▫️من اوزولمورم، سن ده اوزولمه‌ملی‌سن!
فرقلی اینانجا صاحیب اولماق، شوعورلو اینسانلارین آیریلیغینا سبب اولمامالی‌دیر...

📚 فلیسه‌یه مکتوب
#فرانتس_کافکا
#شعر_اوجاغی
@SheirOcagi

▫️گوجوم چاتماز کی!
پالتوم بئله آغیرلیق ائتدیگی حالدا، نئجه داشییا بیله‌رم بو قوجا دونیانی چییین‌لریمده؟

📚 میلئنایا مکتوبلار
#فرانتس_کافکا
#شعر_اوجاغی
@SheirOcagi

▫️همیشه موسیقیدن قورخوردوم، چونکی منی نئجه بیر دونیایا آپارماق ایسته‌دیگینی بیلمیردیم..

#فرانتس_کافکا
#شعر_اوجاغی
@SheirOcagi

▫️بیزیم ائله بیر کیتابلارا احتیاجیمیز وار کی، بیزه اولان ائتکیسی، بیر فاجیعه‌نین ائتکیسی کیمی اولا. بیزی دریندن ائتکی‌له‌یه، اؤزوموزدن داها چوخ سئودیگیمیز بیر اینسانین اؤلومونون بیزده بوراخدیغی ائتکیسی کیمی، اوزاق مئشه‌لره سورگون اولماق کیمی، بیر انتحار کیمی.
کیتاب، قانیمیزداکی دونموش دنیزین بوزلارینی سیندیرماق اوچون، بیر تئشه‌ اولمالی‌دیر...

#فرانتس_کافکا
#شعر_اوجاغی
@SheirOcagi

▫️چالاغان *

چالاغان‌ ایدی.
دیمدیگی ایله ووروب آیاقلاریمی دیدیردی.
آیاقلاریمی، جورابلاریمی دیدیب داغیتمیشدی، ایندی ده یالین آیاقلاریمی دیمدیکله‌ییردی.
یورولمادان ائله هئی وورور، سونرا دایانیر، وورنوخور، هاوایا قالخیب بیر نئچه دوُنه اطرافیمدا دوُوره وورور، یئنیدن ایشینه داوام ائدیردی.
کیم‌ ایدی‌سه، یانیمیزدان بیر جناب کئچیردی. بیر آز باخاندان سونرا -بونا نییه دوُزدویومو- سوروشدو‌.

- «کوُمک‌سیزم آخی، دئدیم، قوش آیاغیما دیمدیک آتماغا باشلایاندا، البته‌کی، اونو قووالاماغا چالیشدیم. توتوب بوغماق دا ایسته‌دیم. دی گل گوجلودور لعنت اولموش. چالاغان اوزومو هدف آلمیشدی. من ده آیاقلاریمی قوربان وئردیم. دیدیب پارچالاییب دئمک اولار کی.»

- «بو عذابا نییه دوُزورسن آخی؟ -جناب یئنه ده سوروشدو- بیرجه گوللـه بسدی، وورون چالاغانی اؤلدورون!»

- «یعنی بو قدر آسان؟ بلکه اونو سیز ووراسیز؟»

- «نییه وورمورام! آمما بوندان اوُترو گرک ائوه گئدیب توفنگیمی گتیرم. یاریم ساعات دا دوُزه بیلرسیز؟»

- «نه بیلیم؟» دئییب سانکی آغریدان بدنیم کئییمیش تکی بیر نئچه ثانیه حرکتسیز قالدیم. ن سونرا،  «مومکونسه گئدین، گتیرین! -دئدیم- بیر ایش گوُرمک لازیمدی هر حالدا»...

- «یاخشی، اوندا قوی تله‌سیم!»...

چالاغان بیزیم بوتون بو صؤحبتیمیزی ساکیتجه دینله‌ییر، گاه منه، گاه دا جنابا باخیردی.
بیردن حسّ ائتدیم‌ کی، هر شئیی باشا دوشوب، هاوایا قالخدی، سورعت تاپماق اوچون دوُوره ووروب اوستومه شیغیدی، دیمدیگی نیزه کیمی آغزیمین ایچینه ساپلاندی.

آرخام‌اوسته یئره دیَنده حسّ ائله‌دیم کی، آرتیق آزادام و چالاغان بوتون دره‌لری دولدوران، بوتون ساحل‌لری باسان قانیمدا بیر یوللوق بوغولوب.

#فرانتس_کافکا
* اوزون قانادلاری و اَیری دیمدیگی اولان ایری، ییرتیجی قوش
چئویرن: نامیق حوسئینلی
@a_z_soz
@SheirOcagi

▫️بیر آز دستک-ه، بیر آز صمیمی یاناشماغا، بیر آز آچیقلیغا احتیاجیم وار ایدی و سن بونلارین عوضینه منیم یولومو باغلاییردین...

📚 آتاما مکتوب
#فرانتس_کافکا
#شعر_اوجاغی
@SheirOcagi

▫️منیم یالنیزلیغیم، اینسانلارلا دولودور...

#فرانتس_کافکا
#شعر_اوجاغی
@SheirOcagi

▫️من ائله اولدوغوم یئرده‌ قالیرام؛ فقط همیشه‌کیندن داها اوزگونم،‌ داها یارالی‌یام؛
چونکی منه همیشه‌کیندن داها یاخینسان، عئینی حالدا الیم چاتمیر سنه...

#فرانتس_کافکا
#شعر_اوجاغی
@SheirOcagi

▫️گؤزل‌لیک‌لری گؤره بیلمک قابلیّتینی قورویان اینسان، قوجالماز.

#فرانتس_کافکا
#شعر_اوجاغی
@SheirOcagi

▫️سن، داییما یارالاریمین ایچینده قیوریلان بیر بیچاقسان.

#فرانتس_کافکا
#شعر_اوجاغی
@SheirOcagi

▫️بیر کیتاب، ایچیمیزده‌کی دونموش دنیزه ائنن بالتا کیمی اولمالی‌دیر.

#فرانتس_کافکا
#شعر_اوجاغی
@SheirOcagi

▫️میلیونلار نفر سنی سئویردی‌سه، من اونلارین بیری‌یدیم.
تک بیر نفر سنی سئویردی‌سه، او بیر نفر من ایدیم.
کیمسه سنی سئومیردی‌سه، من اؤلموشم دئمک‌دیر.

#فرانتس_کافکا
#شعر_اوجاغی
@SheirOcagi

▫️اوتاغیمدا گونلردیر یالنیزام؛ ضرری یوخ، دونیادا دا ایللردیر یالنیز دئییلم‌می؟!

📚 چئوریلمه
#فرانتس_کافکا
#شعر_اوجاغی
@SheirOcagi

▫️فلیسه! بیز نییه آداملاری دَییشدیرمه‌یه چالیشیریق؟ بو دوغرو ایش دئییل‌.
آدام، باشقالارینی اولدوقلاری کیمی قبول ائتمه‌لی‌، یا دا اؤز حاللارینا بوراخمالی‌دیر.
هئچ کس باشقاسینی دَییشدیره بیلمز، ساده‌جه دنگه‌سینی پوزار. چونکی اینسان واحید پارچالاردان یارانماییب کی بیر پارچاسینی گؤتوروب یئرینه باشقا بیر شئی قویاسان. او بیر بوتون‌دور، بیر ‌پارچاسینی یئریندن چکسن، باشقا پارچالاری دا ایستر-ایسته‌مز چکیله‌‌جک.

📚 فلیسه‌یه مکتوب
#فرانتس_کافکا
#شعر_اوجاغی
@SheirOcagi

▫️یازماماغینیزدان گؤرونور، چوخ یاخشیسینیز.
بیزلر نورمالدا یاخشی اولدوغوموز زامان سوسوروق.

📚 میلئنایا مکتوبلار
#فرانتس_کافکا
#شعر_اوجاغی
@SheirOcagi

▫️دوزدور، منطیق همیشه گوجلو اولور، آنجاق یاشاماق ایسته‌ین‌ آدامین قارشیسیندا او دا دایانا بیلمز.

📚 محکمه
#فرانتس_کافکا
#شعر_اوجاغی
@SheirOcagi

▫️حیرصلنمه‌یین! سیزه عائید اولمایان شئیلره نییه حیرصلنه‌سینیز آخی؟!

📚 بیر ساواشین تصویری
#فرانتس_کافکا
#شعر_اوجاغی
@SheirOcagi

▫️بیرینی سئویب اونسوز یاشاماق، سئومه‌دیگین بیری‌یله یاشاماقدان یاخشی‌دیر.

#فرانتس_کافکا
#شعر_اوجاغی
@SheirOcagi

▫️سنه اولان حسرتیم، گؤز دالیندا قالیب تؤکولمه‌ین گؤز یاشی کیمی، باغریمی سیخیر.

📚 فلیسه‌یه مکتوبلار
#فرانتس_کافکا
#شعر_اوجاغی
@SheirOcagi

▫️آخ، کاش بیرجه بونو دا بیله‌یدین کی، توتدوغون ایشلرین، دئدیگین سؤزلرین هامیسیندا -لاپ منه عذاب وئرسه ده- چالیشیب یاخشی بیر شئی تاپماق ایسته‌ییرم!

📚 قصر
#فرانتس_کافکا
#شعر_اوجاغی
@SheirOcagi