▫️من،
اوقیانوسدا یاشایان بالاجا اوزگون بیر دنیز قیزی تانییرام
اوره‌یینی تاختا بیر توتَکده چالیر یاواش یاواش.

بالاجا، اوزگون بیر دنیز قیزی...
گئجه، بیر اؤپوشدن اؤلور؛
و سحر چاغی، بیر اؤپوشدن دوغولاجاق...

#فروغ_فرخزاد
#شعر_اوجاغی
@SheirOcagi

▫️داها کیمسه ظفر قازانماغی دوشونمه‌دی
داها کیمسه، هئچ نه‌یی دوشونمه‌دی
نه‌ آجی و قارانلیق گونلر!
گونش اؤلموشدو...

#فروغ_فرخزاد
#شعر_اوجاغی
@SheirOcagi

▫️بالیق‌لار ائوینین،
رنگی قاچمیش پنجره‌لرینین آراسیندان،
گئجه‌لر، اؤسکورتو سسی گلیر.
بیزیم ائوین حَیطی، یالنیزدیر....

#فروغ_فرخزاد
#شعر_اوجاغی
@SheirOcagi

▫️گؤره‌سن بیر ده ساچلاریمی
یئلده دارایاجاغام‌می؟
گؤره‌سن بیر ده باغچالاردا بنؤوشه اکیب
شامدان گوللرینی،
پنجره‌نین آرخاسینداکی گؤیه قویاجاغام‌می؟
گؤره‌سن بیر ده لیوان‌لارین اوستونده دانس ائده‌جه‌یم‌می؟
گؤره‌سن بیر ده قاپینین زنگی، منی سسین اینتظارینا دوغرو آپاراجاق‌‌می...؟

#فروغ_فرخزاد
#شعر_اوجاغی
@SheirOcagi

▫️بالیقلارین ائوینین،
رنگی قاچمیش پنجره‌لرینین آراسیندان،
گئجه‌لر اؤسکورَک سسی گلیر.
بیزیم ائوین حیَطی یالنیزدیر....

#فروغ_فرخزاد
#شعر_اوجاغی
@SheirOcagi

▫️«فروغ»ون، «پرویز شاپور»ا یازدیغی مکتوب‌لاریندان:

پرویز...! سن هله ده منیم قصدیمی بو کلمه‌لری یازماقدان آنلایا بیلمه‌ییبسن‌. سن، منیم نه حدّه محبّته احتیاجیم اولدوغونو خیال ائده‌ بیلمزسن. من عاییله‌وی یاشامیمدا، هئچ واخت خوشبخت دئییلدیم. هئچ واخت گئرچک بیر محبّت نعمتینه چاتمادیم.
بلکه بو سؤزوم سنه بیرآز شاشیردیجی گله، آنجاق بیلسه‌یدین، ایناناردین...

#فروغ_فرخزاد
#شعر_اوجاغی

@SheirOcagi

▫️من قولچاقلار اؤلکه‌سیندن گلیرم،
بیر رسملی کیتابین باغیندا،
کاغیذدان آغاجلارین، کؤلگه‌لرینین آلتیندان.
عشق و یولداش‌لیغین قیسیر گؤرگولرینین قورو فصیل‌لریندن.

واقتین کئچدییینی حیسّ ائدیرم‌.
حیسّ ائدیرم «لحظه»، تاریخین واراقلاریندان اولان پاییم‌دیر منیم.
حیس ائدیرم میز، اویدورما بیر فاصیله‌دیر، منیم ساچلاریم
و بو اوزگون یابانجی‌نین اللرینین آراسیندا.

منه بیر سؤز دئ!
سنه جانلی بیر جیسمین مهربانلیغینی باغیشلایان اینسان،
دیریلیک حیسّینی آنلاماقدان باشقا نه ایسته‌ییر کی سندن؟

منه بیر سؤز دئ!
من پنجره‌نین سیغیناجاغیندایام؛
گونشله باغلی‌لیغیم وار...

#فروغ_فرخزاد
#شعر_اوجاغی
@SheirOcagi

▫️من،
اوقیانوسدا یاشایان بالاجا اوزگون بیر دنیز قیزی تانییرام
اوره‌یینی تاختا بیر توتَکده چالیر یاواش یاواش.

بالاجا، اوزگون بیر دنیز قیزی...
گئجه، بیر اؤپوشدن اؤلور؛
و سحر چاغی، بیر اؤپوشدن دوغولاجاق...

#فروغ_فرخزاد
#شعر_اوجاغی
@SheirOcagi

▫️نه مئهریبان ایدین ائی یار!
ائی بیریجیک یار!
نه مئهریبان ایدین یالان سؤیله‌ینده...!

#فروغ_فرخزاد
#شعر_اوجاغی
@SheirOcagi

▫️هامی بیلیر...، هامی بیلیر،
بیز، عنقا قوشلارینین سویوق و سس‌سیز یوخوسونا یول تاپمیشیق.
بیز، گئرچه‌یی باغچادا تاپدیق،
تانینماز بیر چیچه‌یین اوتانقاج باخیشیندا.
و اؤلومسوزلویو،
ایکی گونشین بیر-بیرینه زیللندییی
سینیرسیز بیر آندا...

#فروغ_فرخزاد
#شعر_اوجاغی
@SheirOcagi

▫️حیات،
بلکه اوزون بیر خییاواندی؛
یوخسا، بؤرکونو باشیندان گؤتوروب-
باشقا بیر یولدان‌کئچه‌نه،
«خئییرلی صاباحلار» دئین بیر یولدان‌کئچه‌نین،
سرسم کئچیشی‌دیر...

#فروغ_فرخزاد
#شعر_اوجاغی
@SheirOcagi

▫️یئل، بیزی اؤزویله آپاراجاق.

منیم کیچیک گئجه‌مده، نه یازیق کی،
یئلین، آغاج یارپاقلاریلا بیر وعده‌سی وار.
منیم کیچیک گئجه‌مده، داغیلماق قورخوسو وار.

قولاق آس!
قارانلیغین اسینتی‌سینی ائشیدیر‌می‌سن؟
من، غریب‌جه‌سینه بو خوشبختلییه باخیرام؛
من اؤز اومیدسیزلیییمه آلیشقینام.

قولاق آس!
قارانلیغین اسینتی‌سینی ائشیدیرمی‌سن؟

گئجه‌ده، بو آن بیر شئی کئچیر؛
آی، قیرمیزی و داغینیق‌دیر؛
و هر لحظه، تؤکولمک قورخوسو اولان بو داما،
بولودلار، یاسلی‌لار قالابالیغی کیمی،
یاغماق لحظه‌سینی گؤزله‌ییر سانکی.

بیر لحظه،
و اوندان سونرا، هئچ...

بو پنجره‌نین آرخاسیندا، گئجه تیتره‌ییر
و یئر اوزو،
فیرلانماقدان قالیر.
بو پنجره‌نین آرخاسیندا بیر بلیرسیزلیک،
من و سنه نیگاران.

ائی باشدان آیاغا یاشیل!
اللرینی یاندیریجی بیر خاطیره کیمی
عاشیق اللریمه قوی!
و دوداقلارینی، وارلیقدان ایستی بیر حیسّ کیمی،
عاشیق دوداقلاریمین اوخشاییشینا بوراخ!
یئل بیزی اؤزویله آپاراجاق،
یئل بیزی اؤزویله آپاراجاق...

#فروغ_فرخزاد
چئویرن:
#ج_محمدنژاد

@SheirOcagi

▫️و بو، منم...
یالنیز بیر قادین
سویوق بیر فصلین آیاغیندا
یئرین کیرلی وارلیغینی،
گؤیون ساده و اوزونتولو اومودسوزلوغونو،
و بو سئمئنتلی اللرین عاجیزلییینی، آنلاماق باشلانغیجیندا..‌

زامان سوووشدو؛
زامان سوووشدو و ساعات، دؤرد یول سس‌لندی.
دؤرد یول سس‌لندی.
بو گون چیلله آیینین ایلک گونودور.
من فصیللرین سیرّینی بیلیرم؛
لحظه‌لرین سؤزونو آنلاییرام.
قورتاریجی قبیرده یاتیب؛
تورپاق_قارشیلاییجی تورپاق_،
دینجلییه بیر ایشارت‌دیر.

زامان سوووشدو؛ ساعات، دؤرد یول سس‌لندی
کوچه‌ده یئل اسیر
کوچه‌ده یئل اسیر
و من، گوللرین جوتلشمه‌سینی،
آریق باجاقلی و قانسیز تومورجوقلاری،
و بو سیلّ توتموش یورغون زامانی دوشونورم

بیر کیشی یاش آغاجلارین یانیندان کئچیر
دامارلارینین گؤی ایپلیک‌لری،
اؤلو ایلانلار کیمی بوغازینین ایکی یانیندان یوخاری سورونوب
دارغین شقیقه‌لرینده او قانلی هیجا-نی تیکرار ائدیرلر:
-سالام
-سالام

و من گوللرین جوتلشمه‌سینی دوشونورم
سویوق بیر فصلین آیاغیندا،
گوزگولرین یاس مجلیسینده،
رنگی قاچمیش گؤرگولرین یاسلی توپلوموندا،
و بو، سس‌سیزلیک بیلیمیندن دؤللنمیش گون باتیمیندا.

بئله صبیرلی،
آغیرباشلی،
و دیدرگین گئدن او اینسانا...
نئجه «دور!» امری وئرمک اولار؟!
نئجه-
«یاشامیر، او هئچ واخت یاشامیرمیش»
دئمک اولار کیشی‌یه؟!

کوچه‌ده یئل اسیر
اینزیوا یالنیزلیغینین قارغالاری
کئفسیزلییین قوجا باغلاریندا دولانیرلار
و نردیوانین-
نه آلچاق یوکسک‌لییی وار!

اونلار بیر اوره‌یین بوتون عاوام‌لیلیغینی،
اؤزلریله ناغیللار قصرینه آپاردیلار
و‌ ایندی داها...
داها نئجه بیری دانسا قالخاجاق؟
نئجه اوشاقلیق ساچلارینی،
آخان سولارا تؤکه‌جک؟
نئجه سونوندا دریب قوخولادیغی آلمانی آیاق آلتیندا تاپدالایاجاق؟!

ائی یار، ائی بنزرسیز یار!
نه قارا بولودلار گونشین قوناقلیق گونونو گؤزله‌ییرلر...!

#فروغ_فرخزاد
چئویری
#شعر_اوجاغی

@SheirOcagi

▫️اینسانی سوسماغا زورلایان درد، هارای‌چکمه‌یه‌ زورلایان درددن داها آغیردیر.
و اینسانلار فقط بیر-بیرینین هارایینا یئتیشیرلر؛ سوسقونلوغونا دئییل....

#فروغ_فرخزاد
#شعر_اوجاغی

چیلله آیینین سککیزی #فروغ_فرخزاد ین دوغوم‌گونو ایل دؤنومودور
@SheirOcagi