آنا وطن بیلمم ندن؟
گیلئیلی‌دیر سازین سنین
خیالیما قاناد وئریر
گول چیچکلی یازین سنین
قوشولورام قارتاللارا
اوچورام گاه اورا، بورا
روحوم قونور او داغلارا
دوداغیمدا سوزون سنین
کیمسه عشقینی دادیبدیر
یاتانلاری اویادیبدیر
هانسی قلم یارادیبدیر
جان آلاندی گؤزون سنین
گؤزلریمین گولابیدیر
آیریلیغین عذابیدیر
دویدوم سئوگی کیتابیدیر
واراق- واراق اوزون سنین
کیشیلرین پاپاغیدیر
قوچاقلارین قوچاغیدیر
اورگیمین ساپاغیدیر
قوجامان تبریزین سنین
مشگینیم شعرین شهری
آچیلیر آیدین سحری
عیمصتی دیللر ازبری
سارا کیمی قیزین سنین
ازل گونون سحرینده
قانلی دؤیوش شهرینده
یاغیلارین قنشرینده
اییلمه‌ییب دیزین سنین
سینه‌ن شعرین بولاغیدیر
پیر پیغمبر اوجاغیدیر
آل گونشین یولاغیدیر
جیغیرلارین ایزین سنین
#علی_فلاحپور (گونش)
@SheirOcagi
گیلئیلی‌دیر سازین سنین
خیالیما قاناد وئریر
گول چیچکلی یازین سنین
قوشولورام قارتاللارا
اوچورام گاه اورا، بورا
روحوم قونور او داغلارا
دوداغیمدا سوزون سنین
کیمسه عشقینی دادیبدیر
یاتانلاری اویادیبدیر
هانسی قلم یارادیبدیر
جان آلاندی گؤزون سنین
گؤزلریمین گولابیدیر
آیریلیغین عذابیدیر
دویدوم سئوگی کیتابیدیر
واراق- واراق اوزون سنین
کیشیلرین پاپاغیدیر
قوچاقلارین قوچاغیدیر
اورگیمین ساپاغیدیر
قوجامان تبریزین سنین
مشگینیم شعرین شهری
آچیلیر آیدین سحری
عیمصتی دیللر ازبری
سارا کیمی قیزین سنین
ازل گونون سحرینده
قانلی دؤیوش شهرینده
یاغیلارین قنشرینده
اییلمه‌ییب دیزین سنین
سینه‌ن شعرین بولاغیدیر
پیر پیغمبر اوجاغیدیر
آل گونشین یولاغیدیر
جیغیرلارین ایزین سنین
#علی_فلاحپور (گونش)
@SheirOcagi
▪️عؤمور آدلی کؤچری قوش
باغچامیزا گلدی گئتدی
بیر باخیشدان آتیلان اوخ
باغریم باشین دلدی گئتدی
داریخدیقجا دارا دوشدوم
هاردان گلیب هارا دوشدوم
گدیکلرده قارا دوشدوم
احوالیمی بیلدی گئتدی
چاخماق چاخدی خزلیمه
درد یئریدی غزلیمه
سیلدی وئردی اؤز الیمه
خوش گونلری سیلدی گئتدی
قیش اولمامیش یاغدی قاریم
غم هاواسی چالدی تاریم
کؤرپه، کؤرپه آرزولاریم
الیم اوسته اؤلدو گئتدی
سال قایالار قوپارانلار
دیلدن دوشدو داغ یارانلار
درده داوا آختارانلار
گؤزو یولدا قالدی گئتدی
اسدی آیریلیق کوله‌یی
دؤندردی کوله اوره‌یی
بیزیم عؤمرون گول چیچگی
واخ- وعده‌سیز سولدو گئتدی
یورغون یولدان چاتدی «گونش»
مورگوله‌ییب یاتدی «گونش»
قان گؤلونه باتدی «گونش»
گؤزو قانلا دولدو گئتدی
#علی_فلاحپور (گونش) ۹۶/۱۲/۶
@SheirOcagi
باغچامیزا گلدی گئتدی
بیر باخیشدان آتیلان اوخ
باغریم باشین دلدی گئتدی
داریخدیقجا دارا دوشدوم
هاردان گلیب هارا دوشدوم
گدیکلرده قارا دوشدوم
احوالیمی بیلدی گئتدی
چاخماق چاخدی خزلیمه
درد یئریدی غزلیمه
سیلدی وئردی اؤز الیمه
خوش گونلری سیلدی گئتدی
قیش اولمامیش یاغدی قاریم
غم هاواسی چالدی تاریم
کؤرپه، کؤرپه آرزولاریم
الیم اوسته اؤلدو گئتدی
سال قایالار قوپارانلار
دیلدن دوشدو داغ یارانلار
درده داوا آختارانلار
گؤزو یولدا قالدی گئتدی
اسدی آیریلیق کوله‌یی
دؤندردی کوله اوره‌یی
بیزیم عؤمرون گول چیچگی
واخ- وعده‌سیز سولدو گئتدی
یورغون یولدان چاتدی «گونش»
مورگوله‌ییب یاتدی «گونش»
قان گؤلونه باتدی «گونش»
گؤزو قانلا دولدو گئتدی
#علی_فلاحپور (گونش) ۹۶/۱۲/۶
@SheirOcagi
|شعر اوجاغی|
▪️آی آغرین آلیم... قاییت قاییتمالی قئیلیم قالیم، آی آغرین آلیم قاییت آ سئوگیلیم، آه سئودالیم، آی آغرین آلیم قاییت قاییت کی ائوی ائیوانی سیلیم سوپوروم دوروم سماوره‌ده اود سالیم، آی آغرین آلیم بولاق بولاق ائله سنسیز قیزیل قان آغلامیشم چیچکلی باغچا اولوب…
▪️اوستاد نادیر ایلاهی جنابلارینا ایتحاف اولونور
یاشیل دویغولارین جان داواسیدیر
آی آنا مشگینین گؤزلی نادیر
اوجالتدین گؤیلره شئعرین قالاسین
قوشمانین، غزلین تملی نادیر
چکدین قایغیسی‌نی بیر آغیر ائلین
یارپاغی اولمادین هر اسن یئلین
دارادی سؤزلرین سازلارین تئلین
تپه‌دن دیرناغا مزه‌لی نادیر
دومان بورومه‌سین دویغولو باشی
دیمه‌سین یاناغا حسرتین یاشی
مرده آتیلاندا قضانین داشی
قوروسون آللاهین اؤز الی نادیر
غوربتده سنده‌دی، وطن‌ده سنده
کؤرپوسن گئجه‌لر شَهَره، کنده
شئعرین مارالین سالدین کمنده
نه گؤزل بَزه‌دین غزلی نادیر
آنا تک وطنین چکدین نازینی
ایپک دونا بوکدون شئعرین یازینی
چکمه‌دین باشینا یاد پالازینی
یاشادین زاماندان ایرَلی نادیر
عشقی باشا چکیب ائله وئریلدین
یاز، بایرام گتیرَن یئله وئریلدین
ظولم ائوین آپاران سئله وئریلدین
وطن بایراغیسان دئمه‌لی نادیر
چاغیردی جان دئدین آزربایجانا
خیالین قارتالدی خان‌ساوالانا
لکه‌سیز آیناسان هر بیر دویانا
سن‌سن شهریارین ساغ‌الی نادیر
ایمه‌سین بویونو قوجامان فلک
گونش* سیز قالماسین چیرپینان اورک
یاشیل دویغولارا باش ایمَک گرک
یالتاقلیق تانیماز بو "علی" نادیر
#علی_فلاحپور (گونش)۹۷/۲/۴
@SheirOcagi
یاشیل دویغولارین جان داواسیدیر
آی آنا مشگینین گؤزلی نادیر
اوجالتدین گؤیلره شئعرین قالاسین
قوشمانین، غزلین تملی نادیر
چکدین قایغیسی‌نی بیر آغیر ائلین
یارپاغی اولمادین هر اسن یئلین
دارادی سؤزلرین سازلارین تئلین
تپه‌دن دیرناغا مزه‌لی نادیر
دومان بورومه‌سین دویغولو باشی
دیمه‌سین یاناغا حسرتین یاشی
مرده آتیلاندا قضانین داشی
قوروسون آللاهین اؤز الی نادیر
غوربتده سنده‌دی، وطن‌ده سنده
کؤرپوسن گئجه‌لر شَهَره، کنده
شئعرین مارالین سالدین کمنده
نه گؤزل بَزه‌دین غزلی نادیر
آنا تک وطنین چکدین نازینی
ایپک دونا بوکدون شئعرین یازینی
چکمه‌دین باشینا یاد پالازینی
یاشادین زاماندان ایرَلی نادیر
عشقی باشا چکیب ائله وئریلدین
یاز، بایرام گتیرَن یئله وئریلدین
ظولم ائوین آپاران سئله وئریلدین
وطن بایراغیسان دئمه‌لی نادیر
چاغیردی جان دئدین آزربایجانا
خیالین قارتالدی خان‌ساوالانا
لکه‌سیز آیناسان هر بیر دویانا
سن‌سن شهریارین ساغ‌الی نادیر
ایمه‌سین بویونو قوجامان فلک
گونش* سیز قالماسین چیرپینان اورک
یاشیل دویغولارا باش ایمَک گرک
یالتاقلیق تانیماز بو "علی" نادیر
#علی_فلاحپور (گونش)۹۷/۲/۴
@SheirOcagi
گئجه آچیلمادی دان یاریلمادی
گؤزلری یوللاردا قالدی شاعیرین
اسدی باغچاسینا آجی کولکلر
یاشیل دویغولاری سولدو شاعیرین
اوره‌یی لکه‌لی، گؤزلری نملی
ازلدن سینه‌سی داغلی، ورملی
هر یئرده گؤزونه ساتاشدی غملی
سینه‌سی غم سازی چالدی شاعیرین
ایرینی بوشلادی، توتدو دوزلری
باغلادی گؤزونه گؤی دنیزلری
شیرین صؤحبتلری اینجه سؤزلری
دویغوسال اینسانا بالدی شاعیرین
داغلار تامسیناندا شافاغین قانین
حسرت قیلینج الده کسمیشدی یانین
داددی آجیسینی قوجا دونیانین
دردلرین شاه‌لیغی اولدو شاعیرین
سویولدو دریسی، حاققی دانمادی
یالانا آلیشیب یالان یانمادی
ظولمون سارایینا قوشو قونمادی
اودور کی مؤحنتی بولدو شاعیرین
کیشی‌لیک سرحددی آغایا قولا
اییلیب سینمادی هر قیزل چولا
ساتمادی شرفین ماناتا پولا
اوره‌یی (گونشه) یولدو شاعیرین
#علی_فلاحپور (گونش) ۹۷/۵/۱۸
@SheirOcagi
گؤزلری یوللاردا قالدی شاعیرین
اسدی باغچاسینا آجی کولکلر
یاشیل دویغولاری سولدو شاعیرین
اوره‌یی لکه‌لی، گؤزلری نملی
ازلدن سینه‌سی داغلی، ورملی
هر یئرده گؤزونه ساتاشدی غملی
سینه‌سی غم سازی چالدی شاعیرین
ایرینی بوشلادی، توتدو دوزلری
باغلادی گؤزونه گؤی دنیزلری
شیرین صؤحبتلری اینجه سؤزلری
دویغوسال اینسانا بالدی شاعیرین
داغلار تامسیناندا شافاغین قانین
حسرت قیلینج الده کسمیشدی یانین
داددی آجیسینی قوجا دونیانین
دردلرین شاه‌لیغی اولدو شاعیرین
سویولدو دریسی، حاققی دانمادی
یالانا آلیشیب یالان یانمادی
ظولمون سارایینا قوشو قونمادی
اودور کی مؤحنتی بولدو شاعیرین
کیشی‌لیک سرحددی آغایا قولا
اییلیب سینمادی هر قیزل چولا
ساتمادی شرفین ماناتا پولا
اوره‌یی (گونشه) یولدو شاعیرین
#علی_فلاحپور (گونش) ۹۷/۵/۱۸
@SheirOcagi
بو سولان چیچک، بو گوللر،
بو یاشیل هشن بیزیمدیر.
یاغی قییناغیندا دوستاق
بو یازیق وطن بیزیمدیر
یازینا پاییز یازیلمیش
یاراسی درین قازیلمیش
بو یاشیللیغی پوزولموش_
سارالان چمن بیزیمدیر
قارا یازدی کیم بو باختی؟
نه تاجی قالیب نه تاختی
گؤز اؤنونده چوخلو واختی
یاراسی بیتن بیزیمدیر
گزیر اووچولار اوخ الده
سونا اوخلانیبدی گؤلده
آلا گؤز دیلین بو چؤلده_
ایتیریب گزن بیزیمدیر
هاراییم داغی دلنده،
یاغیلار باخیب گولنده،
باغی_باغچانی بؤلنده،
دئدیلر گَوَن بیزیمدیر
یوخو قاچدی کال اویاندیق
یولا گؤز تیکیب دایاندیق
"گونش" حسرتینده یاندیق
بو دومان، بو چن بیزیمدیر
#علی_فلاحپور(گونش)۹۷/۹/۱۱
@SheirOcagi
بو یاشیل هشن بیزیمدیر.
یاغی قییناغیندا دوستاق
بو یازیق وطن بیزیمدیر
یازینا پاییز یازیلمیش
یاراسی درین قازیلمیش
بو یاشیللیغی پوزولموش_
سارالان چمن بیزیمدیر
قارا یازدی کیم بو باختی؟
نه تاجی قالیب نه تاختی
گؤز اؤنونده چوخلو واختی
یاراسی بیتن بیزیمدیر
گزیر اووچولار اوخ الده
سونا اوخلانیبدی گؤلده
آلا گؤز دیلین بو چؤلده_
ایتیریب گزن بیزیمدیر
هاراییم داغی دلنده،
یاغیلار باخیب گولنده،
باغی_باغچانی بؤلنده،
دئدیلر گَوَن بیزیمدیر
یوخو قاچدی کال اویاندیق
یولا گؤز تیکیب دایاندیق
"گونش" حسرتینده یاندیق
بو دومان، بو چن بیزیمدیر
#علی_فلاحپور(گونش)۹۷/۹/۱۱
@SheirOcagi
▪️دونیا پنجره دی هر گلن باخیر
گئدنده گؤزلری سولانیر گئدیر
یاریمچیق آرزولار، جان آلان داغلار،
گؤزلرین اؤنونده دایانیر گئدیر.
یاش_قورو تانیمیر ظولمون اوراغی.
گلمیر عدالتین سسی سوراغی.
قایغیلی باشلارین قانلی آیاغی،
تیکانلی چؤللرده دالانیر گئدیر.
هورور قارالتییا خانین تازیسی.
قوردا قیسمت اولور وطن قوزوسو
سانکی چاش یازیلیب ازل یازیسی
آرادا آل قانی یالانیر گئدیر.
دردی داغدان آغیر آنا وطنین
آهی آلوولودور قایغی چکنین
قارا تورپاغ اوسته دویان کیمسه نین،
سینه سی کدرله قالانیر گئدیر.
کیملر یارانیبدیر شرف ساتماغا
کیملر قاناد چالیر آرا قاتماغا
چوخلاری ائله بیل گلیب یاتماغا
اؤلنده یوخودان اویانیر گئدیر
شاعیر توتولاندا درد آلیر جانی
گاه اؤزون قیناییر گاهدا دونیانی
"گونش" یورولاندا گون باتان چاغی،
وطن داغلارینا جالانیر گئدیر
#علی_فلاحپور (گونش)
@SheirOcagi
گئدنده گؤزلری سولانیر گئدیر
یاریمچیق آرزولار، جان آلان داغلار،
گؤزلرین اؤنونده دایانیر گئدیر.
یاش_قورو تانیمیر ظولمون اوراغی.
گلمیر عدالتین سسی سوراغی.
قایغیلی باشلارین قانلی آیاغی،
تیکانلی چؤللرده دالانیر گئدیر.
هورور قارالتییا خانین تازیسی.
قوردا قیسمت اولور وطن قوزوسو
سانکی چاش یازیلیب ازل یازیسی
آرادا آل قانی یالانیر گئدیر.
دردی داغدان آغیر آنا وطنین
آهی آلوولودور قایغی چکنین
قارا تورپاغ اوسته دویان کیمسه نین،
سینه سی کدرله قالانیر گئدیر.
کیملر یارانیبدیر شرف ساتماغا
کیملر قاناد چالیر آرا قاتماغا
چوخلاری ائله بیل گلیب یاتماغا
اؤلنده یوخودان اویانیر گئدیر
شاعیر توتولاندا درد آلیر جانی
گاه اؤزون قیناییر گاهدا دونیانی
"گونش" یورولاندا گون باتان چاغی،
وطن داغلارینا جالانیر گئدیر
#علی_فلاحپور (گونش)
@SheirOcagi
🔸منی دیلسیز یازانین کاش دیلی کؤکدن قوروسون
ّباغی سولسون؛ چیچه یی قانلی کولکدن قوروسون
باشی باتسین بیر عؤمور بیر بئله قانون یازانین
اوجاغی، تندیری، داد_تاملی چؤرکدن قوروسون
قارا یئل اسمه ده دی عؤمروموزون باغچاسینا
قییما آللاه بو باغا؛ گوللو بزکدن قوروسون!
قول چکیب هانسی قلم بوردا منیم لاللیغیما،
قادیر آللاه! او قولو کاشکی بیلکدن قوروسون!
بیر عؤمور وئردیک امک بیز ده امک بیلمه یه نه
دوز_چؤرک بیلمه یه نین باختی امکدن قوروسون
گؤر کیمه، هانسی زامان، هاردا کؤمکلیک ائله دیک
بیزی یالقیز قویانی آرخا_کؤمکدن قوروسون
کیم یاساق یازدی بو بال دادلی گؤزللیک دیلینی_
آجیلیقلار داداراق، شهدی پتکدن قوروسون
یئتیر آللاه "گونش"ی! دونیانی ظولمات بورویوب
سیل قارانلیق ایزینی داغدان اتکدن قوروسون...
#علی_فلاحپور(گونش)
@SheirOcagi
ّباغی سولسون؛ چیچه یی قانلی کولکدن قوروسون
باشی باتسین بیر عؤمور بیر بئله قانون یازانین
اوجاغی، تندیری، داد_تاملی چؤرکدن قوروسون
قارا یئل اسمه ده دی عؤمروموزون باغچاسینا
قییما آللاه بو باغا؛ گوللو بزکدن قوروسون!
قول چکیب هانسی قلم بوردا منیم لاللیغیما،
قادیر آللاه! او قولو کاشکی بیلکدن قوروسون!
بیر عؤمور وئردیک امک بیز ده امک بیلمه یه نه
دوز_چؤرک بیلمه یه نین باختی امکدن قوروسون
گؤر کیمه، هانسی زامان، هاردا کؤمکلیک ائله دیک
بیزی یالقیز قویانی آرخا_کؤمکدن قوروسون
کیم یاساق یازدی بو بال دادلی گؤزللیک دیلینی_
آجیلیقلار داداراق، شهدی پتکدن قوروسون
یئتیر آللاه "گونش"ی! دونیانی ظولمات بورویوب
سیل قارانلیق ایزینی داغدان اتکدن قوروسون...
#علی_فلاحپور(گونش)
@SheirOcagi
🔸آللاهیم نه اولار قاناد وئر منه!
آتام اوجاغینا باش چکیم گلیم
مئهریبان آنامین تاپیم ایزلرین
چرشنبه آخشامی گول اکیم گلیم
قوشولوم قارتالا اوچوم داغلارا
یاپیش اللریمدن قاچیم داغلارا
گیزلی سؤزلریمی آچیم داغلارا
بنؤوشه قارشیندا دیز چؤکوم گلیم
ائشیدیم داغلاردا کهلییین سسین
دویوم چیچکلرین تزه نفسین
قیریم بولبوللرین باغلی قفسین
حسرتین بیناسین تئز سؤکوم گلیم
قوشمادان، غزلدن بایرام یارادیم
هوپوم بولاغلارا اینام یارادیم
ظالیم حیاتینا آخشام یارادیم
ظولمون مزارینا داش تؤکوم گلیم
هارداددی؟ کاش تاپیم اوشاقلیق چاغین
او یوردون یووانین اؤپوم تورپاغین
قوردوغوم ائوجیبین اوچموش اوتاغین
گؤزومون یاشییلا قوی تیکیم گلیم
تاپشیریم "گونش"ه باغلارین گولون
آچیم بنؤوشه نین داراییم تئلین
باغچادا اوخویان ساری بولبولون
هیجران یاراسینا گول بوکوم گلیم...
#علی_فلاحپور (گونش)۹۷/۱۲/۲۸
@SheirOcagi
آتام اوجاغینا باش چکیم گلیم
مئهریبان آنامین تاپیم ایزلرین
چرشنبه آخشامی گول اکیم گلیم
قوشولوم قارتالا اوچوم داغلارا
یاپیش اللریمدن قاچیم داغلارا
گیزلی سؤزلریمی آچیم داغلارا
بنؤوشه قارشیندا دیز چؤکوم گلیم
ائشیدیم داغلاردا کهلییین سسین
دویوم چیچکلرین تزه نفسین
قیریم بولبوللرین باغلی قفسین
حسرتین بیناسین تئز سؤکوم گلیم
قوشمادان، غزلدن بایرام یارادیم
هوپوم بولاغلارا اینام یارادیم
ظالیم حیاتینا آخشام یارادیم
ظولمون مزارینا داش تؤکوم گلیم
هارداددی؟ کاش تاپیم اوشاقلیق چاغین
او یوردون یووانین اؤپوم تورپاغین
قوردوغوم ائوجیبین اوچموش اوتاغین
گؤزومون یاشییلا قوی تیکیم گلیم
تاپشیریم "گونش"ه باغلارین گولون
آچیم بنؤوشه نین داراییم تئلین
باغچادا اوخویان ساری بولبولون
هیجران یاراسینا گول بوکوم گلیم...
#علی_فلاحپور (گونش)۹۷/۱۲/۲۸
@SheirOcagi
▫️عؤمور آدلی کؤچری قوش،
باغچامیزا گلدی گئتدی.
بیر باخیشدان آتیلان اوخ،
باغریم باشین دلدی گئتدی.
داریخدیقجا دارا دوشدوم
هاردان گلیب هارا دوشدوم!
گدیک لرده قارا دوشدوم
احوالیمی بیلدی گئتدی
چاخماق چاخدی خزلیمه
درد یئریدی غزلیمه
سیلدی وئردی اؤز الیمه
خوش گونلری سیلدی گئتدی
قیش اولمامیش یاغدی قاریم
غم هاواسی چالدی تاریم
کؤرپه_کؤرپه آرزولاریم
الیم اوسته اؤلدو گئتدی
سال قایالار قوپارانلار
دیلدن دوشدو داغ یارانلار
درده داوا آختارانلار،
گؤزو یولدا قالدی گئتدی
اسدی آیریلیق کولگی
دؤندردی کوله اورگی
بیزیم عؤمرون گول چیچگی
واخت_وعده سیز سولدو گئتدی
یورقون یولدان چاتدی "گونش"
مورگوله ییب یاتدی "گونش"
قان گؤلونه باتدی "گونش"
گؤزو قانلا دولدو گئتدی...
#علی_فلاحپور_خیاو (گونش)۹۶/۱۲/۶
@SheirOcagi
باغچامیزا گلدی گئتدی.
بیر باخیشدان آتیلان اوخ،
باغریم باشین دلدی گئتدی.
داریخدیقجا دارا دوشدوم
هاردان گلیب هارا دوشدوم!
گدیک لرده قارا دوشدوم
احوالیمی بیلدی گئتدی
چاخماق چاخدی خزلیمه
درد یئریدی غزلیمه
سیلدی وئردی اؤز الیمه
خوش گونلری سیلدی گئتدی
قیش اولمامیش یاغدی قاریم
غم هاواسی چالدی تاریم
کؤرپه_کؤرپه آرزولاریم
الیم اوسته اؤلدو گئتدی
سال قایالار قوپارانلار
دیلدن دوشدو داغ یارانلار
درده داوا آختارانلار،
گؤزو یولدا قالدی گئتدی
اسدی آیریلیق کولگی
دؤندردی کوله اورگی
بیزیم عؤمرون گول چیچگی
واخت_وعده سیز سولدو گئتدی
یورقون یولدان چاتدی "گونش"
مورگوله ییب یاتدی "گونش"
قان گؤلونه باتدی "گونش"
گؤزو قانلا دولدو گئتدی...
#علی_فلاحپور_خیاو (گونش)۹۶/۱۲/۶
@SheirOcagi
▫️سئوگیدن یازاردیم زامان قویمادی
اودور کی زَهَردی، آغی‌دی شعریم
ایللردی آلیشیر اود سوز اوجاق‌سیز
یانمیش اورگیمین داغی‌دی شعریم
ساتقینین، یالتاغین اوندا یئری یوخ
گوز توکن بارماغین اوندا یئری یوخ
یالانچی بویاغین اوندا یئری یوخ
آزادلیق مولکونون باغی‌دی شعریم
بیتیب باغچاسیندا بیر یانار چینار
اونون حیکمتینی عاریفلر قانار
یاتیب زیروه‌سینده قارا بولودلار
سولطان ساوالانین داغی‌دی شعریم
تیکانلی دونیانین گولو اوندادی
یانمیش اوجاقلارین کولو اوندادی
آزربایجانیمین دیلی اوندادی
وطن بستانینین تاغی‌دی شعریم
گوناهسیز اودلارا چوخلو یانمیشام
گوناهیم بودور کی دردی قانمیشام
ائل، عالم یاتاندا من اویانمیشام
زده‌لی اورگین یاغی‌دی شعریم
کدر مورگوله‌ییب غم یورولاندا
اولدوزلار یاتیشیب گوی دورولاندا
ظولمات یوخا چیخیب دان یاریلاندا
گونشین بختور چاغی‌دی شعریم
#علی_فلاحپور(گونش) ۹۸/۱۱/۱۵
@SheirOcagi
اودور کی زَهَردی، آغی‌دی شعریم
ایللردی آلیشیر اود سوز اوجاق‌سیز
یانمیش اورگیمین داغی‌دی شعریم
ساتقینین، یالتاغین اوندا یئری یوخ
گوز توکن بارماغین اوندا یئری یوخ
یالانچی بویاغین اوندا یئری یوخ
آزادلیق مولکونون باغی‌دی شعریم
بیتیب باغچاسیندا بیر یانار چینار
اونون حیکمتینی عاریفلر قانار
یاتیب زیروه‌سینده قارا بولودلار
سولطان ساوالانین داغی‌دی شعریم
تیکانلی دونیانین گولو اوندادی
یانمیش اوجاقلارین کولو اوندادی
آزربایجانیمین دیلی اوندادی
وطن بستانینین تاغی‌دی شعریم
گوناهسیز اودلارا چوخلو یانمیشام
گوناهیم بودور کی دردی قانمیشام
ائل، عالم یاتاندا من اویانمیشام
زده‌لی اورگین یاغی‌دی شعریم
کدر مورگوله‌ییب غم یورولاندا
اولدوزلار یاتیشیب گوی دورولاندا
ظولمات یوخا چیخیب دان یاریلاندا
گونشین بختور چاغی‌دی شعریم
#علی_فلاحپور(گونش) ۹۸/۱۱/۱۵
@SheirOcagi
▫️وطن بولاغلاری وئرسین باش-باشا
قاراباغین نیسگیلینی آغلاسین
نامردلرین، ناکس‌لرین الینده،
اسیر دوشن قیز-گلینی آغلاسین.
دنیزلر ده سیله بیلمز او قانی
سیزیلداییر دبردَنده یارانی
بیر آنا ایسته‌ییر آزربایجانی
قان چیلنمیش قان ایلینی آغلاسین.
دامارلاردا غیرت قانی چاغلایا
حکیم وارمی بو یارانی باغلایا؟
بو تورپاقدا کیم ایسته‌سه آغلایا،
اؤز یوردونو، اؤز ائلینی آغلاسین.
دویانلارین یاراسیندا کؤز بیتیر
شاعیرلرین دوداغیندا سؤز بیتیر
آغلادیقجا گوزلریمده گؤز بیتیر
بیتن گؤزوم قان سئلینی آغلاسین.
عؤمور بویو دوشمنیم‌دی ائرمنی
حارام اللر پارچالادی وطنی
بولبول ائتدی منی، وطن گولشنی
بولبول گرک اؤز گولونو آغلاسین.
بیتیردیلر آرامیزدا آرازی
قان یاغایدی، یازیلاندا او یازی.
آشیق قارداش، ائله کؤکله او سازی،
گاه بمینی، گاه زیلینی آغلاسین!
درددی، غمدی گئدَنلرین ایزلری
های-هارای‌سیز چاغیریرلار بیزلری
کور اولونجا قوی «گونش»ین گؤزلری،
وطن آدلی سئوگیلینی آغلاسین...!
#علی_فلاحپور (گونش)۹۸/۱۲/۷
@SheirOcagi
قاراباغین نیسگیلینی آغلاسین
نامردلرین، ناکس‌لرین الینده،
اسیر دوشن قیز-گلینی آغلاسین.
دنیزلر ده سیله بیلمز او قانی
سیزیلداییر دبردَنده یارانی
بیر آنا ایسته‌ییر آزربایجانی
قان چیلنمیش قان ایلینی آغلاسین.
دامارلاردا غیرت قانی چاغلایا
حکیم وارمی بو یارانی باغلایا؟
بو تورپاقدا کیم ایسته‌سه آغلایا،
اؤز یوردونو، اؤز ائلینی آغلاسین.
دویانلارین یاراسیندا کؤز بیتیر
شاعیرلرین دوداغیندا سؤز بیتیر
آغلادیقجا گوزلریمده گؤز بیتیر
بیتن گؤزوم قان سئلینی آغلاسین.
عؤمور بویو دوشمنیم‌دی ائرمنی
حارام اللر پارچالادی وطنی
بولبول ائتدی منی، وطن گولشنی
بولبول گرک اؤز گولونو آغلاسین.
بیتیردیلر آرامیزدا آرازی
قان یاغایدی، یازیلاندا او یازی.
آشیق قارداش، ائله کؤکله او سازی،
گاه بمینی، گاه زیلینی آغلاسین!
درددی، غمدی گئدَنلرین ایزلری
های-هارای‌سیز چاغیریرلار بیزلری
کور اولونجا قوی «گونش»ین گؤزلری،
وطن آدلی سئوگیلینی آغلاسین...!
#علی_فلاحپور (گونش)۹۸/۱۲/۷
@SheirOcagi
▫️دونیا!
ساغ-سولوندا تیکان بیتمیش
بو یول گئدیر هارا دونیا؟!
قانان‌لاری درده سالدین
اوزون اولسون قارا، دونیا!
قوشلوقدا کسدین دنیمی
یاغی چاپدی وطنیمی
یاشیل دویغو جان قنیمی
باغریم اولدو یارا، دونیا!
دمیر اللر بوغور هایی
حاق گزَن‌لر اجل پایی
قانا باتیب آرپاچایی
سئلده گئدیر سارا، دونیا!
ازلدن قوجا قاری‌سان
آلچاغین سئوگی یاری‌سان
قوچ ایگیدلرین داری‌سان
دورما، چکدیر دارا، دونیا!
باس باغرینا یالتاق‌لاری،
عزیزله بوش چاناق‌لاری،
ساخلا، بئجَر آلاقلاری،
سانما یئتر بارا، دونیا!
آچیلاندا آیدین سحر،
یوخودان آییلار شهَر
یوردوموزا «گونش» گلر
آچ تئلرین دارا، دونیا...!
#علی_فلاحپور (گونش) ۹۸/۱۲/۲۹
@SheirOcagi
ساغ-سولوندا تیکان بیتمیش
بو یول گئدیر هارا دونیا؟!
قانان‌لاری درده سالدین
اوزون اولسون قارا، دونیا!
قوشلوقدا کسدین دنیمی
یاغی چاپدی وطنیمی
یاشیل دویغو جان قنیمی
باغریم اولدو یارا، دونیا!
دمیر اللر بوغور هایی
حاق گزَن‌لر اجل پایی
قانا باتیب آرپاچایی
سئلده گئدیر سارا، دونیا!
ازلدن قوجا قاری‌سان
آلچاغین سئوگی یاری‌سان
قوچ ایگیدلرین داری‌سان
دورما، چکدیر دارا، دونیا!
باس باغرینا یالتاق‌لاری،
عزیزله بوش چاناق‌لاری،
ساخلا، بئجَر آلاقلاری،
سانما یئتر بارا، دونیا!
آچیلاندا آیدین سحر،
یوخودان آییلار شهَر
یوردوموزا «گونش» گلر
آچ تئلرین دارا، دونیا...!
#علی_فلاحپور (گونش) ۹۸/۱۲/۲۹
@SheirOcagi
▫️قوی منی غم یئسین دردلر بوداسین!
باشیمی ظالیمه اَیَن دئییلم.
شاختادا قوورولوب بوراندا دونسام،
ذیلّت چوخاسینی گئیَن دئییلم.
قونمور آلچاق‌لارا کوسگون خیالیم
قارتالام، مسکنیم ساوالاندادی
اورک آیناسیندان سئوگی سیلینمَز
وطن محبّتی هوپوب قاندادی.
گیلئیدن قاچاردیم، آنجاق نه دئییم
عؤمور کروانیمیز دومانا دوشدو
قانلی گدیک‌لردن سوووشان زامان،
بیزی دیلیم-دیلیم غم‌لر بؤلوشدو.
یالان آیاقلاشیب یئریییر بوگون
ایندی دای دوزه ده اینانماق اولمور
آلدادیر اینسانی زامان لایلاسی
غفلت یوخوسوندان اویانماق اولمور.
یاییلیب عالمه علمین ایشیغی
هله ده فالچی‌لار آلدادیر بیزی
قوماردی ائله بیل بو حیات یولو
بو قاراخال‌چی‌لار آلدادیر بیزی.
ال چک یاخامیزدان موتالچی قارداش!
ساتدیغین موتالین شورو چیخیبدی.
یئتیرین بو سؤزو مین اوزلولره:
یالان اوجاغینین قورو چیخیبدی.
ظولماتدان آیریلیب تاپدیم اؤزومو
«گونش»ین بایراغین آلمیشام اله
بولبولم قورتاریب قیش قییناغیندان
وئرمیشم اوره‌یی چیچه‌یه، گوله...
#علی_فلاحپور (گونش)۹۹/۱/۳
@SheirOcagi
باشیمی ظالیمه اَیَن دئییلم.
شاختادا قوورولوب بوراندا دونسام،
ذیلّت چوخاسینی گئیَن دئییلم.
قونمور آلچاق‌لارا کوسگون خیالیم
قارتالام، مسکنیم ساوالاندادی
اورک آیناسیندان سئوگی سیلینمَز
وطن محبّتی هوپوب قاندادی.
گیلئیدن قاچاردیم، آنجاق نه دئییم
عؤمور کروانیمیز دومانا دوشدو
قانلی گدیک‌لردن سوووشان زامان،
بیزی دیلیم-دیلیم غم‌لر بؤلوشدو.
یالان آیاقلاشیب یئریییر بوگون
ایندی دای دوزه ده اینانماق اولمور
آلدادیر اینسانی زامان لایلاسی
غفلت یوخوسوندان اویانماق اولمور.
یاییلیب عالمه علمین ایشیغی
هله ده فالچی‌لار آلدادیر بیزی
قوماردی ائله بیل بو حیات یولو
بو قاراخال‌چی‌لار آلدادیر بیزی.
ال چک یاخامیزدان موتالچی قارداش!
ساتدیغین موتالین شورو چیخیبدی.
یئتیرین بو سؤزو مین اوزلولره:
یالان اوجاغینین قورو چیخیبدی.
ظولماتدان آیریلیب تاپدیم اؤزومو
«گونش»ین بایراغین آلمیشام اله
بولبولم قورتاریب قیش قییناغیندان
وئرمیشم اوره‌یی چیچه‌یه، گوله...
#علی_فلاحپور (گونش)۹۹/۱/۳
@SheirOcagi
▫️آیریلیق
عؤمور کیتابینین ایلک واراغیندا،
یازیلیب بیر قانلی یازی «آیریلیق».
هر یئرده دوداغا آدی دَینده،
مَلَتدی کامانی، سازی، آیریلیق.
آییردی، آغلاتدی یاری-یولداشی،
گوزلردن آخدیردی حسرتلی یاشی.
ازل بلالیدی شاعیرین باشی،
قالادی سینه‌مده کؤزو، آیریلیق.
کیمی گونده قالدی، کیمی سرینده،
قویمادی بیر داشی قالا یئرینده.
حیات یوللارینین دؤنگه‌لرینده،
تیترَتدی داغ‌دایاق دیزی، آیریلیق.
باغلادی یوللاری کور دومان کیمی،
داغیدیم ائله‌دی بیر سامان کیمی.
بیتدی یولوموزدا ساوالان کیمی،
سالدی قار-بورانا بیزی، آیریلیق.
سالدی دالغالارا عشقین گمیسین،
باتیردی چؤللرده مجنونون سسین.
سئوگی دونیاسینا سالدی کولگه‌سین،
کاش آیری دوشه‌یدی اؤزو، آیریلیق!
گون باتدی، داغ-داشا قان قوسدو شافاق،
قالدیق قارانلیقدا «گونش»دن اوزاق.
اوزوموز آرخ اولدو، گؤزوموز بولاق،
یاندیردی آغزیمدا سؤزو، آیریلیق...
#علی_فلاحپور
@SheirOcagi
عؤمور کیتابینین ایلک واراغیندا،
یازیلیب بیر قانلی یازی «آیریلیق».
هر یئرده دوداغا آدی دَینده،
مَلَتدی کامانی، سازی، آیریلیق.
آییردی، آغلاتدی یاری-یولداشی،
گوزلردن آخدیردی حسرتلی یاشی.
ازل بلالیدی شاعیرین باشی،
قالادی سینه‌مده کؤزو، آیریلیق.
کیمی گونده قالدی، کیمی سرینده،
قویمادی بیر داشی قالا یئرینده.
حیات یوللارینین دؤنگه‌لرینده،
تیترَتدی داغ‌دایاق دیزی، آیریلیق.
باغلادی یوللاری کور دومان کیمی،
داغیدیم ائله‌دی بیر سامان کیمی.
بیتدی یولوموزدا ساوالان کیمی،
سالدی قار-بورانا بیزی، آیریلیق.
سالدی دالغالارا عشقین گمیسین،
باتیردی چؤللرده مجنونون سسین.
سئوگی دونیاسینا سالدی کولگه‌سین،
کاش آیری دوشه‌یدی اؤزو، آیریلیق!
گون باتدی، داغ-داشا قان قوسدو شافاق،
قالدیق قارانلیقدا «گونش»دن اوزاق.
اوزوموز آرخ اولدو، گؤزوموز بولاق،
یاندیردی آغزیمدا سؤزو، آیریلیق...
#علی_فلاحپور
@SheirOcagi
▫️پاییز، پالتارینی چکیب اَینینه،
گؤروب-گؤتور‌مه‌لی دونیادیر ایندی.
مجنون خیاللارا سئودا چؤلونده،
دونیانین گؤرکمی لئیلادیر ایندی.
بیزیم باغچالارین گیله‌نار قیزی،
آل-الوان گئیینیب، دونو قیرمیزی.
پاییز فصیللرین رنگ‌به‌رنگ یازی،
شاعیرین قلمین اوینادیر ایندی.
گؤیده سیرالانیب دورنا قاتاری،
اوز توتوب یول گئدیر غوربته ساری.
یامان سیزیلداییر سینه‌مین تاری،
آنامین چالدیغی لایلادیر ایندی.
یارپاقلار هاوادا یئله یالواریر،
بولبول دیله توتوب گوله یالواریر.
«موسی» الین آچیب بئله یالواریر-
دئییرسن هر طرف «سینا»دیر ایندی.
غمه باتانلارین دوداغی گولسون،
اینسانلار یاشاسین، غم_کدر اؤلسون.
چاغیرین مجنونو هاردادی گلسین!
بولاقلار لکه‌سیز آینادیر ایندی.
اوچرومدو، هاماردی حیاتین یولو،
آرزومدو هامییا سوینجین بولو.
«گونش»ین بوغچاسی ایشیقلا دولو،
بوتون اویاقلارا پایلادیر ایندی...
#علی_فلاحپور (گونش)
@SheirOcagi
گؤروب-گؤتور‌مه‌لی دونیادیر ایندی.
مجنون خیاللارا سئودا چؤلونده،
دونیانین گؤرکمی لئیلادیر ایندی.
بیزیم باغچالارین گیله‌نار قیزی،
آل-الوان گئیینیب، دونو قیرمیزی.
پاییز فصیللرین رنگ‌به‌رنگ یازی،
شاعیرین قلمین اوینادیر ایندی.
گؤیده سیرالانیب دورنا قاتاری،
اوز توتوب یول گئدیر غوربته ساری.
یامان سیزیلداییر سینه‌مین تاری،
آنامین چالدیغی لایلادیر ایندی.
یارپاقلار هاوادا یئله یالواریر،
بولبول دیله توتوب گوله یالواریر.
«موسی» الین آچیب بئله یالواریر-
دئییرسن هر طرف «سینا»دیر ایندی.
غمه باتانلارین دوداغی گولسون،
اینسانلار یاشاسین، غم_کدر اؤلسون.
چاغیرین مجنونو هاردادی گلسین!
بولاقلار لکه‌سیز آینادیر ایندی.
اوچرومدو، هاماردی حیاتین یولو،
آرزومدو هامییا سوینجین بولو.
«گونش»ین بوغچاسی ایشیقلا دولو،
بوتون اویاقلارا پایلادیر ایندی...
#علی_فلاحپور (گونش)
@SheirOcagi
▫️قاداسین آلیم.
دونیا یاناغیندا چیباندی، قانماز.
حیاتدا، قانانین قاداسین آلیم.
وطنی اؤزونه آنا سایانین،
آلیشیب یانانین قاداسین آلیم.
قیزیلدان، گوموشدن گئیسه ده کوت‌باش،
ایچی‌بوش کوپه‌دی؛ اینانما، یولداش!
کیتابدی، یازیدی بو یئر، بو داغ-داش.
سیررینی دویانین قاداسین آلیم.
کیشینین اؤزو ده، سؤزو ده بیردی.
باخیشی دا بیردی، گؤزو ده بیردی.
اوجاغی دا بیردی، کؤزو ده بیردی.
آنلایان چوبانین قاداسین آلیم.
منیم حیاتیمدی او صدفلی ساز،
گولر بو سؤزومه چوخ عاغلی دایاز.
هر بوغو بورمادان کوراوغلو اولماز،
مرد دوغان آنانین قاداسین آلیم.
تپه‌دن داغ اولماز، آلچاق اوجالماز،
دونیا گئدرگیدی، کیمسه‌یه قالماز.
ایللردی آغلاییر صمدی آراز،
دیرلی اینسانین قاداسین آلیم.
بیر بؤیوک دونیادی دوشونسه اینسان،
واخت اوچور، آماندی یاتما، دور، اویان!
بولبول خیالیمی گؤیه اوچوردان،
داغلاردا لالانین قاداسین آلیم.
یاشاد اورگینده یازی، باهاری!
بو عؤمور دئدیگین دورنا قاتاری.
اللرین اوزادیب «گونش»ه ساری-
قاپیسین آچانین قاداسین آلیم...
#علی_فلاحپور (گونش)
@SheirOcagi
دونیا یاناغیندا چیباندی، قانماز.
حیاتدا، قانانین قاداسین آلیم.
وطنی اؤزونه آنا سایانین،
آلیشیب یانانین قاداسین آلیم.
قیزیلدان، گوموشدن گئیسه ده کوت‌باش،
ایچی‌بوش کوپه‌دی؛ اینانما، یولداش!
کیتابدی، یازیدی بو یئر، بو داغ-داش.
سیررینی دویانین قاداسین آلیم.
کیشینین اؤزو ده، سؤزو ده بیردی.
باخیشی دا بیردی، گؤزو ده بیردی.
اوجاغی دا بیردی، کؤزو ده بیردی.
آنلایان چوبانین قاداسین آلیم.
منیم حیاتیمدی او صدفلی ساز،
گولر بو سؤزومه چوخ عاغلی دایاز.
هر بوغو بورمادان کوراوغلو اولماز،
مرد دوغان آنانین قاداسین آلیم.
تپه‌دن داغ اولماز، آلچاق اوجالماز،
دونیا گئدرگیدی، کیمسه‌یه قالماز.
ایللردی آغلاییر صمدی آراز،
دیرلی اینسانین قاداسین آلیم.
بیر بؤیوک دونیادی دوشونسه اینسان،
واخت اوچور، آماندی یاتما، دور، اویان!
بولبول خیالیمی گؤیه اوچوردان،
داغلاردا لالانین قاداسین آلیم.
یاشاد اورگینده یازی، باهاری!
بو عؤمور دئدیگین دورنا قاتاری.
اللرین اوزادیب «گونش»ه ساری-
قاپیسین آچانین قاداسین آلیم...
#علی_فلاحپور (گونش)
@SheirOcagi
▫️گولسون!
چالینسین داشلارا غمین شوشه‌سی،
چیله‌ده ائلیمین دوداغی گولسون!
آللاهدان آرزومدو: یاز چیچگی‌تک،
وطن کؤرپه‌سینین یاناغی گولسون!
حسرتده قالماسین او تای، بو تایا،
آغریلار، آجیلار پای اولسون چایا!
خوش خبر یاییلسین ائله، اوبایا،
هامی اینسانلارین قولاغی گولسون!
قیشی، قار-یاغیشدان پایسیز اولماسین،
کیمسه‌نین حسرتدن گؤزو دولماسین،
باغچالار سارالیب، باغلار سولماسین،
یوردومون گؤزه‌سی، بولاغی گولسون!
شعیر پریسینین ساچلارین هؤروم،
قایناسین، چاغلاسین آرازیم، کوروم،
ایگید اوغوللاری، بخته‌ور گوروم،
قیزلارین الینده داراغی گولسون!
کیمسه ایتیرمه‌سین بیر آن ساغ، سولو،
چالپاشیق اولماسین حیاتین یولو!
گلنده ائولره، اللری دولو-
آتانی گؤرنده، اوشاغی گولسون.
تورپاغا باغلییام، منی آز قینا!
اینانما، دوز یازان قلم آغرینا!
«گونش» تورپاغیمی باسسین باغرینا،
شئعریمین باش-آیاغ واراغی گولسون!...
#علی_فلاحپور (گونش) ۴۰۰/۹/۲۹
@SheirOcagi
چالینسین داشلارا غمین شوشه‌سی،
چیله‌ده ائلیمین دوداغی گولسون!
آللاهدان آرزومدو: یاز چیچگی‌تک،
وطن کؤرپه‌سینین یاناغی گولسون!
حسرتده قالماسین او تای، بو تایا،
آغریلار، آجیلار پای اولسون چایا!
خوش خبر یاییلسین ائله، اوبایا،
هامی اینسانلارین قولاغی گولسون!
قیشی، قار-یاغیشدان پایسیز اولماسین،
کیمسه‌نین حسرتدن گؤزو دولماسین،
باغچالار سارالیب، باغلار سولماسین،
یوردومون گؤزه‌سی، بولاغی گولسون!
شعیر پریسینین ساچلارین هؤروم،
قایناسین، چاغلاسین آرازیم، کوروم،
ایگید اوغوللاری، بخته‌ور گوروم،
قیزلارین الینده داراغی گولسون!
کیمسه ایتیرمه‌سین بیر آن ساغ، سولو،
چالپاشیق اولماسین حیاتین یولو!
گلنده ائولره، اللری دولو-
آتانی گؤرنده، اوشاغی گولسون.
تورپاغا باغلییام، منی آز قینا!
اینانما، دوز یازان قلم آغرینا!
«گونش» تورپاغیمی باسسین باغرینا،
شئعریمین باش-آیاغ واراغی گولسون!...
#علی_فلاحپور (گونش) ۴۰۰/۹/۲۹
@SheirOcagi
▫️آنا
نه یازیم یارادیم، اوخشاسین سنه؟
بوتون باهارلارین آناسی، آنا!
ذیروه‌لی داغلارین جوشغون بولاغی،
عشقین گوللرینین سوناسی، آنا!
دیلیمده بال دادلی سؤزلر سنیندی،
سینه‌مده سؤنمه‌ین کؤزلر سنیندی،
دونیایا باخدیغیم گؤزلر سنیندی،
سن آی محبّتین قالاسی، آنا!
دیلیمده ازبردی موقدّس آدین،
چکدین کئشیگیمی، اینجیک اولمادین،
دونیادان دویسان دا، مندن دویمادین،
دورو آینالارین آیناسی، آنا!
آنا چکن دردی کیمسه چکمه‌دی،
اؤلوب دیریلسه ده، دردین دئمه‌دی،
دئسه‌لر «آنایا قوربانلیق نه‌دی؟»
دئیه‌رم «گؤزومون قاراسی»، آنا!
قورغولار پوزماقدی دونیا پئشه‌سی،
سن ایدین عؤمرومون تر بنؤوشه‌سی.
گئتدین اورگیمین سیندی شوشه‌سی،
قالدی اللریمده پاراسی، آنا!
دیغلادار دونیادا حسرت عطشی،
اؤلوم، آیریلیقدی آللاهین ایشی.
ایللردی حیاتدا سنسیز، «گونش»ی-
یوردو روزگارین جفاسی، آنا!...
#علی_فلاحپور (گونش) ۴۰۰/۱۱/۳
@SheirOcagi
نه یازیم یارادیم، اوخشاسین سنه؟
بوتون باهارلارین آناسی، آنا!
ذیروه‌لی داغلارین جوشغون بولاغی،
عشقین گوللرینین سوناسی، آنا!
دیلیمده بال دادلی سؤزلر سنیندی،
سینه‌مده سؤنمه‌ین کؤزلر سنیندی،
دونیایا باخدیغیم گؤزلر سنیندی،
سن آی محبّتین قالاسی، آنا!
دیلیمده ازبردی موقدّس آدین،
چکدین کئشیگیمی، اینجیک اولمادین،
دونیادان دویسان دا، مندن دویمادین،
دورو آینالارین آیناسی، آنا!
آنا چکن دردی کیمسه چکمه‌دی،
اؤلوب دیریلسه ده، دردین دئمه‌دی،
دئسه‌لر «آنایا قوربانلیق نه‌دی؟»
دئیه‌رم «گؤزومون قاراسی»، آنا!
قورغولار پوزماقدی دونیا پئشه‌سی،
سن ایدین عؤمرومون تر بنؤوشه‌سی.
گئتدین اورگیمین سیندی شوشه‌سی،
قالدی اللریمده پاراسی، آنا!
دیغلادار دونیادا حسرت عطشی،
اؤلوم، آیریلیقدی آللاهین ایشی.
ایللردی حیاتدا سنسیز، «گونش»ی-
یوردو روزگارین جفاسی، آنا!...
#علی_فلاحپور (گونش) ۴۰۰/۱۱/۳
@SheirOcagi
▫️گیلئیلی
بو تورپاغین بیلمم نه‌دن-
داغی-داشی گیلئیلیدی؟
اورگینه قویدوم الی،
دویدوم باشی گیلئیلیدی.
قارا داشدی باش آلتلیغی،
کیملر آلیب کیم ساتدیغی،
رسّامینین یاراتدیغی-
ال ناخیشی، گیلئیلیدی.
یوخوسونا سو جالانیب،
سینه‌سینه اود قالانیب،
«گولوستان»دا پارچالانیب،
هر قاریشی گیلئیلیدی.
دویور دردین، اونا باخان،
ساتقیندی بوغازین سیخان.
قارا بولودلاردان آخان،
قار-یاغیشی گیلئیلیدی.
پایدی اؤزگه چاناغیندا،
ننه‌لیک‌لر قوجاغیندا.
نغمه دولو دوداغیندا،
هر بیر قوشو گیلئیلیدی.
یانیر دوداغی عطشدن،
نه تاپاجاق بیری بئشدن؟
دونیا بویو آل «گونش»دن،
پخمه ناشی گیلئیلیدی...
#علی_فلاحپور_گونش
@SheirOcagi
بو تورپاغین بیلمم نه‌دن-
داغی-داشی گیلئیلیدی؟
اورگینه قویدوم الی،
دویدوم باشی گیلئیلیدی.
قارا داشدی باش آلتلیغی،
کیملر آلیب کیم ساتدیغی،
رسّامینین یاراتدیغی-
ال ناخیشی، گیلئیلیدی.
یوخوسونا سو جالانیب،
سینه‌سینه اود قالانیب،
«گولوستان»دا پارچالانیب،
هر قاریشی گیلئیلیدی.
دویور دردین، اونا باخان،
ساتقیندی بوغازین سیخان.
قارا بولودلاردان آخان،
قار-یاغیشی گیلئیلیدی.
پایدی اؤزگه چاناغیندا،
ننه‌لیک‌لر قوجاغیندا.
نغمه دولو دوداغیندا،
هر بیر قوشو گیلئیلیدی.
یانیر دوداغی عطشدن،
نه تاپاجاق بیری بئشدن؟
دونیا بویو آل «گونش»دن،
پخمه ناشی گیلئیلیدی...
#علی_فلاحپور_گونش
@SheirOcagi
▫️آنا وطن
آنا وطن! بیلمم نه‌دن،
گیلئیلی‌دیر سازین سنین.
خیالیما قاناد وئریر،
گول-چیچکلی یازین سنین.
قوشولورام قارتاللارا،
اوچورام گاه اورا-بورا.
روحوم قونور او داغلارا،
دوداغیمدا سوزون سنین.
کیمسه عشقینی دادیبدیر،
یاتانلاری اویادیبدیر.
هانسی قلم یارادیبدیر؟
جان آلاندی گؤزون سنین.
گؤزلریمین گولابیدیر،
آیریلیغین عذابیدیر،
دویدوم سئوگی کیتابیدیر-
واراق-واراق اوزون سنین.
کیشیلرین پاپاغیدیر،
قوچاغلارین قوچاغیدیر،
اوره‌ییمین ساپاغیدیر،
قوجامان «تبریز»ین سنین.
«مشگین»یم شعرین شهری،
آچیلیر آیدین سحری.
عیصمتی دیللر ازبری،
سارا کیمی قیزین سنین.
ازل گونون سحرینده،
قانلی دؤیوش شهرینده،
یاغیلارین قنشرینده،
اَییلمه‌ییب دیزین سنین.
سینه‌ن شعرین بولاغیدیر،
پیر پیغمبر اوجاغیدیر.
آل «گونش»ین یولاغیدیر،
جیغیرلارین، ایزین سنین...
#علی_فلاحپور (گونش)
@SheirOcagi
آنا وطن! بیلمم نه‌دن،
گیلئیلی‌دیر سازین سنین.
خیالیما قاناد وئریر،
گول-چیچکلی یازین سنین.
قوشولورام قارتاللارا،
اوچورام گاه اورا-بورا.
روحوم قونور او داغلارا،
دوداغیمدا سوزون سنین.
کیمسه عشقینی دادیبدیر،
یاتانلاری اویادیبدیر.
هانسی قلم یارادیبدیر؟
جان آلاندی گؤزون سنین.
گؤزلریمین گولابیدیر،
آیریلیغین عذابیدیر،
دویدوم سئوگی کیتابیدیر-
واراق-واراق اوزون سنین.
کیشیلرین پاپاغیدیر،
قوچاغلارین قوچاغیدیر،
اوره‌ییمین ساپاغیدیر،
قوجامان «تبریز»ین سنین.
«مشگین»یم شعرین شهری،
آچیلیر آیدین سحری.
عیصمتی دیللر ازبری،
سارا کیمی قیزین سنین.
ازل گونون سحرینده،
قانلی دؤیوش شهرینده،
یاغیلارین قنشرینده،
اَییلمه‌ییب دیزین سنین.
سینه‌ن شعرین بولاغیدیر،
پیر پیغمبر اوجاغیدیر.
آل «گونش»ین یولاغیدیر،
جیغیرلارین، ایزین سنین...
#علی_فلاحپور (گونش)
@SheirOcagi