▫️باهار یاغیشیندا چیمر قایالار.
بورادا ذیروه‌لر دلر گؤیلری،
بورادا قایالار هاچالانیبدی.
چیخیب عصرلرین سرت سیناغیندان،
یاغیشدان، کولکدن جیلالانیبدی.
بو اولو داغلاردا کئشیک چکرلر،
گؤیلرین نورونو امَر قایالار.
آخار شلاله‌لر سینه‌سی اوستن،
باهار یاغیشیندا چیمر قایالار.
#نصیب_نبی‌اوغلو
#شعر_اوجاغی
@SheirOcagi
بورادا ذیروه‌لر دلر گؤیلری،
بورادا قایالار هاچالانیبدی.
چیخیب عصرلرین سرت سیناغیندان،
یاغیشدان، کولکدن جیلالانیبدی.
بو اولو داغلاردا کئشیک چکرلر،
گؤیلرین نورونو امَر قایالار.
آخار شلاله‌لر سینه‌سی اوستن،
باهار یاغیشیندا چیمر قایالار.
#نصیب_نبی‌اوغلو
#شعر_اوجاغی
@SheirOcagi
▫️آنامین
یول آلیب داغلاردان بیر دوزه سیغار،
مین ایللیک گئجه‌یه-گوندوزه سیغار.
نه شعیره سیغار، نه سؤزه سیغار،
دردی داغ-داغ، کوما-کوما آنامین.
نیسگیلدن دون تیکدی کلمه‌سی، سؤزو،
داغلاردان سؤز سالیب یاندیردی بیزی.
مین دفعه یالواردیم، گولمه‌دی اوزو،
او گؤیچَک آنامین، صونا آنامین.
دولاندیم باشینا، ائتمه‌دی کرم،
اونون یوخلوغوندان یامانجا کورم*
گؤزومون یاشینی گیزلی تؤکورم،
قورخورام قبریندن داما آنامین.
#نصیب_نبی‌اوغلو
* آغلاغان، عاجیز (Kür)
#شعر_اوجاغی
@SheirOcagi
یول آلیب داغلاردان بیر دوزه سیغار،
مین ایللیک گئجه‌یه-گوندوزه سیغار.
نه شعیره سیغار، نه سؤزه سیغار،
دردی داغ-داغ، کوما-کوما آنامین.
نیسگیلدن دون تیکدی کلمه‌سی، سؤزو،
داغلاردان سؤز سالیب یاندیردی بیزی.
مین دفعه یالواردیم، گولمه‌دی اوزو،
او گؤیچَک آنامین، صونا آنامین.
دولاندیم باشینا، ائتمه‌دی کرم،
اونون یوخلوغوندان یامانجا کورم*
گؤزومون یاشینی گیزلی تؤکورم،
قورخورام قبریندن داما آنامین.
#نصیب_نبی‌اوغلو
* آغلاغان، عاجیز (Kür)
#شعر_اوجاغی
@SheirOcagi
▫️داغلارا-داغلارا
اؤلونجَن دردین بسیم،
اومیدیمی نئجه کسیم؟!
اللَشیرم، چاتمیر سسیم،
الیم، داغلارا-داغلارا.
قینایاجاق قوزئی، گدیک،
ذیروه‌سینه درد اله‌دیک،
باغیشلاماز، نه‌دن وئردیک-
ظولوم، داغلارا-داغلارا؟
یوردا دؤنمک خام خیالدی،
سؤز تاپمیرام، دیلیم لالدی.
گئندن باخا-باخا قالدی،
گولوم، داغلارا-داغلارا.
تعریفینی یاغی دئییر،
حسرتی قدّیمی اَییر.
نغمه دئمیر، آغی دئییر،
دیلیم، داغلارا-داغلارا.
تانیییبدی -شوکور- منی،
دومانینا بوکور منی.
یاواش-یاواش چکیر منی،
اؤلوم، داغلارا-داغلارا.
#نصیب_نبی‌اوغلو
#شعر_اوجاغی
@SheirOcagi
اؤلونجَن دردین بسیم،
اومیدیمی نئجه کسیم؟!
اللَشیرم، چاتمیر سسیم،
الیم، داغلارا-داغلارا.
قینایاجاق قوزئی، گدیک،
ذیروه‌سینه درد اله‌دیک،
باغیشلاماز، نه‌دن وئردیک-
ظولوم، داغلارا-داغلارا؟
یوردا دؤنمک خام خیالدی،
سؤز تاپمیرام، دیلیم لالدی.
گئندن باخا-باخا قالدی،
گولوم، داغلارا-داغلارا.
تعریفینی یاغی دئییر،
حسرتی قدّیمی اَییر.
نغمه دئمیر، آغی دئییر،
دیلیم، داغلارا-داغلارا.
تانیییبدی -شوکور- منی،
دومانینا بوکور منی.
یاواش-یاواش چکیر منی،
اؤلوم، داغلارا-داغلارا.
#نصیب_نبی‌اوغلو
#شعر_اوجاغی
@SheirOcagi
▫️سن هاردان بیله‌سن بنؤوشه نه‌دیر؟!
بنؤوشه دردیندن صؤحبت آچان کس!
اؤزون عملینی دوشوندون‌مو بس؟
سنین‌کیمی‌لری «درد نه‌دیر» بیلمز،
سن هاردان بیله‌سن بنؤوشه نه‌دیر؟!
او قدر ییغمیشام ظالیم فلکدن،
دردیم چوخالییدی اسن کولَکدن.
خبرین اولدومو دردلی چیچکدن؟
سن هاردان بیله‌سن بنؤوشه نه‌دیر؟
یالانا دوشمنم نئچه‌کی وارام،
یالان ائشیدنده گؤینه‌ییر یارام.
مایا'ن روشوَت اولوب، عقیده‌ن حارام،
سن هاردان بیله‌سن بنؤوشه نه‌دیر؟!
ایتیب او هوَسیم، او نشه‌م منیم،
یانیب گؤی چمنیم، گؤی مئشه‌م منیم،
هر کسه اینانماز بنؤوشه‌م منیم،
سن هاردان بیله‌سن بنؤوشه نه‌دیر؟!
آپاردیم بئله‌دن بئله دردیمی،
دانیشیرام گوله-گوله دردیمی،
بیر اوغول گرَکدی بؤله دردیمی،
سن هاردان بیله‌سن بنؤوشه نه‌دیر؟!
سینه‌مده حسرت وار، سینه‌مده غم وار،
گؤزلریم یول چکیر گلنده باهار.
الیندن داد چکیب بوینوبوروق‌لار،
سن هاردان بیله‌سن بنؤوشه نه‌دیر؟!
بویلانسان، کؤکسونده او داغلارا باخ!
دؤزولمز درده باخ، انتظارا باخ!
حسرتلی یوللارا، اوزاقلارا باخ!
سن هاردان بیله‌سن بنؤوشه نه‌دیر؟!
شئهلی یاناقلاری روحومو آلدی،
غملی باخیشیندان دیلیم تا لالدی،
کوللارا قیسیلا-قیسیلا قالدی.
سن هاردان بیله‌سن بنؤوشه نه‌دیر؟!
ازلدن دوروشو بیر تاماشادیر،
طالعی منیمله تک باش-باشادیر،
دردینی کؤکسونه سیخیب یاشادیر.
سن هاردان بیله‌سن بنؤوشه نه‌دیر؟!
قلبینین یانغیسی عشق سؤزونده‌دیر،
عیصمتی، حیاسی اوز-گؤزونده‌دیر،
اسیردیر، داغلارین او اوزونده‌دیر،
سن هاردان بیله‌سن بنؤوشه نه‌دیر؟!
قالیب یادداشیمدا شئهلی، تزه-تر،
بو درد یوللاریمدا گؤیَرَر، بیتر،
حسرتی یاندیرار اوجاقدان بئتر،
سن هاردان بیله‌سن بنؤوشه نه‌دیر؟!
#نصیب_نبی‌اوغلو
#شعر_اوجاغی
@SheirOcagi
بنؤوشه دردیندن صؤحبت آچان کس!
اؤزون عملینی دوشوندون‌مو بس؟
سنین‌کیمی‌لری «درد نه‌دیر» بیلمز،
سن هاردان بیله‌سن بنؤوشه نه‌دیر؟!
او قدر ییغمیشام ظالیم فلکدن،
دردیم چوخالییدی اسن کولَکدن.
خبرین اولدومو دردلی چیچکدن؟
سن هاردان بیله‌سن بنؤوشه نه‌دیر؟
یالانا دوشمنم نئچه‌کی وارام،
یالان ائشیدنده گؤینه‌ییر یارام.
مایا'ن روشوَت اولوب، عقیده‌ن حارام،
سن هاردان بیله‌سن بنؤوشه نه‌دیر؟!
ایتیب او هوَسیم، او نشه‌م منیم،
یانیب گؤی چمنیم، گؤی مئشه‌م منیم،
هر کسه اینانماز بنؤوشه‌م منیم،
سن هاردان بیله‌سن بنؤوشه نه‌دیر؟!
آپاردیم بئله‌دن بئله دردیمی،
دانیشیرام گوله-گوله دردیمی،
بیر اوغول گرَکدی بؤله دردیمی،
سن هاردان بیله‌سن بنؤوشه نه‌دیر؟!
سینه‌مده حسرت وار، سینه‌مده غم وار،
گؤزلریم یول چکیر گلنده باهار.
الیندن داد چکیب بوینوبوروق‌لار،
سن هاردان بیله‌سن بنؤوشه نه‌دیر؟!
بویلانسان، کؤکسونده او داغلارا باخ!
دؤزولمز درده باخ، انتظارا باخ!
حسرتلی یوللارا، اوزاقلارا باخ!
سن هاردان بیله‌سن بنؤوشه نه‌دیر؟!
شئهلی یاناقلاری روحومو آلدی،
غملی باخیشیندان دیلیم تا لالدی،
کوللارا قیسیلا-قیسیلا قالدی.
سن هاردان بیله‌سن بنؤوشه نه‌دیر؟!
ازلدن دوروشو بیر تاماشادیر،
طالعی منیمله تک باش-باشادیر،
دردینی کؤکسونه سیخیب یاشادیر.
سن هاردان بیله‌سن بنؤوشه نه‌دیر؟!
قلبینین یانغیسی عشق سؤزونده‌دیر،
عیصمتی، حیاسی اوز-گؤزونده‌دیر،
اسیردیر، داغلارین او اوزونده‌دیر،
سن هاردان بیله‌سن بنؤوشه نه‌دیر؟!
قالیب یادداشیمدا شئهلی، تزه-تر،
بو درد یوللاریمدا گؤیَرَر، بیتر،
حسرتی یاندیرار اوجاقدان بئتر،
سن هاردان بیله‌سن بنؤوشه نه‌دیر؟!
#نصیب_نبی‌اوغلو
#شعر_اوجاغی
@SheirOcagi
▫️قاراچی قیز، گل باختیملا اویناما!
غملی سسین اوره‌ییمی کؤورَلتدی،
بو یوگن‌سیز حیسلریمی ترپتدی.
توولاماغا یوخسا آدام قحَط‌دی،
قاراچی قیز، گل باختیملا اویناما!
یاراناندان، ازل گوندن بئله‌سن،
اؤز عهدینه، اؤز آندینا کؤله‌سن،
جیبلریمده سیچان گزیر، بیله‌سن،
قاراچی قیز، گل باختیملا اویناما!
افسونلادی باخیشلارین، اوخدو، اوخ،
گلیب-کئچن یاری آج‌دیر، یاری توخ،
قاراچی قیز! سندن منه فایدا یوخ،
قاراچی قیز، گل باختیملا اویناما!
گول-چیچَک‌لی داغلار قویوب گلمیشم،
بئشیگیمی آغلار قویوب گلمیشم،
بو هیجراندان بئزیب، دویوب گلمیشم،
قاراچی قیز، گل باختیملا اویناما!
داغیتدیلار بئشیگیمی، تاختیمی،
دردیم سنی یاندیردی‌می، یاخدی‌می؟
مین ایللردیر باغلاییبلار باختیمی،
قاراچی قیز، گل باختیملا اویناما!
صیفتینده نه حیا وار، نه غورور،
بیر ساعاتدیر باشیمیزا گون وورور.
بیر آنلیغا دوداغینا کیلید وور!
قاراچی قیز، گل باختیملا اویناما!
او داغلاردا بیر یییه‌سیز آت قالیب،
بو درد منیم قامتیمی قاتلاییب.
سنده دوداق، منده اورک چاتلاییب،
قاراچی قیز، گل باختیملا اویناما!
حسرت منی دؤنه-دؤنه تالادی،
آیلار، ایللر بارماغینا دولادی.
اوره‌ییمده تونقال، اوجاق قالادی،
قاراچی قیز، گل باختیملا اویناما!
اللی حوققا عملینده، فعلینده،
ازل باشدان دوز سؤز یوخدو دیلینده،
اویونجاق تک اوینادیرسان الینده،
قاراچی قیز، گل باختیملا اویناما!
ایسلانمیشام یوللار بویو یاغیشلا،
ایسته‌ییرسن اوره‌یینده قارغیشلا!
قاراچی قیز، چیخ گئت، منی باغیشلا!
قاراچی قیز، گل باختیملا اویناما!
#نصیب_نبی‌اوغلو
#شعر_اوجاغی
@SheirOcagi
غملی سسین اوره‌ییمی کؤورَلتدی،
بو یوگن‌سیز حیسلریمی ترپتدی.
توولاماغا یوخسا آدام قحَط‌دی،
قاراچی قیز، گل باختیملا اویناما!
یاراناندان، ازل گوندن بئله‌سن،
اؤز عهدینه، اؤز آندینا کؤله‌سن،
جیبلریمده سیچان گزیر، بیله‌سن،
قاراچی قیز، گل باختیملا اویناما!
افسونلادی باخیشلارین، اوخدو، اوخ،
گلیب-کئچن یاری آج‌دیر، یاری توخ،
قاراچی قیز! سندن منه فایدا یوخ،
قاراچی قیز، گل باختیملا اویناما!
گول-چیچَک‌لی داغلار قویوب گلمیشم،
بئشیگیمی آغلار قویوب گلمیشم،
بو هیجراندان بئزیب، دویوب گلمیشم،
قاراچی قیز، گل باختیملا اویناما!
داغیتدیلار بئشیگیمی، تاختیمی،
دردیم سنی یاندیردی‌می، یاخدی‌می؟
مین ایللردیر باغلاییبلار باختیمی،
قاراچی قیز، گل باختیملا اویناما!
صیفتینده نه حیا وار، نه غورور،
بیر ساعاتدیر باشیمیزا گون وورور.
بیر آنلیغا دوداغینا کیلید وور!
قاراچی قیز، گل باختیملا اویناما!
او داغلاردا بیر یییه‌سیز آت قالیب،
بو درد منیم قامتیمی قاتلاییب.
سنده دوداق، منده اورک چاتلاییب،
قاراچی قیز، گل باختیملا اویناما!
حسرت منی دؤنه-دؤنه تالادی،
آیلار، ایللر بارماغینا دولادی.
اوره‌ییمده تونقال، اوجاق قالادی،
قاراچی قیز، گل باختیملا اویناما!
اللی حوققا عملینده، فعلینده،
ازل باشدان دوز سؤز یوخدو دیلینده،
اویونجاق تک اوینادیرسان الینده،
قاراچی قیز، گل باختیملا اویناما!
ایسلانمیشام یوللار بویو یاغیشلا،
ایسته‌ییرسن اوره‌یینده قارغیشلا!
قاراچی قیز، چیخ گئت، منی باغیشلا!
قاراچی قیز، گل باختیملا اویناما!
#نصیب_نبی‌اوغلو
#شعر_اوجاغی
@SheirOcagi
▫️گلیر.
مین ایل‌دیر دردلریم ایزله‌ییر منی،
نادانلار، نانکورلار پیسله‌ییر منی.
یارالی تورپاغیم گؤزله‌ییر منی،
هر کسه تورپاقدان بیر آرشین گلیر.
داغیلمیر حسرتین، غمین حاصاری،
یاراما ملهم قوی، اوووت ها ساری!
الیمی آچیرام گؤیلره ساری،
گؤیلردن باشیما قورغوشون گلیر.
منیم یوخلوغوما آلقیش ائیله‌ین!
باشیمدا سئل‌له‌مه یاغیش ائیله‌ین!
یامان قارغامیسان، قارغیش ائیله‌ین!
هله قولاغیما قارغیشین گلیر.
بؤلونمز دردیمی بؤله بیلمیرم،
نئیله‌ییم؟ بیر ال‌له اؤله بیلمیرم،
نئیله‌ییم؟ اجل‌له اؤله بیلمیرم،
منی اؤلدورمه‌یه بیر قوشون گلیر.
تابلاشیب بو درده گرمیشم سینه،
طالعیمیز یازان، یازیب ترسینه.
داغلار هارایینا، داغلار سسینه،
او تایلی، بو تایلی قارداشین گلیر.
صبرینی جیلوولا، سؤزونو گؤزله!
قلبینده آتشی، کؤزونو گؤزله!
آی «نصیب!» حاضیر اول، اؤزونو گؤزله!
قارشینا دؤیوشون، ساواشین گلیر.
#نصیب_نبی‌اوغلو
#شعر_اوجاغی
@SheirOcagi
مین ایل‌دیر دردلریم ایزله‌ییر منی،
نادانلار، نانکورلار پیسله‌ییر منی.
یارالی تورپاغیم گؤزله‌ییر منی،
هر کسه تورپاقدان بیر آرشین گلیر.
داغیلمیر حسرتین، غمین حاصاری،
یاراما ملهم قوی، اوووت ها ساری!
الیمی آچیرام گؤیلره ساری،
گؤیلردن باشیما قورغوشون گلیر.
منیم یوخلوغوما آلقیش ائیله‌ین!
باشیمدا سئل‌له‌مه یاغیش ائیله‌ین!
یامان قارغامیسان، قارغیش ائیله‌ین!
هله قولاغیما قارغیشین گلیر.
بؤلونمز دردیمی بؤله بیلمیرم،
نئیله‌ییم؟ بیر ال‌له اؤله بیلمیرم،
نئیله‌ییم؟ اجل‌له اؤله بیلمیرم،
منی اؤلدورمه‌یه بیر قوشون گلیر.
تابلاشیب بو درده گرمیشم سینه،
طالعیمیز یازان، یازیب ترسینه.
داغلار هارایینا، داغلار سسینه،
او تایلی، بو تایلی قارداشین گلیر.
صبرینی جیلوولا، سؤزونو گؤزله!
قلبینده آتشی، کؤزونو گؤزله!
آی «نصیب!» حاضیر اول، اؤزونو گؤزله!
قارشینا دؤیوشون، ساواشین گلیر.
#نصیب_نبی‌اوغلو
#شعر_اوجاغی
@SheirOcagi
▫️فلک، سنله بیر ایشیم یوخ.
قویمورسان جوجَرم، بیتم،
عؤمور بویو وئردین سیتم.
ایسته‌دیم ساکیتجه اؤتم،
آغلاتدین گولدوگوم یئرده.
اوره‌ییمی گؤینه‌دیرسن،
اللرینده هئی دیدیرسن.
یوز فند، عمل اؤیره‌دیرسن،
ایشیمی بیلدیگیم یئرده.
نئیله‌ییردیم غوربت ائلی؟!
یورد حسرتی ائدیب دلی.
یاناغیمدان تؤکدوم سئلی،
بیر داملا سیلدیگیم یئرده.
درده، غمه بله‌ییرسن،
اللی ظولوم ائله‌ییرسن،
باشیما درد اله‌ییرسن،
دوز یوللا گلدیگیم یئرده.
آرزولاریم چیخیب یوخا،
قلبیم کؤورک، قلبیم یوخا،
فلک، سنله ایشیم یوخ ها!
قوی اؤلوم اؤلدوگوم یئرده!
#نصیب_نبی‌اوغلو
#شعر_اوجاغی
@SheirOcagi
قویمورسان جوجَرم، بیتم،
عؤمور بویو وئردین سیتم.
ایسته‌دیم ساکیتجه اؤتم،
آغلاتدین گولدوگوم یئرده.
اوره‌ییمی گؤینه‌دیرسن،
اللرینده هئی دیدیرسن.
یوز فند، عمل اؤیره‌دیرسن،
ایشیمی بیلدیگیم یئرده.
نئیله‌ییردیم غوربت ائلی؟!
یورد حسرتی ائدیب دلی.
یاناغیمدان تؤکدوم سئلی،
بیر داملا سیلدیگیم یئرده.
درده، غمه بله‌ییرسن،
اللی ظولوم ائله‌ییرسن،
باشیما درد اله‌ییرسن،
دوز یوللا گلدیگیم یئرده.
آرزولاریم چیخیب یوخا،
قلبیم کؤورک، قلبیم یوخا،
فلک، سنله ایشیم یوخ ها!
قوی اؤلوم اؤلدوگوم یئرده!
#نصیب_نبی‌اوغلو
#شعر_اوجاغی
@SheirOcagi
▫️گئجه‌نین سیماسی
ائی گئجه، ائی جوشغون ظولمت دنیزی!
بو آی قاییغینی کیمدیر گزدیرن؟
ائی تؤکن ساچیمی اتک‌لرینه،
زولفو سئچیلمه‌ین قارا موشکدن!
ائی قدیم دونیانین کؤلگه‌سی گئجه،
حیاتلا اؤلومو قوجاقلاشدیران!
ائی قارا ساچی‌یلا دونیانی اؤرتن!
سن داغ اوسته کؤچن قارا بولودسان.
ائی گئجه، ائی قارا قوبّه‌لی چادیر!
ائی آی خوسرووونون شاهلیق سارایی!
فلک گلینینین خلوت اوتاغی،
دوزن پرده‌سینه اولدوزو، آیی!
سن آیین چیینینده بیر قارا دونسان،
فله‌یین اَینینده قارا تیله‌سن،
ائی گئجه، ائی گیزلی سیرلر عالمی!
سنده حقیقتی کشف ائدیر جاهان.
سن ائی شکّ و شوبهه، سوکوت دونیاسی!
غرق اولوب ظولمتین ایچره وهم‌لر.
ائی اوجو-بوجاغی گؤرونمز دنیز!
قارشیندا حئیران‌دیر دوشونن بشر.
سانکی بیر مئشه‌سن، قارا، کئچیلمز،
سیرّینی بیلمکده عاجیزدیر خیال.
کئچیبسن یولونو باخیشلاریمین،
منی والئه ائدیب سنده‌کی جلال.
گؤزه ایشیق وئرر سورمه عادتاً،
گئجه‌نین سورمه‌سی گؤزه میل چکر.
سنده باخیش اوخو توخونار داشا،
سنین ایقلیمینده عاغیل دیز چؤکر.
باشدا بسله‌دیگین بو نه سئودادیر؟
نه‌دیر ایسته‌دیگین؟ بیزی باشا سال!
تفکّور بئشیگی، خیال یوردوسان،
بیر دونیا جلال‌سان، بیر دونیا جامال.
نئجه لاله‌لره بزه‌نر داغلار،
سنین بزه‌یین‌دیر عظمت، ووقار.
#نصیب_نبی‌اوغلو
#شعر_اوجاغی
@SheirOcagi
ائی گئجه، ائی جوشغون ظولمت دنیزی!
بو آی قاییغینی کیمدیر گزدیرن؟
ائی تؤکن ساچیمی اتک‌لرینه،
زولفو سئچیلمه‌ین قارا موشکدن!
ائی قدیم دونیانین کؤلگه‌سی گئجه،
حیاتلا اؤلومو قوجاقلاشدیران!
ائی قارا ساچی‌یلا دونیانی اؤرتن!
سن داغ اوسته کؤچن قارا بولودسان.
ائی گئجه، ائی قارا قوبّه‌لی چادیر!
ائی آی خوسرووونون شاهلیق سارایی!
فلک گلینینین خلوت اوتاغی،
دوزن پرده‌سینه اولدوزو، آیی!
سن آیین چیینینده بیر قارا دونسان،
فله‌یین اَینینده قارا تیله‌سن،
ائی گئجه، ائی گیزلی سیرلر عالمی!
سنده حقیقتی کشف ائدیر جاهان.
سن ائی شکّ و شوبهه، سوکوت دونیاسی!
غرق اولوب ظولمتین ایچره وهم‌لر.
ائی اوجو-بوجاغی گؤرونمز دنیز!
قارشیندا حئیران‌دیر دوشونن بشر.
سانکی بیر مئشه‌سن، قارا، کئچیلمز،
سیرّینی بیلمکده عاجیزدیر خیال.
کئچیبسن یولونو باخیشلاریمین،
منی والئه ائدیب سنده‌کی جلال.
گؤزه ایشیق وئرر سورمه عادتاً،
گئجه‌نین سورمه‌سی گؤزه میل چکر.
سنده باخیش اوخو توخونار داشا،
سنین ایقلیمینده عاغیل دیز چؤکر.
باشدا بسله‌دیگین بو نه سئودادیر؟
نه‌دیر ایسته‌دیگین؟ بیزی باشا سال!
تفکّور بئشیگی، خیال یوردوسان،
بیر دونیا جلال‌سان، بیر دونیا جامال.
نئجه لاله‌لره بزه‌نر داغلار،
سنین بزه‌یین‌دیر عظمت، ووقار.
#نصیب_نبی‌اوغلو
#شعر_اوجاغی
@SheirOcagi
▫️کندچینین آداقلی‌بازلیغی
گئجه‌نین قلبینده مین خبر واردیر،
سانکی سئوگیدن ده او خبرداردیر.
گئجه گوندوز کیمی جان‌سیخان دئییل،
گوندوزون یانیندا گئجه آی‌دیر، بیل!
گئجه آی نوروندان چیراق یاندیرار،
اوندان عشق درسینی آلار جاوانلار.
گؤز قیرپار سمادا گئجه اولدوزلار،
اونلاردان ناز-غمزه اؤیره‌نر قیزلار.
گئجه ظولمتیندن آی کی بویلانار،
کؤنول‌لرده دوغار اومید، اعتبار.
بولود پرده چکسه آیین اوزونه،
بیر آن یوخو گلمز عاشیق گؤزونه.
فله‌یین قصرینه گلینجه اولدوز،
ائیوانی ترک ائتمز بیر نیشانلی قیز.
باجادان اوغروتک آی چیخان زامان،
چکمز سئوگیلی‌لر گؤزونو اوندان.
عشقین عالمینی گئجه بزه‌یر،
آداقلی‌بازلیغا گئدر کندچیلر.
هانی او ایللر کی، یای آیلاریندا-
گزردیم یوردومون یایلاقلاریندا؟...
#نصیب_نبی‌اوغلو
#شعر_اوجاغی
@SheirOcagi
گئجه‌نین قلبینده مین خبر واردیر،
سانکی سئوگیدن ده او خبرداردیر.
گئجه گوندوز کیمی جان‌سیخان دئییل،
گوندوزون یانیندا گئجه آی‌دیر، بیل!
گئجه آی نوروندان چیراق یاندیرار،
اوندان عشق درسینی آلار جاوانلار.
گؤز قیرپار سمادا گئجه اولدوزلار،
اونلاردان ناز-غمزه اؤیره‌نر قیزلار.
گئجه ظولمتیندن آی کی بویلانار،
کؤنول‌لرده دوغار اومید، اعتبار.
بولود پرده چکسه آیین اوزونه،
بیر آن یوخو گلمز عاشیق گؤزونه.
فله‌یین قصرینه گلینجه اولدوز،
ائیوانی ترک ائتمز بیر نیشانلی قیز.
باجادان اوغروتک آی چیخان زامان،
چکمز سئوگیلی‌لر گؤزونو اوندان.
عشقین عالمینی گئجه بزه‌یر،
آداقلی‌بازلیغا گئدر کندچیلر.
هانی او ایللر کی، یای آیلاریندا-
گزردیم یوردومون یایلاقلاریندا؟...
#نصیب_نبی‌اوغلو
#شعر_اوجاغی
@SheirOcagi
▫️جانلی شاه‌اثر
جانلی شاه‌اثردیر بوتون طبیعت،
حوسنو قارشیسیندا عاجیزدیر صنعت.
ماوی چادیر کیمی گؤیلر اوجالار،
ملَک اوزو قدر صاف‌دیر بولودلار.
بیر سوکوت آسیلمیش سانکی گؤیلردن،
گوموشو پرده‌یه بورونوب همن.
بو ماوی چادیرین اوستونده قمر-
آلماس بیر اوزویون قاشینا بنزر.
هردن بیر مئتئئور* آخاراق گئدیر،
بوتون اولدوزلاری باغری‌قان ائدیر.
بولود ایچره یانیر بیر تور چیراغی،
حوری‌دیر اوزوندن آتسا دوواغی.
زؤهره عاشق اولموش چوبان‌قیزی‌تک،
گؤزل‌لر شاهی‌دیر، الینده توتک.
زؤهره‌نین حوسنودور دیللر ازبری،
شؤهرتی عشقده تاپمیش او پری.
اونون اوتلاغی‌دیر ماوی آسیمان،
اولدوزلار سورودور، او ایسه چوبان.
او گؤزل، زومروددن سیرغالار آسمیش،
زولفونو چنگ کیمی باغرینا باسمیش.
دره‌دن سانکی بیر دالغالی ایپک،
چای آخیر، هایقیریر، جوشور دنیز تک.
آی دوشوب دئیه‌سن او بورولغانا،
چیرپینیر، چالیشیر چیخسین بیر یانا.
یاییلیر اطرافا چایین نغمه‌سی،
چالیر روبابیندا حاق ترانه‌سی.
بوز توتوب، قار اؤرتوب سویون اوزونو،
مهتاب‌دیر پارلادان سو گوزگوسونو.
چای آخیر، بورولور سولا، گاه ساغا،
خیال دالغالانیر، قاچیر اوزاغا.
گؤرورسن آخار سو یوخویا دالمیش،
سؤیود کؤلگه‌سینی اوستونه سالمیش.
کاروانین زنگ سسی گلیر اوزاقدان،
گئدیر نیشانلی قیز الدن، آیاقدان.
بیردن عشق توتدو کؤنلومدن سوراق،
منی شاعیر ائتدی او گئجه، او داغ.
بو قدر معنالی کئچسه هر گئجه،
اینسان کئچن عؤمره آجییار نئجه؟!...
#نصیب_نبی‌اوغلو
* آخان اولدوز، شهاب (Meteor)
#شعر_اوجاغی
@SheirOcagi
جانلی شاه‌اثردیر بوتون طبیعت،
حوسنو قارشیسیندا عاجیزدیر صنعت.
ماوی چادیر کیمی گؤیلر اوجالار،
ملَک اوزو قدر صاف‌دیر بولودلار.
بیر سوکوت آسیلمیش سانکی گؤیلردن،
گوموشو پرده‌یه بورونوب همن.
بو ماوی چادیرین اوستونده قمر-
آلماس بیر اوزویون قاشینا بنزر.
هردن بیر مئتئئور* آخاراق گئدیر،
بوتون اولدوزلاری باغری‌قان ائدیر.
بولود ایچره یانیر بیر تور چیراغی،
حوری‌دیر اوزوندن آتسا دوواغی.
زؤهره عاشق اولموش چوبان‌قیزی‌تک،
گؤزل‌لر شاهی‌دیر، الینده توتک.
زؤهره‌نین حوسنودور دیللر ازبری،
شؤهرتی عشقده تاپمیش او پری.
اونون اوتلاغی‌دیر ماوی آسیمان،
اولدوزلار سورودور، او ایسه چوبان.
او گؤزل، زومروددن سیرغالار آسمیش،
زولفونو چنگ کیمی باغرینا باسمیش.
دره‌دن سانکی بیر دالغالی ایپک،
چای آخیر، هایقیریر، جوشور دنیز تک.
آی دوشوب دئیه‌سن او بورولغانا،
چیرپینیر، چالیشیر چیخسین بیر یانا.
یاییلیر اطرافا چایین نغمه‌سی،
چالیر روبابیندا حاق ترانه‌سی.
بوز توتوب، قار اؤرتوب سویون اوزونو،
مهتاب‌دیر پارلادان سو گوزگوسونو.
چای آخیر، بورولور سولا، گاه ساغا،
خیال دالغالانیر، قاچیر اوزاغا.
گؤرورسن آخار سو یوخویا دالمیش،
سؤیود کؤلگه‌سینی اوستونه سالمیش.
کاروانین زنگ سسی گلیر اوزاقدان،
گئدیر نیشانلی قیز الدن، آیاقدان.
بیردن عشق توتدو کؤنلومدن سوراق،
منی شاعیر ائتدی او گئجه، او داغ.
بو قدر معنالی کئچسه هر گئجه،
اینسان کئچن عؤمره آجییار نئجه؟!...
#نصیب_نبی‌اوغلو
* آخان اولدوز، شهاب (Meteor)
#شعر_اوجاغی
@SheirOcagi