اؤیکوجوک

▫️سس

- «کیم اؤلموش؟» دئدی بیر سس.
- «کیم اؤلدورموش؟» دئدی باشقا بیر سس.
- «نئچه آدام اؤلموش؟» دئدی بیر اوچونجو سس.
- «نه زامان اؤلدورموشلر؟» دئدی یاد بیر سس.
- «اؤلدورن ده اؤلر»، دئدی تانیش بی سس.
- «اوچ ده اوشاق»، دئدی دَییشیک بیر سس.
- «بئش ده قادین»، دئدی همن سس.
- «هارایا گئدیریک؟»، دئیه سوردو یاشلی بیر سس.
- «بیلمز کیمی دانیشما!»، دئدی گنج بیر سس.
- «واللاه بیلمز»، دئدی سون سس.

#فرید_ائدگو
@SheirOcagi

▫️یولجو

- بو دفعه گئرچکدن گئدیرم.
+ جهنّمین دیبینه قدر یولون وار.
- آما من او یولو بیلمیرم.
+ بیلمه‌یینه گرک‌ یوخ.‌ یولون سونو ذاتاً اوراسی...

#فرید_ائدگو
#شعر_اوجاغی
@SheirOcagi

اؤیکوجوک

▫️ایکی‌لی

- او آن تتیگی چکسه‌یدیم اگر...
+ بیلیرم، بو آندا حیاتدا اولمایاجاقدیم.
- من ده...

#فرید_ائدگو
کؤچورن: سؤز
@a_z_soz
@SheirOcagi

اؤیکوجوک

▫️هئچ

- نه دئییردیک؟
+ هئچ‌ بیر شئی.
- آه! دئمک، باشلادیغیمیز یئره دؤندوک.
+ هئچ‌ بیر شئی‌دن می باشلامیشدیق؟
- هه. سانیرام.
+ ائله‌دیرسه، یئنیدن باشلایا بیله‌ریک.
- نه‌دن اولماسین؟ اؤنجه سن باشلا!
+ نه دئییردیک؟
- هئچ‌ بیر شئی...

#فرید_ائدگو

کؤچورن: سؤز
@a_z_soz
@SheirOcagi

اؤیکوجوک

▫️ایچه‌ریده‌کی

قاپینی سیز چالدینیز می؟ قاپینی چالمادینیزسا، بورادا قاپینین اؤنونده نه ایشینیز وار؟ منی ایسته‌ییرسینیزمی؟ آمّا من ایچه‌ریده‌یم. من دیشاری چیخا بیلمه‌رم. ایسته‌سم ده چیخا بیلمه‌رم. منه ایذن یوخ...

#فرید_ائدگو

کؤچورن: سؤز
@a_z_soz
@SheirOcagi

اؤیکوجوک

▫️اعتراف

- آنلاتدیغینیز بو اولایی اؤز گؤزلرینیزله گؤردونوزمو؟
+ سایین یارقیج! ساوجینین بو سورغوسونو آنلامادیغیمی اعتراف ائدیرم.
- دئمک اعتراف ائدیرسینیز.
+ نه‌یی؟
- هر شئیی.
+ آمّا من...
- سانیق اعتراف ائتمیش و محکمه بیتمیشدیر...

#فرید_ائدگو
کؤچورن: "سؤز"
@a_z_soz
@SheirOcagi

▫️بو آن،
نه قدر اوزاغیندا کیمی‌یم اؤزومون!...

#فرید_ائدگو
@SheirOcagi

▫️ایتمک ده وار، قالماق دا دنیزین اوزانان چؤلونده، یا دا گور بیر اورمانین یاشیل‌لیغیندا.
منیم کؤنلوم بیر کاکتوس‌لا اولو بیر چینار آراسیندا سیخیشیق...

#فرید_ائدگو
@a_z_soz
@SheirOcagi

▫️قاپینی آچیق بوراخما!
آچیق بوراخدیغین قاپیدان،
یوخلوق سوزولور ایچَری.
حیسّ ائدیرم.

#فرید_ائدگو
#شعر_اوجاغی
@SheirOcagi

▫️عشقدن اولسون اؤلوموموز!
دوداقلاریمیز ایسلاق،
دیلیمیز اونوتموش سؤزجوکلری،
گؤزلریمیز یومولو،
قوللاریمیز گریلمیش،
بوینوموز دا بیر آز اوزانمیش؛
و دیرناقلاریمیزدا بئله،
حیسّ اولورکن اورک چیرپینتیمیز.
اولسون عشقدن اؤلوموموز!

#فرید_ائدگو
#شعر_اوجاغی
@SheirOcagi

اؤیکوجوک

▫️دانیشیق

- حیات سویودو.
+ هاوا سویودومو دئدین؟
- یوخ! سویویان حیات.
+ یارالارین سیزلاییرمی؟
- یارالاریم، هه!
+ دؤزولور کیمی دئییل، ائله‌دیرمی؟
- هه، ائله‌دیر.
+ یازیق اینسان!
- بونون اینسانلیقلا نه ایلگیسی وار؟
+ اوندا نه‌یله ایلگیسی وار؟
- یارالاریملا. یالنیزجا او توختاماق بیلمه‌ین، گؤوده‌می گَمیرن یارالاریملا.

#فرید_ائدگو
کؤچورن: سؤز کانالی
@a_z_soz
@SheirOcagi

اؤیکوجوک

▫️دانیشیق

- حیات سویودو.
+ هاوا سویودومو دئدین؟
- یوخ! سویویان حیات.
+ یارالارین سیزلاییرمی؟
- یارالاریم، هه!
+ دؤزولور کیمی دئییل، ائله‌دیرمی؟
- هه، ائله‌دیر.
+ یازیق اینسان!
- بونون اینسانلیق‌لا نه ایلگیسی وار؟
+ اوندا نه‌یله ایلگیسی وار؟
- یارالاریم‌لا، یالنیزجا او توختاماق بیلمه‌ین، گؤوده‌می گمیرن یارالاریم‌لا.

#فرید_ائدگو
کؤچورن: سؤز کانالی
@a_z_soz
@SheirOcagi

اؤیکوجوک

▫️اوچ سؤزجوک، تک قورشون

اوندان، سؤیله‌مک ایسته‌دیگینی آچیقجا و ایکی سؤزجوک‌له سؤیله‌مه‌سینی ایسته‌دیم.
- «ایکی سؤزجوک یئتمز» دئدی.
- «اولسون، اوچ» دئدیم.
- «اونو اؤلدورمک ایسته‌ییرم» دئدی.
- «نه ایسته‌ییرسن؟» دئدیم.
- «منه بیر قورشون وئر!» دئدی.
اونا بیر تک قورشون وئردیم.

- سونرا نه ائتدی، بیلمیرم. اونو بیر داها گؤرمه‌دیم.

#فرید_ائدگو
کؤچورن: سؤز کانالی
@a_z_soz
@SheirOcagi