‍ ▫️سنه بو مکتوبو اوزاقلاردان یازیرام
آدرئسینی چوخدان اونوتدوم
بیر شعرین شیشه‌سینه قلبیمی قویوب سولارا بوراخیرام...

آه منیم اسکی «تورکو»م!
آه منیم حزین اؤیکوم!
یانیلیشیم!
یئنیلیشیم!

نه ائتدیم‌سه سنی موتلو ائده‌مه‌دیم
اویسا بیر کمانیم واریدی
بیر ده سن...
آجیمادین، ازدین منی
اوزدون...
هئچ آنلامادین!
بالاسینا یانان بیر آنا کیمی
ایچیمه گؤمدوم دئپرم‌لریمی
ژاکتیمی آلیب گئتدیم
درین‌-درین ایچ چکیشیم بو اوزدن.

عینادینا سوسقوندوم اویسا
عینادینا وورغون
گئج اوسلاندیم
سن گوره‌مه‌دین آما،
آلتی موس-مور گؤزلریمده ایسلاندیم

ان چوخ «ایستاوریت»ی سئوردین
سیخیب لیمونو، مایدانوزا
شارابا ووروردون هانی،
اسکی بیر کاسئت‌ده بیزیم شارقیمیز، آلیب گؤتوروردو سنی
سالاش مئیخانه‌لرده و قومسال‌‌لارداکی آیاق ایزلرینده
قیریلان خیال‌لاریم
اومیدلریم
و سنی بکله‌ییش‌لریم هر یاغمور آخشامیندا

داها بیر موتلویدوق او گونلر
هر شئیه رغمن اؤزگوردوک
کیتاب آلاجاق پولوموز اولماسا دا
اوجوز توتون چکسک ده
باهالی‌یدی دوشلریمیز.

نه قدر چوخ ایستردیم ایندی بو شارقیمی دویمانی
قانایان بیر گول میثالی
ساچلارینا تاخدیغیم
سوسقون چیغلیق‌لاریلا اینله‌ین بو کمانی
کی، هر نوتاسی اؤدشمه‌نین وحیاتلا اوزلشمه‌نین قاطرانی.

خاطیرلارمی‌سان پولسوز قالمیشدیق دا بیر گون
قارداشینین قومباراسینی بوشالدیب کؤنسئرته گئتمیشدیک
ایمضاسینی آلمیشدیق سئودیییمیز صنعتچی‌نین
بیرلیکده فوتوگراف چکدیرمیشدیک
بیر شیشه گازوزو
و کاشارلی تُستو بؤلوشموشدوک

هئی گئدی هئی...!
آز می شعر یازدیق درس کیتاب‌لارینا؟
اوتوبوسا بیلئت‌سیز می مینمه‌دیک؟
کومایا می گیرمه‌دیک هر «بئشیک‌تاش» ماچیندا؟
ایندی بیر خسته‌خانا آخشامینین یورغون پنجره‌سینده
کئچمیشه دالیب-دالیب گئتمه‌لریم‌سن آرتیق
نه کمانیم وار یانیمدا
نه ده سن وارسان
فصیل‌لردن حوزون
آی‌لاردان پئشمانلیق و قارانلیق.

سن کی بو مکتوبو ساخلایاجاقسان
اؤپوب-اؤپوب قوخلایاجاقسان بلکه
و آرتیق گلمه‌یه‌جه‌ییمی بیله‌-بیله
گؤزله‌یه‌جکسن.

آه منیم اسکی «تورکو»م!
آه منیم حزین اؤیکوم!
یانلیشیم!
یانیلیشیم...!

سنی هئچ اوزَرمی‌ییم؟!
من بو مکتوبو دفعه‌لرجه یازمیش،
دفعه‌لرجه یاخمیشام...


#فاتیح_قیسابارماق
کؤچوردو
#شعر_اوجاغی
@SheirOcagi

‍ ▫️دئمک گئدیرسن.

دئمک گئدیرسن،
منیم حاقّیم بو دئییلدی.
عشقه و جسارته داییر نه وارسا،
بئلینه آلیب-
او بؤیوک یانغینین‌لا گئدیرسن دئمک.
گئت!
اویسا... اویسا سن اؤیرتمن چیخدیغین ایل،
ووروب آلنیما قارغاشانی،
سیم‌سیاه بیر سود کیمی،
یارپاق تؤکموشدو دارآغاجیم،
آخشاملاریم اولموشدو،
و قودوز گئجه‌لریم.
گؤزیاشلاریم آغلارکن،
بیر اوزون یولجولوق دوشموشدو آرخاما.
او گون بوگوندور، تتیکده بیر عؤمرون سون گوللـه‌سی‌سن.
هئچ عاغلیما گلمزدی، گولوم!
بو دا منه درس اولسون،
بو دا منه درس اولسون!

دئمک گئدیرسن.
بئله اولماسینی ایسته‌مزدیم اویسا،
حزین و داغلارین بو باش دؤنمه‌سی،
جلّاد قیرمیزیسی بیر خَسران ایدی یوللاردا.

سن اؤیرتمن چیخدیغین ایل،
تام چیلغین بیر آغاجا سویونموشدو ایشلم‌لر.
ائیواه!
اسمر بیر توردا بیر ائیله‌میشم‌سه،
جنّتین اوجونو یاندیرمیشام‌سا بیر دفعه،
جهنّمین نظامیّه قاپیسیندایام‌سا،
آتشدن بیر نهره دؤنن بو عوصیان،
هپ او گول یانغینینا قاناد چیرپار.
و ان یاساق ماهنیلار،
اوزونو شارابلا یویار.

گئدیرسن دئمک.
منیم حاقیم بو دئییلدی
عشقه و جسارته داییر نه وارسا،
بئلینه آلیب-
او بؤیوک یانغینین‌لا، گئت!
هایدی، دورما!
گنج‌لیگیمین وبالینی،
و سئوگیسیز حیاتیمیزین بدلینی اؤده‌مه‌دن گئت!

بو شعری سنه ارمغان ائتدیم،
یانینا آلماغی اونوتما، ساقین!
سس‌سیز گئجه‌لرده اوخویوب آغلارسان!
کیمسه‌لر گؤرمه‌سه ده،
قانارسان، گولوم!
نه‌لر چکدیگیمی او گون آنلارسان!

سون باهار یاغیشی‌یلا ایسلاندیم کوچه‌لرده،
آغلادیم ایکیمیزه، سندن چوخ اوزاقلاردا.
ایندی، حوزون موغامیندا بوتون ماهنیلار.
بو یورغون سس،
بو کور لامپا،
بو آتشی سؤنموش بوخاری،
تانیغی‌دیر یالنیزلیغین،
پئشمانلیغین تانیغی‌دیر.
چونکی... چونکی منیم کیتابیمدا،
عشق بیر دفعه یاشانار.

دئمک گئدیرسن.
گئت!
بیر یاندا اؤلومون آلنینداکی تر،
بیر یاندا سویا دوشن شامدان گولو.
و صاباحین‌ ساچلارینداکی قیروو قدَر اوشویورسن.
هایدی، دورما!
بئلینه آلیب او بؤیوک یانغینین وبالینی،
و سئوگیسیز‌ بیر حیاتین بدَلینی اؤده‌مه‌دن، گئت!
بیلیرسن گئجه‌نین ان قارانلیق اولدوغو آن، صاباحین ان یاخینلاشدیغی زاماندیر،
و‌ هئچ‌بیر شئی حاقّیندا بیلدیگیمیز هر شئی، اصلینده یالاندیر.

دئمیشدیم یا:
سن اؤیرتمن چیخدیغین ایل،
ووروب آلنیما قارغاشانی،
سیم‌سیاه بیر سود کیمی،
یارپاق تؤکموشدو دارآغاجیم،
حوزون ساریسی یارپاقلارینی.
آخشاملاربم اولموشدو،
و قودوز گئجه‌لریم.
گؤز یاشلاریم آغلامیشدی،
بیر اوزون یولجولوق دوشموشدو آرخاما.
تام چیلغین بیر آغاجا،
سویونموشدو ایشلم‌لر.

دئمک گئدیرسن.
گئت!
بو شعری سنه ارمغان ائتدیم،
یانینا آلماغی اونوتما!
بلکه بوخاری‌ن سؤنموش،
کیتابین سونا چاتمیش.
بلکه دیزلرینده‌ پتو،
یالنیزلیغین ایچ چکیشمه‌سینی دویارسان.
پاکتده‌کی سون سیقارا'ن،
و تیترک بیر شام آلووو‌ حوزنویله کئچمیشه قاپیلارسان.
کیمسه‌لر گؤرمه‌سه ده،
قانارسان، گولوم!
سن ده یانارسان.

#فاتیح_قیسابارماق
#شعر_اوجاغی
@SheirOcagi

‍ ▫️ایگید ایدین.

من سنی آجیلاردا تانیدیم،
و سن فیرتینادا هئچ بوراخمادین منی.
گؤز یاشیما اورتاق اولدون.
کیتابلاریمی، یورغون یورغانیمی،
و گؤزلریمین گئجه‌لره قاپانماسینی،
هر آنلاتماق ایسته‌ینده سنه،
الیم چاتمادی قلَمه،
یازا بیلمه‌دیم، سوسدوم.
ایگید ایدین...

داش اوسته یاتدیق سنینله،
قار یئدیک،
یاغیشی ایچدیک سو دئیه،
سویوقدان قابارلاریمیز چاتلادی.
سن آغلادین یالنیزجا و سسسیزجه،
اللریمی اوووشدوردون.
ایگید ایدین...

قار اوچقونو دوشدو دامیمیزا،
«چؤکدوم» دئدیم، «بیتدیم» دئدیم،
سن ساردین منی چولون‌لا.
اولو چؤرک ائتدین، بؤلوشدوک،
آنام کیمی سن داشیدین بئلینده.
یوخسول اوتاغیمیزین سوواقسیز دووارلاریندا،
بیرلیکده باتیردیق اوره‌ییمیزه گونشین دیرناقلارینی.
آجیلار کؤرپوسونده ال-اله یئریدیک.
سازاقدا ایلک‌باهاری گئییندین،
اوره‌یینی تیکدین بئینیمه،
آشیمیز اولماسا دا، ترک ائتمه‌دین.
ایگید ایدین...

ماوی‌لرین دنیزینده،
و اولدوزلارین سون دوراغیندا،
سولدورمادین سئودامی،
سولدورمادین اومیدیمی.
قان قوسدوم... آه چکدیم... ایچدن اینله‌دیم.
ساریلینجا قوللاریما قاندال،
سن ده ساریلیب اؤپدون.
زامانین زهرلی عقربه‌سینی سئودیم،
هر گؤروش گونو سنی گتیردیگینده.

گؤزیاشلاریندان سوروش منی!
کیپریک‌لریندن سوروش!
حسرتین آجیسی کوسدورسه ده ماهنیلاری،
قاوالی سئودیم، سازی سئودیم، زهری آخیدیر دئیه.
یاشیللیق جادّه‌سینده داشلارا آرخالاندیق،
یورغونلوق لیمانیندا سو سپدین قلبیمین آلووونا.
ایگید ایدین...

یوسونلارا بولاندیغیمدا،
یاشامین چیغلیق‌لاری منی ساحیله ایته‌له‌دیگینده،
کؤکسومده‌کی فیرتینالار و تیتره‌مه دنیزینده آیریلیغین آناسی یاخاما یاپیشدیغیندا،
یارسیز قویمادین منی، دوز اکمه‌دین گؤزومه.
ایگید ایدین...

تیکانین گولو ده اولسا حیات،
و یا گولون تیکانی دا اولسا،
میل چکمه‌دین اوره‌ییمه.
سن سئودام قدر، سن تورپاق قدر
ایگید ایدین...

کیلیم اولدون قهریمه،
سیر وئرمه‌دین، سر وئردین کؤنول قاپیمدا.
من سنی آجیلاردا تانیدیم،
و سن فیرتینادا هئئئچ بوراخمادین منی،
اورتاق اولدون گؤزیاشیما.
ایگید ایدین...

#فاتیح_قیسابارماق
#شعر_اوجاغی
@SheirOcagi

‍ ▫️بلکه...

بلکه هئچ یاشامادیم دئیه، دوشون!
بلکه اولدوزلارا هئچ دَیمه‌دی باشین.
بلکه بالیغا چیخمادین «هامسی»¹ زامانی.
ترن‌لرده هئچ سیقارا چکمه‌دین.
بلکه هئچ اوتورمادین او تاختا اسکله‌ده،
آیاقلارینی دنیزه سوخمادین.
بلکه اوشومه‌دین، قالخیب یئریمه‌دین،
بلکه آیاقلارین هئچ اولمادی.

بلکه یاندیراجاق کؤمورون وار سنین،
یئرییه‌‌جک یوللارین،
قومساللاری یویان گونشین وار،
و ماهنیلارین.
و اوووفف اولانلارین!...

سنین بوخار گمی‌لرین وار،
گؤیَرته‌سینده‌² چای، سیقارا.
اومیدلرین، چیچکلرین...
آغاجلارین مئیوه وئریر زامانیندا...
بولودلارا عیناد قوشلارین.
اوشوتمه‌ین پتولارین وار،
یاغیشدا چتیرین و قارا کوت-شالوارین.
جانین چکدی‌می، گلسین راکی!
حتّی پئینیر، حتّی قووون...
ایستر دوعا ائدرسن، ایستر سؤیوش...
کولک‌لرین وار سنین سرین-سرین...
ان چوخ سئودیگین شعرلر، ازبرینده...
جیبینده کیبریت و آسپیرین...
پامادورلارین‌سا کوتور-کوتور.³

اوشاقلارین وار سنین،
قصورسوز یارین،
بیر ائوین.
کیتابلارین،
و اوشاقلارینین اویونجاقلاری،
و حیات یولداشینین صاباحلیغی.⁴
بیر آدین وار سنه ان چوخ یاراشان،
اؤیله چوخ، اؤیله یالنیز.

بلکه هئچ یاشامادیم دئیه، دوشون!
بلکه اولدوزلارا هئچ دَیمه‌دی باشین.
بلکه «ریزه‌»یه هئچ گئتمه‌دین هامسی زامانی.
ترن‌لرده هئچ سیقارا چکمه‌دین.
بلکه اوتورمادین او تاختا اسکله‌ده،
آیاقلارینی دنیزه هئچ سوخمادین.
بلکه اوشومه‌دین و قالخیب یئریمه‌دین.
بلکه،
بلکه سنین «بلکه‌»لرین هئچ اولمادی...

#فاتیح_قیسابارماق
¹- بیر بالیق چئشیدی (Hamsi)
²- گمینین اوست حیصّه‌سینده آچیق یئر، عرشه (Göyərtə)
³- تزه‌لیگیندن دولایی کوتور (Kütür) سسی چیخاران.
⁴- صاباحلاری یاتاقدان قالخینجا کئچیجی اولاراق گئییلن اوستلوک. (Sabahlıq)
#شعر_اوجاغی
@SheirOcagi

‍ ▫️حیات منه یالان سؤیله‌دی.

ایلک دفعه حئسابلاشیرام اؤزومله،
عجیب‌دیر؛ قلمی، کاغیذی و سنی او قدر سئومه‌ییمه رغماً،
سنه ایلک دفعه یازیرام.

ایندی سن یوخسان، سنی دوشونمک وار.
اوشاقکن ده سنی دوشونوردوم هر گئجه،
رادیو دینله‌ییب شعر یازاردیم.
هر چرشنبه بازارا گئدردیک آنام‌لا.
بابام آیلیق آلدیغیندا باقلاوا یئیردیک.
دوندورمانی دا چوخ سئوردیک،
باجیم اوچ توپ یئیردی، من ایکی توپ.
یالنیزجا بو اوزدن ساواشاردیق.
اویسا، اویسا حیاتیمین وازکئچیلمزی‌یدی باجیم.
اونون دا اوزو هئچ گولمه‌دی،
خئییرسیزین بیرینه قاچیب محو ائتدی حیاتینی.
فیکریمدن هئچ چیخماز گئتدیگی گونکی قارانلیقلار.
حوزنومو بؤیوتدوم او گوندن بری، اؤزومو یوخ.
گؤزلریمده هله ده بیر اوشاق آغلار.
خیاللاریمی گزدیردیگیم بولودلار،
بیر توخومون چیچه‌یه اولان حسرتی‌یدی.
و هله ده قولاقلاریمدا آنامین سسی:
-«بیتیرسن بو اوخولو، بیر ایشه گیرسن!»...
شعرله قارین دویمادیغی دوغرویدو.
- باخ! «جمیل» اوخودو، موهَندیس اولدو،
«اوسکودار»ین ان گؤزل قیزی‌یلا ائولندی،
ائوینی ده آلدی، آراباسینی دا...
من‌سه باغلاما چالاردیم اوز حالیمجا.
سسیم گؤزل‌میش، اؤیله دئییردیلر.
هاردان بیلیردیم هپ حوزون ماهنیلاری سؤیله‌یه‌جه‌ییمی؟!
حیات منه یالان سؤیله‌دی.

حیات منه یئنه یالان سؤیله‌دی.
او ان گؤزل ایللریم،
آجیلارا یئنیلدی.

مکتوبلار یازاردیم آلمانیاداکی قارداشیما،
اوخولو بیتیره‌جه‌ییمه سؤز وئرَردیم.
معصوم خیاللاریمین او ان سورگون آداسیندا،
باخیشلاری اوزاقلارا دالیب گئدن ماهنیلار و واختسیز سولموش بیر چیچک کیمی آیاقلار آلتیندا نئجه ازیلیرسه‌ اومید،
منیم ده گونشیمی ایشده اؤیله چالدیلار،
اؤیله دوستاق آلدیلار سئوینجلریمی،
سنسیز کئچن هر گونو حئسابیما یازدیلار.

ایندی اؤیله اوزاق کی چای ایچیب سیمیت یئدیگیمیز او گونلر!
قارداشینا کارنامه هدیه‌سی، اوچورتما دوزلتدیگیم گونلر اؤیله اوزاق کی!
اویسا چاتی کنارلاریندا تیتره‌ین بیر سئرچه‌نین
چؤرک تیکه‌سینه قاناد چیرپماسی و بیر آنا دوعاسی قدر، ایچدن سئومیشدیم سنی.
«فنر» ایستادیوموندا «بئشیکتاش» اویونو،
و پولسوزلوغوموز دوام ائدرکن،
بوتون ماویلریمی سنه وئرمیشدیم؛
«ایتیرمک» آلنیما یازیلمیش سانکی.
اولمادی، بیردانه‌م!
حیات منه یالان سؤیله‌دی.

حیات منه یئنه یالان سؤیله‌دی؛
او ان گؤزل ایللریم،
آجیلارا یئنیلدی.

بابانین مأموریّتی چیخیب دا، گئتدیگینیز او قیش،
یئنه گؤن سالدیرمیشدیق آیاق‌قابیلاریمیزین آلتینا.
سنه سؤیله‌یه بیلمه‌دیم آما،
ایشدن آیریلمیشدی بابام،
باغلانمیشدی چالیشدیغی رستوران.
سیفته زامانلاری داها دا چؤکردی چییین‌لری،
و آخشام ترن‌لرینین ایشچی یورغونلوغویلا
داها دا اوزاناردی دمیر یوللاری.
گیلئی‌لریمین بئله، باشی قاریشمیشدی حیاتا.
اؤفکه‌لی بیر یانارداغ، عوصیان‌لارا اویانمیشدی.
اوسته‌لیک، اوسته‌لیک سن ده یوخ ایدین آرتیق.
اویسا یالنیزجا سن اؤپموشدون گؤزلرینی،
بیر یانی هپ اکسیک قالمیش اوشاقلیغیمین.
اصلینده هر اینسان بیر آز اودوزموش ایدی حیاتا
بیر آز دا کوسکون.
سون ترن ده قاچینجا سون دوراقدان،
اؤیله قورویوب قالیردیق، یورغون و اوزگون.
اؤزومه دوشمن‌لیگیم بو اوزدن،
هپ اؤزومه پئشمان‌لیغیم.

ایندی هر شئییم یاریم،
فوتوقرافیمین آرخاسینا نه یازدیغیمی بئله
چوخدان اونوتدوم.
بیر سیلاحیم اولسایدی، بیر سیلاحیم!
یوخسوللوغو شقیقه‌سیندن،
ایتیرمه‌نی قلبیندن،
و سنسیزلیگی آلنینین تام اورتاسیندان ووراردیم.

دوزمه‌جه دویغولار کاریمدا دئییلدی،
اوزاق دنیزلرین فیرتیناسی‌یدیم،
قارلی داغلارین کهلیگی.
یوخسول ایدیم یوخسول اولماسینا،
آما غورورلویدوم.

ایندی نه سن وارسان، نه او اسکی سئودالار.
اولسون!
اوستومه دئوریلسه ده بو قولاغی‌باتمیش قارانلیق،
آخشام اولار، شاعیرلره گون چیخار.

بیر دفعه سؤیله دئمیشدین،
سؤیله‌یه بیلمه‌میشدیم ده،
ایشده ایندی سؤیله‌ییرم:
«سنی سئویرم.»

#فاتیح_قیسابارماق
#شعر_اوجاغی
@SheirOcagi

▫️بیر سیلاحیم اولسایدی، بیر سیلاحیم!
یوخسوللوغو شقیقه‌سیندن،
ایتیرمه‌نی قلبیندن،
و سنسیزلیگی آلنینین تام اورتاسیندان ووراردیم.

#فاتیح_قیسابارماق
#شعر_اوجاغی
@SheirOcagi

▫️بیر سیلاحیم اولسایدی، بیر سیلاحیم!
یوخسوللوغو شقیقه‌سیندن،
ایتیرمه‌نی قلبیندن،
و سنسیزلیگی آلنینین تام اورتاسیندان ووراردیم.

#فاتیح_قیسابارماق
#شعر_اوجاغی
@SheirOcagi

‍ ▫️چاتی کنارلاریندا تیتره‌ین بیر سئرچه‌نین چؤرک تیکه‌سینه قاناد چیرپماسی،
و بیر آنا دوعاسی قدر،
ایچدن سئومیشدیم سنی.

#فاتیح_قیسابارماق
#شعر_اوجاغی
@SheirOcagi