▫️یوخ، بو سن دئییلسن!
قاییدیب گلیرسن گوزلری یاشلی،
دئییرسن بیر داها كوسن دئییلسن.
هانی او ووقارین، او سایمازلیغین؟
یوخ، بو سن دئییلسن، بو سن دئییلسن!
دئییرسن «واخت كئچیر، زامان گؤزله‌میر.»
دیلین دئدیگینی، اوره‌یین دئمیر.
بو یالواران گؤزل سنه بنزه‌میر،
یوخ، بو سن دئییلسن، بو سن دئییلسن!
گئتدیگیم هر یئری گودن سن ایدین،
كوسَنده آیلارلا ایتن سن ایدین،
چیرپیب قاپیلاری گئدن سن ایدین،
یوخ، بو سن دئییلسن، بو سن دئییلسن!
دئییرسن «كوسَنلر باریشار یئنه».
نه تئز بویون اَیدین بئش گونلوک غمه!
اؤزوندن راضیلیق یاراشیر سنه،
یوخ، بو سن دئییلسن، بو سن دئییلسن!
دردلیسن، دردینی گئت دانیش سویا،
ال آچما، آلچالما من وئرن پایا!
ائله بیل دیلَنچی گلیب قاپییا،
یوخ، بو سن دئییلسن، بو سن دئییلسن!
#نوصرت_كسمنلی
#شعر_اوجاغی
@SheirOcagi
قاییدیب گلیرسن گوزلری یاشلی،
دئییرسن بیر داها كوسن دئییلسن.
هانی او ووقارین، او سایمازلیغین؟
یوخ، بو سن دئییلسن، بو سن دئییلسن!
دئییرسن «واخت كئچیر، زامان گؤزله‌میر.»
دیلین دئدیگینی، اوره‌یین دئمیر.
بو یالواران گؤزل سنه بنزه‌میر،
یوخ، بو سن دئییلسن، بو سن دئییلسن!
گئتدیگیم هر یئری گودن سن ایدین،
كوسَنده آیلارلا ایتن سن ایدین،
چیرپیب قاپیلاری گئدن سن ایدین،
یوخ، بو سن دئییلسن، بو سن دئییلسن!
دئییرسن «كوسَنلر باریشار یئنه».
نه تئز بویون اَیدین بئش گونلوک غمه!
اؤزوندن راضیلیق یاراشیر سنه،
یوخ، بو سن دئییلسن، بو سن دئییلسن!
دردلیسن، دردینی گئت دانیش سویا،
ال آچما، آلچالما من وئرن پایا!
ائله بیل دیلَنچی گلیب قاپییا،
یوخ، بو سن دئییلسن، بو سن دئییلسن!
#نوصرت_كسمنلی
#شعر_اوجاغی
@SheirOcagi
▫️شانلی موغان
گؤروم آباد اولاسان دونیادا آی شانلی موغان
بورویوب هر یانینی ائل سئوه‌نین، چوخلو اوبان
قالانیر گون به گون اوستونده سنین بوغدا تایان
وارمی سندن سورا دا اؤلکه‌میزین دردین آلان؟
سنی آباد اولاسان دونیادا آی شانلی موغان
سن قیزیل قوش یوواسی؛ هم ده ایگید اویلاغیسان
ائل سئون ائللری‌نین سن آرانی-یایلاغیسان
یاز گلنده، ائله بیل نازلی گلین خایلاغیسان
یاشا دونیا بویو آی گوللو طراواتلی قالان!
سنی آباد اولاسان دونیادا آی شانلی موغان
سنده وار زحمتیله باغ بئجریب پامبیق اَکن.
پینه‌لی اللریله چؤل-بیابانلاری سؤکن
گئجه-گوندوز تری مینجیق کیمی هر یئرده تؤکن
زحمتیله اَمه‌یین اولمایا هر یئرده یالان
سنی آباد اولاسان دونیادا آی شانلی موغان
بیر باشین «گئرمی» سنین بیر طرفین «بیله سوار»
«آبیش احمد» له «خدا آفرین»ین داغلاری قار
«بیله قان» سلیاناجاق گؤی خزره کور قاریشار
آی آغیر ائللری‌نین باشینی سئودایه سالان
سنی آباد اولاسان دونیادا آی شانلی موغان
سددی «آصلاندوز»ونون جنت ائدیب دؤور و ورین
آرپا-بوغدا اکه‌نین آلمیش اورکدن کدرین
اینکشاف ائیله‌یه‌رک دونیایا سالدین خبرین
حلال اولسون داماریندا سنه او قیرمیزی قان
سنی آباد اولاسان دونیادا آی شانلی موغان
«پارساباد» دا تیکیلیب «کارخانه قند کارا»
وورموش او دوشمنی‌نین قلبینه هر یئرده یارا
گؤره‌جکسن کی زمان خایینینی چکدی دارا
اوندا داغلار دا باخیب بیر گؤره‌جک نئیلیر آران
سنی آباد اولاسان دونیادا آی شانلی موغان
«صنعتی یورد» اولوبان داغ دا بیلیر قدرتینی
شکی- شیروان دا باخیب یاخشی گؤرور غیرتینی
امه‌یین یاخشی‌دی کی ساخلیر هامی حؤرمتینی
بیلیرم چوخلاری بول ثروتینی ائتدی تالان
سنی آباد اولاسان دونیادا آی شانلی موغان
سینه‌ن اوستن آخیری خان آرازین سئللی چایی
نه آراز کی یئر اوزونده بو چایین یوخدو تایی
صمدین ایندی ده گلمکده‌دیر او چایدا هایی
ائلی‌نین باشین اوجا گؤیلره قالدیردی بالان
سنی آباد اولاسان دونیادا آی شانلی موغان
هامی زحمت چکه‌نین ایشله‌ییری سنده مدام
آغ قیزیل، قارا قیزیل ائل-اوبانا وئردی داوام
امه‌یین درک ائله‌ییر اؤزگه-اؤز عالیم هم عوام
چال ظفر مارشینی کئچمیشلرینه باخ هاوالان
سنی آباد اولاسان دونیادا آی شانلی موغان
ائله دوزسن دئیه‌سن حق یئره بیر ساج قویوب
بو یئرین نعمتی چوخ شاه باشینا تاج قویوب
حئیف اولا تاجی اولان ائولادینی آچ قویوب
سنی تانری اؤزونو گل باشا دوش، آز یارالان
سنی آباد اولاسان دونیادا آی شانلی موغان.
#بختیار_علیمرادی (موغان اوغلو)
@SheirOcagi
گؤروم آباد اولاسان دونیادا آی شانلی موغان
بورویوب هر یانینی ائل سئوه‌نین، چوخلو اوبان
قالانیر گون به گون اوستونده سنین بوغدا تایان
وارمی سندن سورا دا اؤلکه‌میزین دردین آلان؟
سنی آباد اولاسان دونیادا آی شانلی موغان
سن قیزیل قوش یوواسی؛ هم ده ایگید اویلاغیسان
ائل سئون ائللری‌نین سن آرانی-یایلاغیسان
یاز گلنده، ائله بیل نازلی گلین خایلاغیسان
یاشا دونیا بویو آی گوللو طراواتلی قالان!
سنی آباد اولاسان دونیادا آی شانلی موغان
سنده وار زحمتیله باغ بئجریب پامبیق اَکن.
پینه‌لی اللریله چؤل-بیابانلاری سؤکن
گئجه-گوندوز تری مینجیق کیمی هر یئرده تؤکن
زحمتیله اَمه‌یین اولمایا هر یئرده یالان
سنی آباد اولاسان دونیادا آی شانلی موغان
بیر باشین «گئرمی» سنین بیر طرفین «بیله سوار»
«آبیش احمد» له «خدا آفرین»ین داغلاری قار
«بیله قان» سلیاناجاق گؤی خزره کور قاریشار
آی آغیر ائللری‌نین باشینی سئودایه سالان
سنی آباد اولاسان دونیادا آی شانلی موغان
سددی «آصلاندوز»ونون جنت ائدیب دؤور و ورین
آرپا-بوغدا اکه‌نین آلمیش اورکدن کدرین
اینکشاف ائیله‌یه‌رک دونیایا سالدین خبرین
حلال اولسون داماریندا سنه او قیرمیزی قان
سنی آباد اولاسان دونیادا آی شانلی موغان
«پارساباد» دا تیکیلیب «کارخانه قند کارا»
وورموش او دوشمنی‌نین قلبینه هر یئرده یارا
گؤره‌جکسن کی زمان خایینینی چکدی دارا
اوندا داغلار دا باخیب بیر گؤره‌جک نئیلیر آران
سنی آباد اولاسان دونیادا آی شانلی موغان
«صنعتی یورد» اولوبان داغ دا بیلیر قدرتینی
شکی- شیروان دا باخیب یاخشی گؤرور غیرتینی
امه‌یین یاخشی‌دی کی ساخلیر هامی حؤرمتینی
بیلیرم چوخلاری بول ثروتینی ائتدی تالان
سنی آباد اولاسان دونیادا آی شانلی موغان
سینه‌ن اوستن آخیری خان آرازین سئللی چایی
نه آراز کی یئر اوزونده بو چایین یوخدو تایی
صمدین ایندی ده گلمکده‌دیر او چایدا هایی
ائلی‌نین باشین اوجا گؤیلره قالدیردی بالان
سنی آباد اولاسان دونیادا آی شانلی موغان
هامی زحمت چکه‌نین ایشله‌ییری سنده مدام
آغ قیزیل، قارا قیزیل ائل-اوبانا وئردی داوام
امه‌یین درک ائله‌ییر اؤزگه-اؤز عالیم هم عوام
چال ظفر مارشینی کئچمیشلرینه باخ هاوالان
سنی آباد اولاسان دونیادا آی شانلی موغان
ائله دوزسن دئیه‌سن حق یئره بیر ساج قویوب
بو یئرین نعمتی چوخ شاه باشینا تاج قویوب
حئیف اولا تاجی اولان ائولادینی آچ قویوب
سنی تانری اؤزونو گل باشا دوش، آز یارالان
سنی آباد اولاسان دونیادا آی شانلی موغان.
#بختیار_علیمرادی (موغان اوغلو)
@SheirOcagi
▫️گؤزلرینه قارا گؤزلوک تاخیب سونرا دا گونشی گؤرمه‌دیگینی سؤیله‌ییرسن.
📚 صیفیر نؤقطه‌سینده‌کی قادین
#نوال_السعداوی
#شعر_اوجاغی
@SheirOcagi
📚 صیفیر نؤقطه‌سینده‌کی قادین
#نوال_السعداوی
#شعر_اوجاغی
@SheirOcagi
▫️بیر عذاب کی، بنده اولدوغوم اوچون چکیرم، چکمه‌مک اوچون آللاه اولماق لازیم.
📚 بیر آدام یاراتماق
#نجیب_فاضیل_قیساکورک
#شعر_اوجاغی
@SheirOcagi
📚 بیر آدام یاراتماق
#نجیب_فاضیل_قیساکورک
#شعر_اوجاغی
@SheirOcagi
▫️استانبول ایشیق-ایشیق.
استانبول روزگار-روزگار، سئودیگیم!
گاه بیر لودوس¹ دنیزلردن اسن،
ایلیق می ایلیق،
گاه اولگوج میثالی بیر دلی پویراز.²
بوراخ ساچلارینی استانبولون روزگارلارینا!
بو شهرده عشقسیز و روزگارسیز یاشانماز.
استانبول بولود-بولود، سئودیگیم!
کیمی بیاض می بیاض، اینجه تول کیمی؛
کیمی قاطران میثالی قاپ‌قارا،
بولودلاری دا اینسانلارینا بنزر ایستانبولون؛
اینانما، سئودیگیم، اینانما بولودلارا!
استانبول یاغمور-یاغمور، سئودیگیم!
گاه اینجه-اینجه،
گاه بارداقدان بوشالیرجاسینا.
هله بیر یاغمور یاغمایا،
گؤرسون،
اؤلورجه‌سینه یاشانیر بو شهرده، سئودیگیم!
و بیر گون اؤلونور یاشانیرجاسینا.
ایستانبول، دنیز-دنیز، سئودیگیم!
بیر آچیق ماوی،
بیر جام‌گؤبه‌یی³ دوزلو سو؛
اوستونده ایریلی-اوفاقلی تکنه‌لر، قاییقلار، یئلکن‌لی‌لر، یوک گمیلری.
قاللاش‌دیر استانبولون دنیزلری، سئودیگیم!
استانبول قدر.
استانبول قدح-قدح، سئودیگیم!
ایچدیکجه ایچمه‌یی گلیر اینسانین.
سرخوشلوغو، آلیشیب یانماغا بنزر.
و بیر کؤلگه‌دیر یالنیزلیق مئیخانه‌لرینده،
سنینله دولاشار، سنینله گزر.
استانبول شرقی-شرقی، سئودیگیم!
«اوسکودار»ا گئدرسن، هاوا گونشلی.
گؤزلرسن آدا ساحیللرینده، یاغمور یاغار.
هر دقیقه یئنیدن اویاندیرار دردینی،
کؤهنه گرامافونلار، اسکی وال⁴لار.
نه قدر گؤزل‌لر، نه قدر شاعیرلر گؤرموش!
آرتیق آلیشمیش دردلریمیزه.
استانبول هر شئیه آلیشیق، سئودیگیم!
یئنه ده بوتون مؤحنتلری بیر یانا،
سن یاشادیقجا، استانبول ایشیق-ایشیق، سئودیگیم!
#اومید_یاشار_اوغوزجان
¹- گونئی یئلی
²- قوزئی یئلی
³- یاشیلا چالان ماوی رنگ
⁴- گرامافون صفحه‌سی
#شعر_اوجاغی
@SheirOcagi
استانبول روزگار-روزگار، سئودیگیم!
گاه بیر لودوس¹ دنیزلردن اسن،
ایلیق می ایلیق،
گاه اولگوج میثالی بیر دلی پویراز.²
بوراخ ساچلارینی استانبولون روزگارلارینا!
بو شهرده عشقسیز و روزگارسیز یاشانماز.
استانبول بولود-بولود، سئودیگیم!
کیمی بیاض می بیاض، اینجه تول کیمی؛
کیمی قاطران میثالی قاپ‌قارا،
بولودلاری دا اینسانلارینا بنزر ایستانبولون؛
اینانما، سئودیگیم، اینانما بولودلارا!
استانبول یاغمور-یاغمور، سئودیگیم!
گاه اینجه-اینجه،
گاه بارداقدان بوشالیرجاسینا.
هله بیر یاغمور یاغمایا،
گؤرسون،
اؤلورجه‌سینه یاشانیر بو شهرده، سئودیگیم!
و بیر گون اؤلونور یاشانیرجاسینا.
ایستانبول، دنیز-دنیز، سئودیگیم!
بیر آچیق ماوی،
بیر جام‌گؤبه‌یی³ دوزلو سو؛
اوستونده ایریلی-اوفاقلی تکنه‌لر، قاییقلار، یئلکن‌لی‌لر، یوک گمیلری.
قاللاش‌دیر استانبولون دنیزلری، سئودیگیم!
استانبول قدر.
استانبول قدح-قدح، سئودیگیم!
ایچدیکجه ایچمه‌یی گلیر اینسانین.
سرخوشلوغو، آلیشیب یانماغا بنزر.
و بیر کؤلگه‌دیر یالنیزلیق مئیخانه‌لرینده،
سنینله دولاشار، سنینله گزر.
استانبول شرقی-شرقی، سئودیگیم!
«اوسکودار»ا گئدرسن، هاوا گونشلی.
گؤزلرسن آدا ساحیللرینده، یاغمور یاغار.
هر دقیقه یئنیدن اویاندیرار دردینی،
کؤهنه گرامافونلار، اسکی وال⁴لار.
نه قدر گؤزل‌لر، نه قدر شاعیرلر گؤرموش!
آرتیق آلیشمیش دردلریمیزه.
استانبول هر شئیه آلیشیق، سئودیگیم!
یئنه ده بوتون مؤحنتلری بیر یانا،
سن یاشادیقجا، استانبول ایشیق-ایشیق، سئودیگیم!
#اومید_یاشار_اوغوزجان
¹- گونئی یئلی
²- قوزئی یئلی
³- یاشیلا چالان ماوی رنگ
⁴- گرامافون صفحه‌سی
#شعر_اوجاغی
@SheirOcagi
▫️دیلیمیزه، قیلیق و طبیعت دَییشدیره‌رک گیرمیش، یعنی حنجره‌میزه اویموش و اؤز قایناغی‌یلا علاقه‌سینی کسمیش هر اجنبی کلمه‌نین، اصلی مادّه‌سی کیمه عائید اولورسا اولسون، او کلمه اؤز، خالیص، صاف تورکجه‌دیر.
ایکینجی شکله، یعنی قیلیق و طبیعت دَییشدیرمه‌ین، حنجره خصوصیّتیمیزه اویمایان و قایناغی‌یلا ایلیشیگینی موحافظه ائدن کلمه‌لره گلینجه: بو طرزده کلمه‌لری قوللانماق ایمکانیندان بحث ائدن هر کیم اولورسا اولسون، تورک نوفوس کؤتویوندن سیلینمه‌سینی گرک‌دیره‌جک قدر بؤیوک بیر سوچ ایشله‌ییر دئمک‌دیر.
📚 ادبیات محکمه‌لری
#نجیب_فاضیل_قیساکورک
#شعر_اوجاغی
@SheirOcagi
ایکینجی شکله، یعنی قیلیق و طبیعت دَییشدیرمه‌ین، حنجره خصوصیّتیمیزه اویمایان و قایناغی‌یلا ایلیشیگینی موحافظه ائدن کلمه‌لره گلینجه: بو طرزده کلمه‌لری قوللانماق ایمکانیندان بحث ائدن هر کیم اولورسا اولسون، تورک نوفوس کؤتویوندن سیلینمه‌سینی گرک‌دیره‌جک قدر بؤیوک بیر سوچ ایشله‌ییر دئمک‌دیر.
📚 ادبیات محکمه‌لری
#نجیب_فاضیل_قیساکورک
#شعر_اوجاغی
@SheirOcagi
|شعر اوجاغی|
▫️کومسومول پوئماسی23 گؤزللیک و محبّت اوزاق بولودلاردا گزینیردی آی، دوققازین* آغزیندا «جلال» و «هومای»، بیریسی سؤز آتیر، دیگری گولور، کؤنوللر دؤیونور، گؤزلر سوزولور. - «هومای! بو دونیادا ان چوخ سئودیگیم، بلکه ده ان بؤیوک تانری بیلدیگیم، بیر قووّه وارسا…
▫️کومسومول پوئماسی24
دوستلار
جلال ویداعلاشیب یولا دوزَلدی،
خیالی داغینیق، منزیله گلدی.
گئجه‌دن کئچمیشدی، اوفوقلر قارا،
ساناسان کائینات چکیلیر دارا.
چیخاردیب سینه‌لی دیواردان آسیر،
هومای'ین عکسینی باغرینا باسیر.
سونرا چارپایانین اوسته ییخیلیر،
آغیر دوشونجه‌دن قلبی سیخیلیر.
یئنه ده قالخاراق یاتدیغی یئردن،
گزمیر...
دؤیولور قاپیسی بیردن.
- «کیمدیر؟»
- «بختیار.»
- «گل گؤرک، اشی!
سنسیز طالعیمین گولمز گونشی.»
- «قوی گؤرک، آی جلال، دولاما بیزی،
بو واختسیز گئجه‌ده گلمه‌ییمیزی!»
دئییب گولوشدولر او اسکی دوستلار.
سونرا بختیار،
جلالدا رنگ وئرن حالی دویاراق:
- «آشنا، بری باخ!
نه وار، قاش‌قاباغین تؤکولموش یئره؟
آچ، سؤیله دردینی، نه اولموش سنه؟!»
- «قوی قالسین هله‌لیک، سونرا بیلرسن.»
- «یوخ، آشنا! نه قدر گیزله‌سن ده سن،
اؤزوم خبردارام.»
جلال قیزاردی،
اونون گؤزلرینده اضطراب واردی.
-«کیم چاغیردی سنی بو اَیری یولا،
محبّت یارارمی بیر کومسومولا؟
من ده سنین کیمی بیر گنجم، همن،
عؤمرومو جبهه‌ده کئچیرمک‌له من،
نه سئودا بیلیرم، نه ده کی هیجران،
نه‌لر توتدوغونو بیر دوشون ده، قان!»
- «نه وار کی، من داشام، یوخسا تورپاغام؟
یاشاماق ایسته‌رم نه قدر ساغام.
اودور کی سئوگی ده، هیجران دا خوش‌دور،
منجه محبّتسیز بیر حیات بوش‌دور.»
- «یوخ، جلال! بو قدر حیسّه قاپیلماق،
گنجلیگین کئچیجی حیسّی‌دیر آنجاق.
بیر ده کی سن دوشون، سئودییین کیمدیر!»
- «روحومدا اینله‌ین بیر ساری سیم‌دیر.»
- «لاپ شعره بنزه‌دی بو سون سؤزلرین،
ایشله‌ییر شوعورون، گؤرور گؤزلرین.
یئنه ده سن قیزی یاخیندان تانی!
بو گونون عشقینده اعتیبار هانی؟»
-«او منه آند ایچدی.»
- «اینانما، جلال!
او سون ووروشمانی خاطیرینه سال!
سندین گرای بیی پوسقودا ووران.
عصرلر دولاشیب کئچسه ده زامان،
او سندن انتقام آلمامیش دورماز.
عاغلینی گل توپلا باشینا بیر آز!
آیری‌دیر مسلکی، آیری‌دیر دینی،
وئرمز آللاها دا اؤز بیلدیگینی»...
#صمد_وورغون
#شعر_اوجاغی
@SheirOcagi
داوامی وار.
دوستلار
جلال ویداعلاشیب یولا دوزَلدی،
خیالی داغینیق، منزیله گلدی.
گئجه‌دن کئچمیشدی، اوفوقلر قارا،
ساناسان کائینات چکیلیر دارا.
چیخاردیب سینه‌لی دیواردان آسیر،
هومای'ین عکسینی باغرینا باسیر.
سونرا چارپایانین اوسته ییخیلیر،
آغیر دوشونجه‌دن قلبی سیخیلیر.
یئنه ده قالخاراق یاتدیغی یئردن،
گزمیر...
دؤیولور قاپیسی بیردن.
- «کیمدیر؟»
- «بختیار.»
- «گل گؤرک، اشی!
سنسیز طالعیمین گولمز گونشی.»
- «قوی گؤرک، آی جلال، دولاما بیزی،
بو واختسیز گئجه‌ده گلمه‌ییمیزی!»
دئییب گولوشدولر او اسکی دوستلار.
سونرا بختیار،
جلالدا رنگ وئرن حالی دویاراق:
- «آشنا، بری باخ!
نه وار، قاش‌قاباغین تؤکولموش یئره؟
آچ، سؤیله دردینی، نه اولموش سنه؟!»
- «قوی قالسین هله‌لیک، سونرا بیلرسن.»
- «یوخ، آشنا! نه قدر گیزله‌سن ده سن،
اؤزوم خبردارام.»
جلال قیزاردی،
اونون گؤزلرینده اضطراب واردی.
-«کیم چاغیردی سنی بو اَیری یولا،
محبّت یارارمی بیر کومسومولا؟
من ده سنین کیمی بیر گنجم، همن،
عؤمرومو جبهه‌ده کئچیرمک‌له من،
نه سئودا بیلیرم، نه ده کی هیجران،
نه‌لر توتدوغونو بیر دوشون ده، قان!»
- «نه وار کی، من داشام، یوخسا تورپاغام؟
یاشاماق ایسته‌رم نه قدر ساغام.
اودور کی سئوگی ده، هیجران دا خوش‌دور،
منجه محبّتسیز بیر حیات بوش‌دور.»
- «یوخ، جلال! بو قدر حیسّه قاپیلماق،
گنجلیگین کئچیجی حیسّی‌دیر آنجاق.
بیر ده کی سن دوشون، سئودییین کیمدیر!»
- «روحومدا اینله‌ین بیر ساری سیم‌دیر.»
- «لاپ شعره بنزه‌دی بو سون سؤزلرین،
ایشله‌ییر شوعورون، گؤرور گؤزلرین.
یئنه ده سن قیزی یاخیندان تانی!
بو گونون عشقینده اعتیبار هانی؟»
-«او منه آند ایچدی.»
- «اینانما، جلال!
او سون ووروشمانی خاطیرینه سال!
سندین گرای بیی پوسقودا ووران.
عصرلر دولاشیب کئچسه ده زامان،
او سندن انتقام آلمامیش دورماز.
عاغلینی گل توپلا باشینا بیر آز!
آیری‌دیر مسلکی، آیری‌دیر دینی،
وئرمز آللاها دا اؤز بیلدیگینی»...
#صمد_وورغون
#شعر_اوجاغی
@SheirOcagi
داوامی وار.
▫️بوتون شانیمیز-شرفیمیز،
آلدادیجی بیر ایلغیم‌دیر.
هئچ بیر شان-شرف،
گؤزلرین قدر گئرچک دئییل.
#نزار_قبانی
#شعر_اوجاغی
@SheirOcagi
آلدادیجی بیر ایلغیم‌دیر.
هئچ بیر شان-شرف،
گؤزلرین قدر گئرچک دئییل.
#نزار_قبانی
#شعر_اوجاغی
@SheirOcagi
▫️ائی دنیز فنری کیمی اوزاق!
ائی کؤکسومده بیر خال کیمی یاخین!
ائی اوشاقلیق خاطیره‌سی کیمی اوزاق!
ائی نفَسلر و دوشونجه‌لریم قدر یاخین!
سئویرم سنی.
#غادة_السمان
#شعر_اوجاغی
@SheirOcagi
ائی کؤکسومده بیر خال کیمی یاخین!
ائی اوشاقلیق خاطیره‌سی کیمی اوزاق!
ائی نفَسلر و دوشونجه‌لریم قدر یاخین!
سئویرم سنی.
#غادة_السمان
#شعر_اوجاغی
@SheirOcagi
▫️اللرین ساچیمدا دنی یاندیریر.
جنّتده اؤزونه یووا آختاریب
منیم اوره‌ییمه قونان بختوَر!
سنی گتیرمکده دونیایا بئله،
واللاه، بهشت‌لیک‌دیر آنان، بختوَر!
قوشوم قونماسا دا اؤزگه چپَره،
خطرینه دَیمیشم بلکه مین کره.
منی تعریفله‌ییب ائوده‌کی‌لره،
هر گون گوناهیمی دانان بختوَر!
اللرین ساچیمدا دنی یاندیریر،
ذیروه‌لر دومانی، چنی یاندیریر.
منیم یاندیقلاریم سنی یاندیریر،
منه هامیدان چوخ یانان بختوَر!
#علیرضا_حسرت
#شعر_اوجاغی
@SheirOcagi
جنّتده اؤزونه یووا آختاریب
منیم اوره‌ییمه قونان بختوَر!
سنی گتیرمکده دونیایا بئله،
واللاه، بهشت‌لیک‌دیر آنان، بختوَر!
قوشوم قونماسا دا اؤزگه چپَره،
خطرینه دَیمیشم بلکه مین کره.
منی تعریفله‌ییب ائوده‌کی‌لره،
هر گون گوناهیمی دانان بختوَر!
اللرین ساچیمدا دنی یاندیریر،
ذیروه‌لر دومانی، چنی یاندیریر.
منیم یاندیقلاریم سنی یاندیریر،
منه هامیدان چوخ یانان بختوَر!
#علیرضا_حسرت
#شعر_اوجاغی
@SheirOcagi
▫️بو گؤزلرین ماویلیگینده،
بیرآز آیدین سما،
بیرآز دنیز،
ان چوخ محبّت وار.
بیرآز دنیز اولدوغو اوچون،
بو گؤزَلین ساچلاریندان،
یوسون قوخوسو گلیر.
گولنده سسینه اینجی‌لر دوزولور.
بلكه ده بو گولوش،
اینجی'نین سسی‌دیر.
گؤزلرینین بو تاییندا بیزیک،
او تاییندا سعادت اؤلكه‌سی‌دیر.
او قدر ظریف‌دیر،
گول كؤلگه‌سی ده اونا یوک‌دور.
بو قیز دنیز گؤزلو، قیزیل بالیق‌دیر.
دونیادا یئگانه دنیزدیر كی،
بالیغی دنیزدن بؤیوک‌دور،
#نوصرت_كسمنلی
#شعر_اوجاغی
@SheirOcagi
بیرآز آیدین سما،
بیرآز دنیز،
ان چوخ محبّت وار.
بیرآز دنیز اولدوغو اوچون،
بو گؤزَلین ساچلاریندان،
یوسون قوخوسو گلیر.
گولنده سسینه اینجی‌لر دوزولور.
بلكه ده بو گولوش،
اینجی'نین سسی‌دیر.
گؤزلرینین بو تاییندا بیزیک،
او تاییندا سعادت اؤلكه‌سی‌دیر.
او قدر ظریف‌دیر،
گول كؤلگه‌سی ده اونا یوک‌دور.
بو قیز دنیز گؤزلو، قیزیل بالیق‌دیر.
دونیادا یئگانه دنیزدیر كی،
بالیغی دنیزدن بؤیوک‌دور،
#نوصرت_كسمنلی
#شعر_اوجاغی
@SheirOcagi
▫️قادینیم!
سنین دنیزینده سفر ائتدیگیمده،
نه دنیز یوللارینین خریطه‌سینه باخدیم،
نه جان‌قورتاران قاییق آپاردیم اؤزومله،
نه ده جان یله‌یی.
عکسینه،
من بیر بوددیست کیمی،
سنین اودونا یاخینلاشیب
یولون سونونو سئچدیم.
#نزار_قبانی
#شعر_اوجاغی
@SheirOcagi
سنین دنیزینده سفر ائتدیگیمده،
نه دنیز یوللارینین خریطه‌سینه باخدیم،
نه جان‌قورتاران قاییق آپاردیم اؤزومله،
نه ده جان یله‌یی.
عکسینه،
من بیر بوددیست کیمی،
سنین اودونا یاخینلاشیب
یولون سونونو سئچدیم.
#نزار_قبانی
#شعر_اوجاغی
@SheirOcagi
▫️عشقسیز،
بوتون موسیقی‌لر های-کوی،
بوتون رقص‌لر دلی‌لیک،
بوتون تاپینمالار یارارسیزدیر.
#مولانا
#شعر_اوجاغی
@SheirOcagi
بوتون موسیقی‌لر های-کوی،
بوتون رقص‌لر دلی‌لیک،
بوتون تاپینمالار یارارسیزدیر.
#مولانا
#شعر_اوجاغی
@SheirOcagi
|شعر اوجاغی|
▫️کومسومول پوئماسی24 دوستلار جلال ویداعلاشیب یولا دوزَلدی، خیالی داغینیق، منزیله گلدی. گئجه‌دن کئچمیشدی، اوفوقلر قارا، ساناسان کائینات چکیلیر دارا. چیخاردیب سینه‌لی دیواردان آسیر، هومای'ین عکسینی باغرینا باسیر. سونرا چارپایانین اوسته ییخیلیر، آغیر دوشونجه‌دن…
▫️کومسومول پوئماسی25
...بو سؤزدن جلالین رنگی بوزاردی،
خیالی بیر درین هئچلیگه واردی.
او ایندی داش کیمی یئرینده دونموش،
ایچینده چیرپینیر یارالی بیر قوش.
شوبهه‌لر اوشودور اونون جانینی.
گیزله‌مک ایسترکن هیَجانینی،
یئنه ده بختیار حیسّ ائدیب اونو،
دَییشیر صؤحبتین بیر آز تونونو:
- «جلال، دوشونمه، یئتر!
بیل ده قایغیدان بئتر،
آزار یوخدور دونیادا.
گنجلیگینی سال یادا،
توتدوقلاریندان ارین!
سنین شانلی گونلرین،
زامانلارین گله‌جک؛
بیزیمکی‌دیر گله‌جک.
سئو، مفتون اولما، قارداش!
«محبّت» دئدیگین داش،
نه‌یه دوشسه سیندیرار،
اونون آغیرلیغی وار.
بیر ده کی سن کومسومول،
آنلا کی توتدوغون یول،
شرفلی‌دیر جهاندا،
بو قاریشیق زاماندا!
هومای دوشمن قیزی‌دیر،
آلتون اخلاقسیزی‌دیر.
او سنین دار گونونده،
گؤزلرینین اؤنونده،
قیزلیغینی ساتاجاق.
اونوت اونو، سؤزه باخ!»
جلال بو سؤزلردن آییلان کیمی،
یئرینده قیوریلدی بیر ایلان کیمی.
-«یوخ، بختیار! سن،
چوخ سهو ائدیرسن.
او تزه چیچک،
نه اولسا، گرک
منیم اولمالی!
او، آتا مالی،
نه شؤهرت دویماز.
اولسا دا بیر آز،
قلبینده کینی،
قلبینده‌کینی،
منیم قووّتیم
و محبّتیم،
تئزجه پارچالار.
نه معناسی وار؟»
بختیار الینی آتیب دیوارا،
او آخشام قیزیشیب دم وئردی تارا.
سیملری گزدیکجه آغ بارماقلاری،
هومای قونشولوقدا آشیب حاصاری،
دینله‌دیکجه تارین حزین سسینی،
چالیردی قلبینین کامانچاسینی.
#صمد_وورغون
#شعر_اوجاغی
@SheirOcagi
داوامی وار.
...بو سؤزدن جلالین رنگی بوزاردی،
خیالی بیر درین هئچلیگه واردی.
او ایندی داش کیمی یئرینده دونموش،
ایچینده چیرپینیر یارالی بیر قوش.
شوبهه‌لر اوشودور اونون جانینی.
گیزله‌مک ایسترکن هیَجانینی،
یئنه ده بختیار حیسّ ائدیب اونو،
دَییشیر صؤحبتین بیر آز تونونو:
- «جلال، دوشونمه، یئتر!
بیل ده قایغیدان بئتر،
آزار یوخدور دونیادا.
گنجلیگینی سال یادا،
توتدوقلاریندان ارین!
سنین شانلی گونلرین،
زامانلارین گله‌جک؛
بیزیمکی‌دیر گله‌جک.
سئو، مفتون اولما، قارداش!
«محبّت» دئدیگین داش،
نه‌یه دوشسه سیندیرار،
اونون آغیرلیغی وار.
بیر ده کی سن کومسومول،
آنلا کی توتدوغون یول،
شرفلی‌دیر جهاندا،
بو قاریشیق زاماندا!
هومای دوشمن قیزی‌دیر،
آلتون اخلاقسیزی‌دیر.
او سنین دار گونونده،
گؤزلرینین اؤنونده،
قیزلیغینی ساتاجاق.
اونوت اونو، سؤزه باخ!»
جلال بو سؤزلردن آییلان کیمی،
یئرینده قیوریلدی بیر ایلان کیمی.
-«یوخ، بختیار! سن،
چوخ سهو ائدیرسن.
او تزه چیچک،
نه اولسا، گرک
منیم اولمالی!
او، آتا مالی،
نه شؤهرت دویماز.
اولسا دا بیر آز،
قلبینده کینی،
قلبینده‌کینی،
منیم قووّتیم
و محبّتیم،
تئزجه پارچالار.
نه معناسی وار؟»
بختیار الینی آتیب دیوارا،
او آخشام قیزیشیب دم وئردی تارا.
سیملری گزدیکجه آغ بارماقلاری،
هومای قونشولوقدا آشیب حاصاری،
دینله‌دیکجه تارین حزین سسینی،
چالیردی قلبینین کامانچاسینی.
#صمد_وورغون
#شعر_اوجاغی
@SheirOcagi
داوامی وار.
دیالوق
▫️دونیانی دَییشدیرمه‌دن اؤنجه، آنلامالیسان کی سن ده اونون بیر پارچاسیسان.
🎬 The Dreamers
2003 بریتانیا-فرانسه
#برناردو_برتولوچی
#شعر_اوجاغی
@SheirOcagi
▫️دونیانی دَییشدیرمه‌دن اؤنجه، آنلامالیسان کی سن ده اونون بیر پارچاسیسان.
🎬 The Dreamers
2003 بریتانیا-فرانسه
#برناردو_برتولوچی
#شعر_اوجاغی
@SheirOcagi
▫️هاراسیندان قوجاقلاییم داغلاری؟
سن گلنده دومان ایدی ذیروه‌لر،
باش اَیمیشدی داغلار دا سن گئدنده.
هاراسیندان قوجاقلاییم داغلاری
ذیروه‌لردن بو دومان-چن گئدنده؟
ناز-نعمت‌دی، قیزیل تاجدی سونبوللر،
بو دونیایا ایشیق ساچدی سونبوللر.
یاخاسینی جیریب آچدی سونبوللر،
دیمدیگینده قوشلارین دن گئدنده.
یاوانلیغی بو غم-غوبار غریبین،
سوفره‌سینده آیری نه وار غریبین؟
دونیا گلر اَینینه دار، غریبین،
اؤزگه یوردو اؤزونه کند ائدنده.
#علیرضا_حسرت
#شعر_اوجاغی
@SheirOcagi
سن گلنده دومان ایدی ذیروه‌لر،
باش اَیمیشدی داغلار دا سن گئدنده.
هاراسیندان قوجاقلاییم داغلاری
ذیروه‌لردن بو دومان-چن گئدنده؟
ناز-نعمت‌دی، قیزیل تاجدی سونبوللر،
بو دونیایا ایشیق ساچدی سونبوللر.
یاخاسینی جیریب آچدی سونبوللر،
دیمدیگینده قوشلارین دن گئدنده.
یاوانلیغی بو غم-غوبار غریبین،
سوفره‌سینده آیری نه وار غریبین؟
دونیا گلر اَینینه دار، غریبین،
اؤزگه یوردو اؤزونه کند ائدنده.
#علیرضا_حسرت
#شعر_اوجاغی
@SheirOcagi
▫️نه ائده بیلردیم کی تک باشیما؟ بؤیوک بیر جهالت اوردوسو ایله نئجه باش ائده بیلردیم؟
📚 قیرمیزی گلینجیک‌لر
#شوکران_دمیرحان
#شعر_اوجاغی
@SheirOcagi
📚 قیرمیزی گلینجیک‌لر
#شوکران_دمیرحان
#شعر_اوجاغی
@SheirOcagi
▫️بوز آی*
گاه بوزاریر، گاه قیزاریر،
گاه قیزاریر، گاه بوزاریر.
گونش چیخیر، تئز ده باتیر،
یازلا-قیشین آراسیندا.
هاوا مئیخوش، هاوا سرین،
قیش‌لا-یازین آراسیندا.
بو نه قیش‌دیر، بو نه یازدیر؟
سویوق چوخ‌دور، ایستی آزدیر.
گونش دوغور؛ بس گونشین،
او ایستیسی هاردا قالیب؟
او هنیری، حرارتی،
یوخسا اوندان قیش می آلیب؟
سویوق، شاختا یئره هوپوب،
ایشله‌میشدیر ایلیگینه.
شئه‌لر دؤنوب قیروو اولوب،
سپه‌لنیب یئر اوزونه.
قار دا، بوز دا یاغیش تکین،
چیسَک تکین تئز-تئز یاغیر.
قاری ننه اته‌یینی،
بولود کیمی تئز-تئز سیخیر.
قارا بولود دورولاشیر،
پامبیق کیمی دوم‌آغ اولور.
قارا یاغیش آغ یاغیشا،
یاغا-یاغا اورجاح اولور.
قوشلار دامین حاصاریندان،
یوواسینی سؤکور داها.
آغاجلارین کلّه‌سینده،
یئنی یووا تیکیر داها.
قونور کؤهنه اوولاغینا،
سانکی چیخیر یایلاغینا.
هامی یازا حاضیرلاشیر،
سیغیرچینلار قاققیلداشیر.
دورنا کؤچو سمت گؤتورور،
کاروان چکیب کؤهنه یوردا.
بولبول‌لر ده تئز-تئز اؤتور،
او قوروقدا، بو قوروقدا.
بوز آی دؤنوب قیزاردیقجا،
بوز بولبول‌لر ساری اولور.
ایلک چیچه‌یی قوخلایان دا،
بال توپلایان آری اولور.
بوز آی قیشی سیخیشدیریر،
یازا یئنی یوللار آچیر.
قیشدان سونرا گلن یازا،
چؤللر گئنیش قوللار آچیر.
خونچا توتوب ائل-اوبالار،
سانکی یازی ایزله‌ییرمیش.
دوزلر بویو خالی سرمیش،
سانکی گلین گؤزله‌ییرمیش.
#احمد_جاواد
* خالق اینانجینا گؤره فئورالین 19-دان 20-نه کئچن گئجه، آزربایجاندا کیچیک چیلله اؤز یئرینی «بوز آی Boz Ay»ا وئریر. بوز آی عادتا فئورالین 20-دن باشلاییب مارت آیینین 21-ده باشا چاتیر. بو آیدا هاوالار بعضاً مولاییم، بعضاً ده شاختالی کئچیر. بونا گؤره ده ائل آراسیندا «بوز آی بوزارا-بوزارا کئچیر» دئیه بیر دئییم وار.
#شعر_اوجاغی
@SheirOcagi
گاه بوزاریر، گاه قیزاریر،
گاه قیزاریر، گاه بوزاریر.
گونش چیخیر، تئز ده باتیر،
یازلا-قیشین آراسیندا.
هاوا مئیخوش، هاوا سرین،
قیش‌لا-یازین آراسیندا.
بو نه قیش‌دیر، بو نه یازدیر؟
سویوق چوخ‌دور، ایستی آزدیر.
گونش دوغور؛ بس گونشین،
او ایستیسی هاردا قالیب؟
او هنیری، حرارتی،
یوخسا اوندان قیش می آلیب؟
سویوق، شاختا یئره هوپوب،
ایشله‌میشدیر ایلیگینه.
شئه‌لر دؤنوب قیروو اولوب،
سپه‌لنیب یئر اوزونه.
قار دا، بوز دا یاغیش تکین،
چیسَک تکین تئز-تئز یاغیر.
قاری ننه اته‌یینی،
بولود کیمی تئز-تئز سیخیر.
قارا بولود دورولاشیر،
پامبیق کیمی دوم‌آغ اولور.
قارا یاغیش آغ یاغیشا،
یاغا-یاغا اورجاح اولور.
قوشلار دامین حاصاریندان،
یوواسینی سؤکور داها.
آغاجلارین کلّه‌سینده،
یئنی یووا تیکیر داها.
قونور کؤهنه اوولاغینا،
سانکی چیخیر یایلاغینا.
هامی یازا حاضیرلاشیر،
سیغیرچینلار قاققیلداشیر.
دورنا کؤچو سمت گؤتورور،
کاروان چکیب کؤهنه یوردا.
بولبول‌لر ده تئز-تئز اؤتور،
او قوروقدا، بو قوروقدا.
بوز آی دؤنوب قیزاردیقجا،
بوز بولبول‌لر ساری اولور.
ایلک چیچه‌یی قوخلایان دا،
بال توپلایان آری اولور.
بوز آی قیشی سیخیشدیریر،
یازا یئنی یوللار آچیر.
قیشدان سونرا گلن یازا،
چؤللر گئنیش قوللار آچیر.
خونچا توتوب ائل-اوبالار،
سانکی یازی ایزله‌ییرمیش.
دوزلر بویو خالی سرمیش،
سانکی گلین گؤزله‌ییرمیش.
#احمد_جاواد
* خالق اینانجینا گؤره فئورالین 19-دان 20-نه کئچن گئجه، آزربایجاندا کیچیک چیلله اؤز یئرینی «بوز آی Boz Ay»ا وئریر. بوز آی عادتا فئورالین 20-دن باشلاییب مارت آیینین 21-ده باشا چاتیر. بو آیدا هاوالار بعضاً مولاییم، بعضاً ده شاختالی کئچیر. بونا گؤره ده ائل آراسیندا «بوز آی بوزارا-بوزارا کئچیر» دئیه بیر دئییم وار.
#شعر_اوجاغی
@SheirOcagi