▫️کیم داها وارلی‌دیر؟
پولو اولان‌می، ساغلاملیغی اولان‌می؟

کیم داها گوجلودور؟
سکسن یاشیندا سحر قاچیشی ائدن‌می،
ایییرمی یاشیندا حیاتدان بئزمیش گنج‌می؟

کیم داها گؤزل‌دیر؟
آینالارلا دانیشان‌می،
اطرافا سئوینج ساچان‌می؟

کیم داها آغیللی‌دیر؟
بوتون گون ساده‌جه ایشله‌ین‌می،
حیاتی یاشایان‌می؟

کیم داها توخ‌دور؟
باشقاسینین آلین تری‌یله دویان‌می،
چؤره‌یینه امه‌یینی قاتان‌می؟

کیم داها تمیزدیر؟
اوستو-باشی پاریلدایان‌می،
یالان دانیشماییب اوره‌یی ایشیلدایان‌می؟

کیم دوست‌دور؟
یارا باندی یاپیشدیران‌می؟
یارالارینی اؤیرنمه‌یه چالیشان‌می؟

هانسی گئرچک‌دیر؟
اؤلوم‌مو،
یاشام‌می...؟

📚 گؤی‌اوزو دوراغی
#اومود_گونر
#شعر_اوجاغی
@SheirOcagi

▫️کیتابلاردا آلتینی جیزدیغیمیز جومله‌لر، گئرچکده اوستونو جیزا بیلمه‌دیگیمیز اینسانلاری آنلادیر...

📚 گؤی اوزو دوراغی
#اومود_گونر
#شعر_اوجاغی
@SheirOcagi