منه غبطه‌یله باخیر، ان اولو شاه من،
چون سن اولو گؤیدن اولو تؤحفه‌م کیمی گلدین.
بیر قانلی گول آغزیندا و مئی کاسه‌سی الده،
بیر جنّت ایکن، عؤمره جهنّم کیمی گلدین.
بیرجه تئلینه گؤزلریمین نورو دا قوربان،
عشقیم، فرحیم، آه ایله ناله‌م کیمی گلدین.
دونیا باغی قارلی، من اوزولموش قوجا باغبان،
روحوندا قرنفیل، منه همدم کیمی گلدین.
غوربت ده، محبّت ده، متانت ده اؤزونسن،
ییغدین داغینیق گوللری، بیر جمع کیمی گلدین.
وئردین، آلیب ایچدیم مئیی، کؤنلوم داغا دؤندو،
داغدان تؤکولن نورلو شلاله‌م کیمی گلدین.
عالم‌لره بیلدیر کی، «خلیل» هئچ زامان اؤلمز،
چون اووجوما افسونلو پیاله‌م کیمی گلدین.
#خلیل_رضا_اولوتورک
#شعر_اوجاغی
@SheirOcagi
▫️منیم طلبه‌لریم
یئنه مئیدان قیزیشیر،
باشلانیبدیر سئمینار.
دیللرده آدلار گزیر:
نیظامی، بهرام، سیمنار...
نئچه بؤیوک سیمالار،
فیکریمیزده جانلانیر،
دانیشدیقجا شفیقه،
هامی هیجان‌لانیر.
داغا دؤنور اوره‌ییم،
دینله‌دیکجه من اونو.
اونودورام، اینانین،
موعلّیم اولدوغومو!
او گول دوداقلارداکی،
سؤزلر آلوولو، اودلو.
اورک گونَشله دولو،
صینیف گونشله دولو،
صینیف دؤیوش مئیدانی.
بیردن باهار توفانی،
آچیر پنجره‌لری.
یاغیش وورور ایچری،
سرین نفسلی یاغیش.
شیریلتی‌لی، شیدیرغی،
شیمشک هوَسلی یاغیش.
آغ یاغیش، پارلاق یاغیش،
شاد یاغیش، گورشاد یاغیش.
نه خوشدور بو شیریلتی،
بو شن، شیرین چاغلاییش!
شوشه‌لره دؤش وورور،
سرین، بوللور دامجیلار،
دامجیدان نور دامجیلار.
صینیفده بیر تلاطوم،
هامی گولر، هامی شن.
بیردن نه گؤرورم من،
بو لؤوحه، بیر تاماشا:
بیر جوت قشنگ گؤیرچین،
پنجره‌ده باش-باشا،
دالدالانیب باخیرلار،
آل شفقلی یاغیشا.
بو لؤوحه‌نین اؤنونده،
دایانیرام لال کیمی.
آلیر قانادلارینا،
گؤیرچینلر قلبیمی.
یاغیش یاغیر... دونیایا-
نور گتیرن یاغیشلار.
قیزیل سونبول، ملَس نار،
گول بیتیرن یاغیشلار.
یاغیشلاردا باغ عطری،
یاغیشلاردا گول توزو.
هر دامجیدا بیر لیمون،
بیر ماندارین¹ قوخوسو.
نه گؤزل‌دیر یاغیشین،
داش-کسه‌یی دئشمه‌سی!
تورپاق یاغیش تشنه‌سی،
تورپاق گونش تشنه‌سی.
سن بیر یاغیشدان سونرا،
گؤیه‌رن گول‌لره باخ!
چینارلار گؤیه قالخار،
بولودلاری یاراراق...
«موعلّیم، سؤالیم وار»...
بو، بیر نجیب، تمیز سس...
آیریلیرام خیالدان...
گؤیرچینلر هانی بس؟!
گؤیرچینلر اوچوبلار،
گؤیرچینلر بیر قوناق.
شفیقه ده، صونا دا،
او گؤیرچینلر کیمی،
بو گون-صاباح اوچاجاق.
اوره‌ییمدن سس گلیر:
- «منیم ثروتیم، زریم،
گؤزل طلبه‌لریم!
منیم موعلّیمیم ده،
طلبه‌م ده سیزسینیز.
بو دونیادان ان بؤیوک،
طلبیم ده سیزسینیز.
قولوم، قانادیم، قلبیم،
غلبه‌م ده سیزسینیز.
سیزسینیز حیاتیمین،
اوّل-آخیر دایاغی.
مسلَکیمین مشعلی،
مرامیمین مایاغی.»²
بو گون یاغیشلار یاغیر،
یاز نفَسلی یاغیشلار.
یاغیشلار بو دونیایا،
یئنی حیات باغیشلار.
گئدین... گئدیشینیزله،
طبیعت گلسین جانا!
#خلیل_رضا_اولوتورک
¹- نارنگی
²- دنیز فنری (Mayak)
#شعر_اوجاغی
@SheirOcagi
یئنه مئیدان قیزیشیر،
باشلانیبدیر سئمینار.
دیللرده آدلار گزیر:
نیظامی، بهرام، سیمنار...
نئچه بؤیوک سیمالار،
فیکریمیزده جانلانیر،
دانیشدیقجا شفیقه،
هامی هیجان‌لانیر.
داغا دؤنور اوره‌ییم،
دینله‌دیکجه من اونو.
اونودورام، اینانین،
موعلّیم اولدوغومو!
او گول دوداقلارداکی،
سؤزلر آلوولو، اودلو.
اورک گونَشله دولو،
صینیف گونشله دولو،
صینیف دؤیوش مئیدانی.
بیردن باهار توفانی،
آچیر پنجره‌لری.
یاغیش وورور ایچری،
سرین نفسلی یاغیش.
شیریلتی‌لی، شیدیرغی،
شیمشک هوَسلی یاغیش.
آغ یاغیش، پارلاق یاغیش،
شاد یاغیش، گورشاد یاغیش.
نه خوشدور بو شیریلتی،
بو شن، شیرین چاغلاییش!
شوشه‌لره دؤش وورور،
سرین، بوللور دامجیلار،
دامجیدان نور دامجیلار.
صینیفده بیر تلاطوم،
هامی گولر، هامی شن.
بیردن نه گؤرورم من،
بو لؤوحه، بیر تاماشا:
بیر جوت قشنگ گؤیرچین،
پنجره‌ده باش-باشا،
دالدالانیب باخیرلار،
آل شفقلی یاغیشا.
بو لؤوحه‌نین اؤنونده،
دایانیرام لال کیمی.
آلیر قانادلارینا،
گؤیرچینلر قلبیمی.
یاغیش یاغیر... دونیایا-
نور گتیرن یاغیشلار.
قیزیل سونبول، ملَس نار،
گول بیتیرن یاغیشلار.
یاغیشلاردا باغ عطری،
یاغیشلاردا گول توزو.
هر دامجیدا بیر لیمون،
بیر ماندارین¹ قوخوسو.
نه گؤزل‌دیر یاغیشین،
داش-کسه‌یی دئشمه‌سی!
تورپاق یاغیش تشنه‌سی،
تورپاق گونش تشنه‌سی.
سن بیر یاغیشدان سونرا،
گؤیه‌رن گول‌لره باخ!
چینارلار گؤیه قالخار،
بولودلاری یاراراق...
«موعلّیم، سؤالیم وار»...
بو، بیر نجیب، تمیز سس...
آیریلیرام خیالدان...
گؤیرچینلر هانی بس؟!
گؤیرچینلر اوچوبلار،
گؤیرچینلر بیر قوناق.
شفیقه ده، صونا دا،
او گؤیرچینلر کیمی،
بو گون-صاباح اوچاجاق.
اوره‌ییمدن سس گلیر:
- «منیم ثروتیم، زریم،
گؤزل طلبه‌لریم!
منیم موعلّیمیم ده،
طلبه‌م ده سیزسینیز.
بو دونیادان ان بؤیوک،
طلبیم ده سیزسینیز.
قولوم، قانادیم، قلبیم،
غلبه‌م ده سیزسینیز.
سیزسینیز حیاتیمین،
اوّل-آخیر دایاغی.
مسلَکیمین مشعلی،
مرامیمین مایاغی.»²
بو گون یاغیشلار یاغیر،
یاز نفَسلی یاغیشلار.
یاغیشلار بو دونیایا،
یئنی حیات باغیشلار.
گئدین... گئدیشینیزله،
طبیعت گلسین جانا!
#خلیل_رضا_اولوتورک
¹- نارنگی
²- دنیز فنری (Mayak)
#شعر_اوجاغی
@SheirOcagi
▫️آچیق‌دیر اوره‌ییم اون بیر اقلیمه،
نه ایستر؟
آشماغا اوجا داغ ایستر؛
بوتون عصرلرده،
سیّاره‌لرده،
سنینله قول-بویون یاشاماق ایستر.
#خلیل_رضا_اولوتورک
#شعر_اوجاغی
@SheirOcagi
نه ایستر؟
آشماغا اوجا داغ ایستر؛
بوتون عصرلرده،
سیّاره‌لرده،
سنینله قول-بویون یاشاماق ایستر.
#خلیل_رضا_اولوتورک
#شعر_اوجاغی
@SheirOcagi
▫️سن عشق اوچون یارانمیسان.
سنی گؤردوم، خومار اولدوم،
سئوگی، سئوینج اومار اولدوم.
گؤزلرین دان اولدوزودور،
بس نییه گؤز یومار اولدون؟
نه یاخشی کی، سن بیزلری،
بو گئجه‌یاری آنمیسان.
سن عشق اوچون یارانمیسان،
سن منیمچون یارانمیسان.
یاری آچیق، یاری باغلی،
دویمه‌جه‌سن، تر غؤنچه‌سن.
گؤزوم توتدو، کؤنلوم سئودی،
اوره‌ییمجه، کؤنلومجه‌سن.
هؤروکلرین شوعاع-شوعاع،
گولاب‌لانیب دارانمیسان.
سن عشق اوچون یارانمیسان،
سن منیمچون یارانمیسان.
من گؤزل‌لیک تشنه‌سی‌یم،
سن بولاقسان، دورو سوسان.
سن منیمچون دوغولموسان،
سن عشق اوچون یارانمیسان.
#خلیل_رضا_اولوتورک
#شعر_اوجاغی
@SheirOcagi
سنی گؤردوم، خومار اولدوم،
سئوگی، سئوینج اومار اولدوم.
گؤزلرین دان اولدوزودور،
بس نییه گؤز یومار اولدون؟
نه یاخشی کی، سن بیزلری،
بو گئجه‌یاری آنمیسان.
سن عشق اوچون یارانمیسان،
سن منیمچون یارانمیسان.
یاری آچیق، یاری باغلی،
دویمه‌جه‌سن، تر غؤنچه‌سن.
گؤزوم توتدو، کؤنلوم سئودی،
اوره‌ییمجه، کؤنلومجه‌سن.
هؤروکلرین شوعاع-شوعاع،
گولاب‌لانیب دارانمیسان.
سن عشق اوچون یارانمیسان،
سن منیمچون یارانمیسان.
من گؤزل‌لیک تشنه‌سی‌یم،
سن بولاقسان، دورو سوسان.
سن منیمچون دوغولموسان،
سن عشق اوچون یارانمیسان.
#خلیل_رضا_اولوتورک
#شعر_اوجاغی
@SheirOcagi
▫️گل، سنی سسله‌ییرم!
گل! سنی سسله‌ییرم،
ان گؤزل بیر حیاتا.
بیرجه ائوین ایچینه،
بوتوو بیر کائیناتا.
عؤمروم بیر دسته رئیحان،
اوخشاییب عطرینی چک!
سنین نفسین دَیسه،
نه گول سولار، نه چیچک.
بیرجه قدح شربت‌له،
سرینلر یانان نفس.
سنین دوداغین دَیسه،
هئچ بیر بولاق توکَنمز.
گل! سنی سسله‌ییرم،
آغ‌اوزلو بیر سحره.
بیرجه ائوین ایچینده،
حودودسوز اوفوقلره.
#خلیل_رضا_اولوتورک
#شعر_اوجاغی
@SheirOcagi
گل! سنی سسله‌ییرم،
ان گؤزل بیر حیاتا.
بیرجه ائوین ایچینه،
بوتوو بیر کائیناتا.
عؤمروم بیر دسته رئیحان،
اوخشاییب عطرینی چک!
سنین نفسین دَیسه،
نه گول سولار، نه چیچک.
بیرجه قدح شربت‌له،
سرینلر یانان نفس.
سنین دوداغین دَیسه،
هئچ بیر بولاق توکَنمز.
گل! سنی سسله‌ییرم،
آغ‌اوزلو بیر سحره.
بیرجه ائوین ایچینده،
حودودسوز اوفوقلره.
#خلیل_رضا_اولوتورک
#شعر_اوجاغی
@SheirOcagi
▫️هیجران چاغلاریندا
هیجران گونلرینده کشف ائله‌دیم من،
دونیانین یئنی بیر سعادتینی.
سنی یاد ائتمه‌یین، سنی آنماغین،
کؤکسومو گؤینه‌دن خوش لذّتینی.
ایشیغی سؤندوروب گیردیم یاتاغا،
گؤردوم باشدان‌باشا جاهان ایشیق‌دیر.
ساچلار آغارماغا اوز قویسا بئله،
کؤنلوم سوداَمَردیر، کؤنلوم اوشاق‌دیر.
گؤزوم چنه‌نده‌کی کیشمیشی خالدا،
گؤزل‌دیر گؤزوندن گولومسه‌مه‌یین.
ایللاه کی، دردیمدن اؤلدویون حالدا،
باشینی بولاییب «یوخ، یوخ!» دئمه‌یین.
دونیانین ان اوجا مرتبه‌سینده،
گونشه غرق اولموش قیزیل اوتاقلار.
هر شئیی: پرده‌سی، پنجره‌سی ده،
سنین راییحه‌نی جانیندا ساخلار.
نئجه بختوَردی او تول پرده‌لر!
سنین الین دَییر او پرده‌لره.
نئجه بختوردی او پنجره‌لر!
سنین شؤعله‌ن دوشور پنجره‌لره.
هر شئیین گؤزل‌دیر. ایللاه کی منی،
گؤرنده «یوخ!» دئیه جیلوه‌لنمه‌یین.
گیزلی، یان اوتاغا قاچیب سئوینجک،
ان گؤزل دونونو درحال گئیمه‌یین.
#خلیل_رضا_اولوتورک
#شعر_اوجاغی
@SheirOcagi
هیجران گونلرینده کشف ائله‌دیم من،
دونیانین یئنی بیر سعادتینی.
سنی یاد ائتمه‌یین، سنی آنماغین،
کؤکسومو گؤینه‌دن خوش لذّتینی.
ایشیغی سؤندوروب گیردیم یاتاغا،
گؤردوم باشدان‌باشا جاهان ایشیق‌دیر.
ساچلار آغارماغا اوز قویسا بئله،
کؤنلوم سوداَمَردیر، کؤنلوم اوشاق‌دیر.
گؤزوم چنه‌نده‌کی کیشمیشی خالدا،
گؤزل‌دیر گؤزوندن گولومسه‌مه‌یین.
ایللاه کی، دردیمدن اؤلدویون حالدا،
باشینی بولاییب «یوخ، یوخ!» دئمه‌یین.
دونیانین ان اوجا مرتبه‌سینده،
گونشه غرق اولموش قیزیل اوتاقلار.
هر شئیی: پرده‌سی، پنجره‌سی ده،
سنین راییحه‌نی جانیندا ساخلار.
نئجه بختوَردی او تول پرده‌لر!
سنین الین دَییر او پرده‌لره.
نئجه بختوردی او پنجره‌لر!
سنین شؤعله‌ن دوشور پنجره‌لره.
هر شئیین گؤزل‌دیر. ایللاه کی منی،
گؤرنده «یوخ!» دئیه جیلوه‌لنمه‌یین.
گیزلی، یان اوتاغا قاچیب سئوینجک،
ان گؤزل دونونو درحال گئیمه‌یین.
#خلیل_رضا_اولوتورک
#شعر_اوجاغی
@SheirOcagi
▫️اوجاق ماهنیسی
اوشویورسن گولوم، سن،
آل، گئیین پئنجه‌ییمی!
ایسینَرسن ایندیجه،
کؤکسومده جانیم کیمی.
قورو چیرپی ییغمیشام،
اوجاق ایندی یاناجاق.
بیزیم عشقیمیز کیمی،
اوجاق آلوولاناجاق.
بیر باخ، نئجه گورلاییر،
شؤعله چکیر بوخاری!
آلووو بلکه قالخیر،
اولدوزلاردان یوخاری...
اوشومورسن دئیه‌سن،
ائی اودیاناق، گول‌نفس!
سنه دئمه‌دیم‌می بس:
ائو اوجاغی عزیزدیر،
عشق اوجاغی موقدّس؟
#خلیل_رضا_اولوتورک
#شعر_اوجاغی
@SheirOcagi
اوشویورسن گولوم، سن،
آل، گئیین پئنجه‌ییمی!
ایسینَرسن ایندیجه،
کؤکسومده جانیم کیمی.
قورو چیرپی ییغمیشام،
اوجاق ایندی یاناجاق.
بیزیم عشقیمیز کیمی،
اوجاق آلوولاناجاق.
بیر باخ، نئجه گورلاییر،
شؤعله چکیر بوخاری!
آلووو بلکه قالخیر،
اولدوزلاردان یوخاری...
اوشومورسن دئیه‌سن،
ائی اودیاناق، گول‌نفس!
سنه دئمه‌دیم‌می بس:
ائو اوجاغی عزیزدیر،
عشق اوجاغی موقدّس؟
#خلیل_رضا_اولوتورک
#شعر_اوجاغی
@SheirOcagi
▫️منیم شعریم
قلبیمده پؤهره‌لنیب
هر گون بوی آتان دا سن،
گئجه شیرین یوخودان
منی اویادان دا سن.
اوره‌ییمین غضبی،
سئوینجی، غمی شعریم،
بوتون یارالاریمین،
بیرجه ملهمی شعریم!
آلدیغیم نفس کیمی،
منیمله‌سن همیشه.
بیرگه گئدیب گلیریک،
بیز هم ائوه، هم ایشه.
من سنی گزدیره‌رم،
قلبیمده غورور ایله.
من سنین اوجباتیندان،*
بعضاً اوز-گؤز اولورام،
نئچه رئداکتور ایله.
ایلهام نامردلیک ائدیب
اوز دؤنده‌رنده مندن،
من آیریلا بیلمیرم،
یئنه اینان کی سندن!
افتخاریم، الهامیم،
وارلیغیم، حیاتیمسان.
یالنیز ائویم دئییلسن،
بوتون کائیناتیمسان.
گؤزومده ایلدیریمسان،
اوره‌ییمده گور دنیز.
بلکه آتادان عزیز،
بلکه آنادان عزیز،
ائله سنسن حیاتدا،
سنسن ائله حیات دا.
منه آتا دئسه‌لر،
بیل کی سنسن اؤولادیم.
من سنین اوجباتیندان،
یاخشی اؤولاد اولمادیم.
سن منیم یانار، اودلو،
دلی-دولو شعریمسن.
کؤکسومون قفسینده،
پلَنگیمسن، شیریمسن.
نه‌دیر منیم ایسته‌ییم؟
مین آداملیق بیر سالون.
بیر استکان تمیز سو،
بیر خطابت کورسوسو.
اوره‌ییمین گور سسی،
دالغا-دالغا یاییلسین،
یئر ده، گؤی ده آییلسین!
کورسولره سیغمایان،
جسور شعریم، ار شعریم!
تپه‌دن دیرناغاجان،
سیلاحلی عسگر شعریم!
سنین سؤز راکئتین‌له،
مین دوشمن بایراغینی،
تورپاغا سالدیرارام.
سنین قودرتین‌له من،
«قالخ!» دئسم، بیر دونیانی-
آیاغا قالدیرارام.
حیاتیمی وئره‌رم،
بیرجه سنین یولوندا.
سنین اؤزونو ایسه،
بو وطنین یولوندا.
اوره‌ییمین آیناسی،
قلبیمین آمالیسان.
من اؤلندن سونرا دا،
منی یاشاتمالیسان!
منیم شعریم ووصالی،
استقلالی آلقیشلار.
شعریمین داوامی‌دیر،
سالونداکی آلقیشلار.
#خلیل_رضا_اولوتورک
* اوزوندن
#شعر_اوجاغی
@SheirOcagi
قلبیمده پؤهره‌لنیب
هر گون بوی آتان دا سن،
گئجه شیرین یوخودان
منی اویادان دا سن.
اوره‌ییمین غضبی،
سئوینجی، غمی شعریم،
بوتون یارالاریمین،
بیرجه ملهمی شعریم!
آلدیغیم نفس کیمی،
منیمله‌سن همیشه.
بیرگه گئدیب گلیریک،
بیز هم ائوه، هم ایشه.
من سنی گزدیره‌رم،
قلبیمده غورور ایله.
من سنین اوجباتیندان،*
بعضاً اوز-گؤز اولورام،
نئچه رئداکتور ایله.
ایلهام نامردلیک ائدیب
اوز دؤنده‌رنده مندن،
من آیریلا بیلمیرم،
یئنه اینان کی سندن!
افتخاریم، الهامیم،
وارلیغیم، حیاتیمسان.
یالنیز ائویم دئییلسن،
بوتون کائیناتیمسان.
گؤزومده ایلدیریمسان،
اوره‌ییمده گور دنیز.
بلکه آتادان عزیز،
بلکه آنادان عزیز،
ائله سنسن حیاتدا،
سنسن ائله حیات دا.
منه آتا دئسه‌لر،
بیل کی سنسن اؤولادیم.
من سنین اوجباتیندان،
یاخشی اؤولاد اولمادیم.
سن منیم یانار، اودلو،
دلی-دولو شعریمسن.
کؤکسومون قفسینده،
پلَنگیمسن، شیریمسن.
نه‌دیر منیم ایسته‌ییم؟
مین آداملیق بیر سالون.
بیر استکان تمیز سو،
بیر خطابت کورسوسو.
اوره‌ییمین گور سسی،
دالغا-دالغا یاییلسین،
یئر ده، گؤی ده آییلسین!
کورسولره سیغمایان،
جسور شعریم، ار شعریم!
تپه‌دن دیرناغاجان،
سیلاحلی عسگر شعریم!
سنین سؤز راکئتین‌له،
مین دوشمن بایراغینی،
تورپاغا سالدیرارام.
سنین قودرتین‌له من،
«قالخ!» دئسم، بیر دونیانی-
آیاغا قالدیرارام.
حیاتیمی وئره‌رم،
بیرجه سنین یولوندا.
سنین اؤزونو ایسه،
بو وطنین یولوندا.
اوره‌ییمین آیناسی،
قلبیمین آمالیسان.
من اؤلندن سونرا دا،
منی یاشاتمالیسان!
منیم شعریم ووصالی،
استقلالی آلقیشلار.
شعریمین داوامی‌دیر،
سالونداکی آلقیشلار.
#خلیل_رضا_اولوتورک
* اوزوندن
#شعر_اوجاغی
@SheirOcagi
▫️قیزیل گولوم سؤیکه‌یرسه دوداغینی دوداغیما،
اؤلومدن ده چکینمه‌رم، اؤلوم چیخسا قاباغیما.
هایقیر، تؤکول، ائی شلاله! من سئویرم گور سسینی،
داغ باشیندا ایلک باهارین او خیطابت کورسوسونو.
قوی ایلک باهار منی قوجسون، من ده بو یئر کوره‌سینی!
من اوخویوم اوره‌ییمین آزربایجان نغمه‌سینی.
آزربایجان یئر اوزونده اؤلکه‌لرین قشنگی‌دیر،
سمالاردا چیچک آچان، اونون ظفر فیشنگی‌دیر.
آچ سینه‌می، یار قلبیمی، گؤر قانیمدا جوشان نه‌دیر!
باشیمداکی «ختایی»نین، «فضولی»نین چلنگی‌دیر.
یئل اسنده بوزوشمه‌یک یووامیزدا قوشلار کیمی،
چووغونلارا سینه گرک «کپز» کیمی، «قوشقار» کیمی.
بو دؤیوشده آغارتسا دا ساچلاریمی قیش قار کیمی،
من گلمیشم باهار کیمی، گئده‌جه‌یم باهار کیمی.
#خلیل_رضا_اولوتورک
#شعر_اوجاغی
@SheirOcagi
اؤلومدن ده چکینمه‌رم، اؤلوم چیخسا قاباغیما.
هایقیر، تؤکول، ائی شلاله! من سئویرم گور سسینی،
داغ باشیندا ایلک باهارین او خیطابت کورسوسونو.
قوی ایلک باهار منی قوجسون، من ده بو یئر کوره‌سینی!
من اوخویوم اوره‌ییمین آزربایجان نغمه‌سینی.
آزربایجان یئر اوزونده اؤلکه‌لرین قشنگی‌دیر،
سمالاردا چیچک آچان، اونون ظفر فیشنگی‌دیر.
آچ سینه‌می، یار قلبیمی، گؤر قانیمدا جوشان نه‌دیر!
باشیمداکی «ختایی»نین، «فضولی»نین چلنگی‌دیر.
یئل اسنده بوزوشمه‌یک یووامیزدا قوشلار کیمی،
چووغونلارا سینه گرک «کپز» کیمی، «قوشقار» کیمی.
بو دؤیوشده آغارتسا دا ساچلاریمی قیش قار کیمی،
من گلمیشم باهار کیمی، گئده‌جه‌یم باهار کیمی.
#خلیل_رضا_اولوتورک
#شعر_اوجاغی
@SheirOcagi
▫️یاشا منی!
گؤر نئجه دینج دایانمیشام،
دی گل اؤزون اوخشا منی!
بلکه قایا، بلکه داشام،
دؤندر قیزیل‌قوشا منی!
سن تام آرزو، من تامارزی،
من آجام، سن دادلی روزو.
سن مَجراسان، من آخار سو،
چیرپ قایایا، داشا منی!
سن یازسان، من قارلی قیشام،
یازی قیشا داشیمیشام.
بلکه من پیس یاشامیشام،
سن عؤمروم اول، یاشا منی!
#خلیل_رضا_اولوتورک
@Axaaq
@SheirOcagi
گؤر نئجه دینج دایانمیشام،
دی گل اؤزون اوخشا منی!
بلکه قایا، بلکه داشام،
دؤندر قیزیل‌قوشا منی!
سن تام آرزو، من تامارزی،
من آجام، سن دادلی روزو.
سن مَجراسان، من آخار سو،
چیرپ قایایا، داشا منی!
سن یازسان، من قارلی قیشام،
یازی قیشا داشیمیشام.
بلکه من پیس یاشامیشام،
سن عؤمروم اول، یاشا منی!
#خلیل_رضا_اولوتورک
@Axaaq
@SheirOcagi