▫️وار اولماغین ژئنئتیکایا باغلی‌دیر، وار اولاجاغینی سیاست بللی‌ ائدر.

#اسلانیسلاو_یرژی_لتس
#شعر_اوجاغی
@SheirOcagi

دیالوق

▫️- دئ گؤروم، سن سونرادان نییه ائولنمه‌دین؟!
+ سنی گؤزله‌دیم.

🎬 Moscow Dose Not Believe in Tears
1979 روسیه
#ولادیمیر_منشوف
#شعر_اوجاغی
@SheirOcagi

▫️آللاها مکتوب

سالام، نیگاران اولما چاییمدان، چؤره‌ییمدن!
حمد اولسون کی، الینی چکمیرسن کوره‌ییمدن.
بو گون بیر شعیر چیخار شأنینه اوره‌ییمدن،
آللاه حاقّی، سنین ده خوشونا گلر، آللاه!

غریبه‌دیر اینسانلار، غریبه‌دی بو بشر،
دوغروسو، بوندان سونرا چتین کی گؤزل‌لشر.
بیر گون اؤلر بو بنده‌ن، بیر گون احسانی بیشر،
هایینا گلمه‌ینلر، آش'ینا گلر، آللاه!

عشقیندن دوغولوبدور بوتون عولوی سئوگیلر،
آغلاتدیغین کیریمز، گولدوردویون هئی گولر.
«اول!» دئدیکلرین اولدو، «اؤل!» دئدیکلرین اؤلر،
«قال!» دئدیکلرین نوحون یاشینا گلر، آللاه!

نه آزدی اویاق اولان، نئجه چوخدو یاتانلار!
هامیسی مغلوب اولدو فلک‌له زر آتانلار.
سنین قاپیندان آیری قاپییا اوز توتانلار،
باشی دیَر احلَتین داشینا گلر، آللاه.

خوار اولسون او بنده کی، نعمتلرینی دانیر،
وئردیگین روزی‌لری اؤزو قازاندی سانیر!
قلبیم سنین ائوین‌دی، ایلاهی، ائوین یانیر!
یاردیما سندن اؤزگه، بوشونا گلر، آللاه!

سوندا بیر خواهیشیم وار: رحم ائت جاوان یاشیما،
الینه نه غم کئچیر طالعیمه داشیما!
یورولورام، بو قدر اویون آچما باشیما،
آللاها آجیق گئدر، باشینا گلر، آللاه!

#آیدین_آرسلان
#شعر_اوجاغی
@SheirOcagi

▫️بیلیرسن؟ سنه راست گلندن سونرا اوخودوغوم کیتابلارین آراسیندا همیشه سنی، سنین کؤلگه‌نی، سنین گؤزل اوزونو گؤروردوم.

📚 پاریس نوتردام کیلسه‌سی
#ویکتور_هوگو
#شعر_اوجاغی
@SheirOcagi

▫️بعضاً ان دلی‌سوو، ان ایمکانسیز گؤرونن بیر فیکیر، اینسانین بئینینه ائله برک ساپلانیر کی، آخیردا اونون گئرچک‌لشه‌جه‌یینه اینانیرسان.

📚 قومارباز
#فئودور_داستایئوسکی
#شعر_اوجاغی
@SheirOcagi

▫️اعتراض

سنه بیر ایشیم دوشوب؛
بو ایش دوزه‌له‌نه‌دک،
قارتیییب قوجالمیشام،
آغزیمدان دیشیم دوشوب.

اومیدیمی قیرما،
بوغازینی جیرما،
آستا دانیش، باغیرما!
سن اونو ایسته‌ییرسن،
ایشی دوزه‌لن کیشی،
اَییلدیکجه اَییلسین،
حوضوروندا باش اَیسین.
سنین دوزَلتدیگین ایش،
سنین باشینا دَیسین!

#زلیمخان_یعقوب
#شعر_اوجاغی
@SheirOcagi

دیالوق

▫️آللاه هر یئرده اولا بیلمزدی، بو اوزدن آنالاری یاراتدی.

🎬 Because l Said So
2007 آمریکا
#مایکل_لمان
#شعر_اوجاغی
@SheirOcagi

▫️دؤنور.

عشقیندن گوج آلیب بو ایلهامیم دا،
دویغولار قلبیمده سئللره دؤنور.
ائللرین وئردیگی آرزو-کامیم دا،
یئنیدن باش آلیب ائللره دؤنور.

نه بؤیوک بیر قودرت وارمیش صنعتده!
عؤمورلوک باغلی‌دیر سؤز ده، صؤحبت ده.
چکیلن عذاب دا، ایش ده، زحمت ده،
چیچک‌لره دؤنور، گوللره دؤنور.

فیکیرلر ایچینده فیکریم وار دئیه،
توتورام تورپاقدان، قالخیرام گؤیه.
خیالیم اوچدوقجا هئی گله‌جه‌یه،
گاه دا اؤتوب کئچن ایللره دؤنور.

#احمد_جاواد
#شعر_اوجاغی
@SheirOcagi

▫️بؤیوک آداملارین بؤیوکلویو، کیچیک آداملارلا اولان داورانیش طرزیندن بللی اولار.

#دیل_کارنگی
#شعر_اوجاغی
@SheirOcagi

▫️کیشی‌لرین ایکی دسته‌سی هئچ واخت نورمال حیاتا دؤنمه‌یه‌جکلر:
ساواشا گئدنلر،
عاشق اولانلار.

#رومن_رولان
#شعر_اوجاغی
@SheirOcagi

▫️وطن

سئچیب ان دیَرلی اوغوللاریمی،
اوجا بایراغینا بوکموشم، وطن!
تورپاغین گولشنه چئوریلسین دئیه،
موقدّس قوینونا اکمیشم، وطن!

وارلیغینلا وارام، اولو دؤولتم،
دلی بیر سئودایام، صاف محبّتم،
خالقام، جاماعاتام، قارا میلّتم،
اوغروندا قانیمی تؤکموشم، وطن!

سنی الیم سانیب گؤزوم بیلمیشم،
ال نه‌دیر، گؤز نه‌دیر! اؤزوم بیلمیشم.
جئهیزی قاییدان قیزیم بیلمیشم،
همیشه دردینی چکمیشم، وطن!

#آیدین_آرسلان
#شعر_اوجاغی
@SheirOcagi

▫️عشقده هئچ تجروبه‌سی اولمایان بیر اوره‌یی، گرفتار ائتمک، سیغیناقسیز و سووونماسیز بیر شهره گیرمک کیمی‌دیر.

📚 مادام کاملیا
#الکساندر_دوما
#شعر_اوجاغی
@SheirOcagi

▫️آزادلیق، جوشقون و فیرتینالی بیر دنیزدیر؛ قورخاق آداملار دیکتاتورلوقدا اولان دینج‌لیگی بو فیرتینایا ترجیح ائدیرلر.

#ارنستو_چگوارا
#شعر_اوجاغی
@SheirOcagi

دیالوق

▫️- عشق حاقّیندا نه دوشونورسن؟
+ اونا حدّیندن چوخ دیَر وئریبلر، بیولوژی باخیمیندان شوکولات یئمک‌ کیمی بیر شئی‌دیر.

🎬 The Devil's Advocate
1997 آمریکا
#تیلور_هاکفورد
#شعر_اوجاغی
@SheirOcagi

▫️بیر گون

هیجرانلار، الم‌لر، توفانلار ایچره،
قیسیق بیر سس کیمی، ائله‌جه‌یم من.
بؤیله گؤز یاشی‌یلا کئچن عؤمرومون،
سونوندا بیر آجی گوله‌جه‌یم من.

عشقیمین نه ایمیش بیلمم گوناهی،
ییخیلدی قلبیمین استنادگاهی.
نصیبیم اولسا دا دونیانین آهی،
بیر گون گؤز یاشیمی سیله‌جه‌یم من.

یاخیندا دیدارین نصیب اولماسا،
اومیدسیزلیک منی دوشورمز یاسا،
آلاراق الیمه دمیردن عصا،
بیر گون حوضورونا گله‌جه‌یم من.

توتولدوم توفانا، ساریلدیم سنه،
سن ائی قیریق قلم، گل بیر طوغیانا!
دؤزمک گوج اولارسا بئله هیجرانا،
سنینله دردیمی بؤله‌جه‌یم من.

#احمد_جاواد
#شعر_اوجاغی
@SheirOcagi

▫️اؤکوز اولسان بئله، اویغون یئرده اولسان، سنه تاپینان آداملار اولاجاق.

#برتراند_راسل
#شعر_اوجاغی
@SheirOcagi

🔹تحکییه ادبی درنه‌یی(437-جی جلسه)
🔹حئکایه: گیله‌نار چیچک‌لری و فلئیتا – اوسامو دازای
🔹ژاپون نثری
🔹اورمیه-چهارراه آپادانا- مجتمع فرهنگی هنری اورمیه
🔹سه شنبه- 23 آبانماه 1402
🔹ساعت:17-19:30
@tahkie
Butajournal.com
#ادبییات #آذربایجان_تورکجه_سی #داستان #مودئرن_نثر #تحکییه #اورمو #اوسامو_دازای #ژاپون_نثری #حئکایه

▫️آی آتام!

من اوندا قایغیسیز، اوندا شن ایدیم
گؤله قارغی‌چالان، یئر ائشن ایدیم.
اؤزوم اؤز کؤلگه‌م‌له گوله‌شن ایدیم،
بول ایدی یانلیشیم، خاطام، آی آتام!

قانماز اوشاق ایدیم، قانی قاینایان،
سحردن-آخشاما گولن، اوینایان،
کدر تانیمایان، آجی دویمایان،
ایندی درد اؤنونده ماتام، آی آتام!

هر گلن یئنی گون، غمی گتیریر،
دولدورور بیر یئکه گمی، گتیریر،
قالمیر بیر کسیری، کمی؛ گتیریر،
گتیرمیر ناخیشیم، بوتام، آی آتام!

ائرکن یارپاق تؤکوب سولماغا نه وار؟
یاش اولوب گؤزومه دولماغا نه وار؟
قانمازین آتاسی اولماغا نه وار؟
گل ایندی آتام اول، آتام، آی آتام!

#آیدین_آرسلان
#شعر_اوجاغی
@SheirOcagi

▫️گؤزونوزو آچماسانیز، مئدیالار سیزه بیر ایش گؤره‌جک، مظلومدان نیفرت ائدیب ظالیمی سئوه‌‌جکسینیز.

#مالکوم_ایکس
#شعر_اوجاغی
@SheirOcagi

دیالوق

▫️- سن آللاها اینانیرسان؟
+ هه، اینانیرام، آما او چوخدان‌دیر بورداکی اولایلارا گؤز یوموب.

🎬 Hostiles
2017 آمریکا
#اسکات_کوپر
#شعر_اوجاغی
@SheirOcagi

▫️بیر کیشی هر گون شهرین میئیدانینا گئدیب‌ بؤرکونو هاوادا شیدّتله توولاییرمیش،
بیر گون پولیس بو ایشین ندنینی اوندان سوروشور.
کیشی: «زورافه‌لری قووورام»
پولیس: «من بوردا زورافه گؤرمورم»
کیشی: «دئمک کی، من ایشیمی دوز گؤرورم» دئییر.

📚 دوغرو دوشونمه‌ صنعتی
#رولف_دوبلی
#شعر_اوجاغی
@SheirOcagi