▫️ایفاده ائدیلمه‌میش دویغولار اصلا اؤلمز. جانلی‌-جانلی باسدیریلیب سونرادان چیرکین شکیل‌لرده اورتایا چیخیر...

#زیگموند_فروید
#شعر_اوجاغی
@SheirOcagi

سئودییی شهید اولان، خانیملارا

▫️یاغیشلار یاغمادان دا ایسلانیر شهید قبیرلری...
و قیزلار شهید شکیللرینی سئویر‌...
ایندی... قیزلار اوغلانلارا چیچک آلیر-
اونلارین آد گونونده،
ایلک گؤروش گونونده،
یا ان عادی گونده.
لچک‌لرینده گؤز یاشلاریندان شئه‌لر،
شهید قبیرلرینین اوستونو اؤرتور چیچک‌لر.
ایندی حسرتین بیتمه‌دییی یئرلرده،
بنؤوشه قیزلار
هر گئجه شهیدلره مکتوب یازیر،
و...
هر شهید اؤز سئودییینین یازدیغینی
گؤیلردن اوخویور.
گؤیلر «سئویرم» سؤزو قوخویور،
گؤیلر یئرلره شهیدلرین نورونو سپیر،
قیزلار قیرمیزی لئنتلی باش داشلارینا ساریلاندا
شهیدلر کولک‌لرین گتیردییی
قیز ساچلارینین قوخوسوندان اؤپور...

#اسمیرا_مئهی‌قیزی
#شعر_اوجاغی
@SheirOcagi

▫️اینسان اؤزو ایله صمیمی دئییل. اونا گؤره ده اؤزونو باشا دوشمه‌مه‌سیندن شیکایت‌لنمه‌مه‌لیدیر...

📚 بو شهرده کیمسه یوخدور
#رؤوشن_عبدالله‌اوغلو
#شعر_اوجاغی
@SheirOcagi

▫️ ایللر سونرا اؤیرندیم کی، قیشقیریب-باغیرماغا احتیاج یوخدور. سسینی ائشیتمک ایسته‌ینه بیر فیسیلتی‌ن یئتر...

#فرید_فرجاد
#شعر_اوجاغی
@SheirOcagi

▫️اوشاقلیقدا من اؤزومو بیر آری پته‌یی کیمی خیال ائدیردیم: چئشیدلی ساده و عادی آداملار بال آریلاری کیمی حیات حاقّینداکی اؤز بیلیک و فیکیرلرینین بالینی بورایا گتیریر، هر کس سخاوتله منیم روحومو بیر شئی‌له زنگین‌لشدیریردی. چوخ زامان بو بال چیرکلی و آجی اولوردو، لاکین هر جور بیلیک هر حالدا یئنه ده بال‌دیر...

📚 اوشاقلیق
#ماکسیم_گورکی
#شعر_اوجاغی
@SheirOcagi

▫️ بیز ائله بؤیوموشوک، ائله تربیت اولموشوق کی، حتّی سئوگی بئیینه عایید ائدیلیر.
سئوگی اساساً اوره‌یه مخصوصدور، آما بیزیم توپلوم اورکدن یان کئچیر، چونکی اورک منطیقلی دئییل، اورک راسیونال دئییل.
بئینه ائله تربیت وئریلیب کی، منطیقلی اولمایانی سهو حساب ائدیر، ایرراسیونال اولان هر شئیی یانلیش بیلیر. بئینه گؤره منطیقلی اولان دوزگوندور‌.
بیزیم تربیت پروقرامیمیزدا اوره‌یه یئر یوخدور، هر شئی بئیین اوچوندور. اورک همیشه آز قالا وارلیغیمیزدان اوزاقلاشدیریلیب، سوسدورولوب. اوره‌یه، بؤیومک اوچون ایمکان وئریلمیر، اونا اؤز پوتانسییئلینی فعّال‌لاشدیرماق اوچون شراییط یارادیلمیر...

📚 قیزیل کولچه‌لر
#اوشو
#شعر_اوجاغی
@SheirOcagi

اوشاق شعری

▫️توملار*

بیر استکان توم
اکدیم تورپاغا.
سونرا باشلادیم
من داریخماغا.

کئچدی آیلاریم
کئچدی ایللریم،
نه واخت چیخاجاق،
توملاریم منیم؟

ائشدیم تورپاغی
گؤردوم توملارین
یاریسی یوخدو.
یاریسینین دا
الی چیخیبدی.

گؤردوم یاریسی
آیاق آچیبلار.
او بیرلری ده،
یقین قاچیبلار...

#قشم_نجف‌زاده

* توخوم (Tum)
#شعر_اوجاغی
@SheirOcagi

▫️... سؤزون اخلاقلا ایلگیسی یوخدور.
اخلاقا چوخ باغلی اولان، آنجاق یاخشی داورانیشلاری اولمایان آداملارلا قارشیلاشمیشام من.
و هر گون داها دا چوخ آنلاییرام: «دوغرولوغون قانونا احتیاجی یوخدور...»

📚 سیزیف افسانه‌سی
#آلبر_کامو
#شعر_اوجاغی
@SheirOcagi

▫️من اؤزومو
عشق گوناهیندان
تمیزه چیخارماغا چالیشمیرام.
عکسینه،
اینانیرام
اینسانین ایشله‌دیگی ان بؤیوک گوناه،
عاشیق اولماماسی‌دیر.

#نزار_قبانی
#شعر_اوجاغی
@SheirOcagi

▫️آناسیندان کؤتک یئدیگی حالدا،
یئنه «آنا» دئیه آغلایان بیر اوشاق‌دیر عشق.

#جمال_ثریا
#شعر_اوجاغی
@SheirOcagi

▫️داریخیرام.

من ائله چوخ داریخیرام، ایلاهی،
قوخوسونو بیلمه‌دیگیم کس اوچون!
داریخیرام، داریخیرام نئجه ده،
بیرجه دفعه ائشیتدیگیم سس اوچون!

بو داریخماق چیخاجاقدیر سونوما،
داریخیرام توتمادیغیم ال اوچون.
بنزه‌میر کی داریخماق دا هئچ نه‌یه،
داریخیرام دن-دن اولان تئل اوچون.

ایلاهی، باخ! بخش ائتدیگین بو عؤمرو،
داریخماقلا کئچیریرم، اینجیمه!
منی بئله داریخدیران او کسین،
قوربان اولوم گؤزلرینین رنگینه!

#افسانه_روان
#شعر_اوجاغی
@SheirOcagi

▫️دردیمی، عذابیمی،
یانغیمی سویوتماغا،
عشقیندن اینجیک دوشن
کؤنلومو اویوتماغا،
بیر مقام ایسته‌ییرم.
او سئوگی ساواشیم‌لا
باش قویدوغوم سینه‌نی،
یاندیریم گؤز یاشیم‌لا
یاغا سو دامار کیمی.
منه طرف باخمایان
گؤزلرینین آجیغینا.

دونیانین ان مئهریبان،
ان شیرین سؤزلرینی،
تک سنه پیچیلداییم.
بیرجه دفعه خوش بیلیب
سندن ائشیتمه‌دیگیم،
سؤزلرینین آجیغینا.

بیر قوروجا بوداغی
گؤیَردن سارماشیق تک
سنه ساریلیم قالیم،
داها منیم اولمایان
دیزلرینین آجیغینا.

سما آتشی کیمی،
غوروب گونشی کیمی،
ساچیلیب دا ساچینا،
دؤنوب قیزیل تاجینا،
سیخیم‌ بولود تئلینی
ایندی الیم یئریمه‌ین
تئل‌لرینین آجیغینا.

گؤیرچین اللرینی
ائله سیخیم کؤکسومه
باغریمین آلوووندان
گول آچسین بارماقلاریم،
الیمه ال وئرمه‌ین
اللرینین آجیغینا!

یول آلیب یولا چیخیم،
منه ساری گلمه‌ین
یوللارینین آجیغینا!

آللاهدان اولموش کیمی،
بیر قیرغی جایناغیندان
قوپان قارانقوش کیمی
منی پناهگاه بیلیب
آتیلاسان قوینوما
یوکون دوشه بوینوما،
من ده
بیر یوخو حئسابیندا،
او آرا صاحیبینین
ائتدیگی ثوابیندا،
دونیانین ان بختوَر
مقامیندا یاشاییم،
همین او دقیقه‌نین
داوامیندا یاشاییم،
یوللاریندا چکدیگیم
همین او حسرتلرین،
انتظارین آجیغینا.

سن منه گؤستردیگین
دؤنوکلویون عوضی،
من سنه ساخلادیغیم
اعتبارین آجیغینا.

#موسی_یعقوب
#شعر_اوجاغی
@SheirOcagi

▫️شوشادا بیر گئجه

بو گئجه، گئجه‌نین سون قاتیندایام،
بو گئجه بیر قندیل قانادیندایام.
ساغیمدا بیر دره، قارا هؤروک‌دور،
سولومدا بیر دره، قارا هؤروک‌دور،
دؤوره‌مده بولودلار بؤلوک-بؤلوک‌دور.
دونیانین دامینا چیخمیشام، نه‌دی؟
دونیا قارانلیغی هاردا گیزله‌دیب؟
دونیا تورانلیغی هاردا گیزله‌دیب؟

گئجه آغ یاغیشدا دورولانیبدی
گئجه داغ مئهینده قورولانیبدی.
دارانیب، بله‌نیب ایشیقلارینا
تاخیب قارماغینی گؤی تاغلارینا.

بیر چیلچیراق شهر، بیر قندیل شهر،
هر ائوی بیر قیزیل قرنفیل شهر،
اوزاقدان: بیر اولدوز توپاسی کیمی
گؤی اوزونده‌دی.
یاخیندان: بیر قایا لامپاسی کیمی،
یئر اوستونده‌دی.

گئجه‌نین قوینوندا یانیر داغ شهر،
فضادان آسیلی، چیلچیراق شهر.
داغلار اؤز اووجوندا یاندیریب اونو،
اولدوزلار قوینونا قالدیریب اونو.
بو داغلار ووقاری، بو داغلار گوجو
بو گئجه کشف ائتدیم بیر شوشا بورجو
بیر شوشا بورجو، تاماشا بورجو.

#ممد_آراز
#شعر_اوجاغی
@SheirOcagi

▫️بلکه بیر انجیر دره بیلمک، انجیر آغاجینا چیخماغا دیَر. بو ایش، کؤلگه‌سینده اوزانیب مئیوه‌نین دوشمه‌سینی گؤزله‌مکدن یاخشی‌دیر.
هر حالدا، خطری قارشیلاماق لازیم.

📚 داخما
#ژوزه_ساراماگو
#شعر_اوجاغی
@SheirOcagi

▫️اوقیانوسدا اؤلمز ده اینسان،
گئدر بیر قاشیق سئودادا بوغولار.

#جمال_ثریا
#شعر_اوجاغی
@SheirOcagi

▫️بیلیرسن‌می نئجه اولور داریخماق؟!
گؤز اؤنوندن خیال‌لاری چکیلمیر.
یوخو بئله او خیالی اویوتمور،
آز قالیرسان حسرتیندن اؤله‌سن،
اوره‌یینی هئچ بیر کیمسه اوووتمور.

بوغازیندا دویوملنیر قهَرین،
ظولمت گئجه‌لره دؤنور سحرین.
عذاب اولور، آیریلیغین بهَری،
گؤز یاشلارین اوره‌یینی سویوتمور.

آلیشیرسان- اؤز اودوندا یانیرسان،
اطرافیندان عذابینی دانیرسان.
ووصال آدلی اومیده باغلانیرسان،
زامان کئچیر، گئدن گئری قاییتمیر.

ها یاندیریب ها یاخسا دا قلبینی،
بئزمزسن کی، آتشیندن-اودوندان!
ایللر کئچسه، زامان اؤتسه ده بئله،
اونوتمازسان، چیخارمازسان یادیندان...
بیلیرسن‌می نئجه اولور داریخماق؟!

#عطایه_اودر
#شعر_اوجاغی
@SheirOcagi

▫️ایتلری سئومه‌ین‌ اینسانلارا گووه‌نه بیلمیرم، آما بیر اینساندان آجیغی گلن بیر ایت گؤرسم، او ایتین حیسّینه سایغی دویارام.

#انیشتین
#شعر_اوجاغی
@SheirOcagi

دیالوق

▫️- بعضا اؤزومدن سوروشورام: گؤره‌سن بیر-بیریمیزین باشینا گتیردیگیمیز بلالار اوچون آللاه بیزی باغیشلایاجاق؟
آما سونرا یان-یؤره‌مه باخیرام، ذهنیمه گلیر: آللاه چوخداندیر بورانی ترک ائدیب.

🎬 Blood Diamond
2006
#ادوارد_زوئیک
#شعر_اوجاغی
@SheirOcagi