አፄ ሀይለስላሴ አሜሪካን ለመጀመሪያ ጊዜ በጎበኙበት ወቅት ከጋዜጠኞች እንድህ የሚሉ ሁለት ጥያቄዎች ቀርቦላቸው ነበር
1 እስኪ በሀገረዎ ያሉትን የመጓጓዣ አይነቶች ይንገሩን ተብለው ሲጠየቁ መልሳቸው "ጥቂት ካሚዮኖች ቢኖሩንም መጓጓዣችን አህያ በቅሎ እና ፈረስ ናቸው"ብለው ከመሪ የማይጠበቅ መልስ ሲሰጡ ነገር ግን ተርጓሚያቸው የነበረው ልጅ እንዳልካቸው ለጋዜጠኞቹ "የሀገራችንን የህዝብ ፍላጎት ይመጥናሉ ባይባልም የየብስ የባህርና የአየር መጓጓዣዎች አሉን" ብሎ ተረጎመ
2 እርስዎ ሗይታውስን የጎበኙ የመጀመሪያው ጥቁር መሪ በመሆንዎ ምን ይሰማዎታል የሚል ሲሆን ሀይለስላሴም "እኛ ከጠቢቡ ሰለሞን ሲወርድ ሲዋረድ የመጣን አይሁድ ነን እንጅ ጥቁር አይደለንም " ሲሉ መለሱ ልጅ እንዳልካቸውም በፊት እንዳረገው ሳይቀይር እንዳለ ነገራቸው፡፡

አፄ ሀይለስላሴ ራሳቸውን የፈጣሪ መልእክተኛ አድርገው ነበር የሚያዩት። ለዚያም ነው "ሞ አንበሳ ዘእምነገደ ይሁዳ ቀዳማዊ ሓይለስላሴ ስዩመእግዚአብሔር ዘኢትዮጵያ" በማለት የንግስና ስማቸውን ያወጁት። ንጉሱ ራሳቸውን እንደ ምሩፅ የእግዚአብሔር ተወካይ ስለሚያዩ ሰውን በጣም ይንቁ ይፀየፉ ነበር። ይሞቱ ሁሉ ስለማይመስላቸው እያረጁ እንኳ የስልጣን ተተኪ አላገዘጋጁም ነበር።

ይህንን መንፈስ በህዝቡም ላይ አስረፀው ስለነበር ብዙ ሰው ሀይለስላሴን እንደ ሰው አያያቸውም ነበር። ዛሬ ወደ አንድ ሚሊዮን የሚጠጋ ህዝብ ሀይለስላሴን እንደ መሲህ አድርጎ የሚያምኑ ሰዎች አሉ። ሀይማኖታቸውም ራስታ ይባላል።

እና ደግሞ ሀይለስላሴ ተዋርዶ ከስልጣን የተወገደባት ቀን መስከረም ሁለትን ለማሰብ እየተዘጋጀን ነው😊

#Seid_Mohammed_Alhabeshiy

ቴሌግራም
👉 t.me/Seidsocial

እኛ እዚህ ለአድስ አመቱ እንኳን አደረሳችሁ ስንባባል ጀግኖቹ ድምፃቸውን አጥፍተው ስራቸውን እየሰሩ ነበር።
ጀግናው መከላከያ ሰራዊታችን በሚያስደንቅ ሁኔታ የሶማሊያን አየር ማረፊያዎችና የጦር ሰፈሮች ተቆጣጥሮ የግብፅን ትእቢት አስተንፍሶላታል።

ከዚህ በሗላ በሶማሊያ ሰማይ ላይ ካለ ኢትዮጵያ ፈቃድ የትኛውም ሀይል አይበርም። መከላከያ ሰራዊታችን ከትላንት በስቲያ ጀምሮ በሰራው ኦፕሬሽን ነው ካለምንም መከላከል የሶማሊያን አየር ማረፊያዎች በእጁ ያስገባው። እናም አሁን ላይ የሶማሊያ ግዛት በአብዛኛው በኢትዮጵያ ጦርና የተረፈው ደግሞ በአልሻባብ እጅ ይገኛል። አሻን**ጉሊቱ የሀሰን ሸህ ሙሀመድ መንግስት ከሞቃድሾ ውጭ እንኳ መንቀሳቀስ አይችልም።
ሶማሊያ የገባው 5,000 የግብፅ ጦርም ከሞቃዲሾ መውጣት አይቻለውም።

ግብፅ ታሪኳ የሶማሊያን አንድነት መበጣጠስ እንጅ አንድም ቀን ጠቅማት አታውቅም። ሶማሊያ ከለዘብተኛዋና ሀያል ቱርክ ይልቅ ወደ ማትረባዋ ግብፅ መደገፏ ትልቅ ስትራቴጂካዊ ስህተት ነው።

#Seid_Mohammed_Alhabeshiy

ቴሌግራም
👉 t.me/Seidsocial

የሳኡዲ አረቢያው መሪ ሙሀመድ ቢን ሰልማን የፍልስጤም ጉዳይ ሳኡዲን የሚመለከት ጉዳይ አይደለም አለ ።
ሙሀመድ ቢን ሰልማን ይህንን ያረጋገገው ለአሜሪው ውጭጉዳይ ሚኒስትር አንቶኒ ብሊንከን ነው።

የአሜሪካው ውጭጉዳይ ሚኒስትር አንቶኒ ብሊንከን በጋዛ ጉዳይ ለመምከር በሳኡዲዋ ከተማ አል ኡላ ተገኝቶ ነበር። እናም ብሊንከን ለሳኡዲው መሪ " እስራኤል ጋዛ በወረራ በትቆጣጠር ሳኡዲ አረቢያን ያስቆጣታል ወይ ?" የሚል ጥያቄ ሲያቀርብ ከቢን ሰልማን የጠበቀው ምላሽ ግን ያልጠበቀው ነበር። ቢን ሰልማን ለቢሊንከን " ሲጀመር ሳኡዲ ስለ ፍልስጤም አያገባትም" በማለት ነው የመለሰለት።

ሙሀመድ ቢን ሰልማን አክሎም " በጋዛ ሰላም ቢሆን እንወዳለን ግና እስራኤል በየወሩ ገባች በየአመቱ ገባች ለኛ ጉዳያችን አይደለም እኔን በግል ብትጠይቀኝ የፍልስጤም ጉዳይ ጊዳየ አይደለም አይመለከተኝም " በማለት ሀሳቡን ለብሊንከን ገልፆለታል።

ስለሳኡዲ ህዝብም ለአሜሪካው መሪ እንድህ ሲል ገልፆለታል " 70 % የሚሆነው የሳኡዲ ህዝብ በእድሜ ከኔ ያነሰ ነው ስለፍልስጤም ጉዳይ የሚያውቀው የለም ፤ ስለፍልስጤም በስፋት መስማት የጀመረው ከ ኦክቶበር 7 በሗላ ነው እና ስለፍልስጤም አብዛኛው የሳኡዲ ህዝብ አያውቅም እኔም የፍልስጤም ጉዳይ የሚመለከተኝ አይደለም " በማለት ሀሳቡን አጠናክሮታል።

ብሊንከንም በዚህ የሳኡዲ አቋም ተደስቶ ወደ ሀገሩ ካመራ በሗላ እስራኤልን ያሻትን ብትሰራ አረቦች ጉዳያቸው እንዳልሆነ በማረጋገጥ ለእስራኤል የሚያደርገውን ድጋፍ በሙሉ አጠናክሯል።
ከዚያም አልፎ በዚህ ጦርነት አረቦች የእስራኤል አጋር ሆነው መቆም ችለዋል።

ሙሉ መረጃውን ከ Middle east eye ማግኘት ትችላላችሁ።

#Seid_Mohammed_Alhabeshiy

ቴሌግራም
👉 t.me/Seidsocial

የእስራኤል መገናኛ ብዙሀን ሀሰን ነስረላህ እንደተገደለ እየዘገቡ ነው።
ጠቅላይ ሚኒስትር ቤንጃሚን ኔታኒያሁ ስለ ነስረላህ መገደል ከጋዜጠኞች ለቀረበለት ጥያቄ " ጠብቁ ውጤቱን ታያላችሁ " የሚል የተዳፈነ መልስ ሰጥቷል።

የኢራን መገናኛ ብዙሀን ተስኒም ይዞት በወጣው መረጃ ደግሞ ሀሰን ነስረላህ ምንም ጉዳት እንዳልደረሰበትና በጥሩ ሁኔታ ደህንነቱ በተረጋገጠ ቦታ እንደሚገኝ አረጋግጫለሁ ብሏል። ይህንን መረጃ እነ ሮይተርስም አጠናክረውታል።

እስራኤል ዛሬ ነስረላህን ለመግደል 2,000 ፓውንድ አሜሪካ ሰራሽ በስተር በንከር ቦንቦችን አርከፍክፋለች። እነዚህ ቦንቦች ወደመሬት ሰርገው በመግባት የመሬት ውስጥ ግንባታዎችን ለማፈራረስ ጭምር የሚውሉ ናቸው። እናም በዛሬው እለት የሂዝቡላህ ዋና መስሪያቤት ህንፃን ጨምሮ በአካባቢው የነበሩ አራት ህንፃዎችን እስራኤል ነስረላህን ለመግደል በማለም እንዳልነበሩ አድርጋቸዋለች።

በበኩሌ በዚህ ጦርነት በተፋፋመበት ወቅት ሀሰን ነስረላህ ዋና መስሪያ ቤቱ ከሆነ በጣም ይደንቀኛል።

በህይወት እንዳለም ተስፋ አደርጋለሁ!

#Seid_Mohammed_Alhabeshiy

ቴሌግራም
👉 t.me/Seidsocial

ስለ ሀሰን ነስረሏህ አዳድስ መረጃዎችን ለመስጠት ያክል!

፨ እስራኤል ሀሰን ነስረሏህን መግደል የተሳካላት አይመስልም። የእስራኤል መገናኛ ብዙሀንም ሀሰን ነስረሏህን ተገድሏል ከማለት ወደ " የመትረፍ እድሉ አነስተኛ ነው" ወደማለት ተሸጋግረዋል። እናም ሀሰን ነስረሏህን የማስወገዱ ስራ ለጊዜው የተሳካላት አይመስልም።

፨ እስራኤል በሌሎች ጥቃቶች የሂዝቡላህን ኮማንደር ሙሀመድ አሊ ኢስማኢልን እና ረዳቱን መግደሏን አሳውቃለች። እስራኤል ሙሀመድን ገደልኩ ያለቺው በደቡባዊ ቤይሩት በፈፀመቺው የአየር ጥቃት ነው።

፨ እስራኤል እግረኛ ጦሯን ወደ ሊባኖስ ታስገባለች ተብሎ ይጠብቃል። ግና ሀሰን ነስረላህን መግደል የሚሳካላት ከሆነ የእግረኛ ጦር ማስጠባቱን እንደምትተው የእስራኤል ባለስልጣናት ገልፀዋል።

፨ እስራኤል የሂዝቡላህ ዋና መስሪያቤት በሚል ያፈራረሰቻቼው ህንፃዎች የሂዝቡላህ አለመሆናቸው ታውቋል። መቀመጫውን ቤይሩት ያደረገው ጋዜጠኛና ተንታኝ ላራ ቢታር ለአልጀዚራ እንደገለፀው እዚህ ቦታ ላይ ሂዝቡላህ ምንም አይነት መስሪያቤት የለውም ሁሉም የወደሙት የህዝብ መኖሪያ የነበሩ ህንፃዎች ናቸው ብሏል።

#Seid_Mohammed_Alhabeshiy

ቴሌግራም
👉 t.me/Seidsocial

ሰይድ ሀሰን ነስረሏህ ተሰዋ !!!

ሂዝቡላህን አደራጅቶ ለድፍን 32 አመታት ሲዋጋና ሲያዋጋ የኖረው የእስራኤል ቁጥር አንድ ጠላትና ስጋት የነበረውን ሸይኽ ሰይድ ሀሰን ነስረላህን መግደሏን እስራኤል አረጋግጣለች።

ከመሪም በላይ የነበረው እስራኤልን በ 1980ዎቹና በ 2006 ጦርነት ገጥሞ ያሸነፋት ብቸኛው መሪ ከእንግድህ በህይወት የለም። ላመነበት አላማ ለፍልስጤማውያንም ሲል ውድ ህይወቱን ሰውቷል።

አሜሪካ ለእስራኤል ይህን ታደርግበት ዘንዳ ወደ መሬት በርካታ ሜትሮችን ሰንጥቀው የሚገቡ በስተር በኔከር ቦንቦችን አስታጥቃ የነስረላህን ህይወት ነጥቃለች።

አላህ ከሸሂዶች ያድርገው!!!
በጣም የሚያስቆጭ ኪሳራ ነው!

#Seid_Mohammed_Alhabeshiy

👉 t.me/Seidsocial

ኢራን የአየር ክልሏን ሙሉ ለሙሉ ዘግታ ለየትኛውም የእስራኤል እርምጃ በተጠንቀቅ ቆማለች።
የትኛውም በኢራን አየር ክልል ውስጥ ሲንቀሳቀስ የተገኘ ነገር በሙሉ ስለሚመታ የኢራን አንድም እንቅስቃሴ እንዳይኖር ትእዛዝ አስተላልፏል።

እስራኤል በበኩሏ ከራዳር እይታ ውጭ ይበራሉ የሚባሉትን F-35 ጄቶችን ተጠቅማ የኢራንን ኢላማዎች ለመምታት ዝግጅቴን ጨርሻለሁ ብላለች። ኢራን ግን ግዛቴ ገብቶ ከራዳር እይታየ የሚሰወር የለም ብላለች።

ከዚያ በተጨማሪ ግን ኢራን ለአፀፋ ምላሽ ሙሉ ተዘጋጅቻለሁ በእስራኤል ከዚህ በፊት ታይቶ የማይታወቅ ውድመትን ሊያደርሱ ሚሳኤሎቼ ተሰድረዋል ብላለች። በዚህም 35 የእስራኤል ስትራቴጂካዊ ኢላማዎችን ለማውደም ኢራን ጦሯ በሙሉ ተጠንቀቅ ላይ ነው ብላለች። በእነዚህም ውስጥ የእስራኤል የሀይል ተቋማት ፤ የኑክሌያር ማብላያዎቿ ፤ ሞሳድን የመሳሰሉ የደህንነት ተቋሞቿ እንደሚገኙበት ይገመታል።

የሆነው ሆኖ ሁለቱ ሀገራት ወደ ለየለት ጦርነት እያዘገሙ ይመስላሉ። ሁለቱም ሀገራት የኑክሌር ቦንብ እንዳላቸው ባይገልፁም ግና በርካቶች የኑክሌር ባለቤት መሆናቸውን ይናገራሉ። በተለይ እስራኤል እስከ 90 የሚሆን የኑክሌር ቦንብ እንዳላት ይገለፃል።

በትላንትናው እለት በኢራን የተከሰተውን የርእደ መሬትም ከኢራን የኑክሌያር ሙከራ ጋር ብዙዎች እያያዙት የመሆኑ ጉዳይ የውጥረቱን ግለት ያሳያል።
መካከለኛው ምስራቅ ላይ እስራኤል በአየር ሀይል የሚስተካከላት የሌለ ሲሆን ኢራን ደግሞ በሚሳኤል የጦር ቴክኖሎጂዋ ቀጠናው ላይ የሚፎካከራት የለም።
የምድር ጦርነት ለመጀመር ሁለቱ ሀገራት አለመጎራበታቸው ጠቅሟቸዋል። ግና ኢራን ጦሯን ሊባኖስ ልካ በእጅ አዙር የምትዋጋበት እድልም አላት።

የእስራ ፉከራ ወይንስ የኢራን ዛቻ?
የትኛው እንደሚያደማ ቀናቶች ይነግሩናል!

#Seid_Mohammed_Alhabeshiy

ቴሌግራም
👉 t.me/Seidsocial

" አይሁዶች ለ 71 ተከፋፈሉ ፤ ክርስቲያኖችም ለ 72 ተከፋፈሉ ይህች የኔ ኡመት ደግሞ ለ 73 ትከፋፈላለች ግና አንዷ ስትቀር ሁሉም የእሳት ናቸው ፤ ሶሀቦችም "አንቱ የአላህ መልእክተኛ ሆይ ያቺ አንዷ ማን ናት ብለው ጠየቁ" ነብችን ሶለሏሁ አለይሂ ወሰለምም " እርሷ እኔና ሶሀቦቼ ባለንበት መንገድ ላይ ያለ ነው" ብለው መለሱ ይላል ሀዲሱ።

በኢስላሙ አለም የዚህን ያክል ዝነኛ ሀዲስ ያለ አይመስለኝም። ምክንያቱም ሁሉም ራሱን ነፃ ለማውጪያና ሌላውን ለማክፈሪያ ለመጠቀም በደንብ ስለሚጠቀምበት ነው። በተለይ ከ 19ኛው ክፍለዘመን በሗላ ይህን ሀዲስ ገና አሊፍን ያልቆጠሩ ሙስሊሞች እንኳ ያውቁታል። ነብያችን ትከፋፈላላችሁ ብለውናል እኮ በቃ ምንም ማድረግ አይቻልም በፍፁም አንድ መሆን አንችልም ብለው ይደመድሙና ትክክልና ጀነት የሚገባው እነርሱ ያሉበት ፊርቃ ብቻ መሆኑን አስረግጠው ይናገራሉ።

ይህ ሀዲስ በሰነድ ከአብደላህ ኢብኑ አምር ፣ ከአውፍ ኢብኑ ማሊክ ፣ ከሙአዊያ እና ከአነስ ተይዞ ተወርቷል። ግና ሁሉም ሰነዶች ለብቻቼው ሲቆሙ ዶኢፍ እንደሆኑ የጀርህ ወተእዲል ኡለማኦች ያረጋግጣሉ። ግና የአንዱ ሰነድ ወደ አንዱ ሰነድ ተደጋግፎ የሀዲሱ ደረጃ ወደ ሀሰንነት ከፍ ይላል ይላሉ። በርግጥ እነ አልባኒን የመሳሰሉት ሶሂህ ብለውታልም።
ግና ሶሂህ ነው ሀሰን ነው ዶኢፍ ነው የሚለው ክርክር ያለው " ኡመቶቼ ለ 73 ይከፋፈላሉ " እስከሚለው ድረስ ብቻ ነው። ከዚያ በሗላ " አንዷ ስትቀር ሁሉም የእሳት ናቸው " ከሚለው በሗላ ግን ያለው ጭማሪና መሰረት የሌለው ዶኢፍ መሆኑን ኡለማኦቹ ያስቀምጣሉ።

አቡዳውድ ፣ ቲርሚዚ፣ ኢብኑ ሂባን ፣ ሀኪም እና ኢብኑ ማጂህ ከአቡ ሁረይራ ይዘው በዘገቡት ሀዲስ ላይ " ከአንዷ በስተቀር የእሳት ናቸው " የሚል ዘገባ የለም።

ለዚህም ነው ታላቁ አሊም ኢብኑ ወዚር " አዋሲም " በተሰኘው ኪታባቸው
" وإياك والاغترار بـ "كلها هالكة إلا واحدة" فإنها زيادة فاسدة، غير صحيحة القاعدة، ولا يؤمن أن تكون من دسيس الملاحدة.
" ከአንዷ በስተቀር ሁሉም ጠፊ ናቸው በሚለው ዘገባ ከመሸወድ ተጠንቀቅ ይህች አስከፊ ጭማሪ ነች ቃኢዳዋም ትክክል ያልሆነ ነው ይህችን ተንኮለኛ አጣማሚዎች እንዳልጨመሯት ማስተማመኛ የለም"
በማለት በዚህ ሀዲስ ላይ በተጨመረው ተመስርቶ የሆነን ጀመአ ከማክፈር ከማበደእና ከኢስላም ከማስወጣት ታላቁ አሊም ያስጠነቀቁት።

እንግድህ ሀዲሱ ጋር ይህ ሁሉ ነገር እንዳለ ሆኖ የሀዲሱ መልእክት ከቁርአን ጋር በቀጥታም የሚጋጭ ነው። አላህ በተከበረው ቃሉ በሱረቱል አንቢያእ
إِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ
ሲል ያዛል። ይህች ኡመታችሁ አንድት ህዝብ ነች እኔ ደግሞ ጌታችሁ ነኝ እኔንም ብቻ ተገዙኝ ሲል ያሳስበናል። ሌላም ቦታ ሌላ በተደጋጋሚ እኔ ጌታችሁ ነኝ ፍሩኝ ፣ እኔ ጌታችሁ ነኝ ታዘዙኝ ይላል ይህች ኡማ አንድ ናትን እያስቀደመ።

አላህ በቁርአኑ የአላህን ገመድ ያዙ አትለያዩ እያለም ያስጠነቅቀናል። በመሆኑም እዚህ ሀዲስ ላይ የተጨመረውን ጭማሪ መሰረት ተደርጎም ሆነ በተሳሳተ አተረጓጎም ተርጎሞ ኡማውን መበጣጠስ ከአላህ መንገድ የሚያሰወጣ የአላህን ቁጣም የሚያስመጣ ወንጀል ነው።

አላህ በቁርአኑ በሱረቱል አንዓም " إِنَّ الَّذِينَ فَرَّقُوا دِينَهُمْ وَكَانُوا شِيَعًا لَسْتَ مِنْهُمْ فِي شَيْءٍ إِنَّمَا أَمْرُهُمْ إِلَى اللَّهِ ثُمَّ يُنَبِّئُهُمْ بِمَا كَانُوا يَفْعَلُونَ  "
በማለት ኡማውን የሚከፋፍሉ ከነብያችን መንገድ ያፈነገጡ መሆናቸውንና አላህም ለዚህ ክፉ ተግባራቸው እንደሚተሳሰባቸው ያስጠነቅቃል።

ፊርቀቱናጂያ የሚባል አንጃም ፊርቃም የለም። አላህ አንተን የሚመረምርህ በሰራሀት እያንዳንዷ ስራ እንጅ በፊርቃህ በጀመአህ አይደለም። አላህ በቁርአኑ በሱረቱል መሬም " وَكُلُّهُمْ آتِيهِ يَوْمَ الْقِيَامَةِ فَرْدًا"
ነው የሚለው ። ሁሉም ለየብቻው እየሆነ ይመጣል ይመረመራል ካለፈ ፊልጀና ኢማ ፊሰኢር!
ያኔ እንኳን ጀመአ አባትም ከልጁ ፤ ጓደኛወም ከጓደኛው ፤ ሚስትም ከባሏ ፤ ሁሉም ከሁሉ የሚሸሽበት ቀን ነው። ያኔ ጥያቄው በአላህ ታምናለህ ፤ በመልእክተኛው አምነሀል መንገዳቸውን ተከትለሀል ፤ ቁርአን የአላህ መመሪያ መሆኑን ተቀብለሀል ፤ ሶላት ፆም ዘካ አጠቃላይ ግደታ ኢባዳዎችን ፈፅመሀል አልፈፀምክም ? ወዘተ ነው። ይህን ጥያቄ ካለፍክ ሺአ ሆንክ ሱኒ ሰለፊ ሱፊ አያድንህም አያጠፋህም እያንዷንዷ የምትመዘናት ሚዛን ለነፍስህ ብቻ ናት። ያኔ የምትሟገተውም ስለነፍስህ ብቻ ነው። እንኳን ጀመአህ ልጅ ወላጆችህን ሽሽት ታመልጣለህ እያለህኮ ነው ረቡል ጀባር!!!

በዚህ የነብያችን ሶለሏሁ አለይሂ ወሰለም ጣፋጭ ንግግር ረጂሙን ፅሁፌን ላጠናቅ

" ከሰዎች ነውር ይልቅ የራሱ ነው እረፍት የነሳው ሰው ጀነት ምንኛ አማረችለት " አሉ!!

አሏህ የሙስሊሞች አንድነት እንጅ የሙስሊሞች መለያየት ምክንያት አያድርገን!!
ወቢላሂ አትተውፊቅ!
ወሏሁ ተአላ አእለም!

#Seid_Mohammed_Alhabeshiy

ቴሌግራም
👉 t.me/Seidsocial

አሜሪካና እስራኤል ኢራንን ከወረሩ ሶስተኛው የአለም ጦርነት ይነሳል ፤ አለም ያልቅላታል ፤ ቻይና ሩሲያ ሰሜን ኮሪያ ቱርክ ከኢራን ጎን ይሰለፋሉ ወዘተ የሚሉ የፖለቲካ ትንተናዎችን በተደጋጋሚ እንሰማለን ያው በአብዛኛው የምንሰማው ከአማተሮች ቢሆንም!

እውነታው እንደዚያ አይደለም!
ኢራን ከአሜሪካና እስራኤል ጋር ብትዋጋ ከጎኗ ተሰልፎ የሚዋጋ አንድ ሀገር እንኳ አይገኝም። ኢራን ብቸኛ ሀገር ናት ! በስልጣኔ ከዱሮም ብቸኛ ናት! ከፐርሺያ ጋር ቆሞ የተዋጋ ሀይል አልነበረም። ፐርሺያ ከምእራቡም ከምስራቁም ሆናም አታውቅም!

አሁን ላይ ኢራን ይህንን ብቸኝነቷን ለመግፈፍ ቢያንስ አብረዋት የሚዋጉ ሀይሎችን ለመፍጠር ነው ከሂዝ**ቡላህ እስከ የመን ፤ ከሀ*,ማስ እስከ ሶሪያ በማእቀብ ከሚደቀው ኢኮኖሚዋ ላይ እየቀነሰች የምታስታጥቅ የምታደራጀው።

እንጅ ከሩሲያ ጋር የሚያቆራኛት ስትራቴጂካዊ ጥቅም የላትም። ቻይናም ጋር የሚያጋምዳት የጋራ ብሔራዊ ፍላጎት የላትም። ከቱርክ ጋር አብሮ የሚያሰልፋት የስልጣኔና የጋራ ማንነት ገመድ እምብዛም ነው። እንደውም የሁለቱ ታሪክ ተፎካካሪነት ነው።
ኢራንን ከሩሲያና ኢራን የሚያቀራርባት ነገር የምእራባውያንን አድራጊ ፈጣሪነት መቀነስ ካልሆነ በስተቀር በአንድ ግንባር የሚያዋጋቸው አንዳች ነገር የለም። እንደውም ቢመቻት ሩሲያ የኢራንን ግዛት ወርራ የያዘቺው አለና ያን ታስመልስ ነበር።

ሩሲያና ቻይና ለኢራን ብለው የሚከፍሉት መስዋዕትነት የለም። ቻይና አይደለም ልትዋጋ መሳሪያ ማእቀብ በኢራን ላይ ስለተጣለ ለኢራን የጦር መሳሪያ አትሸጥም ሁሉ! ቻይና ለማንም አትዋጋም! የራሷን የቤት ስራ ከመስራት ድንበር አታልፍም!
ሩሲያ የኢራን እውነተኛ አጋር ብትሆን አሏት ከሚባሉት መሳሪያዎቿ ትሸጥላት ነበር። ቢያንስ ቱርክና ህንድን ለምና የምትሸጥላቸውን S-400ን ለኢራን ትሸጥላት ነበር።ግና አታደርገውም የምእራባውያኑን ቁንጥጫ ስለምትፈራ! ሩሲያ ያንን ብታደርግ እነ አሜሪካ ዩክሬይንን ሞስኮ ድረስ የሚመቱ መሳሪያዎቻቼውን አስታጥቀው ዋጋ ያስከፍሏታልና!


እና ኢራን ብቸኛ ናት!
ድሮም አሁንም ብቸኛ ናት!
ወደፊትስ ? ወደፊት ያድርሰንና እናያዋለን!!

#Seid_Mohammed_Alhabeshiy

ቴሌግራም
👉 t.me/Seidsocial

ኔታኒያሁ ለምስጢራዊ ጉብኝት ሳኡዲ አረቢያ ነበሩ!

ነገሩ የሆነው ከሶስት አመት በፊት ነው ከዚያ በፊት ታይቶ በማይታወቅ መልኩ ሳኡዲ አረቢያ የምስጢር እንግዳዋን ልትቀበል ሽርጉድ እያለች ነው። በአዲሷ የሳኡዲ ኒዮም ከተማ ላይ እጅግ ቅንጡ ማረፊያ ተዘጋጅቶለታል።

ሰውየው የዘመናችን አረመ**ኔው ሰው የፍልስጤም ህፃናት ገዳይ ቤንጃሚን ኔታኒያሁ ነበር። የሞሳድን ዋና ሀላፊ ዮሴፍ ኮሆንን እና ከፍተኛ ወታደራዊ አዛዡን ብርጋዴር ጀኔራል አቪ ብሉዝን ይዞ ነው ሳኡዲ የተገኘው። ከሳኡዲ በኩል ሙሀመድ ቢን ሰልማን ከደህንነትና ስለላ ሀላፊው ኻሊድ ኢብን አሊ አልሁመይዳን ጋር ተቀብለዋቸዋል።

ውይይቱን ያመቻቼው ደግሞ የጊዜው የአሜሪካ ውጭ ጉዳይ ሚኒስትር ማይክ ፖምፒዮ ነበር። የሳኡዲና የእስራኤል ባለስልጣናት በምስጢር ከዚያ በፊትም ይገናኙ የነበረ ቢሆን አንድ የእስራኤል መሪ ሳኡዲን ሲጎበኝ ግን ይህ የመጀመሪያው ስምምነት ነበር።

እንግድህ ያኔ ነበር ሁለቱ ሀገራት በአንድነት የጋራ ጠላቶቻቼውን ለመታገል የተስማሙት። ሳኡዲ አረቢያ ፍልስጤማዊያንን ላትደግፍ ቃል ያሰረችበት ፤ ተቃዋሚዎቿንና ዜጎቿን መሰለያ ከእስራኤል የስለላ ቴክኖሎጂዎችንና ድጋፎችን ለማግኘት የተስማማችበት ፤ የአየር ክልሏን ለእስራኤል ጦር ጄቶች ልትከፍት ፊርማ ያሳረፈችበት ፤ ኢራን አብረው ሰልለው መረጃ እየተለዋወጡ አብረው ሊመክቱ ቃልኪዳን የተገባቡበት ስምምነትን ተስማምተው ኔታኒያሁ ከነ ባለስልጣናቶቹ ወደመጣበት ተመልሷል።

እንግድህ ያ ዘርፈ ብዙ ስምምነት ተጠናክሮ ዛሬ ላይ ሳኡዲና እስራኤል ይፋዊ ያልሆኑ ግና በሁሉም ነገር አብረው የሚሰሩ እፍ ያሉ ወዳጆች ሆነዋል።

#Seid_Mohammed_Alhabeshiy

ቴሌግራም
👉 t.me/Seidsocial

አሜሪካ B-2 ቦምብ ጣይ የጦር አይሮፕላኗን በመጠቀም በድጋሜ የመንን ደበደበች።
አሜሪካ B-2 ስፕሪት ቦምበሯን ያስቀመጠቺው እጅግ አደገኛ ጠላቶቿን ለማጥቂያ ሲሆን እናም በየመን ላይ ተጠቅማዋለች።
B-2 ቦምበር በአለማችን ላይ ካሉ ቦምብ ጣዮች ሁሉ እጅግ ውዱ ሲሆን አሜሪካ ይህንን ቦምበር ለማንም አትሸጥም።
ቦምበሩ ለመብረር አሜሪካን በሰአት 135,000 ዶላር የሚጠይቃት ሲሆን ይህንንም የመን ላይ ፈፅማዋለች። ቦምበሩ አንዱ ብቻውን ከ 4 ቢሊዮን ዶላር በላይ ያስወጣል።
አሜሪካ የየመን አንሷሩሏህ ሁቲዎችን ከመሬት በታች የተቀበረ መሳሪያ እንደደበደበችበት ያሳወቀች ሲሆን የአሜሪካው መከላከያ ሚኒስትር ሎይድ ጀስቲን እንደገለፁት " ጠላቶቻችን ከእኛ እይታ ውጭ ሊደብቁት የሚችሉት መሳሪያ አይኖራቸውም" በማለት የመሬት ውስጥ ኢላማወችን ማውደማቸውን ገልጿል።

የየመን አንሷሩሏህ ሁቲዎች ከፍልስጥኤማውያን ጎን ተሰልፈው በአጋርነት እየተዋጉ ሲሆን በዚህም በእስራኤል ላይ ከፍተኛ ኢኮኖሚያዊ ኪሳራ ማድረስ ችለዋል።
መረጃው የአልጀዚራ ነው።

#Seid_Mohammed_Alhabeshiy

ቴሌግራም
👉 t.me/Seidsocial

በሊባኖስ ከ 500,000 ወይንም ግማሽ ሚሊዮን በላይ ኢትዮጵያዊያን ይኖራሉ። ከነዚህም አብዛኞቹ ክርስቲያን ኢትዮጵያዊያን ናቸው። እናም እነዚህ ኢትዮጵያዊያን እስራኤል በንፁሀን ላይ በምትፈፅመው ጅምላ የአየር ጭፍጨፋ እኩል እንደሌላው ሊባኖሳዊ ይሞታሉ።
ቁጥሩ ባይጠናም እስካሁን ኢትዮጵያዊያን በዚህ የእስራኤል ድብደባ ሙተዋል።

ይሁን እንጅ የሀገራችን መፍቀረ-እስራኤላውያን በሊባኖስ መውደም በሊባኖስ መፈራረስ በሊባኖስ ህዝብ መጨፍጨፍ ቡረቃ ደስታና ፈንጠዝያ ላይ ናቸው። አረብኛ የተናገረ ሁሉ ሙስሊም የሚመስላቸው የኛዎቹ ጉዶች የኦርቶዶክስ ቀሳውስቶች ሳይቀር ከነቤተሰቦቻቼው እያለቁ እነርሱ " እስራኤል የእግዚአብሔር የቃልኪዳን ህዝብ" እያሉ ጭፍጨፋዋን እየባረኩ የዘር ማጥፋቷን እየቀደሱ ይገኛሉ። የሀይማኖት አባቶቻቼው የፖለቲካ መሪ ሊሂቃኖቻቼው አልቀሩም ይህንን ሲሉ!
ትችቴ መፍቀረ እስራኤላውያን ላይ ብቻ እንደሆነ ልብ አድርጉልኝ !

በክርስትና ቢሆን ከእስራኤል ሊባኖስ ሚሊዮን ጊዜ ትቀርባቸው ነበር። እስራኤል ውስጥ ክርስትና ከኢስላምም በላይ ውጉዝና በአደባባይ መተግበር የማይፈቀድ እምነት ነው።

የኢስላምና ሙስሊሞች ጥላቻ የገዛ ወገኖቻቼውን ሞት ሀዘንና ጭንቀት እንኳ እንዳያዩ እንዳይሰሙ አድርጓቸዋል። ለነርሱ ብዙ ሙስሊም ይገደልላቸው እንጅ አብረው ራሳቸው እንኳ ቢሞቱ አይቆጫቸውም። ደግሞ ገዳዩ ማንም ይሁን ብቻ ሙስሊም ይገደልላቸው።

አብረውህ ኖረው አብረውህ ክፉ ደጉን አሳልፈው አንተን የሚጠላና የሚገድል ሀይል ሲያገኙ ግን እልል ብለው አጨብጭበው አሳልፈው ይሰጡሀል። ይህ የመፍቀረ-እስራኤላውያን መገለጫ ነው።

ዛሬ ሊባኖስ የሚኖሩ ኢትዮጵያዊያን ሙትና ቁስለኛ ብቻ እየሆኑ አይደለም ያሉት- በረሀብና ጥም እየተሰቃዩም ጭምር እንጅ! እዚያው ሊባኖስ እየኖሩ ልጅ ወልደው ቤተሰብ መስርተው የሚኖሩ ኢትዮጵያዊያን ቁጥራቸው የትየለሌ ነው። እና እነዚህ ወገኖቻችን አሁን የሚሄዱበት የሚላወሱበት የሚሸሹበት የላቸውም። በረሀብ ልናልቅ ነው ልጆቻችንን ምን እናብላቸው የሚሉት በርካቶች ናቸው።

ግና የኛዎቹ እርሱ አይደለም የሚታያቸው ይሄ "እስላም" የሚባል ሰው ሲመታላቸው በቃ ዋጋው ምንም ይሁን የነርሱ እርካታ ያ ነው። እነርሱ ከሚኖሩ ኢስላም ጠፍቶ ተከትለው በማግስቱ ቢሞቱ ደስ ይላቸዋል። እነርሱ ከሚያልፍላቸው እስላም ንብረቱ ወድሞበት አብሯቸው ድሀ ቢሆን ደስ ይላቸዋል። ጥላቻቼው ገደብም ምክንያትም የለውም። ከልጅነት ጀምሮ የተመረገ አእምሮን ደፍኖ የያዘ በተረትና ምሳሌ ተኮትኩቶ የበቀለ ወደር የለሽ ጥላቻ ነው። እናም እስላምን የመታላቸው ሁሉ ወዳቸው የአንጀት ወዳጃቸው ነው።

አንገት ያለው አዙሮ ማሰቢያ ያለው ሰው እንድህ አያስብም ነበር። እኛን አብሮ አደጎቻቼውን በስጋ የምንዛመዳቸውንና ከማንም በላይ የምንቀርብ የምንጎራበታቸውን ቢጠሉን እንኳ ለገዛ ወገኖቻቼው ሲሉ እንኳ ጭፍጨፋውን መደገፍ ባልተገባቸው ነበር። በጣም እንቆቅልሾች ናቸው!!!!


#Seid_Mohammed_Alhabeshiy

ቴሌግራም
👉 t.me/Seidsocial

"መድሃኔዓለም" ወይንም የአለም መድህን የተሰኘውና በጣሊያናዊው ሰአሊ ሊዮናርዶ ዳቫንቺ የተሳለው "የኢየሱስ ክርስቶስ" ስእል የሚገኘው በሳኡዲ አረቢያ ሪያድ መሆኑን ያውቃሉ? ያውም በ 450 ሚሊዮን ዶላር ተገዝቶ!

የሆነው እንደት መሰላችሁ። ሙሀመድ ቢን ሰልማን የሳኡዲን ዘመናዊነትና ሁሉን ሀይማኖት አክባሪነት ለማሳየትና ለምእራባዊያንም ለማስመስከር ከአመታት በፊት በ 1 ቢሊዮን 692 ሚሊዮን ሪያል ወይንም በ 450 ሚሊዮን ዶላር በመግዛት ወደ ኢማራት አቡዳቢ የወሰደው። ከዚያም ከአቡዳቢ ዘደ ሪያድ።

እንግድህ ይህ ገንዘብ ለአንድ ስእል የወጣ እጅግ ውዱ ገንዘብ ሲሆን የአለማችንን ክብረወሰንም ይዟል። ይህ ስእል ከተወሰነ ጊዜ በሗላ የሪያድና ኒዮም ከተማ ፕሮጀክቶች ሲጠናቀቁ በሳኡዲ አረቢያ ለጎብኝዎች ክፍት ይሆናል።

ሳኡዲ አረቢያ ሉአላዊ ሀገር ናት። ህዝቦቿና መሪዋ እስከፈቀዱ ድረስ የፈለጉትን ማድረግ ይችሉ ይሆናል። ግና መካና መድናን በወረራ ተቅጣጥራ የግዛቷ አካል ማድረጓና ራሷን የሙስሊሞች ተወካይ ለማድረግ የምታሳየው ንፍቅና እጅጉን ያሳዝነናል ያስቆጨናልም!!

ሳኡዲ ላይ አሁን የቀረ ነገር የለም። የሚዚቃና የፊልም ኮንሰርቱ ፤ የራቁት ሽርሽሩ ፤ የአስካሪ መጠጡ ፤ አልፎም በኢስላም ውጉዝ የተደረጉት ተመላኪ ስእላትና ቅርፃቅርፆች ሁሉ ገብተዋል።

ሙሀመድ ቢን ሰልማን ሀገሪቱን ወደ ቀድሞ ማንነቷና የብዝሀ ሀይማኖት ተከታይ ወደነበረው ማንነቷ እንደሚመልሳት በተደጋጋሚ ቃል ገብቷል። እንግድህ ያ የአረቢያ ባህረሰላጤ እንደዚያ አይነት ምድር የነበረው ከነብያችን ሶለሏሁ አለይሂ ወሰለም መላክ በፊት መሆኑ ሲታሰብ የሙሀመድ ቢን ሰልማን እቅድ ምን እነሰደሆነ መገመት አያዳግትም።

ጎረቤቱ ኢማራት በዚህ በኩል ብዙ እርቀት የሄደች በመሆኑ ሙሀመድ ቢን ሰልማን ኢማራትን ለመቅደም እየተሽቀዳደመ ነው። ኢማራት ሁሉንም ሀይማኖቶች ከየ አለሙ እየጠራች ሀገሪቷን ከአይሁድ ቤተመቅደስ እስከ ሂንዱ ቤተአምልኮ ፤ ከቡድሀ የእምነት ቤት እስከ በርካታ አብያተ ክርስቲያናትና የሌሎችም ሀይማኖቶች ተቋማት አስፋፍታ እየሰራች መሆኑ ይታወቃል። ሳኡዲም ያንን ፈለግ ትከታላለች ብሏል ልኡሉ ሙሀመድ ቢን ሰልማን።

የሆነውንና የሚሆነውን እድሜና ጤና ከሰጠን እናያለን።

#Seid_Mohammed_Alhabeshiy

ቴሌግራም
👉 t.me/Seidsocial

ለህይወታቼው ቅንጣት ታክል ሳይሳሱ ሸሂድነትን ሲናፍቁ የሚወዷቸው የሚሳሱላቸው ቤተሰብ ፤የአይን ማሪፊያ ልጆች ፤ ነፍሳቸውን ያጋሯት ባለቤት፤ በስስት የሚአታተሏቸው እናትና አባት የሌላቸው አይምሰላችሁ!
በጣም አሏቸው እንጅ!
ያውም የሞት ትራፊ ስስቶቻቼው! ፊዳ ቢሆኑላቸው የሚመኙላቸው ቤተሰቦች!
እንኳንስ ለቤተሰባቸው ለህዝባቸው ፊዳ እየሆኑ አይደል!!

አዎ ይህን ሁሉ ነገር ትቶ የአዱኒያን ጥፍጥና ንቆ በአላህ መንገድ መሰዋትን መምረጥ በአላህ መመረጥን በእጅጉ ይጠይቃል!

አቡ ኢብራሂም እንደዚያ ነው። ልጆቹን ቤተሰቦቹን የጠላት ከ*ሀ*ዲያንንና ኻኢኖችን መሸንገያ ሁሉ ትቶ ንቆ የቤተሰብ ናፍቆቱን ቆርጦ የልጆቹን የመለየት ፊራቅ ችሎ ከሰማይ ከሚያጓራው ከምድር ከሚነደው የሚሳኤል ማእበል ውስጥ ገብቶ ነው እስከመጨረሻ እስትንፋሱ እየታገለ ሸሂድ የሆነው።

አላህ በአይናችን እንደርሱ አይነት ጀግና አሳይቶናል!
ከምእራብ ጫፍ እስከ ምስራቅ ጫፍ ጀግንነቱ አለምን ያነጋገረ የነፃነት አርማ የአይበገሬነት ምልክት የፅናትም ማህተም እርሱ!!!
ሁሉን ነገር አጥቶ አንዱ እጁ በታንክ ቅንቡላ ተቆርጦ እንደ ጃእፈሩ አጦያር በቀረቺው እጁ የተፋለመ በመጨረሻም እንደ ጃእፈር የተሰዋ የዘመናችን ጃእፈር እርሱ!!
እንደ መሪ ሂዱ ተዋጉ ብሎ የተቀመጠ ሳይሆን ከፊት እየመራ በግርማ ወደፊት እንጅ ወደሗላ ሳይዞር የጌታውን ውደታ የውዱን ነብይ ሶለሏሁ አለይሂ ወሰለም መገናኘት ናፍቆ የገሰገሰ እርሱ!!!
በአልይ ጀግንነትና ጥበብ በአቡበክር ተቅዋ በኡመር ድፍረት በሀምዛ ወኔ በኻሊድ የጦር አመራር የተቀረፀ እርሱ !
እውነት እውነት እርሱ ልዩ ነው!
የፍልስጤም ሙጃሂዶች እስክሞት ሁሌም አልረሳችሁም!


#Seid_Mohammed_Alhabeshiy

ቴሌግራም
👉 t.me/Seidsocial

"እስራኤል በኢራን ላይ የበቀል እርምጃ ከመውሰዷ በፊት ኢራንን በሌላ ሀገር አሳውቃት ነበር እና በቀል እንደምትፈፅም ኢራን ግን ዳግመኛ ጥቃት እንዳትሰነዝር ነገራታለች። ይህ የሚያሳየው ኢራንና እስራኤል የምስጢር ወዳጅ መሆናቸውን ነው"
ይላሉ የኛ የሴራ ፖለቲካ ተንታኝ ነን ባዮቹ ግን እንኳ የሴራና የቀጥታ ፖለቲካ ያልገባቸው አማተሮች።

እንኳን በአፀፋ መበቃቀል " Tit for tat retaliation " ይቅርና በሙሉ ጦርነት Full fledged war ውስጥ እንኳ ተፋላሚ ሀይሎች ይነጋገራሉ በሶስተኛ ወገን መልእክ ይለዋወጣሉ። ይህ ሁለቱንም አካላት በከፍተኛው ይጠቅማል። የጠላታቸውን ሀሳብ አቅም ፍላጎት ወኔ ዝግጅት ይረዱበታል። እንደዚያ የማያደርግ አካል የጠላቱን ሀሳብ ማግኘት ይቸግረዋል። ለምሳሌ ዩክሬይንና ሩሲያ አመታትን የፈጀ እልህ አስጨራሽ መተላለቅ እያደረጉ ነው። ግና ሁለቱ ሀገራት በሶስተኛ ወገንም በድፕሎማቶቻቼው አማካኝነት በቀጥታም ለበርካታ ጊዜ ቸነጋግረዋል ተወያይተዋል። ይህ ወዳጅነትን አያመላክትም። ለምርኮኞች ልውጥ ፤ ለቋሚና ጊዜያዊ ተኩስ አቁም ፤ ለሰብአዊ መብት መጠበቅ ፤ ለአለም አቀፍ ማህበረሰብ ጥሪ ወዘተ ጠላቶች ይነጋገራሉ መረጃ ይለዋወጣሉ ይህ ከጥንት ጀምሮ ያለ እና የሚቀጥል ነው።

መበቃቀል ላይ ሲሆን ደግሞ የበለጠ ጥንቃቄን ይጠይቃል። ያልተመጣጠነ መበቃቀል ሙሉ ጦርነትና ውድመት ስለሚያመጣ ሁለቱንም ጠላቶች ሊያወድማቸው ይችላል። ስለዚህ ብቀላዎች ተመጣጣኝ ወይንም በትንሹ ብቻ ከፍ ያለ እንዲሆን ይፈለጋል። ያ ካልሆነ ግን Miscalculation ውስጥ ይገባና የማይወጣ ውድመት ይገባል። የአንደኛው የአለም ጦርነትም የሁለተኛው የአለም ጦርነትም የተከሰተው በነዚህ የተሳሳቱ ወታደራዊ ስሌቶች ነው። ኦውስሪያና ሰርቢያ በተታኮሷት ተኩስ ነው አለም ከ 20 ሚሊዮን በላይ ህዝቡን የገበረው። የአንድ ኦሶትሪያዊ ልኡል መገደል የ 20 ሚሊዮን ህይወትን ጠይቋል ነው የምላችሁ። የኦቶማን ኺላፋን ጭምር ከቶ የሳበው። ስለዚህ ያ እንዳይሆን በቀል ላይ ጠላቶች ይጠነቀቃሉ። ይህ መሰረታዊ ነገር ነገር ነው።

ለምሳሌ በአሁኗ ሰአት እስራኤልም ኢራንም ከመበቃቀል የዘለለ ሙሉ ጦርነት ላይፈልጉ ይችላሉ ደግሞ አይፈልጉምም። እስራኤል ለምሳሌ እነ አሜሪካና እንግሊዝ አብረዋት ከዘመቱ ብቻ ጦርነቱን ልትፈልገው ትችላለች። እነርሱ " አይ እኛ መዋጋት አንፈልግም ተረጋጊ ከባድ ኪሳራ ያመጣብናል" ካሏት ለስሟ የተመጣጠነ የበቀል ጥቃት ልትፈፅም ትችላለች። ኢራንም አሁን ላይ ሙሉ ጦርነት አትፈልግም ። ገና ሰርታ ያልጨረሰቻቼው በርካታ የቤት ስራዎች አሉባት። የኑክሌያር ባለቤትነቷን አረጋግጣ አየር ሀይሏን አዘምናና የአለም ሚዛንና ሌሎች ኢኮኖሚያዊ ፖለቲካዊ ኩነቶች ለርሷ ያመዘኑና ድል ማግኘት የሚያስችላት እስኪመስላት ድረስ መጠበቅን ትመርጣለች።
የትኛውም ሀገር ቀድሞ ጦርነትን የሚያውጀው ለድል የሚያበቃኝ አስቻይ ሁኔታዎች አሉኝ ሲል ብቻ ነው። አለበለዚያ ጠላት ስለተሆነ ብቻ ጦርነት ውስጥ ዘው ብሎ አይገባም። የራስንም የጠላትንም ወሳኝ መለኪያዎችን ማጥናት መመርመር የሚያስፈልግ ከባድ ነገር ነው። ሀያል መሆን ብቻውን ድል ላያመጣ ይችላል። እንዲያ ቢሆን የጀርመኑን ናዚ የሚነቀንቀው አልነበረም።

ይሄ የ Game theory ጉዳይ ነው። ፖለቲካ ጥበብ እንጅ ዝም ብሎ ልብወለድ እየፈጠሩ ማወሳሰብ ማለት አይደለም። በ conspiracy theory የሚመራ ሀገርም አለምም የለም።
ለተንታኞቻችን መጨረሻ ላይ የምለው ኖርማሉን situation መረዳት ሳትችሉ የ conspiracy ሊቅነት አያጫውታችሁ ነው።

የፈለገ ብትጋጋጡ ኢራንና እስራኤልን ወዳጅ ሀገር አድርጋችሁ የሚያሳምን premises እና conclusion ልታመጡ አትችሉም።

#Seid_Mohammed_Alhabeshiy

ቴሌግራም
👉 t.me/Seidsocial

#እስራኤል_እና_ኢራን_የምስጢር_ወዳጅ_ወይንስ_ዘልአለማዊ_ጠላት?
ዛሬ ይህን ትልቅ ጉዳይ እናብላላለን-ያነበበ ይጠቀማል!

ፅዮናዊቷ እስራኤል በመካከለኛው ምስራቅ የምእራባውያን የቅኝ ግዛትና የኢምፔሪያሊዝም መሳሪያ ሆና በእንግሊዝ ስትሰራና ስትፈጠር አድሷን ሀገር እንኳን ደህና መጣሽ ብላ በመቀበል ከሙስሊም ሀገራት የያኔዋን የሻሆቹን ሀገር ኢራንን ከካማሊስቷ ቱርክ በስተቀር ከቶ የቀደማት አልነበረም ።

ያኔ በ እስራኤል 1948 በፍልስጤማውያን ምድር ላይ እንደሀገር ስትመሰረት ከቱርክ በመቀጠል የሀገርነት እውቅና የሰጠቻት ኢራን ነበረች ። ያን ጊዜ ኢራን የምትመራው የምእራባውያን ተላላኪና የምእራባውያን አምላኪ በነበረው በሻህ ሙሀመድ ሬዛ ፓህላዊ አገዛዝ ነበርና እስራኤል ጋር ክንፍ ያሉ ወዳጆች ሆኑ ።

የእስራኤል መስራችና የመጀመሪያው ጠቅላይ ሚኒስትር ዴቪድ ቤንጉርዮን በመካከለኛው ምስራቅ የእስራኤልን መገለልና መነጠል ለመቀነስ አረብ ካልሆነ ሙስሊም ሀገራትና በቅርብ ርቀት ካሉ ሀገራት ጋር ወዳጅነት መመስረት እንዳለባቸው በፅኑ አመኑ ። እናም እስራኤል ከሀገራችን ኢትዮጵያ ጋር ጠንካራ ወዳጅነት በመመስረት እንደጋገፍ አለቻት ። ያኔ እስራኤል እንደዛሬው በምእራባውያን የፈረጠመች አልነበረችምና የኢትዮጵያ ወዳጅነት ያስፈልጋት ነበር ። ከኢትዮጵያ ውጭ ግን ወዳጅ አድርጋ የያዘቻቼው ሀገራት ኢራንና ቱርክ ነበሩ ። ስኬታማ በፍቅር የከነፉ ወዳጆችም ሆኑ ።

ግና የኢራንና የእስራኤል ወዳጅነት ኢራን በጠቅላይ ሚኒስትር ሙሀመድ ሞሳደግ አመራር ስር ስትገባ ውሀ ተቸለሰበት ። ጠቅላይ ሚኒስትር ሙሀመድ ሞሳደግ ኢራንን ከምእራባውያን ትብታብ ለማውጣትና ምእራባውያን የሚዘውሩትንና የሚመዘብሩትን የሀገሪቱን ነዳጅ ለማትረፍ እየጠራረገ ማውጣት ጀመረ ። እስራኤልንም የምእራባውያን መሳሪያ ናት በማለት ጠላት አድርጎ ፈረጃት ።

ታድያ አለመታደል ሆነና ሙሀመድ ሞሳደግ ብዙ አልቆየም ነበር ። ገና ስልጣን በያዘ በሁለት አመቱ ከአመታት በፊት ሙሀመድ ሙርሲ ላይ የሰሩትን ሙሀመድ ሞሳዴግ ላይ ደገሙት ።የአሜሪካና የእንግሊዝ ደህንነቶች በመመሳጠር ሙሀመድ ሞሳዴግን በመፈንቅለ መንግስት አስወግደው ያን የሻሁን ተላላኪ መንግስት ኢራን ቤተመንግሥት ላይ አስቀመጡት ። እናም ኢራንና እስራኤል ዳግም ፍቅራቸውን አደሱና ሽርሽር ያዙ ።

ሻህ ሙሀመድ ሬዛ የምእራባውያን የአንጀት ወዳጅ ሆነ ። እስራኤል ጋር ሁለገብ አጋርነት ፈጠሩ ። እስራኤል በቴህራን ኢምባሲዋን ከፈተች ። ኢራን ለእስራኤል ዋነኛዋ የነዳጅ አቅራቢ በመሆን የእስራኤልን ኢኮኖሚ ማሳደግ ያዘች ። የንግድ ግንኙነታቸው ጦፎ ከኛ በላይ ወዳጅ ላሳር እያሉ ተሳሰሩ ። ኢራንና እስራኤል ከኢኮኖሚ አልፈው በወታደራዊና በደህንነት ዘርፎች የማይነጣጠሉ አጋሮች ሆኑ ። ይህ ለእስራኤል የማይገኝ እድል ነበረ ። ኢራን እስራኤልን ከምትፈልጋት በላይ እስራኤል ኢራንን ትፈልጋት ነበር ይላሉ ለአልጀዚራ ትንታኒያቸውን ያስቀመጡት የኦክስፎርድ ዩኒቨርስቲው የታሪክ ተመራማሪ ኢሪክ ኬቨንስላንድ !
እና ያኔ ኢራን ከእስራኤል ጋር በፍቅር ስትሰክር ስለፍልስጤማዊያ ስቃይና መከራ ደንታ የሌላት ሀገር ነበረች !

ግና አመታት አመታትን ወለዱና በኢራን ምድር አንድ ትልቅ የታሪክ ነውጥ ተፈጠረ ። የኢራንን ብቻ ሳይሆን የመካከለኛው ምስራቅንና የአለምን የሀይል የፖለቲካ አሰላለፍ የቀየረ ለምእራባዊያን እጅግ አስደንጋጭ ለአረቦች ግራ አጋቢ ለኢራኖች ፈንጠዝያን የፈጠረ የታሪክ አብዮት ኢራን ውስጥ ፈነዳ !

ዘመኑ 1979 ነው ! በምእራባውያን ተላላኪውና በኢስላም ጠላት ነው ባሉት በሻህ ሙሀመድ ሬዛ ፓህላዊ ንጉሳዊ አገዛዝ ላይ ኢማም አያቱሏህ ሩሁሏህ ኹመይኒ ኢስላማዊ አብዮት አቀጣጥለው የሻሁን መንግስት ገለበጡት ። የምእራባውያኑን ስልጣኔ የሰይጣን ስልጣኔ ነው ብለው አወጁ ። ኢራን ከዚህ በሗላ የምትመራው በኢስላማዊ ህግ ነው አሉ ። እናም የሙስሊሞችን ጠላት ሲበይኑ አሜሪካን ታላቋ ሰይጣን አሉና እስራኤልን የታላቋ ሰይጣን ተላላኪ ትንሿ ሰይ*ጣን ብለው በአደባባይ ፈረጁና የኢራንና የሙስሊሙ አለም ቀንደኛ ጠላቶች ብለው አወጁ !

የኢራንና የእስራኤል ወዳጅነት በቅፅበት ወደ ዘልአለማዊ ጠላትነት ተቀየረ ። ኢማም አያቱሏህ ሩሁሏህ ኹመይኒ የኢራንን ኢስላማዊ አብዮት ማእዘኖች አንዱ ቁድስ ወይንም ኢየሩሳሌም ነች አሉ ። እናም ቁድስን ከወራሪዎቹ ምእራባውያን እና ከፅዮናዊቷ ወይንም በርሳቸው አጠራር ከትንሿ ሰይ**ጣን ማውጣት የኢራንም የመላው አለም ሙስሊሞችም ግደታ ነው ሲሉ አወጁ ። ይህንን ለማድረግ ደግሞ ፍልስጤማዊያንን ነፃ ማውጣት አለብን ፍልስጤማዊያን አደራጅተን ማስታጠቅና ማታገል አለብን አሉ ። በዚህ አላበቁም ያኔ እርሳቸው ኢራንን ሲቆጣጠሩ እስራኤል ሊባኖስን ወርራ ነበርና እዚያ ገብተን እስራኤልን እንዋጋለን አሉ ። መካከለኛው ምስራቅ ግልብጥብጡ ወጣ !

አሁን ኢራን ስሟ ኢስላማዊት ሪፐብሊክ ኢራን ተባለ ። የነአሜሪካ ኢምባሲ ተዘጋ ። የእስራኤል ኢምባሲ ወደ ፍልስጤም ኢምባሲነት ተቀየረ ። ኢራን ለእስራኤል ሰጥታ የነበረውን የሀገርነት እውቅናም አነሳች ። እስራኤልም በኢራን የተወረረቺዋ ፍልስጤም ተብላ እንድትጠራና እስራኤል የሚባል የሀገር መጠሪያ በኢራን ውስጥ እንዳይውል በሀገሪቱ ህግ ተደነገገ ። ድራማዊው የኢራንና የእስራኤል ግንኙነት እንድህ ሆነና ተገለባበጠ ።

ኢማም አያቱሏህ ኹመይኒ ሊባኖስ ላይ ጦራቸውን ልከው ሂዝቡላህን አቋቋሙና እስራኤልን በእጅ አዙር መዋጋት ጀመሩ ። እናም የእስራኤል ጦር ተሸንፎ ከሊባኖስ እንዲወጣ በማድረግ ኢራን የመጀመሪያ ምቷን እስራኤል ላይ አሳረፈች ። ኢራን በዚህ አላበቃችም የእስራኤል ና የአሜሪካ ጠላት የሆኑ ታጣቂዎችን በመካከለኛው ምስራቅ ፈለፈለቻቼው ። ሀማስን አሰልጥና መሳሪያ አስታጥቃ ከመሬት ውስጥ ሆኖ እንደት መዋጋት እንዳለበት አስተምራ አጠናከረቺው ። ከዚያ በሗላ ለእስራኤል የኢራንን ያክል አስፈሪም አደገኛም ጠላት አልተፈጠረም ።

ኢማም አያቱሏህ ሩሁሏህ ኹመይኒ የረመዷንን የመጨረሻ ጁሙአ ቀን የቁድስ ቀን ተብሎ እንዲታሰብ አዘዙ ። እናም በዚህ ቀን ኢራን ላይ ዝክሩና አጀንዳው ስለፍልስጤምና ስለ ቁድስ ብቻ ይሆናል ። ኢማም ኹመይኒ የአረብና ፐርሺያ ስንጥቅን እንዲሁም የሺአና የሱኒ መለያየትን ለማስቀረት ቁድስ ቁልፍ ሚና እንድትወጣ በከፍተኛ ሁኔታ ሰበኩ ። ሙቀደሳቶቻችን አንድ ያድርጉን ሲሉ ተጣሩ ። የላኢላሀኢለላህ ህዝቦች ነንና በዚህ እንተሳሰርና የኢስላም ጠላቶችን አብረን እንታገል ሲሉ ለአረብ ወንድሞቻቼው ጥሪ አቀረቡ ። አረቦች ግን ኢራንን የበለጠ ጠላት እያደረጓት ምእራባውያን እና እስራኤልን ደግሞ የበለጠ ወዳጅ እያደረጓት መጡ ።

እናም የኢራንና እስራኤል የጠላትነት ታሪካዊ ዳራው ይህ ነበር ። ዛሬ ላይ ከሁለቱ ሀገራት በላይ ጠላትና ባላንጣ ቢፈለግ አይገኝም !

ኢማም አያቱሏህ ያስጀመሩት መፈክር ዛሬ የኢራን ህዘብ መፈክር ሆኖ ቀረ
"ሞት ለአሜሪካ "
" ሞት ለእስራኤል "
እያሉ ኢራናዊያን እስራኤልና አሜሪካን እየታገሉና እየረገሙ እነሆ አሉ !!

#Seid_Mohammed_Alhabeshiy

👉 t.me/Seidsocial

ነብያችንን ሶለሏሁ አለይሂ ወሰለም ከገጠማቸው ፈተናዎች ሁሉ ከከባዶቹ ኸይበርን መክፈት ነበር። ኸይበር የጀግንነት የጦር መሪነት መፈተኛ ነበረች። በርካታ ሶሀቦችን አመራር አድርገው ቢልኩም ሁሉም እየተሸነፉ ይመጡ ነበር። ነብያችን ሙሀመድ ኢብኑ መስለማን የጦራቸው መሪ አድርገው ኸይበርን እንዲከፍታት ቢልኩትም ጦሩ ተሸንፎ እርሱም እዚያው ተገደለ ሸሂድ ሆነ። ከዚያ በአቡበክ አሲዲቅ መሪነት ሌላ ጦር ላኩ አቡበክርም ጦራቸው ተሸንፎ ተመለሱ።
ኸይበር የአይሁዶች ከተማ ነበረች። ጦሩን የሚመራውን መርሀቡን የሚገጥም አንድም ጦረኛ እንኳ በአረብ ምድር አልነበረም። እናም ነብያችን የመጨረሻ ውሳኔ መወሰን ነበረባቸው። አንድ ጀግና አላህ የሚወደው እርሱም አላህን የሚወድ መሪ ሙምረጥ እንዳለባቸው አላህ ነግሯቸዋል።

እናም ሶሀቦችን ሰብስበው " ይህችን ባንድራ ነገ ኸይበርን የሚከፍተውን ጦር ለሚመራው አላህን ለማወደው አላህም እርሱን ለሚወደው ሰው እሰጣታለሁ " አሉ የአላህ መልእክተኛ ሶለሏሁ አለይሂ ወሰለም። ሁሉም እኔ እኔ አለ ተመኘ ፈለገ። ኡመር እንደዚያ ቀን መመረጥን ተመኝቼ ለሹመት ጓጉቼ አላውቅም ነበር አሉ። የአላህ ውዴታ ማረጋገጫ ማህተም የሚሰጥባት ከባድ ዘመቻ ነችና።

እናም በማግስቱ ሁሉም ሶሀቦች ከነብያችን መስጅድ ተሰባሰቡ ። ሁሉም ጓጉተዋል ሁሉም ቋምጠዋል ! ይህች ተወዳዳሪ የሌላት ደረጃ ናትና ! አላህ የሚወደው አላህን የሚወድ ብቻ ሰንደቋን የሚሸከምባት እጅግ አጓጓጊ ክስተት ። ሁሉም ሶሀቦች ተሰብስበዋል ግን አንድ ሶሀባ ይቀራል ። ነብያችን አይናቸውን አማተሩ ግን እርሱ እዚያ ስብስብ ውስጥ የለም ።

በዚህ ጊዜ ነብያችን ሶ.ዐ.ወ " አሊ የት አለ ?" በማለት ጠየቁ ። የአላህ መልእክተኛ ሆይ አሊ አይኑን ታሞ ቀርቷል የሚል መልስ ተሰጣቸው ። "ጥሩት " አሉ ። አሊ ተጠራና መጣ ። በዚህ ጊዜ ነብያችን አይኑ ደባበሱትና ዱአ አደረጉለት ። አሊም ወዲያው አይኑን ዳነ ። ከዚያም ነብያችን ያችን አጓጊ ባንድራ ለአሊ አስረከቡትና " ሂዱ በአላህ ስምም ተጋደሉ " አሉት ። አደራው አማናው ቦታውን አገኘና አሊ ጦሩን እየመሩ ወደ ኸይበር ገሰገሱ ። የሙስሊሞች ጦር 1,600 ገደማ ሲሆን የኸይበር አይሁድና አረብ ጥምር ጦር ግን ከ 10,000 ይበልጥ ነበር ።

አሊ ኸይበር እንደደረሱ አንድ እጅግ አስፈሪ ሰው ከኸይበሮች ወጣ ። ስሙም መርሀቡ ይባላል ። እርሱ ብቻውን 1,000 ጦረኞችን ያክላል ። እጅግ ግዙፍ ነው ! እጅግ ሀብታምና ሰይፉንም ከእርሱ ውጭ ሌላ ሰው መሸከም የማይችለው ነው ። ረጅም ከመሆኑም ጋር በግጥም ችሎታውም የታወቀ ነው ። እናም ከሙስሊሞቹ ፊት ወጣና
" እኔ አቡ አብሊት ስሜም አንጣር ነው
ደግሞም የታጠቅኩት እስከ ጥርሴ ነው
የፈለገኝ ይምጣ ቤቴም ኸይበር ነው
እኔን የገጠመ የአንበሳ እራት ነው
ከቶስ ከኔ በላይ አንበሳ ማን ነው  " አለና ከፊት ተሰየመ ። ሁሉም ሶሀቦች ፈሩ። እርሱን ገጥሞ ያሸነፈ በታሪክ አንድ እንኳ አልተከሰተም ። ሁሉም ዝም አሉ ። መርሀቡ ፉከራውን እንደቀጠ አሊ ከፊት ብቅ አሉ ሊፋለሙት ።
በዚህ ጊዜ መርሀቡ
" ኸይበርም ታውቃለች መርሀቡ መሆኔን
ጦርነት ሲመጣ የምለቅ ነበልባሌን " አላቸው ።

አሊም ቀበል አድረጉና
" እናቴም አለችኝ አንበሳ ሀይደራ
አንገት የምሰፍር ልክ እንደ ኸንደራ
በአላህ የምጋደል እያልኩኝ ተክቢራ
የጫካው ነበልበል የአላህ አንበሳ
ከፊትህ ቆሚያለሁ አንገትክን ቀንሼ ራስክን ላነሳ " ብለው ፈከሩና ገጠሙት ። ያንን አስፈሪ ጦረኛ ሙስሊሞቹን ሁሉ ያስፈራውን ከዚያ በፊት የተደረጉ ዘመቻዎችን ያከሸፈውን Monster ገጠሙት ። እናም አላቆዩትም ። አናቱን መቱና ሰውነቱን ለሁለት ሰንጥቀው ጣሉት ። አጂብብብብብ ! ኸይበሮች በእጅጉ ደነገጡ ። ብርክ ገባባቸው ።

በዚህ ጊዜ የመርሀቡ ምትክ ሌላኛው አይሁዳዊ ጦረኛ ረቢህ አቡ አቂቅ አሊን ሊገድልና ለመርሀቡ ሊበቀል ከፊት ተሰየመ ። የአላህ አንበሳ ግን ጊዜ አልሰጡትም ። ወዲያው ወደ ጀሀ*ነም ሸኙት ። የሁለቱ አስፈሪ ጦረኞች መገደል ያንገበገበው ሌላው ሶስተኛው አስፈሪው ጦረኛ አይሁዳዊው ያሲር ከፊት ተሰየመ ። ለአሊም እንደዚህ አላቸው
"እኔ የሲር ነኝ አስፈሪ አንበሳው
ከቶ ከኔ ጥፍር የሚያመልጥ ማንነው
ቡጭቄ ሳልጥለው ሳልቀነጥሰው " አላቸው ።
የአላህ አንበሳው አሊ እንኳንስ ሰይፋቸው ንግግራቸውም ሰይፍ ነውና በግጥም መለሱለት
" ኦ አንተ ከ*ሀ*ዲ አንተ የአላህ ጠላት 
እኔኮ አሊ ነኝ የአለህ አንበሳ የሙጅሪሞች ቅጣት
በአላህ እርዳታ ቀንጥሼ የምጥል የካ*ፊ*ርን አናት !
አሉና ሰይፋቸውን ዙልፊቃርን ቢለቁበት ይህችን አለም በስቃይ ተሰናበታት ። ሶስቱም አስፈሪ መሪዎቻቼው በደቂቃዎች ውስጥ በአሊ የተደመሰሱባቸው ኸይበሮች ሙሉ በሙሉ በስነልቦና ተሸነፉና ማምለጥ ጀመሩ ። በዚህ ጊዜ ሙስሊሞቹ እየተከታተሉ የሚገባውን ቅጣት አከናነቧቸው ። ኸይበርም በሙስሊሞች እጅ ገባች !

የኸይበርን ጦርነት ድልን አሊ መርተው አስገበሯት ።

ሂዝቡላህ ከአይሁዷ እስራኤል ጋር የሚያደርገውን ጦርነት የኸይበር ጦርነት ብሎ ሰይሞታል። የታሪክ ግጥጥሞሹ ይገርማል። ያኔም ሙስሊሞ በኸይበር ተዋጊዎች ተፈትነው ብዙ መስዋዕትነትን ከፍለውበታል አሁንም ያለው ያው ነው!
ያኔ ሶሀቦች አይሁዶችን ነበር ኸይበር ላይ የተዋጉት አሁንም ያው ነው!

ብቻ ብዙ ነገር ያመሳስለዋል!

የያኔውን የኸይበርን ድል ያሳየን አላህ ዳግማዊ ኸይበርን በሊባኖስና በጋዛ ያሳየን!

#Seid_Mohammed_Alhabeshiy

ቴሌግራም
👉 t.me/Seidsocial

ብዙ የጠበቅነው ብዙ ይሰራል ሀገራዊ ቁመናችንን ከፍ ያደርጋል ብለን ተስፋ የጣልንበት ፤ አካታች ተቋማዊና በሁሉም ዘርፍ አዋቂ በሆኑ ሰዎች ይመራል ከዚያም ለህዝበ ሙስሊሙም ለሀገርም ግንባታ የበኩሉን ትልቅ አስተዋፅኦ ያበረክታል ፤ በማስታረቅ ገለልተኛ ለሀቅና ሞራል የቆመ ተቋም ሆኖ ጥፋተኞችን የሚገስፅ ተከባሪና እንኳን ሙስሊሙ ሌላው ህዝብም የኔም ተቋም ነው ይለዋል ብለን ተስፋ ያደረግንለት መጅሊስ ከሽፏል!!!

ዛሬ መጅሊስ ሌቦችና ሰርቀው የማይጠግቡ ቀማኛዎች ሙሰኞች በዘመድ አዝማድ የተሰባሰቡ በዘር ካርድ የተመራረጡ ባለጊዜዎች የሚነጩበት ተቋም ሆኗል።
ድሮም እንደዚያ ነበር አሁንም መሻሻል ሊያሳይ በርቶ ብሶበታል።

በየቦታው ዩኒቨርስቲ ልገነባ ነው ፤ ኮሌጅ ልከፍት ነው፤ የተንጣለለ መስጅድና መድረሳ ልሰራ ነው እያለ የመሰረት ድንጋይ ፎቷዎችን እየለጠፈ ሚሊዮኖችን ሰብስቦ ሽታው የማይገኝ ተቋም ሆኖልናል።

አጠቃላይ የመንግስት አጨብጫቢ የሆነ ከባልስልጣናት ጋር ሲቀርብ ብልፅግናን የሚያመሰግንበት ቃል የሚያጣ የአሽቄዎች ቡድን ሆኗል።
ከመጅሊሱ ውስጥ ያሉ መልካም ሰዎችም አቅም አልባ ተደርገው ከፊሎቹ ራሳቸውን አግልለዋል ከፊሎቹ የመስሪያ እጃቸው ተሸብቧል።

መጅሊስ የብልፅግና ሁሉን የመቆጣጠር አንዱ ማሳያ ሆኗል። ቤተክህነቱንም ወንጌላዊ ህብረቱንም በአምሳሉ እየሰራ ያለው ብልፅግና ለመጅሊሱም ያዘጋጀው ከዚያ የተለየ ነገር አይደለም።

መጅሊሳችን ኦዲት የለበትም። በየስሩ የተሰገሰጉ ቀማኞች ሚሊዮኖችን ቢያጋብሱ ቢዘርፉ እንድች ብሎ የሚጠይቃቸው አካል የለም። ካለም እንደ ብልፅግና " የለውጡ እንቅፋት " የሚል ታፔላ የሚለጥፍ ተቋም ሆኗል።

ዘረኝነት ከየትኛውም ተቋም በላይ የገነገነበት ከሀጅ አስተናጋጅነት እስከ ፀሀፊነት 90%ቱን ከአንድ ብሔር አውጣጥቶ የሚግበስበስ ተቋም ሆኖልናል መጅሊሳችን!

መጅሊሳችን የሀበሻን እስልምና ቀጥ አድርገው አቁመው እዚህ ያደረሱ መሻኢኾች ተገደሉ ፣ ተሳደዱ ፣ መስጅድ መድረሳቸው ፈረሰ ፣ ዛውያቸው መደመ ደንታ የሚሰጠው ተቋም አይደለም። የብልፅግና ርእዮተ አለም " በጎ በጎውን እይ የሚስቁን ብቻ ተመልከት እንጅ የሚያለቅሱትን ግፍና መከራ ደርሶባቸው የሚሳደዱ የሚንገላቱትን አትመልከት " የሚል ያልተፃፈ አይዶሎጂ ስላለው መጅሊሳችንም በብልፅግና መንፈስ የተቀረፀ የታነፀ የብልፅግና ፍሬ ነውና የኡማው የመሻኢኾቹ ችግር አይታየውም። ቢታየውም ደንታ አይሰጠውም።

የተሸጋገርነው ከወያኔ መጅሊስ ወደ ብልፅግና መንግስት ነው ። ለውጥ ሂንጅሩ!!!
እዚህ ተቋም ውስጥ ከላይኛው አመራር ያሉ ሰዎች በብልፅግና ይሁንታ የመጡ ቢሆንም መልካም የትግል ስምና ብዙ መስዋዕትነት እንግልት የከፈሉ ብዙ የህዝብ ቅቡልነት ያላቸውም በመሆኑ መንግስት ቢፈልጋቸውም ይጠቅሙናል እንደ ህዝብም ያሰባስቡናል ብለን ተስፋ አድርገን ነበር። አልሆነም!!!

እኔ በብልፅግና ዘመን ከብልፅግና የተለየ መንፈስ ያለው ሀይማኖታዊም ሆነ አለማዊ ተቋም ይኖራል ብየ አላስብም። ይህ መንፈስ ደግሞ የራስ ወዳድነትና የራስን ምቾት ብቻ የሚያስቀድም የህዝብ ብሶትና እንባ የማይገባው ለማዳመጥ ሳይሆን ብሶተኛን ለማንጨፍጨፍ የሚሰራ መንፈስ ነው።

እና በሚሆነው ሁሉ አዝናለሁ!!!!

#Seid_Mohammed_Alhabeshiy

ቴሌግራም
👉 t.me/Seidsocial

ፍልስጤማዊያን የሚጨፈጨፉት በእስራኤል ነው
ሱዳናዊያን እያለቁ ያሉት ደግሞ በገዛ ልጆቻቼው ነው።

ደጉ የሱዳን ህዝብ እንደት ያለ መከራ እንደት ያለ የቀን ጨለማ ላይ መሰላችሁ። ያ እንግዳ ተቀባይና ሆደ ባሻ የባለ መልካም ለዛ ህዝብ አሁን ላይ በየቦታው እየረገፈ ይገኛል።
ጥናቶች እንደሚያሳዩት በሱዳን የእርስበርስ ጦርነት እስካሁን ከ 62,000 በላይ ሱዳናዊያን አልቀዋል። በርካቶች ከተሞቻቼው ወድመው ቤታቸው ተቃጥሎ ለረሀብና እርዛት ተጋልጠዋል። ቸሩ የሱዳን ህዝብ በረሀብ እያለቀ ነው።

አለም የረሳው ይህ በሁለቱ ባለስልጣናት መካከል ለስልጣን የሚደረገው ጦርነት እጅግ አሳዛኝ በሆነ መልኩ ሱዳንን እያወደማት ነው።
በሱዳን ፈጥኖ ደራሽ ሀይልና በሱዳን ጦር መካከል የሚደረገው መተላለቅ ቀጥሏል።

በሙሀመድ ሀምዳን ዳጌሎ የሚመራው የሱዳን ፈጥኖ ደራሽ ሀይል ካርቱምን ተቆጣጥሮ ያለ ሲሆን የሱዳን ጦር ደግሞ ኦምድሩማንን ይዞ በህዝቡ ላይ መአት እያፈሉ ቀጥለዋል። እነ ኢማራትም በሱዳን ህዝብ ስቃይ ላይ ነዳጅ ማርከፍከፋቸውን ቀጥለዋል።

#Seid_Mohammed_Alhabeshiy

ቴሌግራም
👉 t.me/Seidsocial