اورالارا قار یاغسا
منه توخودوغون شالی
قار آدامینین بوینونا سال
اؤز گؤزلرینله گؤر
اریییب یوخ اولدوغومو
گؤرورسن؟!
اؤلولردن کیملری مزار ایسته‌مز
قار آدامی کیمی

#سیدحیدر_بیات
@SheirOcagi

"قارغانی دویماغا"
(ایواز طاهایا)


فلسفه سونا یئتدی
قارغا قانادلانیردی
زیلی
اسفار کیتابی نین اوستونده
کهک دن داها اویانلیق بیر چایدا
نه بلخه باخدی
نه سوهرورده
قار، قار، قار!
نه داشلارا بیر سوز دئدی
نه کول لارا
هامیسی دا ائشیتدیلر
من ده
من فیکره گئتدیم قارغا نه دئییر؟
داش، داش ایدی
کول، کول
اما من
من دئییل ایدیم
بزنمیش دویغومدا
یئرین بوش گورونر کن
دویغوم گوجنمکده ایدی
قارغانی دویماغا

#سیدحیدر_بیات
@SheirOcagi

🔸ندن بعضن بیر کؤله اولدوغومو دوشونورم،
و سن گؤزلرینی سیلرکن
بارماغینین اوجویلا
منی ساتیرسان بازارلاردا؟

پرومئتئس، تانریلاردان بیر پارچا اود اوغورلادی؛
من سندن
بیر پارچا ایشیق.

ان قارانلیق بازارلاردا بئله ساتسان،
اووجومدا ایشیق داشییاجایام.

سن شؤعله، من مشعل
فرقینده دئییلمیسن؟

قوقنوسلار اؤلوب_یارانیر اووجومدا
فرقینده دئییلمیسن؟
اووجومون هر جیزیغیندان
قیرخ اؤلکه‌یه خبر دنله‌یه بیلر،
قارا قارغالار،
آلا قارغالار.

اووجومون جیغیرلارینا ایشیق آخیبدی
بوشونا می ایدی اللریمی سئودییین؟

سورمادین...
اللریم هاردان گتیرمیشدی دینجلیک ائکسیرینی...؟

#سیدحیدر_بیات
@SheirOcagi

بو دؤنه یوللارا فیکیرلشیرم
اونلار سنین گؤزلرینده ایتیر
بیتیر
باشلانیر

#سیدحیدر_بیات
@SheirOcagi

"قارغانی دویماغا"
(ایواز طاهایا)


فلسفه سونا یئتدی
قارغا قانادلانیردی
زیلی
اسفار کیتابی نین اوستونده
کهک دن داها اویانلیق بیر چایدا
نه بلخه باخدی
نه سوهرورده
قار، قار، قار!
نه داشلارا بیر سوز دئدی
نه کول لارا
هامیسی دا ائشیتدیلر
من ده
من فیکره گئتدیم قارغا نه دئییر؟
داش، داش ایدی
کول، کول
اما من
من دئییل ایدیم
بزنمیش دویغومدا
یئرین بوش گورونر کن
دویغوم گوجنمکده ایدی
قارغانی دویماغا

#سیدحیدر_بیات
@SheirOcagi

▫️ساچلاریندا بیر آتش وار؛
بارماقلاریم یالنیز...
و یالنیز بارماقلاریم،
او اودلا آلیشار.
اولدوز دوغار اللریم،
قارانلیق گئجه‌نین درینلییینده،
کدرین درین‌لییینده
ایلدیریم شاخار ساچین.

سوچ ساچلاریندا دئییل
یوللاری تاپیریق او آتشلرله
یوللار بیزی بیر یئره گؤتورمور
سؤندور اودلارین هامیسینی!
بیر گئجه قارانلیغا قرار وئرک
بیر گئجه یولسوز بیر یولو آددیملایاق سونونا قدَر
بیر گئجه سحَری گؤزله‌مه‌دن،
بیر گئجه یولدان بیر شئی ایسته‌مه‌دن،
گئدک...
گئدک...
گئدک...
سوندا هر بیریمیز بیر اوزاق یولدان گلدی‌ییمیزی گؤره‌جه‌ییک؛
اوز-اوزه،
قوجاقلاشیب
اؤپوشه‌جه‌ییک.

یئنه گئجه،
یئنه ساچلارین،
ساچلاریندا بیر آتش وار...

#سیدحیدر_بیات
@SheirOcagi

▫️ندن بعضن بیر کؤله اولدوغومو دوشونورم،
و سن گؤزلرینی سیلرکن
بارماغینین اوجوویلا
منی ساتیرسان بازارلاردا؟
پرومئتئس، تانریلاردان بیر پارچا اود اوغورلادی،
من سندن،
بیر پارچا ایشیق.
ان قارانلیق بازارلاردا بیله ساتسان،
اووجومدا ایشیق داشییاجاغام
سن شؤعله، من مشعل.
فرقینده دئییلمیسن؟:
ققنوس‌لار اؤلوب یارانیر اووجومدا.
فرقینده دئییلمیسن؟: اووجومون هر جیزیغیندان،
قیرخ اؤلکه‌یه خبر دنله‌یه‌بیلر،
قارا قارغالار،
آلا قارغالار.
اووجومون جیغیرلارینا ایشیق آخیب‌دیر
بوشونا می‌یدی ال‌لریمی سئودیگین؟
سورمادین:
ال‌لریم هاردان گتیرمیشدی دینج‌لیک ائکسیرینی؟

#سیدحیدر_بیات
@SheirOcagi

▫️کوچه

سنسیز تکرارلانیر
یالنیزلیغین یئددی کوچه‌سی.

هر کوچه‌ده بیر قیز، بیر کوزه قویوبدور قاپی قاباغینا.

هر کوچه‌ده سو کوزه‌سیندن نیلوفر گؤیریب.

هر کوچه‌ده بیر عاشیق
گئجه‌لر گلیب مینیاتور چکیبدیر کوزه‌نین اوستونه،
سویونو ایچمه‌دن.

هر کوچه‌ده،
من سنی
یئددی یول آختارمیشام.

هر کوچه‌ده
نئچه یول ایتیب، منی ایتریبسن سن...؟

#سیدحیدر_بیات
@SheirOcagi

▫️یولومو توتوب بیر بانک کارتی وئریب ۱۰ مین پول چکم بیله‌سینه. کارتین موجودیسی یوخ ایدی. اوتانا-اوتانا بیر آیری کارت وئریب دئییر: باخ گؤر بونون وار!؟
دستگاهدان ۱۰ مین چیخاناجان ایکیمز ده نفس چکمه‌یه اوتانیردیق.

📚خیاباندان آخان قان
#سیدحیدر_بیات
@deltaie_khon
@SheirOcagi

▫️ابراهیم دؤرد قوشو کسیب اتلرینی دؤیوب بیر-بیرینه قاتدی. سونرا اتلری دؤرد یئره بؤلدو. هر بؤلومو بیر داغین باشینا قویدو. اؤزو دؤنوب آرادا دایاندی. قوشلارین بیر-بیر آدلارینی چاغیردی. هر قوشون پارچاسی دؤرد داغین باشیندان ابراهیمین سسینی ائشیدیب بیر-بیرینه قوووشدو. هر قوش یئنیدن یارانیب اؤزونه دؤندو.
یالنیز، بیر قوش ابراهیمین سسینی ائشیتمه‌دی، هر پارچاسی بیر داغین باشیندا قالدی.
او قوش من ایدیم.

#سیدحیدر_بیات
@deltaie_khon
@SheirOcagi

▫️سیموول

شعر گلنده بیلَرم،
بیر وولقان کیمی دیره‌نر بوغازیمدان،
سووشار آغزیمدان،
دوداقلاریمی تیتره‌دیب آچار.
شعر گلنده بیلَرم،
کاغیذلار منه دوغرو باخار.

نئچه ایلدیر بئله‌دیر؟
سنه دوغرو چیرپینان ایللردن،
بیر اسکولاستیک مدرسه‌نین حوجره‌لرینده آخشاملار بئله اولاردی،
تانیمازدیم سنی اوندا،
سونرا همن ایچیمده‌کی قیز ایدین،
فرهاد یوخومدا شکلینی چکردی گئجه‌لر،
خسرو یاتاردی یاتاقدا،
و من باخیشلاریمی معصومجاسینا اوفوقه تیکردیم.

«سارا» بیر اولای ایدی موغاندا.
خان ائوینه گئتسن ده گئت،
اؤزونو آتما چایا!
سیموول ایسته‌میریک غئیرته، فیلانا،
یاشا بیر آز،
حیات سیموولو اول
سئودیکلرینه!
من اورتا عصیرلرین کیتابلاری آراسیندا یورولاندا،
بیر چئینم ساققیز گل، آغزیمدا لامپا دوزَلت آلدیرمازجاسینا!
پولیسلری شاشیرت بیر آز، حئیرت‌لندیر بو غریبه شهرین گزمه‌لرینی!
چاخناشدیر پاسلانمیش سوموکلریمی تانگو-یلا!
«قانون» کیتابیندان باش چیخاریب
«ابن سینا» سنی تجویز ائدیر بوتون خسته‌لیکلریمه؛
خان ائویندن قاییتسان‌سا،
بو قارانلیق کیتابخاناما.

#سیدحیدر_بیات
@SheirOcagi

▫️اورالارا قار یاغسا
منه توخودوغون شالی
قار آدامی‌‌نین بوینونا سال
اؤز گؤزلرین‌له گؤر
اریییب یوخ اولدوغومو
گؤرورسن؟!
اؤلولردن کیم‌لری مزار ایسته‌مز
قار آدامی کیمی

#سیدحیدر_بیات
@SheirOcagi

▫️دئدی «ایشیقدان قورخ!
ایلغیمی آنجاق ایشیق یارادا بیلر».
عطشیمین حجمینی دوشوندوم،
«ایلغیمی عطشین جنونو یارادار» دئدیم.
بارماقلاریندان ایلغیم سوزدو.

#سیدحیدر_بیات
#شعر_اوجاغی
@SheirOcagi