▫️سنسیزلیک
اوره‌ییم قفسده، یئنه سنسیزلیک-
سیخیلیب بوجاغا، قان یاش آغلاییر.
اینجیدیر روحومو یئنه ده تکلیک،
شیش قویوب اوجاغا، منی داغلاییر.
ائله بیل یاش یانیر قورو اودونا،
بیلمیرم بو اودون هاراسیندایام.
یانیرام ازلدن عشقین اودونا،
گومانیم، آتشین آراسیندایام.
بو سینیق اوره‌ییم چکیلیب میله،
قاندالدا، یاساقدا، کدر بسله‌ییر.
گلیبدیر فغانا، گلیبدیر دیله،
هر زامان، هر آندا سنی سسله‌ییر.
گئدیبسن گؤزومدن، قالیب ایزلرین،
بئینیمده فیرلانیر همیشه بو سس:
اومیدی اولمادین اومیدسیزلرین،
اوزولمور اومیدیم، کسیلمیر نفس.
بوکولوب قامتیم سنسیزلیگیمدن،
نئیله‌ییم؟ ایختیار الیمدن آلیب.
کور قوشام یووادا، دنسیزلیگیمدن-
گؤزلریم دالینجا آسیلی قالیب.
اوره‌ییم قیزماییر، اَل-قولوم توتمور،
کیمسه سوراغینی وئرن اولماییر.
بوغازیم کسیلیر، قهری اوتمور،
داها کؤلگه‌نی ده گؤرن اولماییر.
#حسن_عمیدفر
@SheirOcagi
اوره‌ییم قفسده، یئنه سنسیزلیک-
سیخیلیب بوجاغا، قان یاش آغلاییر.
اینجیدیر روحومو یئنه ده تکلیک،
شیش قویوب اوجاغا، منی داغلاییر.
ائله بیل یاش یانیر قورو اودونا،
بیلمیرم بو اودون هاراسیندایام.
یانیرام ازلدن عشقین اودونا،
گومانیم، آتشین آراسیندایام.
بو سینیق اوره‌ییم چکیلیب میله،
قاندالدا، یاساقدا، کدر بسله‌ییر.
گلیبدیر فغانا، گلیبدیر دیله،
هر زامان، هر آندا سنی سسله‌ییر.
گئدیبسن گؤزومدن، قالیب ایزلرین،
بئینیمده فیرلانیر همیشه بو سس:
اومیدی اولمادین اومیدسیزلرین،
اوزولمور اومیدیم، کسیلمیر نفس.
بوکولوب قامتیم سنسیزلیگیمدن،
نئیله‌ییم؟ ایختیار الیمدن آلیب.
کور قوشام یووادا، دنسیزلیگیمدن-
گؤزلریم دالینجا آسیلی قالیب.
اوره‌ییم قیزماییر، اَل-قولوم توتمور،
کیمسه سوراغینی وئرن اولماییر.
بوغازیم کسیلیر، قهری اوتمور،
داها کؤلگه‌نی ده گؤرن اولماییر.
#حسن_عمیدفر
@SheirOcagi
▫️قولاغا اوزاقدان حزین سس گلیر،
ائله بیل من ایله تانیش‌دی بو سس.
سانکی بیر مته‌دیر، بئینیمی دلیر،
اورکدن آغلاییر، اووونمور بو کس.
قیریشان آلنیندان اوتانیرام من،
اکسیژن تاخیبلار، سون نفسده‌دیر.
آلزایمر توتوبدور، تانیمیرام من،
دئییرلر چوخداندیر بو قفسده‌دیر.
سوروشور یئنه ده اؤزومدن اؤزوم:
گونشین آخیری هایاندا باتدی؟
اومودوم توکه‌نیب، سو ایچمیر گؤزوم،
قوجانین احوالی حالیمی قاتدی.
گیزله‌دیب یاشیمی، دانیرام من ده،
گومانیم، بو زامان قوجالیق عاردی.
آیاقدان دوشمه‌یی آنیرام من ده،
اؤلوم ده اولماسا، قوجالیق واردی.
بو قدر نیسگیله یوخومدو دؤزوم،
اورَکدن یانیرام قوجا آنایا.
ساتاشیب دوواردا تابلویا گؤزوم،
«خوش گلدوز -یازیبلار- قوجاخانایا».
#حسن_عمیدفر
@SheirOcagi
ائله بیل من ایله تانیش‌دی بو سس.
سانکی بیر مته‌دیر، بئینیمی دلیر،
اورکدن آغلاییر، اووونمور بو کس.
قیریشان آلنیندان اوتانیرام من،
اکسیژن تاخیبلار، سون نفسده‌دیر.
آلزایمر توتوبدور، تانیمیرام من،
دئییرلر چوخداندیر بو قفسده‌دیر.
سوروشور یئنه ده اؤزومدن اؤزوم:
گونشین آخیری هایاندا باتدی؟
اومودوم توکه‌نیب، سو ایچمیر گؤزوم،
قوجانین احوالی حالیمی قاتدی.
گیزله‌دیب یاشیمی، دانیرام من ده،
گومانیم، بو زامان قوجالیق عاردی.
آیاقدان دوشمه‌یی آنیرام من ده،
اؤلوم ده اولماسا، قوجالیق واردی.
بو قدر نیسگیله یوخومدو دؤزوم،
اورَکدن یانیرام قوجا آنایا.
ساتاشیب دوواردا تابلویا گؤزوم،
«خوش گلدوز -یازیبلار- قوجاخانایا».
#حسن_عمیدفر
@SheirOcagi