#አሹራ አላህ ነብዩላህ ሙሳን ከፊርአውን ነፃ ያወጣበትን የአሹራን ፆም እንድንፆም ነብያችን ሶለሏሁ አለይሂ ወሰለም ማዘዛቸው የሚያስተምረን ነገር እጅግ ትልቅ ነው።
የመጀመሪያው መቼምና የትም ቢሆን ከተገፊዎች ጋር መቆም ገፊዎችን ማውገዝ ኢስላማዊ ግደታ መሆኑን ያስተምረናል ። ነብያችን ሶለላሁ አለይሂ ወሰለም ተበዳይን ሲያዩ ወይንም ስለተበዳይ ሲሰሙ ካለምንም ቅድመ ሁኔታ ከጎኑ ይቆማሉ። ሙስሊም ባይሆን እንኳ ከተበዳይ ጎን ይቆማሉ።

ሌላኛው ለተበዳዮች ለመዝሉሞች ማዘን ለነርሱ መቆርቆር እነርሱን ማሰብና ስለነርሱ ማውሳት ትልቅ ምንዳ የሚያስገኝ ከአላህ ዘንዳም ሽልማቱ እጅግ ትልቅ መሆኑን የአሹራ ፆም ትልቅ አስረጂ ነው። አላህ ፊርአውን በሙሳ ላይ ያደረሰውን ግፍና ከዚያ ግፍም ነፃ የወጡበትን ክስተት በማስታወሳችን የአመት ወንጀል እንደሚማርልን ለነብያችን ቃል የገባበት አስደናቂ ነገር ነው።

ሌላኛው ትምህር ክስተቶች በተከሰቱበት ቀን ማስታወሱ ደግሞ ሸሪአ መሆኑን አመላካች ነው ። አላህም በቁርአኑ " በአላህ ቀናቶች አስታውሳቸው " ይላልና። እናም ውዱ ነብይ ወደ ሗላ በርካታ አመታትን ተመልሰው ስለዚያ የሙሳና የፊርአውን የጨቀኝና የተጨቋኝ ታሪክ አወሱን ።

እንግድህ እንዳለመታደል ሆኖ በዚህቹ ቀን የዚድ ቢን ሙአዊያ የተባለ አረመኔ ከቤተሰቦች ሁሉ ከዘሮች ሁሉ ምርጥ የነበሩት የነብያችንን ቤተሰቦች በበቀል ተነሳስቶ ከርበላእ ላይ አግቶ የጨረሳቸው። እናም ይህንን በአለም ከተፈፀሙ ግፎች ሁሉ ወደር የሌለውን አሳዛኝ የውዱ ነብይ ቤተሰቦች የመከራና የሀዘን ጊዜ እንዘክራለን ።
ሁለቱንም ክስተቶች ማስታወስ አይጋጭብንም እንደውም በጣም የተያያዙ ናቸው።

ኡመውዮች በኢስላም ላይ ከፈፀሙት በደል ቀዳሚ በሆነው በዚህ የነብያችንን ዘር የማጥፋት ዘመቻ የደረሰውን አሳዛኝ የነብያችን ቤተሰቦች እልቂት ፅናት ሶብር የነብያችንን አደራ የጀነት ወጣቶች አለቃ የነ ኢማም ሁሰይንን ገድልና የኢማን ልቅና እያወሳን እንቀጥላለን !

👉 t.me/Seidsocial