▫️«ولنتاین» بایرامیندا
تک بیر اؤپوشله،
بوتون تاریخی
بیز اوزوک کیمی
بارماغیما تاخیب
زامان و مکانی یوخ ائده بیله‌رم.

#نزار_قبانی
#شعر_اوجاغی
@SheirOcagi

▫️اللرین،
ایکی عربی و نادیر ال‌یازیسی‌
و باشقا نوسخه‌سی اولمایان ایکی کیتاب‌دیر.
بس ساوادسیزلیق چاغلاریما دؤنمه‌مه‌م اوچون،
اللرینی اللریمدن آلما!

#نزار_قبانی
#شعر_اوجاغی
@SheirOcagi

▫️بوتون شانیمیز-شرفیمیز،
آلدادیجی بیر ایلغیم‌دیر.
هئچ بیر شان-شرف،
گؤزلرین قدر گئرچک دئییل.

#نزار_قبانی
#شعر_اوجاغی
@SheirOcagi

▫️قادینیم!
سنین دنیزینده سفر ائتدیگیمده،
نه دنیز یوللارینین خریطه‌سینه باخدیم،
نه جان‌قورتاران قاییق آپاردیم اؤزومله،
نه ده جان یله‌یی.
عکسینه،
من بیر بوددیست کیمی،
سنین اودونا یاخینلاشیب
یولون سونونو سئچدیم.

#نزار_قبانی
#شعر_اوجاغی
@SheirOcagi

▫️سنی، اؤزوم اوچون سئومیرم،
سنی سئویرم، حیاتین چؤهره‌سینی گؤزل‌لشدیرمک اوچون.

سنی اوشاقلاریم آرتسین دئیه سئومیرم،
سنی سئویرم‌، سؤزجوکلرین نسلینی آرتیرماق اوچون.

گؤی اوزونون حالی یاخشیلاشسین،
میلّت‌لر و دیللر قالارغی اولسون دئیه،
سئویرم سنی.

#نزار_قبانی
#شعر_اوجاغی
@SheirOcagi

▫️منی ائله سئو، اوره‌ییمده باشقا آرزوم قالماسین!

#نزار_قبانی
#شعر_اوجاغی
@SheirOcagi

▫️«ژنو»ده
باهالی، آلماس ساعاتلاریندان
و «زامانی بیز یارادیریق» شوعاریندان،
حئیرت ائتمیردیم.

سئوگیلیم!
ساعات دوزلدن‌لر نه بیلیر
واختی یارادان
و زامانین طرحینی تؤکن
یالنیز سنین گؤزلرین‌دیر؟

#نزار_قبانی
#شعر_اوجاغی
@SheirOcagi

▫️سئو منی،
و بونو دیله گتیر!

#نزار_قبانی
#شعر_اوجاغی
@SheirOcagi

▫️عشقده مرخصی آدیندا بیر شئی یوخدور،
نه یای تعطیلاتی،
نه استعلاجی، نه ایداری مرخصی...
یا قانینین سون دامجیسینا قدر ساواشاجاقسان،
یا دا همن ایندی اویونو بوراخاجاقسان!

#نزار_قبانی
#شعر_اوجاغی
@SheirOcagi

▫️اؤنمی یوخدور منه،
نه گلن ایللرین،
نه یوخ اولان ایللرین.
سنسن،
ساعات عقرب‌لرینین یوخ ائتمه‌دیگی تک زامان.

#نزار_قبانی
#شعر_اوجاغی
@SheirOcagi

▫️بوتون عشق کلمه‌لرینی یاندیریرام،
مندن باشقاسی، اونلاری سنه یازماسین!
بوتون دلیلیک سینیرلارینی قارمالاییرام،
مندن باشقاسی سنه دلی اولماسین!

#نزار_قبانی
#شعر_اوجاغی
@SheirOcagi