▫️سئومیرم.
خوش ایدیم او یاشام یوخ اولدو گئتدی
اریدی اومید شام یوخ اولدو گئتدی
او قیز دا بیر آخشام یوخ اولدو گئتدی
داها بو دونیانی سئومیرم آللاه
آریلار دیدرگین، پتهیی یوخدو
آللاهین توتماغا اتهیی یوخدو
ظالیما بیر چیرتما کؤتهیی یوخدو
داها بو دونیانی سئومیرم آللاه
بو ناغیل نه یامان کدرلی چیخدی
آتاسی ائوینده قیز ارلی چیخدی
آدامی ایلاندان زهرلی چیخدی
داها بو دونیانی سئومیرم آللاه
چوبان داغدا اؤلدو نئییی قالدی کی
قوش اؤلدو هاوادا اییی قالدی کی
سئومهیه دونیانین نهیی قالدی کی
داها بو دونیانی سئومیرم آللاه
بارماقلار نهدنسه تهتییه بازدی
گؤتوروب حیاتا اؤلومو یازدی
بو دونیا دلیدی، عاغلی دایازدی
داها بو دونیانی سئومیرم آللاه
#توحید_نامور (آدلیم) ۱۳۹۷
@SheirOcagi
خوش ایدیم او یاشام یوخ اولدو گئتدی
اریدی اومید شام یوخ اولدو گئتدی
او قیز دا بیر آخشام یوخ اولدو گئتدی
داها بو دونیانی سئومیرم آللاه
آریلار دیدرگین، پتهیی یوخدو
آللاهین توتماغا اتهیی یوخدو
ظالیما بیر چیرتما کؤتهیی یوخدو
داها بو دونیانی سئومیرم آللاه
بو ناغیل نه یامان کدرلی چیخدی
آتاسی ائوینده قیز ارلی چیخدی
آدامی ایلاندان زهرلی چیخدی
داها بو دونیانی سئومیرم آللاه
چوبان داغدا اؤلدو نئییی قالدی کی
قوش اؤلدو هاوادا اییی قالدی کی
سئومهیه دونیانین نهیی قالدی کی
داها بو دونیانی سئومیرم آللاه
بارماقلار نهدنسه تهتییه بازدی
گؤتوروب حیاتا اؤلومو یازدی
بو دونیا دلیدی، عاغلی دایازدی
داها بو دونیانی سئومیرم آللاه
#توحید_نامور (آدلیم) ۱۳۹۷
@SheirOcagi
▫️آداملارین چوخو اصلا یاخشی یاشامیرلار، اونلار سادهجه قوجالیرلار.
#چارلز_بوکووسکی
#شعر_اوجاغی
@SheirOcagi
#چارلز_بوکووسکی
#شعر_اوجاغی
@SheirOcagi
▫️عاغلی باشدان آلان سس
چاغیر منی، گلیم سنه قوشولوم،
سحر-سحر شاه بوداقدا اؤتن قوش!
بولبولسن می، قومروسانمی، قوشسانمی،
زومزومهیله آخیب گئدن سوسانمی؟
سسی قالخیب فلکلره یئتن قوش!
بیر آنلیغا کاش سولئیمان اولایدیم،
کلمه-کلمه آنلایایدیم دیلینی!
بیر بیلهیدیم اوخویورسان نهدن، قوش!
سس دئییل کی، سسده روحدو اوخویان،
سنسن یئنه عاغلی باشدان آلانیم،
منم یئنه عاغلی باشدان گئدن، قوش!
#زلیمخان_یعقوب
#شعر_اوجاغی
@SheirOcagi
چاغیر منی، گلیم سنه قوشولوم،
سحر-سحر شاه بوداقدا اؤتن قوش!
بولبولسن می، قومروسانمی، قوشسانمی،
زومزومهیله آخیب گئدن سوسانمی؟
سسی قالخیب فلکلره یئتن قوش!
بیر آنلیغا کاش سولئیمان اولایدیم،
کلمه-کلمه آنلایایدیم دیلینی!
بیر بیلهیدیم اوخویورسان نهدن، قوش!
سس دئییل کی، سسده روحدو اوخویان،
سنسن یئنه عاغلی باشدان آلانیم،
منم یئنه عاغلی باشدان گئدن، قوش!
#زلیمخان_یعقوب
#شعر_اوجاغی
@SheirOcagi
▫️قارا اینجی'نی سنین گؤزلرینده تاپان
بوتون عاشیقلرین آدینا،
اوزونتولریم آدینا،
گئجه-گوندوز، یئر اوزونون هر بوجاغیندا آختاردیغیم
بوتون ووجودوم آدینا،
سنه مینّتدارام،
قادینیم!
#نزار_قبانی
#شعر_اوجاغی
@SheirOcagi
بوتون عاشیقلرین آدینا،
اوزونتولریم آدینا،
گئجه-گوندوز، یئر اوزونون هر بوجاغیندا آختاردیغیم
بوتون ووجودوم آدینا،
سنه مینّتدارام،
قادینیم!
#نزار_قبانی
#شعر_اوجاغی
@SheirOcagi
|شعر اوجاغی|
▫️قارا اینجی'نی سنین گؤزلرینده تاپان بوتون عاشیقلرین آدینا، اوزونتولریم آدینا، گئجه-گوندوز، یئر اوزونون هر بوجاغیندا آختاردیغیم بوتون ووجودوم آدینا، سنه مینّتدارام، قادینیم! #نزار_قبانی #شعر_اوجاغی @SheirOcagi
▫️بیر گون «نزار قبانی»نین قیزی اونا خیطاباً بئله دئییر: «سن منیم حیاتیمی برباد ائتدین، آتا! یولوما چیخان هر کیشینی سنله قیاس ائتدیم، گؤزومدن دوشدو.»
#شعر_اوجاغی
@SheirOcagi
#شعر_اوجاغی
@SheirOcagi
دیالوق
▫️- اینسان دویغولاری، صنعت اثرلرینه بنزهییر. ساختالاری حاضیرلانا بیلیر؛ بونلار، گئرچک اولانلا عئینی گؤرونه بیلر، آما ساختادیرلار.
هر شئیین ساختاسی حاضیرلانا بیلیر. سئوینجین، عذابین، نیفرتین، خستهلیگین، ساغلاملیغین، سئوگینین بئله.
🎬 La Migliore Offerta
2013 ایتالیا
#جوزپه_تورناتوره
#شعر_اوجاغی
@SheirOcagi
▫️- اینسان دویغولاری، صنعت اثرلرینه بنزهییر. ساختالاری حاضیرلانا بیلیر؛ بونلار، گئرچک اولانلا عئینی گؤرونه بیلر، آما ساختادیرلار.
هر شئیین ساختاسی حاضیرلانا بیلیر. سئوینجین، عذابین، نیفرتین، خستهلیگین، ساغلاملیغین، سئوگینین بئله.
🎬 La Migliore Offerta
2013 ایتالیا
#جوزپه_تورناتوره
#شعر_اوجاغی
@SheirOcagi
▫️نه ایشیم واردی؟!
آتام ایستهمیشدی، آنام گتیردی،
منیم بو دونیادا نه ایشیم واردی؟!
عؤمروم واراقلاردا سطیر-سطیردی،
منیم بو دونیادا نه ایشیم واردی؟!
کیمیسه تاملادی، یاری گؤندردی،
بیر باللی چیچهیه آری گؤندردی.
گلمهییم یوخ ایدی، تانری گؤندردی،
منیم بو دونیادا نه ایشیم واردی؟!
تاپدی قیلیغیمین چمین کیمیسی،
حئیرانیم کیمیسی، قنیم کیمیسی.
بوردا آرتا بیلمز منیم کیمیسی،
منیم بو دونیادا نه ایشیم واردی؟!
وارمی بیر بختور اؤزوندن امین؟
قوی دوروم باشینا دولانیم همین!
یاوانلیق اولمادی دیشیمه منیم،
منیم بو دونیادا نه ایشیم واردی؟!
خبردار ائتمهدی منی بیر دویموش،
سن دئمه بینادان تالان یورد'ویموش.
شیطانلار وطنی، جینلر یوردو'یموش،
منیم بو دونیادا نه ایشیم واردی؟!
بیر اوجا مقامدان ساللانیب گلدیم،
حاقدان باده آلدیم، حاللانیب گلدیم.
«علیاوسط!» حوسنونه آلدانیب گلدیم،
منیم بو دونیادا نه ایشیم واردی؟!
#علیاوسط_سالداش
#شعر_اوجاغی
@SheirOcagi
آتام ایستهمیشدی، آنام گتیردی،
منیم بو دونیادا نه ایشیم واردی؟!
عؤمروم واراقلاردا سطیر-سطیردی،
منیم بو دونیادا نه ایشیم واردی؟!
کیمیسه تاملادی، یاری گؤندردی،
بیر باللی چیچهیه آری گؤندردی.
گلمهییم یوخ ایدی، تانری گؤندردی،
منیم بو دونیادا نه ایشیم واردی؟!
تاپدی قیلیغیمین چمین کیمیسی،
حئیرانیم کیمیسی، قنیم کیمیسی.
بوردا آرتا بیلمز منیم کیمیسی،
منیم بو دونیادا نه ایشیم واردی؟!
وارمی بیر بختور اؤزوندن امین؟
قوی دوروم باشینا دولانیم همین!
یاوانلیق اولمادی دیشیمه منیم،
منیم بو دونیادا نه ایشیم واردی؟!
خبردار ائتمهدی منی بیر دویموش،
سن دئمه بینادان تالان یورد'ویموش.
شیطانلار وطنی، جینلر یوردو'یموش،
منیم بو دونیادا نه ایشیم واردی؟!
بیر اوجا مقامدان ساللانیب گلدیم،
حاقدان باده آلدیم، حاللانیب گلدیم.
«علیاوسط!» حوسنونه آلدانیب گلدیم،
منیم بو دونیادا نه ایشیم واردی؟!
#علیاوسط_سالداش
#شعر_اوجاغی
@SheirOcagi
▫️وطن
قورولاندان سنین حیات اوجاغین،
ایگیدلر بسلهییب آنا قوجاغین.
تاریخین آچیرام هانسی واراغین،
یازیبلار آدینی قهرمان، وطن!
سینهنین اوستونده وار چوخلو یارا،
ایگیدلر آسیلیب یولوندا دارا.
بابکی چکدیلر باشقا دیارا،
سؤزوندن دؤنمهدی، وئردی جان، وطن!
اوجاغیندا یانان ایستی کؤزم من،
قیفیللی دیللره آچیق سؤزم من،
یولوندا آییغام، باخار گؤزم من،
دایانمیشام سنه نیگهبان، وطن!
من سنین اوغلونام، سنی ساتمارام،
بیر دلی وورغونام، یادا قاتمارام،
اورهییمدن سنی سیلیب آتمارام،
سن ده آتما منی هئچ زامان، وطن!
یاشیل گئیینیرسن باهار گلنده،
یاییلیر گول-چیچک، چؤلده، چمنده،
تانری بزک وئریر قوجا سهنده،
جنّته بنزهییر ساوالان، وطن!
دولانیرام هر گون باشینا سنین،
گووهنیرم قوجا یاشینا سنین،
آدیمی یازیرام داشینا سنین،
قبریمین اوستونه قوی نیشان، وطن!
#جبار_محمودی (خیال)
@SheirOcagi
قورولاندان سنین حیات اوجاغین،
ایگیدلر بسلهییب آنا قوجاغین.
تاریخین آچیرام هانسی واراغین،
یازیبلار آدینی قهرمان، وطن!
سینهنین اوستونده وار چوخلو یارا،
ایگیدلر آسیلیب یولوندا دارا.
بابکی چکدیلر باشقا دیارا،
سؤزوندن دؤنمهدی، وئردی جان، وطن!
اوجاغیندا یانان ایستی کؤزم من،
قیفیللی دیللره آچیق سؤزم من،
یولوندا آییغام، باخار گؤزم من،
دایانمیشام سنه نیگهبان، وطن!
من سنین اوغلونام، سنی ساتمارام،
بیر دلی وورغونام، یادا قاتمارام،
اورهییمدن سنی سیلیب آتمارام،
سن ده آتما منی هئچ زامان، وطن!
یاشیل گئیینیرسن باهار گلنده،
یاییلیر گول-چیچک، چؤلده، چمنده،
تانری بزک وئریر قوجا سهنده،
جنّته بنزهییر ساوالان، وطن!
دولانیرام هر گون باشینا سنین،
گووهنیرم قوجا یاشینا سنین،
آدیمی یازیرام داشینا سنین،
قبریمین اوستونه قوی نیشان، وطن!
#جبار_محمودی (خیال)
@SheirOcagi
▫️داها چوخ بارماق ایستهییرم،
هامیسییلا سنی گؤستهریب
«بو، منیم سئوگیلیمدیر» دئیه
باغیرماق اوچون.
#غادة_السمان
#شعر_اوجاغی
@SheirOcagi
هامیسییلا سنی گؤستهریب
«بو، منیم سئوگیلیمدیر» دئیه
باغیرماق اوچون.
#غادة_السمان
#شعر_اوجاغی
@SheirOcagi
▫️«مادوننا»یا
من دوغروسو، بو بوشلوقدا دولاشان،
مفکورهسیز، سرسرینین بیرییم.
سن دئییرسن «ماثاللاردا دویدوغون-
ائشیتدیگین افسانهوی پرییم.»
نه لوزوم وار دلیل، ثوبوت بولماغا؟
من حاضیرام سنین غولون اولماغا.
هئچ دئییلدیر گؤزلرین ده بشری،
ایناندیم کی سن پری'سن، سن پری.
تؤک آلنینا او آوارا تئللری،
قوی اولماییم بوندان بئتر سرسری!
آغلاداراق اسکی، قیریق سازیمی،
جانلاداییم بیر آز، سؤنوک یازیمی.
بو دوغرودور، سئودا اولور ازلی،
من شاعیرم حیاتیمدان بئزهلی.
آنجاق من بو فیرتینادا اوزهلی،
گؤرمهمیشم سنین کیمی گؤزلی.
قوی باشینا گؤزللیگین تاجینی!
کؤنلومدن آل قوللوغونون باجینی!
#احمد_جاواد
#شعر_اوجاغی
@SheirOcagi
من دوغروسو، بو بوشلوقدا دولاشان،
مفکورهسیز، سرسرینین بیرییم.
سن دئییرسن «ماثاللاردا دویدوغون-
ائشیتدیگین افسانهوی پرییم.»
نه لوزوم وار دلیل، ثوبوت بولماغا؟
من حاضیرام سنین غولون اولماغا.
هئچ دئییلدیر گؤزلرین ده بشری،
ایناندیم کی سن پری'سن، سن پری.
تؤک آلنینا او آوارا تئللری،
قوی اولماییم بوندان بئتر سرسری!
آغلاداراق اسکی، قیریق سازیمی،
جانلاداییم بیر آز، سؤنوک یازیمی.
بو دوغرودور، سئودا اولور ازلی،
من شاعیرم حیاتیمدان بئزهلی.
آنجاق من بو فیرتینادا اوزهلی،
گؤرمهمیشم سنین کیمی گؤزلی.
قوی باشینا گؤزللیگین تاجینی!
کؤنلومدن آل قوللوغونون باجینی!
#احمد_جاواد
#شعر_اوجاغی
@SheirOcagi
▫️اجازه وئرسهنیز،
واختینیزی چوخ آلمایاجاغام
سیزینله بیر تک نئچه ایل،
دانیشماق ایستهییرم.
#سعید_معلف
#شعر_اوجاغی
@SheirOcagi
واختینیزی چوخ آلمایاجاغام
سیزینله بیر تک نئچه ایل،
دانیشماق ایستهییرم.
#سعید_معلف
#شعر_اوجاغی
@SheirOcagi
دیالوق
▫️- قیش گلیر، یاز اوچون داریخیرسان؛ یاز گلیر، قیش اوچون. هر زامان اوزاقدا بیر یئره گئتمهیین خیالی ایله یاشارسان... مؤوسومو هر زامان یاز اولان بیر یئرین.
🎬 The Legend of 1900
1998 ایتالیا
#جوزپه_تورناتوره
#شعر_اوجاغی
@SheirOcagi
▫️- قیش گلیر، یاز اوچون داریخیرسان؛ یاز گلیر، قیش اوچون. هر زامان اوزاقدا بیر یئره گئتمهیین خیالی ایله یاشارسان... مؤوسومو هر زامان یاز اولان بیر یئرین.
🎬 The Legend of 1900
1998 ایتالیا
#جوزپه_تورناتوره
#شعر_اوجاغی
@SheirOcagi
▫️قاییتماق ایستهسن، بهانه سیز گل
باشیمدان یوخ اولسون ایللرین چنی
بیلیرسن یوخلوغون اؤلومه بدل
من "نوصرت" دئییلم اونودام سنی...
#آردا_خانی
@SheirOcagi
باشیمدان یوخ اولسون ایللرین چنی
بیلیرسن یوخلوغون اؤلومه بدل
من "نوصرت" دئییلم اونودام سنی...
#آردا_خانی
@SheirOcagi
▫️من،
روحومو
عشق گوناهیندان آریندیرمیرام.
عکسینه،
«اینسانین ان بؤیوک گوناهی
عاشق اولماماقدیر» دئییرم.
#نزار_قبانی
#شعر_اوجاغی
@SheirOcagi
روحومو
عشق گوناهیندان آریندیرمیرام.
عکسینه،
«اینسانین ان بؤیوک گوناهی
عاشق اولماماقدیر» دئییرم.
#نزار_قبانی
#شعر_اوجاغی
@SheirOcagi
▫️اولدوم.
زمانه درد-الم ییغدی شلهمه،
یورولان، تؤوشوین، دؤیونن اولدوم.
یادلار، ظفرییله غورّهلهننده،
من ده دؤزومومله اؤیونن اولدوم.
بَیلیک یاریتمادی، خان اؤتدو مندن،
ائله «چور!» ائشیتدیم، «جان!» اؤتدو مندن.
نه بیر بؤهتان داشی یان اؤتدو مندن،
نه من بیرجهسیندن یایینان اولدوم.
«داهی» تانیتدیلار دیلسیز، سوست داشی،
یئتمیش ایل «جان» دئییب سئودیم بوست-داشی.
دونن آلت داش اولدو، بوگون اوست داشی،
واخت دَییرمانیندا اویونن اولدوم.
بختیم دؤنوک چیخدی، کارا گلمهدی،
عدالت اَییلدی وارا گلمهدی.
حاقّ اوچون چکیلدیم دارا، گلمهدی،
موقصّیر لیباسی گئیینن اولدوم.
دؤنوب تشبئهینه قیریق بیر وال'ین.*
یازیقدی، «طالیب»ین قئیدینه قالین!
آلین قلمینی الیندن، آلین!
شاعیر اولاسییدیم، دئیینَن اولدوم.
#طالیب_ممدلی
* گرامافون صفحهسی، دیسک
#شعر_اوجاغی
@SheirOcagi
زمانه درد-الم ییغدی شلهمه،
یورولان، تؤوشوین، دؤیونن اولدوم.
یادلار، ظفرییله غورّهلهننده،
من ده دؤزومومله اؤیونن اولدوم.
بَیلیک یاریتمادی، خان اؤتدو مندن،
ائله «چور!» ائشیتدیم، «جان!» اؤتدو مندن.
نه بیر بؤهتان داشی یان اؤتدو مندن،
نه من بیرجهسیندن یایینان اولدوم.
«داهی» تانیتدیلار دیلسیز، سوست داشی،
یئتمیش ایل «جان» دئییب سئودیم بوست-داشی.
دونن آلت داش اولدو، بوگون اوست داشی،
واخت دَییرمانیندا اویونن اولدوم.
بختیم دؤنوک چیخدی، کارا گلمهدی،
عدالت اَییلدی وارا گلمهدی.
حاقّ اوچون چکیلدیم دارا، گلمهدی،
موقصّیر لیباسی گئیینن اولدوم.
دؤنوب تشبئهینه قیریق بیر وال'ین.*
یازیقدی، «طالیب»ین قئیدینه قالین!
آلین قلمینی الیندن، آلین!
شاعیر اولاسییدیم، دئیینَن اولدوم.
#طالیب_ممدلی
* گرامافون صفحهسی، دیسک
#شعر_اوجاغی
@SheirOcagi
▫️گؤر بو دونیادا نهلر اولور! گؤروندویو کیمی، اؤلمک هله تئزدیر؛ اومیدسیزلیک ایسه اصل گوناهدیر.
📚 ایت قلبی
#میخائیل_بولگاکوو
#شعر_اوجاغی
@SheirOcagi
📚 ایت قلبی
#میخائیل_بولگاکوو
#شعر_اوجاغی
@SheirOcagi
▫️حیاتدان ائله بیر سئوگی گؤزلهییردی کی، غفیلدن دیَن سیلله کیمی، اونو سرسَمه چئویرسین، ال-آیاغی توتولسون.
بئله سئوگییه سئوگی دئیَردی.
📚 عزیز بَی حادیثهسی
#آیفر_تونچ
#شعر_اوجاغی
@SheirOcagi
بئله سئوگییه سئوگی دئیَردی.
📚 عزیز بَی حادیثهسی
#آیفر_تونچ
#شعر_اوجاغی
@SheirOcagi
▫️نه اوچوندور؟
نه اوچوندور بو کشمکش، بو غوغا؟
نه اوچوندور ترس یارانمیش بو دونیا؟
نه اوچوندور صاباح، آخشام اولویور،
آچان گوللر بو تئزلیکله سولویور؟
بو سیزلایان قهقههلر نهدندیر؟
نئچون بئله سون یاراشیق کفندیر؟
کیم یاراتمیش بو یئرلری، گؤیلری؟
کیم ائلهمیش منی بئله سرسری؟
نئچون چوخدور یارایاندان یاراماز؟
نئچون بئله آختاراندان تاپان آز؟
نه اولموشدور نئیی گلمیش نوایه؟
اونون دا می بختی اویغون جفایه؟
او کی بئله محو ائلهییر دونیایی،
قیران یوخمو او اوغورسوز اوخ-یایی؟
بو هر زامان اولاجاقدیر؛ ائلهمی؟
گول یاناقلار سولاجاقدیر؛ ائلهمی؟
اسکیلرین فلسفهسی، حیکمتی،
دونیالارجا علمِ عورفان لوغتی،
عالیملرین چیخاردیغی حاشیه،
زاهیدلرین یاپیشدیغی «حاق» دئیه،
راهیبلرین دیندارانه اداسی،
صوفیلرین مئتی،* مئیی، صداسی...
بونلار هامی قورولارچون عجبا؟
بو موعمّا، یئنه اسکی موعمّا.
هامی دئییر «اینان منه، سؤزوم حاق!»
قاریشمیشدیر بیر-بیرینه حاق-ناحاق.
دئییلرلر کی «یئرده دین وار، کیتاب وار،
هر بندهدن سورولاجاق حساب وار.»
من دئدیم کی «کیم سوراجاق و نرده؟»
دئدیلر کی «او قلبینده، هر یئرده.»
- «او وار ایسه، یالنیز ویجدان اولاجاق
فقط بوندان اؤلوم چیخماز، موحاقّاق.
فقط سولان اورتالیقدا گولومدور،
منیم دردیم آیریلیقلا، اؤلومدور.
من دوغروسو، دائیم گولمک ایستهرم،
نه اؤلدورمک، نه ده اؤلمک ایستهرم.
آرتیق یئتر یئر اوزونده آخان قان!
یئتر آرتیق بو گؤزیاشی، بو هیجران!
من ایستهرم یاشیللیقلار سولماسین،
سئودالارین سونو هیجران اولماسین!
قوروماسین گؤزل اوزده تر دانه،
نه آغلاسین بولبول، نه ده پروانه!
دیلیندهکی عاشقانه غزلی،
قوی اوخوسون او قلبیمین گؤزلی!
اورهیینده نه درد قالسین، نه قایغی،
من گؤرمهییم سعادتین سونونو!
اؤلوم گئتسین، قالماسین دا کؤلگهسی،
اولسون دونیا، او بیر سئوینج اؤلکهسی!
آه، بو گونلر کؤنول بئله اومونجا،
دَییشسهیدی بیر گؤز آچیب یومونجا!
ائی اوچارکن دوشوب اؤلن کپنک!
سن ده گؤزله، بئله بیر گون گلهجک!
#احمد_جاواد
* ال آغاجی، دیهنک (Met)
#شعر_اوجاغی
@SheirOcagi
نه اوچوندور بو کشمکش، بو غوغا؟
نه اوچوندور ترس یارانمیش بو دونیا؟
نه اوچوندور صاباح، آخشام اولویور،
آچان گوللر بو تئزلیکله سولویور؟
بو سیزلایان قهقههلر نهدندیر؟
نئچون بئله سون یاراشیق کفندیر؟
کیم یاراتمیش بو یئرلری، گؤیلری؟
کیم ائلهمیش منی بئله سرسری؟
نئچون چوخدور یارایاندان یاراماز؟
نئچون بئله آختاراندان تاپان آز؟
نه اولموشدور نئیی گلمیش نوایه؟
اونون دا می بختی اویغون جفایه؟
او کی بئله محو ائلهییر دونیایی،
قیران یوخمو او اوغورسوز اوخ-یایی؟
بو هر زامان اولاجاقدیر؛ ائلهمی؟
گول یاناقلار سولاجاقدیر؛ ائلهمی؟
اسکیلرین فلسفهسی، حیکمتی،
دونیالارجا علمِ عورفان لوغتی،
عالیملرین چیخاردیغی حاشیه،
زاهیدلرین یاپیشدیغی «حاق» دئیه،
راهیبلرین دیندارانه اداسی،
صوفیلرین مئتی،* مئیی، صداسی...
بونلار هامی قورولارچون عجبا؟
بو موعمّا، یئنه اسکی موعمّا.
هامی دئییر «اینان منه، سؤزوم حاق!»
قاریشمیشدیر بیر-بیرینه حاق-ناحاق.
دئییلرلر کی «یئرده دین وار، کیتاب وار،
هر بندهدن سورولاجاق حساب وار.»
من دئدیم کی «کیم سوراجاق و نرده؟»
دئدیلر کی «او قلبینده، هر یئرده.»
- «او وار ایسه، یالنیز ویجدان اولاجاق
فقط بوندان اؤلوم چیخماز، موحاقّاق.
فقط سولان اورتالیقدا گولومدور،
منیم دردیم آیریلیقلا، اؤلومدور.
من دوغروسو، دائیم گولمک ایستهرم،
نه اؤلدورمک، نه ده اؤلمک ایستهرم.
آرتیق یئتر یئر اوزونده آخان قان!
یئتر آرتیق بو گؤزیاشی، بو هیجران!
من ایستهرم یاشیللیقلار سولماسین،
سئودالارین سونو هیجران اولماسین!
قوروماسین گؤزل اوزده تر دانه،
نه آغلاسین بولبول، نه ده پروانه!
دیلیندهکی عاشقانه غزلی،
قوی اوخوسون او قلبیمین گؤزلی!
اورهیینده نه درد قالسین، نه قایغی،
من گؤرمهییم سعادتین سونونو!
اؤلوم گئتسین، قالماسین دا کؤلگهسی،
اولسون دونیا، او بیر سئوینج اؤلکهسی!
آه، بو گونلر کؤنول بئله اومونجا،
دَییشسهیدی بیر گؤز آچیب یومونجا!
ائی اوچارکن دوشوب اؤلن کپنک!
سن ده گؤزله، بئله بیر گون گلهجک!
#احمد_جاواد
* ال آغاجی، دیهنک (Met)
#شعر_اوجاغی
@SheirOcagi